Shri Pratyangira Sahasranama Stotram

ॐ

શ્રી પ્રત્યઙ્ગિરા સહસ્રનામ સ્તોત્રમ્

Sahasranamam Gujarati

ઈશ્વર ઉવાચ

શૃણુ દેવિ પ્રવક્ષ્યામિ સામ્પ્રતં તત્પુરાતનમ્ ।

સહસ્રનામ પરમં પ્રત્યઙ્ગિરાર્થ સિદ્ધયે ॥ 1 ॥

સહસ્રનામપાઠેન સર્વત્ર વિજયી ભવેત્ ।

પરાભવો ન ચાસ્યાસ્તિ સભાયાં વા વને રણે ॥ 2 ॥

તથા તુષ્ટા ભવેદ્દેવી પ્રત્યઙ્ગિરાઽસ્ય પાઠતઃ ।

યથા ભવતિ દેવેશિ સાધકઃ શિવ એવ હિ ॥ 3 ॥

અશ્વમેધસહસ્રાણિ વાજપેયસ્ય કોટયઃ ।

સકૃત્પાઠેન જાયન્તે પ્રસન્ના પ્રત્યઙ્ગિરા ભવેત્ ॥ 4 ॥

ભૈરવોઽસ્ય ઋષિશ્છન્દોઽનુષ્ટુપ્ દેવી સમીરિતા ।

પ્રત્યઙ્ગિરા વિનિયોગઃ સર્વસમ્પત્તિ હેતવે ॥ 5 ॥

સર્વકાર્યેષુ સંસિદ્ધિઃ સર્વસમ્પત્તિદા ભવેત્ ।

એવં ધ્યાત્વા પઠેદેતદ્યદીચ્છેદાત્મનો હિતમ્ ॥ 6 ॥

અસ્ય શ્રીપ્રત્યઙ્ગિરા સહસ્રનામમહામન્ત્રસ્ય ભૈરવ ઋષિઃ અનુષ્ટુપ્ છન્દઃ શ્રીમહાપ્રત્યઙ્ગિરા દેવતા હ્રીં બીજં શ્રીં શક્તિઃ સ્વાહા કીલકં પરકૃત્યાવિનાશાર્થે જપે પાઠે વિનિયોગઃ ॥

