7.4 - Brihaspati Rakamayata - Krishna Yajurveda Taittiriya Samhita Pathah

ॐ

7.4 - ಬೃಹಸ್ಪತಿ ರಕಾಮಯತ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ

Krishna Kannada

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾಂ ಸಪ್ತಮಕಾಣ್ಡೇ ಚತುರ್ಥಃ ಪ್ರಶ್ನಃ - ಸತ್ರಕರ್ಮನಿರೂಪಣಂ

ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,

ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

ಬೃಹ॒ಸ್ಪತಿ॑ರಕಾಮಯತ॒ ಶ್ರನ್ಮೇ॑ ದೇ॒ವಾ ದಧೀ॑ರ॒-ನ್ಗಚ್ಛೇ॑ಯ-ಮ್ಪುರೋ॒ಧಾಮಿತಿ॒ ಸ ಏ॒ತ-ಞ್ಚ॑ತುರ್ವಿಗ್ಂಶತಿರಾ॒ತ್ರ-ಮ॑ಪಶ್ಯ॒-ತ್ತಮಾ-ಽಹ॑ರ॒-ತ್ತೇನಾ॑ಯಜತ॒ ತತೋ॒ ವೈ ತಸ್ಮೈ॒ ಶ್ರದ್ದೇ॒ವಾ ಅದ॑ಧ॒ತಾಗ॑ಚ್ಛ-ತ್ಪುರೋ॒ಧಾಂ-ಯಁ ಏ॒ವಂ-ವಿಁ॒ದ್ವಾಗ್ಂಸ॑-ಶ್ಚತುರ್ವಿಗ್ಂಶತಿರಾ॒ತ್ರ-ಮಾಸ॑ತೇ॒ ಶ್ರದೇ᳚ಭ್ಯೋ ಮನು॒ಷ್ಯಾ॑ ದಧತೇ॒ ಗಚ್ಛ॑ನ್ತಿ ಪುರೋ॒ಧಾ-ಞ್ಜ್ಯೋತಿ॒ರ್ಗೌರಾಯು॒ರಿತಿ॑ ತ್ರ್ಯ॒ಹಾ ಭ॑ವನ್ತೀ॒ಯಂ-ವಾಁವ ಜ್ಯೋತಿ॑ರ॒ನ್ತರಿ॑ಕ್ಷ॒-ಙ್ಗೌರ॒ಸಾ-ವಾಯು॑- [-ವಾಯುಃ॑, ಇ॒ಮಾನೇ॒ವ] 1

-ರಿ॒ಮಾನೇ॒ವ ಲೋ॒ಕಾನ॒ಭ್ಯಾರೋ॑ಹನ್ತ್ಯಭಿ ಪೂ॒ರ್ವ-ನ್ತ್ರ್ಯ॒ಹಾ ಭ॑ವನ್ತ್ಯಭಿಪೂ॒ರ್ವಮೇ॒ವ ಸು॑ವ॒ರ್ಗಂ-ಲೋಁ॒ಕಮ॒ಭ್ಯಾರೋ॑ಹ॒ನ್ತ್ಯಸ॑ತ್ರಂ॒-ವಾಁ ಏ॒ತ-ದ್ಯದ॑ಛನ್ದೋ॒ಮಂ-ಯಁಚ್ಛ॑ನ್ದೋ॒ಮಾ ಭವ॑ನ್ತಿ॒ ತೇನ॑ ಸ॒ತ್ರ-ನ್ದೇ॒ವತಾ॑ ಏ॒ವ ಪೃ॒ಷ್ಠೈರವ॑ ರುನ್ಧತೇ ಪ॒ಶೂಞ್ಛ॑ನ್ದೋ॒ಮೈರೋಜೋ॒ ವೈ ವೀ॒ರ್ಯ॑-ಮ್ಪೃ॒ಷ್ಠಾನಿ॑ ಪ॒ಶವಃ॑ ಛನ್ದೋ॒ಮಾ ಓಜ॑ಸ್ಯೇ॒ವ ವೀ॒ರ್ಯೇ॑ ಪ॒ಶುಷು॒ ಪ್ರತಿ॑ ತಿಷ್ಠನ್ತಿ ಬೃಹ-ದ್ರಥನ್ತ॒ರಾಭ್ಯಾಂ᳚-ಯಁನ್ತೀ॒ಯಂ-ವಾಁವ ರ॑ಥನ್ತ॒ರಮ॒ಸೌ ಬೃ॒ಹದಾ॒ಭ್ಯಾಮೇ॒ವ [ ] 2

ಯ॒ನ್ತ್ಯಥೋ॑ ಅ॒ನಯೋ॑ರೇ॒ವ ಪ್ರತಿ॑ ತಿಷ್ಠನ್ತ್ಯೇ॒ತೇ ವೈ ಯ॒ಜ್ಞಸ್ಯಾ᳚ಞ್ಜ॒ಸಾಯ॑ನೀ ಸ್ರು॒ತೀ ತಾಭ್ಯಾ॑ಮೇ॒ವ ಸು॑ವ॒ರ್ಗಂ-ಲೋಁ॒ಕಂ-ಯಁ॑ನ್ತಿ ಚತುರ್ವಿಗ್ಂಶತಿರಾ॒ತ್ರೋ ಭ॑ವತಿ॒ ಚತು॑ರ್ವಿಗ್ಂಶತಿರರ್ಧಮಾ॒ಸಾ-ಸ್ಸಂ॑ವಁಥ್ಸ॒ರ-ಸ್ಸಂ॑ವಁಥ್ಸ॒ರ-ಸ್ಸು॑ವ॒ರ್ಗೋ ಲೋ॒ಕ-ಸ್ಸಂ॑ವಁಥ್ಸ॒ರ ಏ॒ವ ಸು॑ವ॒ರ್ಗೇ ಲೋ॒ಕೇ ಪ್ರತಿ॑ ತಿಷ್ಠ॒ನ್ತ್ಯಥೋ॒ ಚತು॑ರ್ವಿಗ್ಂಶತ್ಯಕ್ಷರಾ ಗಾಯ॒ತ್ರೀ ಗಾ॑ಯ॒ತ್ರೀ ಬ್ರ॑ಹ್ಮವರ್ಚ॒ಸ-ಙ್ಗಾ॑ಯತ್ರಿ॒ಯೈವ ಬ್ರ॑ಹ್ಮವರ್ಚ॒ಸಮವ॑ ರುನ್ಧತೇ ಽತಿರಾ॒ತ್ರಾವ॒ಭಿತೋ॑ ಭವತೋ ಬ್ರಹ್ಮವರ್ಚ॒ಸಸ್ಯ॒ ಪರಿ॑ಗೃಹೀತ್ಯೈ ॥ 3 ॥

(ಅ॒ಸಾವಾಯು॑ - ರಾ॒ಭ್ಯಾಮೇ॒ವ - ಪಞ್ಚ॑ಚತ್ವಾರಿಗ್ಂಶಚ್ಚ) (ಅ. 1)

ಯಥಾ॒ ವೈ ಮ॑ನು॒ಷ್ಯಾ॑ ಏ॒ವ-ನ್ದೇ॒ವಾ ಅಗ್ರ॑ ಆಸ॒-ನ್ತೇ॑-ಽಕಾಮಯ॒ನ್ತಾ-ಽವ॑ರ್ತಿ-ಮ್ಪಾ॒ಪ್ಮಾನ॑-ಮ್ಮೃ॒ತ್ಯು-ಮ॑ಪ॒ಹತ್ಯ॒ ದೈವೀಗ್ಂ॑ ಸ॒ಗ್ಂ॒ಸದ॑-ಙ್ಗಚ್ಛೇ॒ಮೇತಿ॒ ತ ಏ॒ತ-ಞ್ಚ॑ತುರ್ವಿಗ್ಂಶತಿರಾ॒ತ್ರ-ಮ॑ಪಶ್ಯ॒-ನ್ತಮಾ-ಽಹ॑ರ॒-ನ್ತೇನಾ॑ಯಜನ್ತ॒ ತತೋ॒ ವೈ ತೇ-ಽವ॑ರ್ತಿ-ಮ್ಪಾ॒ಪ್ಮಾನ॑-ಮ್ಮೃ॒ತ್ಯು-ಮ॑ಪ॒ಹತ್ಯ॒ ದೈವೀಗ್ಂ॑ ಸ॒ಗ್ಂ॒ಸದ॑ಮಗಚ್ಛ॒ನ್॒. ಯ ಏ॒ವಂ-ವಿಁ॒ದ್ವಾಗ್ಂಸ॑-ಶ್ಚತುರ್ವಿಗ್ಂಶತಿರಾ॒ತ್ರ-ಮಾಸ॒ತೇ-ಽವ॑ರ್ತಿಮೇ॒ವ ಪಾ॒ಪ್ಮಾನ॑-ಮಪ॒ಹತ್ಯ॒ ಶ್ರಿಯ॑-ಙ್ಗಚ್ಛನ್ತಿ॒ ಶ್ರೀರ್ಹಿ ಮ॑ನು॒ಷ್ಯ॑ಸ್ಯ॒ [ಶ್ರೀರ್ಹಿ ಮ॑ನು॒ಷ್ಯ॑ಸ್ಯ, ದೈವೀ॑ ಸ॒ಗ್ಂ॒ಸ-ಜ್ಜ್ಯೋತಿ॑-] 4

ದೈವೀ॑ ಸ॒ಗ್ಂ॒ಸ-ಜ್ಜ್ಯೋತಿ॑-ರತಿರಾ॒ತ್ರೋ ಭ॑ವತಿ ಸುವ॒ರ್ಗಸ್ಯ॑ ಲೋ॒ಕಸ್ಯಾನು॑ಖ್ಯಾತ್ಯೈ॒ ಪೃಷ್ಠ್ಯಃ॑ ಷಡ॒ಹೋ ಭ॑ವತಿ॒ ಷ-ಡ್ವಾ ಋ॒ತವಃ॑ ಸಂವಁಥ್ಸ॒ರಸ್ತ-ಮ್ಮಾಸಾ॑ ಅರ್ಧಮಾ॒ಸಾ ಋ॒ತವಃ॑ ಪ್ರ॒ವಿಶ್ಯ॒ ದೈವೀಗ್ಂ॑ ಸ॒ಗ್ಂ॒ಸದ॑ಮಗಚ್ಛ॒ನ್॒. ಯ ಏ॒ವಂ-ವಿಁ॒ದ್ವಾಗ್ಂಸ॑-ಶ್ಚತುರ್ವಿಗ್ಂಶತಿರಾ॒ತ್ರಮಾಸ॑ತೇ ಸಂವಁಥ್ಸ॒ರಮೇ॒ವ ಪ್ರ॒ವಿಶ್ಯ॒ ವಸ್ಯ॑ಸೀಗ್ಂ ಸ॒ಗ್ಂ॒ಸದ॑-ಙ್ಗಚ್ಛನ್ತಿ॒ ತ್ರಯ॑ಸ್ತ್ರಯಸ್ತ್ರಿ॒ಗ್ಂ॒ಶಾ ಅ॒ವಸ್ತಾ᳚-ದ್ಭವನ್ತಿ॒ ತ್ರಯ॑ಸ್ತ್ರಯಸ್ತ್ರಿ॒ಗ್ಂ॒ಶಾಃ ಪ॒ರಸ್ತಾ᳚-ತ್ತ್ರಯಸ್ತ್ರಿ॒ಗ್ಂ॒ಶೈರೇ॒ವೋಭ॒ಯತೋ ಽವ॑ರ್ತಿ-ಮ್ಪಾ॒ಪ್ಮಾನ॑ಮಪ॒ಹತ್ಯ॒ ದೈವೀಗ್ಂ॑ ಸ॒ಗ್ಂ॒ಸದ॑-ಮ್ಮದ್ಧ್ಯ॒ತೋ [ಸ॒ಗ್ಂ॒ಸದ॑-ಮ್ಮದ್ಧ್ಯ॒ತಃ, ಗ॒ಚ್ಛ॒ನ್ತಿ॒ ಪೃ॒ಷ್ಠಾನಿ॒ ಹಿ] 5

ಗ॑ಚ್ಛನ್ತಿ ಪೃ॒ಷ್ಠಾನಿ॒ ಹಿ ದೈವೀ॑ ಸ॒ಗ್ಂ॒ಸಜ್ಜಾ॒ಮಿ ವಾ ಏ॒ತ-ತ್ಕು॑ರ್ವನ್ತಿ॒ ಯ-ತ್ತ್ರಯ॑ಸ್ತ್ರಯಸ್ತ್ರಿ॒ಗ್ಂ॒ಶಾ ಅ॒ನ್ವಞ್ಚೋ॒ ಮದ್ಧ್ಯೇ-ಽನಿ॑ರುಕ್ತೋ ಭವತಿ॒ ತೇನಾಜಾ᳚ಮ್ಯೂ॒ರ್ಧ್ವಾನಿ॑ ಪೃ॒ಷ್ಠಾನಿ॑ ಭವನ್ತ್ಯೂ॒ರ್ಧ್ವಾ-ಶ್ಛ॑ನ್ದೋ॒ಮಾ ಉ॒ಭಾಭ್ಯಾಗ್ಂ॑ ರೂ॒ಪಾಭ್ಯಾಗ್ಂ॑ ಸುವ॒ರ್ಗಂ-ಲೋಁ॒ಕಂ-ಯಁ॒ನ್ತ್ಯಸ॑ತ್ರಂ॒-ವಾಁ ಏ॒ತ-ದ್ಯದ॑ಛನ್ದೋ॒ಮಂ-ಯಁಚ್ಛ॑ನ್ದೋ॒ಮಾ ಭವ॑ನ್ತಿ॒ ತೇನ॑ ಸ॒ತ್ರ-ನ್ದೇ॒ವತಾ॑ ಏ॒ವ ಪೃ॒ಷ್ಠೈರವ॑ ರುನ್ಧತೇ ಪ॒ಶೂಞ್ಛ॑ನ್ದೋ॒ಮೈರೋಜೋ॒ ವೈ ವೀ॒ರ್ಯ॑-ಮ್ಪೃ॒ಷ್ಠಾನಿ॑ ಪ॒ಶವ॑- [ಪ॒ಶವಃ॑, ಛ॒ನ್ದೋ॒ಮಾ ಓಜ॑ಸ್ಯೇ॒ವ] 6

-ಶ್ಛನ್ದೋ॒ಮಾ ಓಜ॑ಸ್ಯೇ॒ವ ವೀ॒ರ್ಯೇ॑ ಪ॒ಶುಷು॒ ಪ್ರತಿ॑ ತಿಷ್ಠನ್ತಿ॒ ತ್ರಯ॑ಸ್ತ್ರಯಸ್ತ್ರಿ॒ಗ್ಂ॒ಶಾ ಅ॒ವಸ್ತಾ᳚-ದ್ಭವನ್ತಿ॒ ತ್ರಯ॑ಸ್ತ್ರಯಸ್ತ್ರಿ॒ಗ್ಂ॒ಶಾಃ ಪ॒ರಸ್ತಾ॒ನ್ಮದ್ಧ್ಯೇ॑ ಪೃ॒ಷ್ಠಾನ್ಯುರೋ॒ ವೈ ತ್ರ॑ಯಸ್ತ್ರಿ॒ಗ್ಂ॒ಶಾ ಆ॒ತ್ಮಾ ಪೃ॒ಷ್ಠಾನ್ಯಾ॒ತ್ಮನ॑ ಏ॒ವ ತ-ದ್ಯಜ॑ಮಾನಾ॒-ಶ್ಶರ್ಮ॑ ನಹ್ಯ॒ನ್ತೇ-ಽನಾ᳚ರ್ತ್ಯೈ ಬೃಹ-ದ್ರಥನ್ತ॒ರಾಭ್ಯಾಂ᳚-ಯಁನ್ತೀ॒ಯಂ-ವಾಁವ ರ॑ಥನ್ತ॒ರಮ॒ಸೌ ಬೃ॒ಹದಾ॒ಭ್ಯಾಮೇ॒ವ ಯ॒ನ್ತ್ಯಥೋ॑ ಅ॒ನಯೋ॑ರೇ॒ವ ಪ್ರತಿ॑ ತಿಷ್ಠನ್ತ್ಯೇ॒ತೇ ವೈ ಯ॒ಜ್ಞಸ್ಯಾ᳚ಞ್ಜ॒ಸಾಯ॑ನೀ ಸ್ರು॒ತೀ ತಾಭ್ಯಾ॑ಮೇ॒ವ [ತಾಭ್ಯಾ॑ಮೇ॒ವ, ಸು॒ವ॒ರ್ಗಂ-ಲೋಁ॒ಕಂ-ಯಁ॑ನ್ತಿ॒] 7

ಸು॑ವ॒ರ್ಗಂ-ಲೋಁ॒ಕಂ-ಯಁ॑ನ್ತಿ॒ ಪರಾ᳚ಞ್ಚೋ॒ ವಾ ಏ॒ತೇ ಸು॑ವ॒ರ್ಗಂ-ಲೋಁ॒ಕಮ॒ಭ್ಯಾರೋ॑ಹನ್ತಿ॒ ಯೇ ಪ॑ರಾ॒ಚೀನಾ॑ನಿ ಪೃ॒ಷ್ಠಾನ್ಯು॑ಪ॒ಯನ್ತಿ॑ ಪ್ರ॒ತ್ಯಂ ಷ॑ಡ॒ಹೋ ಭ॑ವತಿ ಪ್ರ॒ತ್ಯವ॑ರೂಢ್ಯಾ॒ ಅಥೋ॒ ಪ್ರತಿ॑ಷ್ಠಿತ್ಯಾ ಉ॒ಭಯೋ᳚ರ್ಲೋ॒ಕಯೋರ॑ ಋ॒ದ್ಧ್ವೋ-ತ್ತಿ॑ಷ್ಠನ್ತಿ ತ್ರಿ॒ವೃತೋ-ಽಧಿ॑ ತ್ರಿ॒ವೃತ॒ಮುಪ॑ ಯನ್ತಿ॒ ಸ್ತೋಮಾ॑ನಾ॒ಗ್ಂ॒ ಸಮ್ಪ॑ತ್ತ್ಯೈ ಪ್ರಭ॒ವಾಯ॒ ಜ್ಯೋತಿ॑ರಗ್ನಿಷ್ಟೋ॒ಮೋ ಭ॑ವತ್ಯ॒ಯಂ-ವಾಁವ ಸ ಕ್ಷಯೋ॒-ಽಸ್ಮಾದೇ॒ವ ತೇನ॒ ಕ್ಷಯಾ॒ನ್ನ ಯ॑ನ್ತಿ ಚತುರ್ವಿಗ್ಂಶತಿರಾ॒ತ್ರೋ ಭ॑ವತಿ॒ ಚತು॑ರ್ವಿಗ್ಂಶತಿರರ್ಧಮಾ॒ಸಾ-ಸ್ಸಂ॑ವಁಥ್ಸ॒ರ-ಸ್ಸಂ॑ವಁಥ್ಸ॒ರ-ಸ್ಸು॑ವ॒ರ್ಗೋ ಲೋ॒ಕ-ಸ್ಸಂ॑ವಁಥ್ಸ॒ರ ಏ॒ವ ಸು॑ವ॒ರ್ಗೇ ಲೋ॒ಕೇ ಪ್ರತಿ॑ ತಿಷ್ಠ॒ನ್ತ್ಯಥೋ॒ ಚತು॑ರ್ವಿಗ್ಂಶತ್ಯಕ್ಷರಾ ಗಾಯ॒ತ್ರೀ ಗಾ॑ಯ॒ತ್ರೀ ಬ್ರ॑ಹ್ಮವರ್ಚ॒ಸ-ಙ್ಗಾ॑ಯತ್ರಿ॒ಯೈವ ಬ್ರ॑ಹ್ಮವರ್ಚ॒ಸಮವ॑ ರುನ್ಧತೇ ಽತಿರಾ॒ತ್ರಾವ॒ಭಿತೋ॑ ಭವತೋ ಬ್ರಹ್ಮವರ್ಚ॒ಸಸ್ಯ॒ ಪರಿ॑ಗೃಹೀತ್ಯೈ ॥ 8 ॥

(ಮ॒ನು॒ಷ್ಯ॑ಸ್ಯ - ಮಧ್ಯ॒ತಃ - ಪ॒ಶವ॒ - ಸ್ತಾಭ್ಯಾ॑ಮೇ॒ವ - ಸಂ॑ವಁಥ್ಸ॒ರ - ಶ್ಚತು॑ರ್ವಿಗ್ಂಶತಿಶ್ಚ) (ಅ. 2)

ಋ॒ಕ್ಷಾ ವಾ ಇ॒ಯಮ॑ಲೋ॒ಮಕಾ॑-ಽಽಸೀ॒-ಥ್ಸಾ-ಽಕಾ॑ಮಯ॒ತೌಷ॑ಧೀಭಿ॒-ರ್ವನ॒ಸ್ಪತಿ॑ಭಿಃ॒ ಪ್ರ ಜಾ॑ಯೇ॒ಯೇತಿ॒ ಸೈತಾಸ್ತ್ರಿ॒ಗ್ಂ॒ಶತ॒ಗ್ಂ॒ ರಾತ್ರೀ॑ರಪಶ್ಯ॒-ತ್ತತೋ॒ ವಾ ಇ॒ಯಮೋಷ॑ಧೀಭಿ॒-ರ್ವನ॒ಸ್ಪತಿ॑ಭಿಃ॒ ಪ್ರಾಜಾ॑ಯತ॒ ಯೇ ಪ್ರ॒ಜಾಕಾ॑ಮಾಃ ಪ॒ಶುಕಾ॑ಮಾ॒-ಸ್ಸ್ಯುಸ್ತ ಏ॒ತಾ ಆ॑ಸೀರ॒-ನ್ಪ್ರೈವ ಜಾ॑ಯನ್ತೇ ಪ್ರ॒ಜಯಾ॑ ಪ॒ಶುಭಿ॑ರಿ॒ಯಂ-ವಾಁ ಅ॑ಕ್ಷುದ್ಧ್ಯ॒-ಥ್ಸೈತಾಂ-ವಿಁ॒ರಾಜ॑ಮಪಶ್ಯ॒-ತ್ತಾಮಾ॒ತ್ಮ-ನ್ಧಿ॒ತ್ವಾ-ಽನ್ನಾದ್ಯ॒ಮವಾ॑ ಽರು॒ನ್ಧೌಷ॑ಧೀ॒- [-ಽರು॒ನ್ಧೌಷ॑ಧೀಃ, ವನ॒ಸ್ಪತೀ᳚-ನ್ಪ್ರ॒ಜಾ-] 9

