📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
શ્રી દુર્ગા અથર્વશીર્ષમ્
Shri Durga Atharvashirsham
Durga Gujarati
ૐ સર્વે વૈ દેવા દેવીમુપતસ્થુઃ કાસિ ત્વ-મ્મહાદેવીતિ ॥ 1 ॥
સા-ઽબ્રવીદહ-મ્બ્રહ્મસ્વરૂપિણી ।
મત્તઃ પ્રકૃતિપુરુષાત્મક-ઞ્જગત્ ।
શૂન્ય-ઞ્ચાશૂન્ય-ઞ્ચ ॥ 2 ॥
અહમાનન્દાનાનન્દૌ ।
અહં-વિઁજ્ઞાનાવિજ્ઞાને ।
અહ-મ્બ્રહ્માબ્રહ્મણિ વેદિતવ્યે ।
અહ-મ્પઞ્ચભૂતાન્યપઞ્ચભૂતાનિ ।
અહમખિલ-ઞ્જગત્ ॥ 3 ॥
વેદો-ઽહમવેદો-ઽહમ્ ।
વિદ્યા-ઽહમવિદ્યા-ઽહમ્ ।
અજા-ઽહમનજા-ઽહમ્ ।
અધશ્ચોર્ધ્વ-ઞ્ચ તિર્યક્ચાહમ્ ॥ 4 ॥
અહં રુદ્રેભિર્વસુભિશ્ચરામિ ।
અહમાદિત્યૈરુત વિશ્વદેવૈઃ ।
અહ-મ્મિત્રાવરુણાવુભૌ બિભર્મિ ।
અહમિન્દ્રાગ્ની અહમશ્વિનાવુભૌ ॥ 5 ॥
અહં સોમ-ન્ત્વષ્ટાર-મ્પૂષણ-મ્ભગ-ન્દધામિ ।
અહં-વિઁષ્ણુમુરુક્રમ-મ્બ્રહ્માણમુત પ્રજાપતિ-ન્દધામિ ॥ 6 ॥
અ॒હ-ન્દ॑ધામિ॒ દ્રવિ॑ણં હ॒વિષ્મ॑તે સુપ્રા॒વ્યે॒3 યજ॑માનાય સુન્વ॒તે ।
અ॒હં રાષ્ટ્રી॑ સ॒ઙ્ગમ॑ની॒ વસૂ॑ના-ઞ્ચિકિ॒તુષી॑ પ્રથ॒મા ય॒જ્ઞિયા॑નામ્ ।
અ॒હં સુ॑વે પિ॒તર॑મસ્ય મૂ॒ર્ધન્મમ॒ યોનિ॑ર॒પ્સ્વન્ત-સ્સ॑મુ॒દ્રે ।
ય એવં-વેઁદ । સ દેવીં સમ્પદમાપ્નોતિ ॥ 7 ॥
તે દેવા અબ્રુવન્ –
નમો દેવ્યૈ મહાદેવ્યૈ શિવાયૈ સતત-ન્નમઃ ।
નમઃ પ્રકૃત્યૈ ભદ્રાયૈ નિયતાઃ પ્રણતા-સ્સ્મ તામ્ ॥ 8 ॥
તામ॒ગ્નિવ॑ર્ણા॒-ન્તપ॑સા જ્વલ॒ન્તીં-વૈઁ॑રોચ॒ની-ઙ્ક॑ર્મફ॒લેષુ॒ જુષ્ટા᳚મ્ ।
દુ॒ર્ગા-ન્દે॒વીં શર॑ણ-મ્પ્રપ॑દ્યામહે-ઽસુરાન્નાશયિત્ર્યૈ તે નમઃ ॥ 9 ॥
(ઋ.વે.8.100.11)
દે॒વીં-વાઁચ॑મજનયન્ત દે॒વાસ્તાં-વિઁ॒શ્વરૂ॑પાઃ પ॒શવો॑ વદન્તિ ।
સા નો॑ મ॒ન્દ્રેષ॒મૂર્જ॒-ન્દુહા॑ના ધે॒નુર્વાગ॒સ્માનુપ॒ સુષ્ટુ॒તૈતુ॑ ॥ 10 ॥
કાલરાત્રી-મ્બ્રહ્મસ્તુતાં-વૈઁષ્ણવીં સ્કન્દમાતરમ્ ।
સરસ્વતીમદિતિ-ન્દક્ષદુહિતર-ન્નમામઃ પાવનાં શિવામ્ ॥ 11 ॥
મહાલક્ષ્મ્યૈ ચ વિદ્મહે સર્વશક્ત્યૈ ચ ધીમહિ ।
તન્નો દેવી પ્રચોદયાત્ ॥ 12 ॥
અદિતિર્​હ્યજનિષ્ટ દક્ષ યા દુહિતા તવ ।
તા-ન્દેવા અન્વજાયન્ત ભદ્રા અમૃતબન્ધવઃ ॥ 13 ॥
કામો યોનિઃ કમલા વજ્રપાણિ-
ર્ગુહા હસા માતરિશ્વાભ્રમિન્દ્રઃ ।
પુનર્ગુહા સકલા માયયા ચ
