5.6 - Hiranyavarnah Shuchayah - Krishna Yajurveda Taittiriya Samhita Pathah

ॐ

5.6 - ಹಿರಣ್ಯವರ್ಣಾಃ ಶುಚಯಃ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ

Krishna Vedic Kannada

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪಞ್ಚಮಕಾಣ್ಡೇ ಷಷ್ಠಃ ಪ್ರಶ್ನಃ - ಉಪಾನುವಾಕ್ಯಾಭಿಧಾನಂ

ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,

ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

ಹಿರ॑ಣ್ಯವರ್ಣಾ॒-ಶ್ಶುಚ॑ಯಃ ಪಾವ॒ಕಾ ಯಾಸು॑ ಜಾ॒ತಃ ಕ॒ಶ್ಯಪೋ॒ ಯಾಸ್ವಿನ್ದ್ರಃ॑ । ಅ॒ಗ್ನಿಂ-ಯಾಁ ಗರ್ಭ॑-ನ್ದಧಿ॒ರೇ ವಿರೂ॑ಪಾ॒ಸ್ತಾ ನ॒ ಆಪ॒-ಶ್ಶಗ್ಗ್ ಸ್ಯೋ॒ನಾ ಭ॑ವನ್ತು ॥ ಯಾಸಾ॒ಗ್ಂ॒ ರಾಜಾ॒ ವರು॑ಣೋ॒ ಯಾತಿ॒ ಮದ್ಧ್ಯೇ॑ ಸತ್ಯಾನೃ॒ತೇ ಅ॑ವ॒ಪಶ್ಯ॒ನ್ ಜನಾ॑ನಾಮ್ । ಮ॒ಧು॒ಶ್ಚುತ॒-ಶ್ಶುಚ॑ಯೋ॒ ಯಾಃ ಪಾ॑ವ॒ಕಾಸ್ತಾ ನ॒ ಆಪ॒-ಶ್ಶಗ್ಗ್ ಸ್ಯೋ॒ನಾ ಭ॑ವನ್ತು ॥ ಯಾಸಾ᳚-ನ್ದೇ॒ವಾ ದಿ॒ವಿ ಕೃ॒ಣ್ವನ್ತಿ॑ ಭ॒ಕ್ಷಂ-ಯಾಁ ಅ॒ನ್ತರಿ॑ಕ್ಷೇ ಬಹು॒ಧಾ ಭವ॑ನ್ತಿ । ಯಾಃ ಪೃ॑ಥಿ॒ವೀ-ಮ್ಪಯ॑ಸೋ॒ನ್ದನ್ತಿ॑ - [ ] 1

ಶು॒ಕ್ರಾಸ್ತಾ ನ॒ ಆಪ॒-ಶ್ಶಗ್ಗ್ ಸ್ಯೋ॒ನಾ ಭ॑ವನ್ತು ॥ ಶಿ॒ವೇನ॑ ಮಾ॒ ಚಕ್ಷು॑ಷಾ ಪಶ್ಯತಾ-ಽಽಪ-ಶ್ಶಿ॒ವಯಾ॑ ತ॒ನುವೋಪ॑ ಸ್ಪೃಶತ॒ ತ್ವಚ॑-ಮ್ಮೇ । ಸರ್ವಾಗ್ಂ॑ ಅ॒ಗ್ನೀಗ್ಂ ರ॑ಫ್ಸು॒ಷದೋ॑ ಹುವೇ ವೋ॒ ಮಯಿ॒ ವರ್ಚೋ॒ ಬಲ॒ಮೋಜೋ॒ ನಿ ಧ॑ತ್ತ ॥ ಯದ॒ದ-ಸ್ಸ॑-ಮ್ಪ್ರಯ॒ತೀರಹಾ॒ ವನ॑ದತಾಹ॒ತೇ । ತಸ್ಮಾ॒ದಾ ನ॒ದ್ಯೋ॑ ನಾಮ॑ ಸ್ಥ॒ ತಾ ವೋ॒ ನಾಮಾ॑ನಿ ಸಿನ್ಧವಃ ॥ ಯ-ತ್ಪ್ರೇಷಿ॑ತಾ॒ ವರು॑ಣೇನ॒ ತಾ-ಶ್ಶೀಭಗ್ಂ॑ ಸ॒ಮವ॑ಲ್ಗತ । 2

ತದಾ᳚ಪ್ನೋ॒-ದಿನ್ದ್ರೋ॑ ವೋ ಯ॒ತೀ-ಸ್ತಸ್ಮಾ॒-ದಾಪೋ॒ ಅನು॑ ಸ್ಥನ ॥ ಅ॒ಪ॒ಕಾ॒ಮಗ್ಗ್ ಸ್ಯನ್ದ॑ಮಾನಾ॒ ಅವೀ॑ವರತ ವೋ॒ ಹಿಕ᳚ಮ್ । ಇನ್ದ್ರೋ॑ ವ॒-ಶ್ಶಕ್ತಿ॑ಭಿ ರ್ದೇವೀ॒-ಸ್ತಸ್ಮಾ॒-ದ್ವಾರ್ಣಾಮ॑ ವೋ ಹಿ॒ತಮ್ ॥ ಏಕೋ॑ ದೇ॒ವೋ ಅಪ್ಯ॑ತಿಷ್ಠ॒-ಥ್ಸ್ಯನ್ದ॑ಮಾನಾ ಯಥಾ ವ॒ಶಮ್ । ಉದಾ॑ನಿಷು-ರ್ಮ॒ಹೀರಿತಿ॒ ತಸ್ಮಾ॑-ದುದ॒ಕ-ಮು॑ಚ್ಯತೇ ॥ ಆಪೋ॑ ಭ॒ದ್ರಾ ಘೃ॒ತಮಿದಾಪ॑ ಆಸುರ॒ಗ್ನೀ-ಷೋಮೌ॑ ಬಿಭ್ರ॒ತ್ಯಾಪ॒ ಇ-ತ್ತಾಃ । ತೀ॒ವ್ರೋ ರಸೋ॑ ಮಧು॒ಪೃಚಾ॑- [ಮಧು॒ಪೃಚಾ᳚ಮ್, ಅ॒ರ॒ಙ್ಗ॒ಮ ಆ ಮಾ᳚] 3

-ಮರಙ್ಗ॒ಮ ಆ ಮಾ᳚ ಪ್ರಾ॒ಣೇನ॑ ಸ॒ಹ ವರ್ಚ॑ಸಾ ಗನ್ನ್ ॥ ಆದಿ-ತ್ಪ॑ಶ್ಯಾಮ್ಯು॒ತ ವಾ॑ ಶೃಣೋ॒ಮ್ಯಾ ಮಾ॒ ಘೋಷೋ॑ ಗಚ್ಛತಿ॒ ವಾನ್ನ॑ ಆಸಾಮ್ । ಮನ್ಯೇ॑ ಭೇಜಾ॒ನೋ ಅ॒ಮೃತ॑ಸ್ಯ॒ ತರ್ಹಿ॒ ಹಿರ॑ಣ್ಯವರ್ಣಾ॒ ಅತೃ॑ಪಂ-ಯಁ॒ದಾ ವಃ॑ ॥ ಆಪೋ॒ ಹಿ ಷ್ಠಾ ಮ॑ಯೋ॒ ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇ ರಣಾ॑ಯ॒ ಚಕ್ಷ॑ಸೇ ॥ ಯೋ ವಃ॑ ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ಹ ನಃ॑ । ಉ॒ಶ॒ತೀರಿ॑ವ ಮಾ॒ತರಃ॑ ॥ ತಸ್ಮಾ॒ ಅರ॑-ಙ್ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ ॥ ದಿ॒ವಿ ಶ್ರ॑ಯ ಸ್ವಾ॒ನ್ತರಿ॑ಕ್ಷೇ ಯತಸ್ವ ಪೃಥಿ॒ವ್ಯಾ ಸ-ಮ್ಭ॑ವ ಬ್ರಹ್ಮವರ್ಚ॒-ಸಮ॑ಸಿ ಬ್ರಹ್ಮವರ್ಚ॒ಸಾಯ॑ ತ್ವಾ ॥ 4

(ಉ॒ದನ್ತಿ॑ - ಸ॒ಮವ॑ಲ್ಗತ - ಮಧು॒ಪೃಚಾಂ᳚ - ಮಾ॒ತರೋ॒ - ದ್ವಾವಿಗ್ಂ॑ಶತಿಶ್ಚ) (ಅ. 1)

ಅ॒ಪಾ-ಙ್ಗ್ರಹಾ᳚-ನ್ಗೃಹ್ಣಾತ್ಯೇ॒ತದ್ವಾವ ರಾ॑ಜ॒ಸೂಯಂ॒-ಯಁದೇ॒ತೇ ಗ್ರಹಾ᳚-ಸ್ಸ॒ವೋ᳚ ಽಗ್ನಿರ್ವ॑ರುಣಸ॒ವೋ ರಾ॑ಜ॒ಸೂಯ॑-ಮಗ್ನಿಸ॒ವ-ಶ್ಚಿತ್ಯ॒ಸ್ತಾಭ್ಯಾ॑-ಮೇ॒ವ ಸೂ॑ಯ॒ತೇ-ಽಥೋ॑ ಉ॒ಭಾವೇ॒ವ ಲೋ॒ಕಾವ॒ಭಿ ಜ॑ಯತಿ॒ ಯಶ್ಚ॑ ರಾಜ॒ಸೂಯೇ॑ನೇಜಾ॒ನಸ್ಯ॒ ಯಶ್ಚಾ᳚-ಽಗ್ನಿ॒ಚಿತ॒ ಆಪೋ॑ ಭವ॒ನ್ತ್ಯಾಪೋ॒ ವಾ ಅ॒ಗ್ನೇರ್ಭ್ರಾತೃ॑ವ್ಯಾ॒ ಯದ॒ಪೋ᳚ ಽಗ್ನೇರ॒ಧಸ್ತಾ॑ದುಪ॒ ದಧಾ॑ತಿ॒ ಭ್ರಾತೃ॑ವ್ಯಾಭಿಭೂತ್ಯೈ॒ ಭವ॑ತ್ಯಾ॒ತ್ಮನಾ॒ ಪರಾ᳚-ಽಸ್ಯ॒ ಭ್ರಾತೃ॑ವ್ಯೋ ಭವತ್ಯ॒ಮೃತಂ॒- [ಭ್ರಾತೃ॑ವ್ಯೋ ಭವತ್ಯ॒ಮೃತ᳚ಮ್, ವಾ ಆಪ॒ಸ್ತಸ್ಮಾ॑-] 5

-ಁವಾ ಆಪ॒ಸ್ತಸ್ಮಾ॑-ದ॒ದ್ಭಿರವ॑ತಾನ್ತ-ಮ॒ಭಿ ಷಿ॑ಞ್ಚನ್ತಿ॒ ನಾ-ಽಽರ್ತಿ॒ಮಾರ್ಚ್ಛ॑ತಿ॒ ಸರ್ವ॒ಮಾಯು॑ರೇತಿ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ಯ ಉ॑ ಚೈನಾ ಏ॒ವಂ-ವೇಁದಾನ್ನಂ॒-ವಾಁ ಆಪಃ॑ ಪ॒ಶವ॒ ಆಪೋ-ಽನ್ನ॑-ಮ್ಪ॒ಶವೋ᳚-ಽನ್ನಾ॒ದಃ ಪ॑ಶು॒ಮಾ-ನ್ಭ॑ವತಿ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ಯ ಉ॑ ಚೈನಾ ಏ॒ವಂ-ವೇಁದ॒ ದ್ವಾದ॑ಶ ಭವನ್ತಿ॒ ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರೇಣೈ॒ವಾಸ್ಮಾ॒ [-ಸ್ಸಂ॑ವಁಥ್ಸ॒ರೇಣೈ॒ವಾಸ್ಮಾ᳚, ಅನ್ನ॒ಮವ॑ ರುನ್ಧೇ॒] 6

ಅನ್ನ॒ಮವ॑ ರುನ್ಧೇ॒ ಪಾತ್ರಾ॑ಣಿ ಭವನ್ತಿ॒ ಪಾತ್ರೇ॒ ವಾ ಅನ್ನ॑ಮದ್ಯತೇ॒ ಸಯೋ᳚ನ್ಯೇ॒ವಾನ್ನ॒ಮವ॑ ರುನ್ಧ॒ ಆ ದ್ವಾ॑ದ॒ಶಾ-ತ್ಪುರು॑ಷಾ॒ದನ್ನ॑-ಮ॒ತ್ತ್ಯಥೋ॒ ಪಾತ್ರಾ॒ನ್ನ ಛಿ॑ದ್ಯತೇ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ಯ ಉ॑ ಚೈನಾ ಏ॒ವಂ-ವೇಁದ॑ ಕು॒ಮ್ಭಾಶ್ಚ॑ ಕು॒ಮ್ಭೀಶ್ಚ॑ ಮಿಥು॒ನಾನಿ॑ ಭವನ್ತಿ ಮಿಥು॒ನಸ್ಯ॒ ಪ್ರಜಾ᳚ತ್ಯೈ॒ ಪ್ರ ಪ್ರ॒ಜಯಾ॑ ಪ॒ಶುಭಿ॑-ರ್ಮಿಥು॒ನೈ-ರ್ಜಾ॑ಯತೇ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ಯ ಉ॑ [ಯ ಉ॑, ಚೈ॒ನಾ॒ ಏ॒ವಂ-ವೇಁದ॒] 7

ಚೈನಾ ಏ॒ವಂ-ವೇಁದ॒ ಶುಗ್ವಾ ಅ॒ಗ್ನಿ-ಸ್ಸೋ᳚-ಽದ್ಧ್ವ॒ರ್ಯುಂ-ಯಁಜ॑ಮಾನ-ಮ್ಪ್ರ॒ಜಾ-ಶ್ಶು॒ಚಾ-ಽರ್ಪ॑ಯತಿ॒ ಯದ॒ಪ ಉ॑ಪ॒ದಧಾ॑ತಿ॒ ಶುಚ॑ಮೇ॒ವಾಸ್ಯ॑ ಶಮಯತಿ॒ ನಾ-ಽಽರ್ತಿ॒ಮಾರ್ಚ್ಛ॑ತ್ಯದ್ಧ್ವ॒ರ್ಯುರ್ನ ಯಜ॑ಮಾನ॒-ಶ್ಶಾಮ್ಯ॑ನ್ತಿ ಪ್ರ॒ಜಾ ಯತ್ರೈ॒ತಾ ಉ॑ಪಧೀ॒ಯನ್ತೇ॒ ಽಪಾಂ-ವಾಁ ಏ॒ತಾನಿ॒ ಹೃದ॑ಯಾನಿ॒ ಯದೇ॒ತಾ ಆಪೋ॒ ಯದೇ॒ತಾ ಅ॒ಪ ಉ॑ಪ॒ದಧಾ॑ತಿ ದಿ॒ವ್ಯಾಭಿ॑ರೇ॒ವೈನಾ॒-ಸ್ಸಗ್ಂ ಸೃ॑ಜತಿ॒ ವರ್ಷು॑ಕಃ ಪ॒ರ್ಜನ್ಯೋ॑ [ಪ॒ರ್ಜನ್ಯಃ॑, ಭ॒ವ॒ತಿ॒ ಯೋ ವಾ] 8

ಭವತಿ॒ ಯೋ ವಾ ಏ॒ತಾಸಾ॑ಮಾ॒ಯತ॑ನ॒-ಙ್ಕೢಪ್ತಿಂ॒-ವೇಁದಾ॒-ಽಽಯತ॑ನವಾ-ನ್ಭವತಿ॒ ಕಲ್ಪ॑ತೇ ಽಸ್ಮಾ ಅನುಸೀ॒ತಮುಪ॑ ದಧಾತ್ಯೇ॒ತದ್ವಾ ಆ॑ಸಾಮಾ॒ಯತ॑ನಮೇ॒ಷಾ ಕೢಪ್ತಿ॒ರ್ಯ ಏ॒ವಂ-ವೇಁದಾ॒-ಽಽಯತ॑ನವಾ-ನ್ಭವತಿ॒ ಕಲ್ಪ॑ತೇ-ಽಸ್ಮೈ ದ್ವ॒ದ್ವಮ್ಮ॒ನ್ಯಾ ಉಪ॑ ದಧಾತಿ॒ ಚತ॑ಸ್ರೋ॒ ಮದ್ಧ್ಯೇ॒ ಧೃತ್ಯಾ॒ ಅನ್ನಂ॒-ವಾಁ ಇಷ್ಟ॑ಕಾ ಏ॒ತ-ತ್ಖಲು॒ ವೈ ಸಾ॒ಕ್ಷಾದನ್ನಂ॒-ಯಁದೇ॒ಷ ಚ॒ರುರ್ಯದೇ॒ತ-ಞ್ಚ॒ರುಮು॑ಪ॒ ದಧಾ॑ತಿ ಸಾ॒ಕ್ಷಾ- [ಸಾ॒ಕ್ಷಾತ್, ಏ॒ವಾ-ಽಸ್ಮಾ॒ ಅನ್ನ॒ಮವ॑ ರುನ್ಧೇ] 9

-ದೇ॒ವಾ-ಽಸ್ಮಾ॒ ಅನ್ನ॒ಮವ॑ ರುನ್ಧೇ ಮದ್ಧ್ಯ॒ತ ಉಪ॑ ದಧಾತಿ ಮದ್ಧ್ಯ॒ತ ಏ॒ವಾಸ್ಮಾ॒ ಅನ್ನ॑-ನ್ದಧಾತಿ॒ ತಸ್ಮಾ᳚-ನ್ಮದ್ಧ್ಯ॒ತೋ-ಽನ್ನ॑ಮದ್ಯತೇ ಬಾರ್ಹಸ್ಪ॒ತ್ಯೋ ಭ॑ವತಿ॒ ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿ॒-ರ್ಬ್ರಹ್ಮ॑ಣೈ॒ವಾಸ್ಮಾ॒ ಅನ್ನ॒ಮವ॑ ರುನ್ಧೇ ಬ್ರಹ್ಮವರ್ಚ॒ಸಮ॑ಸಿ ಬ್ರಹ್ಮವರ್ಚ॒ಸಾಯ॒ ತ್ವೇತ್ಯಾ॑ಹ ತೇಜ॒ಸ್ವೀ ಬ್ರ॑ಹ್ಮವರ್ಚ॒ಸೀ ಭ॑ವತಿ॒ ಯಸ್ಯೈ॒ಷ ಉ॑ಪಧೀ॒ಯತೇ॒ ಯ ಉ॑ ಚೈನಮೇ॒ವಂ-ವೇಁದ॑ ॥ 10 ॥

(ಅ॒ಮೃತ॑ - ಮಸ್ಮೈ - ಜಾಯತೇ॒ ಯಸ್ಯೈ॒ತಾ - ಉ॑ಪಧೀ॒ಯನ್ತೇ॒ ಯ ಉ॑ - ಪ॒ರ್ಜನ್ಯ॑ - ಉಪ॒ದಧಾ॑ತಿ ಸಾ॒ಕ್ಷಾಥ್ - ಸ॒ಪ್ತಚ॑ತ್ವಾರಿಗ್ಂಶಚ್ಚ) (ಅ. 2)

ಭೂ॒ತೇ॒ಷ್ಟ॒ಕಾ ಉಪ॑ ದಧಾ॒ತ್ಯತ್ರಾ᳚ತ್ರ॒ ವೈ ಮೃ॒ತ್ಯುರ್ಜಾ॑ಯತೇ॒ ಯತ್ರ॑ಯತ್ರೈ॒ವ ಮೃ॒ತ್ಯುರ್ಜಾಯ॑ತೇ॒ ತತ॑ ಏ॒ವೈನ॒ಮವ॑ ಯಜತೇ॒ ತಸ್ಮಾ॑ದಗ್ನಿ॒ಚಿ-ಥ್ಸರ್ವ॒ಮಾಯು॑ರೇತಿ॒ ಸರ್ವೇ॒ ಹ್ಯ॑ಸ್ಯ ಮೃ॒ತ್ಯವೋ ಽವೇ᳚ಷ್ಟಾ॒ಸ್ತಸ್ಮಾ॑-ದಗ್ನಿ॒ಚಿನ್ನಾ-ಭಿಚ॑ರಿತ॒ವೈ ಪ್ರ॒ತ್ಯಗೇ॑ನ-ಮಭಿಚಾ॒ರ-ಸ್ಸ್ತೃ॑ಣುತೇ ಸೂ॒ಯತೇ॒ ವಾ ಏ॒ಷ ಯೋ᳚-ಽಗ್ನಿ-ಞ್ಚಿ॑ನು॒ತೇ ದೇ॑ವಸು॒ವಾಮೇ॒ತಾನಿ॑ ಹ॒ವೀಗ್ಂಷಿ॑ ಭವನ್ತ್ಯೇ॒ತಾವ॑ನ್ತೋ॒ ವೈ ದೇ॒ವಾನಾಗ್ಂ॑ ಸ॒ವಾಸ್ತ ಏ॒ವಾ- [ಸ॒ವಾಸ್ತ ಏ॒ವ, ಅ॒ಸ್ಮೈ॒ ಸ॒ವಾ-ನ್ಪ್ರ] 11

