Uddhavagita - Panchamo'dhyayah

ॐ

ઉદ્ધવગીતા - પઞ્ચમોઽધ્યાયઃ

Gita Gujarati

અથ પઞ્ચમોઽધ્યાયઃ ।

રાજા ઉવાચ ।

ભગવન્તં હરિં પ્રાયઃ ન ભજન્તિ આત્મવિત્તમાઃ ।

તેષાં અશાન્તકામાનાં કા નિષ્ઠા અવિજિતાત્મનામ્ ॥ 1॥

ચમસઃ ઉવાચ ।

મુખબાહૂરૂપાદેભ્યઃ પુરુષસ્ય આશ્રમૈઃ સહ ।

ચત્વારઃ જજ્ઞિરે વર્ણાઃ ગુણૈઃ વિપ્રાદયઃ પૃથક્ ॥ 2॥

યઃ એષાં પુરુષં સાક્ષાત્ આત્મપ્રભવં ઈશ્વરમ્ ।

ન ભજન્તિ અવજાનન્તિ સ્થાનાત્ ભ્રષ્ટાઃ પતન્તિ અધઃ ॥ 3॥

દૂરે હરિકથાઃ કેચિત્ દૂરે ચ અચ્યુતકીર્ર્તનાઃ ।

સ્ત્રિયઃ શૂદ્રાદયઃ ચ એવ તે અનુકમ્પ્યા ભવાદૃશામ્ ॥ 4॥

વિપ્રઃ રાજન્યવૈશ્યૌ ચ હરેઃ પ્રાપ્તાઃ પદાન્તિકમ્ ।

શ્રૌતેન જન્મના અથ અપિ મુહ્યન્તિ આમ્નાયવાદિનઃ ॥ 5॥

કર્મણિ અકોવિદાઃ સ્તબ્ધાઃ મૂર્ખાઃ પણ્ડિતમાનિનઃ ।

વદન્તિ ચાટુકાત્ મૂઢાઃ યયા માધ્વ્યા ગિર ઉત્સુકાઃ ॥ 6॥

રજસા ઘોરસઙ્કલ્પાઃ કામુકાઃ અહિમન્યવઃ ।

દામ્ભિકાઃ માનિનઃ પાપાઃ વિહસન્તિ અચ્યુતપ્રિયાન્ ॥ 7॥

વદન્તિ તે અન્યોન્યં ઉપાસિતસ્ત્રિયઃ

ગૃહેષુ મૈથુન્યસુખેષુ ચ આશિષઃ ।

યજન્તિ અસૃષ્ટાન્ અવિધાન્ અદક્ષિણમ્

વૃત્ત્યૈ પરં ઘ્નન્તિ પશૂન્ અતદ્વિદઃ ॥ 8॥

શ્રિયા વિભૂત્યા અભિજનેન વિદ્યયા

ત્યાગેન રૂપેણ બલેન કર્મણા

સતઃ અવમન્યન્તિ હરિપ્રિયાન્ ખલાઃ ॥ 9॥

સર્વેષુ શશ્વત્ તનુભૃત્ સ્વવસ્થિતમ્

યથા સ્વં આત્માનં અભીષ્ટં ઈશ્વરમ્ ।

વેદોપગીતં ચ ન શ્રુણ્વતે અબુધાઃ

મનોરથાનાં પ્રવદન્તિ વાર્તયા ॥ 10॥

લોકે વ્યવાય આમિષં અદ્યસેવા

નિત્યાઃ તુ જન્તોઃ ન હિ તત્ર ચોદના ।

વ્યવસ્થિતિઃ તેષુ વિવાહયજ્ઞ

સુરાગ્રહૈઃ આસુ નિવૃત્તિઃ ઇષ્ટા ॥ 11॥

ધનં ચ ધર્મેકફલં યતઃ વૈ

જ્ઞાનં સવિજ્ઞાનં અનુપ્રશાન્તિ ।

ગૃહેષુ યુઞ્જન્તિ કલેવરસ્ય

મૃત્યું ન પશ્યન્તિ દુરન્તવીર્યમ્ ॥ 12॥

યત્ ઘ્રાણભક્ષઃ વિહિતઃ સુરાયાઃ

તથા પશોઃ આલભનં ન હિંસા ।

એવં વ્યવાયઃ પ્રજયા ન રત્યા

ઇઅમં વિશુદ્ધં ન વિદુઃ સ્વધર્મમ્ ॥ 13॥

યે તુ અનેવંવિદઃ અસન્તઃ સ્તબ્ધાઃ સત્ અભિમાનિનઃ ।

પશૂન્ દ્રુહ્યન્તિ વિસ્રબ્ધાઃ પ્રેત્ય ખાદન્તિ તે ચ તાન્ ॥ 14॥

