Shri Subrahmanya Hridaya Stotram

ॐ

ಶ್ರೀ ಸುಬ್ರಹ್ಮಣ್ಯ ಹೃದಯ ಸ್ತೋತ್ರಮ್

Murugan Stotram Kannada

ಅಸ್ಯ ಶ್ರೀಸುಬ್ರಹ್ಮಣ್ಯಹೃದಯಸ್ತೋತ್ರಮಹಾಮನ್ತ್ರಸ್ಯ, ಅಗಸ್ತ್ಯೋ ಭಗವಾನ್ ಋಷಿಃ, ಅನುಷ್ಟುಪ್ಛನ್ದಃ, ಶ್ರೀಸುಬ್ರಹ್ಮಣ್ಯೋ ದೇವತಾ, ಸೌಂ ಬೀಜಂ, ಸ್ವಾಹಾ ಶಕ್ತಿಃ, ಶ್ರೀಂ ಕೀಲಕಂ, ಶ್ರೀಸುಬ್ರಹ್ಮಣ್ಯ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥

ಕರನ್ಯಾಸಃ –

ಸುಬ್ರಹ್ಮಣ್ಯಾಯ ಅಙ್ಗುಷ್ಠಾಭ್ಯಾಂ ನಮಃ ।

ಷಣ್ಮುಖಾಯ ತರ್ಜನೀಭ್ಯಾಂ ನಮಃ ।

ಶಕ್ತಿಧರಾಯ ಮಧ್ಯಮಾಭ್ಯಾಂ ನಮಃ ।

ಷಟ್ಕೋಣಸಂಸ್ಥಿತಾಯ ಅನಾಮಿಕಾಭ್ಯಾಂ ನಮಃ ।

ಸರ್ವತೋಮುಖಾಯ ಕನಿಷ್ಠಿಕಾಭ್ಯಾಂ ನಮಃ ।

ತಾರಕಾನ್ತಕಾಯ ಕರತಲಕರಪೃಷ್ಠಾಭ್ಯಾಂ ನಮಃ ॥

ಹೃದಯಾದಿ ನ್ಯಾಸಃ –

ಸುಬ್ರಹ್ಮಣ್ಯಾಯ ಹೃದಯಾಯ ನಮಃ ।

ಷಣ್ಮುಖಾಯ ಶಿರಸೇ ಸ್ವಾಹಾ ।

ಶಕ್ತಿಧರಾಯ ಶಿಖಾಯೈ ವಷಟ್ ।

ಷಟ್ಕೋಣಸಂಸ್ಥಿತಾಯ ಕವಚಾಯ ಹುಮ್ ।

ಸರ್ವತೋಮುಖಾಯ ನೇತ್ರತ್ರಯಾಯ ವೌಷಟ್ ।

ತಾರಕಾನ್ತಕಾಯ ಅಸ್ತ್ರಾಯ ಫಟ್ ।

ಭೂರ್ಭುವಸ್ಸುವರೋಮಿತಿ ದಿಗ್ಬನ್ಧಃ ॥

ಧ್ಯಾನಮ್ ।

ಷಡ್ವಕ್ತ್ರಂ ಶಿಖಿವಾಹನಂ ತ್ರಿನಯನಂ ಚಿತ್ರಾಮ್ಬರಾಲಙ್ಕೃತಂ

ವಜ್ರಂ ಶಕ್ತಿಮಸಿಂ ತ್ರಿಶೂಲಮಭಯಂ ಖೇಟಂ ಧನುಶ್ಚಕ್ರಕಮ್ ।

ಪಾಶಂ ಕುಕ್ಕುಟಮಙ್ಕುಶಂ ಚ ವರದಂ ದೋರ್ಭಿರ್ದಧಾನಂ ಸದಾ

