Uddhavagita - Asshtamo'dhyayah

ॐ

ಉದ್ಧವಗೀತಾ - ಅಸ್ಶ್ಟಮೋಽಧ್ಯಾಯಃ

Gita Kannada

ಅಥಾಸ್ಶ್ಟಮೋಽಧ್ಯಾಯಃ ।

ಸುಖಂ ಐನ್ದ್ರಿಯಕಂ ರಾಜನ್ ಸ್ವರ್ಗೇ ನರಕಃ ಏವ ಚ ।

ದೇಹಿನಃ ಯತ್ ಯಥಾ ದುಃಖಂ ತಸ್ಮಾತ್ ನ ಇಚ್ಛೇತ ತತ್ ಬುಧಾಃ ॥ 1॥

ಗ್ರಾಸಂ ಸುಮೃಷ್ಟಂ ವಿರಸಂ ಮಹಾನ್ತಂ ಸ್ತೋಕಂ ಏವ ವಾ ।

ಯದೃಚ್ಛಯಾ ಏವ ಅಪತಿತಂ ಗ್ರಸೇತ್ ಆಜಗರಃ ಅಕ್ರಿಯಃ ॥ 2॥

ಶಯೀತ ಅಹಾನಿ ಭೂರೀಣಿ ನಿರಾಹಾರಃ ಅನುಪಕ್ರಮಃ ।

ಯದಿ ನ ಉಪನಮೇತ್ ಗ್ರಾಸಃ ಮಹಾಹಿಃ ಇವ ದಿಷ್ಟಭುಕ್ ॥ 3॥

ಓಜಃ ಸಹೋಬಲಯುತಂ ಬಿಭ್ರತ್ ದೇಹಂ ಅಕರ್ಮಕಮ್ ।

ಶಯಾನಃ ವೀತನಿದ್ರಃ ಚ ನೇಹೇತ ಇನ್ದ್ರಿಯವಾನ್ ಅಪಿ ॥ 4॥

ಮುನಿಃ ಪ್ರಸನ್ನಗಮ್ಭೀರಃ ದುರ್ವಿಗಾಹ್ಯಃ ದುರತ್ಯಯಃ ।

ಅನನ್ತಪಾರಃ ಹಿ ಅಕ್ಷೋಭ್ಯಃ ಸ್ತಿಮಿತ ಉದಃ ಇವ ಅರ್ಣವಃ ॥ 5॥

ಸಮೃದ್ಧಕಾಮಃ ಹೀನಃ ವಾ ನಾರಾಯಣಪರಃ ಮುನಿಃ ।

ನ ಉತ್ಸರ್ಪೇತ ನ ಶುಷ್ಯೇತ ಸರಿದ್ಭಿಃ ಇವ ಸಾಗರಃ ॥ 6॥

ದೃಷ್ಟ್ವಾ ಸ್ತ್ರಿಯಂ ದೇವಮಾಯಾಂ ತತ್ ಭಾವೈಃ ಅಜಿತೇನ್ದ್ರಿಯಃ ।

ಪ್ರಲೋಭಿತಃ ಪತತಿ ಅನ್ಧೇ ತಮಸಿ ಅಗ್ನೌ ಪತಙ್ಗವತ್ ॥ 7॥

ಯೋಷಿತ್ ಹಿರಣ್ಯ ಆಭರಣ ಅಮ್ಬರಾದಿ

ದ್ರವ್ಯೇಷು ಮಾಯಾರಚಿತೇಷು ಮೂಢಃ ।

ಪ್ರಲೋಭಿತಾತ್ಮಾ ಹಿ ಉಪಭೋಗಬುದ್ಧ್ಯಾ

ಪತಙ್ಗವತ್ ನಶ್ಯತಿ ನಷ್ಟದೃಷ್ಟಿಃ ॥ 8॥

ಸ್ತೋಕಂ ಸ್ತೋಕಂ ಗ್ರಸೇತ್ ಗ್ರಾಸಂ ದೇಹಃ ವರ್ತೇತ ಯಾವತಾ ।

ಗೃಹಾನ್ ಅಹಿಂಸತ್ ನ ಆತಿಷ್ಠೇತ್ ವೃತ್ತಿಂ ಮಾಧುಕರೀಂ ಮುನಿಃ ॥ 9॥

ಅಣುಭ್ಯಃ ಚ ಮಹದ್ಭ್ಯಃ ಚ ಶಾಸ್ತ್ರೇಭ್ಯಃ ಕುಶಲಃ ನರಃ ।

ಸರ್ವತಃ ಸಾರಂ ಆದದ್ಯಾತ್ ಪುಷ್ಪೇಭ್ಯಃ ಇವ ಷಟ್ಪದಃ ॥ 10॥

ಸಾಯನ್ತನಂ ಶ್ವಸ್ತನಂ ವಾ ನ ಸಙ್ಗೃಹ್ಣೀತ ಭಿಕ್ಷಿತಮ್ ।

ಪಾಣಿಪಾತ್ರ ಉದರಾಮತ್ರಃ ಮಕ್ಷಿಕಾ ಇವ ನ ಸಙ್ಗ್ರಹೀ ॥ 11॥

ಸಾಯನ್ತನಂ ಶ್ವಸ್ತನಂ ವಾ ನ ಸಙ್ಗೃಹ್ಣೀತ ಭಿಕ್ಷುಕಃ ।

ಮಕ್ಷಿಕಾಃ ಇವ ಸಙ್ಗೃಹ್ಣನ್ ಸಹ ತೇನ ವಿನಶ್ಯತಿ ॥ 12॥

ಪದ ಅಪಿ ಯುವತೀಂ ಭಿಕ್ಷುಃ ನ ಸ್ಪೃಶೇತ್ ದಾರವೀಂ ಅಪಿ ।

ಸ್ಪೃಶನ್ ಕರೀವ ಬಧ್ಯೇತ ಕರಿಣ್ಯಾ ಅಙ್ಗಸಙ್ಗತಃ ॥ 13॥