દ્વિષન્તઃ પરકાયેષુ સ્વાત્માનં હરિં ઈશ્વરમ્ ।

મૃતકે સાનુબન્ધે અસ્મિન્ બદ્ધસ્નેહાઃ પતન્તિ અધઃ ॥ 15॥

યે કૈવલ્યં અસમ્પ્રાપ્તાઃ યે ચ અતીતાઃ ચ મૂઢતામ્ ।

ત્રૈવર્ગિકાઃ હિ અક્ષણિકાઃ આત્માનં ઘાતયન્તિ તે ॥ 16॥

એતઃ આત્મહનઃ અશાન્તાઃ અજ્ઞાને જ્ઞાનમાનિનઃ ।

સીદન્તિ અકૃતકૃત્યાઃ વૈ કાલધ્વસ્તમનોરથાઃ ॥ 17॥

હિત્વા આત્યાય અસરચિતાઃ ગૃહ અપત્યસુહૃત્ શ્રિયઃ ।

તમઃ વિશન્તિ અનિચ્છન્તઃ વાસુદેવપરાઙ્મુખાઃ ॥ 18॥

રાજા ઉવાચ ।

કસ્મિન્ કાલે સઃ ભગવાન્ કિં વર્ણઃ કીદૃશઃ નૃભિઃ ।

નામ્ના વા કેન વિધિના પૂજ્યતે તત્ ઇહ ઉચ્યતામ્ ॥ 19॥

કરભાજનઃ ઉવાચ ।

કૃતં ત્રેતા દ્વાપરં ચ કલિઃ ઇત્યેષુ કેશવઃ ।

નાનાવર્ણ અભિધાકારઃ નાના એવ વિધિના ઇજ્યતે ॥ 20॥

કૃતે શુક્લઃ ચતુર્બાહુઃ જટિલઃ વલ્કલામ્બરઃ ।

કૃષ્ણાજિનૌપવીતાક્ષાન્ બિભ્રત્ દણ્ડકમણ્ડલૂન્ ॥ 21॥

મનુષ્યાઃ તુ તદા શાન્તાઃ નિર્વૈરાઃ સુહૃદઃ સમાઃ ।

યજન્તિ તપસા દેવં શમેન ચ દમેન ચ ॥ 22॥

હંસઃ સુપર્ણઃ વૈકુણ્ઠઃ ધર્મઃ યોગેશ્વરઃ અમલઃ ।

ઈશ્વરઃ પુરુષઃ અવ્યક્તઃ પરમાત્મા ઇતિ ગીયતે ॥ 23॥

ત્રેતાયાં રક્તવર્ણઃ અસૌ ચતુર્બાહુઃ ત્રિમેખલઃ ।

હિરણ્યકેશઃ ત્રયી આત્મા સ્રુક્સ્રુવાદિ ઉપલક્ષણઃ ॥ 24॥

તં તદા મનુજા દેવં સર્વદેવમયં હરિમ્ ।

યજન્તિ વિદ્યયા ત્રય્યા ધર્મિષ્ઠાઃ બ્રહ્મવાદિનઃ ॥ 25॥

વિષ્ણુઃ યજ્ઞઃ પૃષ્ણિગર્ભઃ સર્વદેવઃ ઉરુક્રમઃ ।

વૃષાકપિઃ જયન્તઃ ચ ઉરુગાય ઇતિ ઈર્યતે ॥ 26॥

દ્વાપરે ભગવાન્ શ્યામઃ પીતવાસા નિજાયુધઃ ।

શ્રીવત્સાદિભિઃ અઙ્કૈઃ ચ લક્ષણૈઃ ઉપલક્ષિતઃ ॥ 27॥

તં તદા પુરુષં મર્ત્યા મહારાજૌપલક્ષણમ્ ।

યજન્તિ વેદતન્ત્રાભ્યાં પરં જિજ્ઞાસવઃ નૃપ ॥ 28॥

નમઃ તે વાસુદેવાય નમઃ સઙ્કર્ષણાય ચ ।

પ્રદ્યુમ્નાય અનિરુદ્ધાય તુભ્યં ભગવતે નમઃ ॥ 29॥

નારાયણાય ઋષયે પુરુષાય મહાત્મને ।

વિશ્વેશ્વરાય વિશ્વાય સર્વભૂતાત્મને નમઃ ॥ 30॥

ઇતિ દ્વાપરઃ ઉર્વીશ સ્તુવન્તિ જગદીશ્વરમ્ ।

નાનાતન્ત્રવિધાનેન કલૌ અપિ યથા શ્રુણુ ॥ 31॥

કૃષ્ણવર્ણં ત્વિષાકૃષ્ણં સાઙ્ગૌપાઙ્ગાસ્ત્ર

પાર્ષદમ્ ।

યજ્ઞૈઃ સઙ્કીર્તનપ્રાયૈઃ યજન્તિ હિ સુમેધસઃ ॥ 32॥