કરન્યાસઃ

ૐ હ્રાં અઙ્ગુષ્ઠાભ્યાં નમઃ ।

ૐ હ્રીં તર્જનીભ્યાં નમઃ ।

ૐ હ્રૂં મધ્યમાભ્યાં નમઃ ।

ૐ હ્રૈં અનામિકાભ્યાં નમઃ ।

ૐ હ્રૌં કનિષ્ઠિકાભ્યાં નમઃ ।

ૐ હ્રઃ કરતલ કરપૃષ્ઠાભ્યાં નમઃ ।

હૃદયાદિ ન્યાસઃ

ૐ હ્રાં હૃદયાય નમઃ ।

ૐ હ્રીં શિરસે સ્વાહા ।

ૐ હ્રૂં શિખાયૈ વષટ્ ।

ૐ હ્રૈં કવચાય હુમ્ ।

ૐ હ્રૌં નેત્રત્રયાય વૌષટ્ ।

ૐ હ્રઃ અસ્ત્રાય ફટ્ ।

ધ્યાનમ્

આશામ્બરા મુક્તકચા ઘનચ્છવિ-

-ર્ધ્યેયા સચર્માસિકરા હિ ભૂષણા ।

દંષ્ટ્રોગ્રવક્ત્રા ગ્રસિતા હિતા ત્વયા

પ્રત્યઙ્ગિરા શઙ્કરતેજસેરિતા ॥

સ્તોત્રમ્

દેવી પ્રત્યઙ્ગિરા દિવ્યા સરસા શશિશેખરા ।

સુમના સામિધેતી ચ સમસ્તસુરશેમુષી ॥ 1 ॥

સર્વસમ્પત્તિજનની સર્વદા સિન્ધુસેવિની ।

શમ્ભુસીમન્તિની સીમા સુરારાધ્યા સુધારસા ॥ 2 ॥

રસા રસવતી વેલા વન્યા ચ વનમાલિની ।

વનજાક્ષી વનચરી વની વનવિનોદિની ॥ 3 ॥

વેગિની વેગદા વેગબલાસ્યા ચ બલાધિકા ।

કલા કલપ્રિયા કોલી કોમલા કાલકામિની ॥ 4 ॥

કમલા કમલાસ્યા ચ કમલસ્થા કલાવતી ।

કુલીના કુટિલા કાન્તા કોકિલા કલભાષિણી ॥ 5 ॥

કીરકીલી કલા કાલી કપાલિન્યપિ કાલિકા ।

કેશિની ચ કુશાવર્તા કૌશામ્બી કેશવપ્રિયા ॥ 6 ॥

કાશી કલા મહાકાશી સઙ્કાશા કેશદાયિની ।

કુણ્ડલી કુણ્ડલાસ્યા ચ કુણ્ડલાઙ્ગદમણ્ડિતા ॥ 7 ॥

કુણપાલી કુમુદિની કુમુદા પ્રીતિવર્ધિની ।

કુન્દપ્રિયા કુન્દરુચિઃ કુરઙ્ગમદનોદિની ॥ 8 ॥

કુરઙ્ગનયના કુન્દા કુરુવૃન્દાઽભિનન્દિની ।

કુસુમ્ભકુસુમા કાઞ્ચી ક્વણત્કિઙ્કિણિકા કટા ॥ 9 ॥

કઠોરા કરુણા કાષ્ઠા કૌમુદી કમ્બુકણ્ઠિની ।

કપર્દિની કપટિની કણ્ઠિની કાલકણ્ઠિકા ॥ 10 ॥

કીરહસ્તા કુમારી ચ કુરુદા કુસુમપ્રિયા ।

કુઞ્જરસ્થા કુઞ્જરતા કુમ્ભિ કુમ્ભસ્તનદ્વયા ॥ 11 ॥

કુમ્ભિગા કરિભોગા ચ કદલી દલશાલિની ।

કુપિતા કોટરસ્થા ચ કઙ્કાલી કન્દરોદરા ॥ 12 ॥

એકાન્તવાસિની કાઞ્ચી કમ્પમાનશિરોરુહા ।

કાદમ્બરી કદમ્બસ્થા કુઙ્કુમપ્રેમધારિણી ॥ 13 ॥

કુટુમ્બિનીપ્રિયાઽઽકૂતી ક્રતુઃ ક્રતુકરી પ્રિયા ।

કાત્યાયની કૃત્તિકા ચ કાર્તિકેયપ્રવર્તિની ॥ 14 ॥

કામપત્ની કામદાત્રી કામેશી કામવન્દિતા ।

કામરૂપા ક્રમાવર્તી કામાક્ષી કામમોહિતા ॥ 15 ॥

ખડ્ગિની ખેચરી ખડ્ગા ખઞ્જરીટેક્ષણા ખલા ।

ખરગા ખરનાથા ચ ખરાસ્યા ખેલનપ્રિયા ॥ 16 ॥

ખરાંશુઃ ખેટિની ખટ્વા ખગા ખટ્વાઙ્ગધારિણી ।

ખરખણ્ડિની ખ્યાતા ખણ્ડિતા ખણ્ડનીસ્થિતા ॥ 17 ॥

ખણ્ડપ્રિયા ખણ્ડખાદ્યા સેન્દુખણ્ડા ચ ખણ્ડિની ।

ગઙ્ગા ગોદાવરી ગૌરી ગોમત્યપિ ચ ગૌતમી ॥ 18 ॥

ગયા ગેયા ગગનગા ગારુડી ગરુડધ્વજા ।

ગીતા ગીતપ્રિયા ગોપા ગણ્ડપ્રીતા ગુણી ગિરા ॥ 19 ॥

ગું ગૌરી મન્દમદના ગોકુલા ગોપ્રતારિણી ।

ગોદા ગોવિન્દિની ગૂઢા નિર્ગૂઢા ગૂઢવિગ્રહા ॥ 20 ॥

ગુઞ્જિની ગજગા ગોપી ગોત્રક્ષયકરી ગદા ।

ગિરિભૂપાલદુહિતા ગોગા ગોચ્છલવર્ધિની ॥ 21 ॥

ઘનસ્તની ઘનરુચિર્ઘનેહા ઘનનિઃસ્વના ।

ઘૂત્કારિણી ઘૂઘકરી ઘુઘૂકપરિવારિતા ॥ 22 ॥

ઘણ્ટાનાદપ્રિયા ઘણ્ટા ઘનાઘોટકવાહિની ।

ઘોરરૂપા ચ ઘોરા ચ ઘૂતી પ્રતિઘના ઘની ॥ 23 ॥

ઘૃતાચી ઘનપુષ્ટિશ્ચ ઘટા ઘનઘટાઽમૃતા ।

ઘટસ્યા ઘટના ઘોઘઘાતપાતનિવારિણી ॥ 24 ॥

ચઞ્ચરીકા ચકોરી ચ ચામુણ્ડા ચીરધારિણી ।

ચાતુરી ચપલા ચક્રચલા ચેલા ચલાઽચલા ॥ 25 ॥

ચતુશ્ચિરન્તના ચાકા ચિક્યા ચામીકરચ્છવિઃ ।

ચાપિની ચપલા ચમ્પૂ ચિન્તા ચિન્તામણિશ્ચિતા ॥ 26 ॥

ચાતુર્વર્ણ્યમયી ચઞ્ચચ્ચૌરાચાર્યા ચમત્કૃતિઃ ।

ચક્રવર્તિવધૂશ્ચક્રા ચક્રાઙ્ગા ચક્રમોદિની ॥ 27 ॥

ચેતશ્ચરી ચિત્તવૃત્તિરચેતા ચેતનપ્રદા ।

ચામ્પેયી ચમ્પકપ્રીતિશ્ચણ્ડી ચણ્ડાલવાસિની ॥ 28 ॥

ચિરઞ્જીવિતટા ચિઞ્ચા તરુમૂલનિવાસિની ।

છુરિકા છત્રમધ્યસ્થા છિદ્રા છેદકરી છિદા ॥ 29 ॥

છુછુન્દરીપલપ્રીતી છુછુન્દરીનિભસ્વના ।

છલિની છલદા છત્રા છિટિકા છેકકૃત્તથા ॥ 30 ॥

છગિની છાન્દસી છાયા છાયાકૃચ્છાદિરિત્યપિ ।

જયા ચ જયદા જાતી જયસ્થા જયવર્ધિની ॥ 31 ॥

જપાપુષ્પપ્રિયા જપ્યા જૃમ્ભિણી યામલા યુતા ।

જમ્બૂપ્રિયા જયસ્થા ચ જઙ્ગમા જઙ્ગમપ્રિયા ॥ 32 ॥

જન્તુર્જન્તુપ્રધાના ચ જરત્કર્ણા જરદ્ભવા ।

જાતિપ્રિયા જીવનસ્થા જીમૂતસદૃશચ્છવિઃ ॥ 33 ॥

જન્યા જનહિતા જાયા જમ્ભભિજ્જમ્ભમાલિની ।

જવદા જવવદ્વાહા જવાની જ્વરહા જ્વરા ॥ 34 ॥

ઝઞ્ઝાનિલમયી ઝઞ્ઝા ઝણત્કારકરા તથા ।