ನ ಅಧಿಗಚ್ಛೇತ್ ಸ್ತ್ರಿಯಂ ಪ್ರಾಜ್ಞಃ ಕರ್ಹಿಚಿತ್ ಮೃತ್ಯುಂ ಆತ್ಮನಃ ।

ಬಲ ಅಧಿಕೈಃ ಸ ಹನ್ಯೇತ ಗಜೈಃ ಅನ್ಯೈಃ ಗಜಃ ಯಥಾ ॥ 14॥

ನ ದೇಯಂ ನ ಉಪಭೋಗ್ಯಂ ಚ ಲುಬ್ಧೈಃ ಯತ್ ದುಃಖ ಸಞ್ಚಿತಮ್ ।

ಭುಙ್ಕ್ತೇ ತತ್ ಅಪಿ ತತ್ ಚ ಅನ್ಯಃ ಮಧುಹೇವ ಅರ್ಥವಿತ್ ಮಧು ॥ 15॥

ಸುಖ ದುಃಖ ಉಪಾರ್ಜಿತೈಃ ವಿತ್ತೈಃ ಆಶಾಸಾನಾಂ ಗೃಹ ಆಶಿಷಃ ।

ಮಧುಹೇವ ಅಗ್ರತಃ ಭುಙ್ಕ್ತೇ ಯತಿಃ ವೈ ಗೃಹಮೇಧಿನಾಮ್ ॥ 16॥

ಗ್ರಾಮ್ಯಗೀತಂ ನ ಶ್ರುಣುಯಾತ್ ಯತಿಃ ವನಚರಃ ಕ್ವಚಿತ್ ।

ಶಿಖೇತ ಹರಿಣಾತ್ ವದ್ಧಾತ್ ಮೃಗಯೋಃ ಗೀತಮೋಹಿತಾತ್ ॥ 17॥

ನೃತ್ಯವಾದಿತ್ರಗೀತಾನಿ ಜುಷನ್ ಗ್ರಾಮ್ಯಾಣಿ ಯೋಷಿತಾಮ್ ।

ಆಸಾಂ ಕ್ರೀಡನಕಃ ವಶ್ಯಃ ಋಷ್ಯಶ‍ಋಙ್ಗಃ ಮೃಗೀಸುತಃ ॥ 18॥

ಜಿಹ್ವಯಾ ಅತಿಪ್ರಮಾಥಿನ್ಯಾ ಜನಃ ರಸವಿಮೋಹಿತಃ ।

ಮೃತ್ಯುಂ ಋಚ್ಛತಿ ಅಸತ್ ಬುದ್ಧಿಃ ಮೀನಃ ತು ಬಡಿಶೈಃ ಯಥಾ ॥ 19॥

ಇನ್ದ್ರಿಯಾಣಿ ಜಯನ್ತಿ ಆಶುಃ ನಿರಾಹಾರಾಃ ಮನೀಷಿಣಃ ।

ವರ್ಜಯಿತ್ವಾ ತು ರಸನಂ ತತ್ ನಿರನ್ನಸ್ಯ ವರ್ಧತೇ ॥ 20॥

ತಾವತ್ ಜಿತೇನ್ದ್ರಿಯಃ ನ ಸ್ಯಾತ್ ವಿಜಿತಾನಿ ಇನ್ದ್ರಿಯಃ ಪುಮಾನ್ ।

ನ ಜಯೇತ್ ರಸನಂ ಯಾವತ್ ಜಿತಂ ಸರ್ವಂ ಜಿತೇ ರಸೇ ॥ 21॥

ಪಿಙ್ಗಲಾ ನಾಮ ವೇಶ್ಯಾ ಆಸೀತ್ ವಿದೇಹನಗರೇ ಪುರಾ ।

ತಸ್ಯಾ ಮೇ ಶಿಕ್ಷಿತಂ ಕಿಞ್ಚಿತ್ ನಿಬೋಧ ನೃಪನನ್ದನ ॥ 22॥

ಸಾ ಸ್ವೈರಿಣ್ಯೇಕದಾ ಕಾನ್ತಂ ಸಙ್ಕೇತ ಉಪನೇಷ್ಯತೀ ।

ಅಭೂತ್ಕಾಲೇ ಬಹಿರ್ದ್ವಾರಿ ಬಿಭ್ರತೀ ರೂಪಮುತ್ತಮಮ್ ॥ 23॥

ಮಾರ್ಗ ಆಗಚ್ಛತೋ ವೀಕ್ಷ್ಯ ಪುರುಷಾನ್ಪುರುಷರ್ಷಭ ।

ತಾನ್ ಶುಲ್ಕದಾನ್ವಿತ್ತವತಃ ಕಾನ್ತಾನ್ಮೇನೇಽರ್ಥಕಾಮುಕಾ ॥ 24॥

ಆಗತೇಷ್ವಪಯಾತೇಷು ಸಾ ಸಙ್ಕೇತೋಪಜೀವನೀ ।

ಅಪ್ಯನ್ಯೋ ವಿತ್ತವಾನ್ಕೋಽಪಿ ಮಾಮುಪೈಷ್ಯತಿ ಭೂರಿದಃ ॥ 25॥

ಏಅವಂ ದುರಾಶಯಾ ಧ್ವಸ್ತನಿದ್ರಾ ದ್ವಾರ್ಯವಲಮ್ಬತೀ ।

ನಿರ್ಗಚ್ಛನ್ತೀ ಪ್ರವಿಶತೀ ನಿಶೀಥಂ ಸಮಪದ್ಯತ ॥ 26॥

ತಸ್ಯಾ ವಿತ್ತಾಶಯಾ ಶುಷ್ಯದ್ವಕ್ತ್ರಾಯಾ ದೀನಚೇತಸಃ ।

ನಿರ್ವೇದಃ ಪರಮೋ ಜಜ್ಞೇ ಚಿನ್ತಾಹೇತುಃ ಸುಖಾವಹಃ ॥ 27॥

