Surya Sahasra Nama Stotram

ॐ

સૂર્ય સહસ્ર નામ સ્તોત્રમ્

Surya Stotram Gujarati

અસ્ય શ્રી સૂર્ય સહસ્રનામ સ્તોત્રસ્ય વેદવ્યાસ ઋષિઃ અનુષ્ટુપ્છન્દઃ સવિતા દેવતા સર્વાભીષ્ટ સિદ્ધ્યર્થે જપે વિનિયોગઃ ।

ધ્યાનમ્ ।

ધ્યેયઃ સદા સવિતૃમણ્ડલમધ્યવર્તી

નારાયણઃ સરસિજાસનસન્નિવિષ્ટઃ ।

કેયૂરવાન્ મકરકુણ્ડલવાન્ કિરીટી

હારી હિરણ્મયવપુર્ધૃતશઙ્ખચક્રઃ ॥

સ્તોત્રમ્ ।

ૐ વિશ્વવિદ્વિશ્વજિત્કર્તા વિશ્વાત્મા વિશ્વતોમુખઃ ।

વિશ્વેશ્વરો વિશ્વયોનિર્નિયતાત્મા જિતેન્દ્રિયઃ ॥ 1 ॥

કાલાશ્રયઃ કાલકર્તા કાલહા કાલનાશનઃ ।

મહાયોગી મહાસિદ્ધિર્મહાત્મા સુમહાબલઃ ॥ 2 ॥

પ્રભુર્વિભુર્ભૂતનાથો ભૂતાત્મા ભુવનેશ્વરઃ ।

ભૂતભવ્યો ભાવિતાત્મા ભૂતાન્તઃકરણં શિવઃ ॥ 3 ॥

શરણ્યઃ કમલાનન્દો નન્દનો નન્દવર્ધનઃ ।

વરેણ્યો વરદો યોગી સુસંયુક્તઃ પ્રકાશકઃ ॥ 4 ॥

પ્રાપ્તયાનઃ પરપ્રાણઃ પૂતાત્મા પ્રિયતઃ પ્રિયઃ । [પ્રયતઃ]

