Shri Pratyangira Sahasranama Stotram

ॐ

ಶ್ರೀ ಪ್ರತ್ಯಙ್ಗಿರಾ ಸಹಸ್ರನಾಮ ಸ್ತೋತ್ರಮ್

Sahasranamam Kannada

ಈಶ್ವರ ಉವಾಚ

ಶೃಣು ದೇವಿ ಪ್ರವಕ್ಷ್ಯಾಮಿ ಸಾಮ್ಪ್ರತಂ ತತ್ಪುರಾತನಮ್ ।

ಸಹಸ್ರನಾಮ ಪರಮಂ ಪ್ರತ್ಯಙ್ಗಿರಾರ್ಥ ಸಿದ್ಧಯೇ ॥ 1 ॥

ಸಹಸ್ರನಾಮಪಾಠೇನ ಸರ್ವತ್ರ ವಿಜಯೀ ಭವೇತ್ ।

ಪರಾಭವೋ ನ ಚಾಸ್ಯಾಸ್ತಿ ಸಭಾಯಾಂ ವಾ ವನೇ ರಣೇ ॥ 2 ॥

ತಥಾ ತುಷ್ಟಾ ಭವೇದ್ದೇವೀ ಪ್ರತ್ಯಙ್ಗಿರಾಽಸ್ಯ ಪಾಠತಃ ।

ಯಥಾ ಭವತಿ ದೇವೇಶಿ ಸಾಧಕಃ ಶಿವ ಏವ ಹಿ ॥ 3 ॥

ಅಶ್ವಮೇಧಸಹಸ್ರಾಣಿ ವಾಜಪೇಯಸ್ಯ ಕೋಟಯಃ ।

ಸಕೃತ್ಪಾಠೇನ ಜಾಯನ್ತೇ ಪ್ರಸನ್ನಾ ಪ್ರತ್ಯಙ್ಗಿರಾ ಭವೇತ್ ॥ 4 ॥

ಭೈರವೋಽಸ್ಯ ಋಷಿಶ್ಛನ್ದೋಽನುಷ್ಟುಪ್ ದೇವೀ ಸಮೀರಿತಾ ।

ಪ್ರತ್ಯಙ್ಗಿರಾ ವಿನಿಯೋಗಃ ಸರ್ವಸಮ್ಪತ್ತಿ ಹೇತವೇ ॥ 5 ॥

ಸರ್ವಕಾರ್ಯೇಷು ಸಂಸಿದ್ಧಿಃ ಸರ್ವಸಮ್ಪತ್ತಿದಾ ಭವೇತ್ ।

ಏವಂ ಧ್ಯಾತ್ವಾ ಪಠೇದೇತದ್ಯದೀಚ್ಛೇದಾತ್ಮನೋ ಹಿತಮ್ ॥ 6 ॥

ಅಸ್ಯ ಶ್ರೀಪ್ರತ್ಯಙ್ಗಿರಾ ಸಹಸ್ರನಾಮಮಹಾಮನ್ತ್ರಸ್ಯ ಭೈರವ ಋಷಿಃ ಅನುಷ್ಟುಪ್ ಛನ್ದಃ ಶ್ರೀಮಹಾಪ್ರತ್ಯಙ್ಗಿರಾ ದೇವತಾ ಹ್ರೀಂ ಬೀಜಂ ಶ್ರೀಂ ಶಕ್ತಿಃ ಸ್ವಾಹಾ ಕೀಲಕಂ ಪರಕೃತ್ಯಾವಿನಾಶಾರ್ಥೇ ಜಪೇ ಪಾಠೇ ವಿನಿಯೋಗಃ ॥