ತಸ್ಯಾ ನಿರ್ವಿಣ್ಣಚಿತ್ತಾಯಾ ಗೀತಂ ಶ್ರುಣು ಯಥಾ ಮಮ ।

ನಿರ್ವೇದ ಆಶಾಪಾಶಾನಾಂ ಪುರುಷಸ್ಯ ಯಥಾ ಹ್ಯಸಿಃ ॥ 28॥

ನ ಹಿ ಅಙ್ಗಾಜಾತನಿರ್ವೇದಃ ದೇಹಬನ್ಧಂ ಜಿಹಾಸತಿ ।

ಯಥಾ ವಿಜ್ಞಾನರಹಿತಃ ಮನುಜಃ ಮಮತಾಂ ನೃಪ ॥ 29॥

ಪಿಙ್ಗಲಾ ಉವಾಚ ।

ಅಹೋ ಮೇ ಮೋಹವಿತತಿಂ ಪಶ್ಯತ ಅವಿಜಿತ ಆತ್ಮನಃ ।

ಯಾ ಕಾನ್ತಾತ್ ಅಸತಃ ಕಾಮಂ ಕಾಮಯೇ ಯೇನ ಬಾಲಿಶಾ ॥ 30॥

ಸನ್ತಂ ಸಮೀಪೇ ರಮಣಂ ರತಿಪ್ರದಂ

ವಿತ್ತಪ್ರದಂ ನಿತ್ಯಂ ಇಮಂ ವಿಹಾಯ ।

ಅಕಾಮದಂ ದುಃಖಭಯ ಆದಿ ಶೋಕ

ಮೋಹಪ್ರದಂ ತುಚ್ಛಂ ಅಹಂ ಭಜೇ ಅಜ್ಞಾ ॥ 31॥

ಅಹೋ ಮಯಾತ್ಮಾ ಪರಿತಾಪಿತೋ ವೃಥಾ

ಸಾಙ್ಕೇತ್ಯವೃತ್ತ್ಯಾಽತಿವಿಗರ್ಹ್ಯವಾರ್ತಯಾ ।

ಸ್ತ್ರೈಣಾನ್ನರಾದ್ಯಾಽರ್ಥತೃಷೋಽನುಶೋಚ್ಯಾ

ತ್ಕ್ರೀತೇನ ವಿತ್ತಂ ರತಿಮಾತ್ಮನೇಚ್ಛತೀ ॥ 32॥

ಯದಸ್ಥಿಭಿರ್ನಿರ್ಮಿತವಂಶವಂಶ್ಯ

ಸ್ಥೂಣಂ ತ್ವಚಾ ರೋಮನಖೈಃ ಪಿನದ್ಧಮ್ ।

ಕ್ಷರನ್ನವದ್ವಾರಮಗಾರಮೇತದ್

ವಿಣ್ಮೂತ್ರಪೂರ್ಣಂ ಮದುಪೈತಿ ಕಾನ್ಯಾ ॥ 33॥

ವಿದೇಹಾನಾಂ ಪುರೇ ಹ್ಯಸ್ಮಿನ್ನಹಮೇಕೈವ ಮೂಢಧೀಃ ।

ಯಾಽನ್ಯಸ್ಮಿಚ್ಛನ್ತ್ಯಸತ್ಯಸ್ಮಾದಾತ್ಮದಾತ್ಕಾಮಮಚ್ಯುತಾತ್ ॥ 34॥

ಸುಹೃತ್ಪ್ರೇಷ್ಠತಮೋ ನಾಥ ಆತ್ಮಾ ಚಾಯಂ ಶರೀರಿಣಾಮ್ ।

ತಂ ವಿಕ್ರೀಯಾತ್ಮನೈವಾಹಂ ರಮೇಽನೇನ ಯಥಾ ರಮಾ ॥ 35॥

ಕಿಯತ್ಪ್ರಿಯಂ ತೇ ವ್ಯಭಜನ್ಕಾಮಾ ಯೇ ಕಾಮದಾ ನರಾಃ ।

ಆದ್ಯನ್ತವನ್ತೋ ಭಾರ್ಯಾಯಾ ದೇವಾ ವಾ ಕಾಲವಿದ್ರುತಾಃ ॥ 36॥

ನೂನಂ ಮೇ ಭಗವಾನ್ ಪ್ರೀತಃ ವಿಷ್ಣುಃ ಕೇನ ಅಪಿ ಕರ್ಮಣಾ ।

ನಿರ್ವೇದಃ ಅಯಂ ದುರಾಶಾಯಾ ಯತ್ ಮೇ ಜಾತಃ ಸುಖಾವಹಃ ॥ 37॥

ಮೈವಂ ಸ್ಯುರ್ಮನ್ದಭಗ್ಯಾಯಾಃ ಕ್ಲೇಶಾ ನಿರ್ವೇದಹೇತವಃ ।

ಯೇನಾನುಬನ್ಧಂ ನಿಹೃತ್ಯ ಪುರುಷಃ ಶಮಮೃಚ್ಛತಿ ॥ 38॥

ತೇನ ಉಪಕೃತಂ ಆದಾಯ ಶಿರಸಾ ಗ್ರಾಮ್ಯಸಙ್ಗತಾಃ ।

ತ್ಯಕ್ತ್ವಾ ದುರಾಶಾಃ ಶರಣಂ ವ್ರಜಾಮಿ ತಂ ಅಧೀಶ್ವರಮ್ ॥ 39॥

ಸನ್ತುಷ್ಟಾ ಶ್ರದ್ದಧತ್ಯೇತದ್ಯಥಾಲಾಭೇನ ಜೀವತೀ ।

ವಿಹರಾಮ್ಯಮುನೈವಾಹಮಾತ್ಮನಾ ರಮಣೇನ ವೈ ॥ 40॥

ಸಂಸಾರಕೂಪೇ ಪತಿತಂ ವಿಷಯೈರ್ಮುಷಿತೇಕ್ಷಣಮ್ ।

