Ashtavakra Gita Saptamo'dhyayah

ॐ

അഷ്ടാവക്ര ഗീതാ സപ്തമോഽധ്യായഃ

Gita Malayalam

ജനക ഉവാച ॥

മയ്യനന്തമഹാമ്ഭോധൌ വിശ്വപോത ഇതസ്തതഃ ।

ഭ്രമതി സ്വാന്തവാതേന ന മമാസ്ത്യസഹിഷ്ണുതാ ॥ 7-1॥

മയ്യനന്തമഹാമ്ഭോധൌ ജഗദ്വീചിഃ സ്വഭാവതഃ ।

ഉദേതു വാസ്തമായാതു ന മേ വൃദ്ധിര്ന ച ക്ഷതിഃ ॥ 7-2॥

മയ്യനന്തമഹാമ്ഭോധൌ വിശ്വം നാമ വികല്പനാ ।

അതിശാന്തോ നിരാകാര ഏതദേവാഹമാസ്ഥിതഃ ॥ 7-3॥

നാത്മാ ഭാവേഷു നോ ഭാവസ്തത്രാനന്തേ നിരഞ്ജനേ ।

ഇത്യസക്തോഽസ്പൃഹഃ ശാന്ത ഏതദേവാഹമാസ്ഥിതഃ ॥ 7-4॥

അഹോ ചിന്മാത്രമേവാഹമിന്ദ്രജാലോപമം ജഗത് ।

ഇതി മമ കഥം കുത്ര ഹേയോപാദേയകല്പനാ ॥ 7-5॥

Roman (IAST) Transliteration

janaka uvāca ||

mayyanantamahāmbhodhau viśvapota itastataḥ |

bhramati svāntavātena na mamāstyasahiṣṇutā || 7-1||

mayyanantamahāmbhodhau jagadvīciḥ svabhāvataḥ |

udetu vāstamāyātu na me vṛddhirna ca kṣatiḥ || 7-2||

mayyanantamahāmbhodhau viśvaṃ nāma vikalpanā |

atiśānto nirākāra etadevāhamāsthitaḥ || 7-3||

nātmā bhāveṣu no bhāvastatrānante nirañjane |

ityasakto'spṛhaḥ śānta etadevāhamāsthitaḥ || 7-4||

aho cinmātramevāhamindrajālopamaṃ jagat |

iti mama kathaṃ kutra heyopādeyakalpanā || 7-5||