Manikarnikashtakam — InfoLyter.in

ॐ

મણિકર્ણિકાષ્ટકમ્

Manikarnikashtakam

Ashtakam Gujarati

ત્વત્તીરે મણિકર્ણિકે હરિહરૌ સાયુજ્યમુક્તિપ્રદૌ

વાદન્તૌ કુરુતઃ પરસ્પરમુભૌ જન્તોઃ પ્રયાણોત્સવે ।

મદ્રૂપો મનુજોઽયમસ્તુ હરિણા પ્રોક્તઃ શિવસ્તત્ક્ષણા-

ત્તન્મધ્યાદ્ભૃગુલાઞ્છનો ગરુડગઃ પીતામ્બરો નિર્ગતઃ ॥ 1 ॥

ઇન્દ્રાદ્યાસ્ત્રિદશાઃ પતન્તિ નિયતં ભોગક્ષયે યે પુન-

ર્જાયન્તે મનુજાસ્તતોપિ પશવઃ કીટાઃ પતઙ્ગાદયઃ ।

યે માતર્મણિકર્ણિકે તવ જલે મજ્જન્તિ નિષ્કલ્મષાઃ

સાયુજ્યેઽપિ કિરીટકૌસ્તુભધરા નારાયણાઃ સ્યુર્નરાઃ ॥ 2 ॥

કાશી ધન્યતમા વિમુક્તનગરી સાલઙ્કૃતા ગઙ્ગયા

તત્રેયં મણિકર્ણિકા સુખકરી મુક્તિર્હિ તત્કિઙ્કરી ।

સ્વર્લોકસ્તુલિતઃ સહૈવ વિબુધૈઃ કાશ્યા સમં બ્રહ્મણા

કાશી ક્ષોણિતલે સ્થિતા ગુરુતરા સ્વર્ગો લઘુત્વં ગતઃ ॥ 3 ॥

ગઙ્ગાતીરમનુત્તમં હિ સકલં તત્રાપિ કાશ્યુત્તમા

તસ્યાં સા મણિકર્ણિકોત્તમતમા યેત્રેશ્વરો મુક્તિદઃ ।

દેવાનામપિ દુર્લભં સ્થલમિદં પાપૌઘનાશક્ષમં

પૂર્વોપાર્જિતપુણ્યપુઞ્જગમકં પુણ્યૈર્જનૈઃ પ્રાપ્યતે ॥ 4 ॥

દુઃખામ્ભોધિગતો હિ જન્તુનિવહસ્તેષાં કથં નિષ્કૃતિઃ

જ્ઞાત્વા તદ્ધિ વિરિઞ્ચિના વિરચિતા વારાણસી શર્મદા ।

લોકાઃસ્વર્ગસુખાસ્તતોઽપિ લઘવો ભોગાન્તપાતપ્રદાઃ

કાશી મુક્તિપુરી સદા શિવકરી ધર્માર્થમોક્ષપ્રદા ॥ 5 ॥

એકો વેણુધરો ધરાધરધરઃ શ્રીવત્સભૂષાધરઃ

યોઽપ્યેકઃ કિલ શઙ્કરો વિષધરો ગઙ્ગાધરો માધવઃ ।

યે માતર્મણિકર્ણિકે તવ જલે મજ્જન્તિ તે માનવાઃ

રુદ્રા વા હરયો ભવન્તિ બહવસ્તેષાં બહુત્વં કથમ્ ॥ 6 ॥

ત્વત્તીરે મરણં તુ મઙ્ગલકરં દેવૈરપિ શ્લાઘ્યતે

શક્રસ્તં મનુજં સહસ્રનયનૈર્દ્રષ્ટું સદા તત્પરઃ ।

આયાન્તં સવિતા સહસ્રકિરણૈઃ પ્રત્યુદ્ગતોઽભૂત્સદા

પુણ્યોઽસૌ વૃષગોઽથવા ગરુડગઃ કિં મન્દિરં યાસ્યતિ ॥ 7 ॥

મધ્યાહ્ને મણિકર્ણિકાસ્નપનજં પુણ્યં ન વક્તું ક્ષમઃ

સ્વીયૈરબ્ધશતૈશ્ચતુર્મુખધરો વેદાર્થદીક્ષાગુરુઃ ।

યોગાભ્યાસબલેન ચન્દ્રશિખરસ્તત્પુણ્યપારઙ્ગત-

સ્ત્વત્તીરે પ્રકરોતિ સુપ્તપુરુષં નારાયણં વા શિવમ્ ॥ 8 ॥

કૃચ્છ્રૈ કોટિશતૈઃ સ્વપાપનિધનં યચ્ચાશ્વમેધૈઃ ફલં

તત્સર્વે મણિકર્ણિકાસ્નપનજે પુણ્યે પ્રવિષ્ટં ભવેત્ ।

સ્નાત્વા સ્તોત્રમિદં નરઃ પઠતિ ચેત્સંસારપાથોનિધિં

તીર્ત્વા પલ્વલવત્પ્રયાતિ સદનં તેજોમયં બ્રહ્મણઃ ॥ 9 ॥

Roman (IAST) Transliteration

tvattīre maṇikarṇike hariharau sāyujyamuktipradau