ಕರನ್ಯಾಸಃ

ಓಂ ಹ್ರಾಂ ಅಙ್ಗುಷ್ಠಾಭ್ಯಾಂ ನಮಃ ।

ಓಂ ಹ್ರೀಂ ತರ್ಜನೀಭ್ಯಾಂ ನಮಃ ।

ಓಂ ಹ್ರೂಂ ಮಧ್ಯಮಾಭ್ಯಾಂ ನಮಃ ।

ಓಂ ಹ್ರೈಂ ಅನಾಮಿಕಾಭ್ಯಾಂ ನಮಃ ।

ಓಂ ಹ್ರೌಂ ಕನಿಷ್ಠಿಕಾಭ್ಯಾಂ ನಮಃ ।

ಓಂ ಹ್ರಃ ಕರತಲ ಕರಪೃಷ್ಠಾಭ್ಯಾಂ ನಮಃ ।

ಹೃದಯಾದಿ ನ್ಯಾಸಃ

ಓಂ ಹ್ರಾಂ ಹೃದಯಾಯ ನಮಃ ।

ಓಂ ಹ್ರೀಂ ಶಿರಸೇ ಸ್ವಾಹಾ ।

ಓಂ ಹ್ರೂಂ ಶಿಖಾಯೈ ವಷಟ್ ।

ಓಂ ಹ್ರೈಂ ಕವಚಾಯ ಹುಮ್ ।

ಓಂ ಹ್ರೌಂ ನೇತ್ರತ್ರಯಾಯ ವೌಷಟ್ ।

ಓಂ ಹ್ರಃ ಅಸ್ತ್ರಾಯ ಫಟ್ ।

ಧ್ಯಾನಮ್

ಆಶಾಮ್ಬರಾ ಮುಕ್ತಕಚಾ ಘನಚ್ಛವಿ-

-ರ್ಧ್ಯೇಯಾ ಸಚರ್ಮಾಸಿಕರಾ ಹಿ ಭೂಷಣಾ ।

ದಂಷ್ಟ್ರೋಗ್ರವಕ್ತ್ರಾ ಗ್ರಸಿತಾ ಹಿತಾ ತ್ವಯಾ

ಪ್ರತ್ಯಙ್ಗಿರಾ ಶಙ್ಕರತೇಜಸೇರಿತಾ ॥

ಸ್ತೋತ್ರಮ್

ದೇವೀ ಪ್ರತ್ಯಙ್ಗಿರಾ ದಿವ್ಯಾ ಸರಸಾ ಶಶಿಶೇಖರಾ ।

ಸುಮನಾ ಸಾಮಿಧೇತೀ ಚ ಸಮಸ್ತಸುರಶೇಮುಷೀ ॥ 1 ॥

ಸರ್ವಸಮ್ಪತ್ತಿಜನನೀ ಸರ್ವದಾ ಸಿನ್ಧುಸೇವಿನೀ ।

ಶಮ್ಭುಸೀಮನ್ತಿನೀ ಸೀಮಾ ಸುರಾರಾಧ್ಯಾ ಸುಧಾರಸಾ ॥ 2 ॥

ರಸಾ ರಸವತೀ ವೇಲಾ ವನ್ಯಾ ಚ ವನಮಾಲಿನೀ ।

ವನಜಾಕ್ಷೀ ವನಚರೀ ವನೀ ವನವಿನೋದಿನೀ ॥ 3 ॥

ವೇಗಿನೀ ವೇಗದಾ ವೇಗಬಲಾಸ್ಯಾ ಚ ಬಲಾಧಿಕಾ ।

ಕಲಾ ಕಲಪ್ರಿಯಾ ಕೋಲೀ ಕೋಮಲಾ ಕಾಲಕಾಮಿನೀ ॥ 4 ॥

ಕಮಲಾ ಕಮಲಾಸ್ಯಾ ಚ ಕಮಲಸ್ಥಾ ಕಲಾವತೀ ।

ಕುಲೀನಾ ಕುಟಿಲಾ ಕಾನ್ತಾ ಕೋಕಿಲಾ ಕಲಭಾಷಿಣೀ ॥ 5 ॥

ಕೀರಕೀಲೀ ಕಲಾ ಕಾಲೀ ಕಪಾಲಿನ್ಯಪಿ ಕಾಲಿಕಾ ।

ಕೇಶಿನೀ ಚ ಕುಶಾವರ್ತಾ ಕೌಶಾಮ್ಬೀ ಕೇಶವಪ್ರಿಯಾ ॥ 6 ॥

ಕಾಶೀ ಕಲಾ ಮಹಾಕಾಶೀ ಸಙ್ಕಾಶಾ ಕೇಶದಾಯಿನೀ ।

ಕುಣ್ಡಲೀ ಕುಣ್ಡಲಾಸ್ಯಾ ಚ ಕುಣ್ಡಲಾಙ್ಗದಮಣ್ಡಿತಾ ॥ 7 ॥

ಕುಣಪಾಲೀ ಕುಮುದಿನೀ ಕುಮುದಾ ಪ್ರೀತಿವರ್ಧಿನೀ ।

ಕುನ್ದಪ್ರಿಯಾ ಕುನ್ದರುಚಿಃ ಕುರಙ್ಗಮದನೋದಿನೀ ॥ 8 ॥

ಕುರಙ್ಗನಯನಾ ಕುನ್ದಾ ಕುರುವೃನ್ದಾಽಭಿನನ್ದಿನೀ ।

ಕುಸುಮ್ಭಕುಸುಮಾ ಕಾಞ್ಚೀ ಕ್ವಣತ್ಕಿಙ್ಕಿಣಿಕಾ ಕಟಾ ॥ 9 ॥

ಕಠೋರಾ ಕರುಣಾ ಕಾಷ್ಠಾ ಕೌಮುದೀ ಕಮ್ಬುಕಣ್ಠಿನೀ ।

ಕಪರ್ದಿನೀ ಕಪಟಿನೀ ಕಣ್ಠಿನೀ ಕಾಲಕಣ್ಠಿಕಾ ॥ 10 ॥

ಕೀರಹಸ್ತಾ ಕುಮಾರೀ ಚ ಕುರುದಾ ಕುಸುಮಪ್ರಿಯಾ ।

ಕುಞ್ಜರಸ್ಥಾ ಕುಞ್ಜರತಾ ಕುಮ್ಭಿ ಕುಮ್ಭಸ್ತನದ್ವಯಾ ॥ 11 ॥

ಕುಮ್ಭಿಗಾ ಕರಿಭೋಗಾ ಚ ಕದಲೀ ದಲಶಾಲಿನೀ ।

ಕುಪಿತಾ ಕೋಟರಸ್ಥಾ ಚ ಕಙ್ಕಾಲೀ ಕನ್ದರೋದರಾ ॥ 12 ॥

ಏಕಾನ್ತವಾಸಿನೀ ಕಾಞ್ಚೀ ಕಮ್ಪಮಾನಶಿರೋರುಹಾ ।

ಕಾದಮ್ಬರೀ ಕದಮ್ಬಸ್ಥಾ ಕುಙ್ಕುಮಪ್ರೇಮಧಾರಿಣೀ ॥ 13 ॥

ಕುಟುಮ್ಬಿನೀಪ್ರಿಯಾಽಽಕೂತೀ ಕ್ರತುಃ ಕ್ರತುಕರೀ ಪ್ರಿಯಾ ।

ಕಾತ್ಯಾಯನೀ ಕೃತ್ತಿಕಾ ಚ ಕಾರ್ತಿಕೇಯಪ್ರವರ್ತಿನೀ ॥ 14 ॥

ಕಾಮಪತ್ನೀ ಕಾಮದಾತ್ರೀ ಕಾಮೇಶೀ ಕಾಮವನ್ದಿತಾ ।

ಕಾಮರೂಪಾ ಕ್ರಮಾವರ್ತೀ ಕಾಮಾಕ್ಷೀ ಕಾಮಮೋಹಿತಾ ॥ 15 ॥

ಖಡ್ಗಿನೀ ಖೇಚರೀ ಖಡ್ಗಾ ಖಞ್ಜರೀಟೇಕ್ಷಣಾ ಖಲಾ ।

ಖರಗಾ ಖರನಾಥಾ ಚ ಖರಾಸ್ಯಾ ಖೇಲನಪ್ರಿಯಾ ॥ 16 ॥

ಖರಾಂಶುಃ ಖೇಟಿನೀ ಖಟ್ವಾ ಖಗಾ ಖಟ್ವಾಙ್ಗಧಾರಿಣೀ ।

ಖರಖಣ್ಡಿನೀ ಖ್ಯಾತಾ ಖಣ್ಡಿತಾ ಖಣ್ಡನೀಸ್ಥಿತಾ ॥ 17 ॥

ಖಣ್ಡಪ್ರಿಯಾ ಖಣ್ಡಖಾದ್ಯಾ ಸೇನ್ದುಖಣ್ಡಾ ಚ ಖಣ್ಡಿನೀ ।

ಗಙ್ಗಾ ಗೋದಾವರೀ ಗೌರೀ ಗೋಮತ್ಯಪಿ ಚ ಗೌತಮೀ ॥ 18 ॥

ಗಯಾ ಗೇಯಾ ಗಗನಗಾ ಗಾರುಡೀ ಗರುಡಧ್ವಜಾ ।

ಗೀತಾ ಗೀತಪ್ರಿಯಾ ಗೋಪಾ ಗಣ್ಡಪ್ರೀತಾ ಗುಣೀ ಗಿರಾ ॥ 19 ॥

ಗುಂ ಗೌರೀ ಮನ್ದಮದನಾ ಗೋಕುಲಾ ಗೋಪ್ರತಾರಿಣೀ ।

ಗೋದಾ ಗೋವಿನ್ದಿನೀ ಗೂಢಾ ನಿರ್ಗೂಢಾ ಗೂಢವಿಗ್ರಹಾ ॥ 20 ॥

ಗುಞ್ಜಿನೀ ಗಜಗಾ ಗೋಪೀ ಗೋತ್ರಕ್ಷಯಕರೀ ಗದಾ ।

ಗಿರಿಭೂಪಾಲದುಹಿತಾ ಗೋಗಾ ಗೋಚ್ಛಲವರ್ಧಿನೀ ॥ 21 ॥

ಘನಸ್ತನೀ ಘನರುಚಿರ್ಘನೇಹಾ ಘನನಿಃಸ್ವನಾ ।

ಘೂತ್ಕಾರಿಣೀ ಘೂಘಕರೀ ಘುಘೂಕಪರಿವಾರಿತಾ ॥ 22 ॥

ಘಣ್ಟಾನಾದಪ್ರಿಯಾ ಘಣ್ಟಾ ಘನಾಘೋಟಕವಾಹಿನೀ ।

ಘೋರರೂಪಾ ಚ ಘೋರಾ ಚ ಘೂತೀ ಪ್ರತಿಘನಾ ಘನೀ ॥ 23 ॥

ಘೃತಾಚೀ ಘನಪುಷ್ಟಿಶ್ಚ ಘಟಾ ಘನಘಟಾಽಮೃತಾ ।

ಘಟಸ್ಯಾ ಘಟನಾ ಘೋಘಘಾತಪಾತನಿವಾರಿಣೀ ॥ 24 ॥

ಚಞ್ಚರೀಕಾ ಚಕೋರೀ ಚ ಚಾಮುಣ್ಡಾ ಚೀರಧಾರಿಣೀ ।

ಚಾತುರೀ ಚಪಲಾ ಚಕ್ರಚಲಾ ಚೇಲಾ ಚಲಾಽಚಲಾ ॥ 25 ॥

ಚತುಶ್ಚಿರನ್ತನಾ ಚಾಕಾ ಚಿಕ್ಯಾ ಚಾಮೀಕರಚ್ಛವಿಃ ।

ಚಾಪಿನೀ ಚಪಲಾ ಚಮ್ಪೂ ಚಿನ್ತಾ ಚಿನ್ತಾಮಣಿಶ್ಚಿತಾ ॥ 26 ॥

ಚಾತುರ್ವರ್ಣ್ಯಮಯೀ ಚಞ್ಚಚ್ಚೌರಾಚಾರ್ಯಾ ಚಮತ್ಕೃತಿಃ ।

