Dashavatara Stuti — InfoLyter.in

ॐ

ದಶಾವತಾರ ಸ್ತುತಿ

Dashavatara Stuti

Tara Kannada

ನಾಮಸ್ಮರಣಾದನ್ಯೋಪಾಯಂ ನ ಹಿ ಪಶ್ಯಾಮೋ ಭವತರಣೇ ।

ರಾಮ ಹರೇ ಕೃಷ್ಣ ಹರೇ ತವ ನಾಮ ವದಾಮಿ ಸದಾ ನೃಹರೇ ॥

ವೇದೋದ್ಧಾರವಿಚಾರಮತೇ ಸೋಮಕದಾನವಸಂಹರಣೇ ।

ಮೀನಾಕಾರಶರೀರ ನಮೋ ಭಕ್ತಂ ತೇ ಪರಿಪಾಲಯ ಮಾಮ್ ॥ 1 ॥

ಮನ್ಥಾನಾಚಲಧಾರಣಹೇತೋ ದೇವಾಸುರ ಪರಿಪಾಲ ವಿಭೋ ।

ಕೂರ್ಮಾಕಾರಶರೀರ ನಮೋ ಭಕ್ತಂ ತೇ ಪರಿಪಾಲಯ ಮಾಮ್ ॥ 2 ॥

ಭೂಚೋರಕಹರ ಪುಣ್ಯಮತೇ ಕ್ರೀಡೋದ್ಧೃತಭೂದೇವಹರೇ ।

ಕ್ರೋಡಾಕಾರಶರೀರ ನಮೋ ಭಕ್ತಂ ತೇ ಪರಿಪಾಲಯ ಮಾಮ್ ॥ 3 ॥

ಹಿರಣ್ಯಕಶಿಪುಚ್ಛೇದನಹೇತೋ ಪ್ರಹ್ಲಾದಾಽಭಯಧಾರಣಹೇತೋ ।

ನರಸಿಂಹಾಚ್ಯುತರೂಪ ನಮೋ ಭಕ್ತಂ ತೇ ಪರಿಪಾಲಯ ಮಾಮ್ ॥ 4 ॥

ಭವಬನ್ಧನಹರ ವಿತತಮತೇ ಪಾದೋದಕವಿಹತಾಘತತೇ ।

ವಟುಪಟುವೇಷಮನೋಜ್ಞ ನಮೋ ಭಕ್ತಂ ತೇ ಪರಿಪಾಲಯ ಮಾಮ್ ॥ 5 ॥

ಕ್ಷಿತಿಪತಿವಂಶಕ್ಷಯಕರಮೂರ್ತೇ ಕ್ಷಿತಿಪತಿಕರ್ತಾಹರಮೂರ್ತೇ ।

ಭೃಗುಕುಲರಾಮ ಪರೇಶ ನಮೋ ಭಕ್ತಂ ತೇ ಪರಿಪಾಲಯ ಮಾಮ್ ॥ 6 ॥

ಸೀತಾವಲ್ಲಭ ದಾಶರಥೇ ದಶರಥನನ್ದನ ಲೋಕಗುರೋ ।

ರಾವಣಮರ್ದನ ರಾಮ ನಮೋ ಭಕ್ತಂ ತೇ ಪರಿಪಾಲಯ ಮಾಮ್ ॥ 7 ॥

ಕೃಷ್ಣಾನನ್ತ ಕೃಪಾಜಲಧೇ ಕಂಸಾರೇ ಕಮಲೇಶ ಹರೇ ।

ಕಾಲಿಯಮರ್ದನ ಲೋಕಗುರೋ ಭಕ್ತಂ ತೇ ಪರಿಪಾಲಯ ಮಾಮ್ ॥ 8 ॥

ದಾನವಸತಿಮಾನಾಪಹರ ತ್ರಿಪುರವಿಜಯಮರ್ದನರೂಪ ।

ಬುದ್ಧಜ್ಞಾಯ ಚ ಬೌದ್ಧ ನಮೋ ಭಕ್ತಂ ತೇ ಪರಿಪಾಲಯ ಮಾಮ್ ॥ 9 ॥

ಶಿಷ್ಟಜನಾವನ ದುಷ್ಟಹರ ಖಗತುರಗೋತ್ತಮವಾಹನ ತೇ ।

ಕಲ್ಕಿರೂಪಪರಿಪಾಲ ನಮೋ ಭಕ್ತಂ ತೇ ಪರಿಪಾಲಯ ಮಾಮ್ ॥ 10 ॥

ನಾಮಸ್ಮರಣಾದನ್ಯೋಪಾಯಂ ನ ಹಿ ಪಶ್ಯಾಮೋ ಭವತರಣೇ ।

ರಾಮ ಹರೇ ಕೃಷ್ಣ ಹರೇ ತವ ನಾಮ ವದಾಮಿ ಸದಾ ನೃಹರೇ ॥

ಇತಿ ದಶಾವತಾರ ಸ್ತುತಿಃ ।

Roman (IAST) Transliteration

nāmasmaraṇādanyopāyaṃ na hi paśyāmo bhavataraṇe |

rāma hare kṛṣṇa hare tava nāma vadāmi sadā nṛhare ||

vedoddhāravicāramate somakadānavasaṃharaṇe |

mīnākāraśarīra namo bhaktaṃ te paripālaya mām || 1 ||

manthānācaladhāraṇaheto devāsura paripāla vibho |

kūrmākāraśarīra namo bhaktaṃ te paripālaya mām || 2 ||

bhūcorakahara puṇyamate krīḍoddhṛtabhūdevahare |

kroḍākāraśarīra namo bhaktaṃ te paripālaya mām || 3 ||

hiraṇyakaśipucchedanaheto prahlādā'bhayadhāraṇaheto |

narasiṃhācyutarūpa namo bhaktaṃ te paripālaya mām || 4 ||

bhavabandhanahara vitatamate pādodakavihatāghatate |

vaṭupaṭuveṣamanojña namo bhaktaṃ te paripālaya mām || 5 ||

kṣitipativaṃśakṣayakaramūrte kṣitipatikartāharamūrte |

bhṛgukularāma pareśa namo bhaktaṃ te paripālaya mām || 6 ||

sītāvallabha dāśarathe daśarathanandana lokaguro |

rāvaṇamardana rāma namo bhaktaṃ te paripālaya mām || 7 ||

kṛṣṇānanta kṛpājaladhe kaṃsāre kamaleśa hare |

kāliyamardana lokaguro bhaktaṃ te paripālaya mām || 8 ||

dānavasatimānāpahara tripuravijayamardanarūpa |

buddhajñāya ca bauddha namo bhaktaṃ te paripālaya mām || 9 ||

śiṣṭajanāvana duṣṭahara khagaturagottamavāhana te |

kalkirūpaparipāla namo bhaktaṃ te paripālaya mām || 10 ||

nāmasmaraṇādanyopāyaṃ na hi paśyāmo bhavataraṇe |

rāma hare kṛṣṇa hare tava nāma vadāmi sadā nṛhare ||

iti daśāvatāra stutiḥ |