નયઃ સહસ્રપાત્ સાધુર્દિવ્યકુણ્ડલમણ્ડિતઃ ॥ 5 ॥

અવ્યઙ્ગધારી ધીરાત્મા સવિતા વાયુવાહનઃ ।

સમાહિતમતિર્દાતા વિધાતા કૃતમઙ્ગલઃ ॥ 6 ॥

કપર્દી કલ્પપાદ્રુદ્રઃ સુમના ધર્મવત્સલઃ ।

સમાયુક્તો વિમુક્તાત્મા કૃતાત્મા કૃતિનાં વરઃ ॥ 7 ॥

અવિચિન્ત્યવપુઃ શ્રેષ્ઠો મહાયોગી મહેશ્વરઃ ।

કાન્તઃ કામારિરાદિત્યો નિયતાત્મા નિરાકુલઃ ॥ 8 ॥

કામઃ કારુણિકઃ કર્તા કમલાકરબોધનઃ ।

સપ્તસપ્તિરચિન્ત્યાત્મા મહાકારુણિકોત્તમઃ ॥ 9 ॥

સઞ્જીવનો જીવનાથો જયો જીવો જગત્પતિઃ ।

અયુક્તો વિશ્વનિલયઃ સંવિભાગી વૃષધ્વજઃ ॥ 10 ॥

વૃષાકપિઃ કલ્પકર્તા કલ્પાન્તકરણો રવિઃ ।

એકચક્રરથો મૌની સુરથો રથિનાં વરઃ ॥ 11 ॥

સક્રોધનો રશ્મિમાલી તેજોરાશિર્વિભાવસુઃ ।

દિવ્યકૃદ્દિનકૃદ્દેવો દેવદેવો દિવસ્પતિઃ ॥ 12 ॥

દીનનાથો હરો હોતા દિવ્યબાહુર્દિવાકરઃ ।

યજ્ઞો યજ્ઞપતિઃ પૂષા સ્વર્ણરેતાઃ પરાવરઃ ॥ 13 ॥

પરાપરજ્ઞસ્તરણિરંશુમાલી મનોહરઃ ।

પ્રાજ્ઞઃ પ્રાજ્ઞપતિઃ સૂર્યઃ સવિતા વિષ્ણુરંશુમાન્ ॥ 14 ॥

સદાગતિર્ગન્ધવહો વિહિતો વિધિરાશુગઃ ।

પતઙ્ગઃ પતગઃ સ્થાણુર્વિહઙ્ગો વિહગો વરઃ ॥ 15 ॥

હર્યશ્વો હરિતાશ્વશ્ચ હરિદશ્વો જગત્પ્રિયઃ ।

ત્ર્યમ્બકઃ સર્વદમનો ભાવિતાત્મા ભિષગ્વરઃ ॥ 16 ॥

આલોકકૃલ્લોકનાથો લોકાલોકનમસ્કૃતઃ ।

કાલઃ કલ્પાન્તકો વહ્નિસ્તપનઃ સમ્પ્રતાપનઃ ॥ 17 ॥

વિલોચનો વિરૂપાક્ષઃ સહસ્રાક્ષઃ પુરન્દરઃ ।

સહસ્રરશ્મિર્મિહિરો વિવિધામ્બરભૂષણઃ ॥ 18 ॥

ખગઃ પ્રતર્દનો ધન્યો હયગો વાગ્વિશારદઃ ।

શ્રીમાનશિશિરો વાગ્મી શ્રીપતિઃ શ્રીનિકેતનઃ ॥ 19 ॥

શ્રીકણ્ઠઃ શ્રીધરઃ શ્રીમાન્ શ્રીનિવાસો વસુપ્રદઃ ।

કામચારી મહામાયો મહોગ્રોઽવિદિતામયઃ ॥ 20 ॥

તીર્થક્રિયાવાન્ સુનયો વિભક્તો ભક્તવત્સલઃ ।

કીર્તિઃ કીર્તિકરો નિત્યઃ કુણ્ડલી કવચી રથી ॥ 21 ॥

હિરણ્યરેતાઃ સપ્તાશ્વઃ પ્રયતાત્મા પરન્તપઃ ।

બુદ્ધિમાનમરશ્રેષ્ઠો રોચિષ્ણુઃ પાકશાસનઃ ॥ 22 ॥

સમુદ્રો ધનદો ધાતા માન્ધાતા કશ્મલાપહઃ ।

તમોઘ્નો ધ્વાન્તહા વહ્નિર્હોતાઽન્તઃકરણો ગુહઃ ॥ 23 ॥

પશુમાન્ પ્રયતાનન્દો ભૂતેશઃ શ્રીમતાં વરઃ ।

નિત્યોઽદિતો નિત્યરથઃ સુરેશઃ સુરપૂજિતઃ ॥ 24 ॥

અજિતો વિજિતો જેતા જઙ્ગમસ્થાવરાત્મકઃ ।

જીવાનન્દો નિત્યગામી વિજેતા વિજયપ્રદઃ ॥ 25 ॥

પર્જન્યોઽગ્નિઃ સ્થિતિઃ સ્થેયઃ સ્થવિરોઽથ નિરઞ્જનઃ ।

પ્રદ્યોતનો રથારૂઢઃ સર્વલોકપ્રકાશકઃ ॥ 26 ॥

ધ્રુવો મેષી મહાવીર્યો હંસઃ સંસારતારકઃ ।

સૃષ્ટિકર્તા ક્રિયાહેતુર્માર્તણ્ડો મરુતાં પતિઃ ॥ 27 ॥

મરુત્વાન્ દહનસ્ત્વષ્ટા ભગો ભર્ગોઽર્યમા કપિઃ ।

વરુણેશો જગન્નાથઃ કૃતકૃત્યઃ સુલોચનઃ ॥ 28 ॥

વિવસ્વાન્ ભાનુમાન્ કાર્યઃ કારણસ્તેજસાં નિધિઃ ।

અસઙ્ગગામી તિગ્માંશુર્ધર્માંશુર્દીપ્તદીધિતિઃ ॥ 29 ॥

સહસ્રદીધિતિર્બ્રધ્નઃ સહસ્રાંશુર્દિવાકરઃ ।

ગભસ્તિમાન્ દીધિતિમાન્ સ્રગ્વી મણિકુલદ્યુતિઃ ॥ 30 ॥

ભાસ્કરઃ સુરકાર્યજ્ઞઃ સર્વજ્ઞસ્તીક્ષ્ણદીધિતિઃ ।

સુરજ્યેષ્ઠઃ સુરપતિર્બહુજ્ઞો વચસાં પતિઃ ॥ 31 ॥

તેજોનિધિર્બૃહત્તેજા બૃહત્કીર્તિર્બૃહસ્પતિઃ ।

અહિમાનૂર્જિતો ધીમાનામુક્તઃ કીર્તિવર્ધનઃ ॥ 32 ॥

મહાવૈદ્યો ગણપતિર્ધનેશો ગણનાયકઃ ।

તીવ્રપ્રતાપનસ્તાપી તાપનો વિશ્વતાપનઃ ॥ 33 ॥

કાર્તસ્વરો હૃષીકેશઃ પદ્માનન્દોઽતિનન્દિતઃ ।

પદ્મનાભોઽમૃતાહારઃ સ્થિતિમાન્ કેતુમાન્ નભઃ ॥ 34 ॥

અનાદ્યન્તોઽચ્યુતો વિશ્વો વિશ્વામિત્રો ઘૃણિર્વિરાટ્ ।

આમુક્તકવચો વાગ્મી કઞ્ચુકી વિશ્વભાવનઃ ॥ 35 ॥

અનિમિત્તગતિઃ શ્રેષ્ઠઃ શરણ્યઃ સર્વતોમુખઃ ।

વિગાહી વેણુરસહઃ સમાયુક્તઃ સમાક્રતુઃ ॥ 36 ॥

ધર્મકેતુર્ધર્મરતિઃ સંહર્તા સંયમો યમઃ ।

પ્રણતાર્તિહરો વાયુઃ સિદ્ધકાર્યો જનેશ્વરઃ ॥ 37 ॥

