📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ಶ್ರದ್ಧಾ ಸೂಕ್ತಮ್
Shraddha Suktam
Suktam Vedic Kannada
(ತೈ. ಬ್ರಾ. 2.8.8.6)
ಶ್ರ॒ದ್ಧಯಾ॒-ಽಗ್ನಿ-ಸ್ಸಮಿ॑ಧ್ಯತೇ ।
ಶ್ರ॒ದ್ಧಯಾ॑ ವಿನ್ದತೇ ಹ॒ವಿಃ ।
ಶ್ರ॒ದ್ಧಾ-ಮ್ಭಗ॑ಸ್ಯ ಮೂ॒ರ್ಧನಿ॑ ।
ವಚ॒ಸಾ-ಽಽವೇ॑ದಯಾಮಸಿ ।
ಪ್ರಿ॒ಯಗ್ಗ್ ಶ್ರ॑ದ್ಧೇ॒ ದದ॑ತಃ ।
ಪ್ರಿ॒ಯಗ್ಗ್ ಶ್ರ॑ದ್ಧೇ॒ ದಿದಾ॑ಸತಃ ।
ಪ್ರಿ॒ಯ-ಮ್ಭೋ॒ಜೇಷು॒ ಯಜ್ವ॑ಸು ॥
ಇ॒ದ-ಮ್ಮ॑ ಉದಿ॒ತ-ಙ್ಕೃ॑ಧಿ ।
ಯಥಾ॑ ದೇ॒ವಾ ಅಸು॑ರೇಷು ।
ಶ್ರ॒ದ್ಧಾಮು॒ಗ್ರೇಷು॑ ಚಕ್ರಿ॒ರೇ ।
ಏ॒ವ-ಮ್ಭೋ॒ಜೇಷು॒ ಯಜ್ವ॑ಸು ।
ಅ॒ಸ್ಮಾಕ॑ಮುದಿ॒ತ-ಙ್ಕೃ॑ಧಿ ।
ಶ್ರ॒ದ್ಧಾ-ನ್ದೇ॑ವಾ॒ ಯಜ॑ಮಾನಾಃ ।
ವಾ॒ಯುಗೋ॑ಪಾ॒ ಉಪಾ॑ಸತೇ ।
ಶ್ರ॒ದ್ಧಾಗ್ಂ ಹೃ॑ದ॒ಯ್ಯ॑ಯಾ-ಽಽಕೂ᳚ತ್ಯಾ ।
ಶ್ರ॒ದ್ಧಯಾ॑ ಹೂಯತೇ ಹ॒ವಿಃ ।
ಶ್ರ॒ದ್ಧಾ-ಮ್ಪ್ರಾ॒ತರ್​ಹ॑ವಾಮಹೇ ॥
ಶ್ರ॒ದ್ಧಾ-ಮ್ಮ॒ಧ್ಯನ್ದಿ॑ನ॒-ಮ್ಪರಿ॑ ।
ಶ್ರ॒ದ್ಧಾಗ್ಂ ಸೂರ್ಯ॑ಸ್ಯ ನಿ॒ಮೃಚಿ॑ ।
ಶ್ರದ್ಧೇ॒ ಶ್ರದ್ಧಾ॑ಪಯೇ॒ಹ ಮಾ᳚ ।
ಶ್ರ॒ದ್ಧಾ ದೇ॒ವಾನಧಿ॑ವಸ್ತೇ ।
ಶ್ರ॒ದ್ಧಾ ವಿಶ್ವ॑ಮಿ॒ದ-ಞ್ಜಗ॑ತ್ ।
ಶ್ರ॒ದ್ಧಾ-ಙ್ಕಾಮ॑ಸ್ಯ ಮಾ॒ತರಮ್᳚ ।
ಹ॒ವಿಷಾ॑ ವರ್ಧಯಾಮಸಿ ।
Roman (IAST) Transliteration
(tai. brā. 2.8.8.6)
śra॒ddhayā॒-'gni-ssami̭dhyate |
śra॒ddhayā̭ vindate ha॒viḥ |
śra॒ddhā-mbhaga̭sya mū॒rdhani̭ |
vaca॒sā-''vḙdayāmasi |
pri॒yagg śra̭ddhe॒ dada̭taḥ |
pri॒yagg śra̭ddhe॒ didā̭sataḥ |
pri॒ya-mbho॒jeṣu॒ yajva̭su ||
i॒da-mma̭ udi॒ta-ṅkṛ̭dhi |
yathā̭ de॒vā asṷreṣu |
śra॒ddhāmu॒greṣṷ cakri॒re |
e॒va-mbho॒jeṣu॒ yajva̭su |
a॒smāka̭mudi॒ta-ṅkṛ̭dhi |
śra॒ddhā-ndḙvā॒ yaja̭mānāḥ |
vā॒yugo̭pā॒ upā̭sate |
śra॒ddhāgṃ hṛ̭da॒yya̭yā-''kū᳚tyā |
śra॒ddhayā̭ hūyate ha॒viḥ |
śra॒ddhā-mprā॒tar​ha̭vāmahe ||
śra॒ddhā-mma॒dhyandi̭na॒-mpari̭ |
śra॒ddhāgṃ sūrya̭sya ni॒mṛci̭ |
śraddhe॒ śraddhā̭paye॒ha mā᳚ |
śra॒ddhā de॒vānadhi̭vaste |
śra॒ddhā viśva̭mi॒da-ñjaga̭t |
śra॒ddhā-ṅkāma̭sya mā॒taram᳚ |
ha॒viṣā̭ vardhayāmasi |
InfoLyter.in — Sacred Vedic Knowledge Portal · Free forever