-ರ್ವನ॒ಸ್ಪತೀ᳚-ನ್ಪ್ರ॒ಜಾ-ಮ್ಪ॒ಶೂ-ನ್ತೇನಾ॑ವರ್ಧತ॒ ಸಾ ಜೇ॒ಮಾನ॑-ಮ್ಮಹಿ॒ಮಾನ॑-ಮಗಚ್ಛ॒ದ್ಯ ಏ॒ವಂ-ವಿಁ॒ದ್ವಾಗ್ಂಸ॑ ಏ॒ತಾ ಆಸ॑ತೇ ವಿ॒ರಾಜ॑ಮೇ॒ವಾ-ಽಽತ್ಮ-ನ್ಧಿ॒ತ್ವಾ-ಽನ್ನಾದ್ಯ॒ಮವ॑ ರುನ್ಧತೇ॒ ವರ್ಧ॑ನ್ತೇ ಪ್ರ॒ಜಯಾ॑ ಪ॒ಶುಭಿ॑ರ್ಜೇ॒ಮಾನ॑-ಮ್ಮಹಿ॒ಮಾನ॑-ಙ್ಗಚ್ಛನ್ತಿ॒ ಜ್ಯೋತಿ॑ರತಿರಾ॒ತ್ರೋ ಭ॑ವತಿ ಸುವ॒ರ್ಗಸ್ಯ॑ ಲೋ॒ಕಸ್ಯಾನು॑ಖ್ಯಾತ್ಯೈ॒ ಪೃಷ್ಠ್ಯಃ॑ ಷಡ॒ಹೋ ಭ॑ವತಿ॒ ಷ-ಡ್ವಾ ಋ॒ತವ॒-ಷ್ಷಟ್ ಪೃ॒ಷ್ಠಾನಿ॑ ಪೃ॒ಷ್ಠೈರೇ॒ವರ್ತೂನ॒ನ್ವಾ-ರೋ॑ಹನ್ತ್ಯೃ॒ತುಭಿಃ॑ ಸಂವಁಥ್ಸ॒ರ-ನ್ತೇ ಸಂ॑ವಁಥ್ಸ॒ರ ಏ॒ವ [ ] 10

ಪ್ರತಿ॑ ತಿಷ್ಠನ್ತಿ ತ್ರಯಸ್ತ್ರಿ॒ಗ್ಂ॒ಶಾ-ತ್ತ್ರ॑ಯಸ್ತ್ರಿ॒ಗ್ಂ॒ಶಮುಪ॑ ಯನ್ತಿ ಯ॒ಜ್ಞಸ್ಯ॒ ಸನ್ತ॑ತ್ಯಾ॒ ಅಥೋ᳚ ಪ್ರ॒ಜಾಪ॑ತಿ॒ರ್ವೈ ತ್ರ॑ಯಸ್ತ್ರಿ॒ಗ್ಂ॒ಶಃ ಪ್ರ॒ಜಾಪ॑ತಿಮೇ॒ವಾ-ಽಽರ॑ಭನ್ತೇ॒ ಪ್ರತಿ॑ಷ್ಠಿತ್ಯೈ ತ್ರಿಣ॒ವೋ ಭ॑ವತಿ॒ ವಿಜಿ॑ತ್ಯಾ ಏಕವಿ॒ಗ್ಂ॒ಶೋ ಭ॑ವತಿ॒ ಪ್ರತಿ॑ಷ್ಠಿತ್ಯಾ॒ ಅಥೋ॒ ರುಚ॑ಮೇ॒ವಾ-ಽಽತ್ಮ-ನ್ದ॑ಧತೇ ತ್ರಿ॒ವೃದ॑ಗ್ನಿ॒ಷ್ಟು-ದ್ಭ॑ವತಿ ಪಾ॒ಪ್ಮಾನ॑ಮೇ॒ವ ತೇನ॒ ನಿರ್ದ॑ಹ॒ನ್ತೇ-ಽಥೋ॒ ತೇಜೋ॒ ವೈ ತ್ರಿ॒ವೃ-ತ್ತೇಜ॑ ಏ॒ವಾ-ಽಽತ್ಮ-ನ್ದ॑ಧತೇ ಪಞ್ಚದ॒ಶ ಇ॑ನ್ದ್ರಸ್ತೋ॒ಮೋ ಭ॑ವತೀನ್ದ್ರಿ॒ಯ-ಮೇ॒ವಾ-ಽವ॑ [ಭ॑ವತೀನ್ದ್ರಿ॒ಯ-ಮೇ॒ವಾ-ಽವ॑, ರು॒ನ್ಧ॒ತೇ॒ ಸ॒ಪ್ತ॒ದ॒ಶೋ ಭ॑ವತ್ಯ॒ನ್ನಾದ್ಯ॒ಸ್ಯಾ] 11

ರುನ್ಧತೇ ಸಪ್ತದ॒ಶೋ ಭ॑ವತ್ಯ॒ನ್ನಾದ್ಯ॒ಸ್ಯಾ ವ॑ರುದ್ಧ್ಯಾ॒ ಅಥೋ॒ ಪ್ರೈವ ತೇನ॑ ಜಾಯನ್ತ ಏಕವಿ॒ಗ್ಂ॒ಶೋ ಭ॑ವತಿ॒ ಪ್ರತಿ॑ಷ್ಠಿತ್ಯಾ॒ ಅಥೋ॒ ರುಚ॑ಮೇ॒ವಾ-ಽಽತ್ಮ-ನ್ದ॑ಧತೇ ಚತುರ್ವಿ॒ಗ್ಂ॒ಶೋ ಭ॑ವತಿ॒ ಅತು॑ರ್ವಿಗ್ಂಶತಿರರ್ಧಮಾ॒ಸಾ-ಸ್ಸಂ॑ವಁಥ್ಸ॒ರ-ಸ್ಸಂ॑ವಁಥ್ಸ॒ರ-ಸ್ಸು॑ವ॒ರ್ಗೋ ಲೋ॒ಕ-ಸ್ಸಂ॑ವಁಥ್ಸ॒ರ ಏ॒ವ ಸು॑ವ॒ರ್ಗೇ ಲೋ॒ಕೇ ಪ್ರತಿ॑ ತಿಷ್ಠ॒ನ್ತ್ಯಥೋ॑ ಏ॒ಷ ವೈ ವಿ॑ಷೂ॒ವಾನ್ ವಿ॑ಷೂ॒ವನ್ತೋ॑ ಭವನ್ತಿ॒ ಯ ಏ॒ವಂ-ವಿಁ॒ದ್ವಾಗ್ಂಸ॑ ಏ॒ತಾ ಆಸ॑ತೇ ಚತುರ್ವಿ॒ಗ್ಂ॒ಶಾ-ತ್ಪೃ॒ಷ್ಠಾನ್ಯುಪ॑ ಯನ್ತಿ ಸಂವಁಥ್ಸ॒ರ ಏ॒ವ ಪ್ರ॑ತಿ॒ಷ್ಠಾಯ॑ [ ] 12

ದೇ॒ವತಾ॑ ಅ॒ಭ್ಯಾರೋ॑ಹನ್ತಿ ತ್ರಯಸ್ತ್ರಿ॒ಗ್ಂ॒ಶಾ-ತ್ತ್ರ॑ಯಸ್ತ್ರಿ॒ಗ್ಂ॒ಶಮುಪ॑ ಯನ್ತಿ॒ ತ್ರಯ॑ಸ್ತ್ರಿಗ್ಂಶ॒ದ್ವೈ ದೇ॒ವತಾ॑ ದೇ॒ವತಾ᳚ಸ್ವೇ॒ವ ಪ್ರತಿ॑ ತಿಷ್ಠನ್ತಿ ತ್ರಿಣ॒ವೋ ಭ॑ವತೀ॒ಮೇ ವೈ ಲೋ॒ಕಾಸ್ತ್ರಿ॑ಣ॒ವ ಏ॒ಷ್ವೇ॑ವ ಲೋ॒ಕೇಷು॒ ಪ್ರತಿ॑ ತಿಷ್ಠನ್ತಿ॒ ದ್ವಾವೇ॑ಕವಿ॒ಗ್ಂ॒ಶೌ ಭ॑ವತಃ॒ ಪ್ರತಿ॑ಷ್ಠಿತ್ಯಾ॒ ಅಥೋ॒ ರುಚ॑ಮೇ॒ವಾ-ಽಽತ್ಮ-ನ್ದ॑ಧತೇ ಬ॒ಹವಃ॑ ಷೋಡ॒ಶಿನೋ॑ ಭವನ್ತಿ॒ ತಸ್ಮಾ᳚-ದ್ಬ॒ಹವಃ॑ ಪ್ರ॒ಜಾಸು॒ ವೃಷಾ॑ಣೋ॒ ಯದೇ॒ತೇ ಸ್ತೋಮಾ॒ ವ್ಯತಿ॑ಷಕ್ತಾ॒ ಭವ॑ನ್ತಿ॒ ತಸ್ಮಾ॑ದಿ॒ಯ -ಮೋಷ॑ಧೀಭಿ॒-ರ್ವನ॒ಸ್ಪತಿ॑ಭಿ॒-ರ್ವ್ಯತಿ॑ಷಕ್ತಾ॒ [-ರ್ವ್ಯತಿ॑ಷಕ್ತಾ, ವ್ಯತಿ॑ಷಜ್ಯನ್ತೇ] 13

ವ್ಯತಿ॑ಷಜ್ಯನ್ತೇ ಪ್ರ॒ಜಯಾ॑ ಪ॒ಶುಭಿ॒ರ್ಯ ಏ॒ವಂ-ವಿಁ॒ದ್ವಾಗ್ಂಸ॑ ಏ॒ತಾ ಆಸ॒ತೇ ಽಕೢ॑ಪ್ತಾ॒ ವಾ ಏ॒ತೇ ಸು॑ವ॒ರ್ಗಂ-ಲೋಁ॒ಕಂ-ಯಁ॑ನ್ತ್ಯುಚ್ಚಾವ॒ಚಾನ್ ಹಿ ಸ್ತೋಮಾ॑ನುಪ॒ಯನ್ತಿ॒ ಯದೇ॒ತ ಊ॒ರ್ಧ್ವಾಃ ಕೢ॒ಪ್ತಾ-ಸ್ಸ್ತೋಮಾ॒ ಭವ॑ನ್ತಿ ಕೢ॒ಪ್ತಾ ಏ॒ವ ಸು॑ವ॒ರ್ಗಂ-ಲೋಁ॒ಕಂ-ಯಁ॑ನ್ತ್ಯು॒ಭಯೋ॑ರೇ॒ಭ್ಯೋ ಲೋ॒ಕಯೋಃ᳚ ಕಲ್ಪತೇ ತ್ರಿ॒ಗ್ಂ॒ಶದೇ॒ತಾಸ್ತ್ರಿ॒ಗ್ಂ॒ಶದ॑ಕ್ಷರಾ ವಿ॒ರಾಡನ್ನಂ॑-ವಿಁ॒ರಾ-ಡ್ವಿ॒ರಾಜೈ॒ವಾನ್ನಾದ್ಯ॒ಮವ॑ ರುನ್ಧತೇ ಽತಿರಾ॒ತ್ರಾವ॒ಭಿತೋ॑ ಭವತೋ॒ ಽನ್ನಾದ್ಯ॑ಸ್ಯ॒ ಪರಿ॑ಗೃಹೀತ್ಯೈ ॥ 14 ॥

(ಓಷ॑ಧೀಃ - ಸಂವಁಥ್ಸ॒ರ ಏ॒ವಾ - ಽವ॑ - ಪ್ರತಿ॒ಷ್ಠಾಯ॒ - ವ್ಯತಿ॑ಷ॒ಕ್ತ್ಯೈ - ಕಾ॒ನ್ನಪ॑ಞ್ಚಾ॒ಶಚ್ಚ॑) (ಅ. 3)

ಪ್ರ॒ಜಾಪ॑ತಿ-ಸ್ಸುವ॒ರ್ಗಂ-ಲೋಁ॒ಕಮೈ॒-ತ್ತ-ನ್ದೇ॒ವಾ ಯೇನ॑ಯೇನ॒ ಛನ್ದ॒ಸಾ-ಽನು॒ ಪ್ರಾಯು॑ಞ್ಜತ॒ ತೇನ॒ ನಾ-ಽಽಪ್ನು॑ವ॒-ನ್ತ ಏ॒ತಾ ದ್ವಾತ್ರಿಗ್ಂ॑ಶತ॒ಗ್ಂ॒ ರಾತ್ರೀ॑ರಪಶ್ಯ॒-ನ್ದ್ವಾತ್ರಿಗ್ಂ॑ಶದಕ್ಷರಾ ಽನು॒ಷ್ಟುಗಾ-ನು॑ಷ್ಟುಭಃ ಪ್ರ॒ಜಾಪ॑ತಿ॒-ಸ್ಸ್ವೇನೈ॒ವ ಛನ್ದ॑ಸಾ ಪ್ರ॒ಜಾಪ॑ತಿ-ಮಾ॒ಪ್ತ್ವಾ ಽಭ್ಯಾ॒ರುಹ್ಯ॑ ಸುವ॒ರ್ಗಂ-ಲೋಁ॒ಕಮಾ॑ಯ॒ನ್॒. ಯ ಏ॒ವಂ-ವಿಁ॒ದ್ವಾಗ್ಂಸ॑ ಏ॒ತಾ ಆಸ॑ತೇ॒ ದ್ವಾತ್ರಿಗ್ಂ॑ಶದೇ॒ತಾ ದ್ವಾತ್ರಿಗ್ಂ॑ಶದಕ್ಷರಾ ಽನು॒ಷ್ಟುಗಾ-ನು॑ಷ್ಟುಭಃ ಪ್ರ॒ಜಾಪ॑ತಿ॒-ಸ್ಸ್ವೇನೈ॒ವ ಛನ್ದ॑ಸಾ ಪ್ರ॒ಜಾಪ॑ತಿಮಾ॒ಪ್ತ್ವಾ ಶ್ರಿಯ॑-ಙ್ಗಚ್ಛನ್ತಿ॒ [ಶ್ರಿಯ॑-ಙ್ಗಚ್ಛನ್ತಿ, ಶ್ರೀರ್ಹಿ] 15

ಶ್ರೀರ್ಹಿ ಮ॑ನು॒ಷ್ಯ॑ಸ್ಯ ಸುವ॒ರ್ಗೋ ಲೋ॒ಕೋ ದ್ವಾತ್ರಿಗ್ಂ॑ಶದೇ॒ತಾ ದ್ವಾತ್ರಿಗ್ಂ॑ಶದಕ್ಷರಾ-ಽನು॒ಷ್ಟುಗ್-ವಾಗ॑ನು॒ಷ್ಟು-ಫ್ಸರ್ವಾ॑ಮೇ॒ವ ವಾಚ॑ಮಾಪ್ನುವನ್ತಿ॒ ಸರ್ವೇ॑ ವಾ॒ಚೋ ವ॑ದಿ॒ತಾರೋ॑ ಭವನ್ತಿ॒ ಸರ್ವೇ॒ ಹಿ ಶ್ರಿಯ॒-ಙ್ಗಚ್ಛ॑ನ್ತಿ॒ ಜ್ಯೋತಿ॒ರ್ಗೌರಾಯು॒ರಿತಿ॑ ತ್ರ್ಯ॒ಹಾ ಭ॑ವನ್ತೀ॒ಯಂ-ವಾಁವ ಜ್ಯೋತಿ॑ರ॒ನ್ತರಿ॑ಕ್ಷ॒-ಙ್ಗೌರ॒ಸಾವಾಯು॑ರಿ॒ಮಾನೇ॒ವ ಲೋ॒ಕಾನ॒ಭ್ಯಾರೋ॑ಹನ್ತ್ಯಭಿಪೂ॒ರ್ವ-ನ್ತ್ರ್ಯ॒ಹಾ ಭ॑ವನ್ತ್ಯಭಿಪೂ॒ರ್ವಮೇ॒ವ ಸು॑ವ॒ರ್ಗಂ-ಲೋಁ॒ಕಮ॒ಭ್ಯಾರೋ॑ಹನ್ತಿ ಬೃಹ-ದ್ರಥನ್ತ॒ರಾಭ್ಯಾಂ᳚-ಯಁನ್ತೀ॒- [-ಁಯನ್ತಿ, ಇ॒ಯಂ-ವಾಁವ] 16

-ಯಂ-ವಾಁವ ರ॑ಥನ್ತ॒ರಮ॒ಸೌ ಬೃ॒ಹದಾ॒ಭ್ಯಾಮೇ॒ವ ಯ॒ನ್ತ್ಯಥೋ॑ ಅ॒ನಯೋ॑ರೇ॒ವ ಪ್ರತಿ॑ ತಿಷ್ಠನ್ತ್ಯೇ॒ತೇ ವೈ ಯ॒ಜ್ಞಸ್ಯಾ᳚ಞ್ಜ॒ಸಾಯ॑ನೀ ಸ್ರು॒ತೀ ತಾಭ್ಯಾ॑ಮೇ॒ವ ಸು॑ವ॒ರ್ಗಂ-ಲೋಁ॒ಕಂ-ಯಁ॑ನ್ತಿ॒ ಪರಾ᳚ಞ್ಚೋ॒ ವಾ ಏ॒ತೇ ಸು॑ವ॒ರ್ಗಂ-ಲೋಁ॒ಕಮ॒ಭ್ಯಾರೋ॑ಹನ್ತಿ॒ ಯೇ ಪರಾ॑ಚಸ್ತ್ರ್ಯ॒ಹಾನು॑ಪ॒ಯನ್ತಿ॑ ಪ್ರ॒ತ್ಯ-ನ್ತ್ರ್ಯ॒ಹೋ ಭ॑ವತಿ ಪ್ರ॒ತ್ಯವ॑ರೂಢ್ಯಾ॒ ಅಥೋ॒ ಪ್ರತಿ॑ಷ್ಠಿತ್ಯಾ ಉ॒ಭಯೋ᳚ರ್ಲೋ॒ಕಯೋರ್॑. ಋ॒ದ್ಧ್ವೋ-ತ್ತಿ॑ಷ್ಠನ್ತಿ॒ ದ್ವಾತ್ರಿಗ್ಂ॑ಶದೇ॒ತಾಸ್ತಾಸಾಂ॒-ಯಾಁ ಸ್ತ್ರಿ॒ಗ್ಂ॒ಶ-ತ್ತ್ರಿ॒ಗ್ಂ॒ಶದ॑ಕ್ಷರಾ ವಿ॒ರಾಡನ್ನಂ॑-ವಿಁ॒ರಾ-ಡ್ವಿ॒ರಾಜೈ॒ವಾ-ಽನ್ನಾದ್ಯ॒ಮವ॑ ರುನ್ಧತೇ॒ ಯೇ ದ್ವೇ ಅ॑ಹೋರಾ॒ತ್ರೇ ಏ॒ವ ತೇ ಉ॒ಭಾಭ್ಯಾಗ್ಂ॑ ರೂ॒ಪಾಭ್ಯಾಗ್ಂ॑ ಸುವ॒ರ್ಗಂ-ಲೋಁ॒ಕಂ-ಯಁ॑ನ್ತ್ಯತಿರಾ॒ತ್ರಾವ॒ಭಿತೋ॑ ಭವತಃ॒ ಪರಿ॑ಗೃಹೀತ್ಯೈ ॥ 17 ॥

(ಗ॒ಚ್ಛ॒ನ್ತಿ॒ - ಯ॒ನ್ತಿ॒ - ತ್ರಿ॒ಗ್ಂ॒ಶದ॑ಕ್ಷರಾ॒ - ದ್ವಾವಿಗ್ಂ॑ಶತಿಶ್ಚ) (ಅ. 4)

ದ್ವೇ ವಾವ ದೇ॑ವಸ॒ತ್ರೇ ದ್ವಾ॑ದಶಾ॒ಹಶ್ಚೈ॒ವ ತ್ರ॑ಯಸ್ತ್ರಿಗ್ಂಶದ॒ಹಶ್ಚ॒ ಯ ಏ॒ವಂ-ವಿಁ॒ದ್ವಾಗ್ಂಸ॑ಸ್ತ್ರಯಸ್ತ್ರಿಗ್ಂಶದ॒ಹಮಾಸ॑ತೇ ಸಾ॒ಕ್ಷಾದೇ॒ವ ದೇ॒ವತಾ॑ ಅ॒ಭ್ಯಾರೋ॑ಹನ್ತಿ॒ ಯಥಾ॒ ಖಲು॒ ವೈ ಶ್ರೇಯಾ॑ನ॒ಭ್ಯಾರೂ॑ಢಃ ಕಾ॒ಮಯ॑ತೇ॒ ತಥಾ॑ ಕರೋತಿ॒ ಯದ್ಯ॑ವ॒ವಿದ್ಧ್ಯ॑ತಿ॒ ಪಾಪೀ॑ಯಾ-ನ್ಭವತಿ॒ ಯದಿ॒ ನಾವ॒ವಿದ್ಧ್ಯ॑ತಿ ಸ॒ದೃಂ-ಯಁ ಏ॒ವಂ-ವಿಁ॒ದ್ವಾಗ್ಂಸ॑ಸ್ತ್ರಯಸ್ತ್ರಿಗ್ಂ- ಶದ॒ಹಮಾಸ॑ತೇ॒ ವಿ ಪಾ॒ಪ್ಮನಾ॒ ಭ್ರಾತೃ॑ವ್ಯೇ॒ಣಾ-ಽಽ ವ॑ರ್ತನ್ತೇ ಽಹ॒ರ್ಭಾಜೋ॒ ವಾ ಏ॒ತಾ ದೇ॒ವಾ ಅಗ್ರ॒ ಆ-ಽಹ॑ರ॒- [ಆ-ಽಹ॑ರನ್ನ್, ಅಹ॒ರೇಕೋ ಽಭ॑ಜ॒ತಾ-] 18