નભો વિગાહનઃ સત્યઃ સવિતાત્મા મનોહરઃ ।

હારી હરિર્હરો વાયુરૃતુઃ કાલાનલદ્યુતિઃ ॥ 38 ॥

સુખસેવ્યો મહાતેજા જગતામેકકારણમ્ ।

મહેન્દ્રો વિષ્ટુતઃ સ્તોત્રં સ્તુતિહેતુઃ પ્રભાકરઃ ॥ 39 ॥

સહસ્રકર આયુષ્માન્ અરોષઃ સુખદઃ સુખી ।

વ્યાધિહા સુખદઃ સૌખ્યં કલ્યાણઃ કલતાં વરઃ ॥ 40 ॥

આરોગ્યકારણં સિદ્ધિરૃદ્ધિર્વૃદ્ધિર્બૃહસ્પતિઃ ।

હિરણ્યરેતા આરોગ્યં વિદ્વાન્ બ્રધ્નો બુધો મહાન્ ॥ 41 ॥

પ્રાણવાન્ ધૃતિમાન્ ઘર્મો ઘર્મકર્તા રુચિપ્રદઃ ।

સર્વપ્રિયઃ સર્વસહઃ સર્વશત્રુવિનાશનઃ ॥ 42 ॥

પ્રાંશુર્વિદ્યોતનો દ્યોતઃ સહસ્રકિરણઃ કૃતી ।

કેયૂરી ભૂષણોદ્ભાસી ભાસિતો ભાસનોઽનલઃ ॥ 43 ॥

શરણ્યાર્તિહરો હોતા ખદ્યોતઃ ખગસત્તમઃ ।

સર્વદ્યોતો ભવદ્યોતઃ સર્વદ્યુતિકરો મતઃ ॥ 44 ॥

કલ્યાણઃ કલ્યાણકરઃ કલ્યઃ કલ્યકરઃ કવિઃ ।

કલ્યાણકૃત્ કલ્યવપુઃ સર્વકલ્યાણભાજનમ્ ॥ 45 ॥

શાન્તિપ્રિયઃ પ્રસન્નાત્મા પ્રશાન્તઃ પ્રશમપ્રિયઃ ।

ઉદારકર્મા સુનયઃ સુવર્ચા વર્ચસોજ્જ્વલઃ ॥ 46 ॥

વર્ચસ્વી વર્ચસામીશસ્ત્રૈલોક્યેશો વશાનુગઃ ।

તેજસ્વી સુયશા વર્ષ્મી વર્ણાધ્યક્ષો બલિપ્રિયઃ ॥ 47 ॥

યશસ્વી તેજોનિલયસ્તેજસ્વી પ્રકૃતિસ્થિતઃ ।

આકાશગઃ શીઘ્રગતિરાશુગો ગતિમાન્ ખગઃ ॥ 48 ॥

ગોપતિર્ગ્રહદેવેશો ગોમાનેકઃ પ્રભઞ્જનઃ ।

જનિતા પ્રજનો જીવો દીપઃ સર્વપ્રકાશકઃ ॥ 49 ॥

સર્વસાક્ષી યોગનિત્યો નભસ્વાનસુરાન્તકઃ ।

રક્ષોઘ્નો વિઘ્નશમનઃ કિરીટી સુમનઃપ્રિયઃ ॥ 50 ॥

મરીચિમાલી સુમતિઃ કૃતાભિખ્યવિશેષકઃ ।

શિષ્ટાચારઃ શુભાચારઃ સ્વચારાચારતત્પરઃ ॥ 51 ॥

મન્દારો માઠરો વેણુઃ ક્ષુધાપઃ ક્ષ્માપતિર્ગુરુઃ ।

સુવિશિષ્ટો વિશિષ્ટાત્મા વિધેયો જ્ઞાનશોભનઃ ॥ 52 ॥

મહાશ્વેતઃ પ્રિયો જ્ઞેયઃ સામગો મોક્ષદાયકઃ ।

સર્વવેદપ્રગીતાત્મા સર્વવેદલયો મહાન્ ॥ 53 ॥

વેદમૂર્તિશ્ચતુર્વેદો વેદભૃદ્વેદપારગઃ ।

ક્રિયાવાનસિતો જિષ્ણુર્વરીયાંશુર્વરપ્રદઃ ॥ 54 ॥

વ્રતચારી વ્રતધરો લોકબન્ધુરલઙ્કૃતઃ ।

અલઙ્કારાક્ષરો વેદ્યો વિદ્યાવાન્ વિદિતાશયઃ ॥ 55 ॥

આકારો ભૂષણો ભૂષ્યો ભૂષ્ણુર્ભુવનપૂજિતઃ ।

ચક્રપાણિર્ધ્વજધરઃ સુરેશો લોકવત્સલઃ ॥ 56 ॥

વાગ્મિપતિર્મહાબાહુઃ પ્રકૃતિર્વિકૃતિર્ગુણઃ ।

અન્ધકારાપહઃ શ્રેષ્ઠો યુગાવર્તો યુગાદિકૃત્ ॥ 57 ॥

અપ્રમેયઃ સદાયોગી નિરહઙ્કાર ઈશ્વરઃ ।

શુભપ્રદઃ શુભઃ શાસ્તા શુભકર્મા શુભપ્રદઃ ॥ 58 ॥

સત્યવાન્ શ્રુતિમાનુચ્ચૈર્નકારો વૃદ્ધિદોઽનલઃ ।

બલભૃદ્બલદો બન્ધુર્મતિમાન્ બલિનાં વરઃ ॥ 59 ॥

અનઙ્ગો નાગરાજેન્દ્રઃ પદ્મયોનિર્ગણેશ્વરઃ ।

સંવત્સર ઋતુર્નેતા કાલચક્રપ્રવર્તકઃ ॥ 60 ॥

પદ્મેક્ષણઃ પદ્મયોનિઃ પ્રભાવાનમરઃ પ્રભુઃ ।

સુમૂર્તિઃ સુમતિઃ સોમો ગોવિન્દો જગદાદિજઃ ॥ 61 ॥

પીતવાસાઃ કૃષ્ણવાસા દિગ્વાસાસ્ત્વિન્દ્રિયાતિગઃ ।

અતીન્દ્રિયોઽનેકરૂપઃ સ્કન્દઃ પરપુરઞ્જયઃ ॥ 62 ॥

શક્તિમાન્ જલધૃગ્ભાસ્વાન્ મોક્ષહેતુરયોનિજઃ ।

સર્વદર્શી જિતાદર્શો દુઃસ્વપ્નાશુભનાશનઃ ॥ 63 ॥

માઙ્ગલ્યકર્તા તરણિર્વેગવાન્ કશ્મલાપહઃ ।

સ્પષ્ટાક્ષરો મહામન્ત્રો વિશાખો યજનપ્રિયઃ ॥ 64 ॥

વિશ્વકર્મા મહાશક્તિર્દ્યુતિરીશો વિહઙ્ગમઃ ।

વિચક્ષણો દક્ષ ઇન્દ્રઃ પ્રત્યૂષઃ પ્રિયદર્શનઃ ॥ 65 ॥

અખિન્નો વેદનિલયો વેદવિદ્વિદિતાશયઃ ।

પ્રભાકરો જિતરિપુઃ સુજનોઽરુણસારથિઃ ॥ 66 ॥

કુનાશી સુરતઃ સ્કન્દો મહિતોઽભિમતો ગુરુઃ ।

ગ્રહરાજો ગ્રહપતિર્ગ્રહનક્ષત્રમણ્ડલઃ ॥ 67 ॥

ભાસ્કરઃ સતતાનન્દો નન્દનો નરવાહનઃ ।

મઙ્ગલોઽથ મઙ્ગલવાન્ માઙ્ગલ્યો મઙ્ગલાવહઃ ॥ 68 ॥

મઙ્ગલ્યચારુચરિતઃ શીર્ણઃ સર્વવ્રતો વ્રતી ।

ચતુર્મુખઃ પદ્મમાલી પૂતાત્મા પ્રણતાર્તિહા ॥ 69 ॥

અકિઞ્ચનઃ સતામીશો નિર્ગુણો ગુણવાઞ્છુચિઃ ।