પુરૂચ્યૈષા વિશ્વમાતાદિવિદ્યોમ્ ॥ 14 ॥
એષા-ઽઽત્મશક્તિઃ ।
એષા વિશ્વમોહિની ।
પાશાઙ્કુશધનુર્બાણધરા ।
એષા શ્રીમહાવિદ્યા ।
ય એવં-વેઁદ સ શોક-ન્તરતિ ॥ 15 ॥
નમસ્તે અસ્તુ ભગવતિ માતરસ્માન્પાહિ સર્વતઃ ॥ 16 ॥
સૈષાષ્ટૌ વસવઃ ।
સૈષૈકાદશ રુદ્રાઃ ।
સૈષા દ્વાદશાદિત્યાઃ ।
સૈષા વિશ્વેદેવા-સ્સોમપા અસોમપાશ્ચ ।
સૈષા યાતુધાના અસુરા રક્ષાંસિ પિશાચા યક્ષા સિદ્ધાઃ ।
સૈષા સત્ત્વરજસ્તમાંસિ ।
સૈષા બ્રહ્મવિષ્ણુરુદ્રરૂપિણી ।
સૈષા પ્રજાપતીન્દ્રમનવઃ ।
સૈષા ગ્રહનક્ષત્રજ્યોતીંષિ । કલાકાષ્ઠાદિકાલરૂપિણી ।
તામહ-મ્પ્રણૌમિ નિત્યમ્ ।
પાપાપહારિણી-ન્દેવી-મ્ભુક્તિમુક્તિપ્રદાયિનીમ્ ।
અનન્તાં-વિઁજયાં શુદ્ધાં શરણ્યાં શિવદાં શિવામ્ ॥ 17 ॥
વિયદીકારસં​યુઁક્તં-વીઁતિહોત્રસમન્વિતમ્ ।
અર્ધેન્દુલસિત-ન્દેવ્યા બીજં સર્વાર્થસાધકમ્ ॥ 18 ॥
એવમેકાક્ષર-મ્બ્રહ્મ યતય-શ્શુદ્ધચેતસઃ ।
ધ્યાયન્તિ પરમાનન્દમયા જ્ઞાનામ્બુરાશયઃ ॥ 19 ॥
વાઙ્માયા બ્રહ્મસૂસ્તસ્મા-થ્ષષ્ઠં-વઁક્ત્રસમન્વિતમ્ ।
સૂર્યો-ઽવામશ્રોત્રબિન્દુસં​યુઁક્તષ્ટાત્તૃતીયકઃ ।
નારાયણેન સમ્મિશ્રો વાયુશ્ચાધરયુક્તતઃ ।
વિચ્ચે નવાર્ણકો-ઽર્ણ-સ્સ્યાન્મહદાનન્દદાયકઃ ॥ 20 ॥
હૃત્પુણ્ડરીકમધ્યસ્થા-મ્પ્રાતસ્સૂર્યસમપ્રભામ્ ।
પાશાઙ્કુશધરાં સૌમ્યાં-વઁરદાભયહસ્તકામ્ ।
ત્રિનેત્રાં રક્તવસના-મ્ભક્તકામદુઘા-મ્ભજે ॥ 21 ॥
નમામિ ત્વા-મ્મહાદેવી-મ્મહાભયવિનાશિનીમ્ ।
મહાદુર્ગપ્રશમની-મ્મહાકારુણ્યરૂપિણીમ્ ॥ 22 ॥
યસ્યા-સ્સ્વરૂપ-મ્બ્રહ્માદયો ન જાનન્તિ તસ્માદુચ્યતે અજ્ઞેયા ।
યસ્યા અન્તો ન લભ્યતે તસ્માદુચ્યતે અનન્તા ।
યસ્યા લક્ષ્ય-ન્નોપલક્ષ્યતે તસ્માદુચ્યતે અલક્ષ્યા ।
યસ્યા જનન-ન્નોપલભ્યતે તસ્માદુચ્યતે અજા ।
એકૈવ સર્વત્ર વર્તતે તસ્માદુચ્યતે એકા ।
એકૈવ વિશ્વરૂપિણી તસ્માદુચ્યતે નૈકા ।
અત એવોચ્યતે અજ્ઞેયાનન્તાલક્ષ્યાજૈકા નૈકેતિ ॥ 23 ॥
મન્ત્રાણા-મ્માતૃકા દેવી શબ્દાના-ઞ્જ્ઞાનરૂપિણી ।
જ્ઞાનાના-ઞ્ચિન્મયાતીતા શૂન્યાનાં શૂન્યસાક્ષિણી ।
યસ્યાઃ પરતર-ન્નાસ્તિ સૈષા દુર્ગા પ્રકીર્તિતા ॥ 24 ॥
તા-ન્દુર્ગા-ન્દુર્ગમા-ન્દેવી-ન્દુરાચારવિઘાતિનીમ્ ।