ಚಕ್ರವರ್ತಿವಧೂಶ್ಚಕ್ರಾ ಚಕ್ರಾಙ್ಗಾ ಚಕ್ರಮೋದಿನೀ ॥ 27 ॥

ಚೇತಶ್ಚರೀ ಚಿತ್ತವೃತ್ತಿರಚೇತಾ ಚೇತನಪ್ರದಾ ।

ಚಾಮ್ಪೇಯೀ ಚಮ್ಪಕಪ್ರೀತಿಶ್ಚಣ್ಡೀ ಚಣ್ಡಾಲವಾಸಿನೀ ॥ 28 ॥

ಚಿರಞ್ಜೀವಿತಟಾ ಚಿಞ್ಚಾ ತರುಮೂಲನಿವಾಸಿನೀ ।

ಛುರಿಕಾ ಛತ್ರಮಧ್ಯಸ್ಥಾ ಛಿದ್ರಾ ಛೇದಕರೀ ಛಿದಾ ॥ 29 ॥

ಛುಛುನ್ದರೀಪಲಪ್ರೀತೀ ಛುಛುನ್ದರೀನಿಭಸ್ವನಾ ।

ಛಲಿನೀ ಛಲದಾ ಛತ್ರಾ ಛಿಟಿಕಾ ಛೇಕಕೃತ್ತಥಾ ॥ 30 ॥

ಛಗಿನೀ ಛಾನ್ದಸೀ ಛಾಯಾ ಛಾಯಾಕೃಚ್ಛಾದಿರಿತ್ಯಪಿ ।

ಜಯಾ ಚ ಜಯದಾ ಜಾತೀ ಜಯಸ್ಥಾ ಜಯವರ್ಧಿನೀ ॥ 31 ॥

ಜಪಾಪುಷ್ಪಪ್ರಿಯಾ ಜಪ್ಯಾ ಜೃಮ್ಭಿಣೀ ಯಾಮಲಾ ಯುತಾ ।

ಜಮ್ಬೂಪ್ರಿಯಾ ಜಯಸ್ಥಾ ಚ ಜಙ್ಗಮಾ ಜಙ್ಗಮಪ್ರಿಯಾ ॥ 32 ॥

ಜನ್ತುರ್ಜನ್ತುಪ್ರಧಾನಾ ಚ ಜರತ್ಕರ್ಣಾ ಜರದ್ಭವಾ ।

ಜಾತಿಪ್ರಿಯಾ ಜೀವನಸ್ಥಾ ಜೀಮೂತಸದೃಶಚ್ಛವಿಃ ॥ 33 ॥

ಜನ್ಯಾ ಜನಹಿತಾ ಜಾಯಾ ಜಮ್ಭಭಿಜ್ಜಮ್ಭಮಾಲಿನೀ ।

ಜವದಾ ಜವವದ್ವಾಹಾ ಜವಾನೀ ಜ್ವರಹಾ ಜ್ವರಾ ॥ 34 ॥

ಝಞ್ಝಾನಿಲಮಯೀ ಝಞ್ಝಾ ಝಣತ್ಕಾರಕರಾ ತಥಾ ।

ಝಿಣ್ಟೀಶಾ ಝಮ್ಪಕೃತ್ ಝಮ್ಪಾ ಝಮ್ಪತ್ರಾಸನಿವಾರಿಣೀ ॥ 35 ॥

ಟಕಾರಸ್ಥಾ ಟಙ್ಕಧರಾ ಟಙ್ಕಾರಾ ಕರಶಾಟಿನೀ ।

ಠಕ್ಕುರಾ ಠೀತ್ಕೃತೀ ಠಿಣ್ಠೀ ಠಿಣ್ಠೀರವಸಮಾವೃತಾ ॥ 36 ॥

ಠಣ್ಠಾನಿಲಮಯೀ ಠಣ್ಠಾ ಠಣತ್ಕಾರಕರಾ ಠಸಾ ।

ಡಾಕಿನೀ ಡಾಮರೀ ಚೈವ ಡಿಣ್ಡಿಮಧ್ವನಿನನ್ದಿನೀ ॥ 37 ॥

ಢಕ್ಕಾಸ್ವನಪ್ರಿಯಾ ಢಕ್ಕಾ ತಪಿನೀ ತಾಪಿನೀ ತಥಾ ।

ತರುಣೀ ತುನ್ದಿಲಾ ತುನ್ದಾ ತಾಮಸೀ ಚ ತಪಃಪ್ರಿಯಾ ॥ 38 ॥

ತಾಮ್ರಾ ತಾಮ್ರಾಮ್ಬರಾ ತಾಲೀ ತಾಲೀದಲವಿಭೂಷಣಾ ।

ತುರಙ್ಗಾ ತ್ವರಿತಾ ತ್ರೇತಾ ತೋತುಲಾ ತೋದಿನೀ ತುಲಾ ॥ 39 ॥

ತಾಪತ್ರಯಹರಾ ತಪ್ತಾ ತಾಲಕೇಶೀ ತಮಾಲಿನೀ ।

ತಮಾಲದಲವಚ್ಛಾಮಾ ತಾಲಮ್ಲಾನವತೀ ತಮೀ ॥ 40 ॥

ತಾಮಸೀ ಚ ತಮಿಸ್ರಾ ಚ ತೀವ್ರಾ ತೀವ್ರಪರಾಕ್ರಮಾ ।

ತಟಸ್ಥಾ ತಿಲತೈಲಾಕ್ತಾ ತರಣೀ ತಪನದ್ಯುತಿಃ ॥ 41 ॥

ತಿಲೋತ್ತಮಾ ತಿಲಕಕೃತ್ತಾರಕಾಧೀಶಶೇಖರಾ ।

ತಿಲಪುಷ್ಪಪ್ರಿಯಾ ತಾರಾ ತಾರಕೇಶೀ ಕುಟುಮ್ಬಿನೀ ॥ 42 ॥

ಸ್ಥಾಣುಪತ್ನೀ ಸ್ಥಿತಿಕರೀ ಸ್ಥಲಸ್ಥಾ ಸ್ಥಲವರ್ಧಿನೀ ।

ಸ್ಥಿತಿಃ ಸ್ಥೈರ್ಯಾ ಸ್ಥವಿಷ್ಠಾ ಚ ಸ್ಥಾಪತಿಃ ಸ್ಥಲವಿಗ್ರಹಾ ॥ 43 ॥

ದನ್ತಿನೀ ದಣ್ಡಿನೀ ದೀನಾ ದರಿದ್ರಾ ದೀನವತ್ಸಲಾ ।

ದೇವೀ ದೇವವಧೂರ್ದೈತ್ಯದಮನೀ ದನ್ತಭೂಷಣಾ ॥ 44 ॥

ದಯಾವತೀ ದಮವತೀ ದಮದಾ ದಾಡಿಮಸ್ತನೀ ।

ದನ್ದಶೂಕನಿಭಾ ದೈತ್ಯದಾರಿಣೀ ದೇವತಾನನಾ ॥ 45 ॥

ದೋಲಾಕ್ರೀಡಾ ದಲಾಯುಶ್ಚ ದಮ್ಪತೀ ದೇವತಾಮಯೀ ।

ದಶಾ ದೀಪಸ್ಥಿತಾ ದೋಷಾ ದೋಷಹಾ ದೋಷಕಾರಿಣೀ ॥ 46 ॥

ದುರ್ಗಾ ದುರ್ಗಾರ್ತಿಶಮನೀ ದುರ್ಗಮಾ ದುರ್ಗವಾಸಿನೀ ।

ದುರ್ಗನ್ಧನಾಶಿನೀ ದುಃಸ್ಥಾ ದುಃಸ್ವಪ್ನಶಮಕಾರಿಣೀ ॥ 47 ॥

ದುರ್ವಾರಾ ದುನ್ದುಭೀ ಭ್ರಾನ್ತಾ ದೂರಸ್ಥಾ ದೂರವಾಸಿನೀ ।

ದರಹಾ ದರದಾ ದಾತ್ರೀ ದಾಯಾದಾ ದುಹಿತಾ ದಯಾ ॥ 48 ॥

ಧುರನ್ಧರಾ ಧುರೀಣಾ ಚ ಧೌರೀ ಧೀ ಧನದಾಯಿನೀ ।

ಧೀರಾಽಧೀರಾ ಧರಿತ್ರೀ ಚ ಧರ್ಮದಾ ಧೀರಮಾನಸಾ ॥ 49 ॥

ಧನುರ್ಧರಾ ಚ ದಮನೀ ಧೂರ್ತಾ ಧೂರ್ತಪರಿಗ್ರಹಾ ।

ಧೂಮವರ್ಣಾ ಧೂಮಪಾನಾ ಧೂಮಲಾ ಧೂಮಮೋಹಿನೀ ॥ 50 ॥

ನಲಿನೀ ನನ್ದಿನೀ ನನ್ದಾ ನಾದಿನೀ ನನ್ದಬಾಲಿಕಾ ।

ನವೀನಾ ನರ್ಮದಾ ನರ್ಮಿನೇಮಿರ್ನಿಯಮನಿಶ್ಚಯಾ ॥ 51 ॥

ನಿರ್ಮಲಾ ನಿಗಮಾಚಾರಾ ನಿಮ್ನಗಾ ನಗ್ನಕಾಮಿನೀ ।

ನೀತಿರ್ನಿರನ್ತರಾ ನಗ್ನೀ ನಿರ್ಲೇಪಾ ನಿರ್ಗುಣಾ ನತಿಃ ॥ 52 ॥

ನೀಲಗ್ರೀವಾ ನಿರೀಹಾ ಚ ನಿರಞ್ಜನಜನೀ ನವೀ ।

ನವನೀತಪ್ರಿಯಾ ನಾರೀ ನರಕಾರ್ಣವತಾರಿಣೀ ॥ 53 ॥

ನಾರಾಯಣೀ ನಿರಾಕಾರಾ ನಿಪುಣಾ ನಿಪುಣಪ್ರಿಯಾ ।

ನಿಶಾ ನಿದ್ರಾ ನರೇನ್ದ್ರಸ್ಥಾ ನಮಿತಾಽನಮಿತಾಪಿ ಚ ॥ 54 ॥

ನಿರ್ಗುಣ್ಡಿಕಾ ಚ ನಿರ್ಗುಣ್ಡಾ ನಿರ್ಮಾಂಸಾಽನಾಮಿಕಾ ನಿಭಾ ।

ಪತಾಕಿನೀ ಪತಾಕಾ ಚ ಪಲಪ್ರೀತಿರ್ಯಶಸ್ವಿನೀ ॥ 55 ॥

ಪೀನಾ ಪೀನಸ್ತನಾ ಪತ್ನೀ ಪವನಾಶನಶಾಯಿನೀ ।

ಪರಾಽಪರಾ ಕಲಾಪಾಽಽಪ್ಪಾ ಪಾಕಕೃತ್ಯರತಿ ಪ್ರಿಯಾ ॥ 56 ॥

ಪವನಸ್ಥಾ ಸುಪವನಾ ತಾಪಸೀಪ್ರೀತಿವರ್ಧಿನೀ ।

ಪಶುವೃದ್ಧಿಕರೀ ಪುಷ್ಟಿಃ ಪೋಷಣೀ ಪುಷ್ಪವರ್ಧಿನೀ ॥ 57 ॥

ಪುಷ್ಪಿಣೀ ಪುಸ್ತಕಕರಾ ಪುನ್ನಾಗತಲವಾಸಿನೀ ।

ಪುರನ್ದರಪ್ರಿಯಾ ಪ್ರೀತಿಃ ಪುರಮಾರ್ಗನಿವಾಸಿನೀ ॥ 58 ॥

ಪಾಶೀ ಪಾಶಕರಾ ಪಾಶಾ ಬನ್ಧುಹಾ ಪಾಂಸುಲಾ ಪಶುಃ ।

