6.28 Yuddhakanda - Ashtavimsha Sargah

ॐ

6.28 ಯುದ್ಧಕಾಣ್ಡ - ಅಷ್ಟಾವಿಂಶ ಸರ್ಗಃ

Valmiki Kannada

ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।

ಅಥ ಅಷ್ಟಾವಿಂಶಸ್ಸರ್ಗಃ ।

ಸಾರಾಣಸ್ಯವಚಶ್ಶ್ರುತ್ವಾರಾವಣಂರಾಕ್ಷಸಾಧಿಪಮ್ ।

ಬಲಮಾದಿಶ್ಯತತ್ಸರ್ವಂಶುಕೋವಾಕ್ಯಮಥಾಬ್ರವೀತ್ ॥ 1 ॥

ಸ್ಥಿತಾನ್ಪಶ್ಯಸಿಯಾನೇತಾನ್ಮತ್ತಾನಿವಮಹಾದ್ವಿಪಾನ್ ।

ನ್ಯಗ್ರೋಧಾನಿವಗಾಙ್ಗೇಯಾನ್ ಸಾಲಾನ್ ಹೈಮವತಾನಿವ ॥ 2 ॥

ಏತೇದುಷ್ಪ್ರಸಹಾರಾಜನ್ಬಲಿನಃಕಾಮರೂಪಿಣಃ ।

ದೈತ್ಯದಾನವಸಙ್ಕಾಶಾಯುದ್ಧೇದೇವಪರಾಕ್ರಮಾಃ ॥ 3 ॥

ಏಷಾಙ್ಕೋಟಿಸಹಸ್ರಾಣಿನವಪಞ್ಚಚಸಪ್ತಚ ।

ತಥಾಶಙ್ಖುಸಹಸ್ರಾಣಿತಥಾಬೃನ್ದಶತಾನಿಚ ॥ 4 ॥

ಏತೇಸುಗ್ರೀವಸಚಿವಾಃಕಿಷ್ಕಿನ್ಧಾನಿಲಯಾಸ್ಸದಾ ।

ಹರಯೋದೇವಗನ್ಧರ್ವೈರುತ್ಪನ್ನಾಃಕಾಮರೂಪಿಣಃ ॥ 5 ॥

ಯೌತೌಪಶ್ಯಸಿತಿಷ್ಠನ್ತೌಕುಮಾರೌದೇವರೂಪಿಣೌ ।

ಮೈನ್ದಶ್ಚದ್ವಿವಿದಶ್ಚೋಭೌತಾಭ್ಯಾನ್ನಾಸ್ತಿಸಮೋಯುಧಿ ॥ 6 ॥

ಬ್ರಾಹ್ಮಣಾಸಮಮಜ್ಞಾತಾವಮೃತಪ್ರಾಶಿನಾಪುಭೌ ।

ಆಶಂಸೇತೇಯುಥಾಲಙ್ಕಾಮೇತೌಮರ್ದಿತುಮೋಜಸಾ ॥ 7 ॥

ಯನ್ತುಪಶ್ಯಸಿತಿಷ್ಟನ್ತಮ್ಪ್ರಭಿನ್ನಮಿವಕುಞ್ಜರಮ್ ।

ಯೋಬಲಾತ್ ಕ್ಷೋಭಯೇತ್ ಕ್ರುದ್ಧಸ್ಸಮುದ್ರಮಪಿವಾನರಃ ॥ 8 ॥

ಏಷೋಽಭಿಗನ್ತಾಲಙ್ಕಾಯಾವೈದೇಹ್ಯಾಸ್ತವಚಪ್ರಭೋಃ ।

ಏನಮ್ಪಶ್ಯಪುರಾದೃಷ್ಟಂವಾನರಮ್ಪುನರಾಗತಮ್ ॥ 9 ॥

ಜ್ಯೇಷ್ಠಃ ಕೇಸರಿಣಃ ಪುತ್ರೋ ವಾತ ಆತ್ಮಜ ಇತಿ ಶ್ರುತಃ ।

