Shri Rudra Kavacham — InfoLyter.in

ॐ

શ્રી રુદ્ર કવચમ્

Shri Rudra Kavacham

Shiva Kavacham Gujarati

ૐ અસ્ય શ્રી રુદ્ર કવચસ્તોત્ર મહામન્ત્રસ્ય દૂર્વાસૃષિઃ અનુષ્ઠુપ્ છન્દઃ ત્ર્યમ્બક રુદ્રો દેવતા હ્રાં બીજં શ્રીં શક્તિઃ હ્રીં કીલકં મમ મનસોઽભીષ્ટસિદ્ધ્યર્થે જપે વિનિયોગઃ ।

હ્રામિત્યાદિ ષડ્બીજૈઃ ષડઙ્ગન્યાસઃ ॥

ધ્યાનમ્ ।

શાન્તં પદ્માસનસ્થં શશિધરમકુટં પઞ્ચવક્ત્રં ત્રિનેત્રં

શૂલં વજ્રં ચ ખડ્ગં પરશુમભયદં દક્ષભાગે વહન્તમ્ ।

નાગં પાશં ચ ઘણ્ટાં પ્રલય હુતવહં સાઙ્કુશં વામભાગે

નાનાલઙ્કારયુક્તં સ્ફટિકમણિનિભં પાર્વતીશં નમામિ ॥

દૂર્વાસ ઉવાચ ।

પ્રણમ્ય શિરસા દેવં સ્વયમ્ભું પરમેશ્વરમ્ ।

એકં સર્વગતં દેવં સર્વદેવમયં વિભુમ્ ॥ 1 ॥

રુદ્ર વર્મ પ્રવક્ષ્યામિ અઙ્ગ પ્રાણસ્ય રક્ષયે ।

અહોરાત્રમયં દેવં રક્ષાર્થં નિર્મિતં પુરા ॥ 2 ॥

રુદ્રો મે ચાગ્રતઃ પાતુ પાતુ પાર્શ્વૌ હરસ્તથા ।

શિરો મે ઈશ્વરઃ પાતુ લલાટં નીલલોહિતઃ ॥ 3 ॥

નેત્રયોસ્ત્ર્યમ્બકઃ પાતુ મુખં પાતુ મહેશ્વરઃ ।

કર્ણયોઃ પાતુ મે શમ્ભુઃ નાસિકાયાં સદાશિવઃ ॥ 4 ॥

વાગીશઃ પાતુ મે જિહ્વાં ઓષ્ઠૌ પાત્વમ્બિકાપતિઃ ।

શ્રીકણ્ઠઃ પાતુ મે ગ્રીવાં બાહૂંશ્ચૈવ પિનાકધૃત્ ॥ 5 ॥

હૃદયં મે મહાદેવઃ ઈશ્વરોવ્યાત્ સ્તનાન્તરમ્ ।

નાભિં કટિં ચ વક્ષશ્ચ પાતુ સર્વં ઉમાપતિઃ ॥ 6 ॥

બાહુમધ્યાન્તરં ચૈવ સૂક્ષ્મરૂપઃ સદાશિવઃ ।

સ્વરં રક્ષતુ સર્વેશો ગાત્રાણિ ચ યથા ક્રમમ્ ॥ 7 ॥

વજ્રશક્તિધરં ચૈવ પાશાઙ્કુશધરં તથા ।

ગણ્ડશૂલધરં નિત્યં રક્ષતુ ત્રિદશેશ્વરઃ ॥ 8 ॥

પ્રસ્થાનેષુ પદે ચૈવ વૃક્ષમૂલે નદીતટે ।

સન્ધ્યાયાં રાજભવને વિરૂપાક્ષસ્તુ પાતુ મામ્ ॥ 9 ॥

શીતોષ્ણાદથ કાલેષુ તુહિ ન દ્રુમકણ્ટકે ।

નિર્મનુષ્યેઽસમે માર્ગે ત્રાહિ માં વૃષભધ્વજ ॥ 10 ॥

ઇત્યેતદ્રુદ્રકવચં પવિત્રં પાપનાશનમ્ ।

મહાદેવપ્રસાદેન દૂર્વાસો મુનિકલ્પિતમ્ ॥ 11 ॥

મમાખ્યાતં સમાસેન ન ભયં વિન્દતિ ક્વચિત્ ।

પ્રાપ્નોતિ પરમારોગ્યં પુણ્યમાયુષ્યવર્ધનમ્ ॥ 12 ॥

વિદ્યાર્થી લભતે વિદ્યાં ધનાર્થી લભતે ધનમ્ ।

કન્યાર્થી લભતે કન્યાં ન ભયં વિન્દતે ક્વચિત્ ॥ 13 ॥

અપુત્રો લભતે પુત્રં મોક્ષાર્થી મોક્ષમાપ્નુયાત્ ।

ત્રાહિ ત્રાહિ મહાદેવ ત્રાહિ ત્રાહિ ત્રયીમય ॥ 14 ॥

ત્રાહિ માં પાર્વતીનાથ ત્રાહિ માં ત્રિપુરન્તક ।

પાશં ખટ્વાઙ્ગ દિવ્યાસ્ત્રં ત્રિશૂલં રુદ્રમેવ ચ ॥ 15 ॥

નમસ્કરોમિ દેવેશ ત્રાહિ માં જગદીશ્વર ।

શત્રુમધ્યે સભામધ્યે ગ્રામમધ્યે ગૃહાન્તરે ॥ 16 ॥

ગમનાગમને ચૈવ ત્રાહિ માં ભક્તવત્સલ ।

ત્વં ચિત્તં ત્વં માનસં ચ ત્વં બુદ્ધિસ્ત્વં પરાયણમ્ ॥ 17 ॥

કર્મણા મનસા ચૈવ ત્વં બુદ્ધિશ્ચ યથા સદા ।

જ્વરભયં છિન્દિ સર્વજ્વરભયં છિન્દિ ગ્રહભયં છિન્દિ ॥ 18 ॥

સર્વશત્રૂન્નિવર્ત્યાપિ સર્વવ્યાધિનિવારણમ્ ।

રુદ્રલોકં સ ગચ્છતિ રુદ્રલોકં સગચ્છત્યોન્નમ ઇતિ ॥ 19 ॥

ઇતિ સ્કન્દપુરાણે દૂર્વાસ પ્રોક્તં શ્રી રુદ્રકવચમ્ ॥

Roman (IAST) Transliteration

