Shri Sitarama Stotram — InfoLyter.in

ॐ

શ્રી સીતારામ સ્તોત્રમ્

Shri Sitarama Stotram

Rama Stotram Gujarati

અયોધ્યાપુરનેતારં મિથિલાપુરનાયિકામ્ ।

રાઘવાણામલઙ્કારં વૈદેહાનામલઙ્ક્રિયામ્ ॥ 1 ॥

રઘૂણાં કુલદીપં ચ નિમીનાં કુલદીપિકામ્ ।

સૂર્યવંશસમુદ્ભૂતં સોમવંશસમુદ્ભવામ્ ॥ 2 ॥

પુત્રં દશરથસ્યાદ્યં પુત્રીં જનકભૂપતેઃ ।

વશિષ્ઠાનુમતાચારં શતાનન્દમતાનુગામ્ ॥ 3 ॥

કૌસલ્યાગર્ભસમ્ભૂતં વેદિગર્ભોદિતાં સ્વયમ્ ।

પુણ્ડરીકવિશાલાક્ષં સ્ફુરદિન્દીવરેક્ષણામ્ ॥ 4 ॥

ચન્દ્રકાન્તાનનામ્ભોજં ચન્દ્રબિમ્બોપમાનનામ્ ।

મત્તમાતઙ્ગગમનં મત્તહંસવધૂગતામ્ ॥ 5 ॥

ચન્દનાર્દ્રભુજામધ્યં કુઙ્કુમાર્દ્રકુચસ્થલીમ્ ।

ચાપાલઙ્કૃતહસ્તાબ્જં પદ્માલઙ્કૃતપાણિકામ્ ॥ 6 ॥

શરણાગતગોપ્તારં પ્રણિપાદપ્રસાદિકામ્ ।

કાલમેઘનિભં રામં કાર્તસ્વરસમપ્રભામ્ ॥ 7 ॥

દિવ્યસિંહાસનાસીનં દિવ્યસ્રગ્વસ્ત્રભૂષણામ્ ।

અનુક્ષણં કટાક્ષાભ્યાં અન્યોન્યેક્ષણકાઙ્ક્ષિણૌ ॥ 8 ॥

અન્યોન્યસદૃશાકારૌ ત્રૈલોક્યગૃહદમ્પતી।

ઇમૌ યુવાં પ્રણમ્યાહં ભજામ્યદ્ય કૃતાર્થતામ્ ॥ 9 ॥

અનેન સ્તૌતિ યઃ સ્તુત્યં રામં સીતાં ચ ભક્તિતઃ ।

તસ્ય તૌ તનુતાં પુણ્યાઃ સમ્પદઃ સકલાર્થદાઃ ॥ 10 ॥

એવં શ્રીરામચન્દ્રસ્ય જાનક્યાશ્ચ વિશેષતઃ ।

કૃતં હનૂમતા પુણ્યં સ્તોત્રં સદ્યો વિમુક્તિદમ્ ।

યઃ પઠેત્પ્રાતરુત્થાય સર્વાન્ કામાનવાપ્નુયાત્ ॥ 11 ॥

ઇતિ હનૂમત્કૃત-સીતારામ સ્તોત્રં સમ્પૂર્ણમ્ ॥

Roman (IAST) Transliteration

ayodhyāpuranetāraṃ mithilāpuranāyikām |

rāghavāṇāmalaṅkāraṃ vaidehānāmalaṅkriyām || 1 ||

raghūṇāṃ kuladīpaṃ ca nimīnāṃ kuladīpikām |

sūryavaṃśasamudbhūtaṃ somavaṃśasamudbhavām || 2 ||

putraṃ daśarathasyādyaṃ putrīṃ janakabhūpateḥ |

vaśiṣṭhānumatācāraṃ śatānandamatānugām || 3 ||

kausalyāgarbhasambhūtaṃ vedigarbhoditāṃ svayam |

puṇḍarīkaviśālākṣaṃ sphuradindīvarekṣaṇām || 4 ||

candrakāntānanāmbhojaṃ candrabimbopamānanām |

mattamātaṅgagamanaṃ mattahaṃsavadhūgatām || 5 ||

candanārdrabhujāmadhyaṃ kuṅkumārdrakucasthalīm |

cāpālaṅkṛtahastābjaṃ padmālaṅkṛtapāṇikām || 6 ||

śaraṇāgatagoptāraṃ praṇipādaprasādikām |

kālameghanibhaṃ rāmaṃ kārtasvarasamaprabhām || 7 ||

divyasiṃhāsanāsīnaṃ divyasragvastrabhūṣaṇām |

anukṣaṇaṃ kaṭākṣābhyāṃ anyonyekṣaṇakāṅkṣiṇau || 8 ||

anyonyasadṛśākārau trailokyagṛhadampatī|

imau yuvāṃ praṇamyāhaṃ bhajāmyadya kṛtārthatām || 9 ||

anena stauti yaḥ stutyaṃ rāmaṃ sītāṃ ca bhaktitaḥ |

tasya tau tanutāṃ puṇyāḥ sampadaḥ sakalārthadāḥ || 10 ||

evaṃ śrīrāmacandrasya jānakyāśca viśeṣataḥ |

kṛtaṃ hanūmatā puṇyaṃ stotraṃ sadyo vimuktidam |

yaḥ paṭhetprātarutthāya sarvān kāmānavāpnuyāt || 11 ||

iti hanūmatkṛta-sītārāma stotraṃ sampūrṇam ||