-ಽಸ್ಮೈ॑ ಸ॒ವಾ-ನ್ಪ್ರ ಯ॑ಚ್ಛನ್ತಿ॒ ತ ಏ॑ನಗ್ಂ ಸುವನ್ತೇ ಸ॒ವೋ᳚-ಽಗ್ನಿರ್ವ॑ರುಣಸ॒ವೋ ರಾ॑ಜ॒ಸೂಯ॑-ಮ್ಬ್ರಹ್ಮಸ॒ವಶ್ಚಿತ್ಯೋ॑ ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವ ಇತ್ಯಾ॑ಹ ಸವಿ॒ತೃಪ್ರ॑ಸೂತ ಏ॒ವೈನ॒-ಮ್ಬ್ರಹ್ಮ॑ಣಾ ದೇ॒ವತಾ॑ಭಿರ॒ಭಿ ಷಿ॑ಞ್ಚ॒ತ್ಯನ್ನ॑-ಸ್ಯಾನ್ನಸ್ಯಾ॒ಭಿ ಷಿ॑ಞ್ಚ॒ತ್ಯನ್ನ॑-ಸ್ಯಾನ್ನ॒ಸ್ಯಾ-ವ॑ರುದ್ಧ್ಯೈ ಪು॒ರಸ್ತಾ᳚-ತ್ಪ್ರ॒ತ್ಯಞ್ಚ॑ಮ॒ಭಿ ಷಿ॑ಞ್ಚತಿ ಪು॒ರಸ್ತಾ॒ದ್ಧಿ ಪ್ರ॑ತೀ॒ಚೀ-ನ॒ಮನ್ನ॑ಮ॒ದ್ಯತೇ॑ ಶೀರ್ಷ॒ತೋ॑-ಽಭಿ ಷಿ॑ಞ್ಚತಿ ಶೀರ್ಷ॒ತೋ ಹ್ಯನ್ನ॑ಮ॒ದ್ಯತ॒ ಆ ಮುಖಾ॑-ದ॒ನ್ವವ॑ಸ್ರಾವಯತಿ [ಮುಖಾ॑-ದ॒ನ್ವವ॑ಸ್ರಾವಯತಿ, ಮು॒ಖ॒ತ ಏ॒ವಾ-ಽಸ್ಮಾ॑] 12

ಮುಖ॒ತ ಏ॒ವಾ-ಽಸ್ಮಾ॑ ಅ॒ನ್ನಾದ್ಯ॑-ನ್ದಧಾತ್ಯ॒ಗ್ನೇಸ್ತ್ವಾ॒ ಸಾಮ್ರಾ᳚ಜ್ಯೇನಾ॒ಭಿ ಷಿ॑ಞ್ಚಾ॒ಮೀತ್ಯಾ॑ಹೈ॒ಷ ವಾ ಅ॒ಗ್ನೇ-ಸ್ಸ॒ವಸ್ತೇನೈ॒ವೈನ॑ಮ॒ಭಿ ಷಿ॑ಞ್ಚತಿ॒ ಬೃಹ॒ಸ್ಪತೇ᳚ಸ್ತ್ವಾ॒ ಸಾಮ್ರಾ᳚ಜ್ಯೇನಾ॒ಭಿಷಿ॑ಞ್ಚಾ॒ಮೀತ್ಯಾ॑ಹ॒ ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿ॒ರ್ಬ್ರಹ್ಮ॑ಣೈ॒ವೈನ॑ಮ॒ಭಿ ಷಿ॑ಞ್ಚ॒ತೀನ್ದ್ರ॑ಸ್ಯ ತ್ವಾ॒ ಸಾಮ್ರಾ᳚ಜ್ಯೇನಾ॒ಭಿ ಷಿ॑ಞ್ಚಾ॒-ಮೀತ್ಯಾ॑ಹೇನ್ದ್ರಿ॒ಯಮೇ॒ವಾಸ್ಮಿ॑-ನ್ನು॒ಪರಿ॑ಷ್ಟಾ-ದ್ದಧಾತ್ಯೇ॒ತ- [-ದ್ದಧಾತ್ಯೇ॒ತತ್, ವೈ ರಾ॑ಜ॒ಸೂಯ॑ಸ್ಯ] 13

-ದ್ವೈ ರಾ॑ಜ॒ಸೂಯ॑ಸ್ಯ ರೂ॒ಪಂ-ಯಁ ಏ॒ವಂ-ವಿಁ॒ದ್ವಾನ॒ಗ್ನಿ-ಞ್ಚಿ॑ನು॒ತ ಉ॒ಭಾವೇ॒ವ ಲೋ॒ಕಾವ॒ಭಿ ಜ॑ಯತಿ॒ ಯಶ್ಚ॑ ರಾಜ॒ಸೂಯೇ॑ನೇಜಾ॒ನಸ್ಯ॒ ಯಶ್ಚಾ᳚ಗ್ನಿ॒ಚಿತ॒ ಇನ್ದ್ರ॑ಸ್ಯ ಸುಷುವಾ॒ಣಸ್ಯ॑ ದಶ॒ಧೇನ್ದ್ರಿ॒ಯಂ-ವೀಁ॒ರ್ಯ॑-ಮ್ಪರಾ॑-ಽಪತ॒-ತ್ತದ್ದೇ॒ವಾ-ಸ್ಸೌ᳚ತ್ರಾಮ॒ಣ್ಯಾ ಸಮ॑ಭರನ್-ಥ್ಸೂ॒ಯತೇ॒ ವಾ ಏ॒ಷ ಯೋ᳚-ಽಗ್ನಿ-ಞ್ಚಿ॑ನು॒ತೇ᳚-ಽಗ್ನಿ-ಞ್ಚಿ॒ತ್ವಾ ಸೌ᳚ತ್ರಾಮ॒ಣ್ಯಾ ಯ॑ಜೇತೇನ್ದ್ರಿ॒ಯಮೇ॒ವ ವೀ॒ರ್ಯಗ್ಂ॑ ಸ॒ಭೃನ್ತ್ಯಾ॒-ಽಽತ್ಮ-ನ್ಧ॑ತ್ತೇ ॥ 14 ॥

(ತ ಏ॒ವಾ - ನ್ವವ॑ಸ್ರಾವಯತ್ಯೇ॒ - ತ - ದ॒ಷ್ಟಾಚ॑ತ್ವಾರಿಗ್ಂಶಚ್ಚ) (ಅ. 3)

ಸ॒ಜೂರಬ್ದೋ-ಽಯಾ॑ವಭಿ-ಸ್ಸ॒ಜೂರು॒ಷಾ ಅರು॑ಣೀಭಿ-ಸ್ಸ॒ಜೂ-ಸ್ಸೂರ್ಯ॒ ಏತ॑ಶೇನ ಸ॒ಜೋಷಾ॑ವ॒ಶ್ವಿನಾ॒ ದಗ್ಂಸೋ॑ಭಿ-ಸ್ಸ॒ಜೂರ॒ಗ್ನಿರ್ವೈ᳚ಶ್ವಾನ॒ರ ಇಡಾ॑ಭಿರ್ಘೃ॒ತೇನ॒ ಸ್ವಾಹಾ॑ ಸಂವಁಥ್ಸ॒ರೋ ವಾ ಅಬ್ದೋ॒ ಮಾಸಾ॒ ಅಯಾ॑ವಾ ಉ॒ಷಾ ಅರು॑ಣೀ॒ ಸೂರ್ಯ॒ ಏತ॑ಶ ಇ॒ಮೇ ಅ॒ಶ್ವಿನಾ॑ ಸಂವಁಥ್ಸ॒ರೋ᳚-ಽಗ್ನಿರ್ವೈ᳚ಶ್ವಾನ॒ರಃ ಪ॒ಶವ॒ ಇಡಾ॑ ಪ॒ಶವೋ॑ ಘೃ॒ತಗ್ಂ ಸಂ॑ವಁಥ್ಸ॒ರ-ಮ್ಪ॒ಶವೋ-ಽನು॒ ಪ್ರ ಜಾ॑ಯನ್ತೇ ಸಂವಁಥ್ಸ॒ರೇಣೈ॒ವಾಸ್ಮೈ॑ ಪ॒ಶೂ-ನ್ಪ್ರಜ॑ನಯತಿ ದರ್ಭಸ್ತ॒ಮ್ಬೇ ಜು॑ಹೋತಿ॒ ಯ - [ ] 15

-ದ್ವಾ ಅ॒ಸ್ಯಾ ಅ॒ಮೃತಂ॒-ಯಁ-ದ್ವೀ॒ರ್ಯ॑-ನ್ತ-ದ್ದ॒ರ್ಭಾಸ್ತಸ್ಮಿ॑ನ್ ಜುಹೋತಿ॒ ಪ್ರೈವ ಜಾ॑ಯತೇ ಽನ್ನಾ॒ದೋ ಭ॑ವತಿ॒ ಯಸ್ಯೈ॒ವ-ಞ್ಜುಹ್ವ॑ತ್ಯೇ॒ತಾ ವೈ ದೇ॒ವತಾ॑ ಅ॒ಗ್ನೇಃ ಪು॒ರಸ್ತಾ᳚ದ್ಭಾಗಾ॒ಸ್ತಾ ಏ॒ವ ಪ್ರೀ॑ಣಾ॒ತ್ಯಥೋ॒ ಚಕ್ಷು॑ರೇ॒ವಾಗ್ನೇಃ ಪು॒ರಸ್ತಾ॒-ತ್ಪ್ರತಿ॑ ದಧಾ॒ತ್ಯನ॑ನ್ಧೋ ಭವತಿ॒ ಯ ಏ॒ವಂ-ವೇಁದಾ-ಽಽಪೋ॒ ವಾ ಇ॒ದಮಗ್ರೇ॑ ಸಲಿ॒ಲಮಾ॑ಸೀ॒-ಥ್ಸ ಪ್ರ॒ಜಾಪ॑ತಿಃ ಪುಷ್ಕರಪ॒ರ್ಣೇ ವಾತೋ॑ ಭೂ॒ತೋ॑-ಽಲೇಲಾಯ॒-ಥ್ಸ [ಭೂ॒ತೋ॑-ಽಲೇಲಾಯ॒-ಥ್ಸಃ, ಪ್ರ॒ತಿ॒ಷ್ಠಾ-ನ್ನಾ-ಽವಿ॑ನ್ದತ॒] 16

ಪ್ರ॑ತಿ॒ಷ್ಠಾ-ನ್ನಾ-ಽವಿ॑ನ್ದತ॒ ಸ ಏ॒ತದ॒ಪಾ-ಙ್ಕು॒ಲಾಯ॑ಮಪಶ್ಯ॒-ತ್ತಸ್ಮಿ॑ನ್ನ॒ಗ್ನಿಮ॑ಚಿನುತ॒ ತದಿ॒ಯಮ॑ಭವ॒-ತ್ತತೋ॒ ವೈ ಸ ಪ್ರತ್ಯ॑ತಿಷ್ಠ॒ದ್ಯಾ-ಮ್ಪು॒ರಸ್ತಾ॑ದು॒ಪಾ-ದ॑ಧಾ॒-ತ್ತಚ್ಛಿರೋ॑ ಽಭವ॒-ಥ್ಸಾ ಪ್ರಾಚೀ॒ ದಿಗ್ಯಾ-ನ್ದ॑ಕ್ಷಿಣ॒ತ ಉ॒ಪಾದ॑ಧಾ॒-ಥ್ಸ ದಕ್ಷಿ॑ಣಃ ಪ॒ಕ್ಷೋ॑-ಽಭವ॒-ಥ್ಸಾ ದ॑ಕ್ಷಿ॒ಣಾ ದಿಗ್ಯಾ-ಮ್ಪ॒ಶ್ಚಾ-ದು॒ಪಾದ॑ಧಾ॒-ತ್ತ-ತ್ಪುಚ್ಛ॑ಮಭವ॒-ಥ್ಸಾ ಪ್ರ॒ತೀಚೀ॒ ದಿಗ್ಯಾಮು॑ತ್ತರ॒ತ ಉ॒ಪಾದ॑ಧಾ॒- [ಉ॒ಪಾದ॑ಧಾತ್, ಸ ಉತ್ತ॑ರಃ] 17

-ಥ್ಸ ಉತ್ತ॑ರಃ ಪ॒ಕ್ಷೋ॑-ಽಭವ॒-ಥ್ಸೋದೀ॑ಚೀ॒ ದಿಗ್ಯಾಮು॒ಪರಿ॑ಷ್ಟಾ-ದು॒ಪಾದ॑ಧಾ॒-ತ್ತ-ತ್ಪೃ॒ಷ್ಠಮ॑ಭವ॒-ಥ್ಸೋರ್ಧ್ವಾ ದಿಗಿ॒ಯಂ-ವಾಁ ಅ॒ಗ್ನಿಃ ಪಞ್ಚೇ᳚ಷ್ಟಕ॒-ಸ್ತಸ್ಮಾ॒-ದ್ಯದ॒ಸ್ಯಾ-ಙ್ಖನ॑ನ್ತ್ಯ॒ಭೀಷ್ಟ॑ಕಾ-ನ್ತೃ॒ನ್ದನ್ತ್ಯ॒ಭಿ ಶರ್ಕ॑ರಾ॒ಗ್ಂ॒ ಸರ್ವಾ॒ ವಾ ಇ॒ಯಂ-ವಁಯೋ᳚ಭ್ಯೋ॒ ನಕ್ತ॑-ನ್ದೃ॒ಶೇ ದೀ᳚ಪ್ಯತೇ॒ ತಸ್ಮಾ॑ದಿ॒ಮಾಂ-ವಁಯಾಗ್ಂ॑ಸಿ॒ ನಕ್ತ॒-ನ್ನಾದ್ಧ್ಯಾ॑ಸತೇ॒ ಯ ಏ॒ವಂ-ವಿಁ॒ದ್ವಾನ॒ಗ್ನಿ-ಞ್ಚಿ॑ನು॒ತೇ ಪ್ರತ್ಯೇ॒ವ [ಪ್ರತ್ಯೇ॒ವ, ತಿ॒ಷ್ಠ॒ತ್ಯ॒ಭಿ ದಿಶೋ॑] 18

ತಿ॑ಷ್ಠತ್ಯ॒ಭಿ ದಿಶೋ॑ ಜಯತ್ಯಾಗ್ನೇ॒ಯೋ ವೈ ಬ್ರಾ᳚ಹ್ಮ॒ಣಸ್ತಸ್ಮಾ᳚-ದ್ಬ್ರಾಹ್ಮ॒ಣಾಯ॒ ಸರ್ವಾ॑ಸು ದಿ॒ಕ್ಷ್ವರ್ಧು॑ಕ॒ಗ್ಗ್॒ ಸ್ವಾಮೇ॒ವ ತ-ದ್ದಿಶ॒ಮನ್ವೇ᳚ತ್ಯ॒ಪಾಂ-ವಾಁ ಅ॒ಗ್ನಿಃ ಕು॒ಲಾಯ॒-ನ್ತಸ್ಮಾ॒ದಾಪೋ॒-ಽಗ್ನಿಗ್ಂ ಹಾರು॑ಕಾ॒-ಸ್ಸ್ವಾಮೇ॒ವ ತ-ದ್ಯೋನಿ॒-ಮ್ಪ್ರವಿ॑ಶನ್ತಿ ॥ 19 ॥

(ಯದ॑- ಲೇಲಾಯ॒-ಥ್ಸ-ಉ॑ತ್ತರ॒ತ ಉ॒ಪಾದ॑ಧಾ-ದೇ॒ವ - ದ್ವಾತ್ರಿಗ್ಂ॑ಶಚ್ಚ) (ಅ. 4)

ಸಂ॒ವಁ॒ಥ್ಸ॒ರಮುಖ್ಯ॑-ಮ್ಭೃ॒ತ್ವಾ ದ್ವಿ॒ತೀಯೇ॑ ಸಂವಁಥ್ಸ॒ರ ಆ᳚ಗ್ನೇ॒ಯಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪೇದೈ॒ನ್ದ್ರ-ಮೇಕಾ॑ದಶಕಪಾಲಂ-ವೈಁಶ್ವದೇ॒ವ-ನ್ದ್ವಾದ॑ಶಕಪಾಲ-ಮ್ಬಾರ್ಹಸ್ಪ॒ತ್ಯ-ಞ್ಚ॒ರುಂ-ವೈಁ᳚ಷ್ಣ॒ವ-ನ್ತ್ರಿ॑ಕಪಾ॒ಲ-ನ್ತೃ॒ತೀಯೇ॑ ಸಂವಁಥ್ಸ॒ರೇ॑-ಽಭಿ॒ಜಿತಾ॑ ಯಜೇತ॒ ಯದ॒ಷ್ಟಾಕ॑ಪಾಲೋ॒ ಭವ॑ತ್ಯ॒ಷ್ಟಾಕ್ಷ॑ರಾ ಗಾಯ॒ತ್ರ್ಯಾ᳚ಗ್ನೇ॒ಯ-ಙ್ಗಾ॑ಯ॒ತ್ರ-ಮ್ಪ್ರಾ॑ತಸ್ಸವ॒ನ-ಮ್ಪ್ರಾ॑ತಸ್ಸವ॒ನಮೇ॒ವ ತೇನ॑ ದಾಧಾರ ಗಾಯ॒ತ್ರೀ-ಞ್ಛನ್ದೋ॒ ಯದೇಕಾ॑ದಶಕಪಾಲೋ॒ ಭವ॒ತ್ಯೇಕಾ॑ದಶಾಕ್ಷರಾ ತ್ರಿ॒ಷ್ಟುಗೈ॒ನ್ದ್ರ-ನ್ತ್ರೈಷ್ಟು॑ಭ॒-ಮ್ಮಾದ್ಧ್ಯ॑ನ್ದಿನ॒ಗ್ಂ॒ ಸವ॑ನ॒-ಮ್ಮಾದ್ಧ್ಯ॑ನ್ದಿನಮೇ॒ವ ಸವ॑ನ॒-ನ್ತೇನ॑ ದಾಧಾರ ತ್ರಿ॒ಷ್ಟುಭ॒- [ತ್ರಿ॒ಷ್ಟುಭ᳚ಮ್, ಛನ್ದೋ॒ ಯ-ದ್ದ್ವಾದ॑ಶಕಪಾಲೋ॒ ಭವ॑ತಿ॒] 20

-ಞ್ಛನ್ದೋ॒ ಯ-ದ್ದ್ವಾದ॑ಶಕಪಾಲೋ॒ ಭವ॑ತಿ॒ ದ್ವಾದ॑ಶಾಕ್ಷರಾ॒ ಜಗ॑ತೀ ವೈಶ್ವದೇ॒ವ-ಞ್ಜಾಗ॑ತ-ನ್ತೃತೀಯಸವ॒ನ-ನ್ತೃ॑ತೀಯಸವ॒ನಮೇ॒ವ ತೇನ॑ ದಾಧಾರ॒ ಜಗ॑ತೀ॒-ಞ್ಛನ್ದೋ॒ ಯ-ದ್ಬಾ॑ರ್ಹಸ್ಪ॒ತ್ಯಶ್ಚ॒ರುರ್ಭವ॑ತಿ॒ ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿ॒ರ್ಬ್ರಹ್ಮೈ॒ವ ತೇನ॑ ದಾಧಾರ॒ ಯ-ದ್ವೈ᳚ಷ್ಣ॒ವಸ್ತ್ರಿ॑ಕಪಾ॒ಲೋ ಭವ॑ತಿ ಯ॒ಜ್ಞೋ ವೈ ವಿಷ್ಣು॑ರ್ಯ॒ಜ್ಞಮೇ॒ವ ತೇನ॑ ದಾಧಾರ॒ ಯ-ತ್ತೃ॒ತೀಯೇ॑ ಸಂವಁಥ್ಸ॒ರೇ॑-ಽಭಿ॒ಜಿತಾ॒ ಯಜ॑ತೇ॒-ಽಭಿಜಿ॑ತ್ಯೈ॒ ಯ-ಥ್ಸಂ॑ವಁಥ್ಸ॒ರಮುಖ್ಯ॑-ಮ್ಬಿ॒ಭರ್ತೀ॒ಮಮೇ॒ವ [ ] 21

