Shri Kashi Vishvanatha Suprabhatam

ॐ

શ્રી કાશી વિશ્વનાથ સુપ્રાભાતમ્

Suprabhatam Gujarati

વિશ્વેશં માધવં ઢુણ્ઢિં દણ્ડપાણિં ચ ભૈરવમ્ ।

વન્દે કાશીં ગુહાં ગઙ્ગાં ભવાનીં મણિકર્ણિકામ્ ॥ 1 ॥

ઉત્તિષ્ઠ કાશિ ભગવાન્ પ્રભુવિશ્વનાથો

ગઙ્ગોર્મિ-સઙ્ગતિ-શુભૈઃ પરિભૂષિતોઽબ્જૈઃ ।

શ્રીઢુણ્ઢિ-ભૈરવ-મુખૈઃ સહિતાઽઽન્નપૂર્ણા

માતા ચ વાઞ્છતિ મુદા તવ સુપ્રભાતમ્ ॥ 2 ॥

બ્રહ્મા મુરારિસ્ત્રિપુરાન્તકારિઃ

ભાનુઃ શશી ભૂમિસુતો બુધશ્ચ ।

ગુરુશ્ચ શુક્રઃ શનિ-રાહુ-કેતવઃ

કુર્વન્તુ સર્વે ભુવિ સુપ્રભાતમ્ ॥ 3 ॥

વારાણસી-સ્થિત-ગજાનન-ઢુણ્ઢિરાજ

તાપત્રયાપહરણે પ્રથિત-પ્રભાવ ।

આનન્દ-કન્દલકુલ-પ્રસવૈકભૂમે

નિત્યં સમસ્ત-જગતઃ કુરુ સુપ્રભાતમ્ ॥ 4 ॥

બ્રહ્મદ્રવોપમિત-ગાઙ્ગ-પયઃ-પ્રવાહૈઃ

પુણ્યૈઃ સદૈવ પરિચુમ્બિત-પાદપદ્મે ।

મધ્યે-ઽખિલામરગણૈઃ પરિસેવ્યમાને

શ્રીકાશિકે કુરુ સદા ભુવિ સુપ્રભાતમ્ ॥ 5 ॥

પ્રત્નૈરસઙ્ખ્ય-મઠ-મન્દિર-તીર્થ-કુણ્ડ-

પ્રાસાદ-ઘટ્ટ-નિવહૈઃ વિદુષાં વરૈશ્ચ

આવર્જયસ્યખિલ-વિશ્વ-મનાંસિ નિત્યં

શ્રીકાશિકે કુરુ સદા ભુવિ સુપ્રભાતમ્ ॥ 6 ॥

કે વા નરા નુ સુધિયઃ કુધિયોઽધિયો વા

વાઞ્છન્તિ નાન્તસમયે શરણં ભવત્યાઃ ।

હે કોટિ-કોટિ-જન-મુક્તિ-વિધાન-દક્ષે

શ્રીકાશિકે કુરુ સદા ભુવિ સુપ્રભાતમ્ ॥ 7 ॥

યા દેવૈરસુરૈર્મુનીન્દ્રતનયૈર્ગન્ધર્વ-યક્ષોરગૈઃ

નાગૈર્ભૂતલવાસિભિર્દ્વિજવરૈસ્સંસેવિતા સિદ્ધયે ।

યા ગઙ્ગોત્તરવાહિની-પરિસરે તીર્થૈરસઙ્ખ્યૈર્વૃતા

સા કાશી ત્રિપુરારિરાજ-નગરી દેયાત્ સદા મઙ્ગલમ્ ॥ 8 ॥

તીર્થાનાં પ્રવરા મનોરથકરી સંસાર-પારાપરા

નન્દા-નન્દિ-ગણેશ્વરૈરુપહિતા દેવૈરશેષૈઃ-સ્તુતા ।

યા શમ્ભોર્મણિ-કુણ્ડલૈક-કણિકા વિષ્ણોસ્તપો-દીર્ઘિકા

સેયં શ્રીમણિકર્ણિકા ભગવતી દેયાત્ સદા મઙ્ગલમ્ ॥ 9 ॥

અભિનવ-બિસ-વલ્લી પાદ-પદ્મસ્ય વિષ્ણોઃ

મદન-મથન-મૌલેર્માલતી પુષ્પમાલા ।

જયતિ જય-પતાકા કાપ્યસૌ મોક્ષલક્ષ્મ્યાઃ

ક્ષપિત-કલિ-કલઙ્કા જાહ્નવી નઃ પુનાતુ ॥ 10 ॥

ગાઙ્ગં વારિ મનોહારિ મુરારિ-ચરણચ્યુતમ્ ।

ત્રિપુરારિ-શિરશ્ચારિ પાપહારિ પુનાતુ મામ્ ॥ 11 ॥

વિઘ્નાવાસ-નિવાસકારણ-મહાગણ્ડસ્થલાલમ્બિતઃ

સિન્દૂરારુણ-પુઞ્જ-ચન્દ્રકિરણ-પ્રચ્છાદિ-નાગચ્છવિઃ ।

શ્રીવિઘ્નેશ્વર-વલ્લભો ગિરિજયા સાનન્દમાનન્દિતઃ (પાઠભેદ વિશ્વેશ્વર)

સ્મેરાસ્યસ્તવ ઢુણ્ઢિરાજ-મુદિતો દેયાત્ સદા મઙ્ગલમ્ ॥ 12 ॥

કણ્ઠે યસ્ય લસત્કરાલ-ગરલં ગઙ્ગાજલં મસ્તકે

વામાઙ્ગે ગિરિરાજરાજ-તનયા જાયા ભવાની સતી ।

નન્દિ-સ્કન્દ-ગણાધિરાજ-સહિતઃ શ્રીવિશ્વનાથપ્રભુઃ

કાશી-મન્દિર-સંસ્થિતોઽખિલગુરુઃ દેયાત્ સદા મઙ્ગલમ્ ॥ 13 ॥

શ્રીવિશ્વનાથ કરુણામૃત-પૂર્ણ-સિન્ધો

શીતાંશુ-ખણ્ડ-સમલઙ્કૃત-ભવ્યચૂડ ।

ઉત્તિષ્ઠ વિશ્વજન-મઙ્ગલ-સાધનાય

નિત્યં સર્વજગતઃ કુરુ સુપ્રભાતમ્ ॥ 14 ॥

શ્રીવિશ્વનાથ વૃષભ-ધ્વજ વિશ્વવન્દ્ય

સૃષ્ટિ-સ્થિતિ-પ્રલય-કારક દેવદેવ ।

વાચામગોચર મહર્ષિ-નુતાઙ્ઘ્રિ-પદ્મ

વારાણસીપુરપતે કુરુ સુપ્રભાતમ્ ॥ 15 ॥

શ્રીવિશ્વનાથ ભવભઞ્જન દિવ્યભાવ

ગઙ્ગાધર પ્રમથ-વન્દિત સુન્દરાઙ્ગ ।

નાગેન્દ્ર-હાર નત-ભક્ત-ભયાપહાર

વારાણસીપુરપતે કુરુ સુપ્રભાતમ્ ॥ 16 ॥

શ્રીવિશ્વનાથ તવ પાદયુગં નમામિ

નિત્યં તવૈવ શિવ નામ હૃદા સ્મરામિ ।

વાચં તવૈવ યશસાઽનઘ ભૂષયામિ

વારાણસીપુરપતે કુરુ સુપ્રભાતમ્ ॥ 17 ॥

કાશી-નિવાસ-મુનિ-સેવિત-પાદ-પદ્મ

ગઙ્ગા-જલૌઘ-પરિષિક્ત-જટાકલાપ ।

અસ્યાખિલસ્ય જગતઃ સચરાચરસ્ય

વારાણસીપુરપતે કુરુ સુપ્રભાતમ્ ॥ 18 ॥

ગઙ્ગાધરાદ્રિતનયા-પ્રિય શાન્તમૂર્તે

વેદાન્ત-વેદ્ય સકલેશ્વર વિશ્વમૂર્તે ।

કૂટસ્થ નિત્ય નિખિલાગમ-ગીત-કીર્તે

વારાણસીપુરપતે કુરુ સુપ્રભાતમ્ ॥ 19 ॥

વિશ્વં સમસ્તમિદમદ્ય ઘનાન્ધકારે

મોહાત્મકે નિપતિતં જડતામુપેતમ્ ।

ભાસા વિભાસ્ય પરયા તદમોઘ-શક્તે

વારાણસીપુરપતે કુરુ સુપ્રભાતમ્ ॥ 20 ॥

સૂનુઃ સમસ્ત-જન-વિઘ્ન-વિનાશ-દક્ષો

ભાર્યાઽન્નદાન-નિરતા-ઽવિરતં જનેભ્યઃ ।

ખ્યાતઃ સ્વયં ચ શિવકૃત્ સકલાર્થિ-ભાજાં

વારાણસીપુરપતે કુરુ સુપ્રભાતમ્ ॥ 21 ॥

યે નો નમન્તિ ન જપન્તિ ન ચામનન્તિ

નો વા લપન્તિ વિલપન્તિ નિવેદયન્તિ ।

તેષામબોધ-શિશુ-તુલ્ય-ધિયાં નરાણાં

વારાણસીપુરપતે કુરુ સુપ્રભાતમ્ ॥ 22 ॥

શ્રીકણ્ઠ કણ્ઠ-ધૃત-પન્નગ નીલકણ્ઠ

સોત્કણ્ઠ-ભક્ત-નિવહોપહિતોપ-કણ્ઠ ।

ભસ્માઙ્ગરાગ-પરિશોભિત-સર્વદેહ

વારાણસીપુરપતે કુરુ સુપ્રભાતમ્ ॥ 23 ॥

શ્રીપાર્વતી-હૃદય-વલ્લભ પઞ્ચ-વક્ત્ર

શ્રીનીલ-કણ્ઠ નૃ-કપાલ-કલાપ-માલ ।

શ્રીવિશ્વનાથ મૃદુ-પઙ્કજ-મઞ્જુ-પાદ

વારાણસીપુરપતે કુરુ સુપ્રભાતમ્ ॥ 24 ॥

દુગ્ધ-પ્રવાહ-કમનીય-તરઙ્ગ-ભઙ્ગે

પુણ્ય-પ્રવાહ-પરિપાવિત-ભક્ત-સઙ્ગે ।

નિત્યં તપસ્વિ-જન-સેવિત-પાદ-પદ્મે

ગઙ્ગે શરણ્ય-શિવદે કુરુ સુપ્રભાતમ્ ॥ 25 ॥

સાનન્દમાનન્દ-વને વસન્તં આનન્દ-કન્દં હત-પાપ-વૃન્દમ્ ।

વારાણસી-નાથમનાથ-નાથં શ્રીવિશ્વનાથં શરણં પ્રપદ્યે ॥ 26 ॥