-ನ್ನಹ॒ರೇಕೋ ಽಭ॑ಜ॒ತಾ-ಹ॒ರೇಕ॒ಸ್ತಾಭಿ॒ರ್ವೈತೇ ಪ್ರ॒ಬಾಹು॑ಗಾರ್ಧ್ನುವ॒ನ್॒. ಯ ಏ॒ವಂ-ವಿಁ॒ದ್ವಾಗ್ಂಸ॑ಸ್ತ್ರಯಸ್ತ್ರಿಗ್ಂಶದ॒ಹಮಾಸ॑ತೇ॒ ಸರ್ವ॑ ಏ॒ವ ಪ್ರ॒ಬಾಹು॑ಗೃದ್ಧ್ನುವನ್ತಿ॒ ಸರ್ವೇ॒ ಗ್ರಾಮ॑ಣೀಯ॒-ಮ್ಪ್ರಾಪ್ನು॑ವನ್ತಿ ಪಞ್ಚಾ॒ಹಾ ಭ॑ವನ್ತಿ॒ ಪಞ್ಚ॒ ವಾ ಋ॒ತವಃ॑ ಸಂವಁಥ್ಸ॒ರ ಋ॒ತುಷ್ವೇ॒ವ ಸಂ॑ವಁಥ್ಸ॒ರೇ ಪ್ರತಿ॑ ತಿಷ್ಠ॒ನ್ತ್ಯಥೋ॒ ಪಞ್ಚಾ᳚ಕ್ಷರಾ ಪ॒ಙ್ಕ್ತಿಃ ಪಾಙ್ಕ್ತೋ॑ ಯ॒ಜ್ಞೋ ಯ॒ಜ್ಞಮೇ॒ವಾವ॑ ರುನ್ಧತೇ॒ ತ್ರೀಣ್ಯಾ᳚ಶ್ವಿ॒ನಾನಿ॑ ಭವನ್ತಿ॒ ತ್ರಯ॑ ಇ॒ಮೇ ಲೋ॒ಕಾ ಏ॒- [ಇ॒ಮೇ ಲೋ॒ಕಾ ಏ॒ಷು, ಏ॒ವ ಲೋ॒ಕೇಷು॒ ಪ್ರತಿ॑] 19

-ಷ್ವೇ॑ವ ಲೋ॒ಕೇಷು॒ ಪ್ರತಿ॑ ತಿಷ್ಠ॒ನ್ತ್ಯಥೋ॒ ತ್ರೀಣಿ॒ ವೈ ಯ॒ಜ್ಞಸ್ಯೇ᳚ನ್ದ್ರಿ॒ಯಾಣಿ॒ ತಾನ್ಯೇ॒ವಾವ॑ ರುನ್ಧತೇ ವಿಶ್ವ॒ಜಿ-ದ್ಭ॑ವತ್ಯ॒ನ್ನಾದ್ಯ॒ಸ್ಯಾ ವ॑ರುದ್ಧ್ಯೈ॒ ಸರ್ವ॑ಪೃಷ್ಠೋ ಭವತಿ॒ ಸರ್ವ॑ಸ್ಯಾ॒ಭಿಜಿ॑ತ್ಯೈ॒ ವಾಗ್ವೈ ದ್ವಾ॑ದಶಾ॒ಹೋ ಯ-ತ್ಪು॒ರಸ್ತಾ᳚-ದ್ದ್ವಾದಶಾ॒ಹ-ಮು॑ಪೇ॒ಯುರನಾ᳚ಪ್ತಾಂ॒-ವಾಁಚ॒-ಮುಪೇ॑ಯು-ರುಪ॒ದಾಸು॑ಕೈಷಾಂ॒-ವಾಁ-ಖ್ಸ್ಯಾ॑-ದು॒ಪರಿ॑ಷ್ಟಾ-ದ್ದ್ವಾದಶಾ॒ಹಮುಪ॑ ಯನ್ತ್ಯಾ॒ಪ್ತಾಮೇ॒ವ ವಾಚ॒ಮುಪ॑ ಯನ್ತಿ॒ ತಸ್ಮಾ॑-ದು॒ಪರಿ॑ಷ್ಟಾ-ದ್ವಾ॒ಚಾ ವ॑ದಾಮೋ ಽವಾನ್ತ॒ರಂ- [ವ॑ದಾಮೋ ಽವಾನ್ತ॒ರಮ್, ವೈ ದ॑ಶರಾ॒ತ್ರೇಣ॑] 20

-ಁವೈ ದ॑ಶರಾ॒ತ್ರೇಣ॑ ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ॒ ಯ-ದ್ದ॑ಶರಾ॒ತ್ರೋ ಭವ॑ತಿ ಪ್ರ॒ಜಾ ಏ॒ವ ತ-ದ್ಯಜ॑ಮಾನಾ-ಸ್ಸೃಜನ್ತ ಏ॒ತಾಗ್ಂ ಹ॒ ವಾ ಉ॑ದ॒ಙ್ಕ-ಶ್ಶೌ᳚ಲ್ಬಾಯ॒ನ-ಸ್ಸ॒ತ್ರಸ್ಯರ್ಧಿ॑ಮುವಾಚ॒ ಯ-ದ್ದ॑ಶರಾ॒ತ್ರೋ ಯ-ದ್ದ॑ಶರಾ॒ತ್ರೋ ಭವ॑ತಿ ಸ॒ತ್ರಸ್ಯರ್ಧ್ಯಾ॒ ಅಥೋ॒ ಯದೇ॒ವ ಪೂರ್ವೇ॒ಷ್ವಹ॑ಸ್ಸು॒ ವಿಲೋ॑ಮ ಕ್ರಿ॒ಯತೇ॒ ತಸ್ಯೈ॒ವೈಷಾ ಶಾನ್ತಿ॑ದ್ರ್ವ್ಯನೀ॒ಕಾ ವಾ ಏ॒ತಾ ರಾತ್ರ॑ಯೋ॒ ಯಜ॑ಮಾನಾ ವಿಶ್ವ॒ಜಿ-ಥ್ಸ॒ಹಾತಿ॑ರಾ॒ತ್ರೇಣ॒ ಪೂರ್ವಾ॒-ಷ್ಷೋಡ॑ಶ ಸ॒ಹಾ ತಿ॑ರಾ॒ತ್ರೇಣೋತ್ತ॑ರಾ॒-ಷ್ಷೋಡ॑ಶ॒ ಯ ಏ॒ವಂ-ವಿಁ॒ದ್ವಾಗ್ಂಸ॑ಸ್ತ್ರಯಸ್ತ್ರಿಗ್ಂಶದ॒ಹಮಾಸ॑ತ॒ ಐಷಾ᳚-ನ್ದ್ವ್ಯನೀ॒ಕಾ ಪ್ರ॒ಜಾ ಜಾ॑ಯತೇ ಽತಿರಾ॒ತ್ರಾವ॒ಭಿತೋ॑ ಭವತಃ॒ ಪರಿ॑ಗೃಹೀತ್ಯೈ ॥ 21 ॥

(ಅ॒ಹ॒ರ॒- ನ್ನೇ॒ಷ್ವ॑ - ವಾನ್ತ॒ರಗ್ಂ - ಷೋಡ॑ಶ ಸ॒ಹ - ಸ॒ಪ್ತದ॑ಶ ಚ) (ಅ. 5)

ಆ॒ದಿ॒ತ್ಯಾ ಅ॑ಕಾಮಯನ್ತ ಸುವ॒ರ್ಗಂ-ಲೋಁ॒ಕಮಿ॑ಯಾ॒ಮೇತಿ॒ ತೇ ಸು॑ವ॒ರ್ಗಂ-ಲೋಁ॒ಕ-ನ್ನ ಪ್ರಾಜಾ॑ನ॒ನ್ನ ಸು॑ವ॒ರ್ಗಂ-ಲೋಁ॒ಕಮಾ॑ಯ॒-ನ್ತ ಏ॒ತಗ್ಂ ಷ॑ಟ್ತ್ರಿಗ್ಂಶದ್ರಾ॒ತ್ರ-ಮ॑ಪಶ್ಯ॒-ನ್ತಮಾ-ಽಹ॑ರ॒-ನ್ತೇನಾ॑ಯಜನ್ತ॒ ತತೋ॒ ವೈ ತೇ ಸು॑ವ॒ರ್ಗಂ-ಲೋಁ॒ಕ-ಮ್ಪ್ರಾಜಾ॑ನನ್-ಥ್ಸುವ॒ರ್ಗಂ-ಲೋಁ॒ಕಮಾ॑ಯ॒ನ್॒. ಯ ಏ॒ವಂ-ವಿಁ॒ದ್ವಾಗ್ಂಸಃ॑ ಷಟ್ತ್ರಿಗ್ಂಶ-ದ್ರಾ॒ತ್ರಮಾಸ॑ತೇ ಸುವ॒ರ್ಗಮೇ॒ವ ಲೋಕ-ಮ್ಪ್ರ ಜಾ॑ನನ್ತಿ ಸುವ॒ರ್ಗಂ-ಲೋಁ॒ಕಂ-ಯಁ॑ನ್ತಿ॒ ಜ್ಯೋತಿ॑-ರತಿರಾ॒ತ್ರೋ [ಜ್ಯೋತಿ॑-ರತಿರಾ॒ತ್ರಃ, ಭ॒ವ॒ತಿ॒ ಜ್ಯೋತಿ॑ರೇ॒ವ] 22

ಭ॑ವತಿ॒ ಜ್ಯೋತಿ॑ರೇ॒ವ ಪು॒ರಸ್ತಾ᳚-ದ್ದಧತೇ ಸುವ॒ರ್ಗಸ್ಯ॑ ಲೋ॒ಕಸ್ಯಾನು॑ಖ್ಯಾತ್ಯೈ ಷಡ॒ಹಾ ಭ॑ವನ್ತಿ॒ ಷ-ಡ್ವಾ ಋ॒ತವ॑ ಋ॒ತುಷ್ವೇ॒ವ ಪ್ರತಿ॑ ತಿಷ್ಠನ್ತಿ ಚ॒ತ್ವಾರೋ॑ ಭವನ್ತಿ॒ ಚತ॑ಸ್ರೋ॒ ದಿಶೋ॑ ದಿ॒ಕ್ಷ್ವೇ॑ವ ಪ್ರತಿ॑ ತಿಷ್ಠ॒ನ್ತ್ಯಸ॑ತ್ರಂ॒-ವಾಁ ಏ॒ತ-ದ್ಯದ॑ಛನ್ದೋ॒ಮಂ-ಯಁಚ್ಛ॑ನ್ದೋ॒ಮಾ ಭವ॑ನ್ತಿ॒ ತೇನ॑ ಸ॒ತ್ರ-ನ್ದೇ॒ವತಾ॑ ಏ॒ವ ಪೃ॒ಷ್ಠೈರವ॑ ರುನ್ಧತೇ ಪ॒ಶೂಞ್ಛ॑ನ್ದೋ॒ಮೈರೋಜೋ॒ ವೈ ವೀ॒ರ್ಯ॑-ಮ್ಪೃ॒ಷ್ಠಾನಿ॑ ಪ॒ಶವಃ॑ ಛನ್ದೋ॒ಮಾ ಓಜ॑ಸ್ಯೇ॒ವ [ ] 23

ವೀ॒ರ್ಯೇ॑ ಪ॒ಶುಷು॒ ಪ್ರತಿ॑ ತಿಷ್ಠನ್ತಿ ಷಟ್-ತ್ರಿಗ್ಂಶ-ದ್ರಾ॒ತ್ರೋ ಭ॑ವತಿ॒ ಷಟ್ತ್ರಿಗ್ಂ॑ಶದಕ್ಷರಾ ಬೃಹ॒ತೀ ಬಾರ್ಹ॑ತಾಃ ಪ॒ಶವೋ॑ ಬೃಹ॒ತ್ಯೈವ ಪ॒ಶೂನವ॑ ರುನ್ಧತೇ ಬೃಹ॒ತೀ ಛನ್ದ॑ಸಾ॒ಗ್॒ ಸ್ವಾರಾ᳚ಜ್ಯಮಾಶ್ಞುತಾ-ಶ್ಞು॒ವತೇ॒ ಸ್ವಾರಾ᳚ಜ್ಯಂ॒-ಯಁ ಏ॒ವಂ-ವಿಁ॒ದ್ವಾಗ್ಂಸಃ॑ ಷಟ್ತ್ರಿಗ್ಂಶ-ದ್ರಾ॒ತ್ರಮಾಸ॑ತೇ ಸುವ॒ರ್ಗಮೇ॒ವ ಲೋ॒ಕಂ-ಯಁ॑ನ್ತ್ಯತಿರಾ॒ತ್ರಾವ॒ಭಿತೋ॑ ಭವತ-ಸ್ಸುವ॒ರ್ಗಸ್ಯ॑ ಲೋ॒ಕಸ್ಯ॒ ಪರಿ॑ಗೃಹೀತ್ಯೈ ॥ 24 ॥

(ಅ॒ತಿ॒ರಾ॒ತ್ರ - ಓಜ॑ಸ್ಯೇ॒ವ - ಷಟ್ತ್ರಿಗ್ಂ॑ಶಚ್ಚ) (ಅ. 6)

ವಸಿ॑ಷ್ಠೋ ಹ॒ತಪು॑ತ್ರೋ-ಽಕಾಮಯತ ವಿ॒ನ್ದೇಯ॑ ಪ್ರ॒ಜಾಮ॒ಭಿ ಸಾ॑ದಾ॒ಸಾ-ನ್ಭ॑ವೇಯ॒ಮಿತಿ॒ ಸ ಏ॒ತಮೇ॑ಕಸ್ಮಾ-ನ್ನಪಞ್ಚಾ॒ಶ-ಮ॑ಪಶ್ಯ॒-ತ್ತಮಾ-ಽಹ॑ರ॒-ತ್ತೇನಾ॑ಯಜತ॒ ತತೋ॒ ವೈ ಸೋ-ಽವಿ॑ನ್ದತ ಪ್ರ॒ಜಾಮ॒ಭಿ ಸೌ॑ದಾ॒ಸಾನ॑ಭವ॒ದ್ಯ ಏ॒ವಂ-ವಿಁ॒ದ್ವಾಗ್ಂಸ॑ ಏಕಸ್ಮಾ-ನ್ನಪಞ್ಚಾ॒ಶಮಾಸ॑ತೇ ವಿ॒ನ್ದನ್ತೇ᳚ ಪ್ರ॒ಜಾಮ॒ಭಿ ಭ್ರಾತೃ॑ವ್ಯಾ-ನ್ಭವನ್ತಿ॒ ತ್ರಯ॑ಸ್ತ್ರಿ॒ವೃತೋ᳚-ಽಗ್ನಿಷ್ಟೋ॒ಮಾ ಭ॑ವನ್ತಿ॒ ವಜ್ರ॑ಸ್ಯೈ॒ವ ಮುಖ॒ಗ್ಂ॒ ಸಗ್ಗ್ ಶ್ಯ॑ನ್ತಿ॒ ದಶ॑ ಪಞ್ಚದ॒ಶಾ ಭ॑ವನ್ತಿ ಪಞ್ಚದ॒ಶೋ ವಜ್ರೋ॒ [ವಜ್ರಃ॑, ವಜ್ರ॑ಮೇ॒ವ] 25

ವಜ್ರ॑ಮೇ॒ವ ಭ್ರಾತೃ॑ವ್ಯೇಭ್ಯಃ॒ ಪ್ರ ಹ॑ರನ್ತಿ ಷೋಡಶಿ॒ಮ॑-ದ್ದಶ॒ಮಮಹ॑-ರ್ಭವತಿ॒ ವಜ್ರ॑ ಏ॒ವ ವೀ॒ರ್ಯ॑-ನ್ದಧತಿ॒ ದ್ವಾದ॑ಶ ಸಪ್ತದ॒ಶಾ ಭ॑ವನ್ತ್ಯ॒ನ್ನಾದ್ಯ॒ಸ್ಯಾ ವ॑ರುದ್ಧ್ಯಾ॒ ಅಥೋ॒ ಪ್ರೈವ ತೈರ್ಜಾ॑ಯನ್ತೇ॒ ಪೃಷ್ಠ್ಯಃ॑ ಷಡ॒ಹೋ ಭ॑ವತಿ॒ ಷಡ್ವಾ ಋ॒ತವ॒-ಷ್ಷಟ್ ಪೃ॒ಷ್ಠಾನಿ॑ ಪೃ॒ಷ್ಠೈರೇ॒ವರ್ತೂನ॒ನ್ವಾರೋ॑ಹನ್ತ್ಯೃ॒ತೃಭಿಃ॑ ಸಂವಁಥ್ಸ॒ರ-ನ್ತೇ ಸಂ॑ವಁಥ್ಸ॒ರ ಏ॒ವ ಪ್ರತಿ॑ ತಿಷ್ಠನ್ತಿ॒ ದ್ವಾದ॑ಶೈಕವಿ॒ಗ್ಂ॒ಶಾ ಭ॑ವನ್ತಿ॒ ಪ್ರತಿ॑ಷ್ಠಿತ್ಯಾ॒ ಅಥೋ॒ ರುಚ॑ಮೇ॒ವಾ-ಽಽತ್ಮ- [ರುಚ॑ಮೇ॒ವಾ-ಽಽತ್ಮನ್ನ್, ದ॒ಧ॒ತೇ॒ ಬ॒ಹವಃ॑ ಷೋಡ॒ಶಿನೋ॑] 26

-ನ್ದ॑ಧತೇ ಬ॒ಹವಃ॑ ಷೋಡ॒ಶಿನೋ॑ ಭವನ್ತಿ॒ ವಿಜಿ॑ತ್ಯೈ॒ ಷಡಾ᳚ಶ್ವಿ॒ನಾನಿ॑ ಭವನ್ತಿ॒ ಷಡ್ವಾ ಋ॒ತವ॑ ಋ॒ತುಷ್ವೇ॒ವ ಪ್ರತಿ॑ ತಿಷ್ಠನ್ತ್ಯೂನಾತಿರಿ॒ಕ್ತಾ ವಾ ಏ॒ತಾ ರಾತ್ರ॑ಯ ಊ॒ನಾಸ್ತ-ದ್ಯದೇಕ॑ಸ್ಯೈ॒ ನ ಪ॑ಞ್ಚಾ॒ಶದ-ತಿ॑ರಿಕ್ತಾ॒ಸ್ತ-ದ್ಯ-ದ್ಭೂಯ॑ಸೀ-ರ॒ಷ್ಟಾಚ॑ತ್ವಾರಿಗ್ಂಶತ ಊ॒ನಾಚ್ಚ॒ ಖಲು॒ ವಾ ಅತಿ॑ರಿಕ್ತಾಚ್ಚ ಪ್ರ॒ಜಾಪ॑ತಿಃ॒ ಪ್ರಾಜಾ॑ಯತ॒ ಯೇ ಪ್ರ॒ಜಾಕಾ॑ಮಾಃ ಪ॒ಶುಕಾ॑ಮಾ॒-ಸ್ಸ್ಯುಸ್ತ ಏ॒ತಾ ಆ॑ಸೀರ॒-ನ್ಪ್ರೈವ ಜಾ॑ಯನ್ತೇ ಪ್ರ॒ಜಯಾ॑ ಪ॒ಶುಭಿ॑ರ್ವೈರಾ॒ಜೋ ವಾ ಏ॒ಷ ಯ॒ಜ್ಞೋ ಯದೇ॑ಕಸ್ಮಾ-ನ್ನಪಞ್ಚಾ॒ಶೋ ಯ ಏ॒ವಂ-ವಿಁ॒ದ್ವಾಗ್ಂಸ॑ ಏಕಸ್ಮಾ-ನ್ನಪಞ್ಚಾ॒ಶಮಾಸ॑ತೇ ವಿ॒ರಾಜ॑ಮೇ॒ವ ಗ॑ಚ್ಛನ್ತ್ಯನ್ನಾ॒ದಾ ಭ॑ವನ್ತ್ಯತಿ-ರಾ॒ತ್ರಾವ॒ಭಿತೋ॑ ಭವತೋ॒-ಽನ್ನಾದ್ಯ॑ಸ್ಯ॒ ಪರಿ॑ಗೃಹೀತ್ಯೈ ॥ 27 ॥

(ವಜ್ರ॑ - ಆ॒ತ್ಮನ್ - ಪ್ರ॒ಜಯಾ॒ - ದ್ವಾವಿಗ್ಂ॑ಶತಿಶ್ಚ) (ಅ. 7)

ಸಂ॒ವಁ॒ಥ್ಸ॒ರಾಯ॑ ದೀಕ್ಷಿ॒ಷ್ಯಮಾ॑ಣಾ ಏಕಾಷ್ಟ॒ಕಾಯಾ᳚-ನ್ದೀಕ್ಷೇರನ್ನೇ॒ಷಾ ವೈ ಸಂ॑ವಁಥ್ಸ॒ರಸ್ಯ॒ ಪತ್ನೀ॒ ಯದೇ॑ಕಾಷ್ಟ॒ಕೈತಸ್ಯಾಂ॒-ವಾಁ ಏ॒ಷ ಏ॒ತಾಗ್ಂ ರಾತ್ರಿಂ॑-ವಁಸತಿ ಸಾ॒ಕ್ಷಾದೇ॒ವ ಸಂ॑ವಁಥ್ಸ॒ರಮಾ॒ರಭ್ಯ॑ ದೀಕ್ಷನ್ತ॒ ಆರ್ತಂ॒-ವಾಁ ಏ॒ತೇ ಸಂ॑ವಁಥ್ಸ॒ರಸ್ಯಾ॒ಭಿ ದೀ᳚ಕ್ಷನ್ತೇ॒ ಯ ಏ॑ಕಾಷ್ಟ॒ಕಾಯಾ॒-ನ್ದೀಕ್ಷ॒ನ್ತೇ ಽನ್ತ॑ನಾಮಾನಾವೃ॒ತೂ ಭ॑ವತೋ॒ ವ್ಯ॑ಸ್ತಂ॒-ವಾಁ ಏ॒ತೇ ಸಂ॑ವಁಥ್ಸ॒ರಸ್ಯಾ॒-ಽಭಿ ದೀ᳚ಕ್ಷನ್ತೇ॒ ಯ ಏ॑ಕಾಷ್ಟ॒ಕಾಯಾ॒-ನ್ದೀಕ್ಷ॒ನ್ತೇ-ಽನ್ತ॑ನಾಮಾನಾವೃ॒ತೂ ಭ॑ವತಃ ಫಲ್ಗುನೀ ಪೂರ್ಣಮಾ॒ಸೇ ದೀ᳚ಕ್ಷೇರ॒-ನ್ಮುಖಂ॒-ವಾಁ ಏ॒ತ- [ಏ॒ತತ್, ಸಂ॒ವಁ॒ಥ್ಸ॒ರಸ್ಯ॒ ಯ-ತ್ಫ॑ಲ್ಗುನೀ-] 28

