📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
યતિ પઞ્ચકમ્ (કૌપીન પઞ્ચકમ્)
Yati Panchakam (kaupina Panchakam)
Panchakam Adi Shankaracharya Gujarati
વેદાન્તવાક્યેષુ સદા રમન્તઃ
ભિક્ષાન્નમાત્રેણ ચ તુષ્ટિમન્તઃ ।
વિશોકમન્તઃકરણે રમન્તઃ
કૌપીનવન્તઃ ખલુ ભાગ્યવન્તઃ ॥ 1 ॥
મૂલં તરોઃ કેવલમાશ્રયન્તઃ
પાણિદ્વયં ભોક્તુમમન્ત્રયન્તઃ ।
શ્રિયં ચ કન્થામિવ કુત્સયન્તઃ
કૌપીનવન્તઃ ખલુ ભાગ્યવન્તઃ ॥ 2 ॥
દેહાદિભાવં પરિમાર્જયન્તઃ
આત્માનમાત્મન્યવલોકયન્તઃ ।
નાન્તં ન મધ્યં ન બહિઃ સ્મરન્તઃ
કૌપીનવન્તઃ ખલુ ભાગ્યવન્તઃ ॥ 3 ॥
સ્વાનન્દભાવે પરિતુષ્ટિમન્તઃ
સંશાન્તસર્વેન્દ્રિયદૃષ્ટિમન્તઃ ।
અહર્નિશં બ્રહ્મણિ યે રમન્તઃ
કૌપીનવન્તઃ ખલુ ભાગ્યવન્તઃ ॥ 4 ॥
બ્રહ્માક્ષરં પાવનમુચ્ચરન્તઃ
પતિં પશૂનાં હૃદિ ભાવયન્તઃ ।
ભિક્ષાશના દિક્ષુ પરિભ્રમન્તઃ
કૌપીનવન્તઃ ખલુ ભાગ્યવન્તઃ ॥ 5 ॥
કૌપીનપઞ્ચરત્નસ્ય મનનં યાતિ યો નરઃ ।
વિરક્તિં ધર્મવિજ્ઞાનં લભતે નાત્ર સંશયઃ ॥
ઇતિ શ્રી શઙ્કરભગવત્પાદ વિરચિતં યતિપઞ્ચકમ્ ॥
Roman (IAST) Transliteration
vedāntavākyeṣu sadā ramantaḥ
bhikṣānnamātreṇa ca tuṣṭimantaḥ |
viśokamantaḥkaraṇe ramantaḥ
kaupīnavantaḥ khalu bhāgyavantaḥ || 1 ||
mūlaṃ taroḥ kevalamāśrayantaḥ
pāṇidvayaṃ bhoktumamantrayantaḥ |
śriyaṃ ca kanthāmiva kutsayantaḥ
kaupīnavantaḥ khalu bhāgyavantaḥ || 2 ||
dehādibhāvaṃ parimārjayantaḥ
ātmānamātmanyavalokayantaḥ |
nāntaṃ na madhyaṃ na bahiḥ smarantaḥ
kaupīnavantaḥ khalu bhāgyavantaḥ || 3 ||
svānandabhāve parituṣṭimantaḥ
saṃśāntasarvendriyadṛṣṭimantaḥ |
aharniśaṃ brahmaṇi ye ramantaḥ
kaupīnavantaḥ khalu bhāgyavantaḥ || 4 ||
brahmākṣaraṃ pāvanamuccarantaḥ
patiṃ paśūnāṃ hṛdi bhāvayantaḥ |
bhikṣāśanā dikṣu paribhramantaḥ
kaupīnavantaḥ khalu bhāgyavantaḥ || 5 ||
kaupīnapañcaratnasya mananaṃ yāti yo naraḥ |
viraktiṃ dharmavijñānaṃ labhate nātra saṃśayaḥ ||
iti śrī śaṅkarabhagavatpāda viracitaṃ yatipañcakam ||
InfoLyter.in — Sacred Vedic Knowledge Portal · Free forever