ಹನೂಮಾನ್ ಇತಿ ವಿಖ್ಯಾತೋ ಲನ್ಘಿತೋ ಯೇನ ಸಾಗರಃ ॥ 10 ॥

ಕಾಮರೂಪೀಹರಿಶ್ರೇಷ್ಟೋಬಲರೂಪಸಮನ್ವಿತಃ ।

ಅನಿವಾರ್ಯಗತಿಶ್ಚೈವಯಥಾಸತತಗಃಪ್ರಭುಃ ॥ 11 ॥

ಉದ್ಯನ್ತಭಾಸ್ಕರನ್ದೃಷ್ಟವಾಬಾಲಃಕಿಲಪಿಪಾಸಿತಃ ।

ತ್ರಿಯೋಜನಸಹಸ್ರನ್ತುಅಧ್ವಾನಮವತೀರ್ಯಹಿ ॥ 12 ॥

ಆದಿತ್ಯಮಾಹರಿಷ್ಯಾಮಿನಮೇಕ್ಷುತ್ಪ್ರತಿಯಾಸ್ಯತಿ ।

ಇತಿಸಞ್ಚಿನ್ತ್ಯಮನಸಾಪುರೈಷಬಲದರ್ಪಿತಃ ॥ 13 ॥

ಅನಾಧೃಷ್ಯತಮನ್ದೇವಮಪಿದೇವರ್ಷಿದಾನವೈಃ ।

ಅನಾಸಾಘೈವಪತಿತೋಭಾಸ್ಕರೋದಯನೇಗಿರೌ ॥ 14 ॥

ಪತಿತಸ್ಯಕಪೇರಸ್ಯಹನುರೇಕಾಶಿಲಾತಲೇ ।

ಕಿಞ್ಚಿದ್ಭಿನ್ನಾದೃಢಹನೋರ್ಹನೂಮಾನೇಷತೇನವೈ ॥ 15 ॥

ಸತ್ಯಮಾಗಮಯೋಗೇನಮಮೈಷವಿದಿತೋಹರಿಃ ।

ನಾಸ್ಯಶಕ್ಯಮ್ಬಲಂರೂಪಮ್ಪ್ರಭಾವೋವಾಽಪಿಭಾಷಿತಮ್ ॥ 16 ॥

ಏಷಆಶಂಸತೇಲಙ್ಕಾಮೇಕೋಮರ್ದಿತುಮೋಜಸಾ ।

ಯೇವಜಾಜ್ವಲ್ಯತೇಽಪೌವೈಧೂಮಕೇತುಸ್ತವಾದ್ಯವೈ ॥ 17 ॥

ಲಙ್ಕಾಯಾನ್ನಿಹಿತಶ್ಚಾಪಿಕಥಂವಿಸ್ಮರಸೇಕಪಿಮ್ ।

ಯಶ್ಚೈಷೋಽನನ್ತರಶ್ಶೂರಶ್ಶ್ಯಾಮಃಪದ್ಮನಿಭೇಕ್ಷಣಃ ।

ಇಕ್ಷ್ವಾಕೂಣಾಮತಿರಥೋಲೋಕೇವಿಖ್ಯಾತಪೌರುಷ ॥ 18 ॥

ಯಸ್ಮಿನ್ನಚಲತೇಧರ್ಮೋಯೋಧರ್ಮನ್ನಾತಿವರ್ತತೇ ।

ಯೋಬ್ರಾಹ್ಮಮಸ್ತ್ರಂವೇದಾಂಶ್ಚವೇದವೇದವಿದಾಂವರಃ ॥ 19 ॥

ಯೋಭಿನ್ದ್ಯಾದ್ಗಗನಮ್ಬಾಣೈಃಪರ್ವತಾಂಶ್ಚಾಪಿದಾರಯೇತ್ ।

ಯಸ್ಯಮೃತ್ಯೋರಿವಕ್ರೋಧಶ್ಶಕ್ರಸ್ಯೇವಪರಾಕ್ರಮಃ ॥ 20 ॥

ಯಸ್ಯಭಾರ್ಯಾಜನಸ್ಥಾನಾತ್ಸೀತಾಚಾಪಿಹೃತಾತ್ವಯಾ ।

ಸಏಷರಾಮಸ್ತ್ವಾಂಯೋದ್ಧುಂರಾಜನ್ಸಮಭಿವರ್ತತೇ ॥ 21 ॥

ಯಸ್ಯೈಷದಕ್ಷಿಣೇಪಾರ್ಶ್ವೇಶುದ್ಧಜಾಮ್ಬೂನದಪ್ರಭಃ ।