ಧ್ಯಾಯಾಮೀಪ್ಸಿತ ಸಿದ್ಧಿದಂ ಶಿವಸುತಂ ಶ್ರೀದ್ವಾದಶಾಕ್ಷಂ ಗುಹಮ್ ॥

ಲಮಿತ್ಯಾದಿ ಪಞ್ಚಪೂಜಾಂ ಕುರ್ಯಾತ್ ।

ಪೀಠಿಕಾ ।

ಸತ್ಯಲೋಕೇ ಸದಾನನ್ದೇ ಮುನಿಭಿಃ ಪರಿವೇಷ್ಟಿತಮ್ ।

ಪಪ್ರಚ್ಛುರ್ಮುನಯಃ ಸರ್ವೇ ಬ್ರಹ್ಮಾಣಂ ಜಗತಾಂ ಗುರುಮ್ ॥ 1 ॥

ಭಗವನ್ ಸರ್ವಲೋಕೇಶ ಸರ್ವಜ್ಞ ಕಮಲಾಸನ ।

ಸದಾನನ್ದ ಜ್ಞಾನಮೂರ್ತೇ ಸರ್ವಭೂತಹಿತೇ ರತ ॥ 2 ॥

ಬಹುಧಾ ಪ್ರೋಕ್ತಮೇತಸ್ಯ ಗುಹಸ್ಯ ಚರಿತಂ ಮಹತ್ ।

ಹೃದಯಂ ಶ್ರೋತುಮಿಚ್ಛಾಮಃ ತಸ್ಯೈವ ಕ್ರೌಞ್ಚಭೇದಿನಃ ॥ 3 ॥

ಬ್ರಹ್ಮೋವಾಚ ।

ಶೃಣ್ವನ್ತು ಮುನಯಃ ಸರ್ವೇ ಗುಹ್ಯಾದ್ಗುಹ್ಯತರಂ ಮಹತ್ ।

ಸುಬ್ರಹ್ಮಣ್ಯಸ್ಯ ಹೃದಯಂ ಸರ್ವಭೂತಹಿತೋದಯಮ್ ॥ 4 ॥

ಸರ್ವಾರ್ಥಸಿದ್ಧಿದಂ ಪುಣ್ಯಂ ಸರ್ವಕಾರ್ಯೈಕ ಸಾಧನಮ್ ।

ಧರ್ಮಾರ್ಥಕಾಮದಂ ಗುಹ್ಯಂ ಧನಧಾನ್ಯಪ್ರವರ್ಧನಮ್ ॥ 5 ॥

ರಹಸ್ಯಮೇತದ್ದೇವಾನಾಂ ಅದೇಯಂ ಯಸ್ಯ ಕಸ್ಯಚಿತ್ ।

ಸರ್ವಮಿತ್ರಕರಂ ಗೋಪ್ಯಂ ತೇಜೋಬಲಸಮನ್ವಿತಮ್ ॥ 6 ॥

ಪ್ರವಕ್ಷ್ಯಾಮಿ ಹಿತಾರ್ಥಂ ವಃ ಪರಿತುಷ್ಟೇನ ಚೇತಸಾ ।

ಹೃತ್ಪದ್ಮಕರ್ಣಿಕಾಮಧ್ಯೇ ಧ್ಯಾಯೇತ್ಸರ್ವಮನೋಹರಮ್ ॥ 7 ॥

ಅಥ ಹೃದಯಮ್ ।

ಸುವರ್ಣಮಣ್ಡಪಂ ದಿವ್ಯಂ ರತ್ನತೋರಣರಾಜಿತಮ್ ।

ರತ್ನಸ್ತಮ್ಭಸಹಸ್ರೈಶ್ಚ ಶೋಭಿತಂ ಪರಮಾದ್ಭುತಮ್ ॥ 8 ॥

ಪರಮಾನನ್ದನಿಲಯಂ ಭಾಸ್ವತ್ಸೂರ್ಯಸಮಪ್ರಭಮ್ ।

ದೇವದಾನವಗನ್ಧರ್ವಗರುಡೈರ್ಯಕ್ಷಕಿನ್ನರೈಃ । ॥ 9 ॥

