Shri Rama Raksha Stotram

ॐ

શ્રી રામ રક્ષા સ્તોત્રમ્

Rama Stotram Budha Kaushika Gujarati

ૐ અસ્ય શ્રી રામરક્ષા સ્તોત્રમન્ત્રસ્ય

બુધકૌશિક ઋષિઃ

શ્રી સીતારામ ચન્દ્રોદેવતા

અનુષ્ટુપ્ છન્દઃ

સીતા શક્તિઃ

શ્રીમદ્ હનુમાન્ કીલકમ્

શ્રીરામચન્દ્ર પ્રીત્યર્થે રામરક્ષા સ્તોત્રજપે વિનિયોગઃ ॥

ધ્યાનમ્

ધ્યાયેદાજાનુબાહું ધૃતશર ધનુષં બદ્ધ પદ્માસનસ્થં

પીતં વાસોવસાનં નવકમલ દલસ્પર્થિ નેત્રં પ્રસન્નમ્ ।

વામાઙ્કારૂઢ સીતામુખ કમલમિલલ્લોચનં નીરદાભં

નાનાલઙ્કાર દીપ્તં દધતમુરુ જટામણ્ડલં રામચન્દ્રમ્ ॥

સ્તોત્રમ્

ચરિતં રઘુનાથસ્ય શતકોટિ પ્રવિસ્તરમ્ ।

એકૈકમક્ષરં પુંસાં મહાપાતક નાશનમ્ ॥ 1 ॥

ધ્યાત્વા નીલોત્પલ શ્યામં રામં રાજીવલોચનમ્ ।

જાનકી લક્ષ્મણોપેતં જટામુકુટ મણ્ડિતમ્ ॥ 2 ॥

સાસિતૂણ ધનુર્બાણ પાણિં નક્તં ચરાન્તકમ્ ।

સ્વલીલયા જગત્ત્રાતુ માવિર્ભૂતમજં વિભુમ્ ॥ 3 ॥

રામરક્ષાં પઠેત્પ્રાજ્ઞઃ પાપઘ્નીં સર્વકામદામ્ ।

શિરો મે રાઘવઃ પાતુ ફાલં (ભાલં) દશરથાત્મજઃ ॥ 4 ॥

કૌસલ્યેયો દૃશૌપાતુ વિશ્વામિત્રપ્રિયઃ શૃતી ।

ઘ્રાણં પાતુ મખત્રાતા મુખં સૌમિત્રિવત્સલઃ ॥ 5 ॥

જિહ્વાં વિદ્યાનિધિઃ પાતુ કણ્ઠં ભરતવન્દિતઃ ।

સ્કન્ધૌ દિવ્યાયુધઃ પાતુ ભુજૌ ભગ્નેશકાર્મુકઃ ॥ 6 ॥

કરૌ સીતાપતિઃ પાતુ હૃદયં જામદગ્ન્યજિત્ ।

મધ્યં પાતુ ખરધ્વંસી નાભિં જામ્બવદાશ્રયઃ ॥ 7 ॥

સુગ્રીવેશઃ કટિં પાતુ સક્થિની હનુમત્-પ્રભુઃ ।

ઊરૂ રઘૂત્તમઃ પાતુ રક્ષઃકુલ વિનાશકૃત્ ॥ 8 ॥

જાનુની સેતુકૃત્-પાતુ જઙ્ઘે દશમુખાન્તકઃ ।

પાદૌ વિભીષણશ્રીદઃ પાતુ રામોઽખિલં વપુઃ ॥ 9 ॥

એતાં રામબલોપેતાં રક્ષાં યઃ સુકૃતી પઠેત્ ।

સ ચિરાયુઃ સુખી પુત્રી વિજયી વિનયી ભવેત્ ॥ 10 ॥

પાતાલ-ભૂતલ-વ્યોમ-ચારિણ-શ્ચદ્મ-ચારિણઃ ।

ન દ્રષ્ટુમપિ શક્તાસ્તે રક્ષિતં રામનામભિઃ ॥ 11 ॥

રામેતિ રામભદ્રેતિ રામચન્દ્રેતિ વા સ્મરન્ ।

નરો ન લિપ્યતે પાપૈર્ભુક્તિં મુક્તિં ચ વિન્દતિ ॥ 12 ॥

જગજ્જૈત્રૈક મન્ત્રેણ રામનામ્નાભિ રક્ષિતમ્ ।

યઃ કણ્ઠે ધારયેત્તસ્ય કરસ્થાઃ સર્વસિદ્ધયઃ ॥ 13 ॥

વજ્રપઞ્જર નામેદં યો રામકવચં સ્મરેત્ ।

અવ્યાહતાજ્ઞઃ સર્વત્ર લભતે જયમઙ્ગલમ્ ॥ 14 ॥

આદિષ્ટવાન્-યથા સ્વપ્ને રામરક્ષામિમાં હરઃ ।

તથા લિખિતવાન્-પ્રાતઃ પ્રબુદ્ધૌ બુધકૌશિકઃ ॥ 15 ॥

આરામઃ કલ્પવૃક્ષાણાં વિરામઃ સકલાપદામ્ ।