સમ્પૂર્ણઃ પુણ્ડરીકાક્ષો વિધેયો યોગતત્પરઃ ॥ 70 ॥

સહસ્રાંશુઃ ક્રતુમતિઃ સર્વજ્ઞઃ સુમતિઃ સુવાક્ ।

સુવાહનો માલ્યદામા કૃતાહારો હરિપ્રિયઃ ॥ 71 ॥

બ્રહ્મા પ્રચેતાઃ પ્રથિતઃ પ્રયતાત્મા સ્થિરાત્મકઃ ।

શતવિન્દુઃ શતમુખો ગરીયાનનલપ્રભઃ ॥ 72 ॥

ધીરો મહત્તરો વિપ્રઃ પુરાણપુરુષોત્તમઃ ।

વિદ્યારાજાધિરાજો હિ વિદ્યાવાન્ ભૂતિદઃ સ્થિતઃ ॥ 73 ॥

અનિર્દેશ્યવપુઃ શ્રીમાન્ વિપાપ્મા બહુમઙ્ગલઃ ।

સ્વઃસ્થિતઃ સુરથઃ સ્વર્ણો મોક્ષદો બલિકેતનઃ ॥ 74 ॥

નિર્દ્વન્દ્વો દ્વન્દ્વહા સ્વર્ગઃ સર્વગઃ સમ્પ્રકાશકઃ ।

દયાલુઃ સૂક્ષ્મધીઃ ક્ષાન્તિઃ ક્ષેમાક્ષેમસ્થિતિપ્રિયઃ ॥ 75 ॥

ભૂધરો ભૂપતિર્વક્તા પવિત્રાત્મા ત્રિલોચનઃ ।

મહાવરાહઃ પ્રિયકૃદ્દાતા ભોક્તાઽભયપ્રદઃ ॥ 76 ॥

ચક્રવર્તી ધૃતિકરઃ સમ્પૂર્ણોઽથ મહેશ્વરઃ ।

ચતુર્વેદધરોઽચિન્ત્યો વિનિન્દ્યો વિવિધાશનઃ ॥ 77 ॥

વિચિત્રરથ એકાકી સપ્તસપ્તિઃ પરાત્પરઃ ।

સર્વોદધિસ્થિતિકરઃ સ્થિતિસ્થેયઃ સ્થિતિપ્રિયઃ ॥ 78 ॥

નિષ્કલઃ પુષ્કલો વિભુર્વસુમાન્ વાસવપ્રિયઃ ।

પશુમાન્ વાસવસ્વામી વસુધામા વસુપ્રદઃ ॥ 79 ॥

બલવાન્ જ્ઞાનવાંસ્તત્ત્વમોઙ્કારસ્ત્રિષુસંસ્થિતઃ ।

સઙ્કલ્પયોનિર્દિનકૃદ્ભગવાન્ કારણાપહઃ ॥ 80 ॥

નીલકણ્ઠો ધનાધ્યક્ષશ્ચતુર્વેદપ્રિયંવદઃ ।

વષટ્કારોદ્ગાતા હોતા સ્વાહાકારો હુતાહુતિઃ ॥ 81 ॥

જનાર્દનો જનાનન્દો નરો નારાયણોઽમ્બુદઃ ।

સન્દેહનાશનો વાયુર્ધન્વી સુરનમસ્કૃતઃ ॥ 82 ॥

વિગ્રહી વિમલો વિન્દુર્વિશોકો વિમલદ્યુતિઃ ।

દ્યુતિમાન્ દ્યોતનો વિદ્યુદ્વિદ્યાવાન્ વિદિતો બલી ॥ 83 ॥

ઘર્મદો હિમદો હાસઃ કૃષ્ણવર્ત્મા સુતાજિતઃ ।

સાવિત્રીભાવિતો રાજા વિશ્વામિત્રો ઘૃણિર્વિરાટ્ ॥ 84 ॥

સપ્તાર્ચિઃ સપ્તતુરગઃ સપ્તલોકનમસ્કૃતઃ ।

સમ્પૂર્ણોઽથ જગન્નાથઃ સુમનાઃ શોભનપ્રિયઃ ॥ 85 ॥

સર્વાત્મા સર્વકૃત્ સૃષ્ટિઃ સપ્તિમાન્ સપ્તમીપ્રિયઃ ।

સુમેધા મેધિકો મેધ્યો મેધાવી મધુસૂદનઃ ॥ 86 ॥

અઙ્ગિરઃપતિઃ કાલજ્ઞો ધૂમકેતુઃ સુકેતનઃ ।

સુખી સુખપ્રદઃ સૌખ્યઃ કાન્તિઃ કાન્તિપ્રિયો મુનિઃ ॥ 87 ॥

સન્તાપનઃ સન્તપન આતપસ્તપસાં પતિઃ ।

ઉમાપતિઃ સહસ્રાંશુઃ પ્રિયકારી પ્રિયઙ્કરઃ ॥ 88 ॥

પ્રીતિર્વિમન્યુરમ્ભોત્થઃ ખઞ્જનો જગતાં પતિઃ ।

જગત્પિતા પ્રીતમનાઃ સર્વઃ ખર્વો ગુહોઽચલઃ ॥ 89 ॥

સર્વગો જગદાનન્દો જગન્નેતા સુરારિહા ।

શ્રેયઃ શ્રેયસ્કરો જ્યાયાન્ મહાનુત્તમ ઉદ્ભવઃ ॥ 90 ॥

ઉત્તમો મેરુમેયોઽથ ધરણો ધરણીધરઃ ।

ધરાધ્યક્ષો ધર્મરાજો ધર્માધર્મપ્રવર્તકઃ ॥ 91 ॥

રથાધ્યક્ષો રથગતિસ્તરુણસ્તનિતોઽનલઃ ।

ઉત્તરોઽનુત્તરસ્તાપી અવાક્પતિરપાં પતિઃ ॥ 92 ॥

પુણ્યસઙ્કીર્તનઃ પુણ્યો હેતુર્લોકત્રયાશ્રયઃ ।

સ્વર્ભાનુર્વિગતાનન્દો વિશિષ્ટોત્કૃષ્ટકર્મકૃત્ ॥ 93 ॥

વ્યાધિપ્રણાશનઃ ક્ષેમઃ શૂરઃ સર્વજિતાં વરઃ ।

એકરથો રથાધીશઃ પિતા શનૈશ્ચરસ્ય હિ ॥ 94 ॥

વૈવસ્વતગુરુર્મૃત્યુર્ધર્મનિત્યો મહાવ્રતઃ ।

પ્રલમ્બહારસઞ્ચારી પ્રદ્યોતો દ્યોતિતાનલઃ ॥ 95 ॥

સન્તાપહૃત્ પરો મન્ત્રો મન્ત્રમૂર્તિર્મહાબલઃ ।

શ્રેષ્ઠાત્મા સુપ્રિયઃ શમ્ભુર્મરુતામીશ્વરેશ્વરઃ ॥ 96 ॥

સંસારગતિવિચ્ચેત્તા સંસારાર્ણવતારકઃ ।

સપ્તજિહ્વઃ સહસ્રાર્ચી રત્નગર્ભોઽપરાજિતઃ ॥ 97 ॥

ધર્મકેતુરમેયાત્મા ધર્માધર્મવરપ્રદઃ ।

લોકસાક્ષી લોકગુરુર્લોકેશશ્ચણ્ડવાહનઃ ॥ 98 ॥

ધર્મયૂપો યૂપવૃક્ષો ધનુષ્પાણિર્ધનુર્ધરઃ ।

પિનાકધૃઙ્મહોત્સાહો મહામાયો મહાશનઃ ॥ 99 ॥

વીરઃ શક્તિમતાં શ્રેષ્ઠઃ સર્વશસ્ત્રભૃતાં વરઃ ।

જ્ઞાનગમ્યો દુરારાધ્યો લોહિતાઙ્ગો વિવર્ધનઃ ॥ 100 ॥

ખગોઽન્ધો ધર્મદો નિત્યો ધર્મકૃચ્ચિત્રવિક્રમઃ ।

ભગવાનાત્મવાન્ મન્ત્રસ્ત્ર્યક્ષરો નીલલોહિતઃ ॥ 101 ॥