ಪಟುಃ ಪಟಾಸಾ ಪರಶುಧಾರಿಣೀ ಪಾಶಿನೀ ತಥಾ ॥ 59 ॥

ಪಾಪಘ್ನೀ ಪತಿಪತ್ನೀ ಚ ಪತಿತಾಽಪತಿತಾಪಿ ಚ ।

ಪಿಶಾಚೀ ಚ ಪಿಶಾಚಘ್ನೀ ಪಿಶಿತಾಶನತೋಷಿತಾ ॥ 60 ॥

ಪಾನದಾ ಪಾನಪಾತ್ರಾ ಚ ಪಾನದಾನಕರೋದ್ಯತಾ ।

ಪೇಯಾ ಪ್ರಸಿದ್ಧಾ ಪೀಯೂಷಾ ಪೂರ್ಣಾ ಪೂರ್ಣಮನೋರಥಾ ॥ 61 ॥

ಪತದ್ಗರ್ಭಾ ಪತದ್ಗಾತ್ರಾ ಪಾತಪುಣ್ಯಪ್ರಿಯಾ ಪುರೀ ।

ಪಙ್ಕಿಲಾ ಪಙ್ಕಮಗ್ನಾ ಚ ಪಾನೀಯಾ ಪಞ್ಜರಸ್ಥಿತಾ ॥ 62 ॥

ಪಞ್ಚಮೀ ಪಞ್ಚಯಜ್ಞಾ ಚ ಪಞ್ಚತಾ ಪಞ್ಚಮಪ್ರಿಯಾ ।

ಪಞ್ಚಮುದ್ರಾ ಪುಣ್ಡರೀಕಾ ಪಿಕೀ ಪಿಙ್ಗಲಲೋಚನಾ ॥ 63 ॥

ಪ್ರಿಯಙ್ಗುಮಞ್ಜರೀ ಪಿಣ್ಡೀ ಪಿಣ್ಡಿತಾ ಪಾಣ್ಡುರಪ್ರಭಾ ।

ಪ್ರೇತಾಸನಾ ಪ್ರಿಯಾಲುಸ್ಥಾ ಪಾಣ್ಡುಘ್ನೀ ಪೀತಸಾಪಹಾ ॥ 64 ॥

ಫಲಿನೀ ಫಲಧಾತ್ರೀ ಚ ಫಲಶ್ರೀಃ ಫಣಿಭೂಷಣಾ ।

ಫೂತ್ಕಾರಕಾರಿಣೀ ಸ್ಫಾರಾ ಫುಲ್ಲಾ ಫುಲ್ಲಾಮ್ಬುಜಾಸನಾ ॥ 65 ॥

ಫಿರಙ್ಗಹಾ ಸ್ಫೀತಮತಿಃ ಸ್ಫೀತಿಃ ಸ್ಫೀತಕರೀ ತಥಾ ।

ಬಲಮಾಯಾ ಬಲಾರಾತಿರ್ಬಲಿನೀ ಬಲವರ್ಧಿನೀ ॥ 66 ॥

ವೇಣುವಾದ್ಯಾ ವನಚರೀ ವಿರಾವಜನಯಿತ್ರೀ ಚ ।

ವಿದ್ಯಾ ವಿದ್ಯಾಪ್ರದಾ ವಿದ್ಯಾಬೋಧಿನೀ ಬೋಧದಾಯಿನೀ ॥ 67 ॥

ಬುದ್ಧಮಾತಾ ಚ ಬುದ್ಧಾ ಚ ವನಮಾಲಾವತೀ ವರಾ ।

ವರದಾ ವಾರುಣೀ ವೀಣಾ ವೀಣಾವಾದನತತ್ಪರಾ ॥ 68 ॥

ವಿನೋದಿನೀ ವಿನೋದಸ್ಥಾ ವೈಷ್ಣವೀ ವಿಷ್ಣುವಲ್ಲಭಾ ।

ವೈದ್ಯಾ ವೈದ್ಯಚಿಕಿತ್ಸಾ ಚ ವಿವಶಾ ವಿಶ್ವವಿಶ್ರುತಾ ॥ 69 ॥

ವಿದ್ವತ್ಕವಿಕಲಾ ವೇತ್ತಾ ವಿತನ್ದ್ರಾ ವಿಗತಜ್ವರಾ ।

ವಿರಾವಾ ವಿವಿಧಾರಾವಾ ಬಿಮ್ಬೋಷ್ಠೀ ಬಿಮ್ಬವತ್ಸಲಾ ॥ 70 ॥

ವಿನ್ಧ್ಯಸ್ಥಾ ವೀರವನ್ದ್ಯಾ ಚ ವರೀಯಸಾಪರಾಧವಿತ್ ।

ವೇದಾನ್ತವೇದ್ಯಾ ವೇದ್ಯಾ ಚ ವೈದ್ಯಾ ಚ ವಿಜಯಪ್ರದಾ ॥ 71 ॥

ವಿರೋಧವರ್ಧಿನೀ ವನ್ಧ್ಯಾ ವನ್ಧ್ಯಾಬನ್ಧನಿವಾರಿಣೀ ।

ಭಗಿನೀ ಭಗಮಾಲಾ ಚ ಭವಾನೀ ಭವಭಾವಿನೀ ॥ 72 ॥

ಭೀಮಾ ಭೀಮಾನನಾ ಭೈಮೀ ಭಙ್ಗುರಾ ಭೀಮದರ್ಶನಾ ।

ಭಿಲ್ಲೀ ಭಲ್ಲಧರಾ ಭೀರುರ್ಭೇರುಣ್ಡಾ ಚೈಭಭಯಾಪಹಾ ॥ 73 ॥

ಭಗಸರ್ಪಿಣ್ಯಪಿ ಭಗಾ ಭಗರೂಪಾ ಭಗಾಲಯಾ ।

ಭಗಾಸನಾ ಭಗಾಮೋದಾ ಭೇರೀ ಭಾಙ್ಕಾರರಞ್ಜಿನೀ ॥ 74 ॥

ಭೀಷಣಾಽಭೀಷಣಾ ಸರ್ವಾ ಭಗವತ್ಯಪಿ ಭೂಷಣಾ ।

ಭಾರದ್ವಾಜೀ ಭೋಗದಾತ್ರೀ ಭವಘ್ನೀ ಭೂತಿಭೂಷಣಾ ॥ 75 ॥

ಭೂತಿದಾ ಭೂಮಿದಾತ್ರೀ ಚ ಭೂಪತಿತ್ವಪ್ರದಾಯಿನೀ ।

ಭ್ರಮರೀ ಭ್ರಾಮರೀ ನೀಲಾ ಭೂಪಾಲಮುಕುಟಸ್ಥಿತಾ ॥ 76 ॥

ಮತ್ತಾ ಮನೋಹರಾ ಮನಾ ಮಾನಿನೀ ಮೋಹನೀ ಮಹಾ ।

ಮಹಾಲಕ್ಷ್ಮೀರ್ಮದಾಕ್ಷೀಬಾ ಮದಿರಾ ಮದಿರಾಲಯಾ ॥ 77 ॥

ಮದೋದ್ಧತಾ ಮತಙ್ಗಸ್ಥಾ ಮಾಧವೀ ಮಧುಮನ್ಥಿನೀ ।

ಮೇಧಾ ಮೇಧಾಕರೀ ಮೇಧ್ಯಾ ಮಧ್ಯಾ ಮಧ್ಯವಯಸ್ಥಿತಾ ॥ 78 ॥

ಮದ್ಯಪಾ ಮಾಂಸಲಾ ಮತ್ಸ್ಯಾ ಮೋದಿನೀ ಮೈಥುನೋದ್ಧತಾ ।

ಮುದ್ರಾ ಮುದ್ರಾವತೀ ಮಾತಾ ಮಾಯಾ ಮಹಿಮಮನ್ದಿರಾ ॥ 79 ॥

ಮಹಾಮಾಯಾ ಮಹಾವಿದ್ಯಾ ಮಹಾಮಾರೀ ಮಹೇಶ್ವರೀ ।

ಮಹಾದೇವವಧೂರ್ಮಾನ್ಯಾ ಮಥುರಾ ಮೇರುಮಣ್ಡಲಾ ॥ 80 ॥

ಮೇದಸ್ವನೀ ಮೇದಸುಶ್ರೀರ್ಮಹಿಷಾಸುರಮರ್ದಿನೀ ।

ಮಣ್ಡಪಸ್ಥಾ ಮಠಸ್ಥಾಽಮಾ ಮಾಲಾ ಮಾಲಾವಿಲಾಸಿನೀ ॥ 81 ॥

ಮೋಕ್ಷದಾ ಮುಣ್ಡಮಾಲಾ ಚ ಮನ್ದಿರಾಗರ್ಭಗರ್ಭಿತಾ ।

ಮಾತಙ್ಗಿನೀ ಚ ಮಾತಙ್ಗೀ ಮತಙ್ಗತನಯಾ ಮಧುಃ ॥ 82 ॥

ಮಧುಸ್ರವಾ ಮಧುರಸಾ ಮಧೂಕಕುಸುಮಪ್ರಿಯಾ ।

ಯಾಮಿನೀ ಯಾಮಿನೀನಾಥಭೂಷಾ ಯಾವಕರಞ್ಜಿತಾ ॥ 83 ॥

ಯವಾಙ್ಕುರಪ್ರಿಯಾ ಯಾಮಾ ಯವನೀ ಯವನಾಧಿಪಾ ।

ಯಮಘ್ನೀ ಯಮವಾಣೀ ಚ ಯಜಮಾನಸ್ವರೂಪಿಣೀ ॥ 84 ॥

ಯಜ್ಞಾ ಯಜ್ಯಾ ಯಜುರ್ಯಜ್ವಾ ಯಶೋನಿಕರಕಾರಿಣೀ ।

ಯಜ್ಞಸೂತ್ರಪ್ರದಾ ಜ್ಯೇಷ್ಠಾ ಯಜ್ಞಕರ್ಮಕರೀ ಯಶಾ ॥ 85 ॥

ಯಶಸ್ವಿನೀ ಯಜ್ಞಸಂಸ್ಥಾ ಯೂಪಸ್ತಮ್ಭನಿವಾಸಿನೀ ।

ರಞ್ಜಿತಾ ರಾಜಪತ್ನೀ ಚ ರಮಾ ರೇಖಾ ರವೀ ರಣೀ ॥ 86 ॥

ರಜೋವತೀ ರಜಶ್ಚಿತ್ರಾ ರಜನೀ ರಜನೀಪತಿಃ ।

ರಾಗಿಣೀ ರಾಜಿನೀ ರಾಜ್ಯಾ ರಾಜ್ಯದಾ ರಾಜ್ಯವರ್ಧಿನೀ ॥ 87 ॥

ರಾಜನ್ವತೀ ರಾಜನೀತಿಸ್ತುರ್ಯಾ ರಾಜನಿವಾಸಿನೀ ।

ರಮಣೀ ರಮಣೀಯಾ ಚ ರಾಮಾ ರಾಮವತೀ ರತಿಃ ॥ 88 ॥

ರೇತೋವತೀ ರತೋತ್ಸಾಹಾ ರೋಗಹಾ ರೋಗಕಾರಿಣೀ ।

ರಙ್ಗಾ ರಙ್ಗವತೀ ರಾಗಾ ರಾಗಜ್ಞಾ ರಾಗಿನೀ ರಣಾ ॥ 89 ॥

ರಞ್ಜಿಕಾ ರಞ್ಜಕೀ ರಞ್ಜಾ ರಞ್ಜಿನೀ ರಕ್ತಲೋಚನಾ ।

ರಕ್ತಚರ್ಮಧರಾ ರನ್ತ್ರೀ ರಕ್ತಸ್ಥಾ ರಕ್ತವಾಹಿನೀ ॥ 90 ॥

ರಮ್ಭಾ ರಮ್ಭಾಫಲಪ್ರೀತೀ ರಮ್ಭೋರೂ ರಾಘವಪ್ರಿಯಾ ।

ರಙ್ಗಭೃದ್ರಙ್ಗಮಧುರಾ ರೋದಸೀ ರೋದಸೀಗೃಹಾ ॥ 91 ॥