ವಿಶಾಲವಕ್ಷಾಸ್ತಾಮ್ರಾಕ್ಷೋನೀಲಕುಞ್ಜಿತಮೂರ್ಧಜಃ ॥ 22 ॥

ಏಷೋಽಸ್ಯಲಕ್ಷ್ಮಣೋನಾಮಭ್ರಾತಾಪ್ರಾಣಸಮಃಪ್ರಿಯಃ ।

ನಯೇಯುದ್ಧೇಚಕುಶಲಸ್ಸರ್ವಶಸ್ತ್ರಭೃತಂವರಃ ॥ 23 ॥

ಅಮರ್ಷೀದುರ್ಜಯೋಜೇತಾವಿಕ್ರಾನ್ತೋಬುದ್ಧಿಮಾನ್ ಬಲೀ ।

ರಾಮಸ್ಯದಕ್ಷಿಣೋಬಾಹುರ್ನಿತ್ಯಮ್ಪ್ರಾಣೋಬಹಿಶ್ಚರಃ ॥ 24 ॥

ನಹ್ಯೇಷರಾಘವಸ್ಯಾರ್ಥೇಜೀವಿತಮ್ಪರಿರಕ್ಷತಿ ।

ಏಷೈವಾಶಂಸತೇಯುದ್ಧೇನಿಹನ್ತುಂಸರ್ವರಾಕ್ಷಸಾನ್ ॥ 25 ॥

ಯಸ್ತುಸವ್ಯಮಸೌಪಕ್ಷಂರಾಮಸ್ಯಾಶ್ರಿತ್ಯತಿಷ್ಠತಿ ।

ರಕ್ಷೋಗಣಪರಿಕ್ಷಿಪ್ತೋರಾಜಾಹ್ಯೇಷವಿಭೀಷಣಃ ॥ 26 ॥

ಶ್ರೀಮತಾರಾಜರಾಜೇನಲಙ್ಕಾಯಾಮಭಿಷೇಚಿತಃ ।

ತ್ವಾಮೇವಪ್ರತಿಸಂರಬ್ದೋಯುದ್ಧಾಯೈಷೋಽಭಿವರ್ತತೇ ॥ 27 ॥

ಯನ್ತುಪಸ್ಯಸಿತಿಷ್ಠನ್ತಮ್ಮಧ್ಯೇಗಿರಿಮಿವಾಚಲಮ್ ।

ಸರ್ವಶಾಖಾಮೃಗೇನ್ದ್ರಾಣಾಮ್ಭರ್ತಾರಮಮಿತೌಜಸಮ್ ॥ 28 ॥

ತೇಜಯಶಸಾಬುದ್ ಧ್ಯಾಜ್ಞಾನೇನಾಭಿಜನೇನಚ ।

ಯಃಕಪೀನತಿಬಭ್ರಾಜಹಿಮವಾನಿವಪರ್ವತಾನ್ ॥ 29 ॥

ಕಿಷ್ಕಿನ್ಧಾಂಯಸ್ಸಮಧ್ಯಾಸ್ತೇಗುಹಾಂಸಗಹನದ್ರುಮಾಮ್ ।

ದುರ್ಗಾಮ್ಪರ್ವತದುರ್ಗಸ್ತಾಮ್ಪ್ರಧಾನೈಸ್ಸಹಯೂಥಪೈಃ ॥ 30 ॥

ಯಸ್ಯೈಷಾಕಾಞ್ಚನೀಮಾಲಾಶೋಭಿತೇಶತಪುಷ್ಕರಾ ।

ಕಾನ್ತಾದೇವಮನುಷ್ಯಾಣಾಂಯಸ್ಯಾಂಲಕ್ಷ್ಮೀಪ್ರತಿಷ್ಠಿತಾ ॥ 31 ॥

ಏತಾಞ್ಚಮಾಲಾನ್ತಾರಾಞ್ಚಕಪಿರಾಜ್ಯಞ್ಚಶಾಶ್ವತಮ್ ।

ಸುಗ್ರೀವೋವಾಲಿನಂಹತ್ವಾರಾಮೇಣಪ್ರತಿಪಾದಿತಃ ॥ 32 ॥

ಶತಂಶತಸಹಸ್ರಾಣಾಙ್ಕೋಟಿಮಾಹುರ್ಮನೀಷಿಣಃ ।

ಶತಙ್ಕೋಟಿಸಹಸ್ರಾಣಾಂಶಙ್ಕುಃ ಇತ್ಯಭಿಧೀಯತೇ ॥ 33 ॥

