Shri Adya Kali Stotram — InfoLyter.in

ॐ

શ્રી આદ્ય કાલી સ્તોત્રં

Shri Adya Kali Stotram

Kali Stotram Gujarati

બ્રહ્મોવાચ

શૃણુ વત્સ પ્રવક્ષ્યામિ આદ્યાસ્તોત્રં મહાફલમ્ ।

યઃ પઠેત્ સતતં ભક્ત્યા સ એવ વિષ્ણુવલ્લભઃ ॥ 1 ॥

મૃત્યુર્વ્યાધિભયં તસ્ય નાસ્તિ કિઞ્ચિત્ કલૌ યુગે ।

અપુત્રા લભતે પુત્રં ત્રિપક્ષં શ્રવણં યદિ ॥ 2 ॥

દ્વૌ માસૌ બન્ધનાન્મુક્તિ વિપ્રવક્ત્રાત્ શ્રુતં યદિ ।

મૃતવત્સા જીવવત્સા ષણ્માસં શ્રવણં યદિ ॥ 3 ॥

નૌકાયાં સઙ્કટે યુદ્ધે પઠનાજ્જયમાપ્નુયાત્ ।

લિખિત્વા સ્થાપયેદ્ગેહે નાગ્નિચૌરભયં ક્વચિત્ ॥ 4 ॥

રાજસ્થાને જયી નિત્યં પ્રસન્નાઃ સર્વદેવતા ।

ૐ હ્રીમ્ ।

બ્રહ્માણી બ્રહ્મલોકે ચ વૈકુણ્ઠે સર્વમઙ્ગલા ॥ 5 ॥

ઇન્દ્રાણી અમરાવત્યામમ્બિકા વરુણાલયે ।

યમાલયે કાલરૂપા કુબેરભવને શુભા ॥ 6 ॥

મહાનન્દાગ્નિકોણે ચ વાયવ્યાં મૃગવાહિની ।

નૈરૃત્યાં રક્તદન્તા ચ ઐશાન્યાં શૂલધારિણી ॥ 7 ॥

પાતાલે વૈષ્ણવીરૂપા સિંહલે દેવમોહિની ।

સુરસા ચ મણિદ્વિપે લઙ્કાયાં ભદ્રકાલિકા ॥ 8 ॥

રામેશ્વરી સેતુબન્ધે વિમલા પુરુષોત્તમે ।

વિરજા ઔડ્રદેશે ચ કામાક્ષ્યા નીલપર્વતે ॥ 9 ॥

કાલિકા વઙ્ગદેશે ચ અયોધ્યાયાં મહેશ્વરી ।

વારાણસ્યામન્નપૂર્ણા ગયાક્ષેત્રે ગયેશ્વરી ॥ 10 ॥

કુરુક્ષેત્રે ભદ્રકાલી વ્રજે કાત્યાયની પરા ।

દ્વારકાયાં મહામાયા મથુરાયાં મહેશ્વરી ॥ 11 ॥

ક્ષુધા ત્વં સર્વભૂતાનાં વેલા ત્વં સાગરસ્ય ચ ।

નવમી શુક્લપક્ષસ્ય કૃષ્ણસ્યૈકાદશી પરા ॥ 12 ॥

દક્ષસા દુહિતા દેવી દક્ષયજ્ઞવિનાશિની ।

રામસ્ય જાનકી ત્વં હિ રાવણધ્વંસકારિણી ॥ 13 ॥

ચણ્ડમુણ્ડવધે દેવી રક્તબીજવિનાશિની ।

નિશુમ્ભશુમ્ભમથિની મધુકૈટભઘાતિની ॥ 14 ॥

વિષ્ણુભક્તિપ્રદા દુર્ગા સુખદા મોક્ષદા સદા ।

આદ્યાસ્તવમિમં પુણ્યં યઃ પઠેત્ સતતં નરઃ ॥ 15 ॥

સર્વજ્વરભયં ન સ્યાત્ સર્વવ્યાધિવિનાશનમ્ ।

કોટિતીર્થફલં તસ્ય લભતે નાત્ર સંશયઃ ॥ 16 ॥

જયા મે ચાગ્રતઃ પાતુ વિજયા પાતુ પૃષ્ઠતઃ ।

નારાયણી શીર્ષદેશે સર્વાઙ્ગે સિંહવાહિની ॥ 17 ॥

શિવદૂતી ઉગ્રચણ્ડા પ્રત્યઙ્ગે પરમેશ્વરી ।

વિશાલાક્ષી મહામાયા કૌમારી શઙ્ખિની શિવા ॥ 18 ॥

ચક્રિણી જયદાત્રી ચ રણમત્તા રણપ્રિયા ।

દુર્ગા જયન્તી કાલી ચ ભદ્રકાલી મહોદરી ॥ 19 ॥

નારસિંહી ચ વારાહી સિદ્ધિદાત્રી સુખપ્રદા ।

ભયઙ્કરી મહારૌદ્રી મહાભયવિનાશિની ॥ 20 ॥

ઇતિ શ્રીબ્રહ્મયામલે બ્રહ્મનારદસંવાદે શ્રી આદ્યા સ્તોત્રમ્ ॥

Roman (IAST) Transliteration

brahmovāca