ಗ್ರಸ್ತಂ ಕಾಲಾಹಿನಾಽಽತ್ಮಾನಂ ಕೋಽನ್ಯಸ್ತ್ರಾತುಮಧೀಶ್ವರಃ ॥ 41॥

ಆತ್ಮಾ ಏವ ಹಿ ಆತ್ಮನಃ ಗೋಪ್ತಾ ನಿರ್ವಿದ್ಯೇತ ಯದಾಖಿಲಾತ್ ।

ಅಪ್ರಮತ್ತಃ ಇದಂ ಪಶ್ಯತ್ ಗ್ರಸ್ತಂ ಕಾಲಾಹಿನಾ ಜಗತ್ ॥ 42॥

ಬ್ರಾಹ್ಮಣ ಉವಾಚ ।

ಏಅವಂ ವ್ಯವಸಿತಮತಿರ್ದುರಾಶಾಂ ಕಾನ್ತತರ್ಷಜಾಮ್ ।

ಛಿತ್ವೋಪಶಮಮಾಸ್ಥಾಯ ಶಯ್ಯಾಮುಪವಿವೇಶ ಸಾ ॥ 43॥

ಆಶಾ ಹಿ ಪರಮಂ ದುಃಖಂ ನೈರಾಶ್ಯಂ ಪರಮಂ ಸುಖಮ್ ।

ಯಥಾ ಸಞ್ಛಿದ್ಯ ಕಾನ್ತಾಶಾಂ ಸುಖಂ ಸುಷ್ವಾಪ ಪಿಙ್ಗಲಾ ॥ 44॥

ಇತಿ ಶ್ರೀಮದ್ಭಾಗವತೇ ಮಹಾಪುರಾಣೇ ಪಾರಮಹಂಸ್ಯಾಂ

ಸಂಹಿತಾಯಾಮೇಕಾದಶಸ್ಕನ್ಧೇ ಪಿಙ್ಗಲೋಪಾಖ್ಯಾಽನೇಷ್ಟಮೋಽಧ್ಯಾಯಃ ॥

Roman (IAST) Transliteration

athāsśṭamo'dhyāyaḥ |

sukhaṃ aindriyakaṃ rājan svarge narakaḥ eva ca |

dehinaḥ yat yathā duḥkhaṃ tasmāt na iccheta tat budhāḥ || 1||

grāsaṃ sumṛṣṭaṃ virasaṃ mahāntaṃ stokaṃ eva vā |

yadṛcchayā eva apatitaṃ graset ājagaraḥ akriyaḥ || 2||

śayīta ahāni bhūrīṇi nirāhāraḥ anupakramaḥ |

yadi na upanamet grāsaḥ mahāhiḥ iva diṣṭabhuk || 3||

ojaḥ sahobalayutaṃ bibhrat dehaṃ akarmakam |

śayānaḥ vītanidraḥ ca neheta indriyavān api || 4||

muniḥ prasannagambhīraḥ durvigāhyaḥ duratyayaḥ |

anantapāraḥ hi akṣobhyaḥ stimita udaḥ iva arṇavaḥ || 5||

samṛddhakāmaḥ hīnaḥ vā nārāyaṇaparaḥ muniḥ |

na utsarpeta na śuṣyeta saridbhiḥ iva sāgaraḥ || 6||

dṛṣṭvā striyaṃ devamāyāṃ tat bhāvaiḥ ajitendriyaḥ |

pralobhitaḥ patati andhe tamasi agnau pataṅgavat || 7||

yoṣit hiraṇya ābharaṇa ambarādi

dravyeṣu māyāraciteṣu mūḍhaḥ |

pralobhitātmā hi upabhogabuddhyā

