Mahashashta Anugraha Kavacham

ॐ

મહાશાશ્તા અનુગ્રહ કવચમ્

Ayyappa Kavacham Gujarati

શ્રીદેવ્યુવાચ-

ભગવન્ દેવદેવેશ સર્વજ્ઞ ત્રિપુરાન્તક ।

પ્રાપ્તે કલિયુગે ઘોરે મહાભૂતૈઃ સમાવૃતે ॥ 1

મહાવ્યાધિ મહાવ્યાલ ઘોરરાજૈઃ સમાવૃતે ।

દુઃસ્વપ્નશોકસન્તાપૈઃ દુર્વિનીતૈઃ સમાવૃતે ॥ 2

સ્વધર્મવિરતેમાર્ગે પ્રવૃત્તે હૃદિ સર્વદા ।

તેષાં સિદ્ધિં ચ મુક્તિં ચ ત્વં મે બ્રૂહિ વૃષદ્વજ ॥ 3

ઈશ્વર ઉવાચ-

શૃણુ દેવિ મહાભાગે સર્વકલ્યાણકારણે ।

મહાશાસ્તુશ્ચ દેવેશિ કવચં પુણ્યવર્ધનમ્ ॥ 4

અગ્નિસ્તમ્ભ જલસ્તમ્ભ સેનાસ્તમ્ભ વિધાયકમ્ ।

મહાભૂતપ્રશમનં મહાવ્યાધિનિવારણમ્ ॥ 5

મહાજ્ઞાનપ્રદં પુણ્યં વિશેષાત્ કલિતાપહમ્ ।

સર્વરક્ષોત્તમં પુંસાં આયુરારોગ્યવર્ધનમ્ ॥ 6

કિમતો બહુનોક્તેન યં યં કામયતે દ્વિજઃ ।

તં તમાપ્નોત્યસન્દેહો મહાશાસ્તુઃ પ્રસાદનાત્ ॥ 7

કવચસ્ય ઋષિર્બ્રહ્મા ગાયત્રીઃ છન્દ ઉચ્યતે ।

દેવતા શ્રીમહાશાસ્તા દેવો હરિહરાત્મજઃ ॥ 8

ષડઙ્ગમાચરેદ્ભક્ત્યા માત્રયા જાતિયુક્તયા ।

ધ્યાનમસ્ય પ્રવક્ષ્યામિ શૃણુષ્વાવહિતા પ્રિયે ॥ 9

અસ્ય શ્રી મહાશાસ્તુઃ કવચમન્ત્રસ્ય । બ્રહ્મા ઋષિઃ । ગાયત્રીઃ છન્દઃ । મહાશાસ્તા દેવતા । હ્રાં બીજમ્ । હ્રીં શક્તિઃ । હ્રૂં કીલકમ્ । શ્રી મહાશાસ્તુઃ પ્રસાદ સિદ્ધ્યર્થે જપે વિનિયોગઃ ॥