અભિરામ-સ્ત્રિલોકાનાં રામઃ શ્રીમાન્ સ નઃ પ્રભુઃ ॥ 16 ॥

તરુણૌ રૂપસમ્પન્નૌ સુકુમારૌ મહાબલૌ ।

પુણ્ડરીક વિશાલાક્ષૌ ચીરકૃષ્ણાજિનામ્બરૌ ॥ 17 ॥

ફલમૂલાશિનૌ દાન્તૌ તાપસૌ બ્રહ્મચારિણૌ ।

પુત્રૌ દશરથસ્યૈતૌ ભ્રાતરૌ રામલક્ષ્મણૌ ॥ 18 ॥

શરણ્યૌ સર્વસત્ત્વાનાં શ્રેષ્ઠૌ સર્વધનુષ્મતામ્ ।

રક્ષઃકુલ નિહન્તારૌ ત્રાયેતાં નો રઘૂત્તમૌ ॥ 19 ॥

આત્ત સજ્ય ધનુષા વિષુસ્પૃશા વક્ષયાશુગ નિષઙ્ગ સઙ્ગિનૌ ।

રક્ષણાય મમ રામલક્ષણાવગ્રતઃ પથિ સદૈવ ગચ્છતામ્ ॥ 20 ॥

સન્નદ્ધઃ કવચી ખડ્ગી ચાપબાણધરો યુવા ।

ગચ્છન્ મનોરથાન્નશ્ચ (મનોરથોઽસ્માકં) રામઃ પાતુ સ લક્ષ્મણઃ ॥ 21 ॥

રામો દાશરથિ શ્શૂરો લક્ષ્મણાનુચરો બલી ।

કાકુત્સઃ પુરુષઃ પૂર્ણઃ કૌસલ્યેયો રઘૂત્તમઃ ॥ 22 ॥

વેદાન્તવેદ્યો યજ્ઞેશઃ પુરાણ પુરુષોત્તમઃ ।

જાનકીવલ્લભઃ શ્રીમાનપ્રમેય પરાક્રમઃ ॥ 23 ॥

ઇત્યેતાનિ જપેન્નિત્યં મદ્ભક્તઃ શ્રદ્ધયાન્વિતઃ ।

અશ્વમેધાધિકં પુણ્યં સમ્પ્રાપ્નોતિ ન સંશયઃ ॥ 24 ॥

રામં દૂર્વાદલ શ્યામં પદ્માક્ષં પીતવાસસમ્ ।

સ્તુવન્તિ નામભિ-ર્દિવ્યૈર્ન તે સંસારિણો નરાઃ ॥ 25 ॥

રામં લક્ષ્મણ પૂર્વજં રઘુવરં સીતાપતિં સુન્દરમ્

કાકુત્સ્થં કરુણાર્ણવં ગુણનિધિં વિપ્રપ્રિયં ધાર્મિકમ્ ।

રાજેન્દ્રં સત્યસન્ધં દશરથતનયં શ્યામલં શાન્તમૂર્તિમ્

વન્દે લોકાભિરામં રઘુકુલ તિલકં રાઘવં રાવણારિમ્ ॥ 26 ॥

રામાય રામભદ્રાય રામચન્દ્રાય વેધસે ।

રઘુનાથાય નાથાય સીતાયાઃ પતયે નમઃ ॥ 27 ॥

શ્રીરામ રામ રઘુનન્દન રામ રામ

શ્રીરામ રામ ભરતાગ્રજ રામ રામ ।

શ્રીરામ રામ રણકર્કશ રામ રામ

શ્રીરામ રામ શરણં ભવ રામ રામ ॥ 28 ॥

શ્રીરામ ચન્દ્ર ચરણૌ મનસા સ્મરામિ

શ્રીરામ ચન્દ્ર ચરણૌ વચસા ગૃહ્ણામિ ।

શ્રીરામ ચન્દ્ર ચરણૌ શિરસા નમામિ

શ્રીરામ ચન્દ્ર ચરણૌ શરણં પ્રપદ્યે ॥ 29 ॥

માતા રામો મત્-પિતા રામચન્દ્રઃ

સ્વામી રામો મત્-સખા રામચન્દ્રઃ ।

સર્વસ્વં મે રામચન્દ્રો દયાલુઃ

નાન્યં જાને નૈવ જાને ન જાને ॥ 30 ॥

દક્ષિણે લક્ષ્મણો યસ્ય વામે ચ (તુ) જનકાત્મજા ।

પુરતો મારુતિર્યસ્ય તં વન્દે રઘુનન્દનમ્ ॥ 31 ॥

લોકાભિરામં રણરઙ્ગધીરં

રાજીવનેત્રં રઘુવંશનાથમ્ ।

કારુણ્યરૂપં કરુણાકરં તં

શ્રીરામચન્દ્રં શરણં પ્રપદ્યે ॥ 32 ॥

મનોજવં મારુત તુલ્ય વેગં

જિતેન્દ્રિયં બુદ્ધિમતાં વરિષ્ટમ્ ।