śṛṇu vatsa pravakṣyāmi ādyāstotraṃ mahāphalam |

yaḥ paṭhet satataṃ bhaktyā sa eva viṣṇuvallabhaḥ || 1 ||

mṛtyurvyādhibhayaṃ tasya nāsti kiñcit kalau yuge |

aputrā labhate putraṃ tripakṣaṃ śravaṇaṃ yadi || 2 ||

dvau māsau bandhanānmukti vipravaktrāt śrutaṃ yadi |

mṛtavatsā jīvavatsā ṣaṇmāsaṃ śravaṇaṃ yadi || 3 ||

naukāyāṃ saṅkaṭe yuddhe paṭhanājjayamāpnuyāt |

likhitvā sthāpayedgehe nāgnicaurabhayaṃ kvacit || 4 ||

rājasthāne jayī nityaṃ prasannāḥ sarvadevatā |

oṃ hrīm |

brahmāṇī brahmaloke ca vaikuṇṭhe sarvamaṅgalā || 5 ||

indrāṇī amarāvatyāmambikā varuṇālaye |

yamālaye kālarūpā kuberabhavane śubhā || 6 ||

mahānandāgnikoṇe ca vāyavyāṃ mṛgavāhinī |

nairṛtyāṃ raktadantā ca aiśānyāṃ śūladhāriṇī || 7 ||

pātāle vaiṣṇavīrūpā siṃhale devamohinī |

surasā ca maṇidvipe laṅkāyāṃ bhadrakālikā || 8 ||

rāmeśvarī setubandhe vimalā puruṣottame |

virajā auḍradeśe ca kāmākṣyā nīlaparvate || 9 ||

kālikā vaṅgadeśe ca ayodhyāyāṃ maheśvarī |

vārāṇasyāmannapūrṇā gayākṣetre gayeśvarī || 10 ||

kurukṣetre bhadrakālī vraje kātyāyanī parā |

dvārakāyāṃ mahāmāyā mathurāyāṃ maheśvarī || 11 ||

kṣudhā tvaṃ sarvabhūtānāṃ velā tvaṃ sāgarasya ca |

navamī śuklapakṣasya kṛṣṇasyaikādaśī parā || 12 ||

dakṣasā duhitā devī dakṣayajñavināśinī |

rāmasya jānakī tvaṃ hi rāvaṇadhvaṃsakāriṇī || 13 ||

caṇḍamuṇḍavadhe devī raktabījavināśinī |

niśumbhaśumbhamathinī madhukaiṭabhaghātinī || 14 ||

viṣṇubhaktipradā durgā sukhadā mokṣadā sadā |

ādyāstavamimaṃ puṇyaṃ yaḥ paṭhet satataṃ naraḥ || 15 ||

sarvajvarabhayaṃ na syāt sarvavyādhivināśanam |

koṭitīrthaphalaṃ tasya labhate nātra saṃśayaḥ || 16 ||

jayā me cāgrataḥ pātu vijayā pātu pṛṣṭhataḥ |

nārāyaṇī śīrṣadeśe sarvāṅge siṃhavāhinī || 17 ||

śivadūtī ugracaṇḍā pratyaṅge parameśvarī |

viśālākṣī mahāmāyā kaumārī śaṅkhinī śivā || 18 ||

cakriṇī jayadātrī ca raṇamattā raṇapriyā |

durgā jayantī kālī ca bhadrakālī mahodarī || 19 ||

nārasiṃhī ca vārāhī siddhidātrī sukhapradā |

bhayaṅkarī mahāraudrī mahābhayavināśinī || 20 ||

iti śrībrahmayāmale brahmanāradasaṃvāde śrī ādyā stotram ||