Chatushloki Bhagavatam — InfoLyter.in

ॐ

ಚತುಶ್ಲೋಕೀ ಭಾಗವತಮ್

Chatushloki Bhagavatam

Bhagavatam Vyasa Kannada

ಶ್ರೀಭಗವಾನುವಾಚ ।

ಜ್ಞಾನಂ ಪರಮಗುಹ್ಯಂ ಮೇ ಯದ್ವಿಜ್ಞಾನಸಮನ್ವಿತಮ್ ।

ಸರಹಸ್ಯಂ ತದಙ್ಗಂ ಚ ಗೃಹಾಣ ಗದಿತಂ ಮಯಾ ॥ 1 ॥

ಯಾವಾನಹಂ ಯಥಾಭಾವೋ ಯದ್ರೂಪಗುಣಕರ್ಮಕಃ ।

ತಥೈವ ತತ್ತ್ವವಿಜ್ಞಾನಮಸ್ತು ತೇ ಮದನುಗ್ರಹಾತ್ ॥ 2 ॥

ಅಹಮೇವಾಸಮೇವಾಗ್ರೇ ನಾನ್ಯದ್ಯತ್ಸದಸತ್ಪರಮ್ ।

ಪಶ್ಚಾದಹಂ ಯದೇತಚ್ಚ ಯೋಽವಶಿಷ್ಯೇತ ಸೋಽಸ್ಮ್ಯಹಮ್ ॥ 3 ॥

ಋತೇಽರ್ಥಂ ಯತ್ಪ್ರತೀಯೇತ ನ ಪ್ರತೀಯೇತ ಚಾತ್ಮನಿ ।

ತದ್ವಿದ್ಯಾದಾತ್ಮನೋ ಮಾಯಾಂ ಯಥಾಽಭಾಸೋ ಯಥಾ ತಮಃ ॥ 4 ॥

ಯಥಾ ಮಹಾನ್ತಿ ಭೂತಾನಿ ಭೂತೇಷೂಚ್ಚಾವಚೇಷ್ವನು ।

ಪ್ರವಿಷ್ಟಾನ್ಯಪ್ರವಿಷ್ಟಾನಿ ತಥಾ ತೇಷು ನ ತೇಷ್ವಹಮ್ ॥ 5 ॥

ಏತಾವದೇವ ಜಿಜ್ಞಾಸ್ಯಂ ತತ್ತ್ವಜಿಜ್ಞಾಸುನಾಽತ್ಮನಃ ।

ಅನ್ವಯವ್ಯತಿರೇಕಾಭ್ಯಾಂ ಯತ್ಸ್ಯಾತ್ಸರ್ವತ್ರ ಸರ್ವದಾ ॥ 6 ॥

ಏತನ್ಮತಂ ಸಮಾತಿಷ್ಠ ಪರಮೇಣ ಸಮಾಧಿನಾ ।

ಭವಾನ್ಕಲ್ಪವಿಕಲ್ಪೇಷು ನ ವಿಮುಹ್ಯತಿ ಕರ್ಹಿಚಿತ್ ॥ 7 ॥

.. ಇತಿ ಶ್ರೀಮದ್ಭಾಗವತೇ ಮಹಾಪುರಾಣೇಽಷ್ಟಾದಶಸಾಹಸ್ರ್ಯಾಂ

ಸಂಹಿತಾಯಾಂ ವೈಯಸಿಕ್ಯಾಂ ದ್ವಿತೀಯಸ್ಕನ್ಧೇ ಭಗವದ್ಬ್ರಹ್ಮಸಂವಾದೇ

ನವಮಾಧ್ಯಾಯಾನ್ತರ್ಗತಂ ಚತುಃಶ್ಲೋಕೀಭಾಗವತಂ ಸಮಾಪ್ತಮ್ . ।

ಭಾಗವತಪುರಾಣ . ಅಧ್ಯಾಯ 2/9/30-36 . ।

Roman (IAST) Transliteration

śrībhagavānuvāca |

jñānaṃ paramaguhyaṃ me yadvijñānasamanvitam |

sarahasyaṃ tadaṅgaṃ ca gṛhāṇa gaditaṃ mayā || 1 ||

yāvānahaṃ yathābhāvo yadrūpaguṇakarmakaḥ |

tathaiva tattvavijñānamastu te madanugrahāt || 2 ||

ahamevāsamevāgre nānyadyatsadasatparam |

paścādahaṃ yadetacca yo'vaśiṣyeta so'smyaham || 3 ||

ṛte'rthaṃ yatpratīyeta na pratīyeta cātmani |

tadvidyādātmano māyāṃ yathā'bhāso yathā tamaḥ || 4 ||

yathā mahānti bhūtāni bhūteṣūccāvaceṣvanu |

praviṣṭānyapraviṣṭāni tathā teṣu na teṣvaham || 5 ||

etāvadeva jijñāsyaṃ tattvajijñāsunā'tmanaḥ |

anvayavyatirekābhyāṃ yatsyātsarvatra sarvadā || 6 ||

etanmataṃ samātiṣṭha parameṇa samādhinā |

bhavānkalpavikalpeṣu na vimuhyati karhicit || 7 ||

.. iti śrīmadbhāgavate mahāpurāṇe'ṣṭādaśasāhasryāṃ

saṃhitāyāṃ vaiyasikyāṃ dvitīyaskandhe bhagavadbrahmasaṃvāde

navamādhyāyāntargataṃ catuḥślokībhāgavataṃ samāptam . |

bhāgavatapurāṇa . adhyāya 2/9/30-36 . |