pataṅgavat naśyati naṣṭadṛṣṭiḥ || 8||

stokaṃ stokaṃ graset grāsaṃ dehaḥ varteta yāvatā |

gṛhān ahiṃsat na ātiṣṭhet vṛttiṃ mādhukarīṃ muniḥ || 9||

aṇubhyaḥ ca mahadbhyaḥ ca śāstrebhyaḥ kuśalaḥ naraḥ |

sarvataḥ sāraṃ ādadyāt puṣpebhyaḥ iva ṣaṭpadaḥ || 10||

sāyantanaṃ śvastanaṃ vā na saṅgṛhṇīta bhikṣitam |

pāṇipātra udarāmatraḥ makṣikā iva na saṅgrahī || 11||

sāyantanaṃ śvastanaṃ vā na saṅgṛhṇīta bhikṣukaḥ |

makṣikāḥ iva saṅgṛhṇan saha tena vinaśyati || 12||

pada api yuvatīṃ bhikṣuḥ na spṛśet dāravīṃ api |

spṛśan karīva badhyeta kariṇyā aṅgasaṅgataḥ || 13||

na adhigacchet striyaṃ prājñaḥ karhicit mṛtyuṃ ātmanaḥ |

bala adhikaiḥ sa hanyeta gajaiḥ anyaiḥ gajaḥ yathā || 14||

na deyaṃ na upabhogyaṃ ca lubdhaiḥ yat duḥkha sañcitam |

bhuṅkte tat api tat ca anyaḥ madhuheva arthavit madhu || 15||

sukha duḥkha upārjitaiḥ vittaiḥ āśāsānāṃ gṛha āśiṣaḥ |

madhuheva agrataḥ bhuṅkte yatiḥ vai gṛhamedhinām || 16||

grāmyagītaṃ na śruṇuyāt yatiḥ vanacaraḥ kvacit |

śikheta hariṇāt vaddhāt mṛgayoḥ gītamohitāt || 17||

nṛtyavāditragītāni juṣan grāmyāṇi yoṣitām |

āsāṃ krīḍanakaḥ vaśyaḥ ṛṣyaśa‍ṛṅgaḥ mṛgīsutaḥ || 18||

jihvayā atipramāthinyā janaḥ rasavimohitaḥ |

mṛtyuṃ ṛcchati asat buddhiḥ mīnaḥ tu baḍiśaiḥ yathā || 19||

indriyāṇi jayanti āśuḥ nirāhārāḥ manīṣiṇaḥ |

varjayitvā tu rasanaṃ tat nirannasya vardhate || 20||