ઝિણ્ટીશા ઝમ્પકૃત્ ઝમ્પા ઝમ્પત્રાસનિવારિણી ॥ 35 ॥

ટકારસ્થા ટઙ્કધરા ટઙ્કારા કરશાટિની ।

ઠક્કુરા ઠીત્કૃતી ઠિણ્ઠી ઠિણ્ઠીરવસમાવૃતા ॥ 36 ॥

ઠણ્ઠાનિલમયી ઠણ્ઠા ઠણત્કારકરા ઠસા ।

ડાકિની ડામરી ચૈવ ડિણ્ડિમધ્વનિનન્દિની ॥ 37 ॥

ઢક્કાસ્વનપ્રિયા ઢક્કા તપિની તાપિની તથા ।

તરુણી તુન્દિલા તુન્દા તામસી ચ તપઃપ્રિયા ॥ 38 ॥

તામ્રા તામ્રામ્બરા તાલી તાલીદલવિભૂષણા ।

તુરઙ્ગા ત્વરિતા ત્રેતા તોતુલા તોદિની તુલા ॥ 39 ॥

તાપત્રયહરા તપ્તા તાલકેશી તમાલિની ।

તમાલદલવચ્છામા તાલમ્લાનવતી તમી ॥ 40 ॥

તામસી ચ તમિસ્રા ચ તીવ્રા તીવ્રપરાક્રમા ।

તટસ્થા તિલતૈલાક્તા તરણી તપનદ્યુતિઃ ॥ 41 ॥

તિલોત્તમા તિલકકૃત્તારકાધીશશેખરા ।

તિલપુષ્પપ્રિયા તારા તારકેશી કુટુમ્બિની ॥ 42 ॥

સ્થાણુપત્ની સ્થિતિકરી સ્થલસ્થા સ્થલવર્ધિની ।

સ્થિતિઃ સ્થૈર્યા સ્થવિષ્ઠા ચ સ્થાપતિઃ સ્થલવિગ્રહા ॥ 43 ॥

દન્તિની દણ્ડિની દીના દરિદ્રા દીનવત્સલા ।

દેવી દેવવધૂર્દૈત્યદમની દન્તભૂષણા ॥ 44 ॥

દયાવતી દમવતી દમદા દાડિમસ્તની ।

દન્દશૂકનિભા દૈત્યદારિણી દેવતાનના ॥ 45 ॥

દોલાક્રીડા દલાયુશ્ચ દમ્પતી દેવતામયી ।

દશા દીપસ્થિતા દોષા દોષહા દોષકારિણી ॥ 46 ॥

દુર્ગા દુર્ગાર્તિશમની દુર્ગમા દુર્ગવાસિની ।

દુર્ગન્ધનાશિની દુઃસ્થા દુઃસ્વપ્નશમકારિણી ॥ 47 ॥

દુર્વારા દુન્દુભી ભ્રાન્તા દૂરસ્થા દૂરવાસિની ।

દરહા દરદા દાત્રી દાયાદા દુહિતા દયા ॥ 48 ॥

ધુરન્ધરા ધુરીણા ચ ધૌરી ધી ધનદાયિની ।

ધીરાઽધીરા ધરિત્રી ચ ધર્મદા ધીરમાનસા ॥ 49 ॥

ધનુર્ધરા ચ દમની ધૂર્તા ધૂર્તપરિગ્રહા ।

ધૂમવર્ણા ધૂમપાના ધૂમલા ધૂમમોહિની ॥ 50 ॥

નલિની નન્દિની નન્દા નાદિની નન્દબાલિકા ।

નવીના નર્મદા નર્મિનેમિર્નિયમનિશ્ચયા ॥ 51 ॥

નિર્મલા નિગમાચારા નિમ્નગા નગ્નકામિની ।

નીતિર્નિરન્તરા નગ્ની નિર્લેપા નિર્ગુણા નતિઃ ॥ 52 ॥

નીલગ્રીવા નિરીહા ચ નિરઞ્જનજની નવી ।

નવનીતપ્રિયા નારી નરકાર્ણવતારિણી ॥ 53 ॥

નારાયણી નિરાકારા નિપુણા નિપુણપ્રિયા ।

નિશા નિદ્રા નરેન્દ્રસ્થા નમિતાઽનમિતાપિ ચ ॥ 54 ॥

નિર્ગુણ્ડિકા ચ નિર્ગુણ્ડા નિર્માંસાઽનામિકા નિભા ।

પતાકિની પતાકા ચ પલપ્રીતિર્યશસ્વિની ॥ 55 ॥

પીના પીનસ્તના પત્ની પવનાશનશાયિની ।

પરાઽપરા કલાપાઽઽપ્પા પાકકૃત્યરતિ પ્રિયા ॥ 56 ॥

પવનસ્થા સુપવના તાપસીપ્રીતિવર્ધિની ।

પશુવૃદ્ધિકરી પુષ્ટિઃ પોષણી પુષ્પવર્ધિની ॥ 57 ॥

પુષ્પિણી પુસ્તકકરા પુન્નાગતલવાસિની ।

પુરન્દરપ્રિયા પ્રીતિઃ પુરમાર્ગનિવાસિની ॥ 58 ॥

પાશી પાશકરા પાશા બન્ધુહા પાંસુલા પશુઃ ।

પટુઃ પટાસા પરશુધારિણી પાશિની તથા ॥ 59 ॥

પાપઘ્ની પતિપત્ની ચ પતિતાઽપતિતાપિ ચ ।

પિશાચી ચ પિશાચઘ્ની પિશિતાશનતોષિતા ॥ 60 ॥

પાનદા પાનપાત્રા ચ પાનદાનકરોદ્યતા ।

પેયા પ્રસિદ્ધા પીયૂષા પૂર્ણા પૂર્ણમનોરથા ॥ 61 ॥

પતદ્ગર્ભા પતદ્ગાત્રા પાતપુણ્યપ્રિયા પુરી ।

પઙ્કિલા પઙ્કમગ્ના ચ પાનીયા પઞ્જરસ્થિતા ॥ 62 ॥

પઞ્ચમી પઞ્ચયજ્ઞા ચ પઞ્ચતા પઞ્ચમપ્રિયા ।

પઞ્ચમુદ્રા પુણ્ડરીકા પિકી પિઙ્ગલલોચના ॥ 63 ॥

પ્રિયઙ્ગુમઞ્જરી પિણ્ડી પિણ્ડિતા પાણ્ડુરપ્રભા ।

પ્રેતાસના પ્રિયાલુસ્થા પાણ્ડુઘ્ની પીતસાપહા ॥ 64 ॥

ફલિની ફલધાત્રી ચ ફલશ્રીઃ ફણિભૂષણા ।

ફૂત્કારકારિણી સ્ફારા ફુલ્લા ફુલ્લામ્બુજાસના ॥ 65 ॥

ફિરઙ્ગહા સ્ફીતમતિઃ સ્ફીતિઃ સ્ફીતકરી તથા ।

બલમાયા બલારાતિર્બલિની બલવર્ધિની ॥ 66 ॥

વેણુવાદ્યા વનચરી વિરાવજનયિત્રી ચ ।

વિદ્યા વિદ્યાપ્રદા વિદ્યાબોધિની બોધદાયિની ॥ 67 ॥

બુદ્ધમાતા ચ બુદ્ધા ચ વનમાલાવતી વરા ।

વરદા વારુણી વીણા વીણાવાદનતત્પરા ॥ 68 ॥

વિનોદિની વિનોદસ્થા વૈષ્ણવી વિષ્ણુવલ્લભા ।

વૈદ્યા વૈદ્યચિકિત્સા ચ વિવશા વિશ્વવિશ્રુતા ॥ 69 ॥

વિદ્વત્કવિકલા વેત્તા વિતન્દ્રા વિગતજ્વરા ।

વિરાવા વિવિધારાવા બિમ્બોષ્ઠી બિમ્બવત્સલા ॥ 70 ॥

વિન્ધ્યસ્થા વીરવન્દ્યા ચ વરીયસાપરાધવિત્ ।

વેદાન્તવેદ્યા વેદ્યા ચ વૈદ્યા ચ વિજયપ્રદા ॥ 71 ॥

વિરોધવર્ધિની વન્ધ્યા વન્ધ્યાબન્ધનિવારિણી ।

ભગિની ભગમાલા ચ ભવાની ભવભાવિની ॥ 72 ॥

ભીમા ભીમાનના ભૈમી ભઙ્ગુરા ભીમદર્શના ।

ભિલ્લી ભલ્લધરા ભીરુર્ભેરુણ્ડા ચૈભભયાપહા ॥ 73 ॥

ભગસર્પિણ્યપિ ભગા ભગરૂપા ભગાલયા ।

ભગાસના ભગામોદા ભેરી ભાઙ્કારરઞ્જિની ॥ 74 ॥

ભીષણાઽભીષણા સર્વા ભગવત્યપિ ભૂષણા ।