ધ્યેયં સદા પરિભવઘ્નં અભીષ્ટદોહમ્

તીર્થાસ્પદં શિવવિરિઞ્ચિનુતં શરણ્યમ્ ।

ભૃત્યાર્તિહન્ પ્રણતપાલ ભવાબ્ધિપોતમ્

વન્દે મહાપુરુષ તે ચરણારવિન્દમ્ ॥ 33॥

ત્યક્ત્વા સુદુસ્ત્યજસુરૈપ્સિતરાજ્યલક્ષ્મીમ્

ધર્મિષ્ઠઃ આર્યવચસા યત્ અગાત્ અરણ્યમ્ ।

માયામૃગં દયિતયા ઇપ્સિતં અન્વધાવત્

વન્દે મહાપુરુષ તે ચરણારવિન્દમ્ ॥ 34॥

એવં યુગાનુરૂપાભ્યાં ભગવાન્ યુગવર્તિભિઃ ।

મનુજૈઃ ઇજ્યતે રાજન્ શ્રેયસાં ઈશ્વરઃ હરિઃ ॥ 35॥

કલિં સભાજયન્તિ આર્યા ગુણજ્ઞાઃ સારભાગિનઃ ।

યત્ર સઙ્કીર્તનેન એવ સર્વઃ સ્વાર્થઃ અભિલભ્યતે ॥ 36॥

ન હિ અતઃ પરમઃ લાભઃ દેહિનાં ભ્રામ્યતાં ઇહ ।

યતઃ વિન્દેત પરમાં શાન્તિં નશ્યતિ સંસૃતિઃ ॥ 37॥

કૃતાદિષુ પ્રજા રાજન્ કલૌ ઇચ્છન્તિ સમ્ભવમ્ ।

કલૌ ખલુ ભવિષ્યન્તિ નારાયણપરાયણાઃ ॥ 38॥

ક્વચિત્ ક્વચિત્ મહારાજ દ્રવિડેષુ ચ ભૂરિશઃ ।

તામ્રપર્ણી નદી યત્ર કૃતમાલા પયસ્વિની ॥ 39॥

કાવેરી ચ મહાપુણ્યા પ્રતીચી ચ મહાનદી ।

યે પિબન્તિ જલં તાસાં મનુજા મનુજેશ્વર ।

પ્રાયઃ ભક્તાઃ ભગવતિ વાસુદેવઃ અમલ આશયાઃ ॥ 40॥

દેવર્ષિભૂતાપ્તનૃણા પિતૄણાં

ન કિઙ્કરઃ ન અયં ઋણી ચ રાજન્ ।

સર્વાત્મના યઃ શરણં શરણ્યમ્

ગતઃ મુકુન્દં પરિહૃત્ય કર્તુમ્ ॥ 41॥

સ્વપાદમૂલં ભજતઃ પ્રિયસ્ય

ત્યક્તાન્યભાવસ્ય હરિઃ પરેશઃ ।

વિકર્મ યત્ ચ ઉત્પતિતં કથઞ્ચિત્

ધુનોતિ સર્વં હૃદિ સન્નિવિષ્ટઃ ॥ 42॥

નારદઃ ઉવાચ ।

ધર્માન્ ભાગવતાન્ ઇત્થં શ્રુત્વા અથ મિથિલેશ્વરઃ ।

જાયન્ત ઇયાન્ મુનીન્ પ્રીતઃ સોપાધ્યાયઃ હિ અપૂજયત્ ॥ 43॥

તતઃ અન્તઃ દધિરે સિદ્ધાઃ સર્વલોકસ્ય પશ્યતઃ ।

રાજા ધર્માન્ ઉપાતિષ્ઠન્ અવાપ પરમાં ગતિમ્ ॥ 44॥

ત્વં અપિ એતાન્ મહાભાગ ધર્માન્ ભાગવતાન્ શ્રુતાન્ ।

આસ્થિતઃ શ્રદ્ધયા યુક્તઃ નિઃસઙ્ગઃ યાસ્યસે પરમ્ ॥ 45॥

યુવયોઃ ખલુ દમ્પત્યોઃ યશસા પૂરિતં જગત્ ।

પુત્રતાં અગમત્ યત્ વાં ભગવાન્ ઈશ્વરઃ હરિઃ ॥ 46॥

દર્શનાલિઙ્ગનાલાપૈઃ શયનાસનભોજનૈઃ ।

આત્મા વાં પાવિતઃ કૃષ્ણે પુત્રસ્નેહ પ્રકુર્વતોઃ ॥ 47॥

વૈરેણ યં નૃપતયઃ શિશુપાલપૌણ્ડ્ર

શાલ્વાદયઃ ગતિવિલાસવિલોકનાદયૈઃ ।

