Dvadasha Jyotirlinga Stotram

ॐ

ദ്വാദശ ജ്യോതിര്ലിങ്ഗ സ്തോത്രമ്

Shiva Dwadasanamam Adi Shankaracharya Malayalam

ലഘു സ്തോത്രമ്

സൌരാഷ്ട്രേ സോമനാധഞ്ച ശ്രീശൈലേ മല്ലികാര്ജുനമ് ।

ഉജ്ജയിന്യാം മഹാകാലം ഓങ്കാരേത്വമാമലേശ്വരമ് ॥

പര്ല്യാം വൈദ്യനാധഞ്ച ഢാകിന്യാം ഭീമ ശങ്കരമ് ।

സേതുബന്ധേതു രാമേശം നാഗേശം ദാരുകാവനേ ॥

വാരണാശ്യാന്തു വിശ്വേശം ത്രയമ്ബകം ഗൌതമീതടേ ।

ഹിമാലയേതു കേദാരം ഘൃഷ്ണേശന്തു വിശാലകേ ॥

ഏതാനി ജ്യോതിര്ലിങ്ഗാനി സായം പ്രാതഃ പഠേന്നരഃ ।

സപ്ത ജന്മ കൃതം പാപം സ്മരണേന വിനശ്യതി ॥

സമ്പൂര്ണ സ്തോത്രമ്

സൌരാഷ്ട്രദേശേ വിശദേഽതിരമ്യേ ജ്യോതിര്മയം ചന്ദ്രകലാവതംസമ് ।

ഭക്തപ്രദാനായ കൃപാവതീര്ണം തം സോമനാഥം ശരണം പ്രപദ്യേ ॥ 1 ॥

ശ്രീശൈലശൃങ്ഗേ വിവിധപ്രസങ്ഗേ ശേഷാദ്രിശൃങ്ഗേഽപി സദാ വസന്തമ് ।

തമര്ജുനം മല്ലികപൂര്വമേനം നമാമി സംസാരസമുദ്രസേതുമ് ॥ 2 ॥

അവന്തികായാം വിഹിതാവതാരം മുക്തിപ്രദാനായ ച സജ്ജനാനാമ് ।

അകാലമൃത്യോഃ പരിരക്ഷണാര്ഥം വന്ദേ മഹാകാലമഹാസുരേശമ് ॥ 3 ॥

കാവേരികാനര്മദയോഃ പവിത്രേ സമാഗമേ സജ്ജനതാരണായ ।

സദൈവ മാന്ധാതൃപുരേ വസന്തം ഓങ്കാരമീശം ശിവമേകമീഡേ ॥ 4 ॥

പൂര്വോത്തരേ പ്രജ്വലികാനിധാനേ സദാ വസം തം ഗിരിജാസമേതമ് ।

സുരാസുരാരാധിതപാദപദ്മം ശ്രീവൈദ്യനാഥം തമഹം നമാമി ॥ 5 ॥

യം ഡാകിനിശാകിനികാസമാജേ നിഷേവ്യമാണം പിശിതാശനൈശ്ച ।

സദൈവ ഭീമാദിപദപ്രസിദ്ധം തം ശങ്കരം ഭക്തഹിതം നമാമി ॥ 6 ॥

ശ്രീതാമ്രപര്ണീജലരാശിയോഗേ നിബധ്യ സേതും വിശിഖൈരസങ്ഖ്യൈഃ ।

ശ്രീരാമചന്ദ്രേണ സമര്പിതം തം രാമേശ്വരാഖ്യം നിയതം നമാമി ॥ 7 ॥

യാമ്യേ സദങ്ഗേ നഗരേഽതിരമ്യേ വിഭൂഷിതാങ്ഗം വിവിധൈശ്ച ഭോഗൈഃ ।

സദ്ഭക്തിമുക്തിപ്രദമീശമേകം ശ്രീനാഗനാഥം ശരണം പ്രപദ്യേ ॥ 8 ॥

സാനന്ദമാനന്ദവനേ വസന്തം ആനന്ദകന്ദം ഹതപാപബൃന്ദമ് ।

വാരാണസീനാഥമനാഥനാഥം ശ്രീവിശ്വനാഥം ശരണം പ്രപദ്യേ ॥ 9 ॥

സഹ്യാദ്രിശീര്ഷേ വിമലേ വസന്തം ഗോദാവരിതീരപവിത്രദേശേ ।

യദ്ദര്ശനാത് പാതകം പാശു നാശം പ്രയാതി തം ത്ര്യമ്ബകമീശമീഡേ ॥ 10 ॥

മഹാദ്രിപാര്ശ്വേ ച തടേ രമന്തം സമ്പൂജ്യമാനം സതതം മുനീന്ദ്രൈഃ ।

സുരാസുരൈര്യക്ഷ മഹോരഗാഢ്യൈഃ കേദാരമീശം ശിവമേകമീഡേ ॥ 11 ॥

ഇലാപുരേ രമ്യവിശാലകേഽസ്മിന് സമുല്ലസന്തം ച ജഗദ്വരേണ്യമ് ।

വന്ദേ മഹോദാരതരസ്വഭാവം ഘൃഷ്ണേശ്വരാഖ്യം ശരണം പ്രപദ്യേ ॥ 12 ॥

ജ്യോതിര്മയദ്വാദശലിങ്ഗകാനാം ശിവാത്മനാം പ്രോക്തമിദം ക്രമേണ ।

സ്തോത്രം പഠിത്വാ മനുജോഽതിഭക്ത്യാ ഫലം തദാലോക്യ നിജം ഭജേച്ച ॥

Roman (IAST) Transliteration

laghu stotram

saurāṣṭre somanādhañca śrīśaile mallikārjunam |

