Shri Rama Hridayam — InfoLyter.in

ॐ

શ્રી રામ હૃદયમ્

Shri Rama Hridayam

Rama Hrudayam Gujarati

શ્રી ગણેશાય નમઃ ।

શ્રી મહાદેવ ઉવાચ ।

તતો રામઃ સ્વયં પ્રાહ હનુમન્તમુપસ્થિતમ્ ।

શ‍ઋણુ યત્વં પ્રવક્ષ્યામિ હ્યાત્માનાત્મપરાત્મનામ્ ॥ 1॥

આકાશસ્ય યથા ભેદસ્ત્રિવિધો દૃશ્યતે મહાન્ ।

જલાશયે મહાકાશસ્તદવચ્છિન્ન એવ હિ ।

પ્રતિબિમ્બાખ્યમપરં દૃશ્યતે ત્રિવિધં નભઃ ॥ 2॥

બુદ્ધ્યવચ્છિન્નચૈતન્યમેકં પૂર્ણમથાપરમ્ ।

આભાસસ્ત્વપરં બિમ્બભૂતમેવં ત્રિધા ચિતિઃ ॥ 3॥

સાભાસબુદ્ધેઃ કર્તૃત્વમવિચ્છિન્નેઽવિકારિણિ ।

સાક્ષિણ્યારોપ્યતે ભ્રાન્ત્યા જીવત્વં ચ તથાઽબુધૈઃ ॥ 4॥

આભાસસ્તુ મૃષાબુદ્ધિરવિદ્યાકાર્યમુચ્યતે ।

અવિચ્છિન્નં તુ તદ્બ્રહ્મ વિચ્છેદસ્તુ વિકલ્પિતઃ ॥ 5॥

અવિચ્છિન્નસ્ય પૂર્ણેન એકત્વં પ્રતિપદ્યતે ।

તત્ત્વમસ્યાદિવાક્યૈશ્ચ સાભાસસ્યાહમસ્તથા ॥ 6॥

ઐક્યજ્ઞાનં યદોત્પન્નં મહાવાક્યેન ચાત્મનોઃ ।

તદાઽવિદ્યા સ્વકાર્યૈશ્ચ નશ્યત્યેવ ન સંશયઃ ॥ 7॥

એતદ્વિજ્ઞાય મદ્ભક્તો મદ્ભાવાયોપપદ્યતે

મદ્ભક્તિવિમુખાનાં હિ શાસ્ત્રગર્તેષુ મુહ્યતામ્ ।

ન જ્ઞાનં ન ચ મોક્ષઃ સ્યાત્તેષાં જન્મશતૈરપિ ॥ 8॥

ઇદં રહસ્યં હૃદયં મમાત્મનો મયૈવ સાક્ષાત્કથિતં તવાનઘ ।

મદ્ભક્તિહીનાય શઠાય ન ત્વયા દાતવ્યમૈન્દ્રાદપિ રાજ્યતોઽધિકમ્ ॥ 9॥

॥ શ્રીમદધ્યાત્મરામાયણે બાલકાણ્ડે શ્રીરામહૃદયં સમ્પૂર્ણમ્ ॥

Roman (IAST) Transliteration

śrī gaṇeśāya namaḥ |

śrī mahādeva uvāca |

tato rāmaḥ svayaṃ prāha hanumantamupasthitam |

śa‍ṛṇu yatvaṃ pravakṣyāmi hyātmānātmaparātmanām || 1||

ākāśasya yathā bhedastrividho dṛśyate mahān |

jalāśaye mahākāśastadavacchinna eva hi |

pratibimbākhyamaparaṃ dṛśyate trividhaṃ nabhaḥ || 2||

buddhyavacchinnacaitanyamekaṃ pūrṇamathāparam |

ābhāsastvaparaṃ bimbabhūtamevaṃ tridhā citiḥ || 3||

sābhāsabuddheḥ kartṛtvamavicchinne'vikāriṇi |

sākṣiṇyāropyate bhrāntyā jīvatvaṃ ca tathā'budhaiḥ || 4||

ābhāsastu mṛṣābuddhiravidyākāryamucyate |

avicchinnaṃ tu tadbrahma vicchedastu vikalpitaḥ || 5||

avicchinnasya pūrṇena ekatvaṃ pratipadyate |

tattvamasyādivākyaiśca sābhāsasyāhamastathā || 6||

aikyajñānaṃ yadotpannaṃ mahāvākyena cātmanoḥ |

tadā'vidyā svakāryaiśca naśyatyeva na saṃśayaḥ || 7||

etadvijñāya madbhakto madbhāvāyopapadyate

madbhaktivimukhānāṃ hi śāstragarteṣu muhyatām |

na jñānaṃ na ca mokṣaḥ syātteṣāṃ janmaśatairapi || 8||

idaṃ rahasyaṃ hṛdayaṃ mamātmano mayaiva sākṣātkathitaṃ tavānagha |

madbhaktihīnāya śaṭhāya na tvayā dātavyamaindrādapi rājyato'dhikam || 9||

|| śrīmadadhyātmarāmāyaṇe bālakāṇḍe śrīrāmahṛdayaṃ sampūrṇam ||