ધ્યાયન્તઃ આકૃતધિયઃ શયનાસનાદૌ

તત્ સામ્યં આપુઃ અનુરક્તધિયાં પુનઃ કિમ્ ॥ 48॥

મા અપત્યબુદ્ધિં અકૃથાઃ કૃષ્ણે સર્વાત્મનીશ્વરે ।

માયામનુષ્યભાવેન ગૂઢ ઐશ્વર્યે પરે અવ્યયે ॥ 49॥

ભૂભારરાજન્યહન્તવે ગુપ્તયે સતામ્ ।

અવતીર્ણસ્ય નિર્વૃત્યૈ યશઃ લોકે વિતન્યતે ॥ 50॥

શ્રીશુકઃ ઉવાચ ।

એતત્ શ્રુત્વા મહાભાગઃ વસુદેવઃ અતિવિસ્મિતઃ ।

દેવકી ચ મહાભાગાઃ જહતુઃ મોહં આત્મનઃ ॥ 51॥

ઇતિહાસં ઇમં પુણ્યં ધારયેત્ યઃ સમાહિતઃ ।

સઃ વિધૂય ઇહ શમલં બ્રહ્મભૂયાય કલ્પતે ॥ 52॥

ઇતિ શ્રીમદ્ભાગવતે મહાપુરાણે પારમહંસ્યાં

સંહિતાયામેકાદશસ્કન્ધે વસુદેવનારદસંવાદે

પઞ્ચમોઽધ્યાયઃ ॥

Roman (IAST) Transliteration

atha pañcamo'dhyāyaḥ |

rājā uvāca |

bhagavantaṃ hariṃ prāyaḥ na bhajanti ātmavittamāḥ |

teṣāṃ aśāntakāmānāṃ kā niṣṭhā avijitātmanām || 1||

camasaḥ uvāca |

mukhabāhūrūpādebhyaḥ puruṣasya āśramaiḥ saha |

catvāraḥ jajñire varṇāḥ guṇaiḥ viprādayaḥ pṛthak || 2||

yaḥ eṣāṃ puruṣaṃ sākṣāt ātmaprabhavaṃ īśvaram |

na bhajanti avajānanti sthānāt bhraṣṭāḥ patanti adhaḥ || 3||

dūre harikathāḥ kecit dūre ca acyutakīrrtanāḥ |

striyaḥ śūdrādayaḥ ca eva te anukampyā bhavādṛśām || 4||

vipraḥ rājanyavaiśyau ca hareḥ prāptāḥ padāntikam |

śrautena janmanā atha api muhyanti āmnāyavādinaḥ || 5||

karmaṇi akovidāḥ stabdhāḥ mūrkhāḥ paṇḍitamāninaḥ |

vadanti cāṭukāt mūḍhāḥ yayā mādhvyā gira utsukāḥ || 6||

rajasā ghorasaṅkalpāḥ kāmukāḥ ahimanyavaḥ |

dāmbhikāḥ māninaḥ pāpāḥ vihasanti acyutapriyān || 7||

vadanti te anyonyaṃ upāsitastriyaḥ

gṛheṣu maithunyasukheṣu ca āśiṣaḥ |

yajanti asṛṣṭān avidhān adakṣiṇam

vṛttyai paraṃ ghnanti paśūn atadvidaḥ || 8||

śriyā vibhūtyā abhijanena vidyayā

tyāgena rūpeṇa balena karmaṇā

sataḥ avamanyanti haripriyān khalāḥ || 9||

sarveṣu śaśvat tanubhṛt svavasthitam