વાતાત્મજં વાનરયૂથ મુખ્યં

શ્રીરામદૂતં શરણં પ્રપદ્યે ॥ 33 ॥

કૂજન્તં રામરામેતિ મધુરં મધુરાક્ષરમ્ ।

આરુહ્યકવિતા શાખાં વન્દે વાલ્મીકિ કોકિલમ્ ॥ 34 ॥

આપદામપહર્તારં દાતારં સર્વસમ્પદામ્ ।

લોકાભિરામં શ્રીરામં ભૂયોભૂયો નમામ્યહમ્ ॥ 35 ॥

ભર્જનં ભવબીજાનામર્જનં સુખસમ્પદામ્ ।

તર્જનં યમદૂતાનાં રામ રામેતિ ગર્જનમ્ ॥ 36 ॥

રામો રાજમણિઃ સદા વિજયતે રામં રમેશં ભજે

રામેણાભિહતા નિશાચરચમૂ રામાય તસ્મૈ નમઃ ।

રામાન્નાસ્તિ પરાયણં પરતરં રામસ્ય દાસોસ્મ્યહં

રામે ચિત્તલયઃ સદા ભવતુ મે ભો રામ મામુદ્ધર ॥ 37 ॥

શ્રીરામ રામ રામેતિ રમે રામે મનોરમે ।

સહસ્રનામ તત્તુલ્યં રામ નામ વરાનને ॥ 38 ॥

ઇતિ શ્રીબુધકૌશિકમુનિ વિરચિતં શ્રીરામ રક્ષાસ્તોત્રં સમ્પૂર્ણમ્ ।

શ્રીરામ જયરામ જયજયરામ ।

Roman (IAST) Transliteration

oṃ asya śrī rāmarakṣā stotramantrasya

budhakauśika ṛṣiḥ

śrī sītārāma candrodevatā

anuṣṭup chandaḥ

sītā śaktiḥ

śrīmad hanumān kīlakam

śrīrāmacandra prītyarthe rāmarakṣā stotrajape viniyogaḥ ||

dhyānam

dhyāyedājānubāhuṃ dhṛtaśara dhanuṣaṃ baddha padmāsanasthaṃ

pītaṃ vāsovasānaṃ navakamala dalasparthi netraṃ prasannam |

vāmāṅkārūḍha sītāmukha kamalamilallocanaṃ nīradābhaṃ

nānālaṅkāra dīptaṃ dadhatamuru jaṭāmaṇḍalaṃ rāmacandram ||

stotram

caritaṃ raghunāthasya śatakoṭi pravistaram |

ekaikamakṣaraṃ puṃsāṃ mahāpātaka nāśanam || 1 ||

dhyātvā nīlotpala śyāmaṃ rāmaṃ rājīvalocanam |

jānakī lakṣmaṇopetaṃ jaṭāmukuṭa maṇḍitam || 2 ||

sāsitūṇa dhanurbāṇa pāṇiṃ naktaṃ carāntakam |

svalīlayā jagattrātu māvirbhūtamajaṃ vibhum || 3 ||

rāmarakṣāṃ paṭhetprājñaḥ pāpaghnīṃ sarvakāmadām |

śiro me rāghavaḥ pātu phālaṃ (bhālaṃ) daśarathātmajaḥ || 4 ||

kausalyeyo dṛśaupātu viśvāmitrapriyaḥ śṛtī |

ghrāṇaṃ pātu makhatrātā mukhaṃ saumitrivatsalaḥ || 5 ||

jihvāṃ vidyānidhiḥ pātu kaṇṭhaṃ bharatavanditaḥ |

skandhau divyāyudhaḥ pātu bhujau bhagneśakārmukaḥ || 6 ||

karau sītāpatiḥ pātu hṛdayaṃ jāmadagnyajit |

madhyaṃ pātu kharadhvaṃsī nābhiṃ jāmbavadāśrayaḥ || 7 ||