ಸೇವಾರ್ಥಮಾಗತೈಃ ಸಿದ್ಧೈಃ ಸಾಧ್ಯೈರಧ್ಯುಷಿತಂ ಸದಾ ।

ಮಹಾಯೋಗೀನ್ದ್ರಸಂಸೇವ್ಯಂ ಮನ್ದಾರತರುಮಣ್ಡಿತಮ್ ॥ 10 ॥

ಮಣಿವಿದ್ರುಮವೇದೀಭಿರ್ಮಹತೀಭಿರುದಞ್ಚಿತಮ್ ।

ತನ್ಮಧ್ಯೇಽನನ್ತರತ್ನ ಶ್ರೀಚ್ಛಟಾಮಣ್ಡಲಶೋಭಿತಮ್ ॥ 11 ॥

ರತ್ನಸಿಂಹಾಸನಂ ದಿವ್ಯಂ ರವಿಕೋಟಿಸಮಪ್ರಭಮ್ ।

ಸರ್ವಾಶ್ಚರ್ಯಮಯಂ ಪುಣ್ಯಂ ಸರ್ವತಃ ಸುಪರಿಷ್ಕೃತಮ್ ॥ 12 ॥

ತನ್ಮಧ್ಯೇಽಷ್ಟದಲಂ ಪದ್ಮಂ ಉದ್ಯದರ್ಕಪ್ರಭೋದಯಮ್ ।

ನಿಗಮಾಗಮರೋಲಮ್ಬಲಮ್ಬಿತಂ ಚಿನ್ಮಯೋದಯಮ್ ॥ 13 ॥

ದಿವ್ಯಂ ತೇಜೋಮಯಂ ದಿವ್ಯಂ ದೇವತಾಭಿರ್ನಮಸ್ಕೃತಮ್ ।

ದೇದೀಪ್ಯಮಾನಂ ರುಚಿಭಿರ್ವಿಶಾಲಂ ಸುಮನೋಹರಮ್ ॥ 14 ॥

ತನ್ಮಧ್ಯೇ ಸರ್ವಲೋಕೇಶಂ ಧ್ಯಾಯೇತ್ಸರ್ವಾಙ್ಗಸುನ್ದರಮ್ ।

ಅನನ್ತಾದಿತ್ಯಸಙ್ಕಾಶಂ ಆಶ್ರಿತಾಭೀಷ್ಟದಾಯಕಮ್ ॥ 15 ॥

ಅಚಿನ್ತ್ಯಜ್ಞಾನವಿಜ್ಞಾನತೇಜೋಬಲಸಮನ್ವಿತಮ್ ।

ಸರ್ವಾಯುಧಧರಂ ದಿವ್ಯಂ ಸರ್ವಾಶ್ಚರ್ಯಮಯಂ ಗುಹಮ್ ॥ 16 ॥

ಮಹಾರ್ಹ ರತ್ನಖಚಿತ ಷಟ್ಕಿರೀಟವಿರಾಜಿತಮ್ ।

ಶಶಾಙ್ಕಾರ್ಧಕಲಾರಮ್ಯ ಸಮುದ್ಯನ್ಮೌಲಿಭೂಷಣಮ್ ॥ 17 ॥

ಮದನೋಜ್ಜ್ವಲಕೋದಣ್ಡಮಙ್ಗಲಭ್ರೂವಿರಾಜಿತಮ್ ।

ವಿಸ್ತೀರ್ಣಾರುಣಪದ್ಮಶ್ರೀ ವಿಲಸದ್ದ್ವಾದಶೇಕ್ಷಣಮ್ ॥ 18 ॥

ಚಾರುಶ್ರೀವರ್ಣಸಮ್ಪೂರ್ಣಮುಖಶೋಭಾವಿಭಾಸುರಮ್ ।

ಮಣಿಪ್ರಭಾಸಮಗ್ರಶ್ರೀಸ್ಫುರನ್ಮಕರಕುಣ್ಡಲಮ್ ॥ 19 ॥

ಲಸದ್ದರ್ಪಣದರ್ಪಾಢ್ಯ ಗಣ್ಡಸ್ಥಲವಿರಾಜಿತಮ್ ।

