Ganesha Vajra Panjara Stotram

ॐ

ಗಣೇಶ ವಜ್ರ ಪಞ್ಜರ ಸ್ತೋತ್ರಮ್

Ganesha Stotram Kannada

ಧ್ಯಾನಮ್ ।

ತ್ರಿನೇತ್ರಂ ಗಜಾಸ್ಯಂ ಚತುರ್ಬಾಹುಧಾರಂ

ಪರಶ್ವಾದಿಶಸ್ತ್ರೈರ್ಯುತಂ ಭಾಲಚನ್ದ್ರಮ್ ।

ನರಾಕಾರದೇಹಂ ಸದಾ ಯೋಗಶಾನ್ತಂ

ಗಣೇಶಂ ಭಜೇ ಸರ್ವವನ್ದ್ಯಂ ಪರೇಶಮ್ ॥ 1 ॥

ಬಿನ್ದುರೂಪೋ ವಕ್ರತುಣ್ಡೋ ರಕ್ಷತು ಮೇ ಹೃದಿ ಸ್ಥಿತಃ ।

ದೇಹಾಂಶ್ಚತುರ್ವಿಧಾಂಸ್ತತ್ತ್ವಾಂಸ್ತತ್ತ್ವಾಧಾರಃ ಸನಾತನಃ ॥ 2 ॥

ದೇಹಮೋಹಯುತಂ ಹ್ಯೇಕದನ್ತಃ ಸೋಽಹಂ ಸ್ವರೂಪಧೃಕ್ ।

ದೇಹಿನಂ ಮಾಂ ವಿಶೇಷೇಣ ರಕ್ಷತು ಭ್ರಮನಾಶಕಃ ॥ 3 ॥

ಮಹೋದರಸ್ತಥಾ ದೇವೋ ನಾನಾಬೋಧಾನ್ ಪ್ರತಾಪವಾನ್ ।

ಸದಾ ರಕ್ಷತು ಮೇ ಬೋಧಾನನ್ದಸಂಸ್ಥೋ ಹ್ಯಹರ್ನಿಶಮ್ ॥ 4 ॥

ಸಾಙ್ಖ್ಯಾನ್ ರಕ್ಷತು ಸಾಙ್ಖ್ಯೇಶೋ ಗಜಾನನಃ ಸುಸಿದ್ಧಿದಃ ।

ಅಸತ್ಯೇಷು ಸ್ಥಿತಂ ಮಾಂ ಸ ಲಮ್ಬೋದರಶ್ಚ ರಕ್ಷತು ॥ 5 ॥

ಸತ್ಸು ಸ್ಥಿತಂ ಸುಮೋಹೇನ ವಿಕಟೋ ಮಾಂ ಪರಾತ್ಪರಃ ।

ರಕ್ಷತು ಭಕ್ತವಾತ್ಸಲ್ಯಾತ್ ಸದೈಕಾಮೃತಧಾರಕಃ ॥ 6 ॥

ಆನನ್ದೇಷು ಸ್ಥಿತಂ ನಿತ್ಯಂ ಮಾಂ ರಕ್ಷತು ಸಮಾತ್ಮಕಃ ।

ವಿಘ್ನರಾಜೋ ಮಹಾವಿಘ್ನೈರ್ನಾನಾಖೇಲಕರಃ ಪ್ರಭುಃ ॥ 7 ॥

ಅವ್ಯಕ್ತೇಷು ಸ್ಥಿತಂ ನಿತ್ಯಂ ಧೂಮ್ರವರ್ಣಃ ಸ್ವರೂಪಧೃಕ್ ।