-ಥ್ಸಂ॑ವಁಥ್ಸ॒ರಸ್ಯ॒ ಯ-ತ್ಫ॑ಲ್ಗುನೀ-ಪೂರ್ಣಮಾ॒ಸೋ ಮು॑ಖ॒ತ ಏ॒ವ ಸಂ॑ವಁಥ್ಸ॒ರಮಾ॒ರಭ್ಯ॑ ದೀಕ್ಷನ್ತೇ॒ ತಸ್ಯೈಕೈ॒ವ ನಿ॒ರ್ಯಾ ಯ-ಥ್ಸಾಮ್ಮೇ᳚ಘ್ಯೇ ವಿಷೂ॒ವಾನ್-ಥ್ಸ॒ಪನ್ದ್ಯ॑ತೇ ಚಿತ್ರಾಪೂರ್ಣಮಾ॒ಸೇ ದೀ᳚ಕ್ಷೇರ॒-ನ್ಮುಖಂ॒-ವಾಁ ಏ॒ತ-ಥ್ಸಂ॑ವಁಥ್ಸ॒ರಸ್ಯ॒ ಯಚ್ಚಿ॑ತ್ರಾಪೂರ್ಣಮಾ॒ಸೋ ಮು॑ಖ॒ತ ಏ॒ವ ಸಂ॑ವಁಥ್ಸ॒ರಮಾ॒ರಭ್ಯ॑ ದೀಕ್ಷನ್ತೇ॒ ತಸ್ಯ॒ ನ ಕಾ ಚ॒ನ ನಿ॒ರ್ಯಾ ಭ॑ವತಿ ಚತುರ॒ಹೇ ಪು॒ರಸ್ತಾ᳚-ತ್ಪೌರ್ಣಮಾ॒ಸ್ಯೈ ದೀ᳚ಕ್ಷೇರ॒-ನ್ತೇಷಾ॑ಮೇಕಾಷ್ಟ॒ಕಾಯಾ᳚-ಙ್ಕ್ರ॒ಯ-ಸ್ಸ-ಮ್ಪ॑ದ್ಯತೇ॒ ತೇನೈ॑ಕಾಷ್ಟ॒ಕಾ-ನ್ನ ಛ॒ಮ್ಬ-ಟ್ಕು॑ರ್ವನ್ತಿ॒ ತೇಷಾ᳚- [ತೇಷಾ᳚ಮ್, ಪೂ॒ರ್ವ॒ಪ॒ಕ್ಷೇ ಸು॒ತ್ಯಾ] 29

-ಮ್ಪೂರ್ವಪ॒ಕ್ಷೇ ಸು॒ತ್ಯಾ ಸ-ಮ್ಪ॑ದ್ಯತೇ ಪೂರ್ವಪ॒ಕ್ಷ-ಮ್ಮಾಸಾ॑ ಅ॒ಭಿ ಸ-ಮ್ಪ॑ದ್ಯನ್ತೇ॒ ತೇ ಪೂ᳚ರ್ವಪ॒ಕ್ಷ ಉ-ತ್ತಿ॑ಷ್ಠನ್ತಿ॒ ತಾನು॒ತ್ತಿಷ್ಠ॑ತ॒ ಓಷ॑ಧಯೋ॒ ವನ॒ಸ್ಪತ॒ಯೋ-ಽನೂ-ತ್ತಿ॑ಷ್ಠನ್ತಿ॒ ತಾನ್ ಕ॑ಲ್ಯಾ॒ಣೀ ಕೀ॒ರ್ತಿರನೂ-ತ್ತಿ॑ಷ್ಠ॒ತ್ಯರಾ᳚-ಥ್ಸುರಿ॒ಮೇ ಯಜ॑ಮಾನಾ॒ ಇತಿ॒ ತದನು॒ ಸರ್ವೇ॑ ರಾದ್ಧ್ನುವನ್ತಿ ॥ 30 ॥

(ಏ॒ತ - ಚ್ಛ॒ಬಣ್ಟ್ಕು॑ರ್ವನ್ತಿ॒ ತೇಷಾಂ॒ - ಚತು॑ಸ್ತ್ರಿಗ್ಂಶಚ್ಚ) (ಅ. 8)

ಸು॒ವ॒ರ್ಗಂ-ವಾಁ ಏ॒ತೇ ಲೋ॒ಕಂ-ಯಁ॑ನ್ತಿ॒ ಯೇ ಸ॒ತ್ರಮು॑ಪ॒ಯನ್ತ್ಯ॒ಭೀನ್ಧ॑ತ ಏ॒ವ ದೀ॒ಕ್ಷಾಭಿ॑ರಾ॒ತ್ಮಾನಗ್ಗ್॑ ಶ್ರಪಯನ್ತ ಉಪ॒ಸದ್ಭಿ॒-ರ್ದ್ವಾಭ್ಯಾಂ॒-ಲೋಁಮಾವ॑ ದ್ಯನ್ತಿ॒ ದ್ವಾಭ್ಯಾ॒-ನ್ತ್ವಚ॒-ನ್ದ್ವಾಭ್ಯಾ॒ಮಸೃ॒-ದ್ದ್ವಾಭ್ಯಾ᳚-ಮ್ಮಾ॒ಗ್ಂ॒ಸ-ನ್ದ್ವಾಭ್ಯಾ॒ಮಸ್ಥಿ॒ ದ್ವಾಭ್ಯಾ᳚-ಮ್ಮ॒ಜ್ಜಾನ॑ಮಾ॒ತ್ಮದ॑ಕ್ಷಿಣಂ॒-ವೈಁ ಸ॒ತ್ರಮಾ॒ತ್ಮಾನ॑ಮೇ॒ವ ದಕ್ಷಿ॑ಣಾ-ನ್ನೀ॒ತ್ವಾ ಸು॑ವ॒ರ್ಗಂ-ಲೋಁ॒ಕಂ-ಯಁ॑ನ್ತಿ॒ ಶಿಖಾ॒ಮನು॒ ಪ್ರ ವ॑ಪನ್ತ॒ ಋದ್ಧ್ಯಾ॒ ಅಥೋ॒ ರಘೀ॑ಯಾಗ್ಂಸ-ಸ್ಸುವ॒ರ್ಗಂ-ಲೋಁ॒ಕಮ॑ಯಾ॒ಮೇತಿ॑ ॥ 31 ॥

(ಸು॒ವ॒ರ್ಗಂ - ಪ॑ಞ್ಚಾ॒ಶತ್) (ಅ. 9)

ಬ್ರ॒ಹ್ಮ॒ವಾ॒ದಿನೋ॑ ವದನ್ತ್ಯತಿರಾ॒ತ್ರಃ ಪ॑ರ॒ಮೋ ಯ॑ಜ್ಞಕ್ರತೂ॒ನಾ-ಙ್ಕಸ್ಮಾ॒-ತ್ತ-ಮ್ಪ್ರ॑ಥ॒ಮಮುಪ॑ ಯ॒ನ್ತೀತ್ಯೇ॒ತದ್ವಾ ಅ॑ಗ್ನಿಷ್ಟೋ॒ಮ-ಮ್ಪ್ರ॑ಥ॒ಮಮುಪ॑ ಯ॒ನ್ತ್ಯಥೋ॒ಕ್ಥ್ಯ॑ಮಥ॑ ಷೋಡ॒ಶಿನ॒-ಮಥಾ॑ತಿರಾ॒ತ್ರ-ಮ॑ನುಪೂ॒ರ್ವಮೇ॒ವೈತ-ದ್ಯ॑ಜ್ಞಕ್ರ॒ತೂನು॒ಪೇತ್ಯ॒ ತಾನಾ॒ಲಭ್ಯ॑ ಪರಿ॒ಗೃಹ್ಯ॒ ಸೋಮ॑ಮೇ॒ವೈತ-ತ್ಪಿಬ॑ನ್ತ ಆಸತೇ॒ ಜ್ಯೋತಿ॑ಷ್ಟೋಮ-ಮ್ಪ್ರಥ॒ಮಮುಪ॑ ಯನ್ತಿ॒ ಜ್ಯೋತಿ॑ಷ್ಟೋಮೋ॒ ವೈ ಸ್ತೋಮಾ॑ನಾ॒-ಮ್ಮುಖ॑-ಮ್ಮುಖ॒ತ ಏ॒ವ ಸ್ತೋಮಾ॒-ನ್ಪ್ರ ಯು॑ಞ್ಜತೇ॒ ತೇ [ ] 32

ಸಗ್ಗ್ಸ್ತು॑ತಾ ವಿ॒ರಾಜ॑ಮ॒ಭಿ ಸ-ಮ್ಪ॑ದ್ಯನ್ತೇ॒ ದ್ವೇ ಚರ್ಚಾ॒ವತಿ॑ ರಿಚ್ಯೇತೇ॒ ಏಕ॑ಯಾ॒ ಗೌರತಿ॑ರಿಕ್ತ॒ ಏಕ॒ಯಾ-ಽಽಯು॑ರೂ॒ನ-ಸ್ಸು॑ವ॒ರ್ಗೋ ವೈ ಲೋ॒ಕೋ ಜ್ಯೋತಿ॒ರೂರ್ಗ್-ವಿ॒ರಾಟ್-ಥ್ಸು॑ವ॒ರ್ಗಮೇ॒ವ ತೇನ॑ ಲೋ॒ಕಂ-ಯಁ॑ನ್ತಿ ರಥನ್ತ॒ರ-ನ್ದಿವಾ॒ ಭವ॑ತಿ ರಥನ್ತ॒ರ-ನ್ನಕ್ತ॒ಮಿತ್ಯಾ॑ಹು-ರ್ಬ್ರಹ್ಮವಾ॒ದಿನಃ॒ ಕೇನ॒ ತದಜಾ॒ಮೀತಿ॑ ಸೌಭ॒ರ-ನ್ತೃ॑ತೀಯಸವ॒ನೇ ಬ್ರ॑ಹ್ಮಸಾ॒ಮ-ಮ್ಬೃ॒ಹ-ತ್ತನ್ಮ॑ದ್ಧ್ಯ॒ತೋ ದ॑ಧತಿ॒ ವಿಧೃ॑ತ್ಯೈ॒ ತೇನಾಜಾ॑ಮಿ ॥ 33 ॥

(ತ - ಏಕಾ॒ನ್ನಪ॑ಞ್ಚಾ॒ಶಚ್ಚ॑) (ಅ. 10)

ಜ್ಯೋತಿ॑ಷ್ಟೋಮ-ಮ್ಪ್ರಥ॒ಮಮುಪ॑ ಯನ್ತ್ಯ॒ಸ್ಮಿನ್ನೇ॒ವ ತೇನ॑ ಲೋ॒ಕೇ ಪ್ರತಿ॑ ತಿಷ್ಠನ್ತಿ॒ ಗೋಷ್ಟೋ॑ಮ-ನ್ದ್ವಿ॒ತೀಯ॒ಮುಪ॑ ಯನ್ತ್ಯ॒ನ್ತರಿ॑ಕ್ಷ ಏ॒ವ ತೇನ॒ ಪ್ರತಿ॑ ತಿಷ್ಠ॒ನ್ತ್ಯಾಯು॑ಷ್ಟೋಮ-ನ್ತೃ॒ತೀಯ॒ಮುಪ॑ ಯನ್ತ್ಯ॒ಮುಷ್ಮಿ॑ನ್ನೇ॒ವ ತೇನ॑ ಲೋ॒ಕೇ ಪ್ರತಿ॑ ತಿಷ್ಠನ್ತೀ॒ಯಂ-ವಾಁವ ಜ್ಯೋತಿ॑ರ॒ನ್ತರಿ॑ಕ್ಷ॒-ಙ್ಗೌರ॒ಸಾವಾಯು॒-ರ್ಯದೇ॒ತಾನ್-ಥ್ಸ್ತೋಮಾ॑-ನುಪ॒ಯನ್ತ್ಯೇ॒ಷ್ವೇ॑ವ ತಲ್ಲೋ॒ಕೇಷು॑ ಸ॒ತ್ರಿಣಃ॑ ಪ್ರತಿ॒ ತಿಷ್ಠ॑ನ್ತೋ ಯನ್ತಿ॒ ತೇ ಸಗ್ಗ್ಸ್ತು॑ತಾ ವಿ॒ರಾಜ॑- [ವಿ॒ರಾಜ᳚ಮ್, ಅ॒ಭಿ ಸಮ್ಪ॑ದ್ಯನ್ತೇ॒ ದ್ವೇ] 34

-ಮ॒ಭಿ ಸಮ್ಪ॑ದ್ಯನ್ತೇ॒ ದ್ವೇ ಚರ್ಚಾ॒ವತಿ॑ ರಿಚ್ಯೇತೇ॒ ಏಕ॑ಯಾ॒ ಗೌರತಿ॑ರಿಕ್ತ॒ ಏಕ॒ಯಾ-ಽಽಯು॑ರೂ॒ನ-ಸ್ಸು॑ವ॒ರ್ಗೋ ವೈ ಲೋ॒ಕೋ ಜ್ಯೋತಿ॒ರೂರ್ಗ್-ವಿ॒ರಾಡೂರ್ಜ॑-ಮೇ॒ವಾವ॑ ರುನ್ಧತೇ॒ ತೇ ನ ಕ್ಷು॒ಧಾ ಽಽರ್ತಿ॒ಮಾರ್ಚ್ಛ॒ನ್ತ್ಯಕ್ಷೋ॑ಧುಕಾ ಭವನ್ತಿ॒ ಕ್ಷು-ಥ್ಸ॑ಬಾನ್ಧಾ ಇವ॒ ಹಿ ಸ॒ತ್ರಿಣೋ᳚ ಽಗ್ನಿಷ್ಟೋ॒ಮಾವ॒ಭಿತಃ॑ ಪ್ರ॒ಧೀ ತಾವು॒ಕ್ಥ್ಯಾ॑ ಮದ್ಧ್ಯೇ॒ ನಭ್ಯ॒-ನ್ತ-ತ್ತದೇ॒ತ-ತ್ಪ॑ರಿ॒ಯ-ದ್ದೇ॑ವಚ॒ಕ್ರಂ-ಯಁದೇ॒ತೇನ॑ [-ಁಯದೇ॒ತೇನ॑, ಷ॒ಡ॒ಹೇನ॒ ಯನ್ತಿ॑] 35

ಷಡ॒ಹೇನ॒ ಯನ್ತಿ॑ ದೇವಚ॒ಕ್ರಮೇ॒ವ ಸ॒ಮಾರೋ॑ಹ॒ನ್ತ್ಯರಿ॑ಷ್ಟ್ಯೈ॒ ತೇ ಸ್ವ॒ಸ್ತಿ ಸಮ॑ಶ್ಞುವತೇ ಷಡ॒ಹೇನ॑ ಯನ್ತಿ॒ ಷಡ್ವಾ ಋ॒ತವ॑ ಋ॒ತುಷ್ವೇ॒ವ ಪ್ರತಿ॑ ತಿಷ್ಠನ್ತ್ಯುಭ॒ಯತೋ᳚ ಜ್ಯೋತಿಷಾ ಯನ್ತ್ಯುಭ॒ಯತ॑ ಏ॒ವ ಸು॑ವ॒ರ್ಗೇ ಲೋ॒ಕೇ ಪ್ರ॑ತಿ॒ತಿಷ್ಠ॑ನ್ತೋ ಯನ್ತಿ॒ ದ್ವೌ ಷ॑ಡ॒ಹೌ ಭ॑ವತ॒ಸ್ತಾನಿ॒ ದ್ವಾದ॒ಶಾಹಾ॑ನಿ॒ ಸ-ಮ್ಪ॑ದ್ಯನ್ತೇ ದ್ವಾದ॒ಶೋ ವೈ ಪುರು॑ಷೋ॒ ದ್ವೇ ಸ॒ಕ್ಥ್ಯೌ᳚ ದ್ವೌ ಬಾ॒ಹೂ ಆ॒ತ್ಮಾ ಚ॒ ಶಿರ॑ಶ್ಚ ಚ॒ತ್ವಾರ್ಯಙ್ಗಾ॑ನಿ॒ ಸ್ತನೌ᳚ ದ್ವಾದ॒ಶೌ [ ] 36

ತ-ತ್ಪುರು॑ಷ॒ಮನು॑ ಪ॒ರ್ಯಾವ॑ರ್ತನ್ತೇ॒ ತ್ರಯಃ॑ ಷಡ॒ಹಾ ಭ॑ವನ್ತಿ॒ ತಾನ್ಯ॒ಷ್ಟಾದ॒ಶಾಹಾ॑ನಿ॒ ಸ-ಮ್ಪ॑ದ್ಯನ್ತೇ॒ ನವಾ॒ನ್ಯಾನಿ॒ ನವಾ॒ನ್ಯಾನಿ॒ ನವ॒ ವೈ ಪುರು॑ಷೇ ಪ್ರಾ॒ಣಾಸ್ತ-ತ್ಪ್ರಾ॒ಣಾನನು॑ ಪ॒ರ್ಯಾವ॑ರ್ತನ್ತೇ ಚ॒ತ್ವಾರಃ॑ ಷಡ॒ಹಾ ಭ॑ವನ್ತಿ॒ ತಾನಿ॒ ಚತು॑ರ್ವಿಗ್ಂಶತಿ॒ರಹಾ॑ನಿ॒ ಸ-ಮ್ಪ॑ದ್ಯನ್ತೇ॒ ಚತು॑ರ್ವಿಗ್ಂಶತಿರರ್ಧಮಾ॒ಸಾ-ಸ್ಸಂ॑ವಁಥ್ಸ॒ರಸ್ತ-ಥ್ಸಂ॑ವಁಥ್ಸ॒ರಮನು॑ ಪ॒ರ್ಯಾವ॑ರ್ತ॒ನ್ತೇ ಽಪ್ರ॑ತಿಷ್ಠಿತ-ಸ್ಸಂವಁಥ್ಸ॒ರ ಇತಿ॒ ಖಲು॒ ವಾ ಆ॑ಹು॒ರ್ವರ್ಷೀ॑ಯಾ-ನ್ಪ್ರತಿ॒ಷ್ಠಾಯಾ॒ ಇತ್ಯೇ॒ತಾವ॒ದ್ವೈ ಸಂ॑ವಁಥ್ಸ॒ರಸ್ಯ॒ ಬ್ರಾಹ್ಮ॑ಣಂ॒-ಯಾಁವ॑ನ್ಮಾ॒ಸೋ ಮಾ॒ಸಿಮಾ᳚ಸ್ಯೇ॒ವ ಪ್ರ॑ತಿ॒ತಿಷ್ಠ॑ನ್ತೋ ಯನ್ತಿ ॥ 37 ॥

(ವಿ॒ರಾಜ॑ - ಮೇ॒ತೇನ॑ - ದ್ವಾದ॒ಶಾ - ವೇ॒ತಾವ॒ದ್ವಾ - ಅ॒ಷ್ಟೌ ಚ॑) (ಅ. 11)

ಮೇ॒ಷಸ್ತ್ವಾ॑ ಪಚ॒ತೈರ॑ವತು॒ ಲೋಹಿ॑ತಗ್ರೀವ॒-ಶ್ಛಾಗೈ᳚-ಶ್ಶಲ್ಮ॒ಲಿರ್ವೃದ್ಧ್ಯಾ॑ ಪ॒ರ್ಣೋ ಬ್ರಹ್ಮ॑ಣಾ ಪ್ಲ॒ಕ್ಷೋ ಮೇಧೇ॑ನ ನ್ಯ॒ಗ್ರೋಧ॑ಶ್ಚಮ॒ಸೈರು॑ದು॒ಬಂರ॑ ಊ॒ರ್ಜಾ ಗಾ॑ಯ॒ತ್ರೀ ಛನ್ದೋ॑ಭಿಸ್ತ್ರಿ॒ವೃ-ಥ್ಸ್ತೋಮೈ॒ರವ॑ನ್ತೀ॒-ಸ್ಸ್ಥಾವ॑ನ್ತೀಸ್ತ್ವಾ-ಽವನ್ತು ಪ್ರಿ॒ಯ-ನ್ತ್ವಾ᳚ ಪ್ರಿ॒ಯಾಣಾಂ॒-ವಁರ್ಷಿ॑ಷ್ಠ॒ಮಾಪ್ಯಾ॑ನಾ-ನ್ನಿಧೀ॒ನಾ-ನ್ತ್ವಾ॑ ನಿಧಿ॒ಪತಿಗ್ಂ॑ ಹವಾಮಹೇ ವಸೋ ಮಮ ॥ 38 ॥

(ಮೇ॒ಷಃ - ಷ-ಟ್ತ್ರಿಗ್ಂ॑ಶತ್) (ಅ. 12)