એકોઽનેકસ્ત્રયી કાલઃ સવિતા સમિતિઞ્જયઃ ।

શાર્ઙ્ગધન્વાઽનલો ભીમઃ સર્વપ્રહરણાયુધઃ ॥ 102 ॥

સુકર્મા પરમેષ્ઠી ચ નાકપાલી દિવિસ્થિતઃ ।

વદાન્યો વાસુકિર્વૈદ્ય આત્રેયોઽથ પરાક્રમઃ ॥ 103 ॥

દ્વાપરઃ પરમોદારઃ પરમો બ્રહ્મચર્યવાન્ ।

ઉદીચ્યવેષો મુકુટી પદ્મહસ્તો હિમાંશુભૃત્ ॥ 104 ॥

સિતઃ પ્રસન્નવદનઃ પદ્મોદરનિભાનનઃ ।

સાયં દિવા દિવ્યવપુરનિર્દેશ્યો મહાલયઃ ॥ 105 ॥

મહારથો મહાનીશઃ શેષઃ સત્ત્વરજસ્તમઃ ।

ધૃતાતપત્રપ્રતિમો વિમર્ષી નિર્ણયઃ સ્થિતઃ ॥ 106 ॥

અહિંસકઃ શુદ્ધમતિરદ્વિતીયો વિવર્ધનઃ ।

સર્વદો ધનદો મોક્ષો વિહારી બહુદાયકઃ ॥ 107 ॥

ચારુરાત્રિહરો નાથો ભગવાન્ સર્વગોઽવ્યયઃ ।

મનોહરવપુઃ શુભ્રઃ શોભનઃ સુપ્રભાવનઃ ॥ 108 ॥

સુપ્રભાવઃ સુપ્રતાપઃ સુનેત્રો દિગ્વિદિક્પતિઃ ।

રાજ્ઞીપ્રિયઃ શબ્દકરો ગ્રહેશસ્તિમિરાપહઃ ॥ 109 ॥

સૈંહિકેયરિપુર્દેવો વરદો વરનાયકઃ ।

ચતુર્ભુજો મહાયોગી યોગીશ્વરપતિસ્તથા ॥ 110 ॥

અનાદિરૂપોઽદિતિજો રત્નકાન્તિઃ પ્રભામયઃ ।

જગત્પ્રદીપો વિસ્તીર્ણો મહાવિસ્તીર્ણમણ્ડલઃ ॥ 111 ॥

એકચક્રરથઃ સ્વર્ણરથઃ સ્વર્ણશરીરધૃક્ ।

નિરાલમ્બો ગગનગો ધર્મકર્મપ્રભાવકૃત્ ॥ 112 ॥

ધર્માત્મા કર્મણાં સાક્ષી પ્રત્યક્ષઃ પરમેશ્વરઃ ।

મેરુસેવી સુમેધાવી મેરુરક્ષાકરો મહાન્ ॥ 113 ॥

આધારભૂતો રતિમાંસ્તથા ચ ધનધાન્યકૃત્ ।

પાપસન્તાપહર્તા ચ મનોવાઞ્છિતદાયકઃ ॥ 114 ॥

રોગહર્તા રાજ્યદાયી રમણીયગુણોઽનૃણી ।

કાલત્રયાનન્તરૂપો મુનિવૃન્દનમસ્કૃતઃ ॥ 115 ॥

સન્ધ્યારાગકરઃ સિદ્ધઃ સન્ધ્યાવન્દનવન્દિતઃ ।

સામ્રાજ્યદાનનિરતઃ સમારાધનતોષવાન્ ॥ 116 ॥

ભક્તદુઃખક્ષયકરો ભવસાગરતારકઃ ।

ભયાપહર્તા ભગવાનપ્રમેયપરાક્રમઃ ।

મનુસ્વામી મનુપતિર્માન્યો મન્વન્તરાધિપઃ ॥ 117 ॥

ફલશ્રુતિઃ ।

એતત્તે સર્વમાખ્યાતં યન્માં ત્વં પરિપૃચ્છસિ ।

નામ્નાં સહસ્રં સવિતુઃ પરાશર્યો યદાહ મે ॥ 1 ॥

ધન્યં યશસ્યમાયુષ્યં દુઃખદુઃસ્વપ્નનાશનમ્ ।

બન્ધમોક્ષકરં ચૈવ ભાનોર્નામાનુકીર્તનાત્ ॥ 2 ॥

યસ્ત્વિદં શૃણુયાન્નિત્યં પઠેદ્વા પ્રયતો નરઃ ।

અક્ષયં સુખમન્નાદ્યં ભવેત્તસ્યોપસાધિતમ્ ॥ 3 ॥

નૃપાગ્નિતસ્કરભયં વ્યાધિતો ન ભયં ભવેત્ ।

વિજયી ચ ભવેન્નિત્યમાશ્રયં પરમાપ્નુયાત્ ॥ 4 ॥

કીર્તિમાન્ સુભગો વિદ્વાન્ સ સુખી પ્રિયદર્શનઃ ।

જીવેદ્વર્ષશતાયુશ્ચ સર્વવ્યાધિવિવર્જિતઃ ॥ 5 ॥

નામ્નાં સહસ્રમિદમંશુમતઃ પઠેદ્યઃ

પ્રાતઃ શુચિર્નિયમવાન્ સુસમૃદ્ધિયુક્તઃ ।

દૂરેણ તં પરિહરન્તિ સદૈવ રોગાઃ

ભૂતાઃ સુપર્ણમિવ સર્વમહોરગેન્દ્રાઃ ॥ 6 ॥

ઇતિ શ્રી ભવિષ્યપુરાણે સપ્તમકલ્પે શ્રીભગવત્સૂર્યસ્ય સહસ્રનામસ્તોત્રં સમ્પૂર્ણમ્ ॥

Roman (IAST) Transliteration

asya śrī sūrya sahasranāma stotrasya vedavyāsa ṛṣiḥ anuṣṭupchandaḥ savitā devatā sarvābhīṣṭa siddhyarthe jape viniyogaḥ |

dhyānam |

dhyeyaḥ sadā savitṛmaṇḍalamadhyavartī

nārāyaṇaḥ sarasijāsanasanniviṣṭaḥ |

keyūravān makarakuṇḍalavān kirīṭī

hārī hiraṇmayavapurdhṛtaśaṅkhacakraḥ ||

stotram |

oṃ viśvavidviśvajitkartā viśvātmā viśvatomukhaḥ |

viśveśvaro viśvayonirniyatātmā jitendriyaḥ || 1 ||

kālāśrayaḥ kālakartā kālahā kālanāśanaḥ |

mahāyogī mahāsiddhirmahātmā sumahābalaḥ || 2 ||

prabhurvibhurbhūtanātho bhūtātmā bhuvaneśvaraḥ |

bhūtabhavyo bhāvitātmā bhūtāntaḥkaraṇaṃ śivaḥ || 3 ||

śaraṇyaḥ kamalānando nandano nandavardhanaḥ |

vareṇyo varado yogī susaṃyuktaḥ prakāśakaḥ || 4 ||

prāptayānaḥ paraprāṇaḥ pūtātmā priyataḥ priyaḥ | [prayataḥ]