ಮಾಂ ರಕ್ಷತು ಸುಖಾಕಾರಃ ಸಹಜಃ ಸರ್ವಪೂಜಿತಃ ॥ 8 ॥

ಸ್ವಸಂವೇದ್ಯೇಷು ಸಂಸ್ಥಂ ಮಾಂ ಗಣೇಶಃ ಸ್ವಸ್ವರೂಪಧೃಕ್ ।

ರಕ್ಷತು ಯೋಗಭಾವೇನ ಸಂಸ್ಥಿತೋ ಭವನಾಯಕಃ ॥ 9 ॥

ಅಯೋಗೇಷು ಸ್ಥಿತಂ ನಿತ್ಯಂ ಮಾಂ ರಕ್ಷತು ಗಣೇಶ್ವರಃ ।

ನಿವೃತ್ತಿರೂಪಧೃಕ್ ಸಾಕ್ಷಾದಸಮಾಧಿಸುಖೇ ರತಃ ॥ 10 ॥

ಯೋಗಶಾನ್ತಿಧರೋ ಮಾಂ ತು ರಕ್ಷತು ಯೋಗಸಂಸ್ಥಿತಮ್ ।

ಗಣಾಧೀಶಃ ಪ್ರಸನ್ನಾತ್ಮಾ ಸಿದ್ಧಿಬುದ್ಧಿಸಮನ್ವಿತಃ ॥ 11 ॥

ಪುರೋ ಮಾಂ ಗಜಕರ್ಣಶ್ಚ ರಕ್ಷತು ವಿಘ್ನಹಾರಕಃ ।

ವಾಹ್ನ್ಯಾಂ ಯಾಮ್ಯಾಂ ಚ ನೈರೃತ್ಯಾಂ ಚಿನ್ತಾಮಣಿರ್ವರಪ್ರದಃ ॥ 12 ॥

ರಕ್ಷತು ಪಶ್ಚಿಮೇ ಢುಣ್ಢಿರ್ಹೇರಮ್ಬೋ ವಾಯುದಿಕ್ ಸ್ಥಿತಮ್ ।

ವಿನಾಯಕಶ್ಚೋತ್ತರೇ ತು ಪ್ರಮೋದಶ್ಚೇಶದಿಕ್ ಸ್ಥಿತಮ್ ॥ 13 ॥

ಊರ್ಧ್ವಂ ಸಿದ್ಧಿಪತಿಃ ಪಾತು ಬುದ್ಧೀಶೋಽಧಃ ಸ್ಥಿತಂ ಸದಾ ।

ಸರ್ವಾಙ್ಗೇಷು ಮಯೂರೇಶಃ ಪಾತು ಮಾಂ ಭಕ್ತಿಲಾಲಸಃ ॥ 14 ॥

ಯತ್ರ ತತ್ರ ಸ್ಥಿತಂ ಮಾಂ ತು ಸದಾ ರಕ್ಷತು ಯೋಗಪಃ ।

ಪುರಶುಪಾಶಸಂಯುಕ್ತೋ ವರದಾಭಯಧಾರಕಃ ॥ 15 ॥

ಇದಂ ಗಣಪತೇಃ ಪ್ರೋಕ್ತಂ ವಜ್ರಪಞ್ಜರಕಂ ಪರಮ್ ।

ಧಾರಯಸ್ವ ಮಹಾದೇವ ವಿಜಯೀ ತ್ವಂ ಭವಿಷ್ಯಸಿ ॥ 16 ॥

ಯ ಇದಂ ಪಞ್ಜರಂ ಧೃತ್ವಾ ಯತ್ರ ಕುತ್ರ ಸ್ಥಿತೋ ಭವೇತ್ ।

ನ ತಸ್ಯ ಜಾಯತೇ ಕ್ವಾಪಿ ಭಯಂ ನಾನಾಸ್ವಭಾವಜಮ್ ॥ 17 ॥