ಶತಂಶಙ್ಕುಸಹಸ್ರಾಣಾಮ್ಮಹಾಶಙ್ಕುಃ ಇತಿಸ್ಮೃತಃ ॥ 34 ॥

ಮಹಾಶಙ್ಕುಸಹಸ್ರಾಣಾಂಶತಮ್ಬೃನ್ದಮಿಹೋಚ್ಯತೇ ।

ಶತಮ್ಬೃನ್ದಸಹಸ್ರಾಣಾಮ್ಮಹಾವೃನ್ದಮಿತಿಸ್ಮೃತಮ್ ॥ 35 ॥

ಮಹಾಬೃನ್ದಸಹಸ್ರಾಣಾಂಶತಮ್ಪದ್ಮಮಿಹೋಚ್ಯತೇ ।

ಶತಮ್ಪದ್ಮಸಹಸ್ರಾಣಾಮ್ಮಹಾಪದ್ಮಮಿತಿಸ್ಮೃತಿಮ್ ॥ 36 ॥

ಮಹಾಪದ್ಮಸಹಸ್ರಾಣಾಂಶತಙ್ಖರ್ವಮಿಹೋಚ್ಯತೇ ।

ಶತಙ್ಖರ್ವಸಹಸ್ರಾಣಾಮ್ಮಹಾಖರ್ವಮಿವೋಚ್ಯತೇ ॥ 37 ॥

ಮಹಾಖರ್ವಸಹಸ್ರಾಣಾಂ ಸಮುದ್ರಮಭಿಧೀಯತೇ ।

ಶತಂ ಸಮುದ್ರಸಾಹಸ್ರಮೋಘ ಇತ್ಯಭಿಧೀಯತೇ ॥ 38 ॥

ಶತಮೋಘಸಹಸ್ರಾಣಾಂ ಮಹೌಘ ಇತಿ ವಿಶ್ರುತಃ ।

ಏವಂ ಕೋಟಿ ಸಹಸ್ರೇಣ ಶನ್ಕೂನಾಂ ಚ ಶತೇನ ಚ ॥ 39 ॥

ಮಹಾಶಙ್ಕುಸಹಸ್ರೇಣತಥಾಬೃನ್ದಶತೇನಚ ।

ಮಹಾಬೃನ್ದಸಹಸ್ರೇಣತಥಾಪದ್ಮಶತೇನಚ ॥ 40 ॥

ಹಾಪದ್ಮಸಹಸ್ರೇಣತಥಾಖರ್ವಶತೇನಚ ।

ಸಮುದ್ರೇಣಚತೇನೈವಮಹೌಘೇನತಥೈವಚ ॥ 41 ॥

ಏಷಕೋಟಿಮಹೌಘೇನಸಮುದ್ರಸದೃಶೇನಚ ।

ವಿಭೀಷಣೇನಸಚಿವೈಃರಾಕ್ಷಸೈಃಪರಿವಾರಿತಃ ॥ 42 ॥

ಸುಗ್ರೀವೋವಾನರೇನ್ದ್ರಸ್ತ್ವಾಂಯುದ್ಧಾರ್ಥಮಮವರ್ತತೇ ।

ಮಹಾಬಲವೃತೋನಿತ್ಯಮ್ಮಹಾಬಲಪರಾಕ್ರಮಃ ॥ 43 ॥

ಇಮಾಮ್ಮಹಾರಾಜಸಮೀಕ್ಷ್ಯವಾಹಿನೀಮುಪಸ್ಥಿತಾಮ್ಪ್ರಜ್ವಲಿತಗ್ರಹೋಪಮಾಮ್ ।

ತತಃಪ್ರಯತ್ನಃಪರಮೋವಿಧೀಯತಾಂಯಥಾಜಯಸ್ಸ್ಯಾನ್ನಪರೈಃಪರಾಜಯಃ ॥ 44 ॥

ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಅಷ್ಟಾವಿಂಶಸ್ಸರ್ಗಃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha aṣṭāviṃśassargaḥ |