ತೇನ॑ ಲೋ॒ಕಗ್ಗ್ ಸ್ಪೃ॑ಣೋತಿ॒ ಯ-ದ್ದ್ವಿ॒ತೀಯೇ॑ ಸಂವಁಥ್ಸ॒ರೇ᳚-ಽಗ್ನಿ-ಞ್ಚಿ॑ನು॒ತೇ᳚ ಽನ್ತರಿ॑ಕ್ಷಮೇ॒ವ ತೇನ॑ ಸ್ಪೃಣೋತಿ॒ ಯ-ತ್ತೃ॒ತೀಯೇ॑ ಸಂವಁಥ್ಸ॒ರೇ ಯಜ॑ತೇ॒-ಽಮುಮೇ॒ವ ತೇನ॑ ಲೋ॒ಕಗ್ಗ್ ಸ್ಪೃ॑ಣೋತ್ಯೇ॒ತಂ-ವೈಁ ಪರ॑ ಆಟ್ಣಾ॒ರಃ ಕ॒ಕ್ಷೀವಾಗ್ಂ॑ ಔಶಿ॒ಜೋ ವೀ॒ತಹ॑ವ್ಯ-ಶ್ಶ್ರಾಯ॒ಸಸ್ತ್ರ॒ಸದ॑ಸ್ಯುಃ ಪೌರುಕು॒ಥ್ಸ್ಯಃ ಪ್ರ॒ಜಾಕಾ॑ಮಾ ಅಚಿನ್ವತ॒ ತತೋ॒ ವೈ ತೇ ಸ॒ಹಸ್ರಗ್ಂ॑ ಸಹಸ್ರ-ಮ್ಪು॒ತ್ರಾನ॑ವಿನ್ದನ್ತ॒ ಪ್ರಥ॑ತೇ ಪ್ರ॒ಜಯಾ॑ ಪ॒ಶುಭಿ॒ಸ್ತಾ-ಮ್ಮಾತ್ರಾ॑ಮಾಪ್ನೋತಿ॒ ಯಾ-ನ್ತೇ-ಽಗ॑ಚ್ಛ॒ನ್॒ ಯ ಏ॒ವಂ ಁವಿ॒ದ್ವಾನೇ॒ತಮ॒ಗ್ನಿ-ಞ್ಚಿ॑ನು॒ತೇ ॥ 22 ॥

(ದಾ॒ಧಾ॒ರ॒ ತ್ರಿ॒ಷ್ಟುಭ॑ - ಮಿ॒ಮಮೇ॒ವೈ - ವಂ - ಚ॒ತ್ವಾರಿ॑ ಚ) (ಅ. 5)

ಪ್ರ॒ಜಾಪ॑ತಿರ॒ಗ್ನಿಮ॑ಚಿನುತ॒ ಸ ಕ್ಷು॒ರಪ॑ವಿರ್ಭೂ॒ತ್ವಾ-ಽತಿ॑ಷ್ಠ॒-ತ್ತ-ನ್ದೇ॒ವಾ ಬಿಭ್ಯ॑ತೋ॒ ನೋಪಾ॑-ಽಽಯ॒-ನ್ತೇ ಛನ್ದೋ॑ಭಿರಾ॒ತ್ಮಾನ॑-ಞ್ಛಾದಯಿ॒ತ್ವೋಪಾ॑-ಽಽಯ॒-ನ್ತಚ್ಛನ್ದ॑ಸಾ-ಞ್ಛನ್ದ॒ಸ್ತ್ವ-ಮ್ಬ್ರಹ್ಮ॒ ವೈ ಛನ್ದಾಗ್ಂ॑ಸಿ॒ ಬ್ರಹ್ಮ॑ಣ ಏ॒ತ-ದ್ರೂ॒ಪಂ-ಯಁ-ತ್ಕೃ॑ಷ್ಣಾಜಿ॒ನ-ಙ್ಕಾರ್ಷ್ಣೀ॑ ಉಪಾ॒ನಹಾ॒ವುಪ॑ ಮುಞ್ಚತೇ॒ ಛನ್ದೋ॑ಭಿರೇ॒ವಾ-ಽಽತ್ಮಾನ॑-ಞ್ಛಾದಯಿ॒ತ್ವಾ-ಽಗ್ನಿಮುಪ॑ ಚರತ್ಯಾ॒ತ್ಮನೋ-ಽಹಿಗ್ಂ॑ಸಾಯೈ ದೇವನಿ॒ಧಿರ್ವಾ ಏ॒ಷ ನಿ ಧೀ॑ಯತೇ॒ ಯದ॒ಗ್ನಿ- [ಯದ॒ಗ್ನಿಃ, ಅ॒ನ್ಯೇ ವಾ॒ ವೈ] 23

-ರ॒ನ್ಯೇ ವಾ॒ ವೈ ನಿ॒ಧಿಮಗು॑ಪ್ತಂ-ವಿಁ॒ನ್ದನ್ತಿ॒ ನ ವಾ॒ ಪ್ರತಿ॒ ಪ್ರ ಜಾ॑ನಾತ್ಯು॒ಖಾಮಾ ಕ್ರಾ॑ಮತ್ಯಾ॒ತ್ಮಾನ॑ಮೇ॒ವಾಧಿ॒ಪಾ-ಙ್ಕು॑ರುತೇ॒ ಗುಪ್ತ್ಯಾ॒ ಅಥೋ॒ ಖಲ್ವಾ॑ಹು॒ರ್ನಾ-ಽಽಕ್ರಮ್ಯೇತಿ॑ ನೈರ್-ಋ॒ತ್ಯು॑ಖಾ ಯದಾ॒ಕ್ರಾಮೇ॒ನ್ನಿರ್-ಋ॑ತ್ಯಾ ಆ॒ತ್ಮಾನ॒ಮಪಿ॑ ದದ್ಧ್ಯಾ॒-ತ್ತಸ್ಮಾ॒ನ್ನಾ-ಽಽಕ್ರಮ್ಯಾ॑ ಪುರುಷಶೀ॒ರ್॒ಷಮುಪ॑ ದಧಾತಿ॒ ಗುಪ್ತ್ಯಾ॒ ಅಥೋ॒ ಯಥಾ᳚ ಬ್ರೂ॒ಯಾದೇ॒ತನ್ಮೇ॑ ಗೋಪಾ॒ಯೇತಿ॑ ತಾ॒ದೃಗೇ॒ವ ತ- [ತತ್, ಪ್ರ॒ಜಾಪ॑ತಿ॒ರ್ವಾ] 24

-ತ್ಪ್ರ॒ಜಾಪ॑ತಿ॒ರ್ವಾ ಅಥ॑ರ್ವಾ॒ ಽಗ್ನಿರೇ॒ವ ದ॒ದ್ಧ್ಯಙ್ಙಾ॑ಥರ್ವ॒ಣಸ್ತಸ್ಯೇಷ್ಟ॑ಕಾ ಅ॒ಸ್ಥಾನ್ಯೇ॒ತಗ್ಂ ಹ॒ ವಾವ ತದ್-ಋಷಿ॑ರ॒ಭ್ಯನೂ॑ವಾ॒ಚೇನ್ದ್ರೋ॑ ದಧೀ॒ಚೋ ಅ॒ಸ್ಥಭಿ॒ರಿತಿ॒ ಯದಿಷ್ಟ॑ಕಾಭಿರ॒ಗ್ನಿ-ಞ್ಚಿ॒ನೋತಿ॒ ಸಾತ್ಮಾ॑ನಮೇ॒ವಾಗ್ನಿ-ಞ್ಚಿ॑ನುತೇ॒ ಸಾತ್ಮಾ॒ಮುಷ್ಮಿ॑ನ್ ಁಲೋ॒ಕೇ ಭ॑ವತಿ॒ ಯ ಏ॒ವಂ-ವೇಁದ॒ ಶರೀ॑ರಂ॒-ವಾಁ ಏ॒ತದ॒ಗ್ನೇರ್ಯಚ್ಚಿತ್ಯ॑ ಆ॒ತ್ಮಾ ವೈ᳚ಶ್ವಾನ॒ರೋ ಯಚ್ಚಿ॒ತೇ ವೈ᳚ಶ್ವಾನ॒ರ-ಞ್ಜು॒ಹೋತಿ॒ ಶರೀ॑ರಮೇ॒ವ ಸ॒ಗ್ಗ್॒ಸ್ಕೃತ್ಯಾ॒- [ಸ॒ಗ್ಗ್॒ಸ್ಕೃತ್ಯಾ॑, ಅ॒ಭ್ಯಾರೋ॑ಹತಿ॒] 25

-ಽಭ್ಯಾರೋ॑ಹತಿ॒ ಶರೀ॑ರಂ॒-ವಾಁ ಏ॒ತ-ದ್ಯಜ॑ಮಾನ॒-ಸ್ಸಗ್ಗ್ ಸ್ಕು॑ರುತೇ॒ ಯದ॒ಗ್ನಿ-ಞ್ಚಿ॑ನು॒ತೇ ಯಚ್ಚಿ॒ತೇ ವೈ᳚ಶ್ವಾನ॒ರ-ಞ್ಜು॒ಹೋತಿ॒ ಶರೀ॑ರಮೇ॒ವ ಸ॒ಗ್ಗ್॒ಸ್ಕೃತ್ಯಾ॒ ಽಽತ್ಮನಾ॒-ಽಭ್ಯಾರೋ॑ಹತಿ॒ ತಸ್ಮಾ॒-ತ್ತಸ್ಯ॒ ನಾವ॑ ದ್ಯನ್ತಿ॒ ಜೀವ॑ನ್ನೇ॒ವ ದೇ॒ವಾನಪ್ಯೇ॑ತಿ ವೈಶ್ವಾನ॒ರ್ಯರ್ಚಾ ಪುರೀ॑ಷ॒ಮುಪ॑ ದಧಾತೀ॒ಯಂ-ವಾಁ ಅ॒ಗ್ನಿರ್ವೈ᳚ಶ್ವಾನ॒ರಸ್ತಸ್ಯೈ॒ಷಾ ಚಿತಿ॒ರ್ಯ-ತ್ಪುರೀ॑ಷಮ॒ಗ್ನಿಮೇ॒ವ ವೈ᳚ಶ್ವಾನ॒ರ-ಞ್ಚಿ॑ನುತ ಏ॒ಷಾ ವಾ ಅ॒ಗ್ನೇಃ ಪ್ರಿ॒ಯಾ ತ॒ನೂರ್ಯ-ದ್ವೈ᳚ಶ್ವಾನ॒ರಃ ಪ್ರಿ॒ಯಾಮೇ॒ವಾಸ್ಯ॑ ತ॒ನುವ॒ಮವ॑ ರುನ್ಧೇ ॥ 26 ॥

(ಅ॒ಗ್ನಿ - ಸ್ತಥ್ - ಸ॒ಗ್ಗ್॒ಸ್ಕೃತ್ಯಾ॒ - ಗ್ನೇ - ರ್ದಶ॑ ಚ) (ಅ. 6)

ಅ॒ಗ್ನೇರ್ವೈ ದೀ॒ಕ್ಷಯಾ॑ ದೇ॒ವಾ ವಿ॒ರಾಜ॑ಮಾಪ್ನುವ-ನ್ತಿ॒ಸ್ರೋ ರಾತ್ರೀ᳚ರ್ದೀಕ್ಷಿ॒ತ-ಸ್ಸ್ಯಾ᳚-ತ್ತ್ರಿ॒ಪದಾ॑ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ಷಡ್-ರಾತ್ರೀ᳚ರ್ದೀಕ್ಷಿ॒ತ-ಸ್ಸ್ಯಾ॒-ಥ್ಷ-ಡ್ವಾ ಋ॒ತವಃ॑ ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ದಶ॒ ರಾತ್ರೀ᳚ರ್ದೀಕ್ಷಿ॒ತ-ಸ್ಸ್ಯಾ॒-ದ್ದಶಾ᳚ಕ್ಷರಾ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ದ್ವಾದ॑ಶ॒ ರಾತ್ರೀ᳚ರ್ದೀಕ್ಷಿ॒ತ-ಸ್ಸ್ಯಾ॒-ದ್ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ತ್ರಯೋ॑ದಶ॒ ರಾತ್ರೀ᳚ರ್ದೀಕ್ಷಿ॒ತ-ಸ್ಸ್ಯಾ॒-ತ್ತ್ರಯೋ॑ದಶ॒ [ತ್ರಯೋ॑ದಶ, ಮಾಸಾ᳚-] 27

ಮಾಸಾ᳚-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ಪಞ್ಚ॑ದಶ॒ ರಾತ್ರೀ᳚ರ್ದೀಕ್ಷಿ॒ತ-ಸ್ಸ್ಯಾ॒-ತ್ಪಞ್ಚ॑ದಶ॒ ವಾ ಅ॑ರ್ಧಮಾ॒ಸಸ್ಯ॒ ರಾತ್ರ॑ಯೋ-ಽರ್ಧಮಾಸ॒ಶ-ಸ್ಸಂ॑ವಁಥ್ಸ॒ರ ಆ᳚ಪ್ಯತೇ ಸಂವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ ಸ॒ಪ್ತದ॑ಶ॒ ರಾತ್ರೀ᳚ರ್ದೀಕ್ಷಿ॒ತ-ಸ್ಸ್ಯಾ॒-ದ್ದ್ವಾದ॑ಶ॒ ಮಾಸಾಃ॒ ಪಞ್ಚ॒ರ್ತವ॒-ಸ್ಸ ಸಂ॑ವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ಚತು॑ರ್ವಿಗ್ಂಶತಿ॒ಗ್ಂ॒ ರಾತ್ರೀ᳚ರ್ದೀಕ್ಷಿ॒ತ-ಸ್ಸ್ಯಾ॒-ಚ್ಚತು॑ರ್ವಿಗ್ಂಶತಿರರ್ಧಮಾ॒ಸಾ-ಸ್ಸಂ॑ವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ ತ್ರಿ॒ಗ್ಂ॒ಶತ॒ಗ್ಂ॒ ರಾತ್ರೀ᳚ರ್ದೀಕ್ಷಿ॒ತ-ಸ್ಸ್ಯಾ᳚- [ರಾತ್ರೀ᳚ರ್ದೀಕ್ಷಿ॒ತ-ಸ್ಸ್ಯಾ᳚ತ್, ತ್ರಿ॒ಗ್ಂ॒ಶದ॑ಕ್ಷರಾ] 28

-ತ್ತ್ರಿ॒ಗ್ಂ॒ಶದ॑ಕ್ಷರಾ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ಮಾಸ॑-ನ್ದೀಕ್ಷಿ॒ತ-ಸ್ಸ್ಯಾ॒-ದ್ಯೋ ಮಾಸ॒-ಸ್ಸ ಸಂ॑ವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ ಚ॒ತುರೋ॑ ಮಾ॒ಸೋ ದೀ᳚ಕ್ಷಿ॒ತ-ಸ್ಸ್ಯಾ᳚ಚ್ಚ॒ತುರೋ॒ ವಾ ಏ॒ತ-ಮ್ಮಾ॒ಸೋ ವಸ॑ವೋ-ಽಬಿಭರು॒ಸ್ತೇ ಪೃ॑ಥಿ॒ವೀಮಾ-ಽಜ॑ಯ-ನ್ಗಾಯ॒ತ್ರೀ-ಞ್ಛನ್ದೋ॒-ಽಷ್ಟೌ ರು॒ದ್ರಾಸ್ತೇ᳚-ಽನ್ತರಿ॑ಕ್ಷ॒ಮಾ-ಽಜ॑ಯ-ನ್ತ್ರಿ॒ಷ್ಟುಭ॒-ಞ್ಛನ್ದೋ॒ ದ್ವಾದ॑ಶಾ-ಽಽದಿ॒ತ್ಯಾಸ್ತೇ ದಿವ॒ಮಾ-ಽಜ॑ಯ॒ನ್ ಜಗ॑ತೀ॒-ಞ್ಛನ್ದ॒ಸ್ತತೋ॒ ವೈ ತೇ ವ್ಯಾ॒ವೃತ॑-ಮಗಚ್ಛ॒ಞ್ಛ್ರೈಷ್ಠ್ಯ॑-ನ್ದೇ॒ವಾನಾ॒-ನ್ತಸ್ಮಾ॒-ದ್ದ್ವಾದ॑ಶ ಮಾ॒ಸೋ ಭೃ॒ತ್ವಾ-ಽಗ್ನಿ-ಞ್ಚಿ॑ನ್ವೀತ॒ ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರೋ᳚ -ಽಗ್ನಿಶ್ಚಿತ್ಯ॒ಸ್ತಸ್ಯಾ॑-ಹೋರಾ॒ತ್ರಾಣೀಷ್ಟ॑ಕಾ ಆ॒ಪ್ತೇಷ್ಟ॑ಕಮೇನ-ಞ್ಚಿನು॒ತೇ-ಽಥೋ᳚ ವ್ಯಾ॒ವೃತ॑ಮೇ॒ವ ಗ॑ಚ್ಛತಿ॒ ಶ್ರೈಷ್ಠ್ಯಗ್ಂ॑ ಸಮಾ॒ನಾನಾ᳚ಮ್ ॥ 29 ॥

(ಸ್ಯಾ॒-ತ್ತ್ರಯೋ॑ದಶ - ತ್ರಿ॒ಗ್ಂ॒ಶತ॒ಗ್ಂ॒ ರಾತ್ರೀ᳚ರ್ದೀಕ್ಷಿ॒ತ-ಸ್ಸ್ಯಾ॒-ದ್- ವೈ ತೇ᳚ - ಽಷ್ಟಾವಿಗ್ಂ॑ಶತಿಶ್ಚ) (ಅ. 7)

ಸು॒ವ॒ರ್ಗಾಯ॒ ವಾ ಏ॒ಷ ಲೋ॒ಕಾಯ॑ ಚೀಯತೇ॒ ಯದ॒ಗ್ನಿಸ್ತಂ-ಯಁನ್ನಾನ್ವಾ॒ರೋಹೇ᳚-ಥ್ಸುವ॒ರ್ಗಾಲ್ಲೋ॒ಕಾ-ದ್ಯಜ॑ಮಾನೋ ಹೀಯೇತ ಪೃಥಿ॒ವೀಮಾ-ಽಕ್ರ॑ಮಿಷ-ಮ್ಪ್ರಾ॒ಣೋ ಮಾ॒ ಮಾ ಹಾ॑ಸೀದ॒ನ್ತರಿ॑ಕ್ಷ॒ಮಾ-ಽಕ್ರ॑ಮಿಷ-ಮ್ಪ್ರ॒ಜಾ ಮಾ॒ ಮಾ ಹಾ॑ಸೀ॒-ದ್ದಿವ॒ಮಾ-ಽಕ್ರ॑ಮಿಷ॒ಗ್ಂ॒ ಸುವ॑ರಗ॒ನ್ಮೇತ್ಯಾ॑ಹೈ॒ಷ ವಾ ಅ॒ಗ್ನೇರ॑ನ್ವಾರೋ॒ಹಸ್ತೇನೈ॒ವೈನ॑-ಮ॒ನ್ವಾರೋ॑ಹತಿ ಸುವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ॒ ಯ-ತ್ಪ॒ಕ್ಷಸ॑ಮ್ಮಿತಾ-ಮ್ಮಿನು॒ಯಾ- [ಮಿನು॒ಯಾತ್, ಕನೀ॑ಯಾಗ್ಂಸ-] 30