ರೋಗಕರ್ತ್ರೀ ರೋಗಹರ್ತ್ರೀ ಚ ರೋಗಭೃದ್ರೋಗಶಾಯಿನೀ ।

ವನ್ದೀ ವನ್ದಿಸ್ತುತಾ ಬನ್ಧುರ್ಬನ್ಧೂಕಕುಸುಮಾಧರಾ ॥ 92 ॥

ವನ್ದಿತಾ ವನ್ದಿಮಾತಾ ಬನ್ಧುರಾ ಬೈನ್ದವೀ ವಿಭಾ ।

ವಿಙ್ಕೀ ವಿಙ್ಕಪಲಾ ವಿಙ್ಕಾ ವಿಙ್ಕಸ್ಥಾ ವಿಙ್ಕವತ್ಸಲಾ ॥ 93 ॥

ವೇದೈರ್ವಿಲಗ್ನಾ ವಿಗ್ನಾ ಚ ವಿಧಿರ್ವಿಧಿಕರೀ ವಿಧಾ ।

ಶಙ್ಖಿನೀ ಶಙ್ಖನಿಲಯಾ ಶಙ್ಖಮಾಲಾವತೀ ಶಮೀ ॥ 94 ॥

ಶಙ್ಖಪಾತ್ರಾಶಿನೀ ಶಙ್ಖಾಽಶಙ್ಖಾ ಶಙ್ಖಗಲಾ ಶಶೀ ।

ಶಿಮ್ಬೀ ಶರಾವತೀ ಶ್ಯಾಮಾ ಶ್ಯಾಮಾಙ್ಗೀ ಶ್ಯಾಮಲೋಚನಾ ॥ 95 ॥

ಶ್ಮಶಾನಸ್ಥಾ ಶ್ಮಶಾನಾ ಚ ಶ್ಮಶಾನಸ್ಥಲಭೂಷಣಾ ।

ಶರ್ಮದಾ ಶಮಹರ್ತ್ರೀ ಚ ಶಾಕಿನೀ ಶಙ್ಕುಶೇಖರಾ ॥ 96 ॥

ಶಾನ್ತಿಃ ಶಾನ್ತಿಪ್ರದಾ ಶೇಷಾ ಶೇಷಸ್ಥಾ ಶೇಷಶಾಯಿನೀ ।

ಶೇಮುಷೀ ಶೋಷಿಣೀ ಶೌರೀ ಶಾರಿಃ ಶೌರ್ಯಾ ಶರಾ ಶರೀ ॥ 97 ॥

ಶಾಪದಾ ಶಾಪಹಾರೀ ಶ್ರೀಃ ಶಮ್ಪಾ ಶಪಥಚಾಪಿನೀ ।

ಶೃಙ್ಗಿಣೀ ಶೃಙ್ಗಿಪಲಭುಕ್ ಶಙ್ಕರೀ ಶಾಙ್ಕರೀ ತಥಾ ॥ 98 ॥

ಶಙ್ಕಾ ಶಙ್ಕಾಪಹಾ ಶಂಸ್ಥಾ ಶಾಶ್ವತೀ ಶೀತಲಾ ಶಿವಾ ।

ಶವಸ್ಥಾ ಶವಭುಕ್ ಶೈವೀ ಶಾವವರ್ಣಾ ಶವೋದರೀ ॥ 99 ॥

ಶಾಯಿನೀ ಶಾವಶಯನಾ ಶಿಂಶಿಪಾ ಶಿಂಶಿಪಾಯತಾ ।

ಶವಾಕುಣ್ಡಲಿನೀ ಶೈವಾ ಶಙ್ಕರಾ ಶಿಶಿರಾ ಶಿರಾ ॥ 100 ॥

ಶವಕಾಞ್ಚೀ ಶವಶ್ರೀಕಾ ಶವಮಾಲಾ ಶವಾಕೃತಿಃ ।

ಶಮ್ಪಿನೀ ಶಙ್ಕುಶಕ್ತಿಃ ಶಂ ಶನ್ತನುಃ ಶೀಲದಾಯಿನೀ ॥ 101 ॥

ಸಿನ್ಧುಃ ಸರಸ್ವತೀ ಸಿನ್ಧುಸುನ್ದರೀ ಸುನ್ದರಾನನಾ ।

ಸಾಧುಸಿದ್ಧಿಃ ಸಿದ್ಧಿದಾತ್ರೀ ಸಿದ್ಧಾ ಸಿದ್ಧಸರಸ್ವತೀ ॥ 102 ॥

ಸನ್ತತಿಃ ಸಮ್ಪದಾ ಸಮ್ಪತ್ಸಂವಿತ್ಸಮ್ಪತ್ತಿದಾಯಿನೀ ।

ಸಪತ್ನೀ ಸರಸಾ ಸಾರಾ ಸರಸ್ವತಿಕರೀ ಸುಧಾ ॥ 103 ॥

ಸರಃ ಸಮಾ ಸಮಾನಾ ಚ ಸಮಾರಾಧ್ಯಾ ಸಮಸ್ತದಾ ।

ಸಮಿದ್ಧಾ ಸಮದಾ ಸಮ್ಮಾ ಸಮ್ಮೋಹಾ ಸಮದರ್ಶನಾ ॥ 104 ॥

ಸಮಿತಿಃ ಸಮಿಧಾ ಸೀಮಾ ಸಾವಿತ್ರೀ ಸಂವಿದಾ ಸತೀ ।

ಸವನಾ ಸವನಾಧಾರಾ ಸಾವನಾ ಸಮರಾ ಸಮೀ ॥ 105 ॥

ಸಮೀರಾ ಸುಮನಾ ಸಾಧ್ವೀ ಸಧ್ರೀಚೀನ್ಯಸಹಾಯಿನೀ ।

ಹಂಸೀ ಹಂಸಗತಿರ್ಹಂಸಾ ಹಂಸೋಜ್ಜ್ವಲನಿಚೋಲಯುಕ್ ॥ 106 ॥

ಹಲಿನೀ ಹಲದಾ ಹಾಲಾ ಹರಶ್ರೀರ್ಹರವಲ್ಲಭಾ ।

ಹೇಲಾ ಹೇಲಾವತೀ ಹ್ರೇಷಾ ಹ್ರೇಷಸ್ಥಾ ಹ್ರೇಷವರ್ಧಿನೀ ॥ 107 ॥

ಹನ್ತಾ ಹಾನಿರ್ಹಯಾಹ್ವಾ ಹೃದ್ಧನ್ತಹಾ ಹನ್ತಹಾರಿಣೀ ।

ಹುಙ್ಕಾರೀ ಹನ್ತಕೃದ್ಧಙ್ಕಾ ಹೀಹಾ ಹಾಹಾ ಹತಾಹಿತಾ ॥ 108 ॥

ಹೇಮಾ ಪ್ರಭಾ ಹರವತೀ ಹಾರೀತಾ ಹರಿಸಮ್ಮತಾ ।

ಹೋರೀ ಹೋತ್ರೀ ಹೋಲಿಕಾ ಚ ಹೋಮ್ಯಾ ಹೋಮಾ ಹವಿರ್ಹರಿಃ ॥ 109 ॥

ಹಾರಿಣೀ ಹರಿಣೀನೇತ್ರಾ ಹಿಮಾಚಲನಿವಾಸಿನೀ ।

ಲಮ್ಬೋದರೀ ಲಮ್ಬಕರ್ಣಾ ಲಮ್ಬಿಕಾ ಲಮ್ಬವಿಗ್ರಹಾ ॥ 110 ॥

ಲೀಲಾ ಲೀಲಾವತೀ ಲೋಲಾ ಲಲನಾ ಲಾಲಿತಾಲತಾ ।

ಲಲಾಮಲೋಚನಾ ಲೋಚ್ಯಾ ಲೋಲಾಕ್ಷೀ ಲಕ್ಷಣಾ ಲಟಾ ॥ 111 ॥

ಲಮ್ಪತೀ ಲುಮ್ಪತೀ ಲಮ್ಪಾ ಲೋಪಾಮುದ್ರಾ ಲಲನ್ತಿ ಚ ।

ಲತಿಕಾ ಲಙ್ಘಿಕಾ ಲಙ್ಘಾ ಲಘಿಮಾ ಲಘುಮಧ್ಯಮಾ ॥ 112 ॥

ಲಘ್ವೀಯಸೀ ಲಘೂದರ್ಕಾ ಲೂತಾ ಲೂತನಿವಾರಿಣೀ ।

ಲೋಮಭೃಲ್ಲೋಮಲೋಮ್ನೀ ಚ ಲುಲುತೀ ಲುಲುಲುಮ್ಪಿನೀ ॥ 113 ॥

ಲುಲಾಯಸ್ಥಾ ಚ ಲಹರೀ ಲಙ್ಕಾಪುರಪುರನ್ದರೀ ।

ಲಕ್ಷ್ಮೀರ್ಲಕ್ಷ್ಮೀಪ್ರದಾ ಲಕ್ಷ್ಯಾ ಲಕ್ಷ್ಯಬಲಗತಿಪ್ರದಾ ॥ 114 ॥

ಕ್ಷಣಕ್ಷಪಾ ಕ್ಷಣಕ್ಷೀಣಾ ಕ್ಷಮಾ ಕ್ಷಾನ್ತಿಃ ಕ್ಷಮಾವತೀ ।

ಕ್ಷಾಮಾ ಕ್ಷಾಮೋದರೀ ಕ್ಷೋಣೀ ಕ್ಷೋಣಿಭೃತ್ ಕ್ಷತ್ರಿಯಾಙ್ಗನಾ ॥ 115 ॥

ಕ್ಷಪಾ ಕ್ಷಪಾಕರೀ ಕ್ಷೀರಾ ಕ್ಷೀರದಾ ಕ್ಷೀರಸಾಗರಾ ।

ಕ್ಷೀಣಙ್ಕರೀ ಕ್ಷಯಕರೀ ಕ್ಷಯಭೃತ್ ಕ್ಷಯದಾ ಕ್ಷತಿಃ ।

ಕ್ಷರನ್ತೀ ಕ್ಷುದ್ರಿಕಾ ಕ್ಷುದ್ರಾ ಕ್ಷುತ್ಕ್ಷಾಮಾ ಕ್ಷರಪಾತಕಾ ॥ 116 ॥

ಫಲಶ್ರುತಿಃ –

ಮಾತುಃ ಸಹಸ್ರನಾಮೇದಂ ಪ್ರತ್ಯಙ್ಗಿರಾಸಿದ್ಧಿದಾಯಕಮ್ ॥ 1 ॥

ಯಃ ಪಠೇತ್ಪ್ರಯತೋ ನಿತ್ಯಂ ದರಿದ್ರೋ ಧನದೋ ಭವೇತ್ ।

ಅನಾಚಾನ್ತಃ ಪಠೇನ್ನಿತ್ಯಂ ಸ ಚಾಪಿ ಸ್ಯಾನ್ಮಹೇಶ್ವರಃ ।

ಮೂಕಃ ಸ್ಯಾದ್ವಾಕ್ಪತಿರ್ದೇವೀ ರೋಗೀ ನೀರೋಗತಾಂ ಭವೇತ್ ॥ 2 ॥

ಅಪುತ್ರಃ ಪುತ್ರಮಾಪ್ನೋತಿ ತ್ರಿಷುಲೋಕೇಷು ವಿಶ್ರುತಮ್ ।

ವನ್ಧ್ಯಾಪಿ ಸೂತೇ ತನಯಾನ್ ಗಾವಶ್ಚ ಬಹುದುಗ್ಧದಾಃ ॥ 3 ॥

ರಾಜಾನಃ ಪಾದನಮ್ರಾಃ ಸ್ಯುಸ್ತಸ್ಯ ದಾಸಾ ಇವ ಸ್ಫುಟಾಃ ।

ಅರಯಃ ಸಙ್ಕ್ಷಯಂ ಯಾನ್ತಿ ಮನಸಾ ಸಂಸ್ಮೃತಾ ಅಪಿ ॥ 4 ॥

ದರ್ಶನಾದೇವ ಜಾಯನ್ತೇ ನರಾ ನಾರ್ಯೋಽಪಿ ತದ್ವಶಾಃ ।