ભારદ્વાજી ભોગદાત્રી ભવઘ્ની ભૂતિભૂષણા ॥ 75 ॥

ભૂતિદા ભૂમિદાત્રી ચ ભૂપતિત્વપ્રદાયિની ।

ભ્રમરી ભ્રામરી નીલા ભૂપાલમુકુટસ્થિતા ॥ 76 ॥

મત્તા મનોહરા મના માનિની મોહની મહા ।

મહાલક્ષ્મીર્મદાક્ષીબા મદિરા મદિરાલયા ॥ 77 ॥

મદોદ્ધતા મતઙ્ગસ્થા માધવી મધુમન્થિની ।

મેધા મેધાકરી મેધ્યા મધ્યા મધ્યવયસ્થિતા ॥ 78 ॥

મદ્યપા માંસલા મત્સ્યા મોદિની મૈથુનોદ્ધતા ।

મુદ્રા મુદ્રાવતી માતા માયા મહિમમન્દિરા ॥ 79 ॥

મહામાયા મહાવિદ્યા મહામારી મહેશ્વરી ।

મહાદેવવધૂર્માન્યા મથુરા મેરુમણ્ડલા ॥ 80 ॥

મેદસ્વની મેદસુશ્રીર્મહિષાસુરમર્દિની ।

મણ્ડપસ્થા મઠસ્થાઽમા માલા માલાવિલાસિની ॥ 81 ॥

મોક્ષદા મુણ્ડમાલા ચ મન્દિરાગર્ભગર્ભિતા ।

માતઙ્ગિની ચ માતઙ્ગી મતઙ્ગતનયા મધુઃ ॥ 82 ॥

મધુસ્રવા મધુરસા મધૂકકુસુમપ્રિયા ।

યામિની યામિનીનાથભૂષા યાવકરઞ્જિતા ॥ 83 ॥

યવાઙ્કુરપ્રિયા યામા યવની યવનાધિપા ।

યમઘ્ની યમવાણી ચ યજમાનસ્વરૂપિણી ॥ 84 ॥

યજ્ઞા યજ્યા યજુર્યજ્વા યશોનિકરકારિણી ।

યજ્ઞસૂત્રપ્રદા જ્યેષ્ઠા યજ્ઞકર્મકરી યશા ॥ 85 ॥

યશસ્વિની યજ્ઞસંસ્થા યૂપસ્તમ્ભનિવાસિની ।

રઞ્જિતા રાજપત્ની ચ રમા રેખા રવી રણી ॥ 86 ॥

રજોવતી રજશ્ચિત્રા રજની રજનીપતિઃ ।

રાગિણી રાજિની રાજ્યા રાજ્યદા રાજ્યવર્ધિની ॥ 87 ॥

રાજન્વતી રાજનીતિસ્તુર્યા રાજનિવાસિની ।

રમણી રમણીયા ચ રામા રામવતી રતિઃ ॥ 88 ॥

રેતોવતી રતોત્સાહા રોગહા રોગકારિણી ।

રઙ્ગા રઙ્ગવતી રાગા રાગજ્ઞા રાગિની રણા ॥ 89 ॥

રઞ્જિકા રઞ્જકી રઞ્જા રઞ્જિની રક્તલોચના ।

રક્તચર્મધરા રન્ત્રી રક્તસ્થા રક્તવાહિની ॥ 90 ॥

રમ્ભા રમ્ભાફલપ્રીતી રમ્ભોરૂ રાઘવપ્રિયા ।

રઙ્ગભૃદ્રઙ્ગમધુરા રોદસી રોદસીગૃહા ॥ 91 ॥

રોગકર્ત્રી રોગહર્ત્રી ચ રોગભૃદ્રોગશાયિની ।

વન્દી વન્દિસ્તુતા બન્ધુર્બન્ધૂકકુસુમાધરા ॥ 92 ॥

વન્દિતા વન્દિમાતા બન્ધુરા બૈન્દવી વિભા ।

વિઙ્કી વિઙ્કપલા વિઙ્કા વિઙ્કસ્થા વિઙ્કવત્સલા ॥ 93 ॥

વેદૈર્વિલગ્ના વિગ્ના ચ વિધિર્વિધિકરી વિધા ।

શઙ્ખિની શઙ્ખનિલયા શઙ્ખમાલાવતી શમી ॥ 94 ॥

શઙ્ખપાત્રાશિની શઙ્ખાઽશઙ્ખા શઙ્ખગલા શશી ।

શિમ્બી શરાવતી શ્યામા શ્યામાઙ્ગી શ્યામલોચના ॥ 95 ॥

શ્મશાનસ્થા શ્મશાના ચ શ્મશાનસ્થલભૂષણા ।

શર્મદા શમહર્ત્રી ચ શાકિની શઙ્કુશેખરા ॥ 96 ॥

શાન્તિઃ શાન્તિપ્રદા શેષા શેષસ્થા શેષશાયિની ।

શેમુષી શોષિણી શૌરી શારિઃ શૌર્યા શરા શરી ॥ 97 ॥

શાપદા શાપહારી શ્રીઃ શમ્પા શપથચાપિની ।

શૃઙ્ગિણી શૃઙ્ગિપલભુક્ શઙ્કરી શાઙ્કરી તથા ॥ 98 ॥

શઙ્કા શઙ્કાપહા શંસ્થા શાશ્વતી શીતલા શિવા ।

શવસ્થા શવભુક્ શૈવી શાવવર્ણા શવોદરી ॥ 99 ॥

શાયિની શાવશયના શિંશિપા શિંશિપાયતા ।

શવાકુણ્ડલિની શૈવા શઙ્કરા શિશિરા શિરા ॥ 100 ॥

શવકાઞ્ચી શવશ્રીકા શવમાલા શવાકૃતિઃ ।

શમ્પિની શઙ્કુશક્તિઃ શં શન્તનુઃ શીલદાયિની ॥ 101 ॥

સિન્ધુઃ સરસ્વતી સિન્ધુસુન્દરી સુન્દરાનના ।

સાધુસિદ્ધિઃ સિદ્ધિદાત્રી સિદ્ધા સિદ્ધસરસ્વતી ॥ 102 ॥

સન્તતિઃ સમ્પદા સમ્પત્સંવિત્સમ્પત્તિદાયિની ।

સપત્ની સરસા સારા સરસ્વતિકરી સુધા ॥ 103 ॥

સરઃ સમા સમાના ચ સમારાધ્યા સમસ્તદા ।

સમિદ્ધા સમદા સમ્મા સમ્મોહા સમદર્શના ॥ 104 ॥

સમિતિઃ સમિધા સીમા સાવિત્રી સંવિદા સતી ।

સવના સવનાધારા સાવના સમરા સમી ॥ 105 ॥

સમીરા સુમના સાધ્વી સધ્રીચીન્યસહાયિની ।

હંસી હંસગતિર્હંસા હંસોજ્જ્વલનિચોલયુક્ ॥ 106 ॥

હલિની હલદા હાલા હરશ્રીર્હરવલ્લભા ।

હેલા હેલાવતી હ્રેષા હ્રેષસ્થા હ્રેષવર્ધિની ॥ 107 ॥

હન્તા હાનિર્હયાહ્વા હૃદ્ધન્તહા હન્તહારિણી ।

હુઙ્કારી હન્તકૃદ્ધઙ્કા હીહા હાહા હતાહિતા ॥ 108 ॥

હેમા પ્રભા હરવતી હારીતા હરિસમ્મતા ।

હોરી હોત્રી હોલિકા ચ હોમ્યા હોમા હવિર્હરિઃ ॥ 109 ॥

હારિણી હરિણીનેત્રા હિમાચલનિવાસિની ।

લમ્બોદરી લમ્બકર્ણા લમ્બિકા લમ્બવિગ્રહા ॥ 110 ॥

લીલા લીલાવતી લોલા લલના લાલિતાલતા ।

લલામલોચના લોચ્યા લોલાક્ષી લક્ષણા લટા ॥ 111 ॥

લમ્પતી લુમ્પતી લમ્પા લોપામુદ્રા લલન્તિ ચ ।

લતિકા લઙ્ઘિકા લઙ્ઘા લઘિમા લઘુમધ્યમા ॥ 112 ॥

લઘ્વીયસી લઘૂદર્કા લૂતા લૂતનિવારિણી ।

લોમભૃલ્લોમલોમ્ની ચ લુલુતી લુલુલુમ્પિની ॥ 113 ॥

લુલાયસ્થા ચ લહરી લઙ્કાપુરપુરન્દરી ।

લક્ષ્મીર્લક્ષ્મીપ્રદા લક્ષ્યા લક્ષ્યબલગતિપ્રદા ॥ 114 ॥

