Ayyappa Ashtottara Shata Nama Stotram

ॐ

ಅಯ್ಯಪ್ಪ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

Tara Ashtottara Sata Namavali Kannada

ಮಹಾಶಾಸ್ತಾ ಮಹಾದೇವೋ ಮಹಾದೇವಸುತೋಽವ್ಯಯಃ ।

ಲೋಕಕರ್ತಾ ಲೋಕಭರ್ತಾ ಲೋಕಹರ್ತಾ ಪರಾತ್ಪರಃ ॥ 1 ॥

ತ್ರಿಲೋಕರಕ್ಷಕೋ ಧನ್ವೀ ತಪಸ್ವೀ ಭೂತಸೈನಿಕಃ ।

ಮನ್ತ್ರವೇದೀ ಮಹಾವೇದೀ ಮಾರುತೋ ಜಗದೀಶ್ವರಃ ॥ 2 ॥

ಲೋಕಾಧ್ಯಕ್ಷೋಽಗ್ರಣೀಃ ಶ್ರೀಮಾನಪ್ರಮೇಯಪರಾಕ್ರಮಃ ।

ಸಿಂಹಾರೂಢೋ ಗಜಾರೂಢೋ ಹಯಾರೂಢೋ ಮಹೇಶ್ವರಃ ॥ 3 ॥

ನಾನಾಶಸ್ತ್ರಧರೋಽನರ್ಘೋ ನಾನಾವಿದ್ಯಾವಿಶಾರದಃ ।

ನಾನಾರೂಪಧರೋ ವೀರೋ ನಾನಾಪ್ರಾಣಿನಿಷೇವಿತಃ ॥ 4 ॥

ಭೂತೇಶೋ ಭೂತಿತೋ ಭೃತ್ಯೋ ಭುಜಙ್ಗಾಭರಣೋಜ್ವಲಃ ।

ಇಕ್ಷುಧನ್ವೀ ಪುಷ್ಪಬಾಣೋ ಮಹಾರೂಪೋ ಮಹಾಪ್ರಭುಃ ॥ 5 ॥

ಮಾಯಾದೇವೀಸುತೋ ಮಾನ್ಯೋ ಮಹನೀಯೋ ಮಹಾಗುಣಃ ।

ಮಹಾಶೈವೋ ಮಹಾರುದ್ರೋ ವೈಷ್ಣವೋ ವಿಷ್ಣುಪೂಜಕಃ ॥ 6 ॥

ವಿಘ್ನೇಶೋ ವೀರಭದ್ರೇಶೋ ಭೈರವೋ ಷಣ್ಮುಖಪ್ರಿಯಃ ।

ಮೇರುಶೃಙ್ಗಸಮಾಸೀನೋ ಮುನಿಸಙ್ಘನಿಷೇವಿತಃ ॥ 7 ॥

ದೇವೋ ಭದ್ರೋ ಜಗನ್ನಾಥೋ ಗಣನಾಥೋ ಗಣೇಶ್ವರಃ ।

ಮಹಾಯೋಗೀ ಮಹಾಮಾಯೀ ಮಹಾಜ್ಞಾನೀ ಮಹಾಸ್ಥಿರಃ ॥ 8 ॥

ದೇವಶಾಸ್ತಾ ಭೂತಶಾಸ್ತಾ ಭೀಮಹಾಸಪರಾಕ್ರಮಃ ।

ನಾಗಹಾರೋ ನಾಗಕೇಶೋ ವ್ಯೋಮಕೇಶಃ ಸನಾತನಃ ॥ 9 ॥

ಸಗುಣೋ ನಿರ್ಗುಣೋ ನಿತ್ಯೋ ನಿತ್ಯತೃಪ್ತೋ ನಿರಾಶ್ರಯಃ ।

ಲೋಕಾಶ್ರಯೋ ಗಣಾಧೀಶಶ್ಚತುಷ್ಷಷ್ಟಿಕಲಾಮಯಃ ॥ 10 ॥

ಋಗ್ಯಜುಃಸಾಮಥರ್ವಾತ್ಮಾ ಮಲ್ಲಕಾಸುರಭಞ್ಜನಃ ।

ತ್ರಿಮೂರ್ತಿ ದೈತ್ಯಮಥನಃ ಪ್ರಕೃತಿಃ ಪುರುಷೋತ್ತಮಃ ॥ 11 ॥

ಕಾಲಜ್ಞಾನೀ ಮಹಾಜ್ಞಾನೀ ಕಾಮದಃ ಕಮಲೇಕ್ಷಣಃ ।

ಕಲ್ಪವೃಕ್ಷೋ ಮಹಾವೃಕ್ಷೋ ವಿದ್ಯಾವೃಕ್ಷೋ ವಿಭೂತಿದಃ ॥ 12 ॥

ಸಂಸಾರತಾಪವಿಚ್ಛೇತ್ತಾ ಪಶುಲೋಕಭಯಙ್ಕರಃ ।

ರೋಗಹನ್ತಾ ಪ್ರಾಣದಾತಾ ಪರಗರ್ವವಿಭಞ್ಜನಃ ॥ 13 ॥

ಸರ್ವಶಾಸ್ತ್ರಾರ್ಥತತ್ವಜ್ಞೋ ನೀತಿಮಾನ್ ಪಾಪಭಞ್ಜನಃ ।

ಪುಷ್ಕಲಾಪೂರ್ಣಾಸಂಯುಕ್ತಃ ಪರಮಾತ್ಮಾ ಸತಾಙ್ಗತಿಃ ॥ 14 ॥

ಅನನ್ತಾದಿತ್ಯಸಙ್ಕಾಶಃ ಸುಬ್ರಹ್ಮಣ್ಯಾನುಜೋ ಬಲೀ ।

ಭಕ್ತಾನುಕಮ್ಪೀ ದೇವೇಶೋ ಭಗವಾನ್ ಭಕ್ತವತ್ಸಲಃ ॥ 15 ॥

Roman (IAST) Transliteration

