Shri Shankaracharya Varyam

ॐ

ಶ್ರೀ ಶಙ್ಕರಾಚಾರ್ಯ ವರ್ಯಮ್

Adi Shankaracharya Kannada

॥ ಶ್ರೀಶಙ್ಕರಾಚಾರ್ಯಸ್ತವಃ ॥

ಶ್ರೀಶಙ್ಕರಾಚಾರ್ಯವರ್ಯಂ ಸರ್ವಲೋಕೈಕವನ್ದ್ಯಂ ಭಜೇ ದೇಶಿಕೇನ್ದ್ರಮ್

ಧರ್ಮಪ್ರಚಾರೇಽತಿದಕ್ಷಂ ಯೋಗಿಗೋವಿನ್ದಪಾದಾಪ್ತಸನ್ಯಾಸದೀಕ್ಷಮ್ ।

ದುರ್ವಾದಿಗರ್ವಾಪನೋದಂ ಪದ್ಮಪಾದಾದಿಶಿಷ್ಯಾಲಿಸಂಸೇವ್ಯಪಾದಮ್ ॥1॥

(ಶ್ರೀಶಙ್ಕರಾಚಾರ್ಯವರ್ಯಂ)

ಶಙ್ಕಾದ್ರಿದಮ್ಭೋಲಿಲೀಲಂ ಕಿಙ್ಕರಾಶೇಷಶಿಷ್ಯಾಲಿ ಸನ್ತ್ರಾಣಶೀಲಮ್ ।

ಬಾಲಾರ್ಕನೀಕಾಶಚೇಲಂ ಬೋಧಿತಾಶೇಷವೇದಾನ್ತ ಗೂಢಾರ್ಥಜಾಲಮ್ ॥2॥

(ಶ್ರೀಶಙ್ಕರಾಚಾರ್ಯವರ್ಯಂ)

ರುದ್ರಾಕ್ಷಮಾಲಾವಿಭೂಷಂ ಚನ್ದ್ರಮೌಲೀಶ್ವರಾರಾಧನಾವಾಪ್ತತೋಷಮ್ ।

ವಿದ್ರಾವಿತಾಶೇಷದೋಷಂ ಭದ್ರಪೂಗಪ್ರದಂ ಭಕ್ತಲೋಕಸ್ಯ ನಿತ್ಯಮ್ ॥3॥

(ಶ್ರೀಶಙ್ಕರಾಚಾರ್ಯವರ್ಯಂ)

ಪಾಪಾಟವೀಚಿತ್ರಭಾನುಂ ಜ್ಞಾನದೀಪೇನ ಹಾರ್ದಂ ತಮೋ ವಾರಯನ್ತಮ್ ।

ದ್ವೈಪಾಯನಪ್ರೀತಿಭಾಜಂ ಸರ್ವತಾಪಾಪಹಾಮೋಘಬೋಧಪ್ರದಂ ತಮ್ ॥4॥

(ಶ್ರೀಶಙ್ಕರಾಚಾರ್ಯವರ್ಯಂ)

ರಾಜಾಧಿರಾಜಾಭಿಪೂಜ್ಯಂ ರಮ್ಯಶೃಙ್ಗಾದ್ರಿವಾಸೈಕಲೋಲಂ ಯತೀಡ್ಯಮ್ ।

ರಾಕೇನ್ದುಸಙ್ಕಾಶವಕ್ತ್ರಂ ರತ್ನಗರ್ಭೇಭವಕ್ತ್ರಾಙ್ಘ್ರಿಪೂಜಾನುರಕ್ತಮ್ ॥5॥

(ಶ್ರೀಶಙ್ಕರಾಚಾರ್ಯವರ್ಯಂ)

ಶ್ರೀಭಾರತೀತೀರ್ಥಗೀತಂ ಶಙ್ಕರಾರ್ಯಸ್ತವಂ ಯಃ ಪಠೇದ್ಭಕ್ತಿಯುಕ್ತಃ ।

ಸೋಽವಾಪ್ನುಯಾತ್ಸರ್ವಮಿಷ್ಟಂ ಶಙ್ಕರಾಚಾರ್ಯವರ್ಯಪ್ರಸಾದೇನ ತೂರ್ಣಮ್ ॥6॥

(ಶ್ರೀಶಙ್ಕರಾಚಾರ್ಯವರ್ಯಂ)

Roman (IAST) Transliteration

|| śrīśaṅkarācāryastavaḥ ||

śrīśaṅkarācāryavaryaṃ sarvalokaikavandyaṃ bhaje deśikendram

dharmapracāre'tidakṣaṃ yogigovindapādāptasanyāsadīkṣam |

durvādigarvāpanodaṃ padmapādādiśiṣyālisaṃsevyapādam ||1||

(śrīśaṅkarācāryavaryaṃ)

śaṅkādridambholilīlaṃ kiṅkarāśeṣaśiṣyāli santrāṇaśīlam |

bālārkanīkāśacelaṃ bodhitāśeṣavedānta gūḍhārthajālam ||2||

(śrīśaṅkarācāryavaryaṃ)

rudrākṣamālāvibhūṣaṃ candramaulīśvarārādhanāvāptatoṣam |

vidrāvitāśeṣadoṣaṃ bhadrapūgapradaṃ bhaktalokasya nityam ||3||

(śrīśaṅkarācāryavaryaṃ)

pāpāṭavīcitrabhānuṃ jñānadīpena hārdaṃ tamo vārayantam |

dvaipāyanaprītibhājaṃ sarvatāpāpahāmoghabodhapradaṃ tam ||4||

(śrīśaṅkarācāryavaryaṃ)

rājādhirājābhipūjyaṃ ramyaśṛṅgādrivāsaikalolaṃ yatīḍyam |

rākendusaṅkāśavaktraṃ ratnagarbhebhavaktrāṅghripūjānuraktam ||5||

(śrīśaṅkarācāryavaryaṃ)

śrībhāratītīrthagītaṃ śaṅkarāryastavaṃ yaḥ paṭhedbhaktiyuktaḥ |

so'vāpnuyātsarvamiṣṭaṃ śaṅkarācāryavaryaprasādena tūrṇam ||6||

(śrīśaṅkarācāryavaryaṃ)