-ತ್ಕನೀ॑ಯಾಗ್ಂಸಂ-ಯಁಜ್ಞಕ್ರ॒ತುಮುಪೇ॑ಯಾ॒-ತ್ಪಾಪೀ॑ಯಸ್ಯಸ್ಯಾ॒ ಽಽತ್ಮನಃ॑ ಪ್ರ॒ಜಾ ಸ್ಯಾ॒-ದ್ವೇದಿ॑ಸಮ್ಮಿತಾ-ಮ್ಮಿನೋತಿ॒ ಜ್ಯಾಯಾಗ್ಂ॑ಸಮೇ॒ವ ಯ॑ಜ್ಞಕ್ರ॒ತುಮುಪೈ॑ತಿ॒ ನಾಸ್ಯಾ॒-ಽಽತ್ಮನಃ॒ ಪಾಪೀ॑ಯಸೀ ಪ್ರ॒ಜಾ ಭ॑ವತಿ ಸಾಹ॒ಸ್ರ-ಞ್ಚಿ॑ನ್ವೀತ ಪ್ರಥ॒ಮ-ಞ್ಚಿ॑ನ್ವಾ॒ನ-ಸ್ಸ॒ಹಸ್ರ॑ಸಮ್ಮಿತೋ॒ ವಾ ಅ॒ಯಂ-ಲೋಁ॒ಕ ಇ॒ಮಮೇ॒ವ ಲೋ॒ಕಮ॒ಭಿ ಜ॑ಯತಿ॒ ದ್ವಿಷಾ॑ಹಸ್ರ-ಞ್ಚಿನ್ವೀತ ದ್ವಿ॒ತೀಯ॑-ಞ್ಚಿನ್ವಾ॒ನೋ ದ್ವಿಷಾ॑ಹಸ್ರಂ॒-ವಾಁ ಅ॒ನ್ತರಿ॑ಕ್ಷ-ಮ॒ನ್ತರಿ॑ಕ್ಷಮೇ॒ವಾಭಿ ಜ॑ಯತಿ॒ ತ್ರಿಷಾ॑ಹಸ್ರ-ಞ್ಚಿನ್ವೀತ ತೃ॒ತೀಯ॑-ಞ್ಚಿನ್ವಾ॒ನ- [ತೃ॒ತೀಯ॑-ಞ್ಚಿನ್ವಾ॒ನಃ, ತ್ರಿಷಾ॑ಹಸ್ರೋ॒ ವಾ ಅ॒ಸೌ] 31

-ಸ್ತ್ರಿಷಾ॑ಹಸ್ರೋ॒ ವಾ ಅ॒ಸೌ ಲೋ॒ಕೋ॑ ಽಮುಮೇ॒ವ ಲೋ॒ಕಮ॒ಭಿ ಜ॑ಯತಿ ಜಾನುದ॒ಘ್ನ-ಞ್ಚಿ॑ನ್ವೀತ ಪ್ರಥ॒ಮ-ಞ್ಚಿ॑ನ್ವಾ॒ನೋ ಗಾ॑ಯತ್ರಿ॒ಯೈವೇಮಂ-ಲೋಁ॒ಕಮ॒ಭ್ಯಾರೋ॑ಹತಿ ನಾಭಿದ॒ಘ್ನ-ಞ್ಚಿ॑ನ್ವೀತ ದ್ವಿ॒ತೀಯ॑-ಞ್ಚಿನ್ವಾ॒ನಸ್ತ್ರಿ॒ಷ್ಟುಭೈ॒ವಾ-ನ್ತರಿ॑ಕ್ಷ-ಮ॒ಭ್ಯಾರೋ॑ಹತಿ ಗ್ರೀವದ॒ಘ್ನ-ಞ್ಚಿ॑ನ್ವೀತ ತೃ॒ತೀಯ॑-ಞ್ಚಿನ್ವಾ॒ನೋ ಜಗ॑ತ್ಯೈ॒ವಾಮುನ್ ಁಲೋ॒ಕಮ॒ಭ್ಯಾರೋ॑ಹತಿ॒ ನಾಗ್ನಿ-ಞ್ಚಿ॒ತ್ವಾ ರಾ॒ಮಾಮುಪೇ॑ಯಾದಯೋ॒ನೌ ರೇತೋ॑ ಧಾಸ್ಯಾ॒ಮೀತಿ॒ ನ ದ್ವಿ॒ತೀಯ॑-ಞ್ಚಿ॒ತ್ವಾ-ಽನ್ಯಸ್ಯ॒ ಸ್ತ್ರಿಯ॒- [ಸ್ತ್ರಿಯ᳚ಮ್, ಉಪೇ॑ಯಾ॒ನ್ನ] 32

-ಮುಪೇ॑ಯಾ॒ನ್ನ ತೃ॒ತೀಯ॑-ಞ್ಚಿ॒ತ್ವಾ ಕಾ-ಞ್ಚ॒ನೋಪೇ॑ಯಾ॒-ದ್ರೇತೋ॒ ವಾ ಏ॒ತನ್ನಿ ಧ॑ತ್ತೇ॒ ಯದ॒ಗ್ನಿ-ಞ್ಚಿ॑ನು॒ತೇ ಯದು॑ಪೇ॒ಯಾ-ದ್ರೇತ॑ಸಾ॒ ವ್ಯೃ॑ದ್ಧ್ಯೇ॒ತಾ-ಽಥೋ॒ ಖಲ್ವಾ॑ಹುರ ಪ್ರಜ॒ಸ್ಯ-ನ್ತ-ದ್ಯನ್ನೋಪೇ॒ಯಾದಿತಿ॒ ಯ-ದ್ರೇ॑ತ॒ಸ್ಸಿಚಾ॑ವುಪ॒ದಧಾ॑ತಿ॒ ತೇ ಏ॒ವ ಯಜ॑ಮಾನಸ್ಯ॒ ರೇತೋ॑ ಬಿಭೃತ॒ಸ್ತಸ್ಮಾ॒-ದುಪೇ॑ಯಾ॒-ದ್ರೇತ॒ಸೋ-ಽಸ್ಕ॑ನ್ದಾಯ॒ ತ್ರೀಣಿ॒ ವಾವ ರೇತಾಗ್ಂ॑ಸಿ ಪಿ॒ತಾ ಪು॒ತ್ರಃ ಪೌತ್ರೋ॒ [ಪೌತ್ರಃ॑, ಯ-ದ್ದ್ವೇ ರೇ॑ತ॒ಸ್ಸಿಚಾ॑] 33

ಯ-ದ್ದ್ವೇ ರೇ॑ತ॒ಸ್ಸಿಚಾ॑-ವುಪದ॒ದ್ಧ್ಯಾ-ದ್ರೇತೋ᳚-ಽಸ್ಯ॒ ವಿಚ್ಛಿ॑ನ್ದ್ಯಾ-ತ್ತಿ॒ಸ್ರ ಉಪ॑ ದಧಾತಿ॒ ರೇತ॑ಸ॒-ಸ್ಸನ್ತ॑ತ್ಯಾ ಇ॒ಯಂ-ವಾಁವ ಪ್ರ॑ಥ॒ಮಾ ರೇ॑ತ॒ಸ್ಸಿಗ್ ವಾಗ್ವಾ ಇ॒ಯ-ನ್ತಸ್ಮಾ॒-ತ್ಪಶ್ಯ॑ನ್ತೀ॒ಮಾ-ಮ್ಪಶ್ಯ॑ನ್ತಿ॒ ವಾಚಂ॒-ವಁದ॑ನ್ತೀಮ॒ನ್ತರಿ॑ಕ್ಷ-ನ್ದ್ವಿ॒ತೀಯಾ᳚ ಪ್ರಾ॒ಣೋ ವಾ ಅ॒ನ್ತರಿ॑ಕ್ಷ॒-ನ್ತಸ್ಮಾ॒ನ್ನಾ-ಽನ್ತರಿ॑ಕ್ಷ॒-ಮ್ಪಶ್ಯ॑ನ್ತಿ॒ ನ ಪ್ರಾ॒ಣಮ॒ಸೌ ತೃ॒ತೀಯಾ॒ ಚಕ್ಷು॒ರ್ವಾ ಅ॒ಸೌ ತಸ್ಮಾ॒-ತ್ಪಶ್ಯ॑ನ್ತ್ಯ॒ಮೂ-ಮ್ಪಶ್ಯ॑ನ್ತಿ॒ ಚಕ್ಷು॒-ರ್ಯಜು॑ಷೇ॒ಮಾ-ಞ್ಚಾ॒- [ಚಕ್ಷು॒-ರ್ಯಜು॑ಷೇ॒ಮಾ-ಞ್ಚಾ॑, ಅ॒ಮೂ-ಞ್ಚೋಪ॑] 34

-ಽಮೂ-ಞ್ಚೋಪ॑ ದಧಾತಿ॒ ಮನ॑ಸಾ ಮದ್ಧ್ಯ॒ಮಾಮೇ॒ಷಾಂ-ಲೋಁ॒ಕಾನಾ॒-ಙ್ಕೢಪ್ತ್ಯಾ॒ ಅಥೋ᳚ ಪ್ರಾ॒ಣಾನಾ॑ಮಿ॒ಷ್ಟೋ ಯ॒ಜ್ಞೋ ಭೃಗು॑ಭಿರಾಶೀ॒ರ್ದಾ ವಸು॑ಭಿ॒ಸ್ತಸ್ಯ॑ ತ ಇ॒ಷ್ಟಸ್ಯ॑ ವೀ॒ತಸ್ಯ॒ ದ್ರವಿ॑ಣೇ॒ಹ ಭ॑ಕ್ಷೀ॒ಯೇತ್ಯಾ॑ಹ ಸ್ತುತಶ॒ಸ್ತ್ರೇ ಏ॒ವೈತೇನ॑ ದುಹೇ ಪಿ॒ತಾ ಮಾ॑ತ॒ರಿಶ್ವಾ-ಽಚ್ಛಿ॑ದ್ರಾ ಪ॒ದಾ ಧಾ॒ ಅಚ್ಛಿ॑ದ್ರಾ ಉ॒ಶಿಜಃ॑ ಪ॒ದಾ-ಽನು॑ ತಕ್ಷು॒-ಸ್ಸೋಮೋ॑ ವಿಶ್ವ॒ವಿನ್ನೇ॒ತಾ ನೇ॑ಷ॒-ದ್ಬೃಹ॒ಸ್ಪತಿ॑ರುಕ್ಥಾಮ॒ದಾನಿ॑ ಶಗ್ಂಸಿಷ॒ದಿತ್ಯಾ॑ಹೈ॒ತದ್ವಾ ಅ॒ಗ್ನೇರು॒ಕ್ಥ-ನ್ತೇನೈ॒ವೈನ॒ಮನು॑ ಶಗ್ಂಸತಿ ॥ 35 ॥

(ಮಿ॒ನು॒ಯಾತ್ - ತೃ॒ತೀಯ॑-ಞ್ಚಿನ್ವಾ॒ನಃ - ಸ್ತ್ರಿಯಂ॒ - ಪೌತ್ರ॑ - ಶ್ಚ॒ - ವೈ - ಸ॒ಪ್ತ ಚ॑) (ಅ. 8)

ಸೂ॒ಯತೇ॒ ವಾ ಏ॒ಷೋ᳚-ಽಗ್ನೀ॒ನಾಂ-ಯಁ ಉ॒ಖಾಯಾ᳚-ಮ್ಭ್ರಿ॒ಯತೇ॒ ಯದ॒ಧ-ಸ್ಸಾ॒ದಯೇ॒-ದ್ಗರ್ಭಾಃ᳚ ಪ್ರ॒ಪಾದು॑ಕಾ-ಸ್ಸ್ಯು॒ರಥೋ॒ ಯಥಾ॑ ಸ॒ವಾ-ತ್ಪ್ರ॑ತ್ಯವ॒ರೋಹ॑ತಿ ತಾ॒ದೃಗೇ॒ವ ತದಾ॑ಸ॒ನ್ದೀ ಸಾ॑ದಯತಿ॒ ಗರ್ಭಾ॑ಣಾ॒-ನ್ಧೃತ್ಯಾ॒ ಅಪ್ರ॑ಪಾದಾ॒ಯಾಥೋ॑ ಸ॒ವಮೇ॒ವೈನ॑-ಙ್ಕರೋತಿ॒ ಗರ್ಭೋ॒ ವಾ ಏ॒ಷ ಯದುಖ್ಯೋ॒ ಯೋನಿಃ॑ ಶಿ॒ಕ್ಯಂ॑-ಯಁಚ್ಛಿ॒ಕ್ಯಾ॑ದು॒ಖಾ-ನ್ನಿ॒ರೂಹೇ॒-ದ್ಯೋನೇ॒ರ್ಗರ್ಭ॒-ನ್ನಿರ್ಹ॑ಣ್ಯಾ॒-ಥ್ಷಡು॑ದ್ಯಾಮಗ್ಂ ಶಿ॒ಕ್ಯ॑-ಮ್ಭವತಿ ಷೋಢಾ ವಿಹಿ॒ತೋ ವೈ [ ] 36

ಪುರು॑ಷ ಆ॒ತ್ಮಾ ಚ॒ ಶಿರ॑ಶ್ಚ ಚ॒ತ್ವಾರ್ಯಙ್ಗಾ᳚ನ್ಯಾ॒ತ್ಮನ್ನೇ॒ವೈನ॑-ಮ್ಬಿಭರ್ತಿ ಪ್ರ॒ಜಾಪ॑ತಿ॒ರ್ವಾ ಏ॒ಷ ಯದ॒ಗ್ನಿಸ್ತಸ್ಯೋ॒ಖಾ ಚೋ॒ಲೂಖ॑ಲ-ಞ್ಚ॒ ಸ್ತನೌ॒ ತಾವ॑ಸ್ಯ ಪ್ರ॒ಜಾ ಉಪ॑ ಜೀವನ್ತಿ॒ ಯದು॒ಖಾ-ಞ್ಚೋ॒ಲೂಖ॑ಲ-ಞ್ಚೋಪ॒ದಧಾ॑ತಿ॒ ತಾಭ್ಯಾ॑ಮೇ॒ವ ಯಜ॑ಮಾನೋ॒-ಽಮುಷ್ಮಿ॑ನ್ ಁಲೋ॒ಕೇ᳚-ಽಗ್ನಿ-ನ್ದು॑ಹೇ ಸಂವಁಥ್ಸ॒ರೋ ವಾ ಏ॒ಷ ಯದ॒ಗ್ನಿಸ್ತಸ್ಯ॑ ತ್ರೇಧಾವಿಹಿ॒ತಾ ಇಷ್ಟ॑ಕಾಃ ಪ್ರಾಜಾಪ॒ತ್ಯಾ ವೈ᳚ಷ್ಣ॒ವೀ- [ವೈ᳚ಷ್ಣ॒ವೀಃ, ವೈ॒ಶ್ವ॒ಕ॒ರ್ಮ॒ಣೀ-] 37

-ರ್ವೈ᳚ಶ್ವಕರ್ಮ॒ಣೀ-ರ॑ಹೋರಾ॒ತ್ರಾಣ್ಯೇ॒ವಾ-ಽಸ್ಯ॑ ಪ್ರಾಜಾಪ॒ತ್ಯಾ ಯದುಖ್ಯ॑-ಮ್ಬಿ॒ಭರ್ತಿ॑ ಪ್ರಾಜಾಪ॒ತ್ಯಾ ಏ॒ವ ತದುಪ॑ ಧತ್ತೇ॒ ಯ-ಥ್ಸ॒ಮಿಧ॑ ಆ॒ದಧಾ॑ತಿ ವೈಷ್ಣ॒ವಾ ವೈ ವನ॒ಸ್ಪತ॑ಯೋ ವೈಷ್ಣ॒ವೀರೇ॒ವ ತದುಪ॑ ಧತ್ತೇ॒ ಯದಿಷ್ಟ॑ಕಾಭಿರ॒ಗ್ನಿ-ಞ್ಚಿ॒ನೋತೀ॒ಯಂ-ವೈಁ ವಿ॒ಶ್ವಕ॑ರ್ಮಾ ವೈಶ್ವಕರ್ಮ॒ಣೀರೇ॒ವ ತದುಪ॑ ಧತ್ತೇ॒ ತಸ್ಮಾ॑-ದಾಹು-ಸ್ತ್ರಿ॒ವೃದ॒ಗ್ನಿರಿತಿ॒ ತಂ-ವಾಁ ಏ॒ತಂ-ಯಁಜ॑ಮಾನ ಏ॒ವ ಚಿ॑ನ್ವೀತ॒ ಯದ॑ಸ್ಯಾ॒ನ್ಯ ಶ್ಚಿ॑ನು॒ಯಾದ್ಯ-ತ್ತ-ನ್ದಕ್ಷಿ॑ಣಾಭಿ॒ರ್ನ ರಾ॒ಧಯೇ॑ದ॒ಗ್ನಿಮ॑ಸ್ಯ ವೃಞ್ಜೀತ॒ ಯೋ᳚-ಽಸ್ಯಾ॒-ಽಗ್ನಿ-ಞ್ಚಿ॑ನು॒ಯಾ-ತ್ತ-ನ್ದಕ್ಷಿ॑ಣಾಭೀ ರಾಧಯೇದ॒ಗ್ನಿಮೇ॒ವ ತ-ಥ್ಸ್ಪೃ॑ಣೋತಿ ॥ 38 ॥

(ಷೋ॒ಢಾ॒ವಿ॒ಹಿ॒ತೋ ವೈ - ವೈ᳚ಷ್ಣ॒ವೀ - ರ॒ನ್ಯೋ - ವಿಗ್ಂ॑ಶ॒ತಿಶ್ಚ॑) (ಅ. 9)

ಪ್ರ॒ಜಾಪ॑ತಿ-ರ॒ಗ್ನಿ-ಮ॑ಚಿನುತ॒ರ್ತುಭಿಃ॑ ಸಂವಁಥ್ಸ॒ರಂ-ವಁ॑ಸ॒ನ್ತೇನೈ॒ವಾಸ್ಯ॑ ಪೂರ್ವಾ॒ರ್ಧಮ॑ಚಿನುತ ಗ್ರೀ॒ಷ್ಮೇಣ॒ ದಕ್ಷಿ॑ಣ-ಮ್ಪ॒ಕ್ಷಂ-ವಁ॒ರ್॒ಷಾಭಿಃ॒ ಪುಚ್ಛಗ್ಂ॑ ಶ॒ರದೋತ್ತ॑ರ-ಮ್ಪ॒ಕ್ಷಗ್ಂ ಹೇ॑ಮ॒ನ್ತೇನ॒ ಮದ್ಧ್ಯ॒-ಮ್ಬ್ರಹ್ಮ॑ಣಾ॒ ವಾ ಅ॑ಸ್ಯ॒ ತ-ತ್ಪೂ᳚ರ್ವಾ॒ರ್ಧಮ॑ಚಿನುತ ಕ್ಷ॒ತ್ರೇಣ॒ ದಕ್ಷಿ॑ಣ-ಮ್ಪ॒ಕ್ಷ-ಮ್ಪ॒ಶುಭಿಃ॒ ಪುಚ್ಛಂ॑-ವಿಁ॒ಶೋತ್ತ॑ರ-ಮ್ಪ॒ಕ್ಷಮಾ॒ಶಯಾ॒ ಮದ್ಧ್ಯಂ॒-ಯಁ ಏ॒ವಂ-ವಿಁ॒ದ್ವಾನ॒ಗ್ನಿ-ಞ್ಚಿ॑ನು॒ತ ಋ॒ತುಭಿ॑ರೇ॒ವೈನ॑-ಞ್ಚಿನು॒ತೇ-ಽಥೋ॑ ಏ॒ತದೇ॒ವ ಸರ್ವ॒ಮವ॑ - [ಸರ್ವ॒ಮವ॑, ರು॒ನ್ಧೇ॒ ಶೃ॒ಣ್ವನ್ತ್ಯೇ॑ನ] 39