ક્ષણક્ષપા ક્ષણક્ષીણા ક્ષમા ક્ષાન્તિઃ ક્ષમાવતી ।

ક્ષામા ક્ષામોદરી ક્ષોણી ક્ષોણિભૃત્ ક્ષત્રિયાઙ્ગના ॥ 115 ॥

ક્ષપા ક્ષપાકરી ક્ષીરા ક્ષીરદા ક્ષીરસાગરા ।

ક્ષીણઙ્કરી ક્ષયકરી ક્ષયભૃત્ ક્ષયદા ક્ષતિઃ ।

ક્ષરન્તી ક્ષુદ્રિકા ક્ષુદ્રા ક્ષુત્ક્ષામા ક્ષરપાતકા ॥ 116 ॥

ફલશ્રુતિઃ –

માતુઃ સહસ્રનામેદં પ્રત્યઙ્ગિરાસિદ્ધિદાયકમ્ ॥ 1 ॥

યઃ પઠેત્પ્રયતો નિત્યં દરિદ્રો ધનદો ભવેત્ ।

અનાચાન્તઃ પઠેન્નિત્યં સ ચાપિ સ્યાન્મહેશ્વરઃ ।

મૂકઃ સ્યાદ્વાક્પતિર્દેવી રોગી નીરોગતાં ભવેત્ ॥ 2 ॥

અપુત્રઃ પુત્રમાપ્નોતિ ત્રિષુલોકેષુ વિશ્રુતમ્ ।

વન્ધ્યાપિ સૂતે તનયાન્ ગાવશ્ચ બહુદુગ્ધદાઃ ॥ 3 ॥

રાજાનઃ પાદનમ્રાઃ સ્યુસ્તસ્ય દાસા ઇવ સ્ફુટાઃ ।

અરયઃ સઙ્ક્ષયં યાન્તિ મનસા સંસ્મૃતા અપિ ॥ 4 ॥

દર્શનાદેવ જાયન્તે નરા નાર્યોઽપિ તદ્વશાઃ ।

કર્તા હર્તા સ્વયંવીરો જાયતે નાત્રસંશયઃ ॥ 5 ॥

યં યં કામયતે કામં તં તં પ્રાપ્નોતિ નિશ્ચિતમ્ ।

દુરિતં ન ચ તસ્યાસ્તિ નાસ્તિ શોકઃ કદાચન ॥ 6 ॥

ચતુષ્પથેઽર્ધરાત્રે ચ યઃ પઠેત્સાધકોત્તમઃ ।

એકાકી નિર્ભયો ધીરો દશાવર્તં નરોત્તમઃ ॥ 7 ॥

મનસા ચિન્તિતં કાર્યં તસ્ય સિદ્ધિર્ન સંશયમ્ ।

વિના સહસ્રનામ્નાં યો જપેન્મન્ત્રં કદાચન ॥ 8 ॥

ન સિદ્ધો જાયતે તસ્ય મન્ત્રઃ કલ્પશતૈરપિ ।

કુજવારે શ્મશાને ચ મધ્યાહ્ને યો જપેત્તથા ॥ 9 ॥

શતાવર્ત્યા સ જયેત કર્તા હર્તા નૃણામિહ ।

રોગાર્તો યો નિશીથાન્તે પઠેદમ્ભસિ સંસ્થિતઃ ॥ 10 ॥

સદ્યો નીરોગતામેતિ યદિ સ્યાન્નિર્ભયસ્તદા ।

અર્ધરાત્રે શ્મશાને વા શનિવારે જપેન્મનુમ્ ॥ 11 ॥

અષ્ટોત્તરસહસ્રં તુ દશવારં જપેત્તતઃ ।

સહસ્રનામમેત્તદ્ધિ તદા યાતિ સ્વયં શિવા ॥ 12 ॥

મહાપવનરૂપેણ ઘોરગોમાયુનાદિની ।

તદા યદિ ન ભીતિઃ સ્યાત્તતો દેહીતિ વાગ્ભવેત્ ॥ 13 ॥

તદા પશુબલિં દદ્યાત્ સ્વયં ગૃહ્ણાતિ ચણ્ડિકા ।

યથેષ્ટં ચ વરં દત્ત્વા યાતિ પ્રત્યઙ્ગિરા શિવા ॥ 14 ॥

રોચનાગુરુકસ્તૂરી કર્પૂરમદચન્દનૈઃ ।

કુઙ્કુમપ્રથમાભ્યાં તુ લિખિતં ભૂર્જપત્રકે ॥ 15 ॥

શુભનક્ષત્રયોગે તુ સમભ્યર્ચ્ય ઘટાન્તરે ।

કૃતસમ્પાતનાત્સિદ્ધં ધાર્યન્તદ્દક્ષિણેકરે ॥ 16 ॥

સહસ્રનામસ્વર્ણસ્થં કણ્ઠે વાપિ જિતેન્દ્રિયઃ ।

તદાયં પ્રણમેન્મન્ત્રી ક્રુદ્ધઃ સમ્રિયતે નરઃ ॥ 17 ॥

યસ્મૈ દદાતિ ચ સ્વસ્તિ સ ભવેદ્ધનદોપમઃ ।

દુષ્ટશ્વાપદજન્તૂનાં ન ભીઃ કુત્રાપિ જાયતે ॥ 18 ॥

બાલકાનામિયં રક્ષા ગર્ભિણીનામપિ ધ્રુવમ્ ।

મોહન સ્તમ્ભનાકર્ષમારણોચ્ચાટનાનિ ચ ॥ 19 ॥

યન્ત્રધારણતો નૂનં સિધ્યન્તે સાધકસ્ય ચ ।

નીલવસ્ત્રે વિલિખિતં ધ્વજાયાં યદિ તિષ્ઠતિ ॥ 20 ॥

તદા નષ્ટા ભવત્યેવ પ્રચણ્ડા પરવાહિની ।

એતજ્જપ્તં મહાભસ્મ લલાટે યદિ ધારયેત્ ॥ 21 ॥

તદ્દર્શનત એવ સ્યુઃ પ્રાણિનસ્તસ્ય કિઙ્કરાઃ ।

રાજપત્ન્યોઽપિ વશ્યાઃ સ્યુઃ કિમન્યાઃ પરયોષિતઃ ॥ 22 ॥

એતજ્જપન્નિશિતોયે માસૈકેન મહાકવિઃ ।

પણ્ડિતશ્ચ મહાવાદી જાયતે નાત્રસંશયઃ ॥ 23 ॥

શક્તિં સમ્પૂજ્ય દેવેશિ પઠેત્ સ્તોત્રં વરં શુભમ્ ।

ઇહલોકે સુખં ભુક્ત્વા પરત્ર ત્રિદિવં વ્રજેત્ ॥ 24 ॥

ઇતિ નામસહસ્રં તુ પ્રત્યઙ્ગિર મનોહરમ્ ।

ગોપ્યં ગુહ્યતમં લોકે ગોપનીયં સ્વયોનિવત્ ॥ 25 ॥

ઇતિ શ્રીરુદ્રયામલે તન્ત્રે દશવિદ્યારહસ્યે શ્રી પ્રત્યઙ્ગિરા સહસ્રનામ સ્તોત્રમ્ ।

Roman (IAST) Transliteration

īśvara uvāca

śṛṇu devi pravakṣyāmi sāmprataṃ tatpurātanam |

sahasranāma paramaṃ pratyaṅgirārtha siddhaye || 1 ||

sahasranāmapāṭhena sarvatra vijayī bhavet |

parābhavo na cāsyāsti sabhāyāṃ vā vane raṇe || 2 ||

tathā tuṣṭā bhaveddevī pratyaṅgirā'sya pāṭhataḥ |

yathā bhavati deveśi sādhakaḥ śiva eva hi || 3 ||

aśvamedhasahasrāṇi vājapeyasya koṭayaḥ |

sakṛtpāṭhena jāyante prasannā pratyaṅgirā bhavet || 4 ||

bhairavo'sya ṛṣiśchando'nuṣṭup devī samīritā |

pratyaṅgirā viniyogaḥ sarvasampatti hetave || 5 ||

sarvakāryeṣu saṃsiddhiḥ sarvasampattidā bhavet |

evaṃ dhyātvā paṭhedetadyadīcchedātmano hitam || 6 ||

asya śrīpratyaṅgirā sahasranāmamahāmantrasya bhairava ṛṣiḥ anuṣṭup chandaḥ śrīmahāpratyaṅgirā devatā hrīṃ bījaṃ śrīṃ śaktiḥ svāhā kīlakaṃ parakṛtyāvināśārthe jape pāṭhe viniyogaḥ ||