tāvat jitendriyaḥ na syāt vijitāni indriyaḥ pumān |

na jayet rasanaṃ yāvat jitaṃ sarvaṃ jite rase || 21||

piṅgalā nāma veśyā āsīt videhanagare purā |

tasyā me śikṣitaṃ kiñcit nibodha nṛpanandana || 22||

sā svairiṇyekadā kāntaṃ saṅketa upaneṣyatī |

abhūtkāle bahirdvāri bibhratī rūpamuttamam || 23||

mārga āgacchato vīkṣya puruṣānpuruṣarṣabha |

tān śulkadānvittavataḥ kāntānmene'rthakāmukā || 24||

āgateṣvapayāteṣu sā saṅketopajīvanī |

apyanyo vittavānko'pi māmupaiṣyati bhūridaḥ || 25||

eavaṃ durāśayā dhvastanidrā dvāryavalambatī |

nirgacchantī praviśatī niśīthaṃ samapadyata || 26||

tasyā vittāśayā śuṣyadvaktrāyā dīnacetasaḥ |

nirvedaḥ paramo jajñe cintāhetuḥ sukhāvahaḥ || 27||

tasyā nirviṇṇacittāyā gītaṃ śruṇu yathā mama |

nirveda āśāpāśānāṃ puruṣasya yathā hyasiḥ || 28||

na hi aṅgājātanirvedaḥ dehabandhaṃ jihāsati |

yathā vijñānarahitaḥ manujaḥ mamatāṃ nṛpa || 29||

piṅgalā uvāca |

aho me mohavitatiṃ paśyata avijita ātmanaḥ |

yā kāntāt asataḥ kāmaṃ kāmaye yena bāliśā || 30||

santaṃ samīpe ramaṇaṃ ratipradaṃ

vittapradaṃ nityaṃ imaṃ vihāya |

akāmadaṃ duḥkhabhaya ādi śoka

mohapradaṃ tucchaṃ ahaṃ bhaje ajñā || 31||

aho mayātmā paritāpito vṛthā

sāṅketyavṛttyā'tivigarhyavārtayā |

straiṇānnarādyā'rthatṛṣo'nuśocyā

tkrītena vittaṃ ratimātmanecchatī || 32||

yadasthibhirnirmitavaṃśavaṃśya