ರುನ್ಧೇ ಶೃ॒ಣ್ವನ್ತ್ಯೇ॑ನ-ಮ॒ಗ್ನಿ-ಞ್ಚಿ॑ಕ್ಯಾ॒ನಮತ್ತ್ಯನ್ನ॒ಗ್ಂ॒ ರೋಚ॑ತ ಇ॒ಯಂ-ವಾಁವ ಪ್ರ॑ಥ॒ಮಾ ಚಿತಿ॒ರೋಷ॑ಧಯೋ॒ ವನ॒ಸ್ಪತ॑ಯಃ॒ ಪುರೀ॑ಷಮ॒ನ್ತರಿ॑ಕ್ಷ-ನ್ದ್ವಿ॒ತೀಯಾ॒ ವಯಾಗ್ಂ॑ಸಿ॒ ಪುರೀ॑ಷಮ॒ಸೌ ತೃ॒ತೀಯಾ॒ ನಕ್ಷ॑ತ್ರಾಣಿ॒ ಪುರೀ॑ಷಂ-ಯಁ॒ಜ್ಞಶ್ಚ॑ತು॒ರ್ಥೀ ದಕ್ಷಿ॑ಣಾ॒ ಪುರೀ॑ಷಂ॒-ಯಁಜ॑ಮಾನಃ ಪಞ್ಚ॒ಮೀ ಪ್ರ॒ಜಾ ಪುರೀ॑ಷಂ॒-ಯಁ-ತ್ತ್ರಿಚಿ॑ತೀಕ-ಞ್ಚಿನ್ವೀ॒ತ ಯ॒ಜ್ಞ-ನ್ದಕ್ಷಿ॑ಣಾಮಾ॒ತ್ಮಾನ॑-ಮ್ಪ್ರ॒ಜಾಮ॒ನ್ತರಿ॑ಯಾ॒-ತ್ತಸ್ಮಾ॒-ತ್ಪಞ್ಚ॑ಚಿತೀಕಶ್ಚೇತ॒ವ್ಯ॑ ಏ॒ತದೇ॒ವ ಸರ್ವಗ್ಗ್॑ ಸ್ಪೃಣೋತಿ॒ ಯ-ತ್ತಿ॒ಸ್ರಶ್ಚಿತ॑ಯ- [ಯ-ತ್ತಿ॒ಸ್ರಶ್ಚಿತ॑ಯಃ, ತ್ರಿ॒ವೃದ್ಧ್ಯ॑ಗ್ನಿರ್ಯ-ದ್ದ್ವೇ] 40

-ಸ್ತ್ರಿ॒ವೃದ್ಧ್ಯ॑ಗ್ನಿರ್ಯ-ದ್ದ್ವೇ ದ್ವಿ॒ಪಾ-ದ್ಯಜ॑ಮಾನಃ॒ ಪ್ರತಿ॑ಷ್ಠಿತ್ಯೈ॒ ಪಞ್ಚ॒ ಚಿತ॑ಯೋ ಭವನ್ತಿ॒ ಪಾಙ್ಕ್ತಃ॒ ಪುರು॑ಷ ಆ॒ತ್ಮಾನ॑ಮೇ॒ವ ಸ್ಪೃ॑ಣೋತಿ॒ ಪಞ್ಚ॒ ಚಿತ॑ಯೋ ಭವನ್ತಿ ಪ॒ಞ್ಚಭಿಃ॒ ಪುರೀ॑ಷೈರ॒ಭ್ಯೂ॑ಹತಿ॒ ದಶ॒ ಸ-ಮ್ಪ॑ದ್ಯನ್ತೇ॒ ದಶಾ᳚ಕ್ಷರೋ॒ ವೈ ಪುರು॑ಷೋ॒ ಯಾವಾ॑ನೇ॒ವ ಪುರು॑ಷ॒ಸ್ತಗ್ಗ್ ಸ್ಪೃ॑ಣೋ॒ತ್ಯಥೋ॒ ದಶಾ᳚ಕ್ಷರಾ ವಿ॒ರಾಡನ್ನಂ॑-ವಿಁ॒ರಾ-ಡ್ವಿ॒ರಾಜ್ಯೇ॒ವಾನ್ನಾದ್ಯೇ॒ ಪ್ರತಿ॑ ತಿಷ್ಠತಿ ಸಂವಁಥ್ಸ॒ರೋ ವೈ ಷ॒ಷ್ಠೀ ಚಿತಿ॑ರ್-ಋ॒ತವಃ॒ ಪುರೀ॑ಷ॒ಗ್ಂ॒ ಷಟ್ ಚಿತ॑ಯೋ ಭವನ್ತಿ॒ ಷಟ್ ಪುರೀ॑ಷಾಣಿ॒ ದ್ವಾದ॑ಶ॒ ಸ-ಮ್ಪ॑ದ್ಯನ್ತೇ॒ ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರ ಏ॒ವ ಪ್ರತಿ॑ ತಿಷ್ಠತಿ ॥ 41 ॥

(ಅವ॒ - ಚಿತ॑ಯಃ॒ - ಪುರೀ॑ಷಂ॒ - ಪಞ್ಚ॑ದಶ ಚ) (ಅ. 10)

ರೋಹಿ॑ತೋ ಧೂ॒ಮ್ರರೋ॑ಹಿತಃ ಕ॒ರ್ಕನ್ಧು॑ರೋಹಿತ॒ಸ್ತೇ ಪ್ರಾ॑ಜಾಪ॒ತ್ಯಾ ಬ॒ಭ್ರುರ॑ರು॒ಣಬ॑ಭ್ರು॒-ಶ್ಶುಕ॑ಬಭ್ರು॒ಸ್ತೇ ರೌ॒ದ್ರಾ-ಶ್ಶ್ಯೇತಃ॑ ಶ್ಯೇತಾ॒ಕ್ಷ-ಶ್ಶ್ಯೇತ॑ಗ್ರೀವ॒ಸ್ತೇ ಪಿ॑ತೃದೇವ॒ತ್ಯಾ᳚ಸ್ತಿ॒ಸ್ರಃ ಕೃ॒ಷ್ಣಾ ವ॒ಶಾ ವಾ॑ರು॒ಣ್ಯ॑ಸ್ತಿ॒ಸ್ರ-ಶ್ಶ್ವೇ॒ತಾ ವ॒ಶಾ-ಸ್ಸೌ॒ರ್ಯೋ॑ ಮೈತ್ರಾಬಾರ್ಹಸ್ಪ॒ತ್ಯಾ ಧೂ॒ಮ್ರಲ॑ಲಾಮಾಸ್ತೂಪ॒ರಾಃ ॥ 42 ॥

(ರೋಹಿ॑ತಃ॒-ಷಡ್ವಗ್ಂ॑ಶತಿಃ) (ಅ. 11)

ಪೃಶ್ಞಿ॑-ಸ್ತಿರ॒ಶ್ಚೀನ॑-ಪೃಶ್ಞಿರೂ॒ರ್ಧ್ವ-ಪೃ॑ಶ್ಞಿ॒ಸ್ತೇ ಮಾ॑ರು॒ತಾಃ ಫ॒ಲ್ಗೂರ್ಲೋ॑ಹಿತೋ॒ರ್ಣೀ ಬ॑ಲ॒ಕ್ಷೀ ತಾ-ಸ್ಸಾ॑ರಸ್ವ॒ತ್ಯಃ॑ ಪೃಷ॑ತೀ ಸ್ಥೂ॒ಲಪೃ॑ಷತೀ ಕ್ಷು॒ದ್ರಪೃ॑ಷತೀ॒ ತಾ ವೈ᳚ಶ್ವದೇ॒ವ್ಯ॑ಸ್ತಿ॒ಸ್ರ-ಶ್ಶ್ಯಾ॒ಮಾ ವ॒ಶಾಃ ಪೌ॒ಷ್ಣಿಯ॑ಸ್ತಿ॒ಸ್ರೋ ರೋಹಿ॑ಣೀರ್ವ॒ಶಾ ಮೈ॒ತ್ರಿಯ॑ ಐನ್ದ್ರಾಬಾರ್ಹಸ್ಪ॒ತ್ಯಾ ಅ॑ರು॒ಣಲ॑ಲಾಮಾಸ್ತೂಪ॒ರಾಃ ॥ 43 ॥

(ಪೃಶ್ಞಿಃ॒ - ಷಡ್ವಿಗ್ಂ॑ಶತಿಃ) (ಅ. 12)

ಶಿ॒ತಿ॒ಬಾ॒ಹು-ರ॒ನ್ಯತ॑ಶ್ಶಿತಿಬಾಹು-ಸ್ಸಮ॒ನ್ತ ಶಿ॑ತಿಬಾಹು॒ಸ್ತ ಐ᳚ನ್ದ್ರವಾಯ॒ವಾ-ಶ್ಶಿ॑ತಿ॒ರನ್ಧ್ರೋ॒ ಽನ್ಯತ॑ಶ್ಶಿತಿರನ್ಧ್ರ-ಸ್ಸಮ॒ನ್ತಶಿ॑ತಿರನ್ಧ್ರ॒ಸ್ತೇ ಮೈ᳚ತ್ರಾವರು॒ಣಾ-ಶ್ಶು॒ದ್ಧವಾ॑ಲ-ಸ್ಸ॒ರ್ವಶು॑ದ್ಧವಾಲೋ ಮ॒ಣಿವಾ॑ಲ॒ಸ್ತ ಆ᳚ಶ್ವಿ॒ನಾಸ್ತಿ॒ಸ್ರ-ಶ್ಶಿ॒ಲ್ಪಾ ವ॒ಶಾ ವೈ᳚ಶ್ವದೇ॒ವ್ಯ॑ಸ್ತಿ॒ಸ್ರ-ಶ್ಶ್ಯೇನೀಃ᳚ ಪರಮೇ॒ಷ್ಠಿನೇ॑ ಸೋಮಾಪೌ॒ಷ್ಣಾ-ಶ್ಶ್ಯಾ॒ಮಲ॑ಲಾಮಾಸ್ತೂಪ॒ರಾಃ ॥ 44 ॥

(ಶಿ॒ತಿ॒ಬಾ॒ಹುಃ ಪಞ್ಚ॑ವಿಗ್ಂಶತಿಃ) (ಅ. 13)

ಉ॒ನ್ನ॒ತ ಋ॑ಷ॒ಭೋ ವಾ॑ಮ॒ನಸ್ತ ಐ᳚ನ್ದ್ರಾವರು॒ಣಾ-ಶ್ಶಿತಿ॑ಕಕುಚ್ಛಿತಿಪೃ॒ಷ್ಠ-ಶ್ಶಿತಿ॑ಭಸ॒-ತ್ತ ಐ᳚ನ್ದ್ರಾಬಾರ್ಹಸ್ಪ॒ತ್ಯಾ-ಶ್ಶಿ॑ತಿ॒ಪಾಚ್ಛಿ॒ತ್ಯೋಷ್ಠಃ॑ ಶಿತಿ॒ಭ್ರುಸ್ತ ಐ᳚ನ್ದ್ರಾವೈಷ್ಣ॒ವಾಸ್ತಿ॒ಸ್ರ-ಸ್ಸಿ॒ದ್ಧ್ಮಾ ವ॒ಶಾ ವೈ᳚ಶ್ವಕರ್ಮ॒ಣ್ಯ॑ಸ್ತಿ॒ಸ್ರೋ ಧಾ॒ತ್ರೇ ಪೃ॑ಷೋದ॒ರಾ ಐ᳚ನ್ದ್ರಾಪೌ॒ಷ್ಣಾ-ಶ್ಶ್ಯೇತ॑ಲಲಾಮಾಸ್ತೂಪ॒ರಾಃ ॥ 45 ॥

(ಉ॒ನ್ನ॒ತಃ ಪಞ್ಚ॑ವಿಗ್ಂಶತಿಃ) (ಅ. 14)

ಕ॒ರ್ಣಾಸ್ತ್ರಯೋ॑ ಯಾ॒ಮಾ-ಸ್ಸೌ॒ಮ್ಯಾಸ್ತ್ರಯಃ॑ ಶ್ವಿತಿ॒ಙ್ಗಾ ಅ॒ಗ್ನಯೇ॒ ಯವಿ॑ಷ್ಠಾಯ॒ ತ್ರಯೋ॑ ನಕು॒ಲಾಸ್ತಿ॒ಸ್ರೋ ರೋಹಿ॑ಣೀ॒ಸ್ತ್ರ್ಯವ್ಯ॒ಸ್ತಾ ವಸೂ॑ನಾ-ನ್ತಿ॒ಸ್ರೋ॑-ಽರು॒ಣಾ ದಿ॑ತ್ಯೌ॒ಹ್ಯ॑ಸ್ತಾ ರು॒ದ್ರಾಣಾಗ್ಂ॑ ಸೋಮೈ॒ನ್ದ್ರಾ ಬ॒ಭ್ರುಲ॑ಲಾಮಾಸ್ತೂಪ॒ರಾಃ ॥ 46 ॥

(ಕ॒ರ್ಣಾಸ್ತ್ರಯೋ॑ - ವಿಗ್ಂಶತಿಃ) (ಅ. 15)

ಶು॒ಣ್ಠಾಸ್ತ್ರಯೋ॑ ವೈಷ್ಣ॒ವಾ ಅ॑ಧೀಲೋಧ॒ಕರ್ಣಾ॒ಸ್ತ್ರಯೋ॒ ವಿಷ್ಣ॑ವ ಉರುಕ್ರ॒ಮಾಯ॑ ಲಫ್ಸು॒ದಿನ॒ಸ್ತ್ರಯೋ॒ ವಿಷ್ಣ॑ವ ಉರುಗಾ॒ಯಾಯ॒ ಪಞ್ಚಾ॑ವೀಸ್ತಿ॒ಸ್ರ ಆ॑ದಿ॒ತ್ಯಾನಾ᳚-ನ್ತ್ರಿವ॒ಥ್ಸಾ-ಸ್ತಿ॒ಸ್ರೋ-ಽಙ್ಗಿ॑ರಸಾಮೈನ್ದ್ರಾವೈಷ್ಣ॒ವಾ ಗೌ॒ರಲ॑ಲಾಮಾಸ್ತೂಪ॒ರಾಃ ॥ 47 ॥

(ಶು॒ಣ್ಠಾ - ವಿಗ್ಂ॑ಶ॒ತಿಃ) (ಅ. 16)

ಇನ್ದ್ರಾ॑ಯ॒ ರಾಜ್ಞೇ॒ ತ್ರಯಃ॑ ಶಿತಿಪೃ॒ಷ್ಠಾ ಇನ್ದ್ರಾ॑ಯಾ-ಧಿರಾ॒ಜಾಯ॒ ತ್ರಯ॒-ಶ್ಶಿತಿ॑ಕಕುದ॒ ಇನ್ದ್ರಾ॑ಯ ಸ್ವ॒ರಾಜ್ಞೇ॒ ತ್ರಯ॒-ಶ್ಶಿತಿ॑ಭಸ-ದಸ್ತಿ॒ಸ್ರಸ್ತು॑ರ್ಯೌ॒ಹ್ಯಃ॑ ಸಾ॒ದ್ಧ್ಯಾನಾ᳚-ನ್ತಿ॒ಸ್ರಃ ಪ॑ಷ್ಠೌ॒ಹ್ಯೋ॑ ವಿಶ್ವೇ॑ಷಾ-ನ್ದೇ॒ವಾನಾ॑ಮಾಗ್ನೇ॒ನ್ದ್ರಾಃ ಕೃ॒ಷ್ಣಲ॑ಲಾಮಾಸ್ತೂಪ॒ರಾಃ ॥ 48 ॥

(ಇನ್ದ್ರಾ॑ಯ॒ ರಾಜ್ಞೇ॒ - ದ್ವಾವಿಗ್ಂ॑ಶತಿಃ) (ಅ. 17)

ಅದಿ॑ತ್ಯೈ॒ ತ್ರಯೋ॑ ರೋಹಿತೈ॒ತಾ ಇ॑ನ್ದ್ರಾ॒ಣ್ಯೈ ತ್ರಯಃ॑ ಕೃಷ್ಣೈ॒ತಾಃ ಕು॒ಹ್ವೈ᳚ ತ್ರಯೋ॑-ಽರುಣೈ॒ತಾಸ್ತಿ॒ಸ್ರೋ ಧೇ॒ನವೋ॑ ರಾ॒ಕಾಯೈ॒ ತ್ರಯೋ॑-ಽನ॒ಡ್ವಾಹಃ॑ ಸಿನೀವಾ॒ಲ್ಯಾ ಆ᳚ಗ್ನಾವೈಷ್ಣ॒ವಾ ರೋಹಿ॑ತಲಲಾಮಾಸ್ತೂಪ॒ರಾಃ ॥ 49 ॥

(ಅದಿ॑ತ್ಯಾ-ಅ॒ಷ್ಟಾದ॑ಶ) (ಅ. 18)

ಸೌ॒ಮ್ಯಾಸ್ತ್ರಯಃ॑ ಪಿ॒ಶಙ್ಗಾ॒-ಸ್ಸೋಮಾ॑ಯ॒ ರಾಜ್ಞೇ॒ ತ್ರಯಃ॑ ಸಾ॒ರಙ್ಗಾಃ᳚ ಪಾರ್ಜ॒ನ್ಯಾ ನಭೋ॑ರೂಪಾಸ್ತಿ॒ಸ್ರೋ॑-ಽಜಾ ಮ॒ಲ್॒ಹಾ ಇ॑ನ್ದ್ರಾ॒ಣ್ಯೈ ತಿ॒ಸ್ರೋ ಮೇ॒ಷ್ಯ॑ ಆದಿ॒ತ್ಯಾ ದ್ಯಾ॑ವಾಪೃಥಿ॒ವ್ಯಾ॑ ಮಾ॒ಲಙ್ಗಾ᳚ಸ್ತೂಪ॒ರಾಃ ॥ 50 ॥

(ಸೌ॒ಮ್ಯಾ - ಏಕಾ॒ನ್ನವಿಗ್ಂ॑ಶ॒ತಿಃ) (ಅ. 19)

ವಾ॒ರು॒ಣಾಸ್ತ್ರಯಃ॑ ಕೃ॒ಷ್ಣಲ॑ಲಾಮಾ॒ ವರು॑ಣಾಯ॒ ರಾಜ್ಞೇ॒ ತ್ರಯೋ॒ ರೋಹಿ॑ತಲಲಾಮಾ॒ ವರು॑ಣಾಯ ರಿ॒ಶಾದ॑ಸೇ॒ ತ್ರಯೋ॑-ಽರು॒ಣಲ॑ಲಾಮಾ-ಶ್ಶಿ॒ಲ್ಪಾಸ್ತ್ರಯೋ॑ ವೈಶ್ವದೇ॒ವಾಸ್ತ್ರಯಃ॒ ಪೃಶ್ಞ॑ಯ-ಸ್ಸರ್ವದೇವ॒ತ್ಯಾ॑ ಐನ್ದ್ರಾಸೂ॒ರಾ-ಶ್ಶ್ಯೇತ॑ಲಲಾಮಾಸ್ತೂಪ॒ರಾಃ ॥ 51 ॥

(ವಾ॒ರು॒ಣಾ - ವಿಗ್ಂ॑ಶ॒ತಿಃ) (ಅ. 20)

ಸೋಮಾ॑ಯ ಸ್ವ॒ರಾಜ್ಞೇ॑-ಽನೋವಾ॒ಹಾವ॑ನ॒ಡ್ವಾಹಾ॑-ವಿನ್ದ್ರಾ॒ಗ್ನಿಭ್ಯಾ॑-ಮೋಜೋ॒ದಾಭ್ಯಾ॒ಮುಷ್ಟಾ॑ರಾ-ವಿನ್ದ್ರಾ॒ಗ್ನಿಭ್ಯಾ᳚-ಮ್ಬಲ॒ದಾಭ್ಯಾಗ್ಂ॑ ಸೀರವಾ॒ಹಾವವೀ॒ ದ್ವೇ ಧೇ॒ನೂ ಭೌ॒ಮೀ ದಿ॒ಗ್ಭ್ಯೋ ವಡ॑ಬೇ॒ ದ್ವೇ ಧೇ॒ನೂ ಭೌ॒ಮೀ ವೈ॑ರಾ॒ಜೀ ಪು॑ರು॒ಷೀ ದ್ವೇ ಧೇ॒ನೂ ಭೌ॒ಮೀ ವಾ॒ಯವ॑ ಆರೋಹಣವಾ॒ಹಾವ॑ನ॒ಡ್ವಾಹೌ॑ ವಾರು॒ಣೀ ಕೃ॒ಷ್ಣೇ ವ॒ಶೇ ಅ॑ರಾ॒ಡ್ಯೌ॑ ದಿ॒ವ್ಯಾವೃ॑ಷ॒ಭೌ ಪ॑ರಿಮ॒ರೌ ॥ 52 ॥

