Shri Tripura Bhairavi Ashtottara Shata Nama Stotram

ॐ

શ્રી ત્રિપુર ભૈરવી અષ્ટોત્તર શત નામા સ્તોત્રં

Tara Ashtottara Sata Namavali Gujarati

શ્રીદેવ્યુવાચ

કૈલાસવાસિન્ ભગવન્ પ્રાણેશ્વર કૃપાનિધે ।

ભક્તવત્સલ ભૈરવ્યા નામ્નામષ્ટોત્તરં શતમ્ ॥ 1 ॥

ન શ્રુતં દેવદેવેશ વદ માં દીનવત્સલ ।

શ્રીશિવ ઉવાચ

શૃણુ પ્રિયે મહાગોપ્યં નામ્નામષ્ટોત્તરં શતમ્ ॥ 2 ॥

ભૈરવ્યાશ્શુભદં સેવ્યં સર્વસમ્પત્પ્રદાયકમ્ ।

યસ્યાનુષ્ઠાનમાત્રેણ કિં ન સિદ્ધ્યતિ ભૂતલે ॥ 3 ॥

ૐ ભૈરવી ભૈરવારાધ્યા ભૂતિદા ભૂતભાવના ।

આર્યા બ્રાહ્મી કામધેનુસ્સર્વસમ્પત્પ્રદાયિની ॥ 4 ॥

ત્રૈલોક્યવન્દિતા દેવી મહિષાસુરમર્દિની ।

મોહઘ્ની માલતી માલા મહાપાતકનાશિની ॥ 5 ॥

ક્રોધિની ક્રોધનિલયા ક્રોધરક્તેક્ષણા કુહૂઃ ।

ત્રિપુરા ત્રિપુરાધારા ત્રિનેત્રા ભીમભૈરવી ॥ 6 ॥

દેવકી દેવમાતા ચ દેવદુષ્ટવિનાશિની ।

દામોદરપ્રિયા દીર્ઘા દુર્ગા દુર્ગતિનાશિની ॥ 7 ॥

લમ્બોદરી લમ્બકર્ણા પ્રલમ્બિતપયોધરા ।

પ્રત્યઙ્ગિરા પ્રતિપદા પ્રણતક્લેશનાશિની ॥ 8 ॥

પ્રભાવતી ગુણવતી ગણમાતા ગુહેશ્વરી ।

ક્ષીરાબ્ધિતનયા ક્ષેમ્યા જગત્ત્રાણવિધાયિની ॥ 9 ॥

મહામારી મહામોહા મહાક્રોધા મહાનદી ।

મહાપાતકસંહર્ત્રી મહામોહપ્રદાયિની ॥ 10 ॥

વિકરાલા મહાકાલા કાલરૂપા કલાવતી ।

કપાલખટ્વાઙ્ગધરા ખડ્ગખર્પરધારિણી ॥ 11 ॥

કુમારી કુઙ્કુમપ્રીતા કુઙ્કુમારુણરઞ્જિતા ।

કૌમોદકી કુમુદિની કીર્ત્યા કીર્તિપ્રદાયિની ॥ 12 ॥

નવીના નીરદા નિત્યા નન્દિકેશ્વરપાલિની ।

ઘર્ઘરા ઘર્ઘરારાવા ઘોરા ઘોરસ્વરૂપિણી ॥ 13 ॥

કલિઘ્ની કલિધર્મઘ્ની કલિકૌતુકનાશિની ।

કિશોરી કેશવપ્રીતા ક્લેશસઙ્ઘનિવારિણી ॥ 14 ॥

મહોન્મત્તા મહામત્તા મહાવિદ્યા મહીમયી ।

મહાયજ્ઞા મહાવાણી મહામન્દરધારિણી ॥ 15 ॥

મોક્ષદા મોહદા મોહા ભુક્તિમુક્તિપ્રદાયિની ।

અટ્ટાટ્ટહાસનિરતા ક્વણન્નૂપુરધારિણી ॥ 16 ॥

દીર્ઘદંષ્ટ્રા દીર્ઘમુખી દીર્ઘઘોણા ચ દીર્ઘિકા ।

દનુજાન્તકરી દુષ્ટા દુઃખદારિદ્ર્યભઞ્જિની ॥ 17 ॥

દુરાચારા ચ દોષઘ્ની દમપત્ની દયાપરા ।

મનોભવા મનુમયી મનુવંશપ્રવર્ધિની ॥ 18 ॥

શ્યામા શ્યામતનુશ્શોભા સૌમ્યા શમ્ભુવિલાસિની ।

ઇતિ તે કથિતં દિવ્યં નામ્નામષ્ટોત્તરં શતમ્ ॥ 19 ॥

ભૈરવ્યા દેવદેવેશ્યાસ્તવ પ્રીત્યૈ સુરેશ્વરિ ।

અપ્રકાશ્યમિદં ગોપ્યં પઠનીયં પ્રયત્નતઃ ॥ 20 ॥

દેવીં ધ્યાત્વા સુરાં પીત્વા મકારૈઃ પઞ્ચકૈઃ પ્રિયે ।

પૂજયેત્સતતં ભક્ત્યા પઠેત્ સ્તોત્રમિદં શુભમ્ ॥ 21 ॥

ષણ્માસાભ્યન્તરે સોઽપિ ગણનાથસમો ભવેત્ ।

કિમત્ર બહુનોક્તેન ત્વદગ્રે પ્રાણવલ્લભે ॥ 22 ॥

સર્વં જાનાસિ સર્વજ્ઞે પુનર્માં પરિપૃચ્છસિ ।

ન દેયં પરશિષ્યેભ્યો નિન્દકેભ્યો વિશેષતઃ ॥ 23 ॥

ઇતિ શ્રીત્રિપુરભૈરવી અષ્ટોત્તરશતનામસ્તોત્રમ્ ।

Roman (IAST) Transliteration

śrīdevyuvāca

