Durga Kavacham (brahmanda Puranam)

ॐ

ദുര്ഗാ കവചമ് (ബ്രഹ്മാണ്ഡ പുരാണമ്)

Durga Kavacham Malayalam

നാരായണ ഉവാച ।

ഓം ദുര്ഗേതി ചതുര്ഥ്യന്തഃ സ്വാഹാന്തോ മേ ശിരോഽവതു ।

മന്ത്രഃ ഷഡക്ഷരോഽയം ച ഭക്താനാം കല്പപാദപഃ ॥ 1 ॥

വിചാരോ നാസ്തി വേദേഷു ഗ്രഹണേഽസ്യ മനോര്മുനേ ।

മന്ത്രഗ്രഹണമാത്രേണ വിഷ്ണുതുല്യോ ഭവേന്നരഃ ॥ 2 ॥

മമ വക്ത്രം സദാ പാതു ഓം ദുര്ഗായൈ നമോഽന്തതഃ ।

ഓം ദുര്ഗേ രക്ഷയതി ച കണ്ഠം പാതു സദാ മമ ॥ 3 ॥

ഓം ഹ്രീം ശ്രീമിതി മന്ത്രോഽയം സ്കന്ധം പാതു നിരന്തരമ് ।

ഹ്രീം ശ്രീം ക്ലീമിതി പൃഷ്ഠം ച പാതു മേ സര്വതഃ സദാ ॥ 4 ॥

ഹ്രീം മേ വക്ഷഃസ്ഥലം പാതു ഹസ്തം ശ്രീമിതി സന്തതമ് ।

ശ്രീം ഹ്രീം ക്ലീം പാതു സര്വാങ്ഗം സ്വപ്നേ ജാഗരണേ തഥാ ॥ 5 ॥

പ്രാച്യാം മാം പ്രകൃതിഃ പാതുഃ പാതു വഹ്നൌ ച ചണ്ഡികാ ।

ദക്ഷിണേ ഭദ്രകാലീ ച നൈരൃത്യാം ച മഹേശ്വരീ ॥ 6 ॥

വാരുണ്യാം പാതു വാരാഹീ വായവ്യാം സര്വമങ്ഗലാ ।

ഉത്തരേ വൈഷ്ണവീ പാതു തഥൈശാന്യാം ശിവപ്രിയാ ॥ 7 ॥

ജലേ സ്ഥലേ ചാന്തരിക്ഷേ പാതു മാം ജഗദമ്ബികാ ।

ഇതി തേ കഥിതം വത്സ കവചം ച സുദുര്ലഭമ് ॥ 8 ॥

യസ്മൈ കസ്മൈ ന ദാതവ്യം പ്രവക്തവ്യം ന കസ്യചിത് ।

ഗുരുമഭ്യര്ച്യ വിധിവദ്വസ്ത്രാലങ്കാരചന്ദനൈഃ ।

കവചം ധാരയേദ്യസ്തു സോഽപി വിഷ്ണുര്ന സംശയഃ ॥ 9 ॥

ഇതി ശ്രീബ്രഹ്മവൈവര്തേ മഹാപുരാണേ പ്രകൃതിഖണ്ഡേ നാരദനാരായണസംവാദേ ദുര്ഗോപാഖ്യാനേ സപ്തഷഷ്ടിതമോഽധ്യായേ ബ്രഹ്മാണ്ഡമോഹനം നാമ ശ്രീ ദുര്ഗാ കവചമ് ।

Roman (IAST) Transliteration

nārāyaṇa uvāca |

oṃ durgeti caturthyantaḥ svāhānto me śiro'vatu |

mantraḥ ṣaḍakṣaro'yaṃ ca bhaktānāṃ kalpapādapaḥ || 1 ||

vicāro nāsti vedeṣu grahaṇe'sya manormune |

mantragrahaṇamātreṇa viṣṇutulyo bhavennaraḥ || 2 ||

mama vaktraṃ sadā pātu oṃ durgāyai namo'ntataḥ |

oṃ durge rakṣayati ca kaṇṭhaṃ pātu sadā mama || 3 ||

oṃ hrīṃ śrīmiti mantro'yaṃ skandhaṃ pātu nirantaram |

hrīṃ śrīṃ klīmiti pṛṣṭhaṃ ca pātu me sarvataḥ sadā || 4 ||

hrīṃ me vakṣaḥsthalaṃ pātu hastaṃ śrīmiti santatam |

śrīṃ hrīṃ klīṃ pātu sarvāṅgaṃ svapne jāgaraṇe tathā || 5 ||

prācyāṃ māṃ prakṛtiḥ pātuḥ pātu vahnau ca caṇḍikā |

dakṣiṇe bhadrakālī ca nairṛtyāṃ ca maheśvarī || 6 ||

vāruṇyāṃ pātu vārāhī vāyavyāṃ sarvamaṅgalā |

uttare vaiṣṇavī pātu tathaiśānyāṃ śivapriyā || 7 ||

jale sthale cāntarikṣe pātu māṃ jagadambikā |

iti te kathitaṃ vatsa kavacaṃ ca sudurlabham || 8 ||

yasmai kasmai na dātavyaṃ pravaktavyaṃ na kasyacit |

gurumabhyarcya vidhivadvastrālaṅkāracandanaiḥ |

kavacaṃ dhārayedyastu so'pi viṣṇurna saṃśayaḥ || 9 ||

iti śrībrahmavaivarte mahāpurāṇe prakṛtikhaṇḍe nāradanārāyaṇasaṃvāde durgopākhyāne saptaṣaṣṭitamo'dhyāye brahmāṇḍamohanaṃ nāma śrī durgā kavacam |