ಕೂಪ್ಯಾ᳚ಭ್ಯ॒-ಸ್ಸ್ವಾಹಾ॒ ಕೂಲ್ಯಾ᳚ಭ್ಯ॒-ಸ್ಸ್ವಾಹಾ॑ ವಿಕ॒ರ್ಯಾ᳚ಭ್ಯ॒-ಸ್ಸ್ವಾಹಾ॑ ಽವ॒ಟ್ಯಾ᳚ಭ್ಯ॒-ಸ್ಸ್ವಾಹಾ॒ ಖನ್ಯಾ᳚ಭ್ಯ॒-ಸ್ಸ್ವಾಹಾ॒ ಹ್ರದ್ಯಾ᳚ಭ್ಯ॒-ಸ್ಸ್ವಾಹಾ॒ ಸೂದ್ಯಾ᳚ಭ್ಯ॒-ಸ್ಸ್ವಾಹಾ॑ ಸರ॒ಸ್ಯಾ᳚ಭ್ಯ॒-ಸ್ಸ್ವಾಹಾ॑ ವೈಶ॒ನ್ತೀಭ್ಯ॒-ಸ್ಸ್ವಾಹಾ॑ ಪಲ್ವ॒ಲ್ಯಾ᳚ಭ್ಯ॒-ಸ್ಸ್ವಾಹಾ॒ ವರ್ಷ್ಯಾ᳚ಭ್ಯ॒-ಸ್ಸ್ವಾಹಾ॑ ಽವ॒ರ್ಷ್ಯಾಭ್ಯ॒-ಸ್ಸ್ವಾಹಾ᳚ ಹ್ರಾ॒ದುನೀ᳚ಭ್ಯ॒-ಸ್ಸ್ವಾಹಾ॒ ಪೃಷ್ವಾ᳚ಭ್ಯ॒-ಸ್ಸ್ವಾಹಾ॒ ಸ್ಯನ್ದ॑ಮಾನಾಭ್ಯ॒-ಸ್ಸ್ವಾಹಾ᳚ ಸ್ಥಾವ॒ರಾಭ್ಯ॒-ಸ್ಸ್ವಾಹಾ॑ ನಾದೇ॒ಯೀಭ್ಯ॒-ಸ್ಸ್ವಾಹಾ॑ ಸೈನ್ಧ॒ವೀಭ್ಯ॒-ಸ್ಸ್ವಾಹಾ॑ ಸಮು॒ದ್ರಿಯಾ᳚ಭ್ಯ॒-ಸ್ಸ್ವಾಹಾ॒ ಸರ್ವಾ᳚ಭ್ಯ॒-ಸ್ಸ್ವಾಹಾ᳚ ॥ 39 ॥

(ಕೂಪ್ಯಾ᳚ಭ್ಯ - ಶ್ಚತ್ವಾರಿ॒ಗ್ಂ॒ಶತ್) (ಅ. 13)

ಅ॒ದ್ಭ್ಯ-ಸ್ಸ್ವಾಹಾ॒ ವಹ॑ನ್ತೀಭ್ಯ॒-ಸ್ಸ್ವಾಹಾ॑ ಪರಿ॒ವಹ॑ನ್ತೀಭ್ಯ॒-ಸ್ಸ್ವಾಹಾ॑ ಸಮ॒ನ್ತಂ-ವಁಹ॑ನ್ತೀಭ್ಯ॒-ಸ್ಸ್ವಾಹಾ॒ ಶೀಘ್ರಂ॒-ವಁಹ॑ನ್ತೀಭ್ಯ॒-ಸ್ಸ್ವಾಹಾ॒ ಶೀಭಂ॒-ವಁಹ॑ನ್ತೀಭ್ಯ॒-ಸ್ಸ್ವಾಹೋ॒ಗ್ರಂ-ವಁಹ॑ನ್ತೀಭ್ಯ॒-ಸ್ಸ್ವಾಹಾ॑ ಭೀ॒ಮಂ-ವಁಹ॑ನ್ತೀಭ್ಯ॒-ಸ್ಸ್ವಾಹಾ-ಽಮ್ಭೋ᳚ಭ್ಯ॒-ಸ್ಸ್ವಾಹಾ॒ ನಭೋ᳚ಭ್ಯ॒-ಸ್ಸ್ವಾಹಾ॒ ಮಹೋ᳚ಭ್ಯ॒-ಸ್ಸ್ವಾಹಾ॒ ಸರ್ವ॑ಸ್ಮೈ॒ ಸ್ವಾಹಾ᳚ ॥ 40 ॥

(ಅ॒ದ್ಭ್ಯ - ಏಕಾ॒ನ್ನತ್ರಿ॒ಗ್ಂ॒ಶತ್) (ಅ. 14)

ಯೋ ಅರ್ವ॑ನ್ತ॒-ಞ್ಜಿಘಾಗ್ಂ॑ಸತಿ॒ ತಮ॒ಭ್ಯ॑ಮೀತಿ॒ ವರು॑ಣಃ ॥ ಪ॒ರೋ ಮರ್ತಃ॑ ಪ॒ರ-ಶ್ಶ್ವಾ ॥ ಅ॒ಹ-ಞ್ಚ॒ ತ್ವ-ಞ್ಚ॑ ವೃತ್ರಹ॒ನ್ಥ್ಸ-ಮ್ಬ॑ಭೂವ ಸ॒ನಿಭ್ಯ॒ ಆ । ಅ॒ರಾ॒ತೀ॒ವಾ ಚಿ॑ದದ್ರಿ॒ವೋ-ಽನು॑ ನೌ ಶೂರ ಮಗ್ಂಸತೈ ಭ॒ದ್ರಾ ಇನ್ದ್ರ॑ಸ್ಯ ರಾ॒ತಯಃ॑ ॥ ಅ॒ಭಿ ಕ್ರತ್ವೇ᳚ನ್ದ್ರ ಭೂ॒ರಧ॒ ಜ್ಮನ್ನ ತೇ॑ ವಿವ್ಯಮ್ಮಹಿ॒ಮಾನ॒ಗ್ಂ॒ ರಜಾಗ್ಂ॑ಸಿ । ಸ್ವೇನಾ॒ ಹಿ ವೃ॒ತ್ರಗ್ಂ ಶವ॑ಸಾ ಜ॒ಘನ್ಥ॒ ನ ಶತ್ರು॒ರನ್ತಂ॑-ವಿಁವಿದ-ದ್ಯು॒ಧಾ ತೇ᳚ ॥ 41 ॥

(ವಿ॒ವಿ॒ದ॒-ದ್- ದ್ವೇ ಚ॑) (ಅ. 15)

ನಮೋ॒ ರಾಜ್ಞೇ॒ ನಮೋ॒ ವರು॑ಣಾಯ॒ ನಮೋ-ಽಶ್ವಾ॑ಯ॒ ನಮಃ॑ ಪ್ರ॒ಜಾಪ॑ತಯೇ॒ ನಮೋ-ಽಧಿ॑ಪತ॒ಯೇ ಽಧಿ॑ಪತಿರ॒ಸ್ಯಧಿ॑ಪತಿ-ಮ್ಮಾ ಕು॒ರ್ವಧಿ॑ಪತಿರ॒ಹ-ಮ್ಪ್ರ॒ಜಾನಾ᳚-ಮ್ಭೂಯಾಸ॒-ಮ್ಮಾ-ನ್ಧೇ॑ಹಿ॒ ಮಯಿ॑ ಧೇಹ್ಯು॒ಪಾಕೃ॑ತಾಯ॒ ಸ್ವಾಹಾ ಽಽಲ॑ಬ್ಧಾಯ॒ ಸ್ವಾಹಾ॑ ಹು॒ತಾಯ॒ ಸ್ವಾಹಾ᳚ ॥ 42 ॥

(ನಮ॒ - ಏಕಾ॒ನ್ನ ತ್ರಿ॒ಗ್ಂ॒ಶತ್) (ಅ. 16)

ಮ॒ಯೋ॒ಭೂರ್ವಾತೋ॑ ಅ॒ಭಿ ವಾ॑ತೂ॒ಸ್ರಾ ಊರ್ಜ॑ಸ್ವತೀ॒ರೋಷ॑ಧೀ॒ರಾ ರಿ॑ಶನ್ತಾಮ್ । ಪೀವ॑ಸ್ವತೀರ್ಜೀ॒ವಧ॑ನ್ಯಾಃ ಪಿಬನ್ತ್ವವ॒ಸಾಯ॑ ಪ॒ದ್ವತೇ॑ ರುದ್ರ ಮೃಡ ॥ ಯಾ-ಸ್ಸರೂ॑ಪಾ॒ ವಿರೂ॑ಪಾ॒ ಏಕ॑ರೂಪಾ॒ ಯಾಸಾ॑ಮ॒ಗ್ನಿರಿಷ್ಟ್ಯಾ॒ ನಾಮಾ॑ನಿ॒ ವೇದ॑ । ಯಾ ಅಙ್ಗಿ॑ರಸ॒ಸ್ತಪ॑ಸೇ॒ಹ ಚ॒ಕ್ರುಸ್ತಾಭ್ಯಃ॑ ಪರ್ಜನ್ಯ॒ ಮಹಿ॒ ಶರ್ಮ॑ ಯಚ್ಛ ॥ ಯಾ ದೇ॒ವೇಷು॑ ತ॒ನುವ॒ಮೈರ॑ಯನ್ತ॒ ಯಾಸಾ॒ಗ್ಂ॒ ಸೋಮೋ॒ ವಿಶ್ವಾ॑ ರೂ॒ಪಾಣಿ॒ ವೇದ॑ । ತಾ ಅ॒ಸ್ಮಭ್ಯ॒-ಮ್ಪಯ॑ಸಾ॒ ಪಿನ್ವ॑ಮಾನಾಃ ಪ್ರ॒ಜಾವ॑ತೀರಿನ್ದ್ರ [ ] 43

ಗೋ॒ಷ್ಠೇ ರಿ॑ರೀಹಿ ॥ ಪ್ರ॒ಜಾಪ॑ತಿ॒ರ್ಮಹ್ಯ॑ಮೇ॒ತಾ ರರಾ॑ಣೋ॒ ವಿಶ್ವೈ᳚ರ್ದೇ॒ವೈಃ ಪಿ॒ತೃಭಿಃ॑ ಸಂವಿಁದಾ॒ನಃ । ಶಿ॒ವಾ-ಸ್ಸ॒ತೀರುಪ॑ ನೋ ಗೋ॒ಷ್ಠಮಾ-ಽಕ॒ಸ್ತಾಸಾಂ᳚-ವಁ॒ಯ-ಮ್ಪ್ರ॒ಜಯಾ॒ ಸಗ್ಂ ಸ॑ದೇಮ ॥ ಇ॒ಹ ಧೃತಿ॒-ಸ್ಸ್ವಾಹೇ॒ಹ ವಿಧೃ॑ತಿ॒-ಸ್ಸ್ವಾಹೇ॒ಹ ರನ್ತಿ॒-ಸ್ಸ್ವಾಹೇ॒ಹ ರಮ॑ತಿ॒-ಸ್ಸ್ವಾಹಾ॑ ಮ॒ಹೀಮೂ॒ ಷು1 ಸು॒ತ್ರಾಮಾ॑ಣಂ2 ॥ 44 ॥

(ಇ॒ನ್ದ್ರಾ॒ - ಷ್ಟಾತ್ರಿಗ್ಂ॑ಶಚ್ಚ) (ಅ. 17)

ಕಿಗ್ಗ್ ಸ್ವಿ॑ದಾಸೀ-ತ್ಪೂ॒ರ್ವಚಿ॑ತ್ತಿಃ॒ ಕಿಗ್ಗ್ ಸ್ವಿ॑ದಾಸೀ-ದ್ಬೃ॒ಹದ್ವಯಃ॑ । ಕಿಗ್ಗ್ ಸ್ವಿ॑ದಾಸೀ-ತ್ಪಿಶಙ್ಗಿ॒ಲಾ ಕಿಗ್ಗ್ ಸ್ವಿ॑ದಾಸೀ-ತ್ಪಿಲಿಪ್ಪಿ॒ಲಾ ॥ ದ್ಯೌರಾ॑ಸೀ-ತ್ಪೂ॒ರ್ವಚಿ॑ತ್ತಿ॒ರಶ್ವ॑ ಆಸೀ-ದ್ಬೃ॒ಹದ್ವಯಃ॑ । ರಾತ್ರಿ॑ರಾಸೀ-ತ್ಪಿಶಙ್ಗಿ॒ಲಾ ಽವಿ॑ರಾಸೀ-ತ್ಪಿಲಿಪ್ಪಿ॒ಲಾ ॥ ಕ-ಸ್ಸ್ವಿ॑ದೇಕಾ॒ಕೀ ಚ॑ರತಿ॒ ಕ ಉ॑ ಸ್ವಿಜ್ಜಾಯತೇ॒ ಪುನಃ॑ । ಕಿಗ್ಗ್ ಸ್ವಿ॑ದ್ಧಿ॒ಮಸ್ಯ॑ ಭೇಷ॒ಜ-ಙ್ಕಿಗ್ಗ್ ಸ್ವಿ॑ದಾ॒ವಪ॑ನ-ಮ್ಮ॒ಹತ್ ॥ ಸೂರ್ಯ॑ ಏಕಾ॒ಕೀ ಚ॑ರತಿ [ ] 45

ಚ॒ನ್ದ್ರಮಾ॑ ಜಾಯತೇ॒ ಪುನಃ॑ । ಅ॒ಗ್ನಿರ್-ಹಿ॒ಮಸ್ಯ॑ ಭೇಷ॒ಜ-ಮ್ಭೂಮಿ॑ರಾ॒ವಪ॑ನ-ಮ್ಮ॒ಹತ್ ॥ ಪೃ॒ಚ್ಛಾಮಿ॑ ತ್ವಾ॒ ಪರ॒ಮನ್ತ॑-ಮ್ಪೃಥಿ॒ವ್ಯಾಃ ಪೃ॒ಚ್ಛಾಮಿ॑ ತ್ವಾ॒ ಭುವ॑ನಸ್ಯ॒ ನಾಭಿ᳚ಮ್ । ಪೃ॒ಚ್ಛಾಮಿ॑ ತ್ವಾ॒ ವೃಷ್ಣೋ॒ ಅಶ್ವ॑ಸ್ಯ॒ ರೇತಃ॑ ಪೃ॒ಚ್ಛಾಮಿ॑ ವಾ॒ಚಃ ಪ॑ರ॒ಮಂ-ವ್ಯೋಁ॑ಮ ॥ ವೇದಿ॑ಮಾಹುಃ॒ ಪರ॒ಮನ್ತ॑-ಮ್ಪೃಥಿ॒ವ್ಯಾ ಯ॒ಜ್ಞಮಾ॑ಹು॒ ರ್ಭುವ॑ನಸ್ಯ॒ ನಾಭಿ᳚ಮ್ । ಸೋಮ॑ಮಾಹು॒ರ್ವೃಷ್ಣೋ॒ ಅಶ್ವ॑ಸ್ಯ॒ ರೇತೋ॒ ಬ್ರಹ್ಮೈ॒ವ ವಾ॒ಚಃ ಪ॑ರ॒ಮಂ-ವ್ಯೋಁ॑ಮ ॥ 46 ॥

(ಸೂರ್ಯ॑ ಏಕಾ॒ಕೀ ಚ॑ರತಿ॒ - ಷಟ್ಚ॑ತ್ವಾರಿಗ್ಂಶಚ್ಚ) (ಅ. 18)

ಅಬೇಂ॒ ಅಬಾಂ॒ಲ್ಯಮ್ಬಿ॑ಕೇ॒ ನ ಮಾ॑ ನಯತಿ॒ ಕಶ್ಚ॒ನ । ಸ॒ಸಸ್ತ್ಯ॑ಶ್ವ॒ಕಃ ॥ ಸುಭ॑ಗೇ॒ ಕಾಮ್ಪೀ॑ಲವಾಸಿನಿ ಸುವ॒ರ್ಗೇ ಲೋ॒ಕೇ ಸ-ಮ್ಪ್ರೋರ್ಣ್ವಾ॑ಥಾಮ್ । ಆ-ಽಹಮ॑ಜಾನಿ ಗರ್ಭ॒ಧಮಾ ತ್ವಮ॑ಜಾಸಿ ಗರ್ಭ॒ಧಮ್ ॥ ತೌ ಸ॒ಹ ಚ॒ತುರಃ॑ ಪ॒ದ-ಸ್ಸ-ಮ್ಪ್ರ ಸಾ॑ರಯಾವಹೈ ॥ ವೃಷಾ॑ ವಾಗ್ಂ ರೇತೋ॒ಧಾ ರೇತೋ॑ ದಧಾ॒ತೂ-ಥ್ಸ॒ಕ್ಥ್ಯೋ᳚ರ್ಗೃ॒ದ-ನ್ಧೇ᳚ಹ್ಯ॒ಞ್ಜಿಮುದ॑ಞ್ಜಿ॒ಮನ್ವ॑ಜ । ಯ-ಸ್ಸ್ತ್ರೀ॒ಣಾ-ಞ್ಜೀ॑ವ॒ಭೋಜ॑ನೋ॒ ಯ ಆ॑ಸಾ- [ಯ ಆ॑ಸಾಮ್, ಬಿ॒ಲ॒ಧಾವ॑ನಃ ।] 47

-ಮ್ಬಿಲ॒ಧಾವ॑ನಃ । ಪ್ರಿ॒ಯ-ಸ್ಸ್ತ್ರೀ॒ಣಾಮ॑ಪೀ॒ಚ್ಯಃ॑ ॥ ಯ ಆ॑ಸಾ-ಙ್ಕೃ॒ಷ್ಣೇ ಲಕ್ಷ್ಮ॑ಣಿ॒ ಸರ್ದಿ॑ಗೃದಿ-ಮ್ಪ॒ರಾವ॑ಧೀತ್ ॥ ಅಬೇಂ॒ ಅಬಾಂ॒ಲ್ಯಮ್ಬಿ॑ಕೇ॒ ನ ಮಾ॑ ಯಭತಿ॒ ಕಶ್ಚ॒ನ । ಸ॒ಸಸ್ತ್ಯ॑ಶ್ವ॒ಕಃ ॥ ಊ॒ರ್ಧ್ವಾ-ಮೇ॑ನಾ॒ಮುಚ್ಛ್ರ॑ಯತಾ-ದ್ವೇಣುಭಾ॒ರ-ಙ್ಗಿ॒ರಾವಿ॑ವ । ಅಥಾ᳚ಸ್ಯಾ॒ ಮದ್ಧ್ಯ॑ಮೇಧತಾಗ್ಂ ಶೀ॒ತೇ ವಾತೇ॑ ಪು॒ನನ್ನಿ॑ವ ॥ ಅಬೇಂ॒ ಅಬಾಂ॒ಲ್ಯಮ್ಬಿ॑ಕೇ॒ ನ ಮಾ॑ ಯಭತಿ॒ ಕಶ್ಚ॒ನ । ಸ॒ಸಸ್ತ್ಯ॑ಶ್ವ॒ಕಃ ॥ ಯದ್ಧ॑ರಿ॒ಣೀ ಯವ॒ಮತ್ತಿ॒ ನ [ ] 48

ಪು॒ಷ್ಟ-ಮ್ಪ॒ಶು ಮ॑ನ್ಯತೇ । ಶೂ॒ದ್ರಾ ಯದರ್ಯ॑ಜಾರಾ॒ ನ ಪೋಷಾ॑ಯ ಧನಾಯತಿ ॥ ಅಬೇಂ॒ ಅಬಾಂ॒ಲ್ಯಮ್ಬಿ॑ಕೇ॒ ನ ಮಾ॑ ಯಭತಿ॒ ಕಶ್ಚ॒ನ । ಸ॒ಸಸ್ತ್ಯ॑ಶ್ವ॒ಕಃ ॥ ಇ॒ಯಂ-ಯಁ॒ಕಾ ಶ॑ಕುನ್ತಿ॒ಕಾ ಽಽಹಲ॒ಮಿತಿ॒ ಸರ್ಪ॑ತಿ । ಆಹ॑ತ-ಙ್ಗ॒ಭೇ ಪಸೋ॒ ನಿ ಜ॑ಲ್ಗುಲೀತಿ॒ ಧಾಣಿ॑ಕಾ ॥ ಅಬೇಂ॒ ಅಬಾಂ॒ಲ್ಯಮ್ಬಿ॑ಕೇ॒ ನ ಮಾ॑ ಯಭತಿ॒ ಕಶ್ಚ॒ನ । ಸ॒ಸಸ್ತ್ಯ॑ಶ್ವ॒ಕಃ ॥ ಮಾ॒ತಾ ಚ॑ ತೇ ಪಿ॒ತಾ ಚ॒ ತೇ-ಽಗ್ರಂ॑-ವೃಁ॒ಕ್ಷಸ್ಯ॑ ರೋಹತಃ । 49

ಪ್ರ ಸು॑ಲಾ॒ಮೀತಿ॑ ತೇ ಪಿ॒ತಾ ಗ॒ಭೇ ಮು॒ಷ್ಟಿಮ॑ತಗ್ಂಸಯತ್ ॥ ದ॒ಧಿ॒ಕ್ರಾವ್.ಣ್ಣೋ॑ ಅಕಾರಿಷ-ಞ್ಜಿ॒ಷ್ಣೋರಶ್ವ॑ಸ್ಯ ವಾ॒ಜಿನಃ॑ । ಸುರ॒ಭಿ ನೋ॒ ಮುಖಾ॑ ಕರ॒-ತ್ಪ್ರಣ॒ ಆಯೂಗ್ಂ॑ಷಿ ತಾರಿಷತ್ ॥ ಆಪೋ॒ ಹಿ ಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇರಣಾ॑ಯ॒ ಚಕ್ಷ॑ಸೇ ॥ ಯೋ ವಃ॑ ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ಹ ನಃ॑ । ಉ॒ಶ॒ತೀರಿ॑ವ ಮಾ॒ತರಃ॑ ॥ ತಸ್ಮಾ॒ ಅರ॑-ಙ್ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ ॥ 50 ॥

(ಆ॒ಸಾ॒ - ಮತ್ತಿ॒ ನ - ರೋ॑ಹತೋ॒ - ಜಿನ್ವ॑ಥ - ಚ॒ತ್ವಾರಿ॑ ಚ) (ಅ. 19)