nayaḥ sahasrapāt sādhurdivyakuṇḍalamaṇḍitaḥ || 5 ||

avyaṅgadhārī dhīrātmā savitā vāyuvāhanaḥ |

samāhitamatirdātā vidhātā kṛtamaṅgalaḥ || 6 ||

kapardī kalpapādrudraḥ sumanā dharmavatsalaḥ |

samāyukto vimuktātmā kṛtātmā kṛtināṃ varaḥ || 7 ||

avicintyavapuḥ śreṣṭho mahāyogī maheśvaraḥ |

kāntaḥ kāmārirādityo niyatātmā nirākulaḥ || 8 ||

kāmaḥ kāruṇikaḥ kartā kamalākarabodhanaḥ |

saptasaptiracintyātmā mahākāruṇikottamaḥ || 9 ||

sañjīvano jīvanātho jayo jīvo jagatpatiḥ |

ayukto viśvanilayaḥ saṃvibhāgī vṛṣadhvajaḥ || 10 ||

vṛṣākapiḥ kalpakartā kalpāntakaraṇo raviḥ |

ekacakraratho maunī suratho rathināṃ varaḥ || 11 ||

sakrodhano raśmimālī tejorāśirvibhāvasuḥ |

divyakṛddinakṛddevo devadevo divaspatiḥ || 12 ||

dīnanātho haro hotā divyabāhurdivākaraḥ |

yajño yajñapatiḥ pūṣā svarṇaretāḥ parāvaraḥ || 13 ||

parāparajñastaraṇiraṃśumālī manoharaḥ |

prājñaḥ prājñapatiḥ sūryaḥ savitā viṣṇuraṃśumān || 14 ||

sadāgatirgandhavaho vihito vidhirāśugaḥ |

pataṅgaḥ patagaḥ sthāṇurvihaṅgo vihago varaḥ || 15 ||

haryaśvo haritāśvaśca haridaśvo jagatpriyaḥ |

tryambakaḥ sarvadamano bhāvitātmā bhiṣagvaraḥ || 16 ||

ālokakṛllokanātho lokālokanamaskṛtaḥ |

kālaḥ kalpāntako vahnistapanaḥ sampratāpanaḥ || 17 ||

vilocano virūpākṣaḥ sahasrākṣaḥ purandaraḥ |

sahasraraśmirmihiro vividhāmbarabhūṣaṇaḥ || 18 ||

khagaḥ pratardano dhanyo hayago vāgviśāradaḥ |

śrīmānaśiśiro vāgmī śrīpatiḥ śrīniketanaḥ || 19 ||

śrīkaṇṭhaḥ śrīdharaḥ śrīmān śrīnivāso vasupradaḥ |

kāmacārī mahāmāyo mahogro'viditāmayaḥ || 20 ||

tīrthakriyāvān sunayo vibhakto bhaktavatsalaḥ |

kīrtiḥ kīrtikaro nityaḥ kuṇḍalī kavacī rathī || 21 ||

hiraṇyaretāḥ saptāśvaḥ prayatātmā parantapaḥ |

buddhimānamaraśreṣṭho rociṣṇuḥ pākaśāsanaḥ || 22 ||

samudro dhanado dhātā māndhātā kaśmalāpahaḥ |

tamoghno dhvāntahā vahnirhotā'ntaḥkaraṇo guhaḥ || 23 ||

paśumān prayatānando bhūteśaḥ śrīmatāṃ varaḥ |

nityo'dito nityarathaḥ sureśaḥ surapūjitaḥ || 24 ||

ajito vijito jetā jaṅgamasthāvarātmakaḥ |

jīvānando nityagāmī vijetā vijayapradaḥ || 25 ||

parjanyo'gniḥ sthitiḥ stheyaḥ sthaviro'tha nirañjanaḥ |

pradyotano rathārūḍhaḥ sarvalokaprakāśakaḥ || 26 ||

dhruvo meṣī mahāvīryo haṃsaḥ saṃsāratārakaḥ |

sṛṣṭikartā kriyāheturmārtaṇḍo marutāṃ patiḥ || 27 ||

marutvān dahanastvaṣṭā bhago bhargo'ryamā kapiḥ |

varuṇeśo jagannāthaḥ kṛtakṛtyaḥ sulocanaḥ || 28 ||

vivasvān bhānumān kāryaḥ kāraṇastejasāṃ nidhiḥ |

asaṅgagāmī tigmāṃśurdharmāṃśurdīptadīdhitiḥ || 29 ||

sahasradīdhitirbradhnaḥ sahasrāṃśurdivākaraḥ |

gabhastimān dīdhitimān sragvī maṇikuladyutiḥ || 30 ||

bhāskaraḥ surakāryajñaḥ sarvajñastīkṣṇadīdhitiḥ |

surajyeṣṭhaḥ surapatirbahujño vacasāṃ patiḥ || 31 ||

tejonidhirbṛhattejā bṛhatkīrtirbṛhaspatiḥ |

ahimānūrjito dhīmānāmuktaḥ kīrtivardhanaḥ || 32 ||

mahāvaidyo gaṇapatirdhaneśo gaṇanāyakaḥ |

tīvrapratāpanastāpī tāpano viśvatāpanaḥ || 33 ||

kārtasvaro hṛṣīkeśaḥ padmānando'tinanditaḥ |

padmanābho'mṛtāhāraḥ sthitimān ketumān nabhaḥ || 34 ||

anādyanto'cyuto viśvo viśvāmitro ghṛṇirvirāṭ |

āmuktakavaco vāgmī kañcukī viśvabhāvanaḥ || 35 ||

animittagatiḥ śreṣṭhaḥ śaraṇyaḥ sarvatomukhaḥ |

vigāhī veṇurasahaḥ samāyuktaḥ samākratuḥ || 36 ||

dharmaketurdharmaratiḥ saṃhartā saṃyamo yamaḥ |

praṇatārtiharo vāyuḥ siddhakāryo janeśvaraḥ || 37 ||

nabho vigāhanaḥ satyaḥ savitātmā manoharaḥ |

hārī harirharo vāyurṛtuḥ kālānaladyutiḥ || 38 ||

sukhasevyo mahātejā jagatāmekakāraṇam |

mahendro viṣṭutaḥ stotraṃ stutihetuḥ prabhākaraḥ || 39 ||

sahasrakara āyuṣmān aroṣaḥ sukhadaḥ sukhī |

vyādhihā sukhadaḥ saukhyaṃ kalyāṇaḥ kalatāṃ varaḥ || 40 ||

ārogyakāraṇaṃ siddhirṛddhirvṛddhirbṛhaspatiḥ |

hiraṇyaretā ārogyaṃ vidvān bradhno budho mahān || 41 ||

prāṇavān dhṛtimān gharmo gharmakartā rucipradaḥ |

sarvapriyaḥ sarvasahaḥ sarvaśatruvināśanaḥ || 42 ||

prāṃśurvidyotano dyotaḥ sahasrakiraṇaḥ kṛtī |

keyūrī bhūṣaṇodbhāsī bhāsito bhāsano'nalaḥ || 43 ||

śaraṇyārtiharo hotā khadyotaḥ khagasattamaḥ |

sarvadyoto bhavadyotaḥ sarvadyutikaro mataḥ || 44 ||

kalyāṇaḥ kalyāṇakaraḥ kalyaḥ kalyakaraḥ kaviḥ |

kalyāṇakṛt kalyavapuḥ sarvakalyāṇabhājanam || 45 ||