karanyāsaḥ

oṃ hrāṃ aṅguṣṭhābhyāṃ namaḥ |

oṃ hrīṃ tarjanībhyāṃ namaḥ |

oṃ hrūṃ madhyamābhyāṃ namaḥ |

oṃ hraiṃ anāmikābhyāṃ namaḥ |

oṃ hrauṃ kaniṣṭhikābhyāṃ namaḥ |

oṃ hraḥ karatala karapṛṣṭhābhyāṃ namaḥ |

hṛdayādi nyāsaḥ

oṃ hrāṃ hṛdayāya namaḥ |

oṃ hrīṃ śirase svāhā |

oṃ hrūṃ śikhāyai vaṣaṭ |

oṃ hraiṃ kavacāya hum |

oṃ hrauṃ netratrayāya vauṣaṭ |

oṃ hraḥ astrāya phaṭ |

dhyānam

āśāmbarā muktakacā ghanacchavi-

-rdhyeyā sacarmāsikarā hi bhūṣaṇā |

daṃṣṭrogravaktrā grasitā hitā tvayā

pratyaṅgirā śaṅkaratejaseritā ||

stotram

devī pratyaṅgirā divyā sarasā śaśiśekharā |

sumanā sāmidhetī ca samastasuraśemuṣī || 1 ||

sarvasampattijananī sarvadā sindhusevinī |

śambhusīmantinī sīmā surārādhyā sudhārasā || 2 ||

rasā rasavatī velā vanyā ca vanamālinī |

vanajākṣī vanacarī vanī vanavinodinī || 3 ||

veginī vegadā vegabalāsyā ca balādhikā |

kalā kalapriyā kolī komalā kālakāminī || 4 ||

kamalā kamalāsyā ca kamalasthā kalāvatī |

kulīnā kuṭilā kāntā kokilā kalabhāṣiṇī || 5 ||

kīrakīlī kalā kālī kapālinyapi kālikā |

keśinī ca kuśāvartā kauśāmbī keśavapriyā || 6 ||

kāśī kalā mahākāśī saṅkāśā keśadāyinī |

kuṇḍalī kuṇḍalāsyā ca kuṇḍalāṅgadamaṇḍitā || 7 ||

kuṇapālī kumudinī kumudā prītivardhinī |

kundapriyā kundaruciḥ kuraṅgamadanodinī || 8 ||

kuraṅganayanā kundā kuruvṛndā'bhinandinī |

kusumbhakusumā kāñcī kvaṇatkiṅkiṇikā kaṭā || 9 ||

kaṭhorā karuṇā kāṣṭhā kaumudī kambukaṇṭhinī |

kapardinī kapaṭinī kaṇṭhinī kālakaṇṭhikā || 10 ||

kīrahastā kumārī ca kurudā kusumapriyā |

kuñjarasthā kuñjaratā kumbhi kumbhastanadvayā || 11 ||

kumbhigā karibhogā ca kadalī dalaśālinī |

kupitā koṭarasthā ca kaṅkālī kandarodarā || 12 ||

ekāntavāsinī kāñcī kampamānaśiroruhā |

kādambarī kadambasthā kuṅkumapremadhāriṇī || 13 ||

kuṭumbinīpriyā''kūtī kratuḥ kratukarī priyā |

kātyāyanī kṛttikā ca kārtikeyapravartinī || 14 ||

kāmapatnī kāmadātrī kāmeśī kāmavanditā |

kāmarūpā kramāvartī kāmākṣī kāmamohitā || 15 ||

khaḍginī khecarī khaḍgā khañjarīṭekṣaṇā khalā |

kharagā kharanāthā ca kharāsyā khelanapriyā || 16 ||

kharāṃśuḥ kheṭinī khaṭvā khagā khaṭvāṅgadhāriṇī |

kharakhaṇḍinī khyātā khaṇḍitā khaṇḍanīsthitā || 17 ||

khaṇḍapriyā khaṇḍakhādyā sendukhaṇḍā ca khaṇḍinī |

gaṅgā godāvarī gaurī gomatyapi ca gautamī || 18 ||

gayā geyā gaganagā gāruḍī garuḍadhvajā |

gītā gītapriyā gopā gaṇḍaprītā guṇī girā || 19 ||

guṃ gaurī mandamadanā gokulā gopratāriṇī |

godā govindinī gūḍhā nirgūḍhā gūḍhavigrahā || 20 ||

guñjinī gajagā gopī gotrakṣayakarī gadā |

giribhūpāladuhitā gogā gocchalavardhinī || 21 ||

ghanastanī ghanarucirghanehā ghananiḥsvanā |

ghūtkāriṇī ghūghakarī ghughūkaparivāritā || 22 ||

ghaṇṭānādapriyā ghaṇṭā ghanāghoṭakavāhinī |

ghorarūpā ca ghorā ca ghūtī pratighanā ghanī || 23 ||

ghṛtācī ghanapuṣṭiśca ghaṭā ghanaghaṭā'mṛtā |

ghaṭasyā ghaṭanā ghoghaghātapātanivāriṇī || 24 ||

cañcarīkā cakorī ca cāmuṇḍā cīradhāriṇī |

cāturī capalā cakracalā celā calā'calā || 25 ||

catuścirantanā cākā cikyā cāmīkaracchaviḥ |

cāpinī capalā campū cintā cintāmaṇiścitā || 26 ||

cāturvarṇyamayī cañcaccaurācāryā camatkṛtiḥ |

cakravartivadhūścakrā cakrāṅgā cakramodinī || 27 ||

cetaścarī cittavṛttiracetā cetanapradā |

cāmpeyī campakaprītiścaṇḍī caṇḍālavāsinī || 28 ||

cirañjīvitaṭā ciñcā tarumūlanivāsinī |

churikā chatramadhyasthā chidrā chedakarī chidā || 29 ||

chuchundarīpalaprītī chuchundarīnibhasvanā |

chalinī chaladā chatrā chiṭikā chekakṛttathā || 30 ||

chaginī chāndasī chāyā chāyākṛcchādirityapi |

jayā ca jayadā jātī jayasthā jayavardhinī || 31 ||

japāpuṣpapriyā japyā jṛmbhiṇī yāmalā yutā |

jambūpriyā jayasthā ca jaṅgamā jaṅgamapriyā || 32 ||

janturjantupradhānā ca jaratkarṇā jaradbhavā |

jātipriyā jīvanasthā jīmūtasadṛśacchaviḥ || 33 ||

janyā janahitā jāyā jambhabhijjambhamālinī |

javadā javavadvāhā javānī jvarahā jvarā || 34 ||

jhañjhānilamayī jhañjhā jhaṇatkārakarā tathā |

jhiṇṭīśā jhampakṛt jhampā jhampatrāsanivāriṇī || 35 ||

ṭakārasthā ṭaṅkadharā ṭaṅkārā karaśāṭinī |

ṭhakkurā ṭhītkṛtī ṭhiṇṭhī ṭhiṇṭhīravasamāvṛtā || 36 ||

ṭhaṇṭhānilamayī ṭhaṇṭhā ṭhaṇatkārakarā ṭhasā |

ḍākinī ḍāmarī caiva ḍiṇḍimadhvaninandinī || 37 ||

ḍhakkāsvanapriyā ḍhakkā tapinī tāpinī tathā |

taruṇī tundilā tundā tāmasī ca tapaḥpriyā || 38 ||

tāmrā tāmrāmbarā tālī tālīdalavibhūṣaṇā |

turaṅgā tvaritā tretā totulā todinī tulā || 39 ||

tāpatrayaharā taptā tālakeśī tamālinī |

tamāladalavacchāmā tālamlānavatī tamī || 40 ||

tāmasī ca tamisrā ca tīvrā tīvraparākramā |

taṭasthā tilatailāktā taraṇī tapanadyutiḥ || 41 ||

tilottamā tilakakṛttārakādhīśaśekharā |

tilapuṣpapriyā tārā tārakeśī kuṭumbinī || 42 ||

sthāṇupatnī sthitikarī sthalasthā sthalavardhinī |

sthitiḥ sthairyā sthaviṣṭhā ca sthāpatiḥ sthalavigrahā || 43 ||

dantinī daṇḍinī dīnā daridrā dīnavatsalā |

devī devavadhūrdaityadamanī dantabhūṣaṇā || 44 ||

dayāvatī damavatī damadā dāḍimastanī |

