Shiva Shadakshari Stotram

ॐ

શિવ ષડક્ષરી સ્તોત્રમ્

Shiva Stotram Gujarati

॥ૐ ૐ॥

ઓઙ્કારબિન્દુ સંયુક્તં નિત્યં ધ્યાયન્તિ યોગિનઃ ।

કામદં મોક્ષદં તસ્માદોઙ્કારાય નમોનમઃ ॥ 1 ॥

॥ૐ નં॥

નમન્તિ મુનયઃ સર્વે નમન્ત્યપ્સરસાં ગણાઃ ।

નરાણામાદિદેવાય નકારાય નમોનમઃ ॥ 2 ॥

॥ૐ મં॥

મહાતત્વં મહાદેવ પ્રિયં જ્ઞાનપ્રદં પરમ્ ।

મહાપાપહરં તસ્માન્મકારાય નમોનમઃ ॥ 3 ॥

॥ૐ શિં॥

શિવં શાન્તં શિવાકારં શિવાનુગ્રહકારણમ્ ।

મહાપાપહરં તસ્માચ્છિકારાય નમોનમઃ ॥ 4 ॥

॥ૐ વાં॥

વાહનં વૃષભોયસ્ય વાસુકિઃ કણ્ઠભૂષણમ્ ।

વામે શક્તિધરં દેવં વકારાય નમોનમઃ ॥ 5 ॥

॥ૐ યં॥

યકારે સંસ્થિતો દેવો યકારં પરમં શુભમ્ ।

યં નિત્યં પરમાનન્દં યકારાય નમોનમઃ ॥ 6 ॥

ષડક્ષરમિદં સ્તોત્રં યઃ પઠેચ્છિવ સન્નિધૌ ।

તસ્ય મૃત્યુભયં નાસ્તિ હ્યપમૃત્યુભયં કુતઃ ॥

શિવશિવેતિ શિવેતિ શિવેતિ વા

ભવભવેતિ ભવેતિ ભવેતિ વા ।

હરહરેતિ હરેતિ હરેતિ વા

ભજમનશ્શિવમેવ નિરન્તરમ્ ॥

ઇતિ શ્રીમત્પરમહંસ પરિવ્રાજકાચાર્ય

શ્રીમચ્છઙ્કરભગવત્પાદપૂજ્યકૃત શિવષડક્ષરીસ્તોત્રં સમ્પૂર્ણમ્ ।

Roman (IAST) Transliteration

||oṃ oṃ||

oṅkārabindu saṃyuktaṃ nityaṃ dhyāyanti yoginaḥ |

kāmadaṃ mokṣadaṃ tasmādoṅkārāya namonamaḥ || 1 ||

||oṃ naṃ||

namanti munayaḥ sarve namantyapsarasāṃ gaṇāḥ |

narāṇāmādidevāya nakārāya namonamaḥ || 2 ||

||oṃ maṃ||

mahātatvaṃ mahādeva priyaṃ jñānapradaṃ param |

mahāpāpaharaṃ tasmānmakārāya namonamaḥ || 3 ||

||oṃ śiṃ||

śivaṃ śāntaṃ śivākāraṃ śivānugrahakāraṇam |

mahāpāpaharaṃ tasmācchikārāya namonamaḥ || 4 ||

||oṃ vāṃ||

vāhanaṃ vṛṣabhoyasya vāsukiḥ kaṇṭhabhūṣaṇam |

vāme śaktidharaṃ devaṃ vakārāya namonamaḥ || 5 ||

||oṃ yaṃ||

yakāre saṃsthito devo yakāraṃ paramaṃ śubham |

yaṃ nityaṃ paramānandaṃ yakārāya namonamaḥ || 6 ||

ṣaḍakṣaramidaṃ stotraṃ yaḥ paṭhecchiva sannidhau |

tasya mṛtyubhayaṃ nāsti hyapamṛtyubhayaṃ kutaḥ ||

śivaśiveti śiveti śiveti vā

bhavabhaveti bhaveti bhaveti vā |

harahareti hareti hareti vā

bhajamanaśśivameva nirantaram ||

iti śrīmatparamahaṃsa parivrājakācārya

śrīmacchaṅkarabhagavatpādapūjyakṛta śivaṣaḍakṣarīstotraṃ sampūrṇam |