mahāśāstā mahādevo mahādevasuto'vyayaḥ |

lokakartā lokabhartā lokahartā parātparaḥ || 1 ||

trilokarakṣako dhanvī tapasvī bhūtasainikaḥ |

mantravedī mahāvedī māruto jagadīśvaraḥ || 2 ||

lokādhyakṣo'graṇīḥ śrīmānaprameyaparākramaḥ |

siṃhārūḍho gajārūḍho hayārūḍho maheśvaraḥ || 3 ||

nānāśastradharo'nargho nānāvidyāviśāradaḥ |

nānārūpadharo vīro nānāprāṇiniṣevitaḥ || 4 ||

bhūteśo bhūtito bhṛtyo bhujaṅgābharaṇojvalaḥ |

ikṣudhanvī puṣpabāṇo mahārūpo mahāprabhuḥ || 5 ||

māyādevīsuto mānyo mahanīyo mahāguṇaḥ |

mahāśaivo mahārudro vaiṣṇavo viṣṇupūjakaḥ || 6 ||

vighneśo vīrabhadreśo bhairavo ṣaṇmukhapriyaḥ |

meruśṛṅgasamāsīno munisaṅghaniṣevitaḥ || 7 ||

devo bhadro jagannātho gaṇanātho gaṇeśvaraḥ |

mahāyogī mahāmāyī mahājñānī mahāsthiraḥ || 8 ||

devaśāstā bhūtaśāstā bhīmahāsaparākramaḥ |

nāgahāro nāgakeśo vyomakeśaḥ sanātanaḥ || 9 ||

saguṇo nirguṇo nityo nityatṛpto nirāśrayaḥ |

lokāśrayo gaṇādhīśaścatuṣṣaṣṭikalāmayaḥ || 10 ||

ṛgyajuḥsāmatharvātmā mallakāsurabhañjanaḥ |

trimūrti daityamathanaḥ prakṛtiḥ puruṣottamaḥ || 11 ||

kālajñānī mahājñānī kāmadaḥ kamalekṣaṇaḥ |

kalpavṛkṣo mahāvṛkṣo vidyāvṛkṣo vibhūtidaḥ || 12 ||

saṃsāratāpavicchettā paśulokabhayaṅkaraḥ |

rogahantā prāṇadātā paragarvavibhañjanaḥ || 13 ||

sarvaśāstrārthatatvajño nītimān pāpabhañjanaḥ |

puṣkalāpūrṇāsaṃyuktaḥ paramātmā satāṅgatiḥ || 14 ||

anantādityasaṅkāśaḥ subrahmaṇyānujo balī |

bhaktānukampī deveśo bhagavān bhaktavatsalaḥ || 15 ||