dandaśūkanibhā daityadāriṇī devatānanā || 45 ||

dolākrīḍā dalāyuśca dampatī devatāmayī |

daśā dīpasthitā doṣā doṣahā doṣakāriṇī || 46 ||

durgā durgārtiśamanī durgamā durgavāsinī |

durgandhanāśinī duḥsthā duḥsvapnaśamakāriṇī || 47 ||

durvārā dundubhī bhrāntā dūrasthā dūravāsinī |

darahā daradā dātrī dāyādā duhitā dayā || 48 ||

dhurandharā dhurīṇā ca dhaurī dhī dhanadāyinī |

dhīrā'dhīrā dharitrī ca dharmadā dhīramānasā || 49 ||

dhanurdharā ca damanī dhūrtā dhūrtaparigrahā |

dhūmavarṇā dhūmapānā dhūmalā dhūmamohinī || 50 ||

nalinī nandinī nandā nādinī nandabālikā |

navīnā narmadā narminemirniyamaniścayā || 51 ||

nirmalā nigamācārā nimnagā nagnakāminī |

nītirnirantarā nagnī nirlepā nirguṇā natiḥ || 52 ||

nīlagrīvā nirīhā ca nirañjanajanī navī |

navanītapriyā nārī narakārṇavatāriṇī || 53 ||

nārāyaṇī nirākārā nipuṇā nipuṇapriyā |

niśā nidrā narendrasthā namitā'namitāpi ca || 54 ||

nirguṇḍikā ca nirguṇḍā nirmāṃsā'nāmikā nibhā |

patākinī patākā ca palaprītiryaśasvinī || 55 ||

pīnā pīnastanā patnī pavanāśanaśāyinī |

parā'parā kalāpā''ppā pākakṛtyarati priyā || 56 ||

pavanasthā supavanā tāpasīprītivardhinī |

paśuvṛddhikarī puṣṭiḥ poṣaṇī puṣpavardhinī || 57 ||

puṣpiṇī pustakakarā punnāgatalavāsinī |

purandarapriyā prītiḥ puramārganivāsinī || 58 ||

pāśī pāśakarā pāśā bandhuhā pāṃsulā paśuḥ |

paṭuḥ paṭāsā paraśudhāriṇī pāśinī tathā || 59 ||

pāpaghnī patipatnī ca patitā'patitāpi ca |

piśācī ca piśācaghnī piśitāśanatoṣitā || 60 ||

pānadā pānapātrā ca pānadānakarodyatā |

peyā prasiddhā pīyūṣā pūrṇā pūrṇamanorathā || 61 ||

patadgarbhā patadgātrā pātapuṇyapriyā purī |

paṅkilā paṅkamagnā ca pānīyā pañjarasthitā || 62 ||

pañcamī pañcayajñā ca pañcatā pañcamapriyā |

pañcamudrā puṇḍarīkā pikī piṅgalalocanā || 63 ||

priyaṅgumañjarī piṇḍī piṇḍitā pāṇḍuraprabhā |

pretāsanā priyālusthā pāṇḍughnī pītasāpahā || 64 ||

phalinī phaladhātrī ca phalaśrīḥ phaṇibhūṣaṇā |

phūtkārakāriṇī sphārā phullā phullāmbujāsanā || 65 ||

phiraṅgahā sphītamatiḥ sphītiḥ sphītakarī tathā |

balamāyā balārātirbalinī balavardhinī || 66 ||

veṇuvādyā vanacarī virāvajanayitrī ca |

vidyā vidyāpradā vidyābodhinī bodhadāyinī || 67 ||

buddhamātā ca buddhā ca vanamālāvatī varā |

varadā vāruṇī vīṇā vīṇāvādanatatparā || 68 ||

vinodinī vinodasthā vaiṣṇavī viṣṇuvallabhā |

vaidyā vaidyacikitsā ca vivaśā viśvaviśrutā || 69 ||

vidvatkavikalā vettā vitandrā vigatajvarā |

virāvā vividhārāvā bimboṣṭhī bimbavatsalā || 70 ||

vindhyasthā vīravandyā ca varīyasāparādhavit |

vedāntavedyā vedyā ca vaidyā ca vijayapradā || 71 ||

virodhavardhinī vandhyā vandhyābandhanivāriṇī |

bhaginī bhagamālā ca bhavānī bhavabhāvinī || 72 ||

bhīmā bhīmānanā bhaimī bhaṅgurā bhīmadarśanā |

bhillī bhalladharā bhīrurbheruṇḍā caibhabhayāpahā || 73 ||

bhagasarpiṇyapi bhagā bhagarūpā bhagālayā |

bhagāsanā bhagāmodā bherī bhāṅkārarañjinī || 74 ||

bhīṣaṇā'bhīṣaṇā sarvā bhagavatyapi bhūṣaṇā |

bhāradvājī bhogadātrī bhavaghnī bhūtibhūṣaṇā || 75 ||

bhūtidā bhūmidātrī ca bhūpatitvapradāyinī |

bhramarī bhrāmarī nīlā bhūpālamukuṭasthitā || 76 ||

mattā manoharā manā māninī mohanī mahā |

mahālakṣmīrmadākṣībā madirā madirālayā || 77 ||

madoddhatā mataṅgasthā mādhavī madhumanthinī |

medhā medhākarī medhyā madhyā madhyavayasthitā || 78 ||

madyapā māṃsalā matsyā modinī maithunoddhatā |

mudrā mudrāvatī mātā māyā mahimamandirā || 79 ||

mahāmāyā mahāvidyā mahāmārī maheśvarī |

mahādevavadhūrmānyā mathurā merumaṇḍalā || 80 ||

medasvanī medasuśrīrmahiṣāsuramardinī |

maṇḍapasthā maṭhasthā'mā mālā mālāvilāsinī || 81 ||

mokṣadā muṇḍamālā ca mandirāgarbhagarbhitā |

mātaṅginī ca mātaṅgī mataṅgatanayā madhuḥ || 82 ||

madhusravā madhurasā madhūkakusumapriyā |

yāminī yāminīnāthabhūṣā yāvakarañjitā || 83 ||

yavāṅkurapriyā yāmā yavanī yavanādhipā |

yamaghnī yamavāṇī ca yajamānasvarūpiṇī || 84 ||

yajñā yajyā yajuryajvā yaśonikarakāriṇī |

yajñasūtrapradā jyeṣṭhā yajñakarmakarī yaśā || 85 ||

yaśasvinī yajñasaṃsthā yūpastambhanivāsinī |

rañjitā rājapatnī ca ramā rekhā ravī raṇī || 86 ||

rajovatī rajaścitrā rajanī rajanīpatiḥ |

rāgiṇī rājinī rājyā rājyadā rājyavardhinī || 87 ||

rājanvatī rājanītisturyā rājanivāsinī |

ramaṇī ramaṇīyā ca rāmā rāmavatī ratiḥ || 88 ||

retovatī ratotsāhā rogahā rogakāriṇī |

raṅgā raṅgavatī rāgā rāgajñā rāginī raṇā || 89 ||

rañjikā rañjakī rañjā rañjinī raktalocanā |

raktacarmadharā rantrī raktasthā raktavāhinī || 90 ||

rambhā rambhāphalaprītī rambhorū rāghavapriyā |

raṅgabhṛdraṅgamadhurā rodasī rodasīgṛhā || 91 ||

rogakartrī rogahartrī ca rogabhṛdrogaśāyinī |

vandī vandistutā bandhurbandhūkakusumādharā || 92 ||

vanditā vandimātā bandhurā baindavī vibhā |

viṅkī viṅkapalā viṅkā viṅkasthā viṅkavatsalā || 93 ||

vedairvilagnā vignā ca vidhirvidhikarī vidhā |

śaṅkhinī śaṅkhanilayā śaṅkhamālāvatī śamī || 94 ||

śaṅkhapātrāśinī śaṅkhā'śaṅkhā śaṅkhagalā śaśī |

