Shiva Manasa Puja — InfoLyter.in

ॐ

ಶಿವ ಮಾನಸ ಪೂಜ

Shiva Manasa Puja

Shiva Puja Vidhi Adi Shankaracharya Kannada

ರತ್ನೈಃ ಕಲ್ಪಿತಮಾಸನಂ ಹಿಮಜಲೈಃ ಸ್ನಾನಂ ಚ ದಿವ್ಯಾಮ್ಬರಂ

ನಾನಾರತ್ನ ವಿಭೂಷಿತಂ ಮೃಗಮದಾ ಮೋದಾಙ್ಕಿತಂ ಚನ್ದನಮ್ ।

ಜಾತೀ ಚಮ್ಪಕ ಬಿಲ್ವಪತ್ರ ರಚಿತಂ ಪುಷ್ಪಂ ಚ ಧೂಪಂ ತಥಾ

ದೀಪಂ ದೇವ ದಯಾನಿಧೇ ಪಶುಪತೇ ಹೃತ್ಕಲ್ಪಿತಂ ಗೃಹ್ಯತಾಮ್ ॥ 1 ॥

ಸೌವರ್ಣೇ ನವರತ್ನಖಣ್ಡ ರಚಿತೇ ಪಾತ್ರೇ ಘೃತಂ ಪಾಯಸಂ

ಭಕ್ಷ್ಯಂ ಪಞ್ಚವಿಧಂ ಪಯೋದಧಿಯುತಂ ರಮ್ಭಾಫಲಂ ಪಾನಕಮ್ ।

ಶಾಕಾನಾಮಯುತಂ ಜಲಂ ರುಚಿಕರಂ ಕರ್ಪೂರ ಖಣ್ಡೋಜ್ಜ್ಚಲಂ

ತಾಮ್ಬೂಲಂ ಮನಸಾ ಮಯಾ ವಿರಚಿತಂ ಭಕ್ತ್ಯಾ ಪ್ರಭೋ ಸ್ವೀಕುರು ॥ 2 ॥

ಛತ್ರಂ ಚಾಮರಯೋರ್ಯುಗಂ ವ್ಯಜನಕಂ ಚಾದರ್ಶಕಂ ನಿರ್ಮಲಂ

ವೀಣಾ ಭೇರಿ ಮೃದಙ್ಗ ಕಾಹಲಕಲಾ ಗೀತಂ ಚ ನೃತ್ಯಂ ತಥಾ ।

ಸಾಷ್ಟಾಙ್ಗಂ ಪ್ರಣತಿಃ ಸ್ತುತಿ-ರ್ಬಹುವಿಧಾ-ಹ್ಯೇತತ್-ಸಮಸ್ತಂ ಮಯಾ

ಸಙ್ಕಲ್ಪೇನ ಸಮರ್ಪಿತಂ ತವ ವಿಭೋ ಪೂಜಾಂ ಗೃಹಾಣ ಪ್ರಭೋ ॥ 3 ॥

ಆತ್ಮಾ ತ್ವಂ ಗಿರಿಜಾ ಮತಿಃ ಸಹಚರಾಃ ಪ್ರಾಣಾಃ ಶರೀರಂ ಗೃಹಂ

ಪೂಜಾ ತೇ ವಿಷಯೋಪಭೋಗ-ರಚನಾ ನಿದ್ರಾ ಸಮಾಧಿಸ್ಥಿತಿಃ ।

ಸಞ್ಚಾರಃ ಪದಯೋಃ ಪ್ರದಕ್ಷಿಣವಿಧಿಃ ಸ್ತೋತ್ರಾಣಿ ಸರ್ವಾ ಗಿರೋ

ಯದ್ಯತ್ಕರ್ಮ ಕರೋಮಿ ತತ್ತದಖಿಲಂ ಶಮ್ಭೋ ತವಾರಾಧನಮ್ ॥ 4 ॥

ಕರ ಚರಣ ಕೃತಂ ವಾಕ್ಕಾಯಜಂ ಕರ್ಮಜಂ ವಾ

ಶ್ರವಣ ನಯನಜಂ ವಾ ಮಾನಸಂ ವಾಪರಾಧಮ್ ।

ವಿಹಿತಮವಿಹಿತಂ ವಾ ಸರ್ವಮೇತತ್-ಕ್ಷಮಸ್ವ

ಜಯ ಜಯ ಕರುಣಾಬ್ಧೇ ಶ್ರೀ ಮಹಾದೇವ ಶಮ್ಭೋ ॥ 5 ॥

Roman (IAST) Transliteration

ratnaiḥ kalpitamāsanaṃ himajalaiḥ snānaṃ ca divyāmbaraṃ

nānāratna vibhūṣitaṃ mṛgamadā modāṅkitaṃ candanam |

jātī campaka bilvapatra racitaṃ puṣpaṃ ca dhūpaṃ tathā

dīpaṃ deva dayānidhe paśupate hṛtkalpitaṃ gṛhyatām || 1 ||

sauvarṇe navaratnakhaṇḍa racite pātre ghṛtaṃ pāyasaṃ

bhakṣyaṃ pañcavidhaṃ payodadhiyutaṃ rambhāphalaṃ pānakam |

śākānāmayutaṃ jalaṃ rucikaraṃ karpūra khaṇḍojjcalaṃ

tāmbūlaṃ manasā mayā viracitaṃ bhaktyā prabho svīkuru || 2 ||

chatraṃ cāmarayoryugaṃ vyajanakaṃ cādarśakaṃ nirmalaṃ

vīṇā bheri mṛdaṅga kāhalakalā gītaṃ ca nṛtyaṃ tathā |

sāṣṭāṅgaṃ praṇatiḥ stuti-rbahuvidhā-hyetat-samastaṃ mayā

saṅkalpena samarpitaṃ tava vibho pūjāṃ gṛhāṇa prabho || 3 ||

ātmā tvaṃ girijā matiḥ sahacarāḥ prāṇāḥ śarīraṃ gṛhaṃ

pūjā te viṣayopabhoga-racanā nidrā samādhisthitiḥ |

sañcāraḥ padayoḥ pradakṣiṇavidhiḥ stotrāṇi sarvā giro

yadyatkarma karomi tattadakhilaṃ śambho tavārādhanam || 4 ||

kara caraṇa kṛtaṃ vākkāyajaṃ karmajaṃ vā

śravaṇa nayanajaṃ vā mānasaṃ vāparādham |

vihitamavihitaṃ vā sarvametat-kṣamasva

jaya jaya karuṇābdhe śrī mahādeva śambho || 5 ||