sthūṇaṃ tvacā romanakhaiḥ pinaddham |

kṣarannavadvāramagārametad

viṇmūtrapūrṇaṃ madupaiti kānyā || 33||

videhānāṃ pure hyasminnahamekaiva mūḍhadhīḥ |

yā'nyasmicchantyasatyasmādātmadātkāmamacyutāt || 34||

suhṛtpreṣṭhatamo nātha ātmā cāyaṃ śarīriṇām |

taṃ vikrīyātmanaivāhaṃ rame'nena yathā ramā || 35||

kiyatpriyaṃ te vyabhajankāmā ye kāmadā narāḥ |

ādyantavanto bhāryāyā devā vā kālavidrutāḥ || 36||

nūnaṃ me bhagavān prītaḥ viṣṇuḥ kena api karmaṇā |

nirvedaḥ ayaṃ durāśāyā yat me jātaḥ sukhāvahaḥ || 37||

maivaṃ syurmandabhagyāyāḥ kleśā nirvedahetavaḥ |

yenānubandhaṃ nihṛtya puruṣaḥ śamamṛcchati || 38||

tena upakṛtaṃ ādāya śirasā grāmyasaṅgatāḥ |

tyaktvā durāśāḥ śaraṇaṃ vrajāmi taṃ adhīśvaram || 39||

santuṣṭā śraddadhatyetadyathālābhena jīvatī |

viharāmyamunaivāhamātmanā ramaṇena vai || 40||

saṃsārakūpe patitaṃ viṣayairmuṣitekṣaṇam |

grastaṃ kālāhinā''tmānaṃ ko'nyastrātumadhīśvaraḥ || 41||

ātmā eva hi ātmanaḥ goptā nirvidyeta yadākhilāt |

apramattaḥ idaṃ paśyat grastaṃ kālāhinā jagat || 42||

brāhmaṇa uvāca |

eavaṃ vyavasitamatirdurāśāṃ kāntatarṣajām |

chitvopaśamamāsthāya śayyāmupaviveśa sā || 43||

āśā hi paramaṃ duḥkhaṃ nairāśyaṃ paramaṃ sukham |

yathā sañchidya kāntāśāṃ sukhaṃ suṣvāpa piṅgalā || 44||

iti śrīmadbhāgavate mahāpurāṇe pāramahaṃsyāṃ

saṃhitāyāmekādaśaskandhe piṅgalopākhyā'neṣṭamo'dhyāyaḥ ||