śāntipriyaḥ prasannātmā praśāntaḥ praśamapriyaḥ |

udārakarmā sunayaḥ suvarcā varcasojjvalaḥ || 46 ||

varcasvī varcasāmīśastrailokyeśo vaśānugaḥ |

tejasvī suyaśā varṣmī varṇādhyakṣo balipriyaḥ || 47 ||

yaśasvī tejonilayastejasvī prakṛtisthitaḥ |

ākāśagaḥ śīghragatirāśugo gatimān khagaḥ || 48 ||

gopatirgrahadeveśo gomānekaḥ prabhañjanaḥ |

janitā prajano jīvo dīpaḥ sarvaprakāśakaḥ || 49 ||

sarvasākṣī yoganityo nabhasvānasurāntakaḥ |

rakṣoghno vighnaśamanaḥ kirīṭī sumanaḥpriyaḥ || 50 ||

marīcimālī sumatiḥ kṛtābhikhyaviśeṣakaḥ |

śiṣṭācāraḥ śubhācāraḥ svacārācāratatparaḥ || 51 ||

mandāro māṭharo veṇuḥ kṣudhāpaḥ kṣmāpatirguruḥ |

suviśiṣṭo viśiṣṭātmā vidheyo jñānaśobhanaḥ || 52 ||

mahāśvetaḥ priyo jñeyaḥ sāmago mokṣadāyakaḥ |

sarvavedapragītātmā sarvavedalayo mahān || 53 ||

vedamūrtiścaturvedo vedabhṛdvedapāragaḥ |

kriyāvānasito jiṣṇurvarīyāṃśurvarapradaḥ || 54 ||

vratacārī vratadharo lokabandhuralaṅkṛtaḥ |

alaṅkārākṣaro vedyo vidyāvān viditāśayaḥ || 55 ||

ākāro bhūṣaṇo bhūṣyo bhūṣṇurbhuvanapūjitaḥ |

cakrapāṇirdhvajadharaḥ sureśo lokavatsalaḥ || 56 ||

vāgmipatirmahābāhuḥ prakṛtirvikṛtirguṇaḥ |

andhakārāpahaḥ śreṣṭho yugāvarto yugādikṛt || 57 ||

aprameyaḥ sadāyogī nirahaṅkāra īśvaraḥ |

śubhapradaḥ śubhaḥ śāstā śubhakarmā śubhapradaḥ || 58 ||

satyavān śrutimānuccairnakāro vṛddhido'nalaḥ |

balabhṛdbalado bandhurmatimān balināṃ varaḥ || 59 ||

anaṅgo nāgarājendraḥ padmayonirgaṇeśvaraḥ |

saṃvatsara ṛturnetā kālacakrapravartakaḥ || 60 ||

padmekṣaṇaḥ padmayoniḥ prabhāvānamaraḥ prabhuḥ |

sumūrtiḥ sumatiḥ somo govindo jagadādijaḥ || 61 ||

pītavāsāḥ kṛṣṇavāsā digvāsāstvindriyātigaḥ |

atīndriyo'nekarūpaḥ skandaḥ parapurañjayaḥ || 62 ||

śaktimān jaladhṛgbhāsvān mokṣaheturayonijaḥ |

sarvadarśī jitādarśo duḥsvapnāśubhanāśanaḥ || 63 ||

māṅgalyakartā taraṇirvegavān kaśmalāpahaḥ |

spaṣṭākṣaro mahāmantro viśākho yajanapriyaḥ || 64 ||

viśvakarmā mahāśaktirdyutirīśo vihaṅgamaḥ |

vicakṣaṇo dakṣa indraḥ pratyūṣaḥ priyadarśanaḥ || 65 ||

akhinno vedanilayo vedavidviditāśayaḥ |

prabhākaro jitaripuḥ sujano'ruṇasārathiḥ || 66 ||

kunāśī surataḥ skando mahito'bhimato guruḥ |

graharājo grahapatirgrahanakṣatramaṇḍalaḥ || 67 ||

bhāskaraḥ satatānando nandano naravāhanaḥ |

maṅgalo'tha maṅgalavān māṅgalyo maṅgalāvahaḥ || 68 ||

maṅgalyacārucaritaḥ śīrṇaḥ sarvavrato vratī |

caturmukhaḥ padmamālī pūtātmā praṇatārtihā || 69 ||

akiñcanaḥ satāmīśo nirguṇo guṇavāñchuciḥ |

sampūrṇaḥ puṇḍarīkākṣo vidheyo yogatatparaḥ || 70 ||

sahasrāṃśuḥ kratumatiḥ sarvajñaḥ sumatiḥ suvāk |

suvāhano mālyadāmā kṛtāhāro haripriyaḥ || 71 ||

brahmā pracetāḥ prathitaḥ prayatātmā sthirātmakaḥ |

śatavinduḥ śatamukho garīyānanalaprabhaḥ || 72 ||

dhīro mahattaro vipraḥ purāṇapuruṣottamaḥ |

vidyārājādhirājo hi vidyāvān bhūtidaḥ sthitaḥ || 73 ||

anirdeśyavapuḥ śrīmān vipāpmā bahumaṅgalaḥ |

svaḥsthitaḥ surathaḥ svarṇo mokṣado baliketanaḥ || 74 ||

nirdvandvo dvandvahā svargaḥ sarvagaḥ samprakāśakaḥ |

dayāluḥ sūkṣmadhīḥ kṣāntiḥ kṣemākṣemasthitipriyaḥ || 75 ||

bhūdharo bhūpatirvaktā pavitrātmā trilocanaḥ |

mahāvarāhaḥ priyakṛddātā bhoktā'bhayapradaḥ || 76 ||

cakravartī dhṛtikaraḥ sampūrṇo'tha maheśvaraḥ |

caturvedadharo'cintyo vinindyo vividhāśanaḥ || 77 ||

vicitraratha ekākī saptasaptiḥ parātparaḥ |

sarvodadhisthitikaraḥ sthitistheyaḥ sthitipriyaḥ || 78 ||

niṣkalaḥ puṣkalo vibhurvasumān vāsavapriyaḥ |

paśumān vāsavasvāmī vasudhāmā vasupradaḥ || 79 ||

balavān jñānavāṃstattvamoṅkārastriṣusaṃsthitaḥ |

saṅkalpayonirdinakṛdbhagavān kāraṇāpahaḥ || 80 ||

nīlakaṇṭho dhanādhyakṣaścaturvedapriyaṃvadaḥ |

vaṣaṭkārodgātā hotā svāhākāro hutāhutiḥ || 81 ||

janārdano janānando naro nārāyaṇo'mbudaḥ |

sandehanāśano vāyurdhanvī suranamaskṛtaḥ || 82 ||

vigrahī vimalo vindurviśoko vimaladyutiḥ |

dyutimān dyotano vidyudvidyāvān vidito balī || 83 ||

gharmado himado hāsaḥ kṛṣṇavartmā sutājitaḥ |

sāvitrībhāvito rājā viśvāmitro ghṛṇirvirāṭ || 84 ||

saptārciḥ saptaturagaḥ saptalokanamaskṛtaḥ |

sampūrṇo'tha jagannāthaḥ sumanāḥ śobhanapriyaḥ || 85 ||