sugrīveśaḥ kaṭiṃ pātu sakthinī hanumat-prabhuḥ |

ūrū raghūttamaḥ pātu rakṣaḥkula vināśakṛt || 8 ||

jānunī setukṛt-pātu jaṅghe daśamukhāntakaḥ |

pādau vibhīṣaṇaśrīdaḥ pātu rāmo'khilaṃ vapuḥ || 9 ||

etāṃ rāmabalopetāṃ rakṣāṃ yaḥ sukṛtī paṭhet |

sa cirāyuḥ sukhī putrī vijayī vinayī bhavet || 10 ||

pātāla-bhūtala-vyoma-cāriṇa-ścadma-cāriṇaḥ |

na draṣṭumapi śaktāste rakṣitaṃ rāmanāmabhiḥ || 11 ||

rāmeti rāmabhadreti rāmacandreti vā smaran |

naro na lipyate pāpairbhuktiṃ muktiṃ ca vindati || 12 ||

jagajjaitraika mantreṇa rāmanāmnābhi rakṣitam |

yaḥ kaṇṭhe dhārayettasya karasthāḥ sarvasiddhayaḥ || 13 ||

vajrapañjara nāmedaṃ yo rāmakavacaṃ smaret |

avyāhatājñaḥ sarvatra labhate jayamaṅgalam || 14 ||

ādiṣṭavān-yathā svapne rāmarakṣāmimāṃ haraḥ |

tathā likhitavān-prātaḥ prabuddhau budhakauśikaḥ || 15 ||

ārāmaḥ kalpavṛkṣāṇāṃ virāmaḥ sakalāpadām |

abhirāma-strilokānāṃ rāmaḥ śrīmān sa naḥ prabhuḥ || 16 ||

taruṇau rūpasampannau sukumārau mahābalau |

puṇḍarīka viśālākṣau cīrakṛṣṇājināmbarau || 17 ||

phalamūlāśinau dāntau tāpasau brahmacāriṇau |

putrau daśarathasyaitau bhrātarau rāmalakṣmaṇau || 18 ||

śaraṇyau sarvasattvānāṃ śreṣṭhau sarvadhanuṣmatām |

rakṣaḥkula nihantārau trāyetāṃ no raghūttamau || 19 ||

ātta sajya dhanuṣā viṣuspṛśā vakṣayāśuga niṣaṅga saṅginau |

rakṣaṇāya mama rāmalakṣaṇāvagrataḥ pathi sadaiva gacchatām || 20 ||

sannaddhaḥ kavacī khaḍgī cāpabāṇadharo yuvā |

gacchan manorathānnaśca (manoratho'smākaṃ) rāmaḥ pātu sa lakṣmaṇaḥ || 21 ||

rāmo dāśarathi śśūro lakṣmaṇānucaro balī |

kākutsaḥ puruṣaḥ pūrṇaḥ kausalyeyo raghūttamaḥ || 22 ||

vedāntavedyo yajñeśaḥ purāṇa puruṣottamaḥ |

jānakīvallabhaḥ śrīmānaprameya parākramaḥ || 23 ||

ityetāni japennityaṃ madbhaktaḥ śraddhayānvitaḥ |

aśvamedhādhikaṃ puṇyaṃ samprāpnoti na saṃśayaḥ || 24 ||

rāmaṃ dūrvādala śyāmaṃ padmākṣaṃ pītavāsasam |

stuvanti nāmabhi-rdivyairna te saṃsāriṇo narāḥ || 25 ||