ದಿವ್ಯಕಾಞ್ಚನಪುಷ್ಪಶ್ರೀನಾಸಾಪುಟವಿರಾಜಿತಮ್ ॥ 20 ॥

ಮನ್ದಹಾಸಪ್ರಭಾಜಾಲಮಧುರಾಧರ ಶೋಭಿತಮ್ ।

ಸರ್ವಲಕ್ಷಣಲಕ್ಷ್ಮೀಭೃತ್ಕಮ್ಬುಕನ್ಧರ ಸುನ್ದರಮ್ ॥ 21 ॥

ಮಹಾನರ್ಘಮಹಾರತ್ನದಿವ್ಯಹಾರವಿರಾಜಿತಮ್ ।

ಸಮಗ್ರನಾಗಕೇಯೂರಸನ್ನದ್ಧಭುಜಮಣ್ಡಲಮ್ ॥ 22 ॥

ರತ್ನಕಙ್ಕಣಸಮ್ಭಾಸ್ವತ್ಕರಾಗ್ರ ಶ್ರೀಮಹೋಜ್ಜ್ವಲಮ್ ।

ಮಹಾಮಣಿಕವಾಟಾಭವಕ್ಷಃಸ್ಥಲವಿರಾಜಿತಮ್ ॥ 23 ॥

ಅತಿಗಾಮ್ಭೀರ್ಯಸಮ್ಭಾವ್ಯನಾಭೀನವಸರೋರುಹಮ್ ।

ರತ್ನಶ್ರೀಕಲಿತಾಬದ್ಧಲಸನ್ಮಧ್ಯಪ್ರದೇಶಕಮ್ ॥ 24 ॥

ಸ್ಫುರತ್ಕನಕಸಂವೀತಪೀತಾಮ್ಬರಸಮಾವೃತಮ್ ।

ಶೃಙ್ಗಾರರಸಸಮ್ಪೂರ್ಣ ರತ್ನಸ್ತಮ್ಭೋಪಮೋರುಕಮ್ ॥ 25 ॥

ಸ್ವರ್ಣಕಾಹಲರೋಚಿಷ್ಣು ಜಙ್ಘಾಯುಗಲಮಣ್ಡಲಮ್ ।

ರತ್ನಮಞ್ಜೀರಸನ್ನದ್ಧ ರಮಣೀಯ ಪದಾಮ್ಬುಜಮ್ ॥ 26 ॥

ಭಕ್ತಾಭೀಷ್ಟಪ್ರದಂ ದೇವಂ ಬ್ರಹ್ಮವಿಷ್ಣ್ವಾದಿಸಂಸ್ತುತಮ್ ।

ಕಟಾಕ್ಷೈಃ ಕರುಣಾದಕ್ಷೈಸ್ತೋಷಯನ್ತಂ ಜಗತ್ಪತಿಮ್ ॥ 27 ॥

ಚಿದಾನನ್ದಜ್ಞಾನಮೂರ್ತಿಂ ಸರ್ವಲೋಕಪ್ರಿಯಙ್ಕರಮ್ ।

ಶಙ್ಕರಸ್ಯಾತ್ಮಜಂ ದೇವಂ ಧ್ಯಾಯೇಚ್ಛರವಣೋದ್ಭವಮ್ ॥ 28 ॥

ಅನನ್ತಾದಿತ್ಯಚನ್ದ್ರಾಗ್ನಿ ತೇಜಃ ಸಮ್ಪೂರ್ಣವಿಗ್ರಹಮ್ ।

ಸರ್ವಲೋಕೈಕವರದಂ ಸರ್ವವಿದ್ಯಾರ್ಥತತ್ತ್ವಕಮ್ ॥ 29 ॥

ಸರ್ವೇಶ್ವರಂ ಸರ್ವವಿಭುಂ ಸರ್ವಭೂತಹಿತೇ ರತಮ್ ।

ಏವಂ ಧ್ಯಾತ್ವಾ ತು ಹೃದಯಂ ಷಣ್ಮುಖಸ್ಯ ಮಹಾತ್ಮನಃ ॥ 30 ॥

ಸರ್ವಾನ್ಕಾಮಾನವಾಪ್ನೋತಿ ಸಮ್ಯಕ್ ಜ್ಞಾನಂ ಚ ವಿನ್ದತಿ ।

