Shri Dattatreya Stotram

ॐ

શ્રિ દત્તાત્રેય સ્તોત્રમ્

Dattatreya Stotram Gujarati

જટાધરં પાણ્ડુરાઙ્ગં શૂલહસ્તં કૃપાનિધિમ્ ।

સર્વરોગહરં દેવં દત્તાત્રેયમહં ભજે ॥ 1 ॥

અસ્ય શ્રીદત્તાત્રેયસ્તોત્રમન્ત્રસ્ય ભગવાન્નારદૃષિઃ । અનુષ્ટુપ્ છન્દઃ । શ્રીદત્તઃ પરમાત્મા દેવતા । શ્રીદત્તાત્રેય પ્રીત્યર્થે જપે વિનિયોગઃ ॥

નારદ ઉવાચ ।

જગદુત્પત્તિકર્ત્રે ચ સ્થિતિસંહારહેતવે ।

ભવપાશવિમુક્તાય દત્તાત્રેય નમોઽસ્તુ તે ॥ 1 ॥

જરાજન્મવિનાશાય દેહશુદ્ધિકરાય ચ ।

દિગમ્બર દયામૂર્તે દત્તાત્રેય નમોઽસ્તુ તે ॥ 2 ॥

કર્પૂરકાન્તિદેહાય બ્રહ્મમૂર્તિધરાય ચ ।

વેદશાસ્ત્રપરિજ્ઞાય દત્તાત્રેય નમોઽસ્તુ તે ॥ 3 ॥

હ્રસ્વદીર્ઘકૃશસ્થૂલનામગોત્રવિવર્જિત ।

પઞ્ચભૂતૈકદીપ્તાય દત્તાત્રેય નમોઽસ્તુ તે ॥ 4 ॥

યજ્ઞભોક્તે ચ યજ્ઞાય યજ્ઞરૂપધરાય ચ ।

યજ્ઞપ્રિયાય સિદ્ધાય દત્તાત્રેય નમોઽસ્તુ તે ॥ 5 ॥

આદૌ બ્રહ્મા હરિર્મધ્યે હ્યન્તે દેવસ્સદાશિવઃ ।

મૂર્તિત્રયસ્વરૂપાય દત્તાત્રેય નમોઽસ્તુ તે ॥ 6 ॥

ભોગાલયાય ભોગાય યોગયોગ્યાય ધારિણે ।

જિતેન્દ્રિય જિતજ્ઞાય દત્તાત્રેય નમોઽસ્તુ તે ॥ 7 ॥

દિગમ્બરાય દિવ્યાય દિવ્યરૂપધરાય ચ ।

સદોદિતપરબ્રહ્મ દત્તાત્રેય નમોઽસ્તુ તે ॥ 8 ॥

જમ્બૂદ્વીપે મહાક્ષેત્રે માતાપુરનિવાસિને ।

જયમાન સતાં દેવ દત્તાત્રેય નમોઽસ્તુ તે ॥ 9 ॥

ભિક્ષાટનં ગૃહે ગ્રામે પાત્રં હેમમયં કરે ।

નાનાસ્વાદમયી ભિક્ષા દત્તાત્રેય નમોઽસ્તુ તે ॥ 10 ॥

બ્રહ્મજ્ઞાનમયી મુદ્રા વસ્ત્રે ચાકાશભૂતલે ।

પ્રજ્ઞાનઘનબોધાય દત્તાત્રેય નમોઽસ્તુ તે ॥ 11 ॥

અવધૂત સદાનન્દ પરબ્રહ્મસ્વરૂપિણે ।

વિદેહદેહરૂપાય દત્તાત્રેય નમોઽસ્તુ તે ॥ 12 ॥

સત્યરૂપ સદાચાર સત્યધર્મપરાયણ ।

સત્યાશ્રયપરોક્ષાય દત્તાત્રેય નમોઽસ્તુ તે ॥ 13 ॥

શૂલહસ્તગદાપાણે વનમાલાસુકન્ધર ।

યજ્ઞસૂત્રધર બ્રહ્મન્ દત્તાત્રેય નમોઽસ્તુ તે ॥ 14 ॥

ક્ષરાક્ષરસ્વરૂપાય પરાત્પરતરાય ચ ।

દત્તમુક્તિપરસ્તોત્ર દત્તાત્રેય નમોઽસ્તુ તે ॥ 15 ॥

દત્ત વિદ્યાઢ્ય લક્ષ્મીશ દત્ત સ્વાત્મસ્વરૂપિણે ।

ગુણનિર્ગુણરૂપાય દત્તાત્રેય નમોઽસ્તુ તે ॥ 16 ॥

શત્રુનાશકરં સ્તોત્રં જ્ઞાનવિજ્ઞાનદાયકમ્ ।

સર્વપાપં શમં યાતિ દત્તાત્રેય નમોઽસ્તુ તે ॥ 17 ॥

ઇદં સ્તોત્રં મહદ્દિવ્યં દત્તપ્રત્યક્ષકારકમ્ ।

દત્તાત્રેયપ્રસાદાચ્ચ નારદેન પ્રકીર્તિતમ્ ॥ 18 ॥

ઇતિ શ્રીનારદપુરાણે નારદવિરચિતં શ્રી દત્તાત્રેય સ્તોત્રમ્ ।

Roman (IAST) Transliteration

jaṭādharaṃ pāṇḍurāṅgaṃ śūlahastaṃ kṛpānidhim |