નમામિ ભવભીતો-ઽહં સંસારાર્ણવતારિણીમ્ ॥ 25 ॥
ઇદમથર્વશીર્​ષં-યોઁ-ઽધીતે સ પઞ્ચાથર્વશીર્​ષજપફલમાપ્નોતિ ।
ઇદમથર્વશીર્​ષમજ્ઞાત્વા યો-ઽર્ચાં સ્થાપયતિ ।
શતલક્ષ-મ્પ્રજપ્ત્વા-ઽપિ સો-ઽર્ચાસિદ્ધિ-ન્ન વિન્દતિ ।
શતમષ્ટોત્તર-ઞ્ચાસ્ય પુરશ્ચર્યાવિધિ-સ્સ્મૃતઃ ।
દશવાર-મ્પઠેદ્યસ્તુ સદ્યઃ પાપૈઃ પ્રમુચ્યતે ।
મહાદુર્ગાણિ તરતિ મહાદેવ્યાઃ પ્રસાદતઃ । 26 ॥
સાયમધીયાનો દિવસકૃત-મ્પાપ-ન્નાશયતિ ।
પ્રાતરધીયાનો રાત્રિકૃત-મ્પાપ-ન્નાશયતિ ।
સાય-મ્પ્રાતઃ પ્રયુઞ્જાનો અપાપો ભવતિ ।
નિશીથે તુરીયસન્ધ્યાયા-ઞ્જપ્ત્વા વાક્સિદ્ધિર્ભવતિ ।
નૂતનાયા-મ્પ્રતિમાયા-ઞ્જપ્ત્વા દેવતાસાન્નિધ્ય-મ્ભવતિ ।
પ્રાણપ્રતિષ્ઠાયા-ઞ્જપ્ત્વા પ્રાણાના-મ્પ્રતિષ્ઠા ભવતિ ।
ભૌમાશ્વિન્યા-મ્મહાદેવીસન્નિધૌ જપ્ત્વા મહામૃત્યુ-ન્તરતિ ।
સ મહામૃત્યુ-ન્તરતિ ।
ય એવં-વેઁદ ।
ઇત્યુપનિષત્ ॥ 27 ॥
ઇતિ દેવ્યથર્વશીર્​ષમ્ ।
Roman (IAST) Transliteration
oṃ sarve vai devā devīmupatasthuḥ kāsi tva-mmahādevīti || 1 ||
sā-'bravīdaha-mbrahmasvarūpiṇī |
mattaḥ prakṛtipuruṣātmaka-ñjagat |
śūnya-ñcāśūnya-ñca || 2 ||
ahamānandānānandau |
ahaṃ-vi~jñānāvijñāne |
aha-mbrahmābrahmaṇi veditavye |
aha-mpañcabhūtānyapañcabhūtāni |
ahamakhila-ñjagat || 3 ||
vedo-'hamavedo-'ham |
vidyā-'hamavidyā-'ham |
ajā-'hamanajā-'ham |
adhaścordhva-ñca tiryakcāham || 4 ||
ahaṃ rudrebhirvasubhiścarāmi |
ahamādityairuta viśvadevaiḥ |
aha-mmitrāvaruṇāvubhau bibharmi |
ahamindrāgnī ahamaśvināvubhau || 5 ||
ahaṃ soma-ntvaṣṭāra-mpūṣaṇa-mbhaga-ndadhāmi |
ahaṃ-vi~ṣṇumurukrama-mbrahmāṇamuta prajāpati-ndadhāmi || 6 ||
a॒ha-nda̭dhāmi॒ dravi̭ṇaṃ ha॒viṣma̭te suprā॒vye॒3 yaja̭mānāya sunva॒te |
a॒haṃ rāṣṭrī̭ sa॒ṅgama̭nī॒ vasṷ̄nā-ñciki॒tuṣī̭ pratha॒mā ya॒jñiyā̭nām |
a॒haṃ sṷve pi॒tara̭masya mū॒rdhanmama॒ yoni̭ra॒psvanta-ssa̭mu॒dre |
ya evaṃ-ve~da | sa devīṃ sampadamāpnoti || 7 ||
te devā abruvan –
namo devyai mahādevyai śivāyai satata-nnamaḥ |