ಶುಚೌ ದೇಶೇ ಸಮಾಸೀನಃ ಶುದ್ಧಾತ್ಮಾ ಚರಿತಾಹ್ನಿಕಃ ॥ 31 ॥

ಪ್ರಾಙ್ಮುಖೋ ಯತಚಿತ್ತಶ್ಚ ಜಪೇದ್ಧೃದಯಮುತ್ತಮಮ್ ।

ಸಕೃದೇವ ಮನುಂ ಜಪ್ತ್ವಾ ಸಮ್ಪ್ರಾಪ್ನೋತ್ಯಖಿಲಂ ಶುಭಮ್ ॥ 32 ॥

ಇದಂ ಸರ್ವಾಘಹರಣಂ ಮೃತ್ಯುದಾರಿದ್ರ್ಯನಾಶನಮ್ ।

ಸರ್ವಸಮ್ಪತ್ಕರಂ ಪುಣ್ಯಂ ಸರ್ವರೋಗನಿವಾರಣಮ್ ॥ 33 ॥

ಸರ್ವಕಾಮಕರಂ ದಿವ್ಯಂ ಸರ್ವಾಭೀಷ್ಟಪ್ರದಾಯಕಮ್ ।

ಪ್ರಜಾಕರಂ ರಾಜ್ಯಕರಂ ಭಾಗ್ಯದಂ ಬಹುಪುಣ್ಯದಮ್ ॥ 34 ॥

ಗುಹ್ಯಾದ್ಗುಹ್ಯತರಂ ಭೂಯೋ ದೇವಾನಾಮಪಿ ದುರ್ಲಭಮ್ ।

ಇದಂ ತು ನಾತಪಸ್ಕಾಯ ನಾಭಕ್ತಾಯ ಕದಾಚನ ॥ 35 ॥

ನ ಚಾಶುಶ್ರೂಷವೇ ದೇಯಂ ನ ಮದಾನ್ಧಾಯ ಕರ್ಹಿಚಿತ್ ।

ಸಚ್ಛಿಷ್ಯಾಯ ಕುಲೀನಾಯ ಸ್ಕನ್ದಭಕ್ತಿರತಾಯ ಚ ॥ 36 ॥

ಸತಾಮಭಿಮತಾಯೇದಂ ದಾತವ್ಯಂ ಧರ್ಮವರ್ಧನಮ್ ।

ಯ ಇದಂ ಪರಮಂ ಪುಣ್ಯಂ ನಿತ್ಯಂ ಜಪತಿ ಮಾನವಃ ।

ತಸ್ಯ ಶ್ರೀ ಭಗವಾನ್ ಸ್ಕನ್ದಃ ಪ್ರಸನ್ನೋ ಭವತಿ ಧ್ರುವಮ್ ॥ 37 ॥

ಇತಿ ಶ್ರೀಸ್ಕಾನ್ದಪುರಾಣೇ ಸುಬ್ರಹ್ಮಣ್ಯಹೃದಯಸ್ತೋತ್ರಮ್ ॥

Roman (IAST) Transliteration

asya śrīsubrahmaṇyahṛdayastotramahāmantrasya, agastyo bhagavān ṛṣiḥ, anuṣṭupchandaḥ, śrīsubrahmaṇyo devatā, sauṃ bījaṃ, svāhā śaktiḥ, śrīṃ kīlakaṃ, śrīsubrahmaṇya prasādasiddhyarthe jape viniyogaḥ ||

