Shri Shankaracharya Varyam

ॐ

શ્રી શઙ્કરાચાર્ય વર્યમ્

Adi Shankaracharya Gujarati

॥ શ્રીશઙ્કરાચાર્યસ્તવઃ ॥

શ્રીશઙ્કરાચાર્યવર્યં સર્વલોકૈકવન્દ્યં ભજે દેશિકેન્દ્રમ્

ધર્મપ્રચારેઽતિદક્ષં યોગિગોવિન્દપાદાપ્તસન્યાસદીક્ષમ્ ।

દુર્વાદિગર્વાપનોદં પદ્મપાદાદિશિષ્યાલિસંસેવ્યપાદમ્ ॥1॥

(શ્રીશઙ્કરાચાર્યવર્યં)

શઙ્કાદ્રિદમ્ભોલિલીલં કિઙ્કરાશેષશિષ્યાલિ સન્ત્રાણશીલમ્ ।

બાલાર્કનીકાશચેલં બોધિતાશેષવેદાન્ત ગૂઢાર્થજાલમ્ ॥2॥

(શ્રીશઙ્કરાચાર્યવર્યં)

રુદ્રાક્ષમાલાવિભૂષં ચન્દ્રમૌલીશ્વરારાધનાવાપ્તતોષમ્ ।

વિદ્રાવિતાશેષદોષં ભદ્રપૂગપ્રદં ભક્તલોકસ્ય નિત્યમ્ ॥3॥

(શ્રીશઙ્કરાચાર્યવર્યં)

પાપાટવીચિત્રભાનું જ્ઞાનદીપેન હાર્દં તમો વારયન્તમ્ ।

દ્વૈપાયનપ્રીતિભાજં સર્વતાપાપહામોઘબોધપ્રદં તમ્ ॥4॥

(શ્રીશઙ્કરાચાર્યવર્યં)

રાજાધિરાજાભિપૂજ્યં રમ્યશૃઙ્ગાદ્રિવાસૈકલોલં યતીડ્યમ્ ।

રાકેન્દુસઙ્કાશવક્ત્રં રત્નગર્ભેભવક્ત્રાઙ્ઘ્રિપૂજાનુરક્તમ્ ॥5॥

(શ્રીશઙ્કરાચાર્યવર્યં)

શ્રીભારતીતીર્થગીતં શઙ્કરાર્યસ્તવં યઃ પઠેદ્ભક્તિયુક્તઃ ।

સોઽવાપ્નુયાત્સર્વમિષ્ટં શઙ્કરાચાર્યવર્યપ્રસાદેન તૂર્ણમ્ ॥6॥

(શ્રીશઙ્કરાચાર્યવર્યં)

Roman (IAST) Transliteration

|| śrīśaṅkarācāryastavaḥ ||

śrīśaṅkarācāryavaryaṃ sarvalokaikavandyaṃ bhaje deśikendram

dharmapracāre'tidakṣaṃ yogigovindapādāptasanyāsadīkṣam |

durvādigarvāpanodaṃ padmapādādiśiṣyālisaṃsevyapādam ||1||

(śrīśaṅkarācāryavaryaṃ)

śaṅkādridambholilīlaṃ kiṅkarāśeṣaśiṣyāli santrāṇaśīlam |

bālārkanīkāśacelaṃ bodhitāśeṣavedānta gūḍhārthajālam ||2||

(śrīśaṅkarācāryavaryaṃ)

rudrākṣamālāvibhūṣaṃ candramaulīśvarārādhanāvāptatoṣam |

vidrāvitāśeṣadoṣaṃ bhadrapūgapradaṃ bhaktalokasya nityam ||3||

(śrīśaṅkarācāryavaryaṃ)

pāpāṭavīcitrabhānuṃ jñānadīpena hārdaṃ tamo vārayantam |

dvaipāyanaprītibhājaṃ sarvatāpāpahāmoghabodhapradaṃ tam ||4||

(śrīśaṅkarācāryavaryaṃ)

rājādhirājābhipūjyaṃ ramyaśṛṅgādrivāsaikalolaṃ yatīḍyam |

rākendusaṅkāśavaktraṃ ratnagarbhebhavaktrāṅghripūjānuraktam ||5||

(śrīśaṅkarācāryavaryaṃ)

śrībhāratītīrthagītaṃ śaṅkarāryastavaṃ yaḥ paṭhedbhaktiyuktaḥ |

so'vāpnuyātsarvamiṣṭaṃ śaṅkarācāryavaryaprasādena tūrṇam ||6||

(śrīśaṅkarācāryavaryaṃ)