namaḥ prakṛtyai bhadrāyai niyatāḥ praṇatā-ssma tām || 8 ||
tāma॒gniva̭rṇā॒-ntapa̭sā jvala॒ntīṃ-vai~̭roca॒nī-ṅka̭rmapha॒leṣu॒ juṣṭā᳚m |
du॒rgā-nde॒vīṃ śara̭ṇa-mprapa̭dyāmahe-'surānnāśayitryai te namaḥ || 9 ||
(ṛ.ve.8.100.11)
de॒vīṃ-vā~ca̭majanayanta de॒vāstāṃ-vi~॒śvarṷ̄pāḥ pa॒śavo̭ vadanti |
sā no̭ ma॒ndreṣa॒mūrja॒-nduhā̭nā dhe॒nurvāga॒smānupa॒ suṣṭu॒taitṷ || 10 ||
kālarātrī-mbrahmastutāṃ-vai~ṣṇavīṃ skandamātaram |
sarasvatīmaditi-ndakṣaduhitara-nnamāmaḥ pāvanāṃ śivām || 11 ||
mahālakṣmyai ca vidmahe sarvaśaktyai ca dhīmahi |
tanno devī pracodayāt || 12 ||
aditir​hyajaniṣṭa dakṣa yā duhitā tava |
tā-ndevā anvajāyanta bhadrā amṛtabandhavaḥ || 13 ||
kāmo yoniḥ kamalā vajrapāṇi-
rguhā hasā mātariśvābhramindraḥ |
punarguhā sakalā māyayā ca
purūcyaiṣā viśvamātādividyom || 14 ||
eṣā-''tmaśaktiḥ |
eṣā viśvamohinī |
pāśāṅkuśadhanurbāṇadharā |
eṣā śrīmahāvidyā |
ya evaṃ-ve~da sa śoka-ntarati || 15 ||
namaste astu bhagavati mātarasmānpāhi sarvataḥ || 16 ||
saiṣāṣṭau vasavaḥ |
saiṣaikādaśa rudrāḥ |
saiṣā dvādaśādityāḥ |
saiṣā viśvedevā-ssomapā asomapāśca |
saiṣā yātudhānā asurā rakṣāṃsi piśācā yakṣā siddhāḥ |
saiṣā sattvarajastamāṃsi |
saiṣā brahmaviṣṇurudrarūpiṇī |
saiṣā prajāpatīndramanavaḥ |
saiṣā grahanakṣatrajyotīṃṣi | kalākāṣṭhādikālarūpiṇī |
tāmaha-mpraṇaumi nityam |
pāpāpahāriṇī-ndevī-mbhuktimuktipradāyinīm |
anantāṃ-vi~jayāṃ śuddhāṃ śaraṇyāṃ śivadāṃ śivām || 17 ||
viyadīkārasaṃ​yu~ktaṃ-vī~tihotrasamanvitam |
ardhendulasita-ndevyā bījaṃ sarvārthasādhakam || 18 ||
evamekākṣara-mbrahma yataya-śśuddhacetasaḥ |
dhyāyanti paramānandamayā jñānāmburāśayaḥ || 19 ||
vāṅmāyā brahmasūstasmā-thṣaṣṭhaṃ-va~ktrasamanvitam |
sūryo-'vāmaśrotrabindusaṃ​yu~ktaṣṭāttṛtīyakaḥ |