yathā svaṃ ātmānaṃ abhīṣṭaṃ īśvaram |

vedopagītaṃ ca na śruṇvate abudhāḥ

manorathānāṃ pravadanti vārtayā || 10||

loke vyavāya āmiṣaṃ adyasevā

nityāḥ tu jantoḥ na hi tatra codanā |

vyavasthitiḥ teṣu vivāhayajña

surāgrahaiḥ āsu nivṛttiḥ iṣṭā || 11||

dhanaṃ ca dharmekaphalaṃ yataḥ vai

jñānaṃ savijñānaṃ anupraśānti |

gṛheṣu yuñjanti kalevarasya

mṛtyuṃ na paśyanti durantavīryam || 12||

yat ghrāṇabhakṣaḥ vihitaḥ surāyāḥ

tathā paśoḥ ālabhanaṃ na hiṃsā |

evaṃ vyavāyaḥ prajayā na ratyā

iamaṃ viśuddhaṃ na viduḥ svadharmam || 13||

ye tu anevaṃvidaḥ asantaḥ stabdhāḥ sat abhimāninaḥ |

paśūn druhyanti visrabdhāḥ pretya khādanti te ca tān || 14||

dviṣantaḥ parakāyeṣu svātmānaṃ hariṃ īśvaram |

mṛtake sānubandhe asmin baddhasnehāḥ patanti adhaḥ || 15||

ye kaivalyaṃ asamprāptāḥ ye ca atītāḥ ca mūḍhatām |

traivargikāḥ hi akṣaṇikāḥ ātmānaṃ ghātayanti te || 16||

etaḥ ātmahanaḥ aśāntāḥ ajñāne jñānamāninaḥ |

sīdanti akṛtakṛtyāḥ vai kāladhvastamanorathāḥ || 17||

hitvā ātyāya asaracitāḥ gṛha apatyasuhṛt śriyaḥ |

tamaḥ viśanti anicchantaḥ vāsudevaparāṅmukhāḥ || 18||

rājā uvāca |

kasmin kāle saḥ bhagavān kiṃ varṇaḥ kīdṛśaḥ nṛbhiḥ |

nāmnā vā kena vidhinā pūjyate tat iha ucyatām || 19||

karabhājanaḥ uvāca |

kṛtaṃ tretā dvāparaṃ ca kaliḥ ityeṣu keśavaḥ |

nānāvarṇa abhidhākāraḥ nānā eva vidhinā ijyate || 20||

kṛte śuklaḥ caturbāhuḥ jaṭilaḥ valkalāmbaraḥ |

kṛṣṇājinaupavītākṣān bibhrat daṇḍakamaṇḍalūn || 21||

manuṣyāḥ tu tadā śāntāḥ nirvairāḥ suhṛdaḥ samāḥ |

yajanti tapasā devaṃ śamena ca damena ca || 22||

haṃsaḥ suparṇaḥ vaikuṇṭhaḥ dharmaḥ yogeśvaraḥ amalaḥ |

īśvaraḥ puruṣaḥ avyaktaḥ paramātmā iti gīyate || 23||

tretāyāṃ raktavarṇaḥ asau caturbāhuḥ trimekhalaḥ |