sārāṇasyavacaśśrutvārāvaṇaṃrākṣasādhipam |

balamādiśyatatsarvaṃśukovākyamathābravīt || 1 ||

sthitānpaśyasiyānetānmattānivamahādvipān |

nyagrodhānivagāṅgeyān sālān haimavatāniva || 2 ||

eteduṣprasahārājanbalinaḥkāmarūpiṇaḥ |

daityadānavasaṅkāśāyuddhedevaparākramāḥ || 3 ||

eṣāṅkoṭisahasrāṇinavapañcacasaptaca |

tathāśaṅkhusahasrāṇitathābṛndaśatānica || 4 ||

etesugrīvasacivāḥkiṣkindhānilayāssadā |

harayodevagandharvairutpannāḥkāmarūpiṇaḥ || 5 ||

yautaupaśyasitiṣṭhantaukumāraudevarūpiṇau |

maindaścadvividaścobhautābhyānnāstisamoyudhi || 6 ||

brāhmaṇāsamamajñātāvamṛtaprāśināpubhau |

āśaṃseteyuthālaṅkāmetaumarditumojasā || 7 ||

yantupaśyasitiṣṭantamprabhinnamivakuñjaram |

yobalāt kṣobhayet kruddhassamudramapivānaraḥ || 8 ||

eṣo'bhigantālaṅkāyāvaidehyāstavacaprabhoḥ |

enampaśyapurādṛṣṭaṃvānarampunarāgatam || 9 ||

jyeṣṭhaḥ kesariṇaḥ putro vāta ātmaja iti śrutaḥ |

hanūmān iti vikhyāto langhito yena sāgaraḥ || 10 ||

kāmarūpīhariśreṣṭobalarūpasamanvitaḥ |

anivāryagatiścaivayathāsatatagaḥprabhuḥ || 11 ||

udyantabhāskarandṛṣṭavābālaḥkilapipāsitaḥ |

triyojanasahasrantuadhvānamavatīryahi || 12 ||

ādityamāhariṣyāminamekṣutpratiyāsyati |

itisañcintyamanasāpuraiṣabaladarpitaḥ || 13 ||

anādhṛṣyatamandevamapidevarṣidānavaiḥ |

anāsāghaivapatitobhāskarodayanegirau || 14 ||

patitasyakaperasyahanurekāśilātale |

kiñcidbhinnādṛḍhahanorhanūmāneṣatenavai || 15 ||

satyamāgamayogenamamaiṣaviditohariḥ |

nāsyaśakyambalaṃrūpamprabhāvovā'pibhāṣitam || 16 ||

eṣaāśaṃsatelaṅkāmekomarditumojasā |

yevajājvalyate'pauvaidhūmaketustavādyavai || 17 ||

laṅkāyānnihitaścāpikathaṃvismarasekapim |

yaścaiṣo'nantaraśśūraśśyāmaḥpadmanibhekṣaṇaḥ |

ikṣvākūṇāmatiratholokevikhyātapauruṣa || 18 ||

yasminnacalatedharmoyodharmannātivartate |

yobrāhmamastraṃvedāṃścavedavedavidāṃvaraḥ || 19 ||

yobhindyādgaganambāṇaiḥparvatāṃścāpidārayet |

yasyamṛtyorivakrodhaśśakrasyevaparākramaḥ || 20 ||

yasyabhāryājanasthānātsītācāpihṛtātvayā |

saeṣarāmastvāṃyoddhuṃrājansamabhivartate || 21 ||

yasyaiṣadakṣiṇepārśveśuddhajāmbūnadaprabhaḥ |

viśālavakṣāstāmrākṣonīlakuñjitamūrdhajaḥ || 22 ||