ujjayinyāṃ mahākālaṃ oṅkāretvamāmaleśvaram ||

parlyāṃ vaidyanādhañca ḍhākinyāṃ bhīma śaṅkaram |

setubandhetu rāmeśaṃ nāgeśaṃ dārukāvane ||

vāraṇāśyāntu viśveśaṃ trayambakaṃ gautamītaṭe |

himālayetu kedāraṃ ghṛṣṇeśantu viśālake ||

etāni jyotirliṅgāni sāyaṃ prātaḥ paṭhennaraḥ |

sapta janma kṛtaṃ pāpaṃ smaraṇena vinaśyati ||

sampūrṇa stotram

saurāṣṭradeśe viśade'tiramye jyotirmayaṃ candrakalāvataṃsam |

bhaktapradānāya kṛpāvatīrṇaṃ taṃ somanāthaṃ śaraṇaṃ prapadye || 1 ||

śrīśailaśṛṅge vividhaprasaṅge śeṣādriśṛṅge'pi sadā vasantam |

tamarjunaṃ mallikapūrvamenaṃ namāmi saṃsārasamudrasetum || 2 ||

avantikāyāṃ vihitāvatāraṃ muktipradānāya ca sajjanānām |

akālamṛtyoḥ parirakṣaṇārthaṃ vande mahākālamahāsureśam || 3 ||

kāverikānarmadayoḥ pavitre samāgame sajjanatāraṇāya |

sadaiva māndhātṛpure vasantaṃ oṅkāramīśaṃ śivamekamīḍe || 4 ||

pūrvottare prajvalikānidhāne sadā vasaṃ taṃ girijāsametam |

surāsurārādhitapādapadmaṃ śrīvaidyanāthaṃ tamahaṃ namāmi || 5 ||

yaṃ ḍākiniśākinikāsamāje niṣevyamāṇaṃ piśitāśanaiśca |

sadaiva bhīmādipadaprasiddhaṃ taṃ śaṅkaraṃ bhaktahitaṃ namāmi || 6 ||

śrītāmraparṇījalarāśiyoge nibadhya setuṃ viśikhairasaṅkhyaiḥ |

śrīrāmacandreṇa samarpitaṃ taṃ rāmeśvarākhyaṃ niyataṃ namāmi || 7 ||

yāmye sadaṅge nagare'tiramye vibhūṣitāṅgaṃ vividhaiśca bhogaiḥ |

sadbhaktimuktipradamīśamekaṃ śrīnāganāthaṃ śaraṇaṃ prapadye || 8 ||

sānandamānandavane vasantaṃ ānandakandaṃ hatapāpabṛndam |

vārāṇasīnāthamanāthanāthaṃ śrīviśvanāthaṃ śaraṇaṃ prapadye || 9 ||

sahyādriśīrṣe vimale vasantaṃ godāvaritīrapavitradeśe |

yaddarśanāt pātakaṃ pāśu nāśaṃ prayāti taṃ tryambakamīśamīḍe || 10 ||

mahādripārśve ca taṭe ramantaṃ sampūjyamānaṃ satataṃ munīndraiḥ |

surāsurairyakṣa mahoragāḍhyaiḥ kedāramīśaṃ śivamekamīḍe || 11 ||

ilāpure ramyaviśālake'smin samullasantaṃ ca jagadvareṇyam |

vande mahodāratarasvabhāvaṃ ghṛṣṇeśvarākhyaṃ śaraṇaṃ prapadye || 12 ||

jyotirmayadvādaśaliṅgakānāṃ śivātmanāṃ proktamidaṃ krameṇa |

stotraṃ paṭhitvā manujo'tibhaktyā phalaṃ tadālokya nijaṃ bhajecca ||