(ಸೋಮಾ॑ಯ ಸ್ವ॒ರಾಜ್ಞೇ॒ - ಚತು॑ಸ್ತ್ರಿಗ್ಂಶತ್) (ಅ. 21)

ಏಕಾ॑ದಶ ಪ್ರಾ॒ತರ್ಗ॒ವ್ಯಾಃ ಪ॒ಶವ॒ ಆ ಲ॑ಭ್ಯನ್ತೇ ಛಗ॒ಲಃ ಕ॒ಲ್ಮಾಷಃ॑ ಕಿಕಿದೀ॒ವಿರ್ವಿ॑ದೀ॒ಗಯ॒ಸ್ತೇ ತ್ವಾ॒ಷ್ಟ್ರಾ-ಸ್ಸೌ॒ರೀರ್ನವ॑ ಶ್ವೇ॒ತಾ ವ॒ಶಾ ಅ॑ನೂಬ॒ನ್ಧ್ಯಾ॑ ಭವನ್ತ್ಯಾಗ್ನೇ॒ಯ ಐ᳚ನ್ದ್ರಾ॒ಗ್ನ ಆ᳚ಶ್ವಿ॒ನಸ್ತೇ ವಿ॑ಶಾಲಯೂ॒ಪ ಆ ಲ॑ಭ್ಯನ್ತೇ ॥ 53 ॥

(ಐಕಾ॑ದಶ ಪ್ರಾ॒ತಃ - ಪಞ್ಚ॑ವಿಗ್ಂಶತಿಃ) (ಅ. 22)

ಪಿ॒ಶಙ್ಗಾ॒ಸ್ತ್ರಯೋ॑ ವಾಸ॒ನ್ತಾ-ಸ್ಸಾ॒ರಙ್ಗಾ॒ಸ್ತ್ರಯೋ॒ ಗ್ರೈಷ್ಮಾಃ॒ ಪೃಷ॑ನ್ತ॒ಸ್ತ್ರಯೋ॒ ವಾರ್ಷಿ॑ಕಾಃ॒ ಪೃಶ್ಞ॑ಯ॒ಸ್ತ್ರಯಃ॑ ಶಾರ॒ದಾಃ ಪೃ॑ಶ್ಞಿಸ॒ಕ್ಥಾ-ಸ್ತ್ರಯೋ॒ ಹೈಮ॑ನ್ತಿಕಾ ಅವಲಿ॒ಪ್ತಾಸ್ತ್ರಯಃ॑ ಶೈಶಿ॒ರಾ-ಸ್ಸಂ॑ವಁಥ್ಸ॒ರಾಯ॒ ನಿವ॑ಕ್ಷಸಃ ॥ 54 ॥

(ಪಿ॒ಶಙ್ಗಾ॑ - ವಿಗ್ಂಶ॒ತಿಃ) (ಅ. 23)

(ರೋಹಿ॑ತಃ ಕೃ॒ಷ್ಣಾ ಧೂ॒ಮ್ರಲ॑ಲಾಮಾಃ॒ - ಪೃಶ್ಞಿಃ॑ ಶ್ಯಾ॒ಮಾ ಅ॑ರು॒ಣಲ॑ಲಾಮಾಃ -ಶಿತಿಬಾ॒ಹು-ಶ್ಶಿ॒ಲ್ಪಾ-ಶ್ಶ್ಯೇನೀ᳚-ಶ್ಶ್ಯಾ॒ಮಲ॑ಲಾಮಾ - ಉನ್ನ॒ತ-ಸ್ಸಿ॒ದ್ಧ್ಮಾ ಧಾ॒ತ್ರೇ ಪೌ॒ಷ್ಣಾ-ಶ್ಶ್ಯೇತ॑ಲಲಾಮಾಃ - ಕ॒ರ್ಣಾ ಬ॒ಭ್ರುಲ॑ಲಾಮಾಃ - ಶು॒ಣ್ಠಾ ಗೌ॒ರಲ॑ಲಾಮಾ॒ - ಇನ್ದ್ರಾ॑ಯ ಕೃ॒ಷ್ಣಾಲ॑ಲಾಮಾ॒ - ಅದಿ॑ತ್ಯೈ॒ ರೋಹಿ॑ತ ಲಲಾಮಃ -ಸೌ॒ಮ್ಯಾ ಮಾ॒ಲಙ್ಗಾ॑ - ವಾರು॒ಣಾ-ಸ್ಸೂ॒ರಾ-ಶ್ಶ್ಯೇತ॑ಲಲಾಮಾ॒ - ದಶ॑ ।)

(ಹಿರ॑ಣ್ಯವರ್ಣಾ - ಅ॒ಪಾ-ಙ್ಗ್ರಹಾ᳚ನ್ - ಭೂತೇಷ್ಟ॒ಕಾಃ - ಸ॒ಜೂಃ - ಸಂ॑ವಁಥ್ಸ॒ರಂ - ಪ್ರ॒ಜಾಪ॑ತಿ॒-ಸ್ಸ ಕ್ಷು॒ರಪ॑ವಿ - ರ॒ವಗ್ನೇರ್ವೈ ದೀ॒ಕ್ಷಯಾ॑ - ಸುವ॒ರ್ಗಾಯ॒ ತಂ-ಯಁನ್ನ - ಸೂ॒ಯತೇ᳚ - ಪ್ರ॒ಜಾಪ॑ತಿರ್-ಋ॒ತುಭೀ॒ - ರೋಹಿ॑ತಃ॒ - ಪೃಞಿಃ॑ - ಶಿತಿಬಾ॒ಹು - ರು॑ನ್ನ॒ತಃ - ಕ॒ರ್ಣಾಃ - ಶು॒ಣ್ಠಾ - ಇನ್ದ್ರಾ॒ಯಾ- ದಿ॑ತ್ಯೈ - ಸೌ॒ಮ್ಯಾ - ವಾ॑ರು॒ಣಾಃ - ಸೋಮಾ॒ಯೈ - ಕಾ॑ದಶ - ಪಿ॒ಶಙ್ಗಾ॒ - ಸ್ತ್ರಯೋ॑ವಿಗ್ಂಶತಿಃ)

(ಹಿರ॑ಣ್ಯವರ್ಣಾ - ಭೂತೇಷ್ಟ॒ಕಾಃ - ಛನ್ದೋ॒ ಯತ್ - ಕನೀ॑ಯಾಗ್ಂಸನ್-ತ್ರಿ॒ವೃದ್ಧ್ಯ॑ಗ್ನಿ - ರ್ವಾ॑ರು॒ಣಾ - ಶ್ಚತು॑ಷ್ಪಞ್ಚಾ॒ಶತ್ )

(ಹಿರ॑ಣ್ಯವರ್ಣಾ॒, ನಿವ॑ಕ್ಷಸಃ)

॥ ಹರಿಃ॑ ಓಮ್ ॥

॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪಞ್ಚಮಕಾಣ್ಡೇ ಷಷ್ಠಃ ಪ್ರಶ್ನ-ಸ್ಸಮಾಪ್ತಃ ॥

Roman (IAST) Transliteration

kṛṣṇa yajurvedīya taittirīya saṃhitāyā-mpañcamakāṇḍe ṣaṣṭhaḥ praśnaḥ - upānuvākyābhidhānaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

hira̭ṇyavarṇā॒-śśuca̭yaḥ pāva॒kā yāsṷ jā॒taḥ ka॒śyapo॒ yāsvindraḥ̭ | a॒gniṃ-yā~ garbha̭-ndadhi॒re virṷ̄pā॒stā na॒ āpa॒-śśagg syo॒nā bha̭vantu || yāsā॒gṃ॒ rājā॒ varṷṇo॒ yāti॒ maddhyḙ satyānṛ॒te a̭va॒paśya॒n janā̭nām | ma॒dhu॒ścuta॒-śśuca̭yo॒ yāḥ pā̭va॒kāstā na॒ āpa॒-śśagg syo॒nā bha̭vantu || yāsā᳚-nde॒vā di॒vi kṛ॒ṇvanti̭ bha॒kṣaṃ-yā~ a॒ntari̭kṣe bahu॒dhā bhava̭nti | yāḥ pṛ̭thi॒vī-mpaya̭so॒ndanti̭ - [ ] 1

śu॒krāstā na॒ āpa॒-śśagg syo॒nā bha̭vantu || śi॒vena̭ mā॒ cakṣṷṣā paśyatā-''pa-śśi॒vayā̭ ta॒nuvopa̭ spṛśata॒ tvaca̭-mme | sarvāgṃ̭ a॒gnīgṃ ra̭phsu॒ṣado̭ huve vo॒ mayi॒ varco॒ bala॒mojo॒ ni dha̭tta || yada॒da-ssa̭-mpraya॒tīrahā॒ vana̭datāha॒te | tasmā॒dā na॒dyo̭ nāma̭ stha॒ tā vo॒ nāmā̭ni sindhavaḥ || ya-tpreṣi̭tā॒ varṷṇena॒ tā-śśībhagṃ̭ sa॒mava̭lgata | 2

tadā᳚pno॒-dindro̭ vo ya॒tī-stasmā॒-dāpo॒ anṷ sthana || a॒pa॒kā॒magg syanda̭mānā॒ avī̭varata vo॒ hika᳚m | indro̭ va॒-śśakti̭bhi rdevī॒-stasmā॒-dvārṇāma̭ vo hi॒tam || eko̭ de॒vo apya̭tiṣṭha॒-thsyanda̭mānā yathā va॒śam | udā̭niṣu-rma॒hīriti॒ tasmā̭-duda॒ka-mṷcyate || āpo̭ bha॒drā ghṛ॒tamidāpa̭ āsura॒gnī-ṣomaṷ bibhra॒tyāpa॒ i-ttāḥ | tī॒vro raso̭ madhu॒pṛcā̭- [madhu॒pṛcā᳚m, a॒ra॒ṅga॒ma ā mā᳚] 3

-maraṅga॒ma ā mā᳚ prā॒ṇena̭ sa॒ha varca̭sā gann || ādi-tpa̭śyāmyu॒ta vā̭ śṛṇo॒myā mā॒ ghoṣo̭ gacchati॒ vānna̭ āsām | manyḙ bhejā॒no a॒mṛta̭sya॒ tarhi॒ hira̭ṇyavarṇā॒ atṛ̭paṃ-ya~॒dā vaḥ̭ || āpo॒ hi ṣṭhā ma̭yo॒ bhuva॒stā na̭ ū॒rje da̭dhātana | ma॒he raṇā̭ya॒ cakṣa̭se || yo vaḥ̭ śi॒vata̭mo॒ rasa॒stasya̭ bhājayate॒ha naḥ̭ | u॒śa॒tīri̭va mā॒taraḥ̭ || tasmā॒ ara̭-ṅgamāma vo॒ yasya॒ kṣayā̭ya॒ jinva̭tha | āpo̭ ja॒naya̭thā ca naḥ || di॒vi śra̭ya svā॒ntari̭kṣe yatasva pṛthi॒vyā sa-mbha̭va brahmavarca॒-sama̭si brahmavarca॒sāya̭ tvā || 4

(u॒danti̭ - sa॒mava̭lgata - madhu॒pṛcāṃ᳚ - mā॒taro॒ - dvāvigṃ̭śatiśca) (a. 1)

a॒pā-ṅgrahā᳚-ngṛhṇātye॒tadvāva rā̭ja॒sūyaṃ॒-ya~de॒te grahā᳚-ssa॒vo᳚ 'gnirva̭ruṇasa॒vo rā̭ja॒sūya̭-magnisa॒va-ścitya॒stābhyā̭-me॒va sṷ̄ya॒te-'tho̭ u॒bhāve॒va lo॒kāva॒bhi ja̭yati॒ yaśca̭ rāja॒sūyḙnejā॒nasya॒ yaścā᳚-'gni॒cita॒ āpo̭ bhava॒ntyāpo॒ vā a॒gnerbhrātṛ̭vyā॒ yada॒po᳚ 'gnera॒dhastā̭dupa॒ dadhā̭ti॒ bhrātṛ̭vyābhibhūtyai॒ bhava̭tyā॒tmanā॒ parā᳚-'sya॒ bhrātṛ̭vyo bhavatya॒mṛtaṃ॒- [bhrātṛ̭vyo bhavatya॒mṛta᳚m, vā āpa॒stasmā̭-] 5

-~vā āpa॒stasmā̭-da॒dbhirava̭tānta-ma॒bhi ṣi̭ñcanti॒ nā-''rti॒mārccha̭ti॒ sarva॒māyṷreti॒ yasyai॒tā ṷpadhī॒yante॒ ya ṷ cainā e॒vaṃ-ve~dānnaṃ॒-vā~ āpaḥ̭ pa॒śava॒ āpo-'nna̭-mpa॒śavo᳚-'nnā॒daḥ pa̭śu॒mā-nbha̭vati॒ yasyai॒tā ṷpadhī॒yante॒ ya ṷ cainā e॒vaṃ-ve~da॒ dvāda̭śa bhavanti॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒reṇai॒vāsmā॒ [-ssaṃ̭va~thsa॒reṇai॒vāsmā᳚, anna॒mava̭ rundhe॒] 6

anna॒mava̭ rundhe॒ pātrā̭ṇi bhavanti॒ pātre॒ vā anna̭madyate॒ sayo᳚nye॒vānna॒mava̭ rundha॒ ā dvā̭da॒śā-tpurṷṣā॒danna̭-ma॒ttyatho॒ pātrā॒nna chi̭dyate॒ yasyai॒tā ṷpadhī॒yante॒ ya ṷ cainā e॒vaṃ-ve~da̭ ku॒mbhāśca̭ ku॒mbhīśca̭ mithu॒nāni̭ bhavanti mithu॒nasya॒ prajā᳚tyai॒ pra pra॒jayā̭ pa॒śubhi̭-rmithu॒nai-rjā̭yate॒ yasyai॒tā ṷpadhī॒yante॒ ya ṷ [ya ṷ, cai॒nā॒ e॒vaṃ-ve~da॒] 7

cainā e॒vaṃ-ve~da॒ śugvā a॒gni-sso᳚-'ddhva॒ryuṃ-ya~ja̭māna-mpra॒jā-śśu॒cā-'rpa̭yati॒ yada॒pa ṷpa॒dadhā̭ti॒ śuca̭me॒vāsya̭ śamayati॒ nā-''rti॒mārccha̭tyaddhva॒ryurna yaja̭māna॒-śśāmya̭nti pra॒jā yatrai॒tā ṷpadhī॒yante॒ 'pāṃ-vā~ e॒tāni॒ hṛda̭yāni॒ yade॒tā āpo॒ yade॒tā a॒pa ṷpa॒dadhā̭ti di॒vyābhi̭re॒vainā॒-ssagṃ sṛ̭jati॒ varṣṷkaḥ pa॒rjanyo̭ [pa॒rjanyaḥ̭, bha॒va॒ti॒ yo vā] 8

bhavati॒ yo vā e॒tāsā̭mā॒yata̭na॒-ṅkḷptiṃ॒-ve~dā॒-''yata̭navā-nbhavati॒ kalpa̭te 'smā anusī॒tamupa̭ dadhātye॒tadvā ā̭sāmā॒yata̭name॒ṣā kḷpti॒rya e॒vaṃ-ve~dā॒-''yata̭navā-nbhavati॒ kalpa̭te-'smai dva॒dvamma॒nyā upa̭ dadhāti॒ cata̭sro॒ maddhye॒ dhṛtyā॒ annaṃ॒-vā~ iṣṭa̭kā e॒ta-tkhalu॒ vai sā॒kṣādannaṃ॒-ya~de॒ṣa ca॒ruryade॒ta-ñca॒rumṷpa॒ dadhā̭ti sā॒kṣā- [sā॒kṣāt, e॒vā-'smā॒ anna॒mava̭ rundhe] 9

-de॒vā-'smā॒ anna॒mava̭ rundhe maddhya॒ta upa̭ dadhāti maddhya॒ta e॒vāsmā॒ anna̭-ndadhāti॒ tasmā᳚-nmaddhya॒to-'nna̭madyate bārhaspa॒tyo bha̭vati॒ brahma॒ vai de॒vānā॒-mbṛha॒spati॒-rbrahma̭ṇai॒vāsmā॒ anna॒mava̭ rundhe brahmavarca॒sama̭si brahmavarca॒sāya॒ tvetyā̭ha teja॒svī bra̭hmavarca॒sī bha̭vati॒ yasyai॒ṣa ṷpadhī॒yate॒ ya ṷ cainame॒vaṃ-ve~da̭ || 10 ||

(a॒mṛta̭ - masmai - jāyate॒ yasyai॒tā - ṷpadhī॒yante॒ ya ṷ - pa॒rjanya̭ - upa॒dadhā̭ti sā॒kṣāth - sa॒ptaca̭tvārigṃśacca) (a. 2)

bhū॒te॒ṣṭa॒kā upa̭ dadhā॒tyatrā᳚tra॒ vai mṛ॒tyurjā̭yate॒ yatra̭yatrai॒va mṛ॒tyurjāya̭te॒ tata̭ e॒vaina॒mava̭ yajate॒ tasmā̭dagni॒ci-thsarva॒māyṷreti॒ sarve॒ hya̭sya mṛ॒tyavo 've᳚ṣṭā॒stasmā̭-dagni॒cinnā-bhica̭rita॒vai pra॒tyagḙna-mabhicā॒ra-sstṛ̭ṇute sū॒yate॒ vā e॒ṣa yo᳚-'gni-ñci̭nu॒te dḙvasu॒vāme॒tāni̭ ha॒vīgṃṣi̭ bhavantye॒tāva̭nto॒ vai de॒vānāgṃ̭ sa॒vāsta e॒vā- [sa॒vāsta e॒va, a॒smai॒ sa॒vā-npra] 11

-'smai̭ sa॒vā-npra ya̭cchanti॒ ta ḙnagṃ suvante sa॒vo᳚-'gnirva̭ruṇasa॒vo rā̭ja॒sūya̭-mbrahmasa॒vaścityo̭ de॒vasya̭ tvā savi॒tuḥ pra̭sa॒va ityā̭ha savi॒tṛpra̭sūta e॒vaina॒-mbrahma̭ṇā de॒vatā̭bhira॒bhi ṣi̭ñca॒tyanna̭-syānnasyā॒bhi ṣi̭ñca॒tyanna̭-syānna॒syā-va̭ruddhyai pu॒rastā᳚-tpra॒tyañca̭ma॒bhi ṣi̭ñcati pu॒rastā॒ddhi pra̭tī॒cī-na॒manna̭ma॒dyatḙ śīrṣa॒to̭-'bhi ṣi̭ñcati śīrṣa॒to hyanna̭ma॒dyata॒ ā mukhā̭-da॒nvava̭srāvayati [mukhā̭-da॒nvava̭srāvayati, mu॒kha॒ta e॒vā-'smā̭] 12

mukha॒ta e॒vā-'smā̭ a॒nnādya̭-ndadhātya॒gnestvā॒ sāmrā᳚jyenā॒bhi ṣi̭ñcā॒mītyā̭hai॒ṣa vā a॒gne-ssa॒vastenai॒vaina̭ma॒bhi ṣi̭ñcati॒ bṛha॒spate᳚stvā॒ sāmrā᳚jyenā॒bhiṣi̭ñcā॒mītyā̭ha॒ brahma॒ vai de॒vānā॒-mbṛha॒spati॒rbrahma̭ṇai॒vaina̭ma॒bhi ṣi̭ñca॒tīndra̭sya tvā॒ sāmrā᳚jyenā॒bhi ṣi̭ñcā॒-mītyā̭hendri॒yame॒vāsmi̭-nnu॒pari̭ṣṭā-ddadhātye॒ta- [-ddadhātye॒tat, vai rā̭ja॒sūya̭sya] 13