ಭೂರ್ಭುವ॒-ಸ್ಸುವ॒ರ್ವಸ॑ವಸ್ತ್ವಾ ಽಞ್ಜನ್ತು ಗಾಯ॒ತ್ರೇಣ॒ ಛನ್ದ॑ಸಾ ರು॒ದ್ರಾಸ್ತ್ವಾ᳚ ಽಞ್ಜನ್ತು॒ ತ್ರೈಷ್ಟು॑ಭೇನ॒ ಛನ್ದ॑ಸಾ, ಽಽದಿ॒ತ್ಯಾಸ್ತ್ವಾ᳚-ಽಞ್ಜನ್ತು॒ ಜಾಗ॑ತೇನ॒ ಛನ್ದ॑ಸಾ॒ ಯ-ದ್ವಾತೋ॑ ಅ॒ಪೋ ಅಗ॑ಮ॒ದಿನ್ದ್ರ॑ಸ್ಯ ತ॒ನುವ॑-ಮ್ಪ್ರಿ॒ಯಾಮ್ । ಏ॒ತಗ್ಗ್ ಸ್ತೋ॑ತರೇ॒ತೇನ॑ ಪ॒ಥಾ ಪುನ॒ರಶ್ವ॒ಮಾ ವ॑ರ್ತಯಾಸಿ ನಃ ॥ ಲಾಜೀ(3)-ಞ್ಛಾಚೀ(3)ನ್ ಯಶೋ॑ ಮ॒ಮಾಁ(4) । ಯ॒ವ್ಯಾಯೈ॑ ಗ॒ವ್ಯಾಯಾ॑ ಏ॒ತ-ದ್ದೇ॑ವಾ॒ ಅನ್ನ॑ಮತ್ತೈ॒ತದನ್ನ॑ಮದ್ಧಿ ಪ್ರಜಾಪತೇ ॥ ಯು॒ಞ್ಜನ್ತಿ॑ ಬ್ರ॒ದ್ಧ್ನ-ಮ॑ರು॒ಷ-ಞ್ಚರ॑ನ್ತ॒-ಮ್ಪರಿ॑ ತ॒ಸ್ಥುಷಃ॑ । ರೋಚ॑ನ್ತೇ ರೋಚ॒ನಾ ದಿ॒ವಿ ॥ ಯು॒ಞ್ಜನ್ತ್ಯ॑ಸ್ಯ॒ ಕಾಮ್ಯಾ॒ ಹರೀ॒ ವಿಪ॑ಕ್ಷಸಾ॒ ರಥೇ᳚ । ಶೋಣಾ॑ ಧೃ॒ಷ್ಣೂ ನೃ॒ವಾಹ॑ಸಾ ॥ ಕೇ॒ತು-ಙ್ಕೃ॒ಣ್ವನ್ನ॑ಕೇ॒ತವೇ॒ ಪೇಶೋ॑ ಮರ್ಯಾ ಅಪೇ॒ಶಸೇ᳚ । ಸಮು॒ಷದ್ಭಿ॑ರಜಾಯಥಾಃ ॥ 51 ॥

(ಬ್ರ॒ದ್ಧ್ನಂ - ಪಞ್ಚ॑ವಿಗ್ಂಶತಿಶ್ಚ) (ಅ. 20)

ಪ್ರಾ॒ಣಾಯ॒ ಸ್ವಾಹಾ᳚ ವ್ಯಾ॒ನಾಯ॒ ಸ್ವಾಹಾ॑ ಽಪಾ॒ನಾಯ॒ ಸ್ವಾಹಾ॒ ಸ್ನಾವ॑ಭ್ಯ॒-ಸ್ಸ್ವಾಹಾ॑ ಸನ್ತಾ॒ನೇಭ್ಯ॒-ಸ್ಸ್ವಾಹಾ॒ ಪರಿ॑ಸನ್ತಾನೇಭ್ಯ॒-ಸ್ಸ್ವಾಹಾ॒ ಪರ್ವ॑ಭ್ಯ॒-ಸ್ಸ್ವಾಹಾ॑ ಸ॒ಧಾನ್ನೇ᳚ಭ್ಯ॒-ಸ್ಸ್ವಾಹಾ॒ ಶರೀ॑ರೇಭ್ಯ॒-ಸ್ಸ್ವಾಹಾ॑ ಯ॒ಜ್ಞಾಯ॒ ಸ್ವಾಹಾ॒ ದಕ್ಷಿ॑ಣಾಭ್ಯ॒-ಸ್ಸ್ವಾಹಾ॑ ಸುವ॒ರ್ಗಾಯ॒ ಸ್ವಾಹಾ॑ ಲೋ॒ಕಾಯ॒ ಸ್ವಾಹಾ॒ ಸರ್ವ॑ಸ್ಮೈ॒ ಸ್ವಾಹಾ᳚ ॥ 52 ॥

(ಪ್ರಾ॒ಣಾಯಾ॒ - ಷ್ಟಾವಿಗ್ಂ॑ಶತಿಃ) (ಅ. 21)

ಸಿ॒ತಾಯ॒ ಸ್ವಾಹಾ ಽಸಿ॑ತಾಯ॒ ಸ್ವಾಹಾ॒ ಽಭಿಹಿ॑ತಾಯ॒ ಸ್ವಾಹಾ ಽನ॑ಭಿಹಿತಾಯ॒ ಸ್ವಾಹಾ॑ ಯು॒ಕ್ತಾಯ॒ ಸ್ವಾಹಾ ಽಯು॑ಕ್ತಾಯ॒ ಸ್ವಾಹಾ॒ ಸುಯು॑ಕ್ತಾಯ॒ ಸ್ವಾಹೋ -ದ್ಯು॑ಕ್ತಾಯ॒ ಸ್ವಾಹಾ॒ ವಿಮು॑ಕ್ತಾಯ॒ ಸ್ವಾಹಾ॒ ಪ್ರಮು॑ಕ್ತಾಯ॒ ಸ್ವಾಹಾ॒ ವಞ್ಚ॑ತೇ॒ ಸ್ವಾಹಾ॑ ಪರಿ॒ವಞ್ಚ॑ತೇ॒ ಸ್ವಾಹಾ॑ ಸಂ॒ವಁಞ್ಚ॑ತೇ॒ ಸ್ವಾಹಾ॑ ಽನು॒ವಞ್ಚ॑ತೇ॒ ಸ್ವಾಹೋ॒--ದ್ವಞ್ಚ॑ತೇ॒ ಸ್ವಾಹಾ॑ ಯ॒ತೇ ಸ್ವಾಹಾ॒ ಧಾವ॑ತೇ॒ ಸ್ವಾಹಾ॒ ತಿಷ್ಠ॑ತೇ॒ ಸ್ವಾಹಾ॒ ಸರ್ವ॑ಸ್ಮೈ॒ ಸ್ವಾಹಾ᳚ ॥ 53 ॥

(ಸಿ॒ತಾಯಾ॒ - ಷ್ಟಾತ್ರಿಗ್ಂ॑ಶತ್) (ಅ. 22)

(ಬೃಹ॒ಸ್ಪತಿ॒-ಶ್ಶ್ರ--ದ್ಯ॒ಥಾ ವಾ - ಋ॒ಕ್ಷಾ ವೈ - ಪ್ರ॒ಜಾಪ॑ತಿ॒ರ್ಯೇನ॑ಯೇನ॒ - ದ್ವೇ ವಾವ ದೇ॑ವಸ॒ತ್ರೇ - ಆ॑ದಿ॒ತ್ಯಾ ಅ॑ಕಾಮಯನ್ತ ಸುವ॒ರ್ಗಂ - ಁವಸಿ॑ಷ್ಠಃ - ಸಂವಁಥ್ಸ॒ರಾಯ॑ -ಸುರ್ವ॒ರ್ಗಂ-ಯೇಁ ಸ॒ತ್ರಂ - ಬ್ರ॑ಹ್ಮವಾ॒ದಿನೋ॑-ಽತಿರಾ॒ತ್ರೋ - ಜ್ಯೋತಿ॑ಷ್ಟೋಮಂ - ಮೇ॒ಷಃ - ಕೂಪ್ಯಾ᳚ಭ್ಯೋ॒ - ಽದ್ಭ್ಯೋ - ಯೋ - ನಮೋ॑ - ಮಯೋ॒ಭೂಃ - ಕಿಗ್ಗ್ ಸ್ವಿ॒ದ - ಮ್ಬೇ॒ - ಭೂಃ - ಪ್ರಾ॒ಣಾಯ॑ - ಸಿ॒ತಾಯ॒ - ದ್ವಾವಿಗ್ಂ॑ಶತಿಃ)

(ಬೃಹ॒ಸ್ಪತಿಃ॒ - ಪ್ರತಿ॑ ತಿಷ್ಠನ್ತಿ॒ - ವೈ ದ॑ಶರಾ॒ತ್ರೇಣ॑ - ಸುವ॒ರ್ಗಂ - ಁಯೋ ಅರ್ವ॑ನ್ತಂ॒ - ಭೂ - ಸ್ತ್ರಿಪ॑ಞ್ಚಾ॒ಶತ್)

(ಬೃಹ॒ಸ್ಪತಿ॒, ಸ್ಸರ್ವ॑ಸ್ಮೈ॒ ಸ್ವಾಹಾ᳚)

॥ ಹರಿಃ॑ ಓಮ್ ॥

॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾಂ ಸಪ್ತಮಕಾಣ್ಡೇ ಚತುರ್ಥಃ ಪ್ರಶ್ನ-ಸ್ಸಮಾಪ್ತಃ ॥

Roman (IAST) Transliteration

kṛṣṇa yajurvedīya taittirīya saṃhitāyāṃ saptamakāṇḍe caturthaḥ praśnaḥ - satrakarmanirūpaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

bṛha॒spati̭rakāmayata॒ śranmḙ de॒vā dadhī̭ra॒-ngacchḙya-mpuro॒dhāmiti॒ sa e॒ta-ñca̭turvigṃśatirā॒tra-ma̭paśya॒-ttamā-'ha̭ra॒-ttenā̭yajata॒ tato॒ vai tasmai॒ śradde॒vā ada̭dha॒tāga̭ccha-tpuro॒dhāṃ-ya~ e॒vaṃ-vi~॒dvāgṃsa̭-ścaturvigṃśatirā॒tra-māsa̭te॒ śrade᳚bhyo manu॒ṣyā̭ dadhate॒ gaccha̭nti puro॒dhā-ñjyoti॒rgaurāyu॒riti̭ trya॒hā bha̭vantī॒yaṃ-vā~va jyoti̭ra॒ntari̭kṣa॒-ṅgaura॒sā-vāyṷ- [-vāyuḥ̭, i॒māne॒va] 1

-ri॒māne॒va lo॒kāna॒bhyāro̭hantyabhi pū॒rva-ntrya॒hā bha̭vantyabhipū॒rvame॒va sṷva॒rgaṃ-lo~॒kama॒bhyāro̭ha॒ntyasa̭traṃ॒-vā~ e॒ta-dyada̭chando॒maṃ-ya~ccha̭ndo॒mā bhava̭nti॒ tena̭ sa॒tra-nde॒vatā̭ e॒va pṛ॒ṣṭhairava̭ rundhate pa॒śūñcha̭ndo॒mairojo॒ vai vī॒rya̭-mpṛ॒ṣṭhāni̭ pa॒śavaḥ̭ chando॒mā oja̭sye॒va vī॒ryḙ pa॒śuṣu॒ prati̭ tiṣṭhanti bṛha-drathanta॒rābhyāṃ᳚-ya~ntī॒yaṃ-vā~va ra̭thanta॒rama॒sau bṛ॒hadā॒bhyāme॒va [ ] 2

ya॒ntyatho̭ a॒nayo̭re॒va prati̭ tiṣṭhantye॒te vai ya॒jñasyā᳚ñja॒sāya̭nī sru॒tī tābhyā̭me॒va sṷva॒rgaṃ-lo~॒kaṃ-ya~̭nti caturvigṃśatirā॒tro bha̭vati॒ catṷrvigṃśatirardhamā॒sā-ssaṃ̭va~thsa॒ra-ssaṃ̭va~thsa॒ra-ssṷva॒rgo lo॒ka-ssaṃ̭va~thsa॒ra e॒va sṷva॒rge lo॒ke prati̭ tiṣṭha॒ntyatho॒ catṷrvigṃśatyakṣarā gāya॒trī gā̭ya॒trī bra̭hmavarca॒sa-ṅgā̭yatri॒yaiva bra̭hmavarca॒samava̭ rundhate 'tirā॒trāva॒bhito̭ bhavato brahmavarca॒sasya॒ pari̭gṛhītyai || 3 ||

(a॒sāvāyṷ - rā॒bhyāme॒va - pañca̭catvārigṃśacca) (a. 1)

yathā॒ vai ma̭nu॒ṣyā̭ e॒va-nde॒vā agra̭ āsa॒-ntḙ-'kāmaya॒ntā-'va̭rti-mpā॒pmāna̭-mmṛ॒tyu-ma̭pa॒hatya॒ daivīgṃ̭ sa॒gṃ॒sada̭-ṅgacche॒meti॒ ta e॒ta-ñca̭turvigṃśatirā॒tra-ma̭paśya॒-ntamā-'ha̭ra॒-ntenā̭yajanta॒ tato॒ vai te-'va̭rti-mpā॒pmāna̭-mmṛ॒tyu-ma̭pa॒hatya॒ daivīgṃ̭ sa॒gṃ॒sada̭magaccha॒n॒. ya e॒vaṃ-vi~॒dvāgṃsa̭-ścaturvigṃśatirā॒tra-māsa॒te-'va̭rtime॒va pā॒pmāna̭-mapa॒hatya॒ śriya̭-ṅgacchanti॒ śrīrhi ma̭nu॒ṣya̭sya॒ [śrīrhi ma̭nu॒ṣya̭sya, daivī̭ sa॒gṃ॒sa-jjyoti̭-] 4

daivī̭ sa॒gṃ॒sa-jjyoti̭-ratirā॒tro bha̭vati suva॒rgasya̭ lo॒kasyānṷkhyātyai॒ pṛṣṭhyaḥ̭ ṣaḍa॒ho bha̭vati॒ ṣa-ḍvā ṛ॒tavaḥ̭ saṃva~thsa॒rasta-mmāsā̭ ardhamā॒sā ṛ॒tavaḥ̭ pra॒viśya॒ daivīgṃ̭ sa॒gṃ॒sada̭magaccha॒n॒. ya e॒vaṃ-vi~॒dvāgṃsa̭-ścaturvigṃśatirā॒tramāsa̭te saṃva~thsa॒rame॒va pra॒viśya॒ vasya̭sīgṃ sa॒gṃ॒sada̭-ṅgacchanti॒ traya̭strayastri॒gṃ॒śā a॒vastā᳚-dbhavanti॒ traya̭strayastri॒gṃ॒śāḥ pa॒rastā᳚-ttrayastri॒gṃ॒śaire॒vobha॒yato 'va̭rti-mpā॒pmāna̭mapa॒hatya॒ daivīgṃ̭ sa॒gṃ॒sada̭-mmaddhya॒to [sa॒gṃ॒sada̭-mmaddhya॒taḥ, ga॒ccha॒nti॒ pṛ॒ṣṭhāni॒ hi] 5

ga̭cchanti pṛ॒ṣṭhāni॒ hi daivī̭ sa॒gṃ॒sajjā॒mi vā e॒ta-tkṷrvanti॒ ya-ttraya̭strayastri॒gṃ॒śā a॒nvañco॒ maddhye-'ni̭rukto bhavati॒ tenājā᳚myū॒rdhvāni̭ pṛ॒ṣṭhāni̭ bhavantyū॒rdhvā-ścha̭ndo॒mā u॒bhābhyāgṃ̭ rū॒pābhyāgṃ̭ suva॒rgaṃ-lo~॒kaṃ-ya~॒ntyasa̭traṃ॒-vā~ e॒ta-dyada̭chando॒maṃ-ya~ccha̭ndo॒mā bhava̭nti॒ tena̭ sa॒tra-nde॒vatā̭ e॒va pṛ॒ṣṭhairava̭ rundhate pa॒śūñcha̭ndo॒mairojo॒ vai vī॒rya̭-mpṛ॒ṣṭhāni̭ pa॒śava̭- [pa॒śavaḥ̭, cha॒ndo॒mā oja̭sye॒va] 6

-śchando॒mā oja̭sye॒va vī॒ryḙ pa॒śuṣu॒ prati̭ tiṣṭhanti॒ traya̭strayastri॒gṃ॒śā a॒vastā᳚-dbhavanti॒ traya̭strayastri॒gṃ॒śāḥ pa॒rastā॒nmaddhyḙ pṛ॒ṣṭhānyuro॒ vai tra̭yastri॒gṃ॒śā ā॒tmā pṛ॒ṣṭhānyā॒tmana̭ e॒va ta-dyaja̭mānā॒-śśarma̭ nahya॒nte-'nā᳚rtyai bṛha-drathanta॒rābhyāṃ᳚-ya~ntī॒yaṃ-vā~va ra̭thanta॒rama॒sau bṛ॒hadā॒bhyāme॒va ya॒ntyatho̭ a॒nayo̭re॒va prati̭ tiṣṭhantye॒te vai ya॒jñasyā᳚ñja॒sāya̭nī sru॒tī tābhyā̭me॒va [tābhyā̭me॒va, su॒va॒rgaṃ-lo~॒kaṃ-ya~̭nti॒] 7

sṷva॒rgaṃ-lo~॒kaṃ-ya~̭nti॒ parā᳚ñco॒ vā e॒te sṷva॒rgaṃ-lo~॒kama॒bhyāro̭hanti॒ ye pa̭rā॒cīnā̭ni pṛ॒ṣṭhānyṷpa॒yanti̭ pra॒tyaṃ ṣa̭ḍa॒ho bha̭vati pra॒tyava̭rūḍhyā॒ atho॒ prati̭ṣṭhityā u॒bhayo᳚rlo॒kayora̭ ṛ॒ddhvo-tti̭ṣṭhanti tri॒vṛto-'dhi̭ tri॒vṛta॒mupa̭ yanti॒ stomā̭nā॒gṃ॒ sampa̭ttyai prabha॒vāya॒ jyoti̭ragniṣṭo॒mo bha̭vatya॒yaṃ-vā~va sa kṣayo॒-'smāde॒va tena॒ kṣayā॒nna ya̭nti caturvigṃśatirā॒tro bha̭vati॒ catṷrvigṃśatirardhamā॒sā-ssaṃ̭va~thsa॒ra-ssaṃ̭va~thsa॒ra-ssṷva॒rgo lo॒ka-ssaṃ̭va~thsa॒ra e॒va sṷva॒rge lo॒ke prati̭ tiṣṭha॒ntyatho॒ catṷrvigṃśatyakṣarā gāya॒trī gā̭ya॒trī bra̭hmavarca॒sa-ṅgā̭yatri॒yaiva bra̭hmavarca॒samava̭ rundhate 'tirā॒trāva॒bhito̭ bhavato brahmavarca॒sasya॒ pari̭gṛhītyai || 8 ||

(ma॒nu॒ṣya̭sya - madhya॒taḥ - pa॒śava॒ - stābhyā̭me॒va - saṃ̭va~thsa॒ra - ścatṷrvigṃśatiśca) (a. 2)

ṛ॒kṣā vā i॒yama̭lo॒makā̭-''sī॒-thsā-'kā̭maya॒tauṣa̭dhībhi॒-rvana॒spati̭bhiḥ॒ pra jā̭ye॒yeti॒ saitāstri॒gṃ॒śata॒gṃ॒ rātrī̭rapaśya॒-ttato॒ vā i॒yamoṣa̭dhībhi॒-rvana॒spati̭bhiḥ॒ prājā̭yata॒ ye pra॒jākā̭māḥ pa॒śukā̭mā॒-ssyusta e॒tā ā̭sīra॒-npraiva jā̭yante pra॒jayā̭ pa॒śubhi̭ri॒yaṃ-vā~ a̭kṣuddhya॒-thsaitāṃ-vi~॒rāja̭mapaśya॒-ttāmā॒tma-ndhi॒tvā-'nnādya॒mavā̭ 'ru॒ndhauṣa̭dhī॒- [-'ru॒ndhauṣa̭dhīḥ, vana॒spatī᳚-npra॒jā-] 9

-rvana॒spatī᳚-npra॒jā-mpa॒śū-ntenā̭vardhata॒ sā je॒māna̭-mmahi॒māna̭-magaccha॒dya e॒vaṃ-vi~॒dvāgṃsa̭ e॒tā āsa̭te vi॒rāja̭me॒vā-''tma-ndhi॒tvā-'nnādya॒mava̭ rundhate॒ vardha̭nte pra॒jayā̭ pa॒śubhi̭rje॒māna̭-mmahi॒māna̭-ṅgacchanti॒ jyoti̭ratirā॒tro bha̭vati suva॒rgasya̭ lo॒kasyānṷkhyātyai॒ pṛṣṭhyaḥ̭ ṣaḍa॒ho bha̭vati॒ ṣa-ḍvā ṛ॒tava॒-ṣṣaṭ pṛ॒ṣṭhāni̭ pṛ॒ṣṭhaire॒vartūna॒nvā-ro̭hantyṛ॒tubhiḥ̭ saṃva~thsa॒ra-nte saṃ̭va~thsa॒ra e॒va [ ] 10

prati̭ tiṣṭhanti trayastri॒gṃ॒śā-ttra̭yastri॒gṃ॒śamupa̭ yanti ya॒jñasya॒ santa̭tyā॒ atho᳚ pra॒jāpa̭ti॒rvai tra̭yastri॒gṃ॒śaḥ pra॒jāpa̭time॒vā-''ra̭bhante॒ prati̭ṣṭhityai triṇa॒vo bha̭vati॒ viji̭tyā ekavi॒gṃ॒śo bha̭vati॒ prati̭ṣṭhityā॒ atho॒ ruca̭me॒vā-''tma-nda̭dhate tri॒vṛda̭gni॒ṣṭu-dbha̭vati pā॒pmāna̭me॒va tena॒ nirda̭ha॒nte-'tho॒ tejo॒ vai tri॒vṛ-tteja̭ e॒vā-''tma-nda̭dhate pañcada॒śa i̭ndrasto॒mo bha̭vatīndri॒ya-me॒vā-'va̭ [bha̭vatīndri॒ya-me॒vā-'va̭, ru॒ndha॒te॒ sa॒pta॒da॒śo bha̭vatya॒nnādya॒syā] 11

rundhate saptada॒śo bha̭vatya॒nnādya॒syā va̭ruddhyā॒ atho॒ praiva tena̭ jāyanta ekavi॒gṃ॒śo bha̭vati॒ prati̭ṣṭhityā॒ atho॒ ruca̭me॒vā-''tma-nda̭dhate caturvi॒gṃ॒śo bha̭vati॒ atṷrvigṃśatirardhamā॒sā-ssaṃ̭va~thsa॒ra-ssaṃ̭va~thsa॒ra-ssṷva॒rgo lo॒ka-ssaṃ̭va~thsa॒ra e॒va sṷva॒rge lo॒ke prati̭ tiṣṭha॒ntyatho̭ e॒ṣa vai vi̭ṣū॒vān vi̭ṣū॒vanto̭ bhavanti॒ ya e॒vaṃ-vi~॒dvāgṃsa̭ e॒tā āsa̭te caturvi॒gṃ॒śā-tpṛ॒ṣṭhānyupa̭ yanti saṃva~thsa॒ra e॒va pra̭ti॒ṣṭhāya̭ [ ] 12

de॒vatā̭ a॒bhyāro̭hanti trayastri॒gṃ॒śā-ttra̭yastri॒gṃ॒śamupa̭ yanti॒ traya̭strigṃśa॒dvai de॒vatā̭ de॒vatā᳚sve॒va prati̭ tiṣṭhanti triṇa॒vo bha̭vatī॒me vai lo॒kāstri̭ṇa॒va e॒ṣvḙva lo॒keṣu॒ prati̭ tiṣṭhanti॒ dvāvḙkavi॒gṃ॒śau bha̭vataḥ॒ prati̭ṣṭhityā॒ atho॒ ruca̭me॒vā-''tma-nda̭dhate ba॒havaḥ̭ ṣoḍa॒śino̭ bhavanti॒ tasmā᳚-dba॒havaḥ̭ pra॒jāsu॒ vṛṣā̭ṇo॒ yade॒te stomā॒ vyati̭ṣaktā॒ bhava̭nti॒ tasmā̭di॒ya -moṣa̭dhībhi॒-rvana॒spati̭bhi॒-rvyati̭ṣaktā॒ [-rvyati̭ṣaktā, vyati̭ṣajyante] 13

vyati̭ṣajyante pra॒jayā̭ pa॒śubhi॒rya e॒vaṃ-vi~॒dvāgṃsa̭ e॒tā āsa॒te 'kḷ̭ptā॒ vā e॒te sṷva॒rgaṃ-lo~॒kaṃ-ya~̭ntyuccāva॒cān hi stomā̭nupa॒yanti॒ yade॒ta ū॒rdhvāḥ kḷ॒ptā-sstomā॒ bhava̭nti kḷ॒ptā e॒va sṷva॒rgaṃ-lo~॒kaṃ-ya~̭ntyu॒bhayo̭re॒bhyo lo॒kayoḥ᳚ kalpate tri॒gṃ॒śade॒tāstri॒gṃ॒śada̭kṣarā vi॒rāḍannaṃ̭-vi~॒rā-ḍvi॒rājai॒vānnādya॒mava̭ rundhate 'tirā॒trāva॒bhito̭ bhavato॒ 'nnādya̭sya॒ pari̭gṛhītyai || 14 ||