hiraṇyakeśaḥ trayī ātmā sruksruvādi upalakṣaṇaḥ || 24||

taṃ tadā manujā devaṃ sarvadevamayaṃ harim |

yajanti vidyayā trayyā dharmiṣṭhāḥ brahmavādinaḥ || 25||

viṣṇuḥ yajñaḥ pṛṣṇigarbhaḥ sarvadevaḥ urukramaḥ |

vṛṣākapiḥ jayantaḥ ca urugāya iti īryate || 26||

dvāpare bhagavān śyāmaḥ pītavāsā nijāyudhaḥ |

śrīvatsādibhiḥ aṅkaiḥ ca lakṣaṇaiḥ upalakṣitaḥ || 27||

taṃ tadā puruṣaṃ martyā mahārājaupalakṣaṇam |

yajanti vedatantrābhyāṃ paraṃ jijñāsavaḥ nṛpa || 28||

namaḥ te vāsudevāya namaḥ saṅkarṣaṇāya ca |

pradyumnāya aniruddhāya tubhyaṃ bhagavate namaḥ || 29||

nārāyaṇāya ṛṣaye puruṣāya mahātmane |

viśveśvarāya viśvāya sarvabhūtātmane namaḥ || 30||

iti dvāparaḥ urvīśa stuvanti jagadīśvaram |

nānātantravidhānena kalau api yathā śruṇu || 31||

kṛṣṇavarṇaṃ tviṣākṛṣṇaṃ sāṅgaupāṅgāstra

pārṣadam |

yajñaiḥ saṅkīrtanaprāyaiḥ yajanti hi sumedhasaḥ || 32||

dhyeyaṃ sadā paribhavaghnaṃ abhīṣṭadoham

tīrthāspadaṃ śivaviriñcinutaṃ śaraṇyam |

bhṛtyārtihan praṇatapāla bhavābdhipotam

vande mahāpuruṣa te caraṇāravindam || 33||

tyaktvā sudustyajasuraipsitarājyalakṣmīm

dharmiṣṭhaḥ āryavacasā yat agāt araṇyam |

māyāmṛgaṃ dayitayā ipsitaṃ anvadhāvat

vande mahāpuruṣa te caraṇāravindam || 34||

evaṃ yugānurūpābhyāṃ bhagavān yugavartibhiḥ |

manujaiḥ ijyate rājan śreyasāṃ īśvaraḥ hariḥ || 35||

kaliṃ sabhājayanti āryā guṇajñāḥ sārabhāginaḥ |

yatra saṅkīrtanena eva sarvaḥ svārthaḥ abhilabhyate || 36||

na hi ataḥ paramaḥ lābhaḥ dehināṃ bhrāmyatāṃ iha |

yataḥ vindeta paramāṃ śāntiṃ naśyati saṃsṛtiḥ || 37||

kṛtādiṣu prajā rājan kalau icchanti sambhavam |

kalau khalu bhaviṣyanti nārāyaṇaparāyaṇāḥ || 38||

kvacit kvacit mahārāja draviḍeṣu ca bhūriśaḥ |

tāmraparṇī nadī yatra kṛtamālā payasvinī || 39||