eṣo'syalakṣmaṇonāmabhrātāprāṇasamaḥpriyaḥ |

nayeyuddhecakuśalassarvaśastrabhṛtaṃvaraḥ || 23 ||

amarṣīdurjayojetāvikrāntobuddhimān balī |

rāmasyadakṣiṇobāhurnityamprāṇobahiścaraḥ || 24 ||

nahyeṣarāghavasyārthejīvitamparirakṣati |

eṣaivāśaṃsateyuddhenihantuṃsarvarākṣasān || 25 ||

yastusavyamasaupakṣaṃrāmasyāśrityatiṣṭhati |

rakṣogaṇaparikṣiptorājāhyeṣavibhīṣaṇaḥ || 26 ||

śrīmatārājarājenalaṅkāyāmabhiṣecitaḥ |

tvāmevapratisaṃrabdoyuddhāyaiṣo'bhivartate || 27 ||

yantupasyasitiṣṭhantammadhyegirimivācalam |

sarvaśākhāmṛgendrāṇāmbhartāramamitaujasam || 28 ||

tejayaśasābud dhyājñānenābhijanenaca |

yaḥkapīnatibabhrājahimavānivaparvatān || 29 ||

kiṣkindhāṃyassamadhyāsteguhāṃsagahanadrumām |

durgāmparvatadurgastāmpradhānaissahayūthapaiḥ || 30 ||

yasyaiṣākāñcanīmālāśobhiteśatapuṣkarā |

kāntādevamanuṣyāṇāṃyasyāṃlakṣmīpratiṣṭhitā || 31 ||

etāñcamālāntārāñcakapirājyañcaśāśvatam |

sugrīvovālinaṃhatvārāmeṇapratipāditaḥ || 32 ||

śataṃśatasahasrāṇāṅkoṭimāhurmanīṣiṇaḥ |

śataṅkoṭisahasrāṇāṃśaṅkuḥ ityabhidhīyate || 33 ||

śataṃśaṅkusahasrāṇāmmahāśaṅkuḥ itismṛtaḥ || 34 ||

mahāśaṅkusahasrāṇāṃśatambṛndamihocyate |

śatambṛndasahasrāṇāmmahāvṛndamitismṛtam || 35 ||

mahābṛndasahasrāṇāṃśatampadmamihocyate |

śatampadmasahasrāṇāmmahāpadmamitismṛtim || 36 ||

mahāpadmasahasrāṇāṃśataṅkharvamihocyate |

śataṅkharvasahasrāṇāmmahākharvamivocyate || 37 ||

mahākharvasahasrāṇāṃ samudramabhidhīyate |

śataṃ samudrasāhasramogha ityabhidhīyate || 38 ||

śatamoghasahasrāṇāṃ mahaugha iti viśrutaḥ |

evaṃ koṭi sahasreṇa śankūnāṃ ca śatena ca || 39 ||

mahāśaṅkusahasreṇatathābṛndaśatenaca |

mahābṛndasahasreṇatathāpadmaśatenaca || 40 ||

hāpadmasahasreṇatathākharvaśatenaca |

samudreṇacatenaivamahaughenatathaivaca || 41 ||

eṣakoṭimahaughenasamudrasadṛśenaca |

vibhīṣaṇenasacivaiḥrākṣasaiḥparivāritaḥ || 42 ||

sugrīvovānarendrastvāṃyuddhārthamamavartate |

mahābalavṛtonityammahābalaparākramaḥ || 43 ||

imāmmahārājasamīkṣyavāhinīmupasthitāmprajvalitagrahopamām |

tataḥprayatnaḥparamovidhīyatāṃyathājayassyānnaparaiḥparājayaḥ || 44 ||

ityārṣe śrīmadrāmāyaṇe vālmīkīya ādikāvye yuddhakāṇḍe aṣṭāviṃśassargaḥ ||