karanyāsaḥ –

subrahmaṇyāya aṅguṣṭhābhyāṃ namaḥ |

ṣaṇmukhāya tarjanībhyāṃ namaḥ |

śaktidharāya madhyamābhyāṃ namaḥ |

ṣaṭkoṇasaṃsthitāya anāmikābhyāṃ namaḥ |

sarvatomukhāya kaniṣṭhikābhyāṃ namaḥ |

tārakāntakāya karatalakarapṛṣṭhābhyāṃ namaḥ ||

hṛdayādi nyāsaḥ –

subrahmaṇyāya hṛdayāya namaḥ |

ṣaṇmukhāya śirase svāhā |

śaktidharāya śikhāyai vaṣaṭ |

ṣaṭkoṇasaṃsthitāya kavacāya hum |

sarvatomukhāya netratrayāya vauṣaṭ |

tārakāntakāya astrāya phaṭ |

bhūrbhuvassuvaromiti digbandhaḥ ||

dhyānam |

ṣaḍvaktraṃ śikhivāhanaṃ trinayanaṃ citrāmbarālaṅkṛtaṃ

vajraṃ śaktimasiṃ triśūlamabhayaṃ kheṭaṃ dhanuścakrakam |

pāśaṃ kukkuṭamaṅkuśaṃ ca varadaṃ dorbhirdadhānaṃ sadā

dhyāyāmīpsita siddhidaṃ śivasutaṃ śrīdvādaśākṣaṃ guham ||

lamityādi pañcapūjāṃ kuryāt |

pīṭhikā |

satyaloke sadānande munibhiḥ pariveṣṭitam |

papracchurmunayaḥ sarve brahmāṇaṃ jagatāṃ gurum || 1 ||

bhagavan sarvalokeśa sarvajña kamalāsana |

sadānanda jñānamūrte sarvabhūtahite rata || 2 ||

bahudhā proktametasya guhasya caritaṃ mahat |

hṛdayaṃ śrotumicchāmaḥ tasyaiva krauñcabhedinaḥ || 3 ||

brahmovāca |

śṛṇvantu munayaḥ sarve guhyādguhyataraṃ mahat |

subrahmaṇyasya hṛdayaṃ sarvabhūtahitodayam || 4 ||

sarvārthasiddhidaṃ puṇyaṃ sarvakāryaika sādhanam |

dharmārthakāmadaṃ guhyaṃ dhanadhānyapravardhanam || 5 ||

rahasyametaddevānāṃ adeyaṃ yasya kasyacit |

sarvamitrakaraṃ gopyaṃ tejobalasamanvitam || 6 ||

pravakṣyāmi hitārthaṃ vaḥ parituṣṭena cetasā |

hṛtpadmakarṇikāmadhye dhyāyetsarvamanoharam || 7 ||

atha hṛdayam |

suvarṇamaṇḍapaṃ divyaṃ ratnatoraṇarājitam |

ratnastambhasahasraiśca śobhitaṃ paramādbhutam || 8 ||

paramānandanilayaṃ bhāsvatsūryasamaprabham |

devadānavagandharvagaruḍairyakṣakinnaraiḥ | || 9 ||

sevārthamāgataiḥ siddhaiḥ sādhyairadhyuṣitaṃ sadā |

mahāyogīndrasaṃsevyaṃ mandāratarumaṇḍitam || 10 ||

maṇividrumavedībhirmahatībhirudañcitam |

tanmadhye'nantaratna śrīcchaṭāmaṇḍalaśobhitam || 11 ||

ratnasiṃhāsanaṃ divyaṃ ravikoṭisamaprabham |

sarvāścaryamayaṃ puṇyaṃ sarvataḥ supariṣkṛtam || 12 ||

tanmadhye'ṣṭadalaṃ padmaṃ udyadarkaprabhodayam |

nigamāgamarolambalambitaṃ cinmayodayam || 13 ||

divyaṃ tejomayaṃ divyaṃ devatābhirnamaskṛtam |

dedīpyamānaṃ rucibhirviśālaṃ sumanoharam || 14 ||

tanmadhye sarvalokeśaṃ dhyāyetsarvāṅgasundaram |

anantādityasaṅkāśaṃ āśritābhīṣṭadāyakam || 15 ||