હ્રાં ઇત્યાદિ ષડઙ્ગન્યાસઃ ॥

ધ્યાનમ્-

તેજોમણ્ડલમધ્યગં ત્રિનયનં દિવ્યામ્બરાલઙ્કૃતં

દેવં પુષ્પશરેક્ષુકાર્મુક લસન્માણિક્યપાત્રાઽભયમ્ ।

બિભ્રાણં કરપઙ્કજૈઃ મદગજ સ્કન્ધાધિરૂઢં વિભું

શાસ્તારં શરણં ભજામિ સતતં ત્રૈલોક્ય સમ્મોહનમ્ ॥

મહાશાસ્તા શિરઃ પાતુ ફાલં હરિહરાત્મજઃ ।

કામરૂપી દૃશં પાતુ સર્વજ્ઞો મે શ્રુતિં સદા ॥ 1

ઘ્રાણં પાતુ કૃપાધ્યક્ષઃ મુખં ગૌરીપ્રિયઃ સદા ।

વેદાધ્યાયી ચ મે જિહ્વાં પાતુ મે ચિબુકં ગુરુઃ ॥ 2

કણ્ઠં પાતુ વિશુદ્ધાત્મા સ્કન્ધૌ પાતુ સુરાર્ચિતઃ ।

બાહૂ પાતુ વિરૂપાક્ષઃ કરૌ તુ કમલાપ્રિયઃ ॥ 3

ભૂતાધિપો મે હૃદયં મધ્યં પાતુ મહાબલઃ ।

નાભિં પાતુ મહાવીરઃ કમલાક્ષોઽવતુ કટિમ્ ॥ 4

સનીપં પાતુ વિશ્વેશઃ ગુહ્યં ગુહ્યાર્થવિત્સદા ।

ઊરૂ પાતુ ગજારૂઢઃ વજ્રધારી ચ જાનુની ॥ 5

જઙ્ઘે પાત્વઙ્કુશધરઃ પાદૌ પાતુ મહામતિઃ ।

સર્વાઙ્ગં પાતુ મે નિત્યં મહામાયાવિશારદઃ ॥ 6

ઇતીદં કવચં પુણ્યં સર્વાઘૌઘનિકૃન્તનમ્ ।

મહાવ્યાધિપ્રશમનં મહાપાતકનાશનમ્ ॥ 7

જ્ઞાનવૈરાગ્યદં દિવ્યમણિમાદિવિભૂષિતમ્ ।

આયુરારોગ્યજનનં મહાવશ્યકરં પરમ્ ॥ 8

યં યં કામયતે કામં તં તમાપ્નોત્યસંશયઃ ।

ત્રિસન્ધ્યં યઃ પઠેદ્વિદ્વાન્ સ યાતિ પરમાં ગતિમ્ ॥

ઇતિ શ્રી મહાશાસ્તા અનુગ્રહ કવચમ્ ।

Roman (IAST) Transliteration

śrīdevyuvāca-

bhagavan devadeveśa sarvajña tripurāntaka |

prāpte kaliyuge ghore mahābhūtaiḥ samāvṛte || 1

mahāvyādhi mahāvyāla ghorarājaiḥ samāvṛte |

duḥsvapnaśokasantāpaiḥ durvinītaiḥ samāvṛte || 2

svadharmaviratemārge pravṛtte hṛdi sarvadā |

teṣāṃ siddhiṃ ca muktiṃ ca tvaṃ me brūhi vṛṣadvaja || 3

īśvara uvāca-

śṛṇu devi mahābhāge sarvakalyāṇakāraṇe |

mahāśāstuśca deveśi kavacaṃ puṇyavardhanam || 4

agnistambha jalastambha senāstambha vidhāyakam |

mahābhūtapraśamanaṃ mahāvyādhinivāraṇam || 5

mahājñānapradaṃ puṇyaṃ viśeṣāt kalitāpaham |

sarvarakṣottamaṃ puṃsāṃ āyurārogyavardhanam || 6

kimato bahunoktena yaṃ yaṃ kāmayate dvijaḥ |

taṃ tamāpnotyasandeho mahāśāstuḥ prasādanāt || 7

kavacasya ṛṣirbrahmā gāyatrīḥ chanda ucyate |

devatā śrīmahāśāstā devo hariharātmajaḥ || 8

ṣaḍaṅgamācaredbhaktyā mātrayā jātiyuktayā |

dhyānamasya pravakṣyāmi śṛṇuṣvāvahitā priye || 9

asya śrī mahāśāstuḥ kavacamantrasya | brahmā ṛṣiḥ | gāyatrīḥ chandaḥ | mahāśāstā devatā | hrāṃ bījam | hrīṃ śaktiḥ | hrūṃ kīlakam | śrī mahāśāstuḥ prasāda siddhyarthe jape viniyogaḥ ||

hrāṃ ityādi ṣaḍaṅganyāsaḥ ||

dhyānam-

tejomaṇḍalamadhyagaṃ trinayanaṃ divyāmbarālaṅkṛtaṃ

devaṃ puṣpaśarekṣukārmuka lasanmāṇikyapātