Shrikrishnashtottarashata Namastotram

ॐ

શ્રીકૃષ્ણાષ્ટોત્તરશત નામસ્તોત્રં

Krishna Ashtottara Sata Namavali Gujarati

શ્રીગોપાલકૃષ્ણાય નમઃ ॥

શ્રીશેષ ઉવાચ ॥

ૐ અસ્ય શ્રીકૃષ્ણાષ્ટોત્તરશતનામસ્તોત્રસ્ય।

શ્રીશેષ ઋષિઃ ॥ અનુષ્ટુપ્ છન્દઃ ॥ શ્રીકૃષ્ણોદેવતા ॥

શ્રીકૃષ્ણાષ્ટોત્તરશતનામજપે વિનિયોગઃ ॥

ૐ શ્રીકૃષ્ણઃ કમલાનાથો વાસુદેવઃ સનાતનઃ ।

વસુદેવાત્મજઃ પુણ્યો લીલામાનુષવિગ્રહઃ ॥ 1 ॥

શ્રીવત્સકૌસ્તુભધરો યશોદાવત્સલો હરિઃ ।

ચતુર્ભુજાત્તચક્રાસિગદા શઙ્ખાદ્યુદાયુધઃ ॥ 2 ॥

દેવકીનન્દનઃ શ્રીશો નન્દગોપપ્રિયાત્મજઃ ।

યમુનાવેગસંહારી બલભદ્રપ્રિયાનુજઃ ॥ 3 ॥

પૂતનાજીવિતહરઃ શકટાસુરભઞ્જનઃ ।

નન્દવ્રજજનાનન્દી સચ્ચિદાનન્દવિગ્રહઃ ॥ 4 ॥

નવનીતવિલિપ્તાઙ્ગો નવનીતનટોઽનઘઃ ।

નવનીતનવાહારો મુચુકુન્દપ્રસાદકઃ ॥ 5 ॥

ષોડશસ્ત્રી સહસ્રેશ સ્રિભઙ્ગિ મધુરાકૃતિઃ ।

શુકવાગમૃતાબ્ધીન્દુર્ગોવિન્દો ગોવિદામ્પતિઃ ॥ 6 ॥

વત્સવાટચરોઽનન્તો ધેનુકાસુરભઞ્જનઃ ।

તૃણીકૃતતૃણાવર્તો યમલાર્જુનભઞ્જનઃ ॥ 7 ॥

ઉત્તાનતાલભેત્તા ચ તમાલશ્યામલાકૃતિઃ ।

ગોપગોપીશ્વરો યોગી સૂર્યકોટિસમપ્રભઃ ॥ 8 ॥

ઇલાપતિઃ પરઞ્જ્યોતિર્યાદવેન્દ્રો યદૂદ્વહઃ ।

વનમાલી પીતવાસાઃ પારિજાતાપહારકઃ ॥ 9 ॥

ગોવર્ધનાચલોદ્ધર્તા ગોપાલઃ સર્વપાલકઃ ।

અજો નિરઞ્જનઃ કામજનકઃ કઞ્જલોચનઃ ॥ 10 ॥

મધુહા મથુરાનાથો દ્વારકાનાયકો બલી ।

વૃન્દાવનાન્તસઞ્ચારી તુલસીદામભૂષણઃ ॥ 11 ॥

શ્યમન્તકમણેર્હર્તા નરનારાયણાત્મકઃ ।

કુબ્જાકૃષ્ણામ્બરધરો માયી પરમપૂરુષઃ ॥ 12 ॥

મુષ્ટિકાસુરચાણૂરમહાયુદ્ધવિશારદઃ ।

સંસારવૈરી કંસારિર્મુરારિર્નરકાન્તકઃ ॥ 13 ॥

અનાદિબ્રહ્મચારી ચ કૃષ્ણાવ્યસનકર્ષકઃ ।

શિશુપાલશિરશ્છેત્તા દુર્યોધનકુલાન્તકઃ ॥ 14 ॥

વિદુરાક્રૂરવરદો વિશ્વરૂપપ્રદર્શકઃ ।

સત્યવાક્ સત્યસઙ્કલ્પઃ સત્યભામારતો જયી ॥ 15 ॥

સુભદ્રાપૂર્વજો વિષ્ણુર્ભીષ્મમુક્તિપ્રદાયકઃ ।

જગદ્ગુરુર્જગન્નાથો વેણુનાદવિશારદઃ ॥ 16 ॥

વૃષભાસુરવિધ્વંસી બાણાસુરબલાન્તકઃ ।

યુધિષ્ઠિરપ્રતિષ્ઠાતા બર્હિબર્હાવતંસકઃ ॥ 17 ॥

પાર્થસારથિરવ્યક્તો ગીતામૃતમહોદધિઃ ।

કાલીયફણિમાણિક્યરઞ્જિતશ્રીપદામ્બુજઃ ॥ 18 ॥

દામોદરો યજ્ઞભોક્તા દાનવેન્દ્રવિનાશકઃ ।

નારાયણઃ પરમ્બ્રહ્મ પન્નગાશનવાહનઃ ॥ 19 ॥

જલક્રીડાસમાસક્ત ગોપીવસ્ત્રાપહારકઃ ।

પુણ્યશ્લોકસ્તીર્થપાદો વેદવેદ્યો દયાનિધિઃ ॥ 20 ॥

સર્વતીર્થાત્મકઃ સર્વગ્રહરુપી પરાત્પરઃ ।

એવં શ્રીકૃષ્ણદેવસ્ય નામ્નામષ્ટોત્તરં શતમ્ ॥ 21 ॥

કૃષ્ણનામામૃતં નામ પરમાનન્દકારકમ્ ।

અત્યુપદ્રવદોષઘ્નં પરમાયુષ્યવર્ધનમ્ ॥ 22 ॥

॥ ઇતિ શ્રીનારદપઞ્ચરાત્રે જ્ઞાનામૃતસારે ચતુર્થરાત્રે ઉમામહેશ્વરસંવાદે

ધરણીશેષસંવાદે શ્રીકૃષ્ણાષ્ટોત્તરશતનામસ્તોત્રં સમ્પૂર્ણમ્ ॥

Roman (IAST) Transliteration

śrīgopālakṛṣṇāya namaḥ ||

śrīśeṣa uvāca ||

oṃ asya śrīkṛṣṇāṣṭottaraśatanāmastotrasya|

