Angaraka Ashtottara Shata Nama Stotram

ॐ

ಅಙ್ಗಾರಕ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

Tara Ashtottara Sata Namavali Kannada

ಮಹೀಸುತೋ ಮಹಾಭಾಗೋ ಮಙ್ಗಲೋ ಮಙ್ಗಲಪ್ರದಃ ।

ಮಹಾವೀರೋ ಮಹಾಶೂರೋ ಮಹಾಬಲಪರಾಕ್ರಮಃ ॥ 1 ॥

ಮಹಾರೌದ್ರೋ ಮಹಾಭದ್ರೋ ಮಾನನೀಯೋ ದಯಾಕರಃ ।

ಮಾನದೋಽಮರ್ಷಣಃ ಕ್ರೂರಸ್ತಾಪಪಾಪವಿವರ್ಜಿತಃ ॥ 2 ॥

ಸುಪ್ರತೀಪಃ ಸುತಾಮ್ರಾಕ್ಷಃ ಸುಬ್ರಹ್ಮಣ್ಯಃ ಸುಖಪ್ರದಃ ।

ವಕ್ರಸ್ತಮ್ಭಾದಿಗಮನೋ ವರೇಣ್ಯೋ ವರದಃ ಸುಖೀ ॥ 3 ॥

ವೀರಭದ್ರೋ ವಿರೂಪಾಕ್ಷೋ ವಿದೂರಸ್ಥೋ ವಿಭಾವಸುಃ ।

ನಕ್ಷತ್ರಚಕ್ರಸಞ್ಚಾರೀ ಕ್ಷತ್ರಪಃ ಕ್ಷಾತ್ರವರ್ಜಿತಃ ॥ 4 ॥

ಕ್ಷಯವೃದ್ಧಿವಿನಿರ್ಮುಕ್ತಃ ಕ್ಷಮಾಯುಕ್ತೋ ವಿಚಕ್ಷಣಃ ।

ಅಕ್ಷೀಣಫಲದಃ ಚಕ್ಷುರ್ಗೋಚರಃ ಶುಭಲಕ್ಷಣಃ ॥ 5 ॥

ವೀತರಾಗೋ ವೀತಭಯೋ ವಿಜ್ವರೋ ವಿಶ್ವಕಾರಣಃ ।

ನಕ್ಷತ್ರರಾಶಿಸಞ್ಚಾರೋ ನಾನಾಭಯನಿಕೃನ್ತನಃ ॥ 6 ॥

ಕಮನೀಯೋ ದಯಾಸಾರಃ ಕನತ್ಕನಕಭೂಷಣಃ ।

ಭಯಘ್ನೋ ಭವ್ಯಫಲದೋ ಭಕ್ತಾಭಯವರಪ್ರದಃ ॥ 7 ॥

ಶತ್ರುಹನ್ತಾ ಶಮೋಪೇತಃ ಶರಣಾಗತಪೋಷಕಃ ।

ಸಾಹಸಃ ಸದ್ಗುಣಾಽಧ್ಯಕ್ಷಃ ಸಾಧುಃ ಸಮರದುರ್ಜಯಃ ॥ 8 ॥

ದುಷ್ಟದೂರಃ ಶಿಷ್ಟಪೂಜ್ಯಃ ಸರ್ವಕಷ್ಟನಿವಾರಕಃ ।

ದುಶ್ಚೇಷ್ಟವಾರಕೋ ದುಃಖಭಞ್ಜನೋ ದುರ್ಧರೋ ಹರಿಃ ॥ 9 ॥

ದುಃಸ್ವಪ್ನಹನ್ತಾ ದುರ್ಧರ್ಷೋ ದುಷ್ಟಗರ್ವವಿಮೋಚಕಃ ।

ಭರದ್ವಾಜಕುಲೋದ್ಭೂತೋ ಭೂಸುತೋ ಭವ್ಯಭೂಷಣಃ ॥ 10 ॥

ರಕ್ತಾಮ್ಬರೋ ರಕ್ತವಪುರ್ಭಕ್ತಪಾಲನತತ್ಪರಃ ।

ಚತುರ್ಭುಜೋ ಗದಾಧಾರೀ ಮೇಷವಾಹೋಽಮಿತಾಶನಃ ॥ 11 ॥

ಶಕ್ತಿಶೂಲಧರಃ ಶಕ್ತಃ ಶಸ್ತ್ರವಿದ್ಯಾವಿಶಾರದಃ ।

ತಾರ್ಕಿಕಸ್ತಾಮಸಾಧಾರಸ್ತಪಸ್ವೀ ತಾಮ್ರಲೋಚನಃ ॥ 12 ॥

ತಪ್ತಕಾಞ್ಚನಸಙ್ಕಾಶೋ ರಕ್ತಕಿಞ್ಜಲ್ಕಸನ್ನಿಭಃ ।

ಗೋತ್ರಾಧಿದೇವೋ ಗೋಮಧ್ಯಚರೋ ಗುಣವಿಭೂಷಣಃ ॥ 13 ॥

ಅಸೃಗಙ್ಗಾರಕೋಽವನ್ತೀದೇಶಾಧೀಶೋ ಜನಾರ್ದನಃ ।

ಸೂರ್ಯಯಾಮ್ಯಪ್ರದೇಶಸ್ಥೋ ಯೌವನೋ ಯಾಮ್ಯದಿಙ್ಮುಖಃ ॥ 14 ॥

ತ್ರಿಕೋಣಮಣ್ಡಲಗತಸ್ತ್ರಿದಶಾಧಿಪಸನ್ನುತಃ ।

ಶುಚಿಃ ಶುಚಿಕರಃ ಶೂರೋ ಶುಚಿವಶ್ಯಃ ಶುಭಾವಹಃ ॥ 15 ॥

ಮೇಷವೃಶ್ಚಿಕರಾಶೀಶೋ ಮೇಧಾವೀ ಮಿತಭಾಷಣಃ ।

ಸುಖಪ್ರದಃ ಸುರೂಪಾಕ್ಷಃ ಸರ್ವಾಭೀಷ್ಟಫಲಪ್ರದಃ ॥ 16 ॥

ಇತಿ ಶ್ರೀ ಅಙ್ಗಾರಕಾಷ್ಟೋತ್ತರಶತನಾಮ ಸ್ತೋತ್ರಮ್ ।

Roman (IAST) Transliteration

mahīsuto mahābhāgo maṅgalo maṅgalapradaḥ |