ઇતિ શ્રીકાશીવિશ્વનાથસુપ્રભાતં સમ્પૂર્ણમ્ ।

Roman (IAST) Transliteration

viśveśaṃ mādhavaṃ ḍhuṇḍhiṃ daṇḍapāṇiṃ ca bhairavam |

vande kāśīṃ guhāṃ gaṅgāṃ bhavānīṃ maṇikarṇikām || 1 ||

uttiṣṭha kāśi bhagavān prabhuviśvanātho

gaṅgormi-saṅgati-śubhaiḥ paribhūṣito'bjaiḥ |

śrīḍhuṇḍhi-bhairava-mukhaiḥ sahitā''nnapūrṇā

mātā ca vāñchati mudā tava suprabhātam || 2 ||

brahmā murāristripurāntakāriḥ

bhānuḥ śaśī bhūmisuto budhaśca |

guruśca śukraḥ śani-rāhu-ketavaḥ

kurvantu sarve bhuvi suprabhātam || 3 ||

vārāṇasī-sthita-gajānana-ḍhuṇḍhirāja

tāpatrayāpaharaṇe prathita-prabhāva |

ānanda-kandalakula-prasavaikabhūme

nityaṃ samasta-jagataḥ kuru suprabhātam || 4 ||

brahmadravopamita-gāṅga-payaḥ-pravāhaiḥ

puṇyaiḥ sadaiva paricumbita-pādapadme |

madhye-'khilāmaragaṇaiḥ parisevyamāne

śrīkāśike kuru sadā bhuvi suprabhātam || 5 ||

pratnairasaṅkhya-maṭha-mandira-tīrtha-kuṇḍa-

prāsāda-ghaṭṭa-nivahaiḥ viduṣāṃ varaiśca

āvarjayasyakhila-viśva-manāṃsi nityaṃ

śrīkāśike kuru sadā bhuvi suprabhātam || 6 ||

ke vā narā nu sudhiyaḥ kudhiyo'dhiyo vā

vāñchanti nāntasamaye śaraṇaṃ bhavatyāḥ |

he koṭi-koṭi-jana-mukti-vidhāna-dakṣe

śrīkāśike kuru sadā bhuvi suprabhātam || 7 ||

yā devairasurairmunīndratanayairgandharva-yakṣoragaiḥ

nāgairbhūtalavāsibhirdvijavaraissaṃsevitā siddhaye |

yā gaṅgottaravāhinī-parisare tīrthairasaṅkhyairvṛtā

sā kāśī tripurārirāja-nagarī deyāt sadā maṅgalam || 8 ||

tīrthānāṃ pravarā manorathakarī saṃsāra-pārāparā

nandā-nandi-gaṇeśvarairupahitā devairaśeṣaiḥ-stutā |

yā śambhormaṇi-kuṇḍalaika-kaṇikā viṣṇostapo-dīrghikā

seyaṃ śrīmaṇikarṇikā bhagavatī deyāt sadā maṅgalam || 9 ||

abhinava-bisa-vallī pāda-padmasya viṣṇoḥ

madana-mathana-maulermālatī puṣpamālā |

jayati jaya-patākā kāpyasau mokṣalakṣmyāḥ

kṣapita-kali-kalaṅkā jāhnavī naḥ punātu || 10 ||

gāṅgaṃ vāri manohāri murāri-caraṇacyutam |

tripurāri-śiraścāri pāpahāri punātu mām || 11 ||

vighnāvāsa-nivāsakāraṇa-mahāgaṇḍasthalālambitaḥ

sindūrāruṇa-puñja-candrakiraṇa-pracchādi-nāgacchaviḥ |

śrīvighneśvara-vallabho girijayā sānandamānanditaḥ (pāṭhabheda viśveśvara)