śimbī śarāvatī śyāmā śyāmāṅgī śyāmalocanā || 95 ||

śmaśānasthā śmaśānā ca śmaśānasthalabhūṣaṇā |

śarmadā śamahartrī ca śākinī śaṅkuśekharā || 96 ||

śāntiḥ śāntipradā śeṣā śeṣasthā śeṣaśāyinī |

śemuṣī śoṣiṇī śaurī śāriḥ śauryā śarā śarī || 97 ||

śāpadā śāpahārī śrīḥ śampā śapathacāpinī |

śṛṅgiṇī śṛṅgipalabhuk śaṅkarī śāṅkarī tathā || 98 ||

śaṅkā śaṅkāpahā śaṃsthā śāśvatī śītalā śivā |

śavasthā śavabhuk śaivī śāvavarṇā śavodarī || 99 ||

śāyinī śāvaśayanā śiṃśipā śiṃśipāyatā |

śavākuṇḍalinī śaivā śaṅkarā śiśirā śirā || 100 ||

śavakāñcī śavaśrīkā śavamālā śavākṛtiḥ |

śampinī śaṅkuśaktiḥ śaṃ śantanuḥ śīladāyinī || 101 ||

sindhuḥ sarasvatī sindhusundarī sundarānanā |

sādhusiddhiḥ siddhidātrī siddhā siddhasarasvatī || 102 ||

santatiḥ sampadā sampatsaṃvitsampattidāyinī |

sapatnī sarasā sārā sarasvatikarī sudhā || 103 ||

saraḥ samā samānā ca samārādhyā samastadā |

samiddhā samadā sammā sammohā samadarśanā || 104 ||

samitiḥ samidhā sīmā sāvitrī saṃvidā satī |

savanā savanādhārā sāvanā samarā samī || 105 ||

samīrā sumanā sādhvī sadhrīcīnyasahāyinī |

haṃsī haṃsagatirhaṃsā haṃsojjvalanicolayuk || 106 ||

halinī haladā hālā haraśrīrharavallabhā |

helā helāvatī hreṣā hreṣasthā hreṣavardhinī || 107 ||

hantā hānirhayāhvā hṛddhantahā hantahāriṇī |

huṅkārī hantakṛddhaṅkā hīhā hāhā hatāhitā || 108 ||

hemā prabhā haravatī hārītā harisammatā |

horī hotrī holikā ca homyā homā havirhariḥ || 109 ||

hāriṇī hariṇīnetrā himācalanivāsinī |

lambodarī lambakarṇā lambikā lambavigrahā || 110 ||

līlā līlāvatī lolā lalanā lālitālatā |

lalāmalocanā locyā lolākṣī lakṣaṇā laṭā || 111 ||

lampatī lumpatī lampā lopāmudrā lalanti ca |

latikā laṅghikā laṅghā laghimā laghumadhyamā || 112 ||

laghvīyasī laghūdarkā lūtā lūtanivāriṇī |

lomabhṛllomalomnī ca lulutī lululumpinī || 113 ||

lulāyasthā ca laharī laṅkāpurapurandarī |

lakṣmīrlakṣmīpradā lakṣyā lakṣyabalagatipradā || 114 ||

kṣaṇakṣapā kṣaṇakṣīṇā kṣamā kṣāntiḥ kṣamāvatī |

kṣāmā kṣāmodarī kṣoṇī kṣoṇibhṛt kṣatriyāṅganā || 115 ||

kṣapā kṣapākarī kṣīrā kṣīradā kṣīrasāgarā |

kṣīṇaṅkarī kṣayakarī kṣayabhṛt kṣayadā kṣatiḥ |

kṣarantī kṣudrikā kṣudrā kṣutkṣāmā kṣarapātakā || 116 ||

phalaśrutiḥ –

mātuḥ sahasranāmedaṃ pratyaṅgirāsiddhidāyakam || 1 ||

yaḥ paṭhetprayato nityaṃ daridro dhanado bhavet |

anācāntaḥ paṭhennityaṃ sa cāpi syānmaheśvaraḥ |

mūkaḥ syādvākpatirdevī rogī nīrogatāṃ bhavet || 2 ||

aputraḥ putramāpnoti triṣulokeṣu viśrutam |

vandhyāpi sūte tanayān gāvaśca bahudugdhadāḥ || 3 ||

rājānaḥ pādanamrāḥ syustasya dāsā iva sphuṭāḥ |

arayaḥ saṅkṣayaṃ yānti manasā saṃsmṛtā api || 4 ||

darśanādeva jāyante narā nāryo'pi tadvaśāḥ |

kartā hartā svayaṃvīro jāyate nātrasaṃśayaḥ || 5 ||

yaṃ yaṃ kāmayate kāmaṃ taṃ taṃ prāpnoti niścitam |

duritaṃ na ca tasyāsti nāsti śokaḥ kadācana || 6 ||

catuṣpathe'rdharātre ca yaḥ paṭhetsādhakottamaḥ |

ekākī nirbhayo dhīro daśāvartaṃ narottamaḥ || 7 ||

manasā cintitaṃ kāryaṃ tasya siddhirna saṃśayam |

vinā sahasranāmnāṃ yo japenmantraṃ kadācana || 8 ||

na siddho jāyate tasya mantraḥ kalpaśatairapi |

kujavāre śmaśāne ca madhyāhne yo japettathā || 9 ||

śatāvartyā sa jayeta kartā hartā nṛṇāmiha |

rogārto yo niśīthānte paṭhedambhasi saṃsthitaḥ || 10 ||

sadyo nīrogatāmeti yadi syānnirbhayastadā |

ardharātre śmaśāne vā śanivāre japenmanum || 11 ||

aṣṭottarasahasraṃ tu daśavāraṃ japettataḥ |

sahasranāmamettaddhi tadā yāti svayaṃ śivā || 12 ||

mahāpavanarūpeṇa ghoragomāyunādinī |

tadā yadi na bhītiḥ syāttato dehīti vāgbhavet || 13 ||

tadā paśubaliṃ dadyāt svayaṃ gṛhṇāti caṇḍikā |

yatheṣṭaṃ ca varaṃ dattvā yāti pratyaṅgirā śivā || 14 ||

rocanāgurukastūrī karpūramadacandanaiḥ |

kuṅkumaprathamābhyāṃ tu likhitaṃ bhūrjapatrake || 15 ||

śubhanakṣatrayoge tu samabhyarcya ghaṭāntare |

kṛtasampātanātsiddhaṃ dhāryantaddakṣiṇekare || 16 ||

sahasranāmasvarṇasthaṃ kaṇṭhe vāpi jitendriyaḥ |

tadāyaṃ praṇamenmantrī kruddhaḥ samriyate naraḥ || 17 ||

yasmai dadāti ca svasti sa bhaveddhanadopamaḥ |

duṣṭaśvāpadajantūnāṃ na bhīḥ kutrāpi jāyate || 18 ||

bālakānāmiyaṃ rakṣā garbhiṇīnāmapi dhruvam |

mohana stambhanākarṣamāraṇoccāṭanāni ca || 19 ||

yantradhāraṇato nūnaṃ sidhyante sādhakasya ca |

nīlavastre vilikhitaṃ dhvajāyāṃ yadi tiṣṭhati || 20 ||

tadā naṣṭā bhavatyeva pracaṇḍā paravāhinī |

etajjaptaṃ mahābhasma lalāṭe yadi dhārayet || 21 ||

taddarśanata eva syuḥ prāṇinastasya kiṅkarāḥ |

rājapatnyo'pi vaśyāḥ syuḥ kimanyāḥ parayoṣitaḥ || 22 ||

etajjapanniśitoye māsaikena mahākaviḥ |

paṇḍitaśca mahāvādī jāyate nātrasaṃśayaḥ || 23 ||

śaktiṃ sampūjya deveśi paṭhet stotraṃ varaṃ śubham |

ihaloke sukhaṃ bhuktvā paratra tridivaṃ vrajet || 24 ||

iti nāmasahasraṃ tu pratyaṅgira manoharam |

gopyaṃ guhyatamaṃ loke gopanīyaṃ svayonivat || 25 ||

iti śrīrudrayāmale tantre daśavidyārahasye śrī pratyaṅgirā sahasranāma stotram |