Shri Shanmukha Shatkam — InfoLyter.in

ॐ

ಶ್ರೀ ಷಣ್ಮುಖ ಷಟ್ಕಮ್

Shri Shanmukha Shatkam

Murugan Kannada

ಗಿರಿತನಯಾಸುತ ಗಾಙ್ಗಪಯೋದಿತ ಗನ್ಧಸುವಾಸಿತ ಬಾಲತನೋ

ಗುಣಗಣಭೂಷಣ ಕೋಮಲಭಾಷಣ ಕ್ರೌಞ್ಚವಿದಾರಣ ಕುನ್ದತನೋ ।

ಗಜಮುಖಸೋದರ ದುರ್ಜಯದಾನವಸಙ್ಘವಿನಾಶಕ ದಿವ್ಯತನೋ

ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 1 ॥

ಪ್ರತಿಗಿರಿಸಂಸ್ಥಿತ ಭಕ್ತಹೃದಿಸ್ಥಿತ ಪುತ್ರಧನಪ್ರದ ರಮ್ಯತನೋ

ಭವಭಯಮೋಚಕ ಭಾಗ್ಯವಿಧಾಯಕ ಭೂಸುತವಾರ ಸುಪೂಜ್ಯತನೋ ।

ಬಹುಭುಜಶೋಭಿತ ಬನ್ಧವಿಮೋಚಕ ಬೋಧಫಲಪ್ರದ ಬೋಧತನೋ

ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 2 ॥

ಶಮಧನಮಾನಿತ ಮೌನಿಹೃದಾಲಯ ಮೋಕ್ಷಕೃದಾಲಯ ಮುಗ್ಧತನೋ

ಶತಮಖಪಾಲಕ ಶಙ್ಕರತೋಷಕ ಶಙ್ಖಸುವಾದಕ ಶಕ್ತಿತನೋ ।

ದಶಶತಮನ್ಮಥ ಸನ್ನಿಭಸುನ್ದರ ಕುಣ್ಡಲಮಣ್ಡಿತ ಕರ್ಣವಿಭೋ

ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 3 ॥

ಗುಹ ತರುಣಾರುಣಚೇಲಪರಿಷ್ಕೃತ ತಾರಕಮಾರಕ ಮಾರತನೋ

ಜಲನಿಧಿತೀರಸುಶೋಭಿವರಾಲಯ ಶಙ್ಕರಸನ್ನುತ ದೇವಗುರೋ ।

ವಿಹಿತಮಹಾಧ್ವರಸಾಮನಿಮನ್ತ್ರಿತ ಸೌಮ್ಯಹೃದನ್ತರ ಸೋಮತನೋ

ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 4 ॥

ಲವಲಿಕಯಾ ಸಹ ಕೇಲಿಕಲಾಪರ ದೇವಸುತಾರ್ಪಿತ ಮಾಲ್ಯತನೋ

ಗುರುಪದಸಂಸ್ಥಿತ ಶಙ್ಕರದರ್ಶಿತ ತತ್ತ್ವಮಯಪ್ರಣವಾರ್ಥವಿಭೋ ।

ವಿಧಿಹರಿಪೂಜಿತ ಬ್ರಹ್ಮಸುತಾರ್ಪಿತ ಭಾಗ್ಯಸುಪೂರಕ ಯೋಗಿತನೋ

ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 5 ॥

ಕಲಿಜನಪಾಲನ ಕಞ್ಜಸುಲೋಚನ ಕುಕ್ಕುಟಕೇತನ ಕೇಲಿತನೋ

ಕೃತಬಲಿಪಾಲನ ಬರ್ಹಿಣವಾಹನ ಫಾಲವಿಲೋಚನಶಮ್ಭುತನೋ ।

ಶರವಣಸಮ್ಭವ ಶತ್ರುನಿಬರ್ಹಣ ಚನ್ದ್ರಸಮಾನನ ಶರ್ಮತನೋ

ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 6 ॥

ಸುಖದಮನನ್ತಪದಾನ್ವಿತ ರಾಮಸುದೀಕ್ಷಿತ ಸತ್ಕವಿಪದ್ಯಮಿದಂ

ಶರವಣ ಸಮ್ಭವ ತೋಷದಮಿಷ್ಟದಮಷ್ಟಸುಸಿದ್ಧಿದಮಾರ್ತಿಹರಮ್ ।

ಪಠತಿ ಶೃಣೋತಿ ಚ ಭಕ್ತಿಯುತೋ ಯದಿ ಭಾಗ್ಯಸಮೃದ್ಧಿಮಥೋ ಲಭತೇ

ಜಯ ಜಯ ಹೇ ಗುಹ ಷಣ್ಮುಖ ಸುನ್ದರ ದೇಹಿ ರತಿಂ ತವ ಪಾದಯುಗೇ ॥ 7 ॥

ಇತಿ ಶ್ರೀಅನನ್ತರಾಮದೀಕ್ಷಿತ ಕೃತಂ ಷಣ್ಮುಖ ಷಟ್ಕಮ್ ॥

Roman (IAST) Transliteration

giritanayāsuta gāṅgapayodita gandhasuvāsita bālatano

guṇagaṇabhūṣaṇa komalabhāṣaṇa krauñcavidāraṇa kundatano |