rāmaṃ lakṣmaṇa pūrvajaṃ raghuvaraṃ sītāpatiṃ sundaram

kākutsthaṃ karuṇārṇavaṃ guṇanidhiṃ viprapriyaṃ dhārmikam |

rājendraṃ satyasandhaṃ daśarathatanayaṃ śyāmalaṃ śāntamūrtim

vande lokābhirāmaṃ raghukula tilakaṃ rāghavaṃ rāvaṇārim || 26 ||

rāmāya rāmabhadrāya rāmacandrāya vedhase |

raghunāthāya nāthāya sītāyāḥ pataye namaḥ || 27 ||

śrīrāma rāma raghunandana rāma rāma

śrīrāma rāma bharatāgraja rāma rāma |

śrīrāma rāma raṇakarkaśa rāma rāma

śrīrāma rāma śaraṇaṃ bhava rāma rāma || 28 ||

śrīrāma candra caraṇau manasā smarāmi

śrīrāma candra caraṇau vacasā gṛhṇāmi |

śrīrāma candra caraṇau śirasā namāmi

śrīrāma candra caraṇau śaraṇaṃ prapadye || 29 ||

mātā rāmo mat-pitā rāmacandraḥ

svāmī rāmo mat-sakhā rāmacandraḥ |

sarvasvaṃ me rāmacandro dayāluḥ

nānyaṃ jāne naiva jāne na jāne || 30 ||

dakṣiṇe lakṣmaṇo yasya vāme ca (tu) janakātmajā |

purato mārutiryasya taṃ vande raghunandanam || 31 ||

lokābhirāmaṃ raṇaraṅgadhīraṃ

rājīvanetraṃ raghuvaṃśanātham |

kāruṇyarūpaṃ karuṇākaraṃ taṃ

śrīrāmacandraṃ śaraṇaṃ prapadye || 32 ||

manojavaṃ māruta tulya vegaṃ

jitendriyaṃ buddhimatāṃ variṣṭam |

vātātmajaṃ vānarayūtha mukhyaṃ

śrīrāmadūtaṃ śaraṇaṃ prapadye || 33 ||

kūjantaṃ rāmarāmeti madhuraṃ madhurākṣaram |

āruhyakavitā śākhāṃ vande vālmīki kokilam || 34 ||

āpadāmapahartāraṃ dātāraṃ sarvasampadām |

lokābhirāmaṃ śrīrāmaṃ bhūyobhūyo namāmyaham || 35 ||

bharjanaṃ bhavabījānāmarjanaṃ sukhasampadām |

tarjanaṃ yamadūtānāṃ rāma rāmeti garjanam || 36 ||

rāmo rājamaṇiḥ sadā vijayate rāmaṃ rameśaṃ bhaje

rāmeṇābhihatā niśācaracamū rāmāya tasmai namaḥ |

rāmānnāsti parāyaṇaṃ parataraṃ rāmasya dāsosmyahaṃ

rāme cittalayaḥ sadā bhavatu me bho rāma māmuddhara || 37 ||

śrīrāma rāma rāmeti rame rāme manorame |

sahasranāma tattulyaṃ rāma nāma varānane || 38 ||

iti śrībudhakauśikamuni viracitaṃ śrīrāma rakṣāstotraṃ sampūrṇam |

śrīrāma jayarāma jayajayarāma |