📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
അഗസ്ത്യ കൃത ശ്രീ ലക്ഷ്മീ സ്തോത്രം
Agastya Krita Shri Lakshmi Stotram
Lakshmi Stotram Agastya Malayalam
ജയ പദ്മപലാശാക്ഷി ജയ ത്വം ശ്രീപതിപ്രിയേ ।
ജയ മാതര്മഹാലക്ഷ്മി സംസാരാര്ണവതാരിണി ॥ 1 ॥
മഹാലക്ഷ്മി നമസ്തുഭ്യം നമസ്തുഭ്യം സുരേശ്വരി ।
ഹരിപ്രിയേ നമസ്തുഭ്യം നമസ്തുഭ്യം ദയാനിധേ ॥ 2 ॥
പദ്മാലയേ നമസ്തുഭ്യം നമസ്തുഭ്യം ച സര്വദേ ।
സര്വഭൂതഹിതാര്ഥായ വസുവൃഷ്ടിം സദാ കുരു ॥ 3 ॥
ജഗന്മാതര്നമസ്തുഭ്യം നമസ്തുഭ്യം ദയാനിധേ ।
ദയാവതി നമസ്തുഭ്യം വിശ്വേശ്വരി നമോഽസ്തു തേ ॥ 4 ॥
നമഃ ക്ഷീരാര്ണവസുതേ നമസ്ത്രൈലോക്യധാരിണി ।
വസുവൃഷ്ടേ നമസ്തുഭ്യം രക്ഷ മാം ശരണാഗതമ് ॥ 5 ॥
രക്ഷ ത്വം ദേവദേവേശി ദേവദേവസ്യ വല്ലഭേ ।
ദാരിദ്ര്യാത്ത്രാഹി മാം ലക്ഷ്മി കൃപാം കുരു മമോപരി ॥ 6 ॥
നമസ്ത്രൈലോക്യജനനി നമസ്ത്രൈലോക്യപാവനി ।
ബ്രഹ്മാദയോ നമന്തി ത്വാം ജഗദാനന്ദദായിനി ॥ 7 ॥
വിഷ്ണുപ്രിയേ നമസ്തുഭ്യം നമസ്തുഭ്യം ജഗദ്ധിതേ ।
ആര്തിഹന്ത്രി നമസ്തുഭ്യം സമൃദ്ധിം കുരു മേ സദാ ॥ 8 ॥
അബ്ജവാസേ നമസ്തുഭ്യം ചപലായൈ നമോ നമഃ ।
ചഞ്ചലായൈ നമസ്തുഭ്യം ലലിതായൈ നമോ നമഃ ॥ 9 ॥
നമഃ പ്രദ്യുമ്നജനനി മാതസ്തുഭ്യം നമോ നമഃ ।
പരിപാലയ മാം മാതഃ മാം തുഭ്യം ശരണാഗതമ് ॥ 10 ॥
ശരണ്യേ ത്വാം പ്രപന്നോഽസ്മി കമലേ കമലാലയേ ।
ത്രാഹി ത്രാഹി മഹാലക്ഷ്മി പരിത്രാണപരായണേ ॥ 11 ॥
പാണ്ഡിത്യം ശോഭതേ നൈവ ന ശോഭന്തേ ഗുണാ നരേ ।
ശീലത്വം നൈവ ശോഭേത മഹാലക്ഷ്മി ത്വയാ വിനാ ॥ 12 ॥
താവദ്വിരാജതേ രൂപം താവച്ഛീലം വിരാജതേ ।
താവദ്ഗുണാ നരാണാം ച യാവല്ലക്ഷ്മീഃ പ്രസീദതി ॥ 13 ॥
ലക്ഷ്മി ത്വയാഽലങ്കൃതമാനവാ യേ
പാപൈര്വിമുക്താ നൃപലോകമാന്യാഃ ।
ഗുണൈര്വിഹീനാ ഗുണിനോ ഭവന്തി
ദുശ്ശീലിനഃ ശീലവതാം വരിഷ്ഠാഃ ॥ 14 ॥
ലക്ഷ്മീര്ഭൂഷയതേ രൂപം ലക്ഷ്മീര്ഭൂഷയതേ കുലമ് ।
ലക്ഷ്മീര്ഭൂഷയതേ വിദ്യാം സര്വാ ലക്ഷ്മീര്വിശിഷ്യതേ ॥ 15 ॥
ലക്ഷ്മീ ത്വദ്ഗുണകീര്തനേന കമലാ ഭൂര്യാത്യലം ജിഹ്മതാമ്
രുദ്രാദ്യാ രവിചന്ദ്രദേവപതയോ വക്തും ച നൈവ ക്ഷമാഃ ।
അസ്മാഭിസ്തവ രൂപലക്ഷണഗുണാന്വക്തും കഥം ശക്യതേ
മാതര്മാം പരിപാഹി വിശ്വജനനീ കൃത്വാ മമേഷ്ടം ധ്രുവമ് ॥ 16 ॥
ദീനാര്തിഭീതം ഭവതാപപീഡിതം
ധനൈര്വിഹീനം തവ പാര്ശ്വമാഗതമ് ।