(oṣa̭dhīḥ - saṃva~thsa॒ra e॒vā - 'va̭ - prati॒ṣṭhāya॒ - vyati̭ṣa॒ktyai - kā॒nnapa̭ñcā॒śacca̭) (a. 3)

pra॒jāpa̭ti-ssuva॒rgaṃ-lo~॒kamai॒-tta-nde॒vā yena̭yena॒ chanda॒sā-'nu॒ prāyṷñjata॒ tena॒ nā-''pnṷva॒-nta e॒tā dvātrigṃ̭śata॒gṃ॒ rātrī̭rapaśya॒-ndvātrigṃ̭śadakṣarā 'nu॒ṣṭugā-nṷṣṭubhaḥ pra॒jāpa̭ti॒-ssvenai॒va chanda̭sā pra॒jāpa̭ti-mā॒ptvā 'bhyā॒ruhya̭ suva॒rgaṃ-lo~॒kamā̭ya॒n॒. ya e॒vaṃ-vi~॒dvāgṃsa̭ e॒tā āsa̭te॒ dvātrigṃ̭śade॒tā dvātrigṃ̭śadakṣarā 'nu॒ṣṭugā-nṷṣṭubhaḥ pra॒jāpa̭ti॒-ssvenai॒va chanda̭sā pra॒jāpa̭timā॒ptvā śriya̭-ṅgacchanti॒ [śriya̭-ṅgacchanti, śrīrhi] 15

śrīrhi ma̭nu॒ṣya̭sya suva॒rgo lo॒ko dvātrigṃ̭śade॒tā dvātrigṃ̭śadakṣarā-'nu॒ṣṭug-vāga̭nu॒ṣṭu-phsarvā̭me॒va vāca̭māpnuvanti॒ sarvḙ vā॒co va̭di॒tāro̭ bhavanti॒ sarve॒ hi śriya॒-ṅgaccha̭nti॒ jyoti॒rgaurāyu॒riti̭ trya॒hā bha̭vantī॒yaṃ-vā~va jyoti̭ra॒ntari̭kṣa॒-ṅgaura॒sāvāyṷri॒māne॒va lo॒kāna॒bhyāro̭hantyabhipū॒rva-ntrya॒hā bha̭vantyabhipū॒rvame॒va sṷva॒rgaṃ-lo~॒kama॒bhyāro̭hanti bṛha-drathanta॒rābhyāṃ᳚-ya~ntī॒- [-~yanti, i॒yaṃ-vā~va] 16

-yaṃ-vā~va ra̭thanta॒rama॒sau bṛ॒hadā॒bhyāme॒va ya॒ntyatho̭ a॒nayo̭re॒va prati̭ tiṣṭhantye॒te vai ya॒jñasyā᳚ñja॒sāya̭nī sru॒tī tābhyā̭me॒va sṷva॒rgaṃ-lo~॒kaṃ-ya~̭nti॒ parā᳚ñco॒ vā e॒te sṷva॒rgaṃ-lo~॒kama॒bhyāro̭hanti॒ ye parā̭castrya॒hānṷpa॒yanti̭ pra॒tya-ntrya॒ho bha̭vati pra॒tyava̭rūḍhyā॒ atho॒ prati̭ṣṭhityā u॒bhayo᳚rlo॒kayor̭. ṛ॒ddhvo-tti̭ṣṭhanti॒ dvātrigṃ̭śade॒tāstāsāṃ॒-yā~ stri॒gṃ॒śa-ttri॒gṃ॒śada̭kṣarā vi॒rāḍannaṃ̭-vi~॒rā-ḍvi॒rājai॒vā-'nnādya॒mava̭ rundhate॒ ye dve a̭horā॒tre e॒va te u॒bhābhyāgṃ̭ rū॒pābhyāgṃ̭ suva॒rgaṃ-lo~॒kaṃ-ya~̭ntyatirā॒trāva॒bhito̭ bhavataḥ॒ pari̭gṛhītyai || 17 ||

(ga॒ccha॒nti॒ - ya॒nti॒ - tri॒gṃ॒śada̭kṣarā॒ - dvāvigṃ̭śatiśca) (a. 4)

dve vāva dḙvasa॒tre dvā̭daśā॒haścai॒va tra̭yastrigṃśada॒haśca॒ ya e॒vaṃ-vi~॒dvāgṃsa̭strayastrigṃśada॒hamāsa̭te sā॒kṣāde॒va de॒vatā̭ a॒bhyāro̭hanti॒ yathā॒ khalu॒ vai śreyā̭na॒bhyārṷ̄ḍhaḥ kā॒maya̭te॒ tathā̭ karoti॒ yadya̭va॒viddhya̭ti॒ pāpī̭yā-nbhavati॒ yadi॒ nāva॒viddhya̭ti sa॒dṛṃ-ya~ e॒vaṃ-vi~॒dvāgṃsa̭strayastrigṃ- śada॒hamāsa̭te॒ vi pā॒pmanā॒ bhrātṛ̭vye॒ṇā-'' va̭rtante 'ha॒rbhājo॒ vā e॒tā de॒vā agra॒ ā-'ha̭ra॒- [ā-'ha̭rann, aha॒reko 'bha̭ja॒tā-] 18

-nnaha॒reko 'bha̭ja॒tā-ha॒reka॒stābhi॒rvaite pra॒bāhṷgārdhnuva॒n॒. ya e॒vaṃ-vi~॒dvāgṃsa̭strayastrigṃśada॒hamāsa̭te॒ sarva̭ e॒va pra॒bāhṷgṛddhnuvanti॒ sarve॒ grāma̭ṇīya॒-mprāpnṷvanti pañcā॒hā bha̭vanti॒ pañca॒ vā ṛ॒tavaḥ̭ saṃva~thsa॒ra ṛ॒tuṣve॒va saṃ̭va~thsa॒re prati̭ tiṣṭha॒ntyatho॒ pañcā᳚kṣarā pa॒ṅktiḥ pāṅkto̭ ya॒jño ya॒jñame॒vāva̭ rundhate॒ trīṇyā᳚śvi॒nāni̭ bhavanti॒ traya̭ i॒me lo॒kā e॒- [i॒me lo॒kā e॒ṣu, e॒va lo॒keṣu॒ prati̭] 19

-ṣvḙva lo॒keṣu॒ prati̭ tiṣṭha॒ntyatho॒ trīṇi॒ vai ya॒jñasye᳚ndri॒yāṇi॒ tānye॒vāva̭ rundhate viśva॒ji-dbha̭vatya॒nnādya॒syā va̭ruddhyai॒ sarva̭pṛṣṭho bhavati॒ sarva̭syā॒bhiji̭tyai॒ vāgvai dvā̭daśā॒ho ya-tpu॒rastā᳚-ddvādaśā॒ha-mṷpe॒yuranā᳚ptāṃ॒-vā~ca॒-mupḙyu-rupa॒dāsṷkaiṣāṃ॒-vā~-khsyā̭-du॒pari̭ṣṭā-ddvādaśā॒hamupa̭ yantyā॒ptāme॒va vāca॒mupa̭ yanti॒ tasmā̭-du॒pari̭ṣṭā-dvā॒cā va̭dāmo 'vānta॒raṃ- [va̭dāmo 'vānta॒ram, vai da̭śarā॒treṇa̭] 20

-~vai da̭śarā॒treṇa̭ pra॒jāpa̭tiḥ pra॒jā a̭sṛjata॒ ya-dda̭śarā॒tro bhava̭ti pra॒jā e॒va ta-dyaja̭mānā-ssṛjanta e॒tāgṃ ha॒ vā ṷda॒ṅka-śśau᳚lbāya॒na-ssa॒trasyardhi̭muvāca॒ ya-dda̭śarā॒tro ya-dda̭śarā॒tro bhava̭ti sa॒trasyardhyā॒ atho॒ yade॒va pūrve॒ṣvaha̭ssu॒ vilo̭ma kri॒yate॒ tasyai॒vaiṣā śānti̭drvyanī॒kā vā e॒tā rātra̭yo॒ yaja̭mānā viśva॒ji-thsa॒hāti̭rā॒treṇa॒ pūrvā॒-ṣṣoḍa̭śa sa॒hā ti̭rā॒treṇotta̭rā॒-ṣṣoḍa̭śa॒ ya e॒vaṃ-vi~॒dvāgṃsa̭strayastrigṃśada॒hamāsa̭ta॒ aiṣā᳚-ndvyanī॒kā pra॒jā jā̭yate 'tirā॒trāva॒bhito̭ bhavataḥ॒ pari̭gṛhītyai || 21 ||

(a॒ha॒ra॒- nne॒ṣva̭ - vānta॒ragṃ - ṣoḍa̭śa sa॒ha - sa॒ptada̭śa ca) (a. 5)

ā॒di॒tyā a̭kāmayanta suva॒rgaṃ-lo~॒kami̭yā॒meti॒ te sṷva॒rgaṃ-lo~॒ka-nna prājā̭na॒nna sṷva॒rgaṃ-lo~॒kamā̭ya॒-nta e॒tagṃ ṣa̭ṭtrigṃśadrā॒tra-ma̭paśya॒-ntamā-'ha̭ra॒-ntenā̭yajanta॒ tato॒ vai te sṷva॒rgaṃ-lo~॒ka-mprājā̭nan-thsuva॒rgaṃ-lo~॒kamā̭ya॒n॒. ya e॒vaṃ-vi~॒dvāgṃsaḥ̭ ṣaṭtrigṃśa-drā॒tramāsa̭te suva॒rgame॒va loka-mpra jā̭nanti suva॒rgaṃ-lo~॒kaṃ-ya~̭nti॒ jyoti̭-ratirā॒tro [jyoti̭-ratirā॒traḥ, bha॒va॒ti॒ jyoti̭re॒va] 22

bha̭vati॒ jyoti̭re॒va pu॒rastā᳚-ddadhate suva॒rgasya̭ lo॒kasyānṷkhyātyai ṣaḍa॒hā bha̭vanti॒ ṣa-ḍvā ṛ॒tava̭ ṛ॒tuṣve॒va prati̭ tiṣṭhanti ca॒tvāro̭ bhavanti॒ cata̭sro॒ diśo̭ di॒kṣvḙva prati̭ tiṣṭha॒ntyasa̭traṃ॒-vā~ e॒ta-dyada̭chando॒maṃ-ya~ccha̭ndo॒mā bhava̭nti॒ tena̭ sa॒tra-nde॒vatā̭ e॒va pṛ॒ṣṭhairava̭ rundhate pa॒śūñcha̭ndo॒mairojo॒ vai vī॒rya̭-mpṛ॒ṣṭhāni̭ pa॒śavaḥ̭ chando॒mā oja̭sye॒va [ ] 23

vī॒ryḙ pa॒śuṣu॒ prati̭ tiṣṭhanti ṣaṭ-trigṃśa-drā॒tro bha̭vati॒ ṣaṭtrigṃ̭śadakṣarā bṛha॒tī bārha̭tāḥ pa॒śavo̭ bṛha॒tyaiva pa॒śūnava̭ rundhate bṛha॒tī chanda̭sā॒g॒ svārā᳚jyamāśñutā-śñu॒vate॒ svārā᳚jyaṃ॒-ya~ e॒vaṃ-vi~॒dvāgṃsaḥ̭ ṣaṭtrigṃśa-drā॒tramāsa̭te suva॒rgame॒va lo॒kaṃ-ya~̭ntyatirā॒trāva॒bhito̭ bhavata-ssuva॒rgasya̭ lo॒kasya॒ pari̭gṛhītyai || 24 ||

(a॒ti॒rā॒tra - oja̭sye॒va - ṣaṭtrigṃ̭śacca) (a. 6)

vasi̭ṣṭho ha॒tapṷtro-'kāmayata vi॒ndeya̭ pra॒jāma॒bhi sā̭dā॒sā-nbha̭veya॒miti॒ sa e॒tamḙkasmā-nnapañcā॒śa-ma̭paśya॒-ttamā-'ha̭ra॒-ttenā̭yajata॒ tato॒ vai so-'vi̭ndata pra॒jāma॒bhi saṷdā॒sāna̭bhava॒dya e॒vaṃ-vi~॒dvāgṃsa̭ ekasmā-nnapañcā॒śamāsa̭te vi॒ndante᳚ pra॒jāma॒bhi bhrātṛ̭vyā-nbhavanti॒ traya̭stri॒vṛto᳚-'gniṣṭo॒mā bha̭vanti॒ vajra̭syai॒va mukha॒gṃ॒ sagg śya̭nti॒ daśa̭ pañcada॒śā bha̭vanti pañcada॒śo vajro॒ [vajraḥ̭, vajra̭me॒va] 25

vajra̭me॒va bhrātṛ̭vyebhyaḥ॒ pra ha̭ranti ṣoḍaśi॒ma̭-ddaśa॒mamaha̭-rbhavati॒ vajra̭ e॒va vī॒rya̭-ndadhati॒ dvāda̭śa saptada॒śā bha̭vantya॒nnādya॒syā va̭ruddhyā॒ atho॒ praiva tairjā̭yante॒ pṛṣṭhyaḥ̭ ṣaḍa॒ho bha̭vati॒ ṣaḍvā ṛ॒tava॒-ṣṣaṭ pṛ॒ṣṭhāni̭ pṛ॒ṣṭhaire॒vartūna॒nvāro̭hantyṛ॒tṛbhiḥ̭ saṃva~thsa॒ra-nte saṃ̭va~thsa॒ra e॒va prati̭ tiṣṭhanti॒ dvāda̭śaikavi॒gṃ॒śā bha̭vanti॒ prati̭ṣṭhityā॒ atho॒ ruca̭me॒vā-''tma- [ruca̭me॒vā-''tmann, da॒dha॒te॒ ba॒havaḥ̭ ṣoḍa॒śino̭] 26

-nda̭dhate ba॒havaḥ̭ ṣoḍa॒śino̭ bhavanti॒ viji̭tyai॒ ṣaḍā᳚śvi॒nāni̭ bhavanti॒ ṣaḍvā ṛ॒tava̭ ṛ॒tuṣve॒va prati̭ tiṣṭhantyūnātiri॒ktā vā e॒tā rātra̭ya ū॒nāsta-dyadeka̭syai॒ na pa̭ñcā॒śada-ti̭riktā॒sta-dya-dbhūya̭sī-ra॒ṣṭāca̭tvārigṃśata ū॒nācca॒ khalu॒ vā ati̭riktācca pra॒jāpa̭tiḥ॒ prājā̭yata॒ ye pra॒jākā̭māḥ pa॒śukā̭mā॒-ssyusta e॒tā ā̭sīra॒-npraiva jā̭yante pra॒jayā̭ pa॒śubhi̭rvairā॒jo vā e॒ṣa ya॒jño yadḙkasmā-nnapañcā॒śo ya e॒vaṃ-vi~॒dvāgṃsa̭ ekasmā-nnapañcā॒śamāsa̭te vi॒rāja̭me॒va ga̭cchantyannā॒dā bha̭vantyati-rā॒trāva॒bhito̭ bhavato॒-'nnādya̭sya॒ pari̭gṛhītyai || 27 ||

(vajra̭ - ā॒tman - pra॒jayā॒ - dvāvigṃ̭śatiśca) (a. 7)

saṃ॒va~॒thsa॒rāya̭ dīkṣi॒ṣyamā̭ṇā ekāṣṭa॒kāyā᳚-ndīkṣeranne॒ṣā vai saṃ̭va~thsa॒rasya॒ patnī॒ yadḙkāṣṭa॒kaitasyāṃ॒-vā~ e॒ṣa e॒tāgṃ rātriṃ̭-va~sati sā॒kṣāde॒va saṃ̭va~thsa॒ramā॒rabhya̭ dīkṣanta॒ ārtaṃ॒-vā~ e॒te saṃ̭va~thsa॒rasyā॒bhi dī᳚kṣante॒ ya ḙkāṣṭa॒kāyā॒-ndīkṣa॒nte 'nta̭nāmānāvṛ॒tū bha̭vato॒ vya̭staṃ॒-vā~ e॒te saṃ̭va~thsa॒rasyā॒-'bhi dī᳚kṣante॒ ya ḙkāṣṭa॒kāyā॒-ndīkṣa॒nte-'nta̭nāmānāvṛ॒tū bha̭vataḥ phalgunī pūrṇamā॒se dī᳚kṣera॒-nmukhaṃ॒-vā~ e॒ta- [e॒tat, saṃ॒va~॒thsa॒rasya॒ ya-tpha̭lgunī-] 28

-thsaṃ̭va~thsa॒rasya॒ ya-tpha̭lgunī-pūrṇamā॒so mṷkha॒ta e॒va saṃ̭va~thsa॒ramā॒rabhya̭ dīkṣante॒ tasyaikai॒va ni॒ryā ya-thsāmme᳚ghye viṣū॒vān-thsa॒pandya̭te citrāpūrṇamā॒se dī᳚kṣera॒-nmukhaṃ॒-vā~ e॒ta-thsaṃ̭va~thsa॒rasya॒ yacci̭trāpūrṇamā॒so mṷkha॒ta e॒va saṃ̭va~thsa॒ramā॒rabhya̭ dīkṣante॒ tasya॒ na kā ca॒na ni॒ryā bha̭vati catura॒he pu॒rastā᳚-tpaurṇamā॒syai dī᳚kṣera॒-nteṣā̭mekāṣṭa॒kāyā᳚-ṅkra॒ya-ssa-mpa̭dyate॒ tenai̭kāṣṭa॒kā-nna cha॒mba-ṭkṷrvanti॒ teṣā᳚- [teṣā᳚m, pū॒rva॒pa॒kṣe su॒tyā] 29

-mpūrvapa॒kṣe su॒tyā sa-mpa̭dyate pūrvapa॒kṣa-mmāsā̭ a॒bhi sa-mpa̭dyante॒ te pū᳚rvapa॒kṣa u-tti̭ṣṭhanti॒ tānu॒ttiṣṭha̭ta॒ oṣa̭dhayo॒ vana॒spata॒yo-'nū-tti̭ṣṭhanti॒ tān ka̭lyā॒ṇī kī॒rtiranū-tti̭ṣṭha॒tyarā᳚-thsuri॒me yaja̭mānā॒ iti॒ tadanu॒ sarvḙ rāddhnuvanti || 30 ||

(e॒ta - ccha॒baṇṭkṷrvanti॒ teṣāṃ॒ - catṷstrigṃśacca) (a. 8)

su॒va॒rgaṃ-vā~ e॒te lo॒kaṃ-ya~̭nti॒ ye sa॒tramṷpa॒yantya॒bhīndha̭ta e॒va dī॒kṣābhi̭rā॒tmānagg̭ śrapayanta upa॒sadbhi॒-rdvābhyāṃ॒-lo~māva̭ dyanti॒ dvābhyā॒-ntvaca॒-ndvābhyā॒masṛ॒-ddvābhyā᳚-mmā॒gṃ॒sa-ndvābhyā॒masthi॒ dvābhyā᳚-mma॒jjāna̭mā॒tmada̭kṣiṇaṃ॒-vai~ sa॒tramā॒tmāna̭me॒va dakṣi̭ṇā-nnī॒tvā sṷva॒rgaṃ-lo~॒kaṃ-ya~̭nti॒ śikhā॒manu॒ pra va̭panta॒ ṛddhyā॒ atho॒ raghī̭yāgṃsa-ssuva॒rgaṃ-lo~॒kama̭yā॒meti̭ || 31 ||