ಕರ್ತಾ ಹರ್ತಾ ಸ್ವಯಂವೀರೋ ಜಾಯತೇ ನಾತ್ರಸಂಶಯಃ ॥ 5 ॥

ಯಂ ಯಂ ಕಾಮಯತೇ ಕಾಮಂ ತಂ ತಂ ಪ್ರಾಪ್ನೋತಿ ನಿಶ್ಚಿತಮ್ ।

ದುರಿತಂ ನ ಚ ತಸ್ಯಾಸ್ತಿ ನಾಸ್ತಿ ಶೋಕಃ ಕದಾಚನ ॥ 6 ॥

ಚತುಷ್ಪಥೇಽರ್ಧರಾತ್ರೇ ಚ ಯಃ ಪಠೇತ್ಸಾಧಕೋತ್ತಮಃ ।

ಏಕಾಕೀ ನಿರ್ಭಯೋ ಧೀರೋ ದಶಾವರ್ತಂ ನರೋತ್ತಮಃ ॥ 7 ॥

ಮನಸಾ ಚಿನ್ತಿತಂ ಕಾರ್ಯಂ ತಸ್ಯ ಸಿದ್ಧಿರ್ನ ಸಂಶಯಮ್ ।

ವಿನಾ ಸಹಸ್ರನಾಮ್ನಾಂ ಯೋ ಜಪೇನ್ಮನ್ತ್ರಂ ಕದಾಚನ ॥ 8 ॥

ನ ಸಿದ್ಧೋ ಜಾಯತೇ ತಸ್ಯ ಮನ್ತ್ರಃ ಕಲ್ಪಶತೈರಪಿ ।

ಕುಜವಾರೇ ಶ್ಮಶಾನೇ ಚ ಮಧ್ಯಾಹ್ನೇ ಯೋ ಜಪೇತ್ತಥಾ ॥ 9 ॥

ಶತಾವರ್ತ್ಯಾ ಸ ಜಯೇತ ಕರ್ತಾ ಹರ್ತಾ ನೃಣಾಮಿಹ ।

ರೋಗಾರ್ತೋ ಯೋ ನಿಶೀಥಾನ್ತೇ ಪಠೇದಮ್ಭಸಿ ಸಂಸ್ಥಿತಃ ॥ 10 ॥

ಸದ್ಯೋ ನೀರೋಗತಾಮೇತಿ ಯದಿ ಸ್ಯಾನ್ನಿರ್ಭಯಸ್ತದಾ ।

ಅರ್ಧರಾತ್ರೇ ಶ್ಮಶಾನೇ ವಾ ಶನಿವಾರೇ ಜಪೇನ್ಮನುಮ್ ॥ 11 ॥

ಅಷ್ಟೋತ್ತರಸಹಸ್ರಂ ತು ದಶವಾರಂ ಜಪೇತ್ತತಃ ।

ಸಹಸ್ರನಾಮಮೇತ್ತದ್ಧಿ ತದಾ ಯಾತಿ ಸ್ವಯಂ ಶಿವಾ ॥ 12 ॥

ಮಹಾಪವನರೂಪೇಣ ಘೋರಗೋಮಾಯುನಾದಿನೀ ।

ತದಾ ಯದಿ ನ ಭೀತಿಃ ಸ್ಯಾತ್ತತೋ ದೇಹೀತಿ ವಾಗ್ಭವೇತ್ ॥ 13 ॥

ತದಾ ಪಶುಬಲಿಂ ದದ್ಯಾತ್ ಸ್ವಯಂ ಗೃಹ್ಣಾತಿ ಚಣ್ಡಿಕಾ ।

ಯಥೇಷ್ಟಂ ಚ ವರಂ ದತ್ತ್ವಾ ಯಾತಿ ಪ್ರತ್ಯಙ್ಗಿರಾ ಶಿವಾ ॥ 14 ॥

ರೋಚನಾಗುರುಕಸ್ತೂರೀ ಕರ್ಪೂರಮದಚನ್ದನೈಃ ।

ಕುಙ್ಕುಮಪ್ರಥಮಾಭ್ಯಾಂ ತು ಲಿಖಿತಂ ಭೂರ್ಜಪತ್ರಕೇ ॥ 15 ॥

ಶುಭನಕ್ಷತ್ರಯೋಗೇ ತು ಸಮಭ್ಯರ್ಚ್ಯ ಘಟಾನ್ತರೇ ।

ಕೃತಸಮ್ಪಾತನಾತ್ಸಿದ್ಧಂ ಧಾರ್ಯನ್ತದ್ದಕ್ಷಿಣೇಕರೇ ॥ 16 ॥

ಸಹಸ್ರನಾಮಸ್ವರ್ಣಸ್ಥಂ ಕಣ್ಠೇ ವಾಪಿ ಜಿತೇನ್ದ್ರಿಯಃ ।

ತದಾಯಂ ಪ್ರಣಮೇನ್ಮನ್ತ್ರೀ ಕ್ರುದ್ಧಃ ಸಮ್ರಿಯತೇ ನರಃ ॥ 17 ॥

ಯಸ್ಮೈ ದದಾತಿ ಚ ಸ್ವಸ್ತಿ ಸ ಭವೇದ್ಧನದೋಪಮಃ ।

ದುಷ್ಟಶ್ವಾಪದಜನ್ತೂನಾಂ ನ ಭೀಃ ಕುತ್ರಾಪಿ ಜಾಯತೇ ॥ 18 ॥

ಬಾಲಕಾನಾಮಿಯಂ ರಕ್ಷಾ ಗರ್ಭಿಣೀನಾಮಪಿ ಧ್ರುವಮ್ ।

ಮೋಹನ ಸ್ತಮ್ಭನಾಕರ್ಷಮಾರಣೋಚ್ಚಾಟನಾನಿ ಚ ॥ 19 ॥

ಯನ್ತ್ರಧಾರಣತೋ ನೂನಂ ಸಿಧ್ಯನ್ತೇ ಸಾಧಕಸ್ಯ ಚ ।

ನೀಲವಸ್ತ್ರೇ ವಿಲಿಖಿತಂ ಧ್ವಜಾಯಾಂ ಯದಿ ತಿಷ್ಠತಿ ॥ 20 ॥

ತದಾ ನಷ್ಟಾ ಭವತ್ಯೇವ ಪ್ರಚಣ್ಡಾ ಪರವಾಹಿನೀ ।

ಏತಜ್ಜಪ್ತಂ ಮಹಾಭಸ್ಮ ಲಲಾಟೇ ಯದಿ ಧಾರಯೇತ್ ॥ 21 ॥

ತದ್ದರ್ಶನತ ಏವ ಸ್ಯುಃ ಪ್ರಾಣಿನಸ್ತಸ್ಯ ಕಿಙ್ಕರಾಃ ।

ರಾಜಪತ್ನ್ಯೋಽಪಿ ವಶ್ಯಾಃ ಸ್ಯುಃ ಕಿಮನ್ಯಾಃ ಪರಯೋಷಿತಃ ॥ 22 ॥

ಏತಜ್ಜಪನ್ನಿಶಿತೋಯೇ ಮಾಸೈಕೇನ ಮಹಾಕವಿಃ ।

ಪಣ್ಡಿತಶ್ಚ ಮಹಾವಾದೀ ಜಾಯತೇ ನಾತ್ರಸಂಶಯಃ ॥ 23 ॥

ಶಕ್ತಿಂ ಸಮ್ಪೂಜ್ಯ ದೇವೇಶಿ ಪಠೇತ್ ಸ್ತೋತ್ರಂ ವರಂ ಶುಭಮ್ ।

ಇಹಲೋಕೇ ಸುಖಂ ಭುಕ್ತ್ವಾ ಪರತ್ರ ತ್ರಿದಿವಂ ವ್ರಜೇತ್ ॥ 24 ॥

ಇತಿ ನಾಮಸಹಸ್ರಂ ತು ಪ್ರತ್ಯಙ್ಗಿರ ಮನೋಹರಮ್ ।

ಗೋಪ್ಯಂ ಗುಹ್ಯತಮಂ ಲೋಕೇ ಗೋಪನೀಯಂ ಸ್ವಯೋನಿವತ್ ॥ 25 ॥

ಇತಿ ಶ್ರೀರುದ್ರಯಾಮಲೇ ತನ್ತ್ರೇ ದಶವಿದ್ಯಾರಹಸ್ಯೇ ಶ್ರೀ ಪ್ರತ್ಯಙ್ಗಿರಾ ಸಹಸ್ರನಾಮ ಸ್ತೋತ್ರಮ್ ।

Roman (IAST) Transliteration

īśvara uvāca

śṛṇu devi pravakṣyāmi sāmprataṃ tatpurātanam |

sahasranāma paramaṃ pratyaṅgirārtha siddhaye || 1 ||

sahasranāmapāṭhena sarvatra vijayī bhavet |

parābhavo na cāsyāsti sabhāyāṃ vā vane raṇe || 2 ||

tathā tuṣṭā bhaveddevī pratyaṅgirā'sya pāṭhataḥ |

yathā bhavati deveśi sādhakaḥ śiva eva hi || 3 ||

aśvamedhasahasrāṇi vājapeyasya koṭayaḥ |

sakṛtpāṭhena jāyante prasannā pratyaṅgirā bhavet || 4 ||

bhairavo'sya ṛṣiśchando'nuṣṭup devī samīritā |

pratyaṅgirā viniyogaḥ sarvasampatti hetave || 5 ||

sarvakāryeṣu saṃsiddhiḥ sarvasampattidā bhavet |

evaṃ dhyātvā paṭhedetadyadīcchedātmano hitam || 6 ||

asya śrīpratyaṅgirā sahasranāmamahāmantrasya bhairava ṛṣiḥ anuṣṭup chandaḥ śrīmahāpratyaṅgirā devatā hrīṃ bījaṃ śrīṃ śaktiḥ svāhā kīlakaṃ parakṛtyāvināśārthe jape pāṭhe viniyogaḥ ||