sarvarogaharaṃ devaṃ dattātreyamahaṃ bhaje || 1 ||

asya śrīdattātreyastotramantrasya bhagavānnāradṛṣiḥ | anuṣṭup chandaḥ | śrīdattaḥ paramātmā devatā | śrīdattātreya prītyarthe jape viniyogaḥ ||

nārada uvāca |

jagadutpattikartre ca sthitisaṃhārahetave |

bhavapāśavimuktāya dattātreya namo'stu te || 1 ||

jarājanmavināśāya dehaśuddhikarāya ca |

digambara dayāmūrte dattātreya namo'stu te || 2 ||

karpūrakāntidehāya brahmamūrtidharāya ca |

vedaśāstraparijñāya dattātreya namo'stu te || 3 ||

hrasvadīrghakṛśasthūlanāmagotravivarjita |

pañcabhūtaikadīptāya dattātreya namo'stu te || 4 ||

yajñabhokte ca yajñāya yajñarūpadharāya ca |

yajñapriyāya siddhāya dattātreya namo'stu te || 5 ||

ādau brahmā harirmadhye hyante devassadāśivaḥ |

mūrtitrayasvarūpāya dattātreya namo'stu te || 6 ||

bhogālayāya bhogāya yogayogyāya dhāriṇe |

jitendriya jitajñāya dattātreya namo'stu te || 7 ||

digambarāya divyāya divyarūpadharāya ca |

sadoditaparabrahma dattātreya namo'stu te || 8 ||

jambūdvīpe mahākṣetre mātāpuranivāsine |

jayamāna satāṃ deva dattātreya namo'stu te || 9 ||

bhikṣāṭanaṃ gṛhe grāme pātraṃ hemamayaṃ kare |

nānāsvādamayī bhikṣā dattātreya namo'stu te || 10 ||

brahmajñānamayī mudrā vastre cākāśabhūtale |

prajñānaghanabodhāya dattātreya namo'stu te || 11 ||

avadhūta sadānanda parabrahmasvarūpiṇe |

videhadeharūpāya dattātreya namo'stu te || 12 ||

satyarūpa sadācāra satyadharmaparāyaṇa |

satyāśrayaparokṣāya dattātreya namo'stu te || 13 ||

śūlahastagadāpāṇe vanamālāsukandhara |

yajñasūtradhara brahman dattātreya namo'stu te || 14 ||

kṣarākṣarasvarūpāya parātparatarāya ca |

dattamuktiparastotra dattātreya namo'stu te || 15 ||

datta vidyāḍhya lakṣmīśa datta svātmasvarūpiṇe |

guṇanirguṇarūpāya dattātreya namo'stu te || 16 ||

śatrunāśakaraṃ stotraṃ jñānavijñānadāyakam |

sarvapāpaṃ śamaṃ yāti dattātreya namo'stu te || 17 ||

idaṃ stotraṃ mahaddivyaṃ dattapratyakṣakārakam |

dattātreyaprasādācca nāradena prakīrtitam || 18 ||

iti śrīnāradapurāṇe nāradaviracitaṃ śrī dattātreya stotram |