gajamukhasodara durjayadānavasaṅghavināśaka divyatano

jaya jaya he guha ṣaṇmukha sundara dehi ratiṃ tava pādayuge || 1 ||

pratigirisaṃsthita bhaktahṛdisthita putradhanaprada ramyatano

bhavabhayamocaka bhāgyavidhāyaka bhūsutavāra supūjyatano |

bahubhujaśobhita bandhavimocaka bodhaphalaprada bodhatano

jaya jaya he guha ṣaṇmukha sundara dehi ratiṃ tava pādayuge || 2 ||

śamadhanamānita maunihṛdālaya mokṣakṛdālaya mugdhatano

śatamakhapālaka śaṅkaratoṣaka śaṅkhasuvādaka śaktitano |

daśaśatamanmatha sannibhasundara kuṇḍalamaṇḍita karṇavibho

jaya jaya he guha ṣaṇmukha sundara dehi ratiṃ tava pādayuge || 3 ||

guha taruṇāruṇacelapariṣkṛta tārakamāraka māratano

jalanidhitīrasuśobhivarālaya śaṅkarasannuta devaguro |

vihitamahādhvarasāmanimantrita saumyahṛdantara somatano

jaya jaya he guha ṣaṇmukha sundara dehi ratiṃ tava pādayuge || 4 ||

lavalikayā saha kelikalāpara devasutārpita mālyatano

gurupadasaṃsthita śaṅkaradarśita tattvamayapraṇavārthavibho |

vidhiharipūjita brahmasutārpita bhāgyasupūraka yogitano

jaya jaya he guha ṣaṇmukha sundara dehi ratiṃ tava pādayuge || 5 ||

kalijanapālana kañjasulocana kukkuṭaketana kelitano

kṛtabalipālana barhiṇavāhana phālavilocanaśambhutano |

śaravaṇasambhava śatrunibarhaṇa candrasamānana śarmatano

jaya jaya he guha ṣaṇmukha sundara dehi ratiṃ tava pādayuge || 6 ||

sukhadamanantapadānvita rāmasudīkṣita satkavipadyamidaṃ

śaravaṇa sambhava toṣadamiṣṭadamaṣṭasusiddhidamārtiharam |

paṭhati śṛṇoti ca bhaktiyuto yadi bhāgyasamṛddhimatho labhate

jaya jaya he guha ṣaṇmukha sundara dehi ratiṃ tava pādayuge || 7 ||

iti śrīanantarāmadīkṣita kṛtaṃ ṣaṇmukha ṣaṭkam ||