kailāsavāsin bhagavan prāṇeśvara kṛpānidhe |

bhaktavatsala bhairavyā nāmnāmaṣṭottaraṃ śatam || 1 ||

na śrutaṃ devadeveśa vada māṃ dīnavatsala |

śrīśiva uvāca

śṛṇu priye mahāgopyaṃ nāmnāmaṣṭottaraṃ śatam || 2 ||

bhairavyāśśubhadaṃ sevyaṃ sarvasampatpradāyakam |

yasyānuṣṭhānamātreṇa kiṃ na siddhyati bhūtale || 3 ||

oṃ bhairavī bhairavārādhyā bhūtidā bhūtabhāvanā |

āryā brāhmī kāmadhenussarvasampatpradāyinī || 4 ||

trailokyavanditā devī mahiṣāsuramardinī |

mohaghnī mālatī mālā mahāpātakanāśinī || 5 ||

krodhinī krodhanilayā krodharaktekṣaṇā kuhūḥ |

tripurā tripurādhārā trinetrā bhīmabhairavī || 6 ||

devakī devamātā ca devaduṣṭavināśinī |

dāmodarapriyā dīrghā durgā durgatināśinī || 7 ||

lambodarī lambakarṇā pralambitapayodharā |

pratyaṅgirā pratipadā praṇatakleśanāśinī || 8 ||

prabhāvatī guṇavatī gaṇamātā guheśvarī |

kṣīrābdhitanayā kṣemyā jagattrāṇavidhāyinī || 9 ||

mahāmārī mahāmohā mahākrodhā mahānadī |

mahāpātakasaṃhartrī mahāmohapradāyinī || 10 ||

vikarālā mahākālā kālarūpā kalāvatī |

kapālakhaṭvāṅgadharā khaḍgakharparadhāriṇī || 11 ||

kumārī kuṅkumaprītā kuṅkumāruṇarañjitā |

kaumodakī kumudinī kīrtyā kīrtipradāyinī || 12 ||

navīnā nīradā nityā nandikeśvarapālinī |

ghargharā ghargharārāvā ghorā ghorasvarūpiṇī || 13 ||

kalighnī kalidharmaghnī kalikautukanāśinī |

kiśorī keśavaprītā kleśasaṅghanivāriṇī || 14 ||

mahonmattā mahāmattā mahāvidyā mahīmayī |

mahāyajñā mahāvāṇī mahāmandaradhāriṇī || 15 ||

mokṣadā mohadā mohā bhuktimuktipradāyinī |

aṭṭāṭṭahāsaniratā kvaṇannūpuradhāriṇī || 16 ||

dīrghadaṃṣṭrā dīrghamukhī dīrghaghoṇā ca dīrghikā |

danujāntakarī duṣṭā duḥkhadāridryabhañjinī || 17 ||

durācārā ca doṣaghnī damapatnī dayāparā |

manobhavā manumayī manuvaṃśapravardhinī || 18 ||

śyāmā śyāmatanuśśobhā saumyā śambhuvilāsinī |

iti te kathitaṃ divyaṃ nāmnāmaṣṭottaraṃ śatam || 19 ||

bhairavyā devadeveśyāstava prītyai sureśvari |

aprakāśyamidaṃ gopyaṃ paṭhanīyaṃ prayatnataḥ || 20 ||

devīṃ dhyātvā surāṃ pītvā makāraiḥ pañcakaiḥ priye |

pūjayetsatataṃ bhaktyā paṭhet stotramidaṃ śubham || 21 ||

ṣaṇmāsābhyantare so'pi gaṇanāthasamo bhavet |

kimatra bahunoktena tvadagre prāṇavallabhe || 22 ||

sarvaṃ jānāsi sarvajñe punarmāṃ paripṛcchasi |

na deyaṃ paraśiṣyebhyo nindakebhyo viśeṣataḥ || 23 ||

iti śrītripurabhairavī aṣṭottaraśatanāmastotram |