ಯಃ ಪಠೇತ್ ಪಞ್ಜರಂ ನಿತ್ಯಂ ಸ ಈಪ್ಸಿತಮವಾಪ್ನುಯಾತ್ ।

ವಜ್ರಸಾರತನುರ್ಭೂತ್ವಾ ಚರೇತ್ಸರ್ವತ್ರ ಮಾನವಃ ॥ 18 ॥

ತ್ರಿಕಾಲಂ ಯಃ ಪಠೇನ್ನಿತ್ಯಂ ಸ ಗಣೇಶ ಇವಾಪರಃ ।

ನಿರ್ವಿಘ್ನಃ ಸರ್ವಕಾರ್ಯೇಷು ಬ್ರಹ್ಮಭೂತೋ ಭವೇನ್ನರಃ ॥ 19 ॥

ಯಃ ಶೃಣೋತಿ ಗಣೇಶಸ್ಯ ಪಞ್ಜರಂ ವಜ್ರಸಞ್ಜ್ಞಕಮ್ ।

ಆರೋಗ್ಯಾದಿಸಮಾಯುಕ್ತೋ ಭವತೇ ಗಣಪಪ್ರಿಯಃ ॥ 20 ॥

ಧನಂ ಧಾನ್ಯಂ ಪಶೂನ್ ವಿದ್ಯಾಮಾಯುಷ್ಯಂ ಪುತ್ರಪೌತ್ರಕಮ್ ।

ಸರ್ವಸಮ್ಪತ್ಸಮಾಯುಕ್ತಮೈಶ್ವರ್ಯಂ ಪಠನಾಲ್ಲಭೇತ್ ॥ 21 ॥

ನ ಭಯಂ ತಸ್ಯ ವಜ್ರಾತ್ತು ಚಕ್ರಾಚ್ಛೂಲಾದ್ಭವೇತ್ ಕದಾ ।

ಶಙ್ಕರಾದೇರ್ಮಹಾದೇವ ಪಠನಾದಸ್ಯ ನಿತ್ಯಶಃ ॥ 22 ॥

ಯಂ ಯಂ ಚಿನ್ತಯತೇ ಮರ್ತ್ಯಸ್ತಂ ತಂ ಪ್ರಾಪ್ನೋತಿ ಶಾಶ್ವತಮ್ ।

ಪಠನಾದಸ್ಯ ವಿಘ್ನೇಶ ಪಞ್ಜರಸ್ಯ ನಿರನ್ತರಮ್ ॥ 23 ॥

ಲಕ್ಷಾವೃತ್ತಿಭಿರೇವಂ ಸ ಸಿದ್ಧಪಞ್ಜರಕೋ ಭವೇತ್ ।

ಸ್ತಮ್ಭಯೇದಪಿ ಸೂರ್ಯಂ ತು ಬ್ರಹ್ಮಾಣ್ಡಂ ವಶಮಾನಯೇತ್ ॥ 24 ॥

ಏವಮುಕ್ತ್ವಾ ಗಣೇಶಾನೋಽನ್ತರ್ದಧೇ ಮುನಿಸತ್ತಮ ।

ಶಿವೋ ದೇವಾದಿಭಿರ್ಯುಕ್ತೋ ಹರ್ಷಿತಃ ಸಮ್ಬಭೂವ ಹ ॥ 25 ॥

ಇತಿ ಶ್ರೀಮನ್ಮುದ್ಗಲೇ ಮಹಾಪುರಾಣೇ ಧೂಮ್ರವರ್ಣಚರಿತೇ ವಜ್ರಪಞ್ಜರಕಥನಂ ನಾಮ ತ್ರಯೋವಿಂಶೋಽಧ್ಯಾಯಃ ।

