Shiva Ashtottara Shata Nama Stotram

ॐ

शिव अष्टोत्तर शत नाम स्तोत्रम्

Shiva Ashtottara Sata Namavali Devanagari

शिवो महेश्वर-श्शम्भुः पिनाकी शशिशेखरः

वामदेवो विरूपाक्षः कपर्दी नीललोहितः ॥ 1 ॥

शङ्कर-श्शूलपाणिश्च खट्वाङ्गी विष्णुवल्लभः

शिपिविष्टोऽम्बिकानाथः श्रीकण्ठो भक्तवत्सलः ॥ 2 ॥

भव-श्शर्व-स्त्रिलोकेशः शितिकण्ठः शिवाप्रियः

उग्रः कपाली कामारि रन्धकासुरसूदनः ॥ 3 ॥

गङ्गाधरो ललाटाक्षः कालकालः कृपानिधिः

भीमः परशुहस्तश्च मृगपाणि-र्जटाधरः ॥ 4 ॥

कैलासवासी कवची कठोर-स्त्रिपुरान्तकः

वृषाङ्को वृषभारूढो भस्मोद्धूलितविग्रहः ॥ 5 ॥

सामप्रिय-स्स्वरमय-स्त्रयीमूर्ति-रनीश्वरः

सर्वज्ञः परमात्मा च सोमसूर्याग्निलोचनः ॥ 6 ॥

हवि-र्यज्ञमय-स्सोमः पञ्चवक्त्र-स्सदाशिवः

विश्वेश्वरो वीरभद्रो गणनाथः प्रजापतिः ॥ 7 ॥

हिरण्यरेता दुर्धर्षो गिरीशो गिरिशोऽनघः

भुजङ्गभूषणो भर्गो गिरिधन्वा गिरिप्रियः ॥ 8 ॥

कृत्तिवासाः पुराराति-र्भगवान् प्रमथाधिपः

मृत्युञ्जय-स्सूक्ष्मतनु-र्जगद्व्यापी जगद्गुरुः ॥ 9 ॥

व्योमकेशो महासेनजनक-श्चारुविक्रमः

रुद्रो भूतपतिः स्थाणु-रहिर्भुध्न्यो दिगम्बरः ॥ 10 ॥

अष्टमूर्ति-रनेकात्मा सात्त्विक-श्शुद्धविग्रहः

शाश्वतः खण्डपरशु-रजः पाशविमोचकः ॥ 11 ॥

मृडः पशुपति-र्देवो महादेवोऽव्ययो हरिः

पूषदन्तभि-दव्यग्रो दक्षाध्वरहरो हरः ॥ 12 ॥

भगनेत्रभि-दव्यक्तो सहस्राक्ष-स्सहस्रपात्

अपवर्गप्रदोऽनन्त-स्तारकः परमेश्वरः ॥ 13 ॥

एवं श्री शम्भुदेवस्य नाम्नामष्टोत्तरं शतम् ॥

इति श्री शिवाष्टोत्तरशतनामस्तोत्ररत्नं समाप्तम् ।

Roman (IAST) Transliteration

śivo maheśvara-śśambhuḥ pinākī śaśiśekharaḥ

vāmadevo virūpākṣaḥ kapardī nīlalohitaḥ || 1 ||

śaṅkara-śśūlapāṇiśca khaṭvāṅgī viṣṇuvallabhaḥ

śipiviṣṭo'mbikānāthaḥ śrīkaṇṭho bhaktavatsalaḥ || 2 ||

bhava-śśarva-strilokeśaḥ śitikaṇṭhaḥ śivāpriyaḥ

ugraḥ kapālī kāmāri randhakāsurasūdanaḥ || 3 ||

gaṅgādharo lalāṭākṣaḥ kālakālaḥ kṛpānidhiḥ

bhīmaḥ paraśuhastaśca mṛgapāṇi-rjaṭādharaḥ || 4 ||

kailāsavāsī kavacī kaṭhora-stripurāntakaḥ

vṛṣāṅko vṛṣabhārūḍho bhasmoddhūlitavigrahaḥ || 5 ||

sāmapriya-ssvaramaya-strayīmūrti-ranīśvaraḥ

sarvajñaḥ paramātmā ca somasūryāgnilocanaḥ || 6 ||

havi-ryajñamaya-ssomaḥ pañcavaktra-ssadāśivaḥ

viśveśvaro vīrabhadro gaṇanāthaḥ prajāpatiḥ || 7 ||

hiraṇyaretā durdharṣo girīśo giriśo'naghaḥ

bhujaṅgabhūṣaṇo bhargo giridhanvā giripriyaḥ || 8 ||

kṛttivāsāḥ purārāti-rbhagavān pramathādhipaḥ

mṛtyuñjaya-ssūkṣmatanu-rjagadvyāpī jagadguruḥ || 9 ||

vyomakeśo mahāsenajanaka-ścāruvikramaḥ

rudro bhūtapatiḥ sthāṇu-rahirbhudhnyo digambaraḥ || 10 ||

aṣṭamūrti-ranekātmā sāttvika-śśuddhavigrahaḥ

śāśvataḥ khaṇḍaparaśu-rajaḥ pāśavimocakaḥ || 11 ||

mṛḍaḥ paśupati-rdevo mahādevo'vyayo hariḥ

pūṣadantabhi-davyagro dakṣādhvaraharo haraḥ || 12 ||

bhaganetrabhi-davyakto sahasrākṣa-ssahasrapāt

apavargaprado'nanta-stārakaḥ parameśvaraḥ || 13 ||

evaṃ śrī śambhudevasya nāmnāmaṣṭottaraṃ śatam ||

iti śrī śivāṣṭottaraśatanāmastotraratnaṃ samāptam |