sarvātmā sarvakṛt sṛṣṭiḥ saptimān saptamīpriyaḥ |

sumedhā medhiko medhyo medhāvī madhusūdanaḥ || 86 ||

aṅgiraḥpatiḥ kālajño dhūmaketuḥ suketanaḥ |

sukhī sukhapradaḥ saukhyaḥ kāntiḥ kāntipriyo muniḥ || 87 ||

santāpanaḥ santapana ātapastapasāṃ patiḥ |

umāpatiḥ sahasrāṃśuḥ priyakārī priyaṅkaraḥ || 88 ||

prītirvimanyurambhotthaḥ khañjano jagatāṃ patiḥ |

jagatpitā prītamanāḥ sarvaḥ kharvo guho'calaḥ || 89 ||

sarvago jagadānando jagannetā surārihā |

śreyaḥ śreyaskaro jyāyān mahānuttama udbhavaḥ || 90 ||

uttamo merumeyo'tha dharaṇo dharaṇīdharaḥ |

dharādhyakṣo dharmarājo dharmādharmapravartakaḥ || 91 ||

rathādhyakṣo rathagatistaruṇastanito'nalaḥ |

uttaro'nuttarastāpī avākpatirapāṃ patiḥ || 92 ||

puṇyasaṅkīrtanaḥ puṇyo heturlokatrayāśrayaḥ |

svarbhānurvigatānando viśiṣṭotkṛṣṭakarmakṛt || 93 ||

vyādhipraṇāśanaḥ kṣemaḥ śūraḥ sarvajitāṃ varaḥ |

ekaratho rathādhīśaḥ pitā śanaiścarasya hi || 94 ||

vaivasvatagururmṛtyurdharmanityo mahāvrataḥ |

pralambahārasañcārī pradyoto dyotitānalaḥ || 95 ||

santāpahṛt paro mantro mantramūrtirmahābalaḥ |

śreṣṭhātmā supriyaḥ śambhurmarutāmīśvareśvaraḥ || 96 ||

saṃsāragativiccettā saṃsārārṇavatārakaḥ |

saptajihvaḥ sahasrārcī ratnagarbho'parājitaḥ || 97 ||

dharmaketurameyātmā dharmādharmavarapradaḥ |

lokasākṣī lokagururlokeśaścaṇḍavāhanaḥ || 98 ||

dharmayūpo yūpavṛkṣo dhanuṣpāṇirdhanurdharaḥ |

pinākadhṛṅmahotsāho mahāmāyo mahāśanaḥ || 99 ||

vīraḥ śaktimatāṃ śreṣṭhaḥ sarvaśastrabhṛtāṃ varaḥ |

jñānagamyo durārādhyo lohitāṅgo vivardhanaḥ || 100 ||

khago'ndho dharmado nityo dharmakṛccitravikramaḥ |

bhagavānātmavān mantrastryakṣaro nīlalohitaḥ || 101 ||

eko'nekastrayī kālaḥ savitā samitiñjayaḥ |

śārṅgadhanvā'nalo bhīmaḥ sarvapraharaṇāyudhaḥ || 102 ||

sukarmā parameṣṭhī ca nākapālī divisthitaḥ |

vadānyo vāsukirvaidya ātreyo'tha parākramaḥ || 103 ||

dvāparaḥ paramodāraḥ paramo brahmacaryavān |

udīcyaveṣo mukuṭī padmahasto himāṃśubhṛt || 104 ||

sitaḥ prasannavadanaḥ padmodaranibhānanaḥ |

sāyaṃ divā divyavapuranirdeśyo mahālayaḥ || 105 ||

mahāratho mahānīśaḥ śeṣaḥ sattvarajastamaḥ |

dhṛtātapatrapratimo vimarṣī nirṇayaḥ sthitaḥ || 106 ||

ahiṃsakaḥ śuddhamatiradvitīyo vivardhanaḥ |

sarvado dhanado mokṣo vihārī bahudāyakaḥ || 107 ||

cārurātriharo nātho bhagavān sarvago'vyayaḥ |

manoharavapuḥ śubhraḥ śobhanaḥ suprabhāvanaḥ || 108 ||

suprabhāvaḥ supratāpaḥ sunetro digvidikpatiḥ |

rājñīpriyaḥ śabdakaro graheśastimirāpahaḥ || 109 ||

saiṃhikeyaripurdevo varado varanāyakaḥ |

caturbhujo mahāyogī yogīśvarapatistathā || 110 ||

anādirūpo'ditijo ratnakāntiḥ prabhāmayaḥ |

jagatpradīpo vistīrṇo mahāvistīrṇamaṇḍalaḥ || 111 ||

ekacakrarathaḥ svarṇarathaḥ svarṇaśarīradhṛk |

nirālambo gaganago dharmakarmaprabhāvakṛt || 112 ||

dharmātmā karmaṇāṃ sākṣī pratyakṣaḥ parameśvaraḥ |

merusevī sumedhāvī merurakṣākaro mahān || 113 ||

ādhārabhūto ratimāṃstathā ca dhanadhānyakṛt |

pāpasantāpahartā ca manovāñchitadāyakaḥ || 114 ||

rogahartā rājyadāyī ramaṇīyaguṇo'nṛṇī |

kālatrayānantarūpo munivṛndanamaskṛtaḥ || 115 ||

sandhyārāgakaraḥ siddhaḥ sandhyāvandanavanditaḥ |

sāmrājyadānanirataḥ samārādhanatoṣavān || 116 ||

bhaktaduḥkhakṣayakaro bhavasāgaratārakaḥ |

bhayāpahartā bhagavānaprameyaparākramaḥ |

manusvāmī manupatirmānyo manvantarādhipaḥ || 117 ||

phalaśrutiḥ |

etatte sarvamākhyātaṃ yanmāṃ tvaṃ paripṛcchasi |

nāmnāṃ sahasraṃ savituḥ parāśaryo yadāha me || 1 ||

dhanyaṃ yaśasyamāyuṣyaṃ duḥkhaduḥsvapnanāśanam |

bandhamokṣakaraṃ caiva bhānornāmānukīrtanāt || 2 ||

yastvidaṃ śṛṇuyānnityaṃ paṭhedvā prayato naraḥ |

akṣayaṃ sukhamannādyaṃ bhavettasyopasādhitam || 3 ||

nṛpāgnitaskarabhayaṃ vyādhito na bhayaṃ bhavet |

vijayī ca bhavennityamāśrayaṃ paramāpnuyāt || 4 ||

kīrtimān subhago vidvān sa sukhī priyadarśanaḥ |

jīvedvarṣaśatāyuśca sarvavyādhivivarjitaḥ || 5 ||

nāmnāṃ sahasramidamaṃśumataḥ paṭhedyaḥ

prātaḥ śucirniyamavān susamṛddhiyuktaḥ |

dūreṇa taṃ pariharanti sadaiva rogāḥ

bhūtāḥ suparṇamiva sarvamahoragendrāḥ || 6 ||

iti śrī bhaviṣyapurāṇe saptamakalpe śrībhagavatsūryasya sahasranāmastotraṃ sampūrṇam ||