കൃപാനിധിത്വാന്മമ ലക്ഷ്മി സത്വരം
ധനപ്രദാനാദ്ധനനായകം കുരു ॥ 17 ॥
മാം വിലോക്യ ജനനീ ഹരിപ്രിയേ
നിര്ധനം തവ സമീപമാഗതമ് ।
ദേഹി മേ ഝടിതി ലക്ഷ്മി കരാഗ്രം
വസ്ത്രകാഞ്ചനവരാന്നമദ്ഭുതമ് ॥ 18 ॥
ത്വമേവ ജനനീ ലക്ഷ്മീഃ പിതാ ലക്ഷ്മീസ്ത്വമേവ ച ।
ഭ്രാതാ ത്വം ച സഖാ ലക്ഷ്മീര്വിദ്യാ ലക്ഷ്മീസ്ത്വമേവ ച ॥ 19 ॥
ത്രാഹി ത്രാഹി മഹാലക്ഷ്മി ത്രാഹി ത്രാഹി സുരേശ്വരി ।
ത്രാഹി ത്രാഹി ജഗന്മാതഃ ദാരിദ്ര്യാത്ത്രാഹി വേഗതഃ ॥ 20 ॥
നമസ്തുഭ്യം ജഗദ്ധാത്രി നമസ്തുഭ്യം നമോ നമഃ ।
ധര്മാധാരേ നമസ്തുഭ്യം നമഃ സമ്പത്തിദായിനീ ॥ 21 ॥
ദാരിദ്ര്യാര്ണവമഗ്നോഽഹം നിമഗ്നോഽഹം രസാതലേ ।
മജ്ജന്തം മാം കരേ ധൃത്വാ തൂദ്ധര ത്വം രമേ ദ്രുതമ് ॥ 22 ॥
കിം ലക്ഷ്മി ബഹുനോക്തേന ജല്പിതേന പുനഃ പുനഃ ।
അന്യന്മേ ശരണം നാസ്തി സത്യം സത്യം ഹരിപ്രിയേ ॥ 23 ॥
ഏതച്ഛ്രുത്വാഽഗസ്ത്യവാക്യം ഹൃഷ്യമാണാ ഹരിപ്രിയാ ।
ഉവാച മധുരാം വാണീം തുഷ്ടാഽഹം തവ സര്വദാ ॥ 24 ॥
ശ്രീലക്ഷ്മീരുവാച ।
യത്ത്വയോക്തമിദം സ്തോത്രം യഃ പഠിഷ്യതി മാനവഃ ।
ശൃണോതി ച മഹാഭാഗസ്തസ്യാഹം വശവര്തിനീ ॥ 25 ॥
നിത്യം പഠതി യോ ഭക്ത്യാ ത്വലക്ഷ്മീസ്തസ്യ നശ്യതി ।
ഋണം ച നശ്യതേ തീവ്രം വിയോഗം നൈവ പശ്യതി ॥ 26 ॥
യഃ പഠേത്പ്രാതരുത്ഥായ ശ്രദ്ധാഭക്തിസമന്വിതഃ ।
ഗൃഹേ തസ്യ സദാ തിഷ്ടേന്നിത്യം ശ്രീഃ പതിനാ സഹ ॥ 27 ॥
സുഖസൌഭാഗ്യസമ്പന്നോ മനസ്വീ ബുദ്ധിമാന്ഭവേത് ।
പുത്രവാന് ഗുണവാന് ശ്രേഷ്ഠോ ഭോഗഭോക്താ ച മാനവഃ ॥ 28 ॥
ഇദം സ്തോത്രം മഹാപുണ്യം ലക്ഷ്മ്യാഗസ്ത്യപ്രകീര്തിതമ് ।
വിഷ്ണുപ്രസാദജനനം ചതുര്വര്ഗഫലപ്രദമ് ॥ 29 ॥
രാജദ്വാരേ ജയശ്ചൈവ ശത്രോശ്ചൈവ പരാജയഃ ।
ഭൂതപ്രേതപിശാചാനാം വ്യാഘ്രാണാം ന ഭയം തഥാ ॥ 30 ॥
ന ശസ്ത്രാനലതോയൌഘാദ്ഭയം തസ്യ പ്രജായതേ ।
ദുര്വൃത്താനാം ച പാപാനാം ബഹുഹാനികരം പരമ് ॥ 31 ॥
മന്ദുരാകരിശാലാസു ഗവാം ഗോഷ്ഠേ സമാഹിതഃ ।
പഠേത്തദ്ദോഷശാന്ത്യര്ഥം മഹാപാതകനാശനമ് ॥ 32 ॥
സര്വസൌഖ്യകരം നൄണാമായുരാരോഗ്യദം തഥാ ।
അഗസ്ത്യമുനിനാ പ്രോക്തം പ്രജാനാം ഹിതകാമ്യയാ ॥ 33 ॥
ഇത്യഗസ്ത്യവിരചിതം ശ്രീ ലക്ഷ്മീ സ്തോത്രമ് ।
Roman (IAST) Transliteration
jaya padmapalāśākṣi jaya tvaṃ śrīpatipriye |
jaya mātarmahālakṣmi saṃsārārṇavatāriṇi || 1 ||