-dvai rā̭ja॒sūya̭sya rū॒paṃ-ya~ e॒vaṃ-vi~॒dvāna॒gni-ñci̭nu॒ta u॒bhāve॒va lo॒kāva॒bhi ja̭yati॒ yaśca̭ rāja॒sūyḙnejā॒nasya॒ yaścā᳚gni॒cita॒ indra̭sya suṣuvā॒ṇasya̭ daśa॒dhendri॒yaṃ-vī~॒rya̭-mparā̭-'pata॒-ttadde॒vā-ssau᳚trāma॒ṇyā sama̭bharan-thsū॒yate॒ vā e॒ṣa yo᳚-'gni-ñci̭nu॒te᳚-'gni-ñci॒tvā sau᳚trāma॒ṇyā ya̭jetendri॒yame॒va vī॒ryagṃ̭ sa॒bhṛntyā॒-''tma-ndha̭tte || 14 ||

(ta e॒vā - nvava̭srāvayatye॒ - ta - da॒ṣṭāca̭tvārigṃśacca) (a. 3)

sa॒jūrabdo-'yā̭vabhi-ssa॒jūru॒ṣā arṷṇībhi-ssa॒jū-ssūrya॒ eta̭śena sa॒joṣā̭va॒śvinā॒ dagṃso̭bhi-ssa॒jūra॒gnirvai᳚śvāna॒ra iḍā̭bhirghṛ॒tena॒ svāhā̭ saṃva~thsa॒ro vā abdo॒ māsā॒ ayā̭vā u॒ṣā arṷṇī॒ sūrya॒ eta̭śa i॒me a॒śvinā̭ saṃva~thsa॒ro᳚-'gnirvai᳚śvāna॒raḥ pa॒śava॒ iḍā̭ pa॒śavo̭ ghṛ॒tagṃ saṃ̭va~thsa॒ra-mpa॒śavo-'nu॒ pra jā̭yante saṃva~thsa॒reṇai॒vāsmai̭ pa॒śū-npraja̭nayati darbhasta॒mbe jṷhoti॒ ya - [ ] 15

-dvā a॒syā a॒mṛtaṃ॒-ya~-dvī॒rya̭-nta-dda॒rbhāstasmi̭n juhoti॒ praiva jā̭yate 'nnā॒do bha̭vati॒ yasyai॒va-ñjuhva̭tye॒tā vai de॒vatā̭ a॒gneḥ pu॒rastā᳚dbhāgā॒stā e॒va prī̭ṇā॒tyatho॒ cakṣṷre॒vāgneḥ pu॒rastā॒-tprati̭ dadhā॒tyana̭ndho bhavati॒ ya e॒vaṃ-ve~dā-''po॒ vā i॒damagrḙ sali॒lamā̭sī॒-thsa pra॒jāpa̭tiḥ puṣkarapa॒rṇe vāto̭ bhū॒to̭-'lelāya॒-thsa [bhū॒to̭-'lelāya॒-thsaḥ, pra॒ti॒ṣṭhā-nnā-'vi̭ndata॒] 16

pra̭ti॒ṣṭhā-nnā-'vi̭ndata॒ sa e॒tada॒pā-ṅku॒lāya̭mapaśya॒-ttasmi̭nna॒gnima̭cinuta॒ tadi॒yama̭bhava॒-ttato॒ vai sa pratya̭tiṣṭha॒dyā-mpu॒rastā̭du॒pā-da̭dhā॒-ttacchiro̭ 'bhava॒-thsā prācī॒ digyā-nda̭kṣiṇa॒ta u॒pāda̭dhā॒-thsa dakṣi̭ṇaḥ pa॒kṣo̭-'bhava॒-thsā da̭kṣi॒ṇā digyā-mpa॒ścā-du॒pāda̭dhā॒-tta-tpuccha̭mabhava॒-thsā pra॒tīcī॒ digyāmṷttara॒ta u॒pāda̭dhā॒- [u॒pāda̭dhāt, sa utta̭raḥ] 17

-thsa utta̭raḥ pa॒kṣo̭-'bhava॒-thsodī̭cī॒ digyāmu॒pari̭ṣṭā-du॒pāda̭dhā॒-tta-tpṛ॒ṣṭhama̭bhava॒-thsordhvā digi॒yaṃ-vā~ a॒gniḥ pañce᳚ṣṭaka॒-stasmā॒-dyada॒syā-ṅkhana̭ntya॒bhīṣṭa̭kā-ntṛ॒ndantya॒bhi śarka̭rā॒gṃ॒ sarvā॒ vā i॒yaṃ-va~yo᳚bhyo॒ nakta̭-ndṛ॒śe dī᳚pyate॒ tasmā̭di॒māṃ-va~yāgṃ̭si॒ nakta॒-nnāddhyā̭sate॒ ya e॒vaṃ-vi~॒dvāna॒gni-ñci̭nu॒te pratye॒va [pratye॒va, ti॒ṣṭha॒tya॒bhi diśo̭] 18

ti̭ṣṭhatya॒bhi diśo̭ jayatyāgne॒yo vai brā᳚hma॒ṇastasmā᳚-dbrāhma॒ṇāya॒ sarvā̭su di॒kṣvardhṷka॒gg॒ svāme॒va ta-ddiśa॒manve᳚tya॒pāṃ-vā~ a॒gniḥ ku॒lāya॒-ntasmā॒dāpo॒-'gnigṃ hārṷkā॒-ssvāme॒va ta-dyoni॒-mpravi̭śanti || 19 ||

(yada̭- lelāya॒-thsa-ṷttara॒ta u॒pāda̭dhā-de॒va - dvātrigṃ̭śacca) (a. 4)

saṃ॒va~॒thsa॒ramukhya̭-mbhṛ॒tvā dvi॒tīyḙ saṃva~thsa॒ra ā᳚gne॒yama॒ṣṭāka̭pāla॒-nnirva̭pedai॒ndra-mekā̭daśakapālaṃ-vai~śvade॒va-ndvāda̭śakapāla-mbārhaspa॒tya-ñca॒ruṃ-vai~᳚ṣṇa॒va-ntri̭kapā॒la-ntṛ॒tīyḙ saṃva~thsa॒rḙ-'bhi॒jitā̭ yajeta॒ yada॒ṣṭāka̭pālo॒ bhava̭tya॒ṣṭākṣa̭rā gāya॒tryā᳚gne॒ya-ṅgā̭ya॒tra-mprā̭tassava॒na-mprā̭tassava॒name॒va tena̭ dādhāra gāya॒trī-ñchando॒ yadekā̭daśakapālo॒ bhava॒tyekā̭daśākṣarā tri॒ṣṭugai॒ndra-ntraiṣṭṷbha॒-mmāddhya̭ndina॒gṃ॒ sava̭na॒-mmāddhya̭ndiname॒va sava̭na॒-ntena̭ dādhāra tri॒ṣṭubha॒- [tri॒ṣṭubha᳚m, chando॒ ya-ddvāda̭śakapālo॒ bhava̭ti॒] 20

-ñchando॒ ya-ddvāda̭śakapālo॒ bhava̭ti॒ dvāda̭śākṣarā॒ jaga̭tī vaiśvade॒va-ñjāga̭ta-ntṛtīyasava॒na-ntṛ̭tīyasava॒name॒va tena̭ dādhāra॒ jaga̭tī॒-ñchando॒ ya-dbā̭rhaspa॒tyaśca॒rurbhava̭ti॒ brahma॒ vai de॒vānā॒-mbṛha॒spati॒rbrahmai॒va tena̭ dādhāra॒ ya-dvai᳚ṣṇa॒vastri̭kapā॒lo bhava̭ti ya॒jño vai viṣṇṷrya॒jñame॒va tena̭ dādhāra॒ ya-ttṛ॒tīyḙ saṃva~thsa॒rḙ-'bhi॒jitā॒ yaja̭te॒-'bhiji̭tyai॒ ya-thsaṃ̭va~thsa॒ramukhya̭-mbi॒bhartī॒mame॒va [ ] 21

tena̭ lo॒kagg spṛ̭ṇoti॒ ya-ddvi॒tīyḙ saṃva~thsa॒re᳚-'gni-ñci̭nu॒te᳚ 'ntari̭kṣame॒va tena̭ spṛṇoti॒ ya-ttṛ॒tīyḙ saṃva~thsa॒re yaja̭te॒-'mume॒va tena̭ lo॒kagg spṛ̭ṇotye॒taṃ-vai~ para̭ āṭṇā॒raḥ ka॒kṣīvāgṃ̭ auśi॒jo vī॒taha̭vya-śśrāya॒sastra॒sada̭syuḥ pauruku॒thsyaḥ pra॒jākā̭mā acinvata॒ tato॒ vai te sa॒hasragṃ̭ sahasra-mpu॒trāna̭vindanta॒ pratha̭te pra॒jayā̭ pa॒śubhi॒stā-mmātrā̭māpnoti॒ yā-nte-'ga̭ccha॒n॒ ya e॒vaṃ ~vi॒dvāne॒tama॒gni-ñci̭nu॒te || 22 ||

(dā॒dhā॒ra॒ tri॒ṣṭubha̭ - mi॒mame॒vai - vaṃ - ca॒tvāri̭ ca) (a. 5)

pra॒jāpa̭tira॒gnima̭cinuta॒ sa kṣu॒rapa̭virbhū॒tvā-'ti̭ṣṭha॒-tta-nde॒vā bibhya̭to॒ nopā̭-''ya॒-nte chando̭bhirā॒tmāna̭-ñchādayi॒tvopā̭-''ya॒-ntacchanda̭sā-ñchanda॒stva-mbrahma॒ vai chandāgṃ̭si॒ brahma̭ṇa e॒ta-drū॒paṃ-ya~-tkṛ̭ṣṇāji॒na-ṅkārṣṇī̭ upā॒nahā॒vupa̭ muñcate॒ chando̭bhire॒vā-''tmāna̭-ñchādayi॒tvā-'gnimupa̭ caratyā॒tmano-'higṃ̭sāyai devani॒dhirvā e॒ṣa ni dhī̭yate॒ yada॒gni- [yada॒gniḥ, a॒nye vā॒ vai] 23

-ra॒nye vā॒ vai ni॒dhimagṷptaṃ-vi~॒ndanti॒ na vā॒ prati॒ pra jā̭nātyu॒khāmā krā̭matyā॒tmāna̭me॒vādhi॒pā-ṅkṷrute॒ guptyā॒ atho॒ khalvā̭hu॒rnā-''kramyeti̭ nair-ṛ॒tyṷkhā yadā॒krāme॒nnir-ṛ̭tyā ā॒tmāna॒mapi̭ daddhyā॒-ttasmā॒nnā-''kramyā̭ puruṣaśī॒r॒ṣamupa̭ dadhāti॒ guptyā॒ atho॒ yathā᳚ brū॒yāde॒tanmḙ gopā॒yeti̭ tā॒dṛge॒va ta- [tat, pra॒jāpa̭ti॒rvā] 24

-tpra॒jāpa̭ti॒rvā atha̭rvā॒ 'gnire॒va da॒ddhyaṅṅā̭tharva॒ṇastasyeṣṭa̭kā a॒sthānye॒tagṃ ha॒ vāva tad-ṛṣi̭ra॒bhyanṷ̄vā॒cendro̭ dadhī॒co a॒sthabhi॒riti॒ yadiṣṭa̭kābhira॒gni-ñci॒noti॒ sātmā̭name॒vāgni-ñci̭nute॒ sātmā॒muṣmi̭n ~lo॒ke bha̭vati॒ ya e॒vaṃ-ve~da॒ śarī̭raṃ॒-vā~ e॒tada॒gneryaccitya̭ ā॒tmā vai᳚śvāna॒ro yacci॒te vai᳚śvāna॒ra-ñju॒hoti॒ śarī̭rame॒va sa॒gg॒skṛtyā॒- [sa॒gg॒skṛtyā̭, a॒bhyāro̭hati॒] 25

-'bhyāro̭hati॒ śarī̭raṃ॒-vā~ e॒ta-dyaja̭māna॒-ssagg skṷrute॒ yada॒gni-ñci̭nu॒te yacci॒te vai᳚śvāna॒ra-ñju॒hoti॒ śarī̭rame॒va sa॒gg॒skṛtyā॒ ''tmanā॒-'bhyāro̭hati॒ tasmā॒-ttasya॒ nāva̭ dyanti॒ jīva̭nne॒va de॒vānapyḙti vaiśvāna॒ryarcā purī̭ṣa॒mupa̭ dadhātī॒yaṃ-vā~ a॒gnirvai᳚śvāna॒rastasyai॒ṣā citi॒rya-tpurī̭ṣama॒gnime॒va vai᳚śvāna॒ra-ñci̭nuta e॒ṣā vā a॒gneḥ pri॒yā ta॒nūrya-dvai᳚śvāna॒raḥ pri॒yāme॒vāsya̭ ta॒nuva॒mava̭ rundhe || 26 ||

(a॒gni - stath - sa॒gg॒skṛtyā॒ - gne - rdaśa̭ ca) (a. 6)

a॒gnervai dī॒kṣayā̭ de॒vā vi॒rāja̭māpnuva-nti॒sro rātrī᳚rdīkṣi॒ta-ssyā᳚-ttri॒padā̭ vi॒rā-ḍvi॒rāja̭māpnoti॒ ṣaḍ-rātrī᳚rdīkṣi॒ta-ssyā॒-thṣa-ḍvā ṛ॒tavaḥ̭ saṃva~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ daśa॒ rātrī᳚rdīkṣi॒ta-ssyā॒-ddaśā᳚kṣarā vi॒rā-ḍvi॒rāja̭māpnoti॒ dvāda̭śa॒ rātrī᳚rdīkṣi॒ta-ssyā॒-ddvāda̭śa॒ māsā᳚-ssaṃva~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ trayo̭daśa॒ rātrī᳚rdīkṣi॒ta-ssyā॒-ttrayo̭daśa॒ [trayo̭daśa, māsā᳚-] 27

māsā᳚-ssaṃva~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ pañca̭daśa॒ rātrī᳚rdīkṣi॒ta-ssyā॒-tpañca̭daśa॒ vā a̭rdhamā॒sasya॒ rātra̭yo-'rdhamāsa॒śa-ssaṃ̭va~thsa॒ra ā᳚pyate saṃva~thsa॒ro vi॒rā-ḍvi॒rāja̭māpnoti sa॒ptada̭śa॒ rātrī᳚rdīkṣi॒ta-ssyā॒-ddvāda̭śa॒ māsāḥ॒ pañca॒rtava॒-ssa saṃ̭va~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ catṷrvigṃśati॒gṃ॒ rātrī᳚rdīkṣi॒ta-ssyā॒-ccatṷrvigṃśatirardhamā॒sā-ssaṃ̭va~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti tri॒gṃ॒śata॒gṃ॒ rātrī᳚rdīkṣi॒ta-ssyā᳚- [rātrī᳚rdīkṣi॒ta-ssyā᳚t, tri॒gṃ॒śada̭kṣarā] 28

-ttri॒gṃ॒śada̭kṣarā vi॒rā-ḍvi॒rāja̭māpnoti॒ māsa̭-ndīkṣi॒ta-ssyā॒-dyo māsa॒-ssa saṃ̭va~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti ca॒turo̭ mā॒so dī᳚kṣi॒ta-ssyā᳚cca॒turo॒ vā e॒ta-mmā॒so vasa̭vo-'bibharu॒ste pṛ̭thi॒vīmā-'ja̭ya-ngāya॒trī-ñchando॒-'ṣṭau ru॒drāste᳚-'ntari̭kṣa॒mā-'ja̭ya-ntri॒ṣṭubha॒-ñchando॒ dvāda̭śā-''di॒tyāste diva॒mā-'ja̭ya॒n jaga̭tī॒-ñchanda॒stato॒ vai te vyā॒vṛta̭-magaccha॒ñchraiṣṭhya̭-nde॒vānā॒-ntasmā॒-ddvāda̭śa mā॒so bhṛ॒tvā-'gni-ñci̭nvīta॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒ro᳚ -'gniścitya॒stasyā̭-horā॒trāṇīṣṭa̭kā ā॒pteṣṭa̭kamena-ñcinu॒te-'tho᳚ vyā॒vṛta̭me॒va ga̭cchati॒ śraiṣṭhyagṃ̭ samā॒nānā᳚m || 29 ||

(syā॒-ttrayo̭daśa - tri॒gṃ॒śata॒gṃ॒ rātrī᳚rdīkṣi॒ta-ssyā॒-d- vai te᳚ - 'ṣṭāvigṃ̭śatiśca) (a. 7)

su॒va॒rgāya॒ vā e॒ṣa lo॒kāya̭ cīyate॒ yada॒gnistaṃ-ya~nnānvā॒rohe᳚-thsuva॒rgāllo॒kā-dyaja̭māno hīyeta pṛthi॒vīmā-'kra̭miṣa-mprā॒ṇo mā॒ mā hā̭sīda॒ntari̭kṣa॒mā-'kra̭miṣa-mpra॒jā mā॒ mā hā̭sī॒-ddiva॒mā-'kra̭miṣa॒gṃ॒ suva̭raga॒nmetyā̭hai॒ṣa vā a॒gnera̭nvāro॒hastenai॒vaina̭-ma॒nvāro̭hati suva॒rgasya̭ lo॒kasya॒ sama̭ṣṭyai॒ ya-tpa॒kṣasa̭mmitā-mminu॒yā- [minu॒yāt, kanī̭yāgṃsa-] 30

-tkanī̭yāgṃsaṃ-ya~jñakra॒tumupḙyā॒-tpāpī̭yasyasyā॒ ''tmanaḥ̭ pra॒jā syā॒-dvedi̭sammitā-mminoti॒ jyāyāgṃ̭same॒va ya̭jñakra॒tumupai̭ti॒ nāsyā॒-''tmanaḥ॒ pāpī̭yasī pra॒jā bha̭vati sāha॒sra-ñci̭nvīta pratha॒ma-ñci̭nvā॒na-ssa॒hasra̭sammito॒ vā a॒yaṃ-lo~॒ka i॒mame॒va lo॒kama॒bhi ja̭yati॒ dviṣā̭hasra-ñcinvīta dvi॒tīya̭-ñcinvā॒no dviṣā̭hasraṃ॒-vā~ a॒ntari̭kṣa-ma॒ntari̭kṣame॒vābhi ja̭yati॒ triṣā̭hasra-ñcinvīta tṛ॒tīya̭-ñcinvā॒na- [tṛ॒tīya̭-ñcinvā॒naḥ, triṣā̭hasro॒ vā a॒sau] 31

-striṣā̭hasro॒ vā a॒sau lo॒ko̭ 'mume॒va lo॒kama॒bhi ja̭yati jānuda॒ghna-ñci̭nvīta pratha॒ma-ñci̭nvā॒no gā̭yatri॒yaivemaṃ-lo~॒kama॒bhyāro̭hati nābhida॒ghna-ñci̭nvīta dvi॒tīya̭-ñcinvā॒nastri॒ṣṭubhai॒vā-ntari̭kṣa-ma॒bhyāro̭hati grīvada॒ghna-ñci̭nvīta tṛ॒tīya̭-ñcinvā॒no jaga̭tyai॒vāmun ~lo॒kama॒bhyāro̭hati॒ nāgni-ñci॒tvā rā॒māmupḙyādayo॒nau reto̭ dhāsyā॒mīti॒ na dvi॒tīya̭-ñci॒tvā-'nyasya॒ striya॒- [striya᳚m, upḙyā॒nna] 32