oṃ asya śrī rudra kavacastotra mahāmantrasya dūrvāsṛṣiḥ anuṣṭhup chandaḥ tryambaka rudro devatā hrāṃ bījaṃ śrīṃ śaktiḥ hrīṃ kīlakaṃ mama manaso'bhīṣṭasiddhyarthe jape viniyogaḥ |

hrāmityādi ṣaḍbījaiḥ ṣaḍaṅganyāsaḥ ||

dhyānam |

śāntaṃ padmāsanasthaṃ śaśidharamakuṭaṃ pañcavaktraṃ trinetraṃ

śūlaṃ vajraṃ ca khaḍgaṃ paraśumabhayadaṃ dakṣabhāge vahantam |

nāgaṃ pāśaṃ ca ghaṇṭāṃ pralaya hutavahaṃ sāṅkuśaṃ vāmabhāge

nānālaṅkārayuktaṃ sphaṭikamaṇinibhaṃ pārvatīśaṃ namāmi ||

dūrvāsa uvāca |

praṇamya śirasā devaṃ svayambhuṃ parameśvaram |

ekaṃ sarvagataṃ devaṃ sarvadevamayaṃ vibhum || 1 ||

rudra varma pravakṣyāmi aṅga prāṇasya rakṣaye |

ahorātramayaṃ devaṃ rakṣārthaṃ nirmitaṃ purā || 2 ||

rudro me cāgrataḥ pātu pātu pārśvau harastathā |

śiro me īśvaraḥ pātu lalāṭaṃ nīlalohitaḥ || 3 ||

netrayostryambakaḥ pātu mukhaṃ pātu maheśvaraḥ |

karṇayoḥ pātu me śambhuḥ nāsikāyāṃ sadāśivaḥ || 4 ||

vāgīśaḥ pātu me jihvāṃ oṣṭhau pātvambikāpatiḥ |

śrīkaṇṭhaḥ pātu me grīvāṃ bāhūṃścaiva pinākadhṛt || 5 ||

hṛdayaṃ me mahādevaḥ īśvarovyāt stanāntaram |

nābhiṃ kaṭiṃ ca vakṣaśca pātu sarvaṃ umāpatiḥ || 6 ||

bāhumadhyāntaraṃ caiva sūkṣmarūpaḥ sadāśivaḥ |

svaraṃ rakṣatu sarveśo gātrāṇi ca yathā kramam || 7 ||

vajraśaktidharaṃ caiva pāśāṅkuśadharaṃ tathā |

gaṇḍaśūladharaṃ nityaṃ rakṣatu tridaśeśvaraḥ || 8 ||

prasthāneṣu pade caiva vṛkṣamūle nadītaṭe |

sandhyāyāṃ rājabhavane virūpākṣastu pātu mām || 9 ||

śītoṣṇādatha kāleṣu tuhi na drumakaṇṭake |

nirmanuṣye'same mārge trāhi māṃ vṛṣabhadhvaja || 10 ||

ityetadrudrakavacaṃ pavitraṃ pāpanāśanam |

mahādevaprasādena dūrvāso munikalpitam || 11 ||

mamākhyātaṃ samāsena na bhayaṃ vindati kvacit |

prāpnoti paramārogyaṃ puṇyamāyuṣyavardhanam || 12 ||

vidyārthī labhate vidyāṃ dhanārthī labhate dhanam |

kanyārthī labhate kanyāṃ na bhayaṃ vindate kvacit || 13 ||

aputro labhate putraṃ mokṣārthī mokṣamāpnuyāt |

trāhi trāhi mahādeva trāhi trāhi trayīmaya || 14 ||

trāhi māṃ pārvatīnātha trāhi māṃ tripurantaka |

pāśaṃ khaṭvāṅga divyāstraṃ triśūlaṃ rudrameva ca || 15 ||

namaskaromi deveśa trāhi māṃ jagadīśvara |

śatrumadhye sabhāmadhye grāmamadhye gṛhāntare || 16 ||

gamanāgamane caiva trāhi māṃ bhaktavatsala |

tvaṃ cittaṃ tvaṃ mānasaṃ ca tvaṃ buddhistvaṃ parāyaṇam || 17 ||

karmaṇā manasā caiva tvaṃ buddhiśca yathā sadā |

jvarabhayaṃ chindi sarvajvarabhayaṃ chindi grahabhayaṃ chindi || 18 ||

sarvaśatrūnnivartyāpi sarvavyādhinivāraṇam |

rudralokaṃ sa gacchati rudralokaṃ sagacchatyonnama iti || 19 ||

iti skandapurāṇe dūrvāsa proktaṃ śrī rudrakavacam ||