karanyāsaḥ

oṃ hrāṃ aṅguṣṭhābhyāṃ namaḥ |

oṃ hrīṃ tarjanībhyāṃ namaḥ |

oṃ hrūṃ madhyamābhyāṃ namaḥ |

oṃ hraiṃ anāmikābhyāṃ namaḥ |

oṃ hrauṃ kaniṣṭhikābhyāṃ namaḥ |

oṃ hraḥ karatala karapṛṣṭhābhyāṃ namaḥ |

hṛdayādi nyāsaḥ

oṃ hrāṃ hṛdayāya namaḥ |

oṃ hrīṃ śirase svāhā |

oṃ hrūṃ śikhāyai vaṣaṭ |

oṃ hraiṃ kavacāya hum |

oṃ hrauṃ netratrayāya vauṣaṭ |

oṃ hraḥ astrāya phaṭ |

dhyānam

āśāmbarā muktakacā ghanacchavi-

-rdhyeyā sacarmāsikarā hi bhūṣaṇā |

daṃṣṭrogravaktrā grasitā hitā tvayā

pratyaṅgirā śaṅkaratejaseritā ||

stotram

devī pratyaṅgirā divyā sarasā śaśiśekharā |

sumanā sāmidhetī ca samastasuraśemuṣī || 1 ||

sarvasampattijananī sarvadā sindhusevinī |

śambhusīmantinī sīmā surārādhyā sudhārasā || 2 ||

rasā rasavatī velā vanyā ca vanamālinī |

vanajākṣī vanacarī vanī vanavinodinī || 3 ||

veginī vegadā vegabalāsyā ca balādhikā |

kalā kalapriyā kolī komalā kālakāminī || 4 ||

kamalā kamalāsyā ca kamalasthā kalāvatī |

kulīnā kuṭilā kāntā kokilā kalabhāṣiṇī || 5 ||

kīrakīlī kalā kālī kapālinyapi kālikā |

keśinī ca kuśāvartā kauśāmbī keśavapriyā || 6 ||

kāśī kalā mahākāśī saṅkāśā keśadāyinī |

kuṇḍalī kuṇḍalāsyā ca kuṇḍalāṅgadamaṇḍitā || 7 ||

kuṇapālī kumudinī kumudā prītivardhinī |

kundapriyā kundaruciḥ kuraṅgamadanodinī || 8 ||

kuraṅganayanā kundā kuruvṛndā'bhinandinī |

kusumbhakusumā kāñcī kvaṇatkiṅkiṇikā kaṭā || 9 ||

kaṭhorā karuṇā kāṣṭhā kaumudī kambukaṇṭhinī |

kapardinī kapaṭinī kaṇṭhinī kālakaṇṭhikā || 10 ||

kīrahastā kumārī ca kurudā kusumapriyā |

kuñjarasthā kuñjaratā kumbhi kumbhastanadvayā || 11 ||

kumbhigā karibhogā ca kadalī dalaśālinī |

kupitā koṭarasthā ca kaṅkālī kandarodarā || 12 ||

ekāntavāsinī kāñcī kampamānaśiroruhā |

kādambarī kadambasthā kuṅkumapremadhāriṇī || 13 ||

kuṭumbinīpriyā''kūtī kratuḥ kratukarī priyā |

kātyāyanī kṛttikā ca kārtikeyapravartinī || 14 ||

kāmapatnī kāmadātrī kāmeśī kāmavanditā |

kāmarūpā kramāvartī kāmākṣī kāmamohitā || 15 ||

khaḍginī khecarī khaḍgā khañjarīṭekṣaṇā khalā |

kharagā kharanāthā ca kharāsyā khelanapriyā || 16 ||

kharāṃśuḥ kheṭinī khaṭvā khagā khaṭvāṅgadhāriṇī |

kharakhaṇḍinī khyātā khaṇḍitā khaṇḍanīsthitā || 17 ||

khaṇḍapriyā khaṇḍakhādyā sendukhaṇḍā ca khaṇḍinī |

gaṅgā godāvarī gaurī gomatyapi ca gautamī || 18 ||

gayā geyā gaganagā gāruḍī garuḍadhvajā |

gītā gītapriyā gopā gaṇḍaprītā guṇī girā || 19 ||

guṃ gaurī mandamadanā gokulā gopratāriṇī |

godā govindinī gūḍhā nirgūḍhā gūḍhavigrahā || 20 ||

guñjinī gajagā gopī gotrakṣayakarī gadā |

giribhūpāladuhitā gogā gocchalavardhinī || 21 ||

ghanastanī ghanarucirghanehā ghananiḥsvanā |

ghūtkāriṇī ghūghakarī ghughūkaparivāritā || 22 ||

ghaṇṭānādapriyā ghaṇṭā ghanāghoṭakavāhinī |

ghorarūpā ca ghorā ca ghūtī pratighanā ghanī || 23 ||

ghṛtācī ghanapuṣṭiśca ghaṭā ghanaghaṭā'mṛtā |

ghaṭasyā ghaṭanā ghoghaghātapātanivāriṇī || 24 ||

cañcarīkā cakorī ca cāmuṇḍā cīradhāriṇī |

cāturī capalā cakracalā celā calā'calā || 25 ||

catuścirantanā cākā cikyā cāmīkaracchaviḥ |

cāpinī capalā campū cintā cintāmaṇiścitā || 26 ||

cāturvarṇyamayī cañcaccaurācāryā camatkṛtiḥ |

cakravartivadhūścakrā cakrāṅgā cakramodinī || 27 ||

cetaścarī cittavṛttiracetā cetanapradā |

cāmpeyī campakaprītiścaṇḍī caṇḍālavāsinī || 28 ||

cirañjīvitaṭā ciñcā tarumūlanivāsinī |

churikā chatramadhyasthā chidrā chedakarī chidā || 29 ||

chuchundarīpalaprītī chuchundarīnibhasvanā |

chalinī chaladā chatrā chiṭikā chekakṛttathā || 30 ||

chaginī chāndasī chāyā chāyākṛcchādirityapi |

jayā ca jayadā jātī jayasthā jayavardhinī || 31 ||

japāpuṣpapriyā japyā jṛmbhiṇī yāmalā yutā |

jambūpriyā jayasthā ca jaṅgamā jaṅgamapriyā || 32 ||

janturjantupradhānā ca jaratkarṇā jaradbhavā |

jātipriyā jīvanasthā jīmūtasadṛśacchaviḥ || 33 ||

janyā janahitā jāyā jambhabhijjambhamālinī |

javadā javavadvāhā javānī jvarahā jvarā || 34 ||

jhañjhānilamayī jhañjhā jhaṇatkārakarā tathā |

jhiṇṭīśā jhampakṛt jhampā jhampatrāsanivāriṇī || 35 ||

ṭakārasthā ṭaṅkadharā ṭaṅkārā karaśāṭinī |

ṭhakkurā ṭhītkṛtī ṭhiṇṭhī ṭhiṇṭhīravasamāvṛtā || 36 ||

ṭhaṇṭhānilamayī ṭhaṇṭhā ṭhaṇatkārakarā ṭhasā |

ḍākinī ḍāmarī caiva ḍiṇḍimadhvaninandinī || 37 ||

ḍhakkāsvanapriyā ḍhakkā tapinī tāpinī tathā |

taruṇī tundilā tundā tāmasī ca tapaḥpriyā || 38 ||

tāmrā tāmrāmbarā tālī tālīdalavibhūṣaṇā |

turaṅgā tvaritā tretā totulā todinī tulā || 39 ||

tāpatrayaharā taptā tālakeśī tamālinī |

tamāladalavacchāmā tālamlānavatī tamī || 40 ||

tāmasī ca tamisrā ca tīvrā tīvraparākramā |

taṭasthā tilatailāktā taraṇī tapanadyutiḥ || 41 ||

tilottamā tilakakṛttārakādhīśaśekharā |

tilapuṣpapriyā tārā tārakeśī kuṭumbinī || 42 ||

sthāṇupatnī sthitikarī sthalasthā sthalavardhinī |

sthitiḥ sthairyā sthaviṣṭhā ca sthāpatiḥ sthalavigrahā || 43 ||

dantinī daṇḍinī dīnā daridrā dīnavatsalā |

devī devavadhūrdaityadamanī dantabhūṣaṇā || 44 ||

dayāvatī damavatī damadā dāḍimastanī |

dandaśūkanibhā daityadāriṇī devatānanā || 45 ||

dolākrīḍā dalāyuśca dampatī devatāmayī |

daśā dīpasthitā doṣā doṣahā doṣakāriṇī || 46 ||

durgā durgārtiśamanī durgamā durgavāsinī |

durgandhanāśinī duḥsthā duḥsvapnaśamakāriṇī || 47 ||

durvārā dundubhī bhrāntā dūrasthā dūravāsinī |

darahā daradā dātrī dāyādā duhitā dayā || 48 ||

dhurandharā dhurīṇā ca dhaurī dhī dhanadāyinī |

dhīrā'dhīrā dharitrī ca dharmadā dhīramānasā || 49 ||

dhanurdharā ca damanī dhūrtā dhūrtaparigrahā |

dhūmavarṇā dhūmapānā dhūmalā dhūmamohinī || 50 ||

nalinī nandinī nandā nādinī nandabālikā |

navīnā narmadā narminemirniyamaniścayā || 51 ||

nirmalā nigamācārā nimnagā nagnakāminī |

nītirnirantarā nagnī nirlepā nirguṇā natiḥ || 52 ||

nīlagrīvā nirīhā ca nirañjanajanī navī |

navanītapriyā nārī narakārṇavatāriṇī || 53 ||

nārāyaṇī nirākārā nipuṇā nipuṇapriyā |

niśā nidrā narendrasthā namitā'namitāpi ca || 54 ||

nirguṇḍikā ca nirguṇḍā nirmāṃsā'nāmikā nibhā |

patākinī patākā ca palaprītiryaśasvinī || 55 ||

pīnā pīnastanā patnī pavanāśanaśāyinī |

parā'parā kalāpā''ppā pākakṛtyarati priyā || 56 ||

pavanasthā supavanā tāpasīprītivardhinī |

paśuvṛddhikarī puṣṭiḥ poṣaṇī puṣpavardhinī || 57 ||

puṣpiṇī pustakakarā punnāgatalavāsinī |

purandarapriyā prītiḥ puramārganivāsinī || 58 ||

pāśī pāśakarā pāśā bandhuhā pāṃsulā paśuḥ |

paṭuḥ paṭāsā paraśudhāriṇī pāśinī tathā || 59 ||

pāpaghnī patipatnī ca patitā'patitāpi ca |

piśācī ca piśācaghnī piśitāśanatoṣitā || 60 ||

pānadā pānapātrā ca pānadānakarodyatā |

peyā prasiddhā pīyūṣā pūrṇā pūrṇamanorathā || 61 ||

patadgarbhā patadgātrā pātapuṇyapriyā purī |

paṅkilā paṅkamagnā ca pānīyā pañjarasthitā || 62 ||

pañcamī pañcayajñā ca pañcatā pañcamapriyā |

pañcamudrā puṇḍarīkā pikī piṅgalalocanā || 63 ||

priyaṅgumañjarī piṇḍī piṇḍitā pāṇḍuraprabhā |

pretāsanā priyālusthā pāṇḍughnī pītasāpahā || 64 ||

phalinī phaladhātrī ca phalaśrīḥ phaṇibhūṣaṇā |

phūtkārakāriṇī sphārā phullā phullāmbujāsanā || 65 ||

phiraṅgahā sphītamatiḥ sphītiḥ sphītakarī tathā |

balamāyā balārātirbalinī balavardhinī || 66 ||

veṇuvādyā vanacarī virāvajanayitrī ca |

vidyā vidyāpradā vidyābodhinī bodhadāyinī || 67 ||

buddhamātā ca buddhā ca vanamālāvatī varā |

varadā vāruṇī vīṇā vīṇāvādanatatparā || 68 ||

vinodinī vinodasthā vaiṣṇavī viṣṇuvallabhā |

vaidyā vaidyacikitsā ca vivaśā viśvaviśrutā || 69 ||

vidvatkavikalā vettā vitandrā vigatajvarā |

