Ashtavakra Gita Dashamo'dhyayah

ॐ

ಅಷ್ಟಾವಕ್ರ ಗೀತಾ ದಶಮೋಽಧ್ಯಾಯಃ

Gita Kannada

ಅಷ್ಟಾವಕ್ರ ಉವಾಚ ॥

ವಿಹಾಯ ವೈರಿಣಂ ಕಾಮಮರ್ಥಂ ಚಾನರ್ಥಸಙ್ಕುಲಮ್ ।

ಧರ್ಮಮಪ್ಯೇತಯೋರ್ಹೇತುಂ ಸರ್ವತ್ರಾನಾದರಂ ಕುರು ॥ 10-1॥

ಸ್ವಪ್ನೇನ್ದ್ರಜಾಲವತ್ ಪಶ್ಯ ದಿನಾನಿ ತ್ರೀಣಿ ಪಞ್ಚ ವಾ ।

ಮಿತ್ರಕ್ಷೇತ್ರಧನಾಗಾರದಾರದಾಯಾದಿಸಮ್ಪದಃ ॥ 10-2॥

ಯತ್ರ ಯತ್ರ ಭವೇತ್ತೃಷ್ಣಾ ಸಂಸಾರಂ ವಿದ್ಧಿ ತತ್ರ ವೈ ।

ಪ್ರೌಢವೈರಾಗ್ಯಮಾಶ್ರಿತ್ಯ ವೀತತೃಷ್ಣಃ ಸುಖೀ ಭವ ॥ 10-3॥

ತೃಷ್ಣಾಮಾತ್ರಾತ್ಮಕೋ ಬನ್ಧಸ್ತನ್ನಾಶೋ ಮೋಕ್ಷ ಉಚ್ಯತೇ ।

ಭವಾಸಂಸಕ್ತಿಮಾತ್ರೇಣ ಪ್ರಾಪ್ತಿತುಷ್ಟಿರ್ಮುಹುರ್ಮುಹುಃ ॥ 10-4॥

ತ್ವಮೇಕಶ್ಚೇತನಃ ಶುದ್ಧೋ ಜಡಂ ವಿಶ್ವಮಸತ್ತಥಾ ।

ಅವಿದ್ಯಾಪಿ ನ ಕಿಞ್ಚಿತ್ಸಾ ಕಾ ಬುಭುತ್ಸಾ ತಥಾಪಿ ತೇ ॥ 10-5॥

ರಾಜ್ಯಂ ಸುತಾಃ ಕಲತ್ರಾಣಿ ಶರೀರಾಣಿ ಸುಖಾನಿ ಚ ।

ಸಂಸಕ್ತಸ್ಯಾಪಿ ನಷ್ಟಾನಿ ತವ ಜನ್ಮನಿ ಜನ್ಮನಿ ॥ 10-6॥

ಅಲಮರ್ಥೇನ ಕಾಮೇನ ಸುಕೃತೇನಾಪಿ ಕರ್ಮಣಾ ।

ಏಭ್ಯಃ ಸಂಸಾರಕಾನ್ತಾರೇ ನ ವಿಶ್ರಾನ್ತಮಭೂನ್ ಮನಃ ॥ 10-7॥

ಕೃತಂ ನ ಕತಿ ಜನ್ಮಾನಿ ಕಾಯೇನ ಮನಸಾ ಗಿರಾ ।

ದುಃಖಮಾಯಾಸದಂ ಕರ್ಮ ತದದ್ಯಾಪ್ಯುಪರಮ್ಯತಾಮ್ ॥ 10-8॥

Roman (IAST) Transliteration

aṣṭāvakra uvāca ||

vihāya vairiṇaṃ kāmamarthaṃ cānarthasaṅkulam |

dharmamapyetayorhetuṃ sarvatrānādaraṃ kuru || 10-1||

svapnendrajālavat paśya dināni trīṇi pañca vā |

mitrakṣetradhanāgāradāradāyādisampadaḥ || 10-2||

yatra yatra bhavettṛṣṇā saṃsāraṃ viddhi tatra vai |

prauḍhavairāgyamāśritya vītatṛṣṇaḥ sukhī bhava || 10-3||

tṛṣṇāmātrātmako bandhastannāśo mokṣa ucyate |

bhavāsaṃsaktimātreṇa prāptituṣṭirmuhurmuhuḥ || 10-4||

tvamekaścetanaḥ śuddho jaḍaṃ viśvamasattathā |

avidyāpi na kiñcitsā kā bubhutsā tathāpi te || 10-5||

rājyaṃ sutāḥ kalatrāṇi śarīrāṇi sukhāni ca |

saṃsaktasyāpi naṣṭāni tava janmani janmani || 10-6||

alamarthena kāmena sukṛtenāpi karmaṇā |

ebhyaḥ saṃsārakāntāre na viśrāntamabhūn manaḥ || 10-7||

kṛtaṃ na kati janmāni kāyena manasā girā |

duḥkhamāyāsadaṃ karma tadadyāpyuparamyatām || 10-8||