kāverī ca mahāpuṇyā pratīcī ca mahānadī |

ye pibanti jalaṃ tāsāṃ manujā manujeśvara |

prāyaḥ bhaktāḥ bhagavati vāsudevaḥ amala āśayāḥ || 40||

devarṣibhūtāptanṛṇā pitṝṇāṃ

na kiṅkaraḥ na ayaṃ ṛṇī ca rājan |

sarvātmanā yaḥ śaraṇaṃ śaraṇyam

gataḥ mukundaṃ parihṛtya kartum || 41||

svapādamūlaṃ bhajataḥ priyasya

tyaktānyabhāvasya hariḥ pareśaḥ |

vikarma yat ca utpatitaṃ kathañcit

dhunoti sarvaṃ hṛdi sanniviṣṭaḥ || 42||

nāradaḥ uvāca |

dharmān bhāgavatān itthaṃ śrutvā atha mithileśvaraḥ |

jāyanta iyān munīn prītaḥ sopādhyāyaḥ hi apūjayat || 43||

tataḥ antaḥ dadhire siddhāḥ sarvalokasya paśyataḥ |

rājā dharmān upātiṣṭhan avāpa paramāṃ gatim || 44||

tvaṃ api etān mahābhāga dharmān bhāgavatān śrutān |

āsthitaḥ śraddhayā yuktaḥ niḥsaṅgaḥ yāsyase param || 45||

yuvayoḥ khalu dampatyoḥ yaśasā pūritaṃ jagat |

putratāṃ agamat yat vāṃ bhagavān īśvaraḥ hariḥ || 46||

darśanāliṅganālāpaiḥ śayanāsanabhojanaiḥ |

ātmā vāṃ pāvitaḥ kṛṣṇe putrasneha prakurvatoḥ || 47||

vaireṇa yaṃ nṛpatayaḥ śiśupālapauṇḍra

śālvādayaḥ gativilāsavilokanādayaiḥ |

dhyāyantaḥ ākṛtadhiyaḥ śayanāsanādau

tat sāmyaṃ āpuḥ anuraktadhiyāṃ punaḥ kim || 48||

mā apatyabuddhiṃ akṛthāḥ kṛṣṇe sarvātmanīśvare |

māyāmanuṣyabhāvena gūḍha aiśvarye pare avyaye || 49||

bhūbhārarājanyahantave guptaye satām |

avatīrṇasya nirvṛtyai yaśaḥ loke vitanyate || 50||

śrīśukaḥ uvāca |

etat śrutvā mahābhāgaḥ vasudevaḥ ativismitaḥ |

devakī ca mahābhāgāḥ jahatuḥ mohaṃ ātmanaḥ || 51||

itihāsaṃ imaṃ puṇyaṃ dhārayet yaḥ samāhitaḥ |

saḥ vidhūya iha śamalaṃ brahmabhūyāya kalpate || 52||

iti śrīmadbhāgavate mahāpurāṇe pāramahaṃsyāṃ

saṃhitāyāmekādaśaskandhe vasudevanāradasaṃvāde

pañcamo'dhyāyaḥ ||