(su॒va॒rgaṃ - pa̭ñcā॒śat) (a. 9)

bra॒hma॒vā॒dino̭ vadantyatirā॒traḥ pa̭ra॒mo ya̭jñakratū॒nā-ṅkasmā॒-tta-mpra̭tha॒mamupa̭ ya॒ntītye॒tadvā a̭gniṣṭo॒ma-mpra̭tha॒mamupa̭ ya॒ntyatho॒kthya̭matha̭ ṣoḍa॒śina॒-mathā̭tirā॒tra-ma̭nupū॒rvame॒vaita-dya̭jñakra॒tūnu॒petya॒ tānā॒labhya̭ pari॒gṛhya॒ soma̭me॒vaita-tpiba̭nta āsate॒ jyoti̭ṣṭoma-mpratha॒mamupa̭ yanti॒ jyoti̭ṣṭomo॒ vai stomā̭nā॒-mmukha̭-mmukha॒ta e॒va stomā॒-npra yṷñjate॒ te [ ] 32

saggstṷtā vi॒rāja̭ma॒bhi sa-mpa̭dyante॒ dve carcā॒vati̭ ricyete॒ eka̭yā॒ gaurati̭rikta॒ eka॒yā-''yṷrū॒na-ssṷva॒rgo vai lo॒ko jyoti॒rūrg-vi॒rāṭ-thsṷva॒rgame॒va tena̭ lo॒kaṃ-ya~̭nti rathanta॒ra-ndivā॒ bhava̭ti rathanta॒ra-nnakta॒mityā̭hu-rbrahmavā॒dinaḥ॒ kena॒ tadajā॒mīti̭ saubha॒ra-ntṛ̭tīyasava॒ne bra̭hmasā॒ma-mbṛ॒ha-ttanma̭ddhya॒to da̭dhati॒ vidhṛ̭tyai॒ tenājā̭mi || 33 ||

(ta - ekā॒nnapa̭ñcā॒śacca̭) (a. 10)

jyoti̭ṣṭoma-mpratha॒mamupa̭ yantya॒sminne॒va tena̭ lo॒ke prati̭ tiṣṭhanti॒ goṣṭo̭ma-ndvi॒tīya॒mupa̭ yantya॒ntari̭kṣa e॒va tena॒ prati̭ tiṣṭha॒ntyāyṷṣṭoma-ntṛ॒tīya॒mupa̭ yantya॒muṣmi̭nne॒va tena̭ lo॒ke prati̭ tiṣṭhantī॒yaṃ-vā~va jyoti̭ra॒ntari̭kṣa॒-ṅgaura॒sāvāyu॒-ryade॒tān-thstomā̭-nupa॒yantye॒ṣvḙva tallo॒keṣṷ sa॒triṇaḥ̭ prati॒ tiṣṭha̭nto yanti॒ te saggstṷtā vi॒rāja̭- [vi॒rāja᳚m, a॒bhi sampa̭dyante॒ dve] 34

-ma॒bhi sampa̭dyante॒ dve carcā॒vati̭ ricyete॒ eka̭yā॒ gaurati̭rikta॒ eka॒yā-''yṷrū॒na-ssṷva॒rgo vai lo॒ko jyoti॒rūrg-vi॒rāḍūrja̭-me॒vāva̭ rundhate॒ te na kṣu॒dhā ''rti॒mārccha॒ntyakṣo̭dhukā bhavanti॒ kṣu-thsa̭bāndhā iva॒ hi sa॒triṇo᳚ 'gniṣṭo॒māva॒bhitaḥ̭ pra॒dhī tāvu॒kthyā̭ maddhye॒ nabhya॒-nta-ttade॒ta-tpa̭ri॒ya-ddḙvaca॒kraṃ-ya~de॒tena̭ [-~yade॒tena̭, ṣa॒ḍa॒hena॒ yanti̭] 35

ṣaḍa॒hena॒ yanti̭ devaca॒krame॒va sa॒māro̭ha॒ntyari̭ṣṭyai॒ te sva॒sti sama̭śñuvate ṣaḍa॒hena̭ yanti॒ ṣaḍvā ṛ॒tava̭ ṛ॒tuṣve॒va prati̭ tiṣṭhantyubha॒yato᳚ jyotiṣā yantyubha॒yata̭ e॒va sṷva॒rge lo॒ke pra̭ti॒tiṣṭha̭nto yanti॒ dvau ṣa̭ḍa॒hau bha̭vata॒stāni॒ dvāda॒śāhā̭ni॒ sa-mpa̭dyante dvāda॒śo vai purṷṣo॒ dve sa॒kthyau᳚ dvau bā॒hū ā॒tmā ca॒ śira̭śca ca॒tvāryaṅgā̭ni॒ stanau᳚ dvāda॒śau [ ] 36

ta-tpurṷṣa॒manṷ pa॒ryāva̭rtante॒ trayaḥ̭ ṣaḍa॒hā bha̭vanti॒ tānya॒ṣṭāda॒śāhā̭ni॒ sa-mpa̭dyante॒ navā॒nyāni॒ navā॒nyāni॒ nava॒ vai purṷṣe prā॒ṇāsta-tprā॒ṇānanṷ pa॒ryāva̭rtante ca॒tvāraḥ̭ ṣaḍa॒hā bha̭vanti॒ tāni॒ catṷrvigṃśati॒rahā̭ni॒ sa-mpa̭dyante॒ catṷrvigṃśatirardhamā॒sā-ssaṃ̭va~thsa॒rasta-thsaṃ̭va~thsa॒ramanṷ pa॒ryāva̭rta॒nte 'pra̭tiṣṭhita-ssaṃva~thsa॒ra iti॒ khalu॒ vā ā̭hu॒rvarṣī̭yā-nprati॒ṣṭhāyā॒ itye॒tāva॒dvai saṃ̭va~thsa॒rasya॒ brāhma̭ṇaṃ॒-yā~va̭nmā॒so mā॒simā᳚sye॒va pra̭ti॒tiṣṭha̭nto yanti || 37 ||

(vi॒rāja̭ - me॒tena̭ - dvāda॒śā - ve॒tāva॒dvā - a॒ṣṭau ca̭) (a. 11)

me॒ṣastvā̭ paca॒taira̭vatu॒ lohi̭tagrīva॒-śchāgai᳚-śśalma॒lirvṛddhyā̭ pa॒rṇo brahma̭ṇā pla॒kṣo medhḙna nya॒grodha̭ścama॒sairṷdu॒baṃra̭ ū॒rjā gā̭ya॒trī chando̭bhistri॒vṛ-thstomai॒rava̭ntī॒-ssthāva̭ntīstvā-'vantu pri॒ya-ntvā᳚ pri॒yāṇāṃ॒-va~rṣi̭ṣṭha॒māpyā̭nā-nnidhī॒nā-ntvā̭ nidhi॒patigṃ̭ havāmahe vaso mama || 38 ||

(me॒ṣaḥ - ṣa-ṭtrigṃ̭śat) (a. 12)

kūpyā᳚bhya॒-ssvāhā॒ kūlyā᳚bhya॒-ssvāhā̭ vika॒ryā᳚bhya॒-ssvāhā̭ 'va॒ṭyā᳚bhya॒-ssvāhā॒ khanyā᳚bhya॒-ssvāhā॒ hradyā᳚bhya॒-ssvāhā॒ sūdyā᳚bhya॒-ssvāhā̭ sara॒syā᳚bhya॒-ssvāhā̭ vaiśa॒ntībhya॒-ssvāhā̭ palva॒lyā᳚bhya॒-ssvāhā॒ varṣyā᳚bhya॒-ssvāhā̭ 'va॒rṣyābhya॒-ssvāhā᳚ hrā॒dunī᳚bhya॒-ssvāhā॒ pṛṣvā᳚bhya॒-ssvāhā॒ syanda̭mānābhya॒-ssvāhā᳚ sthāva॒rābhya॒-ssvāhā̭ nāde॒yībhya॒-ssvāhā̭ saindha॒vībhya॒-ssvāhā̭ samu॒driyā᳚bhya॒-ssvāhā॒ sarvā᳚bhya॒-ssvāhā᳚ || 39 ||

(kūpyā᳚bhya - ścatvāri॒gṃ॒śat) (a. 13)

a॒dbhya-ssvāhā॒ vaha̭ntībhya॒-ssvāhā̭ pari॒vaha̭ntībhya॒-ssvāhā̭ sama॒ntaṃ-va~ha̭ntībhya॒-ssvāhā॒ śīghraṃ॒-va~ha̭ntībhya॒-ssvāhā॒ śībhaṃ॒-va~ha̭ntībhya॒-ssvāho॒graṃ-va~ha̭ntībhya॒-ssvāhā̭ bhī॒maṃ-va~ha̭ntībhya॒-ssvāhā-'mbho᳚bhya॒-ssvāhā॒ nabho᳚bhya॒-ssvāhā॒ maho᳚bhya॒-ssvāhā॒ sarva̭smai॒ svāhā᳚ || 40 ||

(a॒dbhya - ekā॒nnatri॒gṃ॒śat) (a. 14)

yo arva̭nta॒-ñjighāgṃ̭sati॒ tama॒bhya̭mīti॒ varṷṇaḥ || pa॒ro martaḥ̭ pa॒ra-śśvā || a॒ha-ñca॒ tva-ñca̭ vṛtraha॒nthsa-mba̭bhūva sa॒nibhya॒ ā | a॒rā॒tī॒vā ci̭dadri॒vo-'nṷ nau śūra magṃsatai bha॒drā indra̭sya rā॒tayaḥ̭ || a॒bhi kratve᳚ndra bhū॒radha॒ jmanna tḙ vivyammahi॒māna॒gṃ॒ rajāgṃ̭si | svenā॒ hi vṛ॒tragṃ śava̭sā ja॒ghantha॒ na śatru॒rantaṃ̭-vi~vida-dyu॒dhā te᳚ || 41 ||

(vi॒vi॒da॒-d- dve ca̭) (a. 15)

namo॒ rājñe॒ namo॒ varṷṇāya॒ namo-'śvā̭ya॒ namaḥ̭ pra॒jāpa̭taye॒ namo-'dhi̭pata॒ye 'dhi̭patira॒syadhi̭pati-mmā ku॒rvadhi̭patira॒ha-mpra॒jānā᳚-mbhūyāsa॒-mmā-ndhḙhi॒ mayi̭ dhehyu॒pākṛ̭tāya॒ svāhā ''la̭bdhāya॒ svāhā̭ hu॒tāya॒ svāhā᳚ || 42 ||

(nama॒ - ekā॒nna tri॒gṃ॒śat) (a. 16)

ma॒yo॒bhūrvāto̭ a॒bhi vā̭tū॒srā ūrja̭svatī॒roṣa̭dhī॒rā ri̭śantām | pīva̭svatīrjī॒vadha̭nyāḥ pibantvava॒sāya̭ pa॒dvatḙ rudra mṛḍa || yā-ssarṷ̄pā॒ virṷ̄pā॒ eka̭rūpā॒ yāsā̭ma॒gniriṣṭyā॒ nāmā̭ni॒ veda̭ | yā aṅgi̭rasa॒stapa̭se॒ha ca॒krustābhyaḥ̭ parjanya॒ mahi॒ śarma̭ yaccha || yā de॒veṣṷ ta॒nuva॒maira̭yanta॒ yāsā॒gṃ॒ somo॒ viśvā̭ rū॒pāṇi॒ veda̭ | tā a॒smabhya॒-mpaya̭sā॒ pinva̭mānāḥ pra॒jāva̭tīrindra [ ] 43

go॒ṣṭhe ri̭rīhi || pra॒jāpa̭ti॒rmahya̭me॒tā rarā̭ṇo॒ viśvai᳚rde॒vaiḥ pi॒tṛbhiḥ̭ saṃvi~dā॒naḥ | śi॒vā-ssa॒tīrupa̭ no go॒ṣṭhamā-'ka॒stāsāṃ᳚-va~॒ya-mpra॒jayā॒ sagṃ sa̭dema || i॒ha dhṛti॒-ssvāhe॒ha vidhṛ̭ti॒-ssvāhe॒ha ranti॒-ssvāhe॒ha rama̭ti॒-ssvāhā̭ ma॒hīmū॒ ṣu1 su॒trāmā̭ṇaṃ2 || 44 ||

(i॒ndrā॒ - ṣṭātrigṃ̭śacca) (a. 17)

kigg svi̭dāsī-tpū॒rvaci̭ttiḥ॒ kigg svi̭dāsī-dbṛ॒hadvayaḥ̭ | kigg svi̭dāsī-tpiśaṅgi॒lā kigg svi̭dāsī-tpilippi॒lā || dyaurā̭sī-tpū॒rvaci̭tti॒raśva̭ āsī-dbṛ॒hadvayaḥ̭ | rātri̭rāsī-tpiśaṅgi॒lā 'vi̭rāsī-tpilippi॒lā || ka-ssvi̭dekā॒kī ca̭rati॒ ka ṷ svijjāyate॒ punaḥ̭ | kigg svi̭ddhi॒masya̭ bheṣa॒ja-ṅkigg svi̭dā॒vapa̭na-mma॒hat || sūrya̭ ekā॒kī ca̭rati [ ] 45

ca॒ndramā̭ jāyate॒ punaḥ̭ | a॒gnir-hi॒masya̭ bheṣa॒ja-mbhūmi̭rā॒vapa̭na-mma॒hat || pṛ॒cchāmi̭ tvā॒ para॒manta̭-mpṛthi॒vyāḥ pṛ॒cchāmi̭ tvā॒ bhuva̭nasya॒ nābhi᳚m | pṛ॒cchāmi̭ tvā॒ vṛṣṇo॒ aśva̭sya॒ retaḥ̭ pṛ॒cchāmi̭ vā॒caḥ pa̭ra॒maṃ-vyo~̭ma || vedi̭māhuḥ॒ para॒manta̭-mpṛthi॒vyā ya॒jñamā̭hu॒ rbhuva̭nasya॒ nābhi᳚m | soma̭māhu॒rvṛṣṇo॒ aśva̭sya॒ reto॒ brahmai॒va vā॒caḥ pa̭ra॒maṃ-vyo~̭ma || 46 ||

(sūrya̭ ekā॒kī ca̭rati॒ - ṣaṭca̭tvārigṃśacca) (a. 18)

abeṃ॒ abāṃ॒lyambi̭ke॒ na mā̭ nayati॒ kaśca॒na | sa॒sastya̭śva॒kaḥ || subha̭ge॒ kāmpī̭lavāsini suva॒rge lo॒ke sa-mprorṇvā̭thām | ā-'hama̭jāni garbha॒dhamā tvama̭jāsi garbha॒dham || tau sa॒ha ca॒turaḥ̭ pa॒da-ssa-mpra sā̭rayāvahai || vṛṣā̭ vāgṃ reto॒dhā reto̭ dadhā॒tū-thsa॒kthyo᳚rgṛ॒da-ndhe᳚hya॒ñjimuda̭ñji॒manva̭ja | ya-sstrī॒ṇā-ñjī̭va॒bhoja̭no॒ ya ā̭sā- [ya ā̭sām, bi॒la॒dhāva̭naḥ |] 47

-mbila॒dhāva̭naḥ | pri॒ya-sstrī॒ṇāma̭pī॒cyaḥ̭ || ya ā̭sā-ṅkṛ॒ṣṇe lakṣma̭ṇi॒ sardi̭gṛdi-mpa॒rāva̭dhīt || abeṃ॒ abāṃ॒lyambi̭ke॒ na mā̭ yabhati॒ kaśca॒na | sa॒sastya̭śva॒kaḥ || ū॒rdhvā-mḙnā॒mucchra̭yatā-dveṇubhā॒ra-ṅgi॒rāvi̭va | athā᳚syā॒ maddhya̭medhatāgṃ śī॒te vātḙ pu॒nanni̭va || abeṃ॒ abāṃ॒lyambi̭ke॒ na mā̭ yabhati॒ kaśca॒na | sa॒sastya̭śva॒kaḥ || yaddha̭ri॒ṇī yava॒matti॒ na [ ] 48

pu॒ṣṭa-mpa॒śu ma̭nyate | śū॒drā yadarya̭jārā॒ na poṣā̭ya dhanāyati || abeṃ॒ abāṃ॒lyambi̭ke॒ na mā̭ yabhati॒ kaśca॒na | sa॒sastya̭śva॒kaḥ || i॒yaṃ-ya~॒kā śa̭kunti॒kā ''hala॒miti॒ sarpa̭ti | āha̭ta-ṅga॒bhe paso॒ ni ja̭lgulīti॒ dhāṇi̭kā || abeṃ॒ abāṃ॒lyambi̭ke॒ na mā̭ yabhati॒ kaśca॒na | sa॒sastya̭śva॒kaḥ || mā॒tā ca̭ te pi॒tā ca॒ te-'graṃ̭-vṛ~॒kṣasya̭ rohataḥ | 49

pra sṷlā॒mīti̭ te pi॒tā ga॒bhe mu॒ṣṭima̭tagṃsayat || da॒dhi॒krāv.ṇṇo̭ akāriṣa-ñji॒ṣṇoraśva̭sya vā॒jinaḥ̭ | sura॒bhi no॒ mukhā̭ kara॒-tpraṇa॒ āyūgṃ̭ṣi tāriṣat || āpo॒ hi ṣṭhā ma̭yo॒bhuva॒stā na̭ ū॒rje da̭dhātana | ma॒heraṇā̭ya॒ cakṣa̭se || yo vaḥ̭ śi॒vata̭mo॒ rasa॒stasya̭ bhājayate॒ha naḥ̭ | u॒śa॒tīri̭va mā॒taraḥ̭ || tasmā॒ ara̭-ṅgamāma vo॒ yasya॒ kṣayā̭ya॒ jinva̭tha | āpo̭ ja॒naya̭thā ca naḥ || 50 ||

(ā॒sā॒ - matti॒ na - ro̭hato॒ - jinva̭tha - ca॒tvāri̭ ca) (a. 19)

bhūrbhuva॒-ssuva॒rvasa̭vastvā 'ñjantu gāya॒treṇa॒ chanda̭sā ru॒drāstvā᳚ 'ñjantu॒ traiṣṭṷbhena॒ chanda̭sā, ''di॒tyāstvā᳚-'ñjantu॒ jāga̭tena॒ chanda̭sā॒ ya-dvāto̭ a॒po aga̭ma॒dindra̭sya ta॒nuva̭-mpri॒yām | e॒tagg sto̭tare॒tena̭ pa॒thā puna॒raśva॒mā va̭rtayāsi naḥ || lājī(3)-ñchācī(3)n yaśo̭ ma॒mā~(4) | ya॒vyāyai̭ ga॒vyāyā̭ e॒ta-ddḙvā॒ anna̭mattai॒tadanna̭maddhi prajāpate || yu॒ñjanti̭ bra॒ddhna-ma̭ru॒ṣa-ñcara̭nta॒-mpari̭ ta॒sthuṣaḥ̭ | roca̭nte roca॒nā di॒vi || yu॒ñjantya̭sya॒ kāmyā॒ harī॒ vipa̭kṣasā॒ rathe᳚ | śoṇā̭ dhṛ॒ṣṇū nṛ॒vāha̭sā || ke॒tu-ṅkṛ॒ṇvanna̭ke॒tave॒ peśo̭ maryā ape॒śase᳚ | samu॒ṣadbhi̭rajāyathāḥ || 51 ||

(bra॒ddhnaṃ - pañca̭vigṃśatiśca) (a. 20)

prā॒ṇāya॒ svāhā᳚ vyā॒nāya॒ svāhā̭ 'pā॒nāya॒ svāhā॒ snāva̭bhya॒-ssvāhā̭ santā॒nebhya॒-ssvāhā॒ pari̭santānebhya॒-ssvāhā॒ parva̭bhya॒-ssvāhā̭ sa॒dhānne᳚bhya॒-ssvāhā॒ śarī̭rebhya॒-ssvāhā̭ ya॒jñāya॒ svāhā॒ dakṣi̭ṇābhya॒-ssvāhā̭ suva॒rgāya॒ svāhā̭ lo॒kāya॒ svāhā॒ sarva̭smai॒ svāhā᳚ || 52 ||

(prā॒ṇāyā॒ - ṣṭāvigṃ̭śatiḥ) (a. 21)

si॒tāya॒ svāhā 'si̭tāya॒ svāhā॒ 'bhihi̭tāya॒ svāhā 'na̭bhihitāya॒ svāhā̭ yu॒ktāya॒ svāhā 'yṷktāya॒ svāhā॒ suyṷktāya॒ svāho -dyṷktāya॒ svāhā॒ vimṷktāya॒ svāhā॒ pramṷktāya॒ svāhā॒ vañca̭te॒ svāhā̭ pari॒vañca̭te॒ svāhā̭ saṃ॒va~ñca̭te॒ svāhā̭ 'nu॒vañca̭te॒ svāho॒--dvañca̭te॒ svāhā̭ ya॒te svāhā॒ dhāva̭te॒ svāhā॒ tiṣṭha̭te॒ svāhā॒ sarva̭smai॒ svāhā᳚ || 53 ||

(si॒tāyā॒ - ṣṭātrigṃ̭śat) (a. 22)

(bṛha॒spati॒-śśra--dya॒thā vā - ṛ॒kṣā vai - pra॒jāpa̭ti॒ryena̭yena॒ - dve vāva dḙvasa॒tre - ā̭di॒tyā a̭kāmayanta suva॒rgaṃ - ~vasi̭ṣṭhaḥ - saṃva~thsa॒rāya̭ -surva॒rgaṃ-ye~ sa॒traṃ - bra̭hmavā॒dino̭-'tirā॒tro - jyoti̭ṣṭomaṃ - me॒ṣaḥ - kūpyā᳚bhyo॒ - 'dbhyo - yo - namo̭ - mayo॒bhūḥ - kigg svi॒da - mbe॒ - bhūḥ - prā॒ṇāya̭ - si॒tāya॒ - dvāvigṃ̭śatiḥ)

(bṛha॒spatiḥ॒ - prati̭ tiṣṭhanti॒ - vai da̭śarā॒treṇa̭ - suva॒rgaṃ - ~yo arva̭ntaṃ॒ - bhū - stripa̭ñcā॒śat)

(bṛha॒spati॒, ssarva̭smai॒ svāhā᳚)

|| hariḥ̭ om ||

|| kṛṣṇa yajurvedīya taittirīya saṃhitāyāṃ saptamakāṇḍe caturthaḥ praśna-ssamāptaḥ ||