virāvā vividhārāvā bimboṣṭhī bimbavatsalā || 70 ||

vindhyasthā vīravandyā ca varīyasāparādhavit |

vedāntavedyā vedyā ca vaidyā ca vijayapradā || 71 ||

virodhavardhinī vandhyā vandhyābandhanivāriṇī |

bhaginī bhagamālā ca bhavānī bhavabhāvinī || 72 ||

bhīmā bhīmānanā bhaimī bhaṅgurā bhīmadarśanā |

bhillī bhalladharā bhīrurbheruṇḍā caibhabhayāpahā || 73 ||

bhagasarpiṇyapi bhagā bhagarūpā bhagālayā |

bhagāsanā bhagāmodā bherī bhāṅkārarañjinī || 74 ||

bhīṣaṇā'bhīṣaṇā sarvā bhagavatyapi bhūṣaṇā |

bhāradvājī bhogadātrī bhavaghnī bhūtibhūṣaṇā || 75 ||

bhūtidā bhūmidātrī ca bhūpatitvapradāyinī |

bhramarī bhrāmarī nīlā bhūpālamukuṭasthitā || 76 ||

mattā manoharā manā māninī mohanī mahā |

mahālakṣmīrmadākṣībā madirā madirālayā || 77 ||

madoddhatā mataṅgasthā mādhavī madhumanthinī |

medhā medhākarī medhyā madhyā madhyavayasthitā || 78 ||

madyapā māṃsalā matsyā modinī maithunoddhatā |

mudrā mudrāvatī mātā māyā mahimamandirā || 79 ||

mahāmāyā mahāvidyā mahāmārī maheśvarī |

mahādevavadhūrmānyā mathurā merumaṇḍalā || 80 ||

medasvanī medasuśrīrmahiṣāsuramardinī |

maṇḍapasthā maṭhasthā'mā mālā mālāvilāsinī || 81 ||

mokṣadā muṇḍamālā ca mandirāgarbhagarbhitā |

mātaṅginī ca mātaṅgī mataṅgatanayā madhuḥ || 82 ||

madhusravā madhurasā madhūkakusumapriyā |

yāminī yāminīnāthabhūṣā yāvakarañjitā || 83 ||

yavāṅkurapriyā yāmā yavanī yavanādhipā |

yamaghnī yamavāṇī ca yajamānasvarūpiṇī || 84 ||

yajñā yajyā yajuryajvā yaśonikarakāriṇī |

yajñasūtrapradā jyeṣṭhā yajñakarmakarī yaśā || 85 ||

yaśasvinī yajñasaṃsthā yūpastambhanivāsinī |

rañjitā rājapatnī ca ramā rekhā ravī raṇī || 86 ||

rajovatī rajaścitrā rajanī rajanīpatiḥ |

rāgiṇī rājinī rājyā rājyadā rājyavardhinī || 87 ||

rājanvatī rājanītisturyā rājanivāsinī |

ramaṇī ramaṇīyā ca rāmā rāmavatī ratiḥ || 88 ||

retovatī ratotsāhā rogahā rogakāriṇī |

raṅgā raṅgavatī rāgā rāgajñā rāginī raṇā || 89 ||

rañjikā rañjakī rañjā rañjinī raktalocanā |

raktacarmadharā rantrī raktasthā raktavāhinī || 90 ||

rambhā rambhāphalaprītī rambhorū rāghavapriyā |

raṅgabhṛdraṅgamadhurā rodasī rodasīgṛhā || 91 ||

rogakartrī rogahartrī ca rogabhṛdrogaśāyinī |

vandī vandistutā bandhurbandhūkakusumādharā || 92 ||

vanditā vandimātā bandhurā baindavī vibhā |

viṅkī viṅkapalā viṅkā viṅkasthā viṅkavatsalā || 93 ||

vedairvilagnā vignā ca vidhirvidhikarī vidhā |

śaṅkhinī śaṅkhanilayā śaṅkhamālāvatī śamī || 94 ||

śaṅkhapātrāśinī śaṅkhā'śaṅkhā śaṅkhagalā śaśī |

śimbī śarāvatī śyāmā śyāmāṅgī śyāmalocanā || 95 ||

śmaśānasthā śmaśānā ca śmaśānasthalabhūṣaṇā |

śarmadā śamahartrī ca śākinī śaṅkuśekharā || 96 ||

śāntiḥ śāntipradā śeṣā śeṣasthā śeṣaśāyinī |

śemuṣī śoṣiṇī śaurī śāriḥ śauryā śarā śarī || 97 ||

śāpadā śāpahārī śrīḥ śampā śapathacāpinī |

śṛṅgiṇī śṛṅgipalabhuk śaṅkarī śāṅkarī tathā || 98 ||

śaṅkā śaṅkāpahā śaṃsthā śāśvatī śītalā śivā |

śavasthā śavabhuk śaivī śāvavarṇā śavodarī || 99 ||

śāyinī śāvaśayanā śiṃśipā śiṃśipāyatā |

śavākuṇḍalinī śaivā śaṅkarā śiśirā śirā || 100 ||

śavakāñcī śavaśrīkā śavamālā śavākṛtiḥ |

śampinī śaṅkuśaktiḥ śaṃ śantanuḥ śīladāyinī || 101 ||

sindhuḥ sarasvatī sindhusundarī sundarānanā |

sādhusiddhiḥ siddhidātrī siddhā siddhasarasvatī || 102 ||

santatiḥ sampadā sampatsaṃvitsampattidāyinī |

sapatnī sarasā sārā sarasvatikarī sudhā || 103 ||

saraḥ samā samānā ca samārādhyā samastadā |

samiddhā samadā sammā sammohā samadarśanā || 104 ||

samitiḥ samidhā sīmā sāvitrī saṃvidā satī |

savanā savanādhārā sāvanā samarā samī || 105 ||

samīrā sumanā sādhvī sadhrīcīnyasahāyinī |

haṃsī haṃsagatirhaṃsā haṃsojjvalanicolayuk || 106 ||

halinī haladā hālā haraśrīrharavallabhā |

helā helāvatī hreṣā hreṣasthā hreṣavardhinī || 107 ||

hantā hānirhayāhvā hṛddhantahā hantahāriṇī |

huṅkārī hantakṛddhaṅkā hīhā hāhā hatāhitā || 108 ||

hemā prabhā haravatī hārītā harisammatā |

horī hotrī holikā ca homyā homā havirhariḥ || 109 ||

hāriṇī hariṇīnetrā himācalanivāsinī |

lambodarī lambakarṇā lambikā lambavigrahā || 110 ||

līlā līlāvatī lolā lalanā lālitālatā |

lalāmalocanā locyā lolākṣī lakṣaṇā laṭā || 111 ||

lampatī lumpatī lampā lopāmudrā lalanti ca |

latikā laṅghikā laṅghā laghimā laghumadhyamā || 112 ||

laghvīyasī laghūdarkā lūtā lūtanivāriṇī |

lomabhṛllomalomnī ca lulutī lululumpinī || 113 ||

lulāyasthā ca laharī laṅkāpurapurandarī |

lakṣmīrlakṣmīpradā lakṣyā lakṣyabalagatipradā || 114 ||

kṣaṇakṣapā kṣaṇakṣīṇā kṣamā kṣāntiḥ kṣamāvatī |

kṣāmā kṣāmodarī kṣoṇī kṣoṇibhṛt kṣatriyāṅganā || 115 ||

kṣapā kṣapākarī kṣīrā kṣīradā kṣīrasāgarā |

kṣīṇaṅkarī kṣayakarī kṣayabhṛt kṣayadā kṣatiḥ |

kṣarantī kṣudrikā kṣudrā kṣutkṣāmā kṣarapātakā || 116 ||

phalaśrutiḥ –

mātuḥ sahasranāmedaṃ pratyaṅgirāsiddhidāyakam || 1 ||

yaḥ paṭhetprayato nityaṃ daridro dhanado bhavet |

anācāntaḥ paṭhennityaṃ sa cāpi syānmaheśvaraḥ |

mūkaḥ syādvākpatirdevī rogī nīrogatāṃ bhavet || 2 ||

aputraḥ putramāpnoti triṣulokeṣu viśrutam |

vandhyāpi sūte tanayān gāvaśca bahudugdhadāḥ || 3 ||

rājānaḥ pādanamrāḥ syustasya dāsā iva sphuṭāḥ |

arayaḥ saṅkṣayaṃ yānti manasā saṃsmṛtā api || 4 ||

darśanādeva jāyante narā nāryo'pi tadvaśāḥ |

kartā hartā svayaṃvīro jāyate nātrasaṃśayaḥ || 5 ||

yaṃ yaṃ kāmayate kāmaṃ taṃ taṃ prāpnoti niścitam |

duritaṃ na ca tasyāsti nāsti śokaḥ kadācana || 6 ||

catuṣpathe'rdharātre ca yaḥ paṭhetsādhakottamaḥ |

ekākī nirbhayo dhīro daśāvartaṃ narottamaḥ || 7 ||

manasā cintitaṃ kāryaṃ tasya siddhirna saṃśayam |

vinā sahasranāmnāṃ yo japenmantraṃ kadācana || 8 ||

na siddho jāyate tasya mantraḥ kalpaśatairapi |

kujavāre śmaśāne ca madhyāhne yo japettathā || 9 ||

śatāvartyā sa jayeta kartā hartā nṛṇāmiha |

rogārto yo niśīthānte paṭhedambhasi saṃsthitaḥ || 10 ||

sadyo nīrogatāmeti yadi syānnirbhayastadā |

ardharātre śmaśāne vā śanivāre japenmanum || 11 ||

aṣṭottarasahasraṃ tu daśavāraṃ japettataḥ |

sahasranāmamettaddhi tadā yāti svayaṃ śivā || 12 ||

mahāpavanarūpeṇa ghoragomāyunādinī |

tadā yadi na bhītiḥ syāttato dehīti vāgbhavet || 13 ||

tadā paśubaliṃ dadyāt svayaṃ gṛhṇāti caṇḍikā |

yatheṣṭaṃ ca varaṃ dattvā yāti pratyaṅgirā śivā || 14 ||

rocanāgurukastūrī karpūramadacandanaiḥ |

kuṅkumaprathamābhyāṃ tu likhitaṃ bhūrjapatrake || 15 ||

śubhanakṣatrayoge tu samabhyarcya ghaṭāntare |

kṛtasampātanātsiddhaṃ dhāryantaddakṣiṇekare || 16 ||

sahasranāmasvarṇasthaṃ kaṇṭhe vāpi jitendriyaḥ |

tadāyaṃ praṇamenmantrī kruddhaḥ samriyate naraḥ || 17 ||

yasmai dadāti ca svasti sa bhaveddhanadopamaḥ |

duṣṭaśvāpadajantūnāṃ na bhīḥ kutrāpi jāyate || 18 ||

bālakānāmiyaṃ rakṣā garbhiṇīnāmapi dhruvam |

mohana stambhanākarṣamāraṇoccāṭanāni ca || 19 ||

yantradhāraṇato nūnaṃ sidhyante sādhakasya ca |

nīlavastre vilikhitaṃ dhvajāyāṃ yadi tiṣṭhati || 20 ||

tadā naṣṭā bhavatyeva pracaṇḍā paravāhinī |

etajjaptaṃ mahābhasma lalāṭe yadi dhārayet || 21 ||

taddarśanata eva syuḥ prāṇinastasya kiṅkarāḥ |

rājapatnyo'pi vaśyāḥ syuḥ kimanyāḥ parayoṣitaḥ || 22 ||

etajjapanniśitoye māsaikena mahākaviḥ |

paṇḍitaśca mahāvādī jāyate nātrasaṃśayaḥ || 23 ||

śaktiṃ sampūjya deveśi paṭhet stotraṃ varaṃ śubham |

ihaloke sukhaṃ bhuktvā paratra tridivaṃ vrajet || 24 ||

iti nāmasahasraṃ tu pratyaṅgira manoharam |

gopyaṃ guhyatamaṃ loke gopanīyaṃ svayonivat || 25 ||

iti śrīrudrayāmale tantre daśavidyārahasye śrī pratyaṅgirā sahasranāma stotram |