smerāsyastava ḍhuṇḍhirāja-mudito deyāt sadā maṅgalam || 12 ||

kaṇṭhe yasya lasatkarāla-garalaṃ gaṅgājalaṃ mastake

vāmāṅge girirājarāja-tanayā jāyā bhavānī satī |

nandi-skanda-gaṇādhirāja-sahitaḥ śrīviśvanāthaprabhuḥ

kāśī-mandira-saṃsthito'khilaguruḥ deyāt sadā maṅgalam || 13 ||

śrīviśvanātha karuṇāmṛta-pūrṇa-sindho

śītāṃśu-khaṇḍa-samalaṅkṛta-bhavyacūḍa |

uttiṣṭha viśvajana-maṅgala-sādhanāya

nityaṃ sarvajagataḥ kuru suprabhātam || 14 ||

śrīviśvanātha vṛṣabha-dhvaja viśvavandya

sṛṣṭi-sthiti-pralaya-kāraka devadeva |

vācāmagocara maharṣi-nutāṅghri-padma

vārāṇasīpurapate kuru suprabhātam || 15 ||

śrīviśvanātha bhavabhañjana divyabhāva

gaṅgādhara pramatha-vandita sundarāṅga |

nāgendra-hāra nata-bhakta-bhayāpahāra

vārāṇasīpurapate kuru suprabhātam || 16 ||

śrīviśvanātha tava pādayugaṃ namāmi

nityaṃ tavaiva śiva nāma hṛdā smarāmi |

vācaṃ tavaiva yaśasā'nagha bhūṣayāmi

vārāṇasīpurapate kuru suprabhātam || 17 ||

kāśī-nivāsa-muni-sevita-pāda-padma

gaṅgā-jalaugha-pariṣikta-jaṭākalāpa |

asyākhilasya jagataḥ sacarācarasya

vārāṇasīpurapate kuru suprabhātam || 18 ||

gaṅgādharādritanayā-priya śāntamūrte

vedānta-vedya sakaleśvara viśvamūrte |

kūṭastha nitya nikhilāgama-gīta-kīrte

vārāṇasīpurapate kuru suprabhātam || 19 ||

viśvaṃ samastamidamadya ghanāndhakāre

mohātmake nipatitaṃ jaḍatāmupetam |

bhāsā vibhāsya parayā tadamogha-śakte

vārāṇasīpurapate kuru suprabhātam || 20 ||

sūnuḥ samasta-jana-vighna-vināśa-dakṣo

bhāryā'nnadāna-niratā-'virataṃ janebhyaḥ |

khyātaḥ svayaṃ ca śivakṛt sakalārthi-bhājāṃ

vārāṇasīpurapate kuru suprabhātam || 21 ||

ye no namanti na japanti na cāmananti

no vā lapanti vilapanti nivedayanti |

teṣāmabodha-śiśu-tulya-dhiyāṃ narāṇāṃ

vārāṇasīpurapate kuru suprabhātam || 22 ||

śrīkaṇṭha kaṇṭha-dhṛta-pannaga nīlakaṇṭha

sotkaṇṭha-bhakta-nivahopahitopa-kaṇṭha |

bhasmāṅgarāga-pariśobhita-sarvadeha

vārāṇasīpurapate kuru suprabhātam || 23 ||

śrīpārvatī-hṛdaya-vallabha pañca-vaktra

śrīnīla-kaṇṭha nṛ-kapāla-kalāpa-māla |

śrīviśvanātha mṛdu-paṅkaja-mañju-pāda

vārāṇasīpurapate kuru suprabhātam || 24 ||

dugdha-pravāha-kamanīya-taraṅga-bhaṅge

puṇya-pravāha-paripāvita-bhakta-saṅge |

nityaṃ tapasvi-jana-sevita-pāda-padme

gaṅge śaraṇya-śivade kuru suprabhātam || 25 ||

sānandamānanda-vane vasantaṃ ānanda-kandaṃ hata-pāpa-vṛndam |

vārāṇasī-nāthamanātha-nāthaṃ śrīviśvanāthaṃ śaraṇaṃ prapadye || 26 ||

iti śrīkāśīviśvanāthasuprabhātaṃ sampūrṇam |