mahālakṣmi namastubhyaṃ namastubhyaṃ sureśvari |
haripriye namastubhyaṃ namastubhyaṃ dayānidhe || 2 ||
padmālaye namastubhyaṃ namastubhyaṃ ca sarvade |
sarvabhūtahitārthāya vasuvṛṣṭiṃ sadā kuru || 3 ||
jaganmātarnamastubhyaṃ namastubhyaṃ dayānidhe |
dayāvati namastubhyaṃ viśveśvari namo'stu te || 4 ||
namaḥ kṣīrārṇavasute namastrailokyadhāriṇi |
vasuvṛṣṭe namastubhyaṃ rakṣa māṃ śaraṇāgatam || 5 ||
rakṣa tvaṃ devadeveśi devadevasya vallabhe |
dāridryāttrāhi māṃ lakṣmi kṛpāṃ kuru mamopari || 6 ||
namastrailokyajanani namastrailokyapāvani |
brahmādayo namanti tvāṃ jagadānandadāyini || 7 ||
viṣṇupriye namastubhyaṃ namastubhyaṃ jagaddhite |
ārtihantri namastubhyaṃ samṛddhiṃ kuru me sadā || 8 ||
abjavāse namastubhyaṃ capalāyai namo namaḥ |
cañcalāyai namastubhyaṃ lalitāyai namo namaḥ || 9 ||
namaḥ pradyumnajanani mātastubhyaṃ namo namaḥ |
paripālaya māṃ mātaḥ māṃ tubhyaṃ śaraṇāgatam || 10 ||
śaraṇye tvāṃ prapanno'smi kamale kamalālaye |
trāhi trāhi mahālakṣmi paritrāṇaparāyaṇe || 11 ||
pāṇḍityaṃ śobhate naiva na śobhante guṇā nare |
śīlatvaṃ naiva śobheta mahālakṣmi tvayā vinā || 12 ||
tāvadvirājate rūpaṃ tāvacchīlaṃ virājate |
tāvadguṇā narāṇāṃ ca yāvallakṣmīḥ prasīdati || 13 ||
lakṣmi tvayā'laṅkṛtamānavā ye
pāpairvimuktā nṛpalokamānyāḥ |
guṇairvihīnā guṇino bhavanti
duśśīlinaḥ śīlavatāṃ variṣṭhāḥ || 14 ||
lakṣmīrbhūṣayate rūpaṃ lakṣmīrbhūṣayate kulam |
lakṣmīrbhūṣayate vidyāṃ sarvā lakṣmīrviśiṣyate || 15 ||
lakṣmī tvadguṇakīrtanena kamalā bhūryātyalaṃ jihmatām
rudrādyā ravicandradevapatayo vaktuṃ ca naiva kṣamāḥ |
asmābhistava rūpalakṣaṇaguṇānvaktuṃ kathaṃ śakyate
mātarmāṃ paripāhi viśvajananī kṛtvā mameṣṭaṃ dhruvam || 16 ||
dīnārtibhītaṃ bhavatāpapīḍitaṃ
dhanairvihīnaṃ tava pārśvamāgatam |
kṛpānidhitvānmama lakṣmi satvaraṃ
dhanapradānāddhananāyakaṃ kuru || 17 ||