acintyajñānavijñānatejobalasamanvitam |

sarvāyudhadharaṃ divyaṃ sarvāścaryamayaṃ guham || 16 ||

mahārha ratnakhacita ṣaṭkirīṭavirājitam |

śaśāṅkārdhakalāramya samudyanmaulibhūṣaṇam || 17 ||

madanojjvalakodaṇḍamaṅgalabhrūvirājitam |

vistīrṇāruṇapadmaśrī vilasaddvādaśekṣaṇam || 18 ||

cāruśrīvarṇasampūrṇamukhaśobhāvibhāsuram |

maṇiprabhāsamagraśrīsphuranmakarakuṇḍalam || 19 ||

lasaddarpaṇadarpāḍhya gaṇḍasthalavirājitam |

divyakāñcanapuṣpaśrīnāsāpuṭavirājitam || 20 ||

mandahāsaprabhājālamadhurādhara śobhitam |

sarvalakṣaṇalakṣmībhṛtkambukandhara sundaram || 21 ||

mahānarghamahāratnadivyahāravirājitam |

samagranāgakeyūrasannaddhabhujamaṇḍalam || 22 ||

ratnakaṅkaṇasambhāsvatkarāgra śrīmahojjvalam |

mahāmaṇikavāṭābhavakṣaḥsthalavirājitam || 23 ||

atigāmbhīryasambhāvyanābhīnavasaroruham |

ratnaśrīkalitābaddhalasanmadhyapradeśakam || 24 ||

sphuratkanakasaṃvītapītāmbarasamāvṛtam |

śṛṅgārarasasampūrṇa ratnastambhopamorukam || 25 ||

svarṇakāhalarociṣṇu jaṅghāyugalamaṇḍalam |

ratnamañjīrasannaddha ramaṇīya padāmbujam || 26 ||

bhaktābhīṣṭapradaṃ devaṃ brahmaviṣṇvādisaṃstutam |

kaṭākṣaiḥ karuṇādakṣaistoṣayantaṃ jagatpatim || 27 ||

cidānandajñānamūrtiṃ sarvalokapriyaṅkaram |

śaṅkarasyātmajaṃ devaṃ dhyāyeccharavaṇodbhavam || 28 ||

anantādityacandrāgni tejaḥ sampūrṇavigraham |

sarvalokaikavaradaṃ sarvavidyārthatattvakam || 29 ||

sarveśvaraṃ sarvavibhuṃ sarvabhūtahite ratam |

evaṃ dhyātvā tu hṛdayaṃ ṣaṇmukhasya mahātmanaḥ || 30 ||

sarvānkāmānavāpnoti samyak jñānaṃ ca vindati |

śucau deśe samāsīnaḥ śuddhātmā caritāhnikaḥ || 31 ||

prāṅmukho yatacittaśca japeddhṛdayamuttamam |

sakṛdeva manuṃ japtvā samprāpnotyakhilaṃ śubham || 32 ||

idaṃ sarvāghaharaṇaṃ mṛtyudāridryanāśanam |

sarvasampatkaraṃ puṇyaṃ sarvaroganivāraṇam || 33 ||

sarvakāmakaraṃ divyaṃ sarvābhīṣṭapradāyakam |

prajākaraṃ rājyakaraṃ bhāgyadaṃ bahupuṇyadam || 34 ||

guhyādguhyataraṃ bhūyo devānāmapi durlabham |

idaṃ tu nātapaskāya nābhaktāya kadācana || 35 ||

na cāśuśrūṣave deyaṃ na madāndhāya karhicit |

sacchiṣyāya kulīnāya skandabhaktiratāya ca || 36 ||

satāmabhimatāyedaṃ dātavyaṃ dharmavardhanam |

ya idaṃ paramaṃ puṇyaṃ nityaṃ japati mānavaḥ |

tasya śrī bhagavān skandaḥ prasanno bhavati dhruvam || 37 ||

iti śrīskāndapurāṇe subrahmaṇyahṛdayastotram ||