vādantau kurutaḥ parasparamubhau jantoḥ prayāṇotsave |

madrūpo manujo'yamastu hariṇā proktaḥ śivastatkṣaṇā-

ttanmadhyādbhṛgulāñchano garuḍagaḥ pītāmbaro nirgataḥ || 1 ||

indrādyāstridaśāḥ patanti niyataṃ bhogakṣaye ye puna-

rjāyante manujāstatopi paśavaḥ kīṭāḥ pataṅgādayaḥ |

ye mātarmaṇikarṇike tava jale majjanti niṣkalmaṣāḥ

sāyujye'pi kirīṭakaustubhadharā nārāyaṇāḥ syurnarāḥ || 2 ||

kāśī dhanyatamā vimuktanagarī sālaṅkṛtā gaṅgayā

tatreyaṃ maṇikarṇikā sukhakarī muktirhi tatkiṅkarī |

svarlokastulitaḥ sahaiva vibudhaiḥ kāśyā samaṃ brahmaṇā

kāśī kṣoṇitale sthitā gurutarā svargo laghutvaṃ gataḥ || 3 ||

gaṅgātīramanuttamaṃ hi sakalaṃ tatrāpi kāśyuttamā

tasyāṃ sā maṇikarṇikottamatamā yetreśvaro muktidaḥ |

devānāmapi durlabhaṃ sthalamidaṃ pāpaughanāśakṣamaṃ

pūrvopārjitapuṇyapuñjagamakaṃ puṇyairjanaiḥ prāpyate || 4 ||

duḥkhāmbhodhigato hi jantunivahasteṣāṃ kathaṃ niṣkṛtiḥ

jñātvā taddhi viriñcinā viracitā vārāṇasī śarmadā |

lokāḥsvargasukhāstato'pi laghavo bhogāntapātapradāḥ

kāśī muktipurī sadā śivakarī dharmārthamokṣapradā || 5 ||

eko veṇudharo dharādharadharaḥ śrīvatsabhūṣādharaḥ

yo'pyekaḥ kila śaṅkaro viṣadharo gaṅgādharo mādhavaḥ |

ye mātarmaṇikarṇike tava jale majjanti te mānavāḥ

rudrā vā harayo bhavanti bahavasteṣāṃ bahutvaṃ katham || 6 ||

tvattīre maraṇaṃ tu maṅgalakaraṃ devairapi ślāghyate

śakrastaṃ manujaṃ sahasranayanairdraṣṭuṃ sadā tatparaḥ |

āyāntaṃ savitā sahasrakiraṇaiḥ pratyudgato'bhūtsadā

puṇyo'sau vṛṣago'thavā garuḍagaḥ kiṃ mandiraṃ yāsyati || 7 ||

madhyāhne maṇikarṇikāsnapanajaṃ puṇyaṃ na vaktuṃ kṣamaḥ

svīyairabdhaśataiścaturmukhadharo vedārthadīkṣāguruḥ |

yogābhyāsabalena candraśikharastatpuṇyapāraṅgata-

stvattīre prakaroti suptapuruṣaṃ nārāyaṇaṃ vā śivam || 8 ||

kṛcchrai koṭiśataiḥ svapāpanidhanaṃ yaccāśvamedhaiḥ phalaṃ

tatsarve maṇikarṇikāsnapanaje puṇye praviṣṭaṃ bhavet |

snātvā stotramidaṃ naraḥ paṭhati cetsaṃsārapāthonidhiṃ

tīrtvā palvalavatprayāti sadanaṃ tejomayaṃ brahmaṇaḥ || 9 ||