nārāyaṇena sammiśro vāyuścādharayuktataḥ |
vicce navārṇako-'rṇa-ssyānmahadānandadāyakaḥ || 20 ||
hṛtpuṇḍarīkamadhyasthā-mprātassūryasamaprabhām |
pāśāṅkuśadharāṃ saumyāṃ-va~radābhayahastakām |
trinetrāṃ raktavasanā-mbhaktakāmadughā-mbhaje || 21 ||
namāmi tvā-mmahādevī-mmahābhayavināśinīm |
mahādurgapraśamanī-mmahākāruṇyarūpiṇīm || 22 ||
yasyā-ssvarūpa-mbrahmādayo na jānanti tasmāducyate ajñeyā |
yasyā anto na labhyate tasmāducyate anantā |
yasyā lakṣya-nnopalakṣyate tasmāducyate alakṣyā |
yasyā janana-nnopalabhyate tasmāducyate ajā |
ekaiva sarvatra vartate tasmāducyate ekā |
ekaiva viśvarūpiṇī tasmāducyate naikā |
ata evocyate ajñeyānantālakṣyājaikā naiketi || 23 ||
mantrāṇā-mmātṛkā devī śabdānā-ñjñānarūpiṇī |
jñānānā-ñcinmayātītā śūnyānāṃ śūnyasākṣiṇī |
yasyāḥ paratara-nnāsti saiṣā durgā prakīrtitā || 24 ||
tā-ndurgā-ndurgamā-ndevī-ndurācāravighātinīm |
namāmi bhavabhīto-'haṃ saṃsārārṇavatāriṇīm || 25 ||
idamatharvaśīr​ṣaṃ-yo~-'dhīte sa pañcātharvaśīr​ṣajapaphalamāpnoti |
idamatharvaśīr​ṣamajñātvā yo-'rcāṃ sthāpayati |
śatalakṣa-mprajaptvā-'pi so-'rcāsiddhi-nna vindati |
śatamaṣṭottara-ñcāsya puraścaryāvidhi-ssmṛtaḥ |
daśavāra-mpaṭhedyastu sadyaḥ pāpaiḥ pramucyate |
mahādurgāṇi tarati mahādevyāḥ prasādataḥ | 26 ||
sāyamadhīyāno divasakṛta-mpāpa-nnāśayati |
prātaradhīyāno rātrikṛta-mpāpa-nnāśayati |
sāya-mprātaḥ prayuñjāno apāpo bhavati |
niśīthe turīyasandhyāyā-ñjaptvā vāksiddhirbhavati |
nūtanāyā-mpratimāyā-ñjaptvā devatāsānnidhya-mbhavati |
prāṇapratiṣṭhāyā-ñjaptvā prāṇānā-mpratiṣṭhā bhavati |
bhaumāśvinyā-mmahādevīsannidhau japtvā mahāmṛtyu-ntarati |
sa mahāmṛtyu-ntarati |
ya evaṃ-ve~da |
ityupaniṣat || 27 ||
iti devyatharvaśīr​ṣam |
InfoLyter.in — Sacred Vedic Knowledge Portal · Free forever