śrīśeṣa ṛṣiḥ || anuṣṭup chandaḥ || śrīkṛṣṇodevatā ||

śrīkṛṣṇāṣṭottaraśatanāmajape viniyogaḥ ||

oṃ śrīkṛṣṇaḥ kamalānātho vāsudevaḥ sanātanaḥ |

vasudevātmajaḥ puṇyo līlāmānuṣavigrahaḥ || 1 ||

śrīvatsakaustubhadharo yaśodāvatsalo hariḥ |

caturbhujāttacakrāsigadā śaṅkhādyudāyudhaḥ || 2 ||

devakīnandanaḥ śrīśo nandagopapriyātmajaḥ |

yamunāvegasaṃhārī balabhadrapriyānujaḥ || 3 ||

pūtanājīvitaharaḥ śakaṭāsurabhañjanaḥ |

nandavrajajanānandī saccidānandavigrahaḥ || 4 ||

navanītaviliptāṅgo navanītanaṭo'naghaḥ |

navanītanavāhāro mucukundaprasādakaḥ || 5 ||

ṣoḍaśastrī sahasreśa sribhaṅgi madhurākṛtiḥ |

śukavāgamṛtābdhīndurgovindo govidāmpatiḥ || 6 ||

vatsavāṭacaro'nanto dhenukāsurabhañjanaḥ |

tṛṇīkṛtatṛṇāvarto yamalārjunabhañjanaḥ || 7 ||

uttānatālabhettā ca tamālaśyāmalākṛtiḥ |

gopagopīśvaro yogī sūryakoṭisamaprabhaḥ || 8 ||

ilāpatiḥ parañjyotiryādavendro yadūdvahaḥ |

vanamālī pītavāsāḥ pārijātāpahārakaḥ || 9 ||

govardhanācaloddhartā gopālaḥ sarvapālakaḥ |

ajo nirañjanaḥ kāmajanakaḥ kañjalocanaḥ || 10 ||

madhuhā mathurānātho dvārakānāyako balī |

vṛndāvanāntasañcārī tulasīdāmabhūṣaṇaḥ || 11 ||

śyamantakamaṇerhartā naranārāyaṇātmakaḥ |

kubjākṛṣṇāmbaradharo māyī paramapūruṣaḥ || 12 ||

muṣṭikāsuracāṇūramahāyuddhaviśāradaḥ |

saṃsāravairī kaṃsārirmurārirnarakāntakaḥ || 13 ||

anādibrahmacārī ca kṛṣṇāvyasanakarṣakaḥ |

śiśupālaśiraśchettā duryodhanakulāntakaḥ || 14 ||

vidurākrūravarado viśvarūpapradarśakaḥ |

satyavāk satyasaṅkalpaḥ satyabhāmārato jayī || 15 ||

subhadrāpūrvajo viṣṇurbhīṣmamuktipradāyakaḥ |

jagadgururjagannātho veṇunādaviśāradaḥ || 16 ||

vṛṣabhāsuravidhvaṃsī bāṇāsurabalāntakaḥ |

yudhiṣṭhirapratiṣṭhātā barhibarhāvataṃsakaḥ || 17 ||

pārthasārathiravyakto gītāmṛtamahodadhiḥ |

kālīyaphaṇimāṇikyarañjitaśrīpadāmbujaḥ || 18 ||

dāmodaro yajñabhoktā dānavendravināśakaḥ |

nārāyaṇaḥ parambrahma pannagāśanavāhanaḥ || 19 ||

jalakrīḍāsamāsakta gopīvastrāpahārakaḥ |

puṇyaślokastīrthapādo vedavedyo dayānidhiḥ || 20 ||

sarvatīrthātmakaḥ sarvagraharupī parātparaḥ |

evaṃ śrīkṛṣṇadevasya nāmnāmaṣṭottaraṃ śatam || 21 ||

kṛṣṇanāmāmṛtaṃ nāma paramānandakārakam |

atyupadravadoṣaghnaṃ paramāyuṣyavardhanam || 22 ||

|| iti śrīnāradapañcarātre jñānāmṛtasāre caturtharātre umāmaheśvarasaṃvāde

dharaṇīśeṣasaṃvāde śrīkṛṣṇāṣṭottaraśatanāmastotraṃ sampūrṇam ||