māṃ vilokya jananī haripriye
nirdhanaṃ tava samīpamāgatam |
dehi me jhaṭiti lakṣmi karāgraṃ
vastrakāñcanavarānnamadbhutam || 18 ||
tvameva jananī lakṣmīḥ pitā lakṣmīstvameva ca |
bhrātā tvaṃ ca sakhā lakṣmīrvidyā lakṣmīstvameva ca || 19 ||
trāhi trāhi mahālakṣmi trāhi trāhi sureśvari |
trāhi trāhi jaganmātaḥ dāridryāttrāhi vegataḥ || 20 ||
namastubhyaṃ jagaddhātri namastubhyaṃ namo namaḥ |
dharmādhāre namastubhyaṃ namaḥ sampattidāyinī || 21 ||
dāridryārṇavamagno'haṃ nimagno'haṃ rasātale |
majjantaṃ māṃ kare dhṛtvā tūddhara tvaṃ rame drutam || 22 ||
kiṃ lakṣmi bahunoktena jalpitena punaḥ punaḥ |
anyanme śaraṇaṃ nāsti satyaṃ satyaṃ haripriye || 23 ||
etacchrutvā'gastyavākyaṃ hṛṣyamāṇā haripriyā |
uvāca madhurāṃ vāṇīṃ tuṣṭā'haṃ tava sarvadā || 24 ||
śrīlakṣmīruvāca |
yattvayoktamidaṃ stotraṃ yaḥ paṭhiṣyati mānavaḥ |
śṛṇoti ca mahābhāgastasyāhaṃ vaśavartinī || 25 ||
nityaṃ paṭhati yo bhaktyā tvalakṣmīstasya naśyati |
ṛṇaṃ ca naśyate tīvraṃ viyogaṃ naiva paśyati || 26 ||
yaḥ paṭhetprātarutthāya śraddhābhaktisamanvitaḥ |
gṛhe tasya sadā tiṣṭennityaṃ śrīḥ patinā saha || 27 ||
sukhasaubhāgyasampanno manasvī buddhimānbhavet |
putravān guṇavān śreṣṭho bhogabhoktā ca mānavaḥ || 28 ||
idaṃ stotraṃ mahāpuṇyaṃ lakṣmyāgastyaprakīrtitam |
viṣṇuprasādajananaṃ caturvargaphalapradam || 29 ||
rājadvāre jayaścaiva śatroścaiva parājayaḥ |
bhūtapretapiśācānāṃ vyāghrāṇāṃ na bhayaṃ tathā || 30 ||
na śastrānalatoyaughādbhayaṃ tasya prajāyate |
durvṛttānāṃ ca pāpānāṃ bahuhānikaraṃ param || 31 ||
mandurākariśālāsu gavāṃ goṣṭhe samāhitaḥ |
paṭhettaddoṣaśāntyarthaṃ mahāpātakanāśanam || 32 ||
sarvasaukhyakaraṃ nṝṇāmāyurārogyadaṃ tathā |
agastyamuninā proktaṃ prajānāṃ hitakāmyayā || 33 ||
ityagastyaviracitaṃ śrī lakṣmī stotram |
InfoLyter.in — Sacred Vedic Knowledge Portal · Free forever