mahāvīro mahāśūro mahābalaparākramaḥ || 1 ||

mahāraudro mahābhadro mānanīyo dayākaraḥ |

mānado'marṣaṇaḥ krūrastāpapāpavivarjitaḥ || 2 ||

supratīpaḥ sutāmrākṣaḥ subrahmaṇyaḥ sukhapradaḥ |

vakrastambhādigamano vareṇyo varadaḥ sukhī || 3 ||

vīrabhadro virūpākṣo vidūrastho vibhāvasuḥ |

nakṣatracakrasañcārī kṣatrapaḥ kṣātravarjitaḥ || 4 ||

kṣayavṛddhivinirmuktaḥ kṣamāyukto vicakṣaṇaḥ |

akṣīṇaphaladaḥ cakṣurgocaraḥ śubhalakṣaṇaḥ || 5 ||

vītarāgo vītabhayo vijvaro viśvakāraṇaḥ |

nakṣatrarāśisañcāro nānābhayanikṛntanaḥ || 6 ||

kamanīyo dayāsāraḥ kanatkanakabhūṣaṇaḥ |

bhayaghno bhavyaphalado bhaktābhayavarapradaḥ || 7 ||

śatruhantā śamopetaḥ śaraṇāgatapoṣakaḥ |

sāhasaḥ sadguṇā'dhyakṣaḥ sādhuḥ samaradurjayaḥ || 8 ||

duṣṭadūraḥ śiṣṭapūjyaḥ sarvakaṣṭanivārakaḥ |

duśceṣṭavārako duḥkhabhañjano durdharo hariḥ || 9 ||

duḥsvapnahantā durdharṣo duṣṭagarvavimocakaḥ |

bharadvājakulodbhūto bhūsuto bhavyabhūṣaṇaḥ || 10 ||

raktāmbaro raktavapurbhaktapālanatatparaḥ |

caturbhujo gadādhārī meṣavāho'mitāśanaḥ || 11 ||

śaktiśūladharaḥ śaktaḥ śastravidyāviśāradaḥ |

tārkikastāmasādhārastapasvī tāmralocanaḥ || 12 ||

taptakāñcanasaṅkāśo raktakiñjalkasannibhaḥ |

gotrādhidevo gomadhyacaro guṇavibhūṣaṇaḥ || 13 ||

asṛgaṅgārako'vantīdeśādhīśo janārdanaḥ |

sūryayāmyapradeśastho yauvano yāmyadiṅmukhaḥ || 14 ||

trikoṇamaṇḍalagatastridaśādhipasannutaḥ |

śuciḥ śucikaraḥ śūro śucivaśyaḥ śubhāvahaḥ || 15 ||

meṣavṛścikarāśīśo medhāvī mitabhāṣaṇaḥ |

sukhapradaḥ surūpākṣaḥ sarvābhīṣṭaphalapradaḥ || 16 ||

iti śrī aṅgārakāṣṭottaraśatanāma stotram |