Roman (IAST) Transliteration

dhyānam |

trinetraṃ gajāsyaṃ caturbāhudhāraṃ

paraśvādiśastrairyutaṃ bhālacandram |

narākāradehaṃ sadā yogaśāntaṃ

gaṇeśaṃ bhaje sarvavandyaṃ pareśam || 1 ||

bindurūpo vakratuṇḍo rakṣatu me hṛdi sthitaḥ |

dehāṃścaturvidhāṃstattvāṃstattvādhāraḥ sanātanaḥ || 2 ||

dehamohayutaṃ hyekadantaḥ so'haṃ svarūpadhṛk |

dehinaṃ māṃ viśeṣeṇa rakṣatu bhramanāśakaḥ || 3 ||

mahodarastathā devo nānābodhān pratāpavān |

sadā rakṣatu me bodhānandasaṃstho hyaharniśam || 4 ||

sāṅkhyān rakṣatu sāṅkhyeśo gajānanaḥ susiddhidaḥ |

asatyeṣu sthitaṃ māṃ sa lambodaraśca rakṣatu || 5 ||

satsu sthitaṃ sumohena vikaṭo māṃ parātparaḥ |

rakṣatu bhaktavātsalyāt sadaikāmṛtadhārakaḥ || 6 ||

ānandeṣu sthitaṃ nityaṃ māṃ rakṣatu samātmakaḥ |

vighnarājo mahāvighnairnānākhelakaraḥ prabhuḥ || 7 ||

avyakteṣu sthitaṃ nityaṃ dhūmravarṇaḥ svarūpadhṛk |

māṃ rakṣatu sukhākāraḥ sahajaḥ sarvapūjitaḥ || 8 ||

svasaṃvedyeṣu saṃsthaṃ māṃ gaṇeśaḥ svasvarūpadhṛk |

rakṣatu yogabhāvena saṃsthito bhavanāyakaḥ || 9 ||

ayogeṣu sthitaṃ nityaṃ māṃ rakṣatu gaṇeśvaraḥ |

nivṛttirūpadhṛk sākṣādasamādhisukhe rataḥ || 10 ||

yogaśāntidharo māṃ tu rakṣatu yogasaṃsthitam |

gaṇādhīśaḥ prasannātmā siddhibuddhisamanvitaḥ || 11 ||

puro māṃ gajakarṇaśca rakṣatu vighnahārakaḥ |

vāhnyāṃ yāmyāṃ ca nairṛtyāṃ cintāmaṇirvarapradaḥ || 12 ||

rakṣatu paścime ḍhuṇḍhirherambo vāyudik sthitam |

vināyakaścottare tu pramodaśceśadik sthitam || 13 ||

ūrdhvaṃ siddhipatiḥ pātu buddhīśo'dhaḥ sthitaṃ sadā |

sarvāṅgeṣu mayūreśaḥ pātu māṃ bhaktilālasaḥ || 14 ||

yatra tatra sthitaṃ māṃ tu sadā rakṣatu yogapaḥ |

puraśupāśasaṃyukto varadābhayadhārakaḥ || 15 ||

idaṃ gaṇapateḥ proktaṃ vajrapañjarakaṃ param |

dhārayasva mahādeva vijayī tvaṃ bhaviṣyasi || 16 ||

ya idaṃ pañjaraṃ dhṛtvā yatra kutra sthito bhavet |

na tasya jāyate kvāpi bhayaṃ nānāsvabhāvajam || 17 ||

yaḥ paṭhet pañjaraṃ nityaṃ sa īpsitamavāpnuyāt |

vajrasāratanurbhūtvā caretsarvatra mānavaḥ || 18 ||

trikālaṃ yaḥ paṭhennityaṃ sa gaṇeśa ivāparaḥ |

nirvighnaḥ sarvakāryeṣu brahmabhūto bhavennaraḥ || 19 ||

yaḥ śṛṇoti gaṇeśasya pañjaraṃ vajrasañjñakam |

ārogyādisamāyukto bhavate gaṇapapriyaḥ || 20 ||

dhanaṃ dhānyaṃ paśūn vidyāmāyuṣyaṃ putrapautrakam |

sarvasampatsamāyuktamaiśvaryaṃ paṭhanāllabhet || 21 ||

na bhayaṃ tasya vajrāttu cakrācchūlādbhavet kadā |

śaṅkarādermahādeva paṭhanādasya nityaśaḥ || 22 ||

yaṃ yaṃ cintayate martyastaṃ taṃ prāpnoti śāśvatam |

paṭhanādasya vighneśa pañjarasya nirantaram || 23 ||

lakṣāvṛttibhirevaṃ sa siddhapañjarako bhavet |

stambhayedapi sūryaṃ tu brahmāṇḍaṃ vaśamānayet || 24 ||

evamuktvā gaṇeśāno'ntardadhe munisattama |

śivo devādibhiryukto harṣitaḥ sambabhūva ha || 25 ||

iti śrīmanmudgale mahāpurāṇe dhūmravarṇacarite vajrapañjarakathanaṃ nāma trayoviṃśo'dhyāyaḥ |