-mupḙyā॒nna tṛ॒tīya̭-ñci॒tvā kā-ñca॒nopḙyā॒-dreto॒ vā e॒tanni dha̭tte॒ yada॒gni-ñci̭nu॒te yadṷpe॒yā-dreta̭sā॒ vyṛ̭ddhye॒tā-'tho॒ khalvā̭hura praja॒sya-nta-dyannope॒yāditi॒ ya-drḙta॒ssicā̭vupa॒dadhā̭ti॒ te e॒va yaja̭mānasya॒ reto̭ bibhṛta॒stasmā॒-dupḙyā॒-dreta॒so-'ska̭ndāya॒ trīṇi॒ vāva retāgṃ̭si pi॒tā pu॒traḥ pautro॒ [pautraḥ̭, ya-ddve rḙta॒ssicā̭] 33

ya-ddve rḙta॒ssicā̭-vupada॒ddhyā-dreto᳚-'sya॒ vicchi̭ndyā-tti॒sra upa̭ dadhāti॒ reta̭sa॒-ssanta̭tyā i॒yaṃ-vā~va pra̭tha॒mā rḙta॒ssig vāgvā i॒ya-ntasmā॒-tpaśya̭ntī॒mā-mpaśya̭nti॒ vācaṃ॒-va~da̭ntīma॒ntari̭kṣa-ndvi॒tīyā᳚ prā॒ṇo vā a॒ntari̭kṣa॒-ntasmā॒nnā-'ntari̭kṣa॒-mpaśya̭nti॒ na prā॒ṇama॒sau tṛ॒tīyā॒ cakṣu॒rvā a॒sau tasmā॒-tpaśya̭ntya॒mū-mpaśya̭nti॒ cakṣu॒-ryajṷṣe॒mā-ñcā॒- [cakṣu॒-ryajṷṣe॒mā-ñcā̭, a॒mū-ñcopa̭] 34

-'mū-ñcopa̭ dadhāti॒ mana̭sā maddhya॒māme॒ṣāṃ-lo~॒kānā॒-ṅkḷptyā॒ atho᳚ prā॒ṇānā̭mi॒ṣṭo ya॒jño bhṛgṷbhirāśī॒rdā vasṷbhi॒stasya̭ ta i॒ṣṭasya̭ vī॒tasya॒ dravi̭ṇe॒ha bha̭kṣī॒yetyā̭ha stutaśa॒stre e॒vaitena̭ duhe pi॒tā mā̭ta॒riśvā-'cchi̭drā pa॒dā dhā॒ acchi̭drā u॒śijaḥ̭ pa॒dā-'nṷ takṣu॒-ssomo̭ viśva॒vinne॒tā nḙṣa॒-dbṛha॒spati̭rukthāma॒dāni̭ śagṃsiṣa॒dityā̭hai॒tadvā a॒gneru॒ktha-ntenai॒vaina॒manṷ śagṃsati || 35 ||

(mi॒nu॒yāt - tṛ॒tīya̭-ñcinvā॒naḥ - striyaṃ॒ - pautra̭ - śca॒ - vai - sa॒pta ca̭) (a. 8)

sū॒yate॒ vā e॒ṣo᳚-'gnī॒nāṃ-ya~ u॒khāyā᳚-mbhri॒yate॒ yada॒dha-ssā॒daye॒-dgarbhāḥ᳚ pra॒pādṷkā-ssyu॒ratho॒ yathā̭ sa॒vā-tpra̭tyava॒roha̭ti tā॒dṛge॒va tadā̭sa॒ndī sā̭dayati॒ garbhā̭ṇā॒-ndhṛtyā॒ apra̭pādā॒yātho̭ sa॒vame॒vaina̭-ṅkaroti॒ garbho॒ vā e॒ṣa yadukhyo॒ yoniḥ̭ śi॒kyaṃ̭-ya~cchi॒kyā̭du॒khā-nni॒rūhe॒-dyone॒rgarbha॒-nnirha̭ṇyā॒-thṣaḍṷdyāmagṃ śi॒kya̭-mbhavati ṣoḍhā vihi॒to vai [ ] 36

purṷṣa ā॒tmā ca॒ śira̭śca ca॒tvāryaṅgā᳚nyā॒tmanne॒vaina̭-mbibharti pra॒jāpa̭ti॒rvā e॒ṣa yada॒gnistasyo॒khā co॒lūkha̭la-ñca॒ stanau॒ tāva̭sya pra॒jā upa̭ jīvanti॒ yadu॒khā-ñco॒lūkha̭la-ñcopa॒dadhā̭ti॒ tābhyā̭me॒va yaja̭māno॒-'muṣmi̭n ~lo॒ke᳚-'gni-ndṷhe saṃva~thsa॒ro vā e॒ṣa yada॒gnistasya̭ tredhāvihi॒tā iṣṭa̭kāḥ prājāpa॒tyā vai᳚ṣṇa॒vī- [vai᳚ṣṇa॒vīḥ, vai॒śva॒ka॒rma॒ṇī-] 37

-rvai᳚śvakarma॒ṇī-ra̭horā॒trāṇye॒vā-'sya̭ prājāpa॒tyā yadukhya̭-mbi॒bharti̭ prājāpa॒tyā e॒va tadupa̭ dhatte॒ ya-thsa॒midha̭ ā॒dadhā̭ti vaiṣṇa॒vā vai vana॒spata̭yo vaiṣṇa॒vīre॒va tadupa̭ dhatte॒ yadiṣṭa̭kābhira॒gni-ñci॒notī॒yaṃ-vai~ vi॒śvaka̭rmā vaiśvakarma॒ṇīre॒va tadupa̭ dhatte॒ tasmā̭-dāhu-stri॒vṛda॒gniriti॒ taṃ-vā~ e॒taṃ-ya~ja̭māna e॒va ci̭nvīta॒ yada̭syā॒nya ści̭nu॒yādya-tta-ndakṣi̭ṇābhi॒rna rā॒dhayḙda॒gnima̭sya vṛñjīta॒ yo᳚-'syā॒-'gni-ñci̭nu॒yā-tta-ndakṣi̭ṇābhī rādhayeda॒gnime॒va ta-thspṛ̭ṇoti || 38 ||

(ṣo॒ḍhā॒vi॒hi॒to vai - vai᳚ṣṇa॒vī - ra॒nyo - vigṃ̭śa॒tiśca̭) (a. 9)

pra॒jāpa̭ti-ra॒gni-ma̭cinuta॒rtubhiḥ̭ saṃva~thsa॒raṃ-va~̭sa॒ntenai॒vāsya̭ pūrvā॒rdhama̭cinuta grī॒ṣmeṇa॒ dakṣi̭ṇa-mpa॒kṣaṃ-va~॒r॒ṣābhiḥ॒ pucchagṃ̭ śa॒radotta̭ra-mpa॒kṣagṃ hḙma॒ntena॒ maddhya॒-mbrahma̭ṇā॒ vā a̭sya॒ ta-tpū᳚rvā॒rdhama̭cinuta kṣa॒treṇa॒ dakṣi̭ṇa-mpa॒kṣa-mpa॒śubhiḥ॒ pucchaṃ̭-vi~॒śotta̭ra-mpa॒kṣamā॒śayā॒ maddhyaṃ॒-ya~ e॒vaṃ-vi~॒dvāna॒gni-ñci̭nu॒ta ṛ॒tubhi̭re॒vaina̭-ñcinu॒te-'tho̭ e॒tade॒va sarva॒mava̭ - [sarva॒mava̭, ru॒ndhe॒ śṛ॒ṇvantyḙna] 39

rundhe śṛ॒ṇvantyḙna-ma॒gni-ñci̭kyā॒namattyanna॒gṃ॒ roca̭ta i॒yaṃ-vā~va pra̭tha॒mā citi॒roṣa̭dhayo॒ vana॒spata̭yaḥ॒ purī̭ṣama॒ntari̭kṣa-ndvi॒tīyā॒ vayāgṃ̭si॒ purī̭ṣama॒sau tṛ॒tīyā॒ nakṣa̭trāṇi॒ purī̭ṣaṃ-ya~॒jñaśca̭tu॒rthī dakṣi̭ṇā॒ purī̭ṣaṃ॒-ya~ja̭mānaḥ pañca॒mī pra॒jā purī̭ṣaṃ॒-ya~-ttrici̭tīka-ñcinvī॒ta ya॒jña-ndakṣi̭ṇāmā॒tmāna̭-mpra॒jāma॒ntari̭yā॒-ttasmā॒-tpañca̭citīkaśceta॒vya̭ e॒tade॒va sarvagg̭ spṛṇoti॒ ya-tti॒sraścita̭ya- [ya-tti॒sraścita̭yaḥ, tri॒vṛddhya̭gnirya-ddve] 40

-stri॒vṛddhya̭gnirya-ddve dvi॒pā-dyaja̭mānaḥ॒ prati̭ṣṭhityai॒ pañca॒ cita̭yo bhavanti॒ pāṅktaḥ॒ purṷṣa ā॒tmāna̭me॒va spṛ̭ṇoti॒ pañca॒ cita̭yo bhavanti pa॒ñcabhiḥ॒ purī̭ṣaira॒bhyṷ̄hati॒ daśa॒ sa-mpa̭dyante॒ daśā᳚kṣaro॒ vai purṷṣo॒ yāvā̭ne॒va purṷṣa॒stagg spṛ̭ṇo॒tyatho॒ daśā᳚kṣarā vi॒rāḍannaṃ̭-vi~॒rā-ḍvi॒rājye॒vānnādye॒ prati̭ tiṣṭhati saṃva~thsa॒ro vai ṣa॒ṣṭhī citi̭r-ṛ॒tavaḥ॒ purī̭ṣa॒gṃ॒ ṣaṭ cita̭yo bhavanti॒ ṣaṭ purī̭ṣāṇi॒ dvāda̭śa॒ sa-mpa̭dyante॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒ra e॒va prati̭ tiṣṭhati || 41 ||

(ava॒ - cita̭yaḥ॒ - purī̭ṣaṃ॒ - pañca̭daśa ca) (a. 10)

rohi̭to dhū॒mraro̭hitaḥ ka॒rkandhṷrohita॒ste prā̭jāpa॒tyā ba॒bhrura̭ru॒ṇaba̭bhru॒-śśuka̭babhru॒ste rau॒drā-śśyetaḥ̭ śyetā॒kṣa-śśyeta̭grīva॒ste pi̭tṛdeva॒tyā᳚sti॒sraḥ kṛ॒ṣṇā va॒śā vā̭ru॒ṇya̭sti॒sra-śśve॒tā va॒śā-ssau॒ryo̭ maitrābārhaspa॒tyā dhū॒mrala̭lāmāstūpa॒rāḥ || 42 ||

(rohi̭taḥ॒-ṣaḍvagṃ̭śatiḥ) (a. 11)

pṛśñi̭-stira॒ścīna̭-pṛśñirū॒rdhva-pṛ̭śñi॒ste mā̭ru॒tāḥ pha॒lgūrlo̭hito॒rṇī ba̭la॒kṣī tā-ssā̭rasva॒tyaḥ̭ pṛṣa̭tī sthū॒lapṛ̭ṣatī kṣu॒drapṛ̭ṣatī॒ tā vai᳚śvade॒vya̭sti॒sra-śśyā॒mā va॒śāḥ pau॒ṣṇiya̭sti॒sro rohi̭ṇīrva॒śā mai॒triya̭ aindrābārhaspa॒tyā a̭ru॒ṇala̭lāmāstūpa॒rāḥ || 43 ||

(pṛśñiḥ॒ - ṣaḍvigṃ̭śatiḥ) (a. 12)

śi॒ti॒bā॒hu-ra॒nyata̭śśitibāhu-ssama॒nta śi̭tibāhu॒sta ai᳚ndravāya॒vā-śśi̭ti॒randhro॒ 'nyata̭śśitirandhra-ssama॒ntaśi̭tirandhra॒ste mai᳚trāvaru॒ṇā-śśu॒ddhavā̭la-ssa॒rvaśṷddhavālo ma॒ṇivā̭la॒sta ā᳚śvi॒nāsti॒sra-śśi॒lpā va॒śā vai᳚śvade॒vya̭sti॒sra-śśyenīḥ᳚ parame॒ṣṭhinḙ somāpau॒ṣṇā-śśyā॒mala̭lāmāstūpa॒rāḥ || 44 ||

(śi॒ti॒bā॒huḥ pañca̭vigṃśatiḥ) (a. 13)

u॒nna॒ta ṛ̭ṣa॒bho vā̭ma॒nasta ai᳚ndrāvaru॒ṇā-śśiti̭kakucchitipṛ॒ṣṭha-śśiti̭bhasa॒-tta ai᳚ndrābārhaspa॒tyā-śśi̭ti॒pācchi॒tyoṣṭhaḥ̭ śiti॒bhrusta ai᳚ndrāvaiṣṇa॒vāsti॒sra-ssi॒ddhmā va॒śā vai᳚śvakarma॒ṇya̭sti॒sro dhā॒tre pṛ̭ṣoda॒rā ai᳚ndrāpau॒ṣṇā-śśyeta̭lalāmāstūpa॒rāḥ || 45 ||

(u॒nna॒taḥ pañca̭vigṃśatiḥ) (a. 14)

ka॒rṇāstrayo̭ yā॒mā-ssau॒myāstrayaḥ̭ śviti॒ṅgā a॒gnaye॒ yavi̭ṣṭhāya॒ trayo̭ naku॒lāsti॒sro rohi̭ṇī॒stryavya॒stā vasṷ̄nā-nti॒sro̭-'ru॒ṇā di̭tyau॒hya̭stā ru॒drāṇāgṃ̭ somai॒ndrā ba॒bhrula̭lāmāstūpa॒rāḥ || 46 ||

(ka॒rṇāstrayo̭ - vigṃśatiḥ) (a. 15)

śu॒ṇṭhāstrayo̭ vaiṣṇa॒vā a̭dhīlodha॒karṇā॒strayo॒ viṣṇa̭va urukra॒māya̭ laphsu॒dina॒strayo॒ viṣṇa̭va urugā॒yāya॒ pañcā̭vīsti॒sra ā̭di॒tyānā᳚-ntriva॒thsā-sti॒sro-'ṅgi̭rasāmaindrāvaiṣṇa॒vā gau॒rala̭lāmāstūpa॒rāḥ || 47 ||

(śu॒ṇṭhā - vigṃ̭śa॒tiḥ) (a. 16)

indrā̭ya॒ rājñe॒ trayaḥ̭ śitipṛ॒ṣṭhā indrā̭yā-dhirā॒jāya॒ traya॒-śśiti̭kakuda॒ indrā̭ya sva॒rājñe॒ traya॒-śśiti̭bhasa-dasti॒srastṷryau॒hyaḥ̭ sā॒ddhyānā᳚-nti॒sraḥ pa̭ṣṭhau॒hyo̭ viśvḙṣā-nde॒vānā̭māgne॒ndrāḥ kṛ॒ṣṇala̭lāmāstūpa॒rāḥ || 48 ||

(indrā̭ya॒ rājñe॒ - dvāvigṃ̭śatiḥ) (a. 17)

adi̭tyai॒ trayo̭ rohitai॒tā i̭ndrā॒ṇyai trayaḥ̭ kṛṣṇai॒tāḥ ku॒hvai᳚ trayo̭-'ruṇai॒tāsti॒sro dhe॒navo̭ rā॒kāyai॒ trayo̭-'na॒ḍvāhaḥ̭ sinīvā॒lyā ā᳚gnāvaiṣṇa॒vā rohi̭talalāmāstūpa॒rāḥ || 49 ||

(adi̭tyā-a॒ṣṭāda̭śa) (a. 18)

sau॒myāstrayaḥ̭ pi॒śaṅgā॒-ssomā̭ya॒ rājñe॒ trayaḥ̭ sā॒raṅgāḥ᳚ pārja॒nyā nabho̭rūpāsti॒sro̭-'jā ma॒l॒hā i̭ndrā॒ṇyai ti॒sro me॒ṣya̭ ādi॒tyā dyā̭vāpṛthi॒vyā̭ mā॒laṅgā᳚stūpa॒rāḥ || 50 ||

(sau॒myā - ekā॒nnavigṃ̭śa॒tiḥ) (a. 19)

vā॒ru॒ṇāstrayaḥ̭ kṛ॒ṣṇala̭lāmā॒ varṷṇāya॒ rājñe॒ trayo॒ rohi̭talalāmā॒ varṷṇāya ri॒śāda̭se॒ trayo̭-'ru॒ṇala̭lāmā-śśi॒lpāstrayo̭ vaiśvade॒vāstrayaḥ॒ pṛśña̭ya-ssarvadeva॒tyā̭ aindrāsū॒rā-śśyeta̭lalāmāstūpa॒rāḥ || 51 ||

(vā॒ru॒ṇā - vigṃ̭śa॒tiḥ) (a. 20)

somā̭ya sva॒rājñḙ-'novā॒hāva̭na॒ḍvāhā̭-vindrā॒gnibhyā̭-mojo॒dābhyā॒muṣṭā̭rā-vindrā॒gnibhyā᳚-mbala॒dābhyāgṃ̭ sīravā॒hāvavī॒ dve dhe॒nū bhau॒mī di॒gbhyo vaḍa̭be॒ dve dhe॒nū bhau॒mī vai̭rā॒jī pṷru॒ṣī dve dhe॒nū bhau॒mī vā॒yava̭ ārohaṇavā॒hāva̭na॒ḍvāhaṷ vāru॒ṇī kṛ॒ṣṇe va॒śe a̭rā॒ḍyaṷ di॒vyāvṛ̭ṣa॒bhau pa̭rima॒rau || 52 ||

(somā̭ya sva॒rājñe॒ - catṷstrigṃśat) (a. 21)

ekā̭daśa prā॒targa॒vyāḥ pa॒śava॒ ā la̭bhyante chaga॒laḥ ka॒lmāṣaḥ̭ kikidī॒virvi̭dī॒gaya॒ste tvā॒ṣṭrā-ssau॒rīrnava̭ śve॒tā va॒śā a̭nūba॒ndhyā̭ bhavantyāgne॒ya ai᳚ndrā॒gna ā᳚śvi॒naste vi̭śālayū॒pa ā la̭bhyante || 53 ||

(aikā̭daśa prā॒taḥ - pañca̭vigṃśatiḥ) (a. 22)

pi॒śaṅgā॒strayo̭ vāsa॒ntā-ssā॒raṅgā॒strayo॒ graiṣmāḥ॒ pṛṣa̭nta॒strayo॒ vārṣi̭kāḥ॒ pṛśña̭ya॒strayaḥ̭ śāra॒dāḥ pṛ̭śñisa॒kthā-strayo॒ haima̭ntikā avali॒ptāstrayaḥ̭ śaiśi॒rā-ssaṃ̭va~thsa॒rāya॒ niva̭kṣasaḥ || 54 ||

(pi॒śaṅgā̭ - vigṃśa॒tiḥ) (a. 23)

(rohi̭taḥ kṛ॒ṣṇā dhū॒mrala̭lāmāḥ॒ - pṛśñiḥ̭ śyā॒mā a̭ru॒ṇala̭lāmāḥ -śitibā॒hu-śśi॒lpā-śśyenī᳚-śśyā॒mala̭lāmā - unna॒ta-ssi॒ddhmā dhā॒tre pau॒ṣṇā-śśyeta̭lalāmāḥ - ka॒rṇā ba॒bhrula̭lāmāḥ - śu॒ṇṭhā gau॒rala̭lāmā॒ - indrā̭ya kṛ॒ṣṇāla̭lāmā॒ - adi̭tyai॒ rohi̭ta lalāmaḥ -sau॒myā mā॒laṅgā̭ - vāru॒ṇā-ssū॒rā-śśyeta̭lalāmā॒ - daśa̭ |)

(hira̭ṇyavarṇā - a॒pā-ṅgrahā᳚n - bhūteṣṭa॒kāḥ - sa॒jūḥ - saṃ̭va~thsa॒raṃ - pra॒jāpa̭ti॒-ssa kṣu॒rapa̭vi - ra॒vagnervai dī॒kṣayā̭ - suva॒rgāya॒ taṃ-ya~nna - sū॒yate᳚ - pra॒jāpa̭tir-ṛ॒tubhī॒ - rohi̭taḥ॒ - pṛñiḥ̭ - śitibā॒hu - rṷnna॒taḥ - ka॒rṇāḥ - śu॒ṇṭhā - indrā॒yā- di̭tyai - sau॒myā - vā̭ru॒ṇāḥ - somā॒yai - kā̭daśa - pi॒śaṅgā॒ - strayo̭vigṃśatiḥ)

(hira̭ṇyavarṇā - bhūteṣṭa॒kāḥ - chando॒ yat - kanī̭yāgṃsan-tri॒vṛddhya̭gni - rvā̭ru॒ṇā - ścatṷṣpañcā॒śat )

(hira̭ṇyavarṇā॒, niva̭kṣasaḥ)

|| hariḥ̭ om ||

|| kṛṣṇa yajurvedīya taittirīya saṃhitāyā-mpañcamakāṇḍe ṣaṣṭhaḥ praśna-ssamāptaḥ ||