Ashtavakra Gita Chaturtho'dhyayah

ॐ

ಅಷ್ಟಾವಕ್ರ ಗೀತಾ ಚತುರ್ಥೋಽಧ್ಯಾಯಃ

Gita Kannada

ಜನಕ ಉವಾಚ ॥

ಹನ್ತಾತ್ಮಜ್ಞಾನಸ್ಯ ಧೀರಸ್ಯ ಖೇಲತೋ ಭೋಗಲೀಲಯಾ ।

ನ ಹಿ ಸಂಸಾರವಾಹೀಕೈರ್ಮೂಢೈಃ ಸಹ ಸಮಾನತಾ ॥ 4-1॥

ಯತ್ ಪದಂ ಪ್ರೇಪ್ಸವೋ ದೀನಾಃ ಶಕ್ರಾದ್ಯಾಃ ಸರ್ವದೇವತಾಃ ।

ಅಹೋ ತತ್ರ ಸ್ಥಿತೋ ಯೋಗೀ ನ ಹರ್ಷಮುಪಗಚ್ಛತಿ ॥ 4-2॥

ತಜ್ಜ್ಞಸ್ಯ ಪುಣ್ಯಪಾಪಾಭ್ಯಾಂ ಸ್ಪರ್ಶೋ ಹ್ಯನ್ತರ್ನ ಜಾಯತೇ ।

ನ ಹ್ಯಾಕಾಶಸ್ಯ ಧೂಮೇನ ದೃಶ್ಯಮಾನಾಪಿ ಸಙ್ಗತಿಃ ॥ 4-3॥

ಆತ್ಮೈವೇದಂ ಜಗತ್ಸರ್ವಂ ಜ್ಞಾತಂ ಯೇನ ಮಹಾತ್ಮನಾ ।

ಯದೃಚ್ಛಯಾ ವರ್ತಮಾನಂ ತಂ ನಿಷೇದ್ಧುಂ ಕ್ಷಮೇತ ಕಃ ॥ 4-4॥

ಆಬ್ರಹ್ಮಸ್ತಮ್ಬಪರ್ಯನ್ತೇ ಭೂತಗ್ರಾಮೇ ಚತುರ್ವಿಧೇ ।

ವಿಜ್ಞಸ್ಯೈವ ಹಿ ಸಾಮರ್ಥ್ಯಮಿಚ್ಛಾನಿಚ್ಛಾವಿವರ್ಜನೇ ॥ 4-5॥

ಆತ್ಮಾನಮದ್ವಯಂ ಕಶ್ಚಿಜ್ಜಾನಾತಿ ಜಗದೀಶ್ವರಮ್ ।

ಯದ್ ವೇತ್ತಿ ತತ್ಸ ಕುರುತೇ ನ ಭಯಂ ತಸ್ಯ ಕುತ್ರಚಿತ್ ॥ 4-6॥

Roman (IAST) Transliteration

janaka uvāca ||

hantātmajñānasya dhīrasya khelato bhogalīlayā |

na hi saṃsāravāhīkairmūḍhaiḥ saha samānatā || 4-1||

yat padaṃ prepsavo dīnāḥ śakrādyāḥ sarvadevatāḥ |

aho tatra sthito yogī na harṣamupagacchati || 4-2||

tajjñasya puṇyapāpābhyāṃ sparśo hyantarna jāyate |

na hyākāśasya dhūmena dṛśyamānāpi saṅgatiḥ || 4-3||

ātmaivedaṃ jagatsarvaṃ jñātaṃ yena mahātmanā |

yadṛcchayā vartamānaṃ taṃ niṣeddhuṃ kṣameta kaḥ || 4-4||

ābrahmastambaparyante bhūtagrāme caturvidhe |

vijñasyaiva hi sāmarthyamicchānicchāvivarjane || 4-5||

ātmānamadvayaṃ kaścijjānāti jagadīśvaram |

yad vetti tatsa kurute na bhayaṃ tasya kutracit || 4-6||