Ashtavakra Gita Chaturtho'dhyayah

ॐ

അഷ്ടാവക്ര ഗീതാ ചതുര്ഥോഽധ്യായഃ

Gita Malayalam

ജനക ഉവാച ॥

ഹന്താത്മജ്ഞാനസ്യ ധീരസ്യ ഖേലതോ ഭോഗലീലയാ ।

ന ഹി സംസാരവാഹീകൈര്മൂഢൈഃ സഹ സമാനതാ ॥ 4-1॥

യത് പദം പ്രേപ്സവോ ദീനാഃ ശക്രാദ്യാഃ സര്വദേവതാഃ ।

അഹോ തത്ര സ്ഥിതോ യോഗീ ന ഹര്ഷമുപഗച്ഛതി ॥ 4-2॥

തജ്ജ്ഞസ്യ പുണ്യപാപാഭ്യാം സ്പര്ശോ ഹ്യന്തര്ന ജായതേ ।

ന ഹ്യാകാശസ്യ ധൂമേന ദൃശ്യമാനാപി സങ്ഗതിഃ ॥ 4-3॥

ആത്മൈവേദം ജഗത്സര്വം ജ്ഞാതം യേന മഹാത്മനാ ।

യദൃച്ഛയാ വര്തമാനം തം നിഷേദ്ധും ക്ഷമേത കഃ ॥ 4-4॥

ആബ്രഹ്മസ്തമ്ബപര്യന്തേ ഭൂതഗ്രാമേ ചതുര്വിധേ ।

വിജ്ഞസ്യൈവ ഹി സാമര്ഥ്യമിച്ഛാനിച്ഛാവിവര്ജനേ ॥ 4-5॥

ആത്മാനമദ്വയം കശ്ചിജ്ജാനാതി ജഗദീശ്വരമ് ।

യദ് വേത്തി തത്സ കുരുതേ ന ഭയം തസ്യ കുത്രചിത് ॥ 4-6॥

Roman (IAST) Transliteration

janaka uvāca ||

hantātmajñānasya dhīrasya khelato bhogalīlayā |

na hi saṃsāravāhīkairmūḍhaiḥ saha samānatā || 4-1||

yat padaṃ prepsavo dīnāḥ śakrādyāḥ sarvadevatāḥ |

aho tatra sthito yogī na harṣamupagacchati || 4-2||

tajjñasya puṇyapāpābhyāṃ sparśo hyantarna jāyate |

na hyākāśasya dhūmena dṛśyamānāpi saṅgatiḥ || 4-3||

ātmaivedaṃ jagatsarvaṃ jñātaṃ yena mahātmanā |

yadṛcchayā vartamānaṃ taṃ niṣeddhuṃ kṣameta kaḥ || 4-4||

ābrahmastambaparyante bhūtagrāme caturvidhe |

vijñasyaiva hi sāmarthyamicchānicchāvivarjane || 4-5||

ātmānamadvayaṃ kaścijjānāti jagadīśvaram |

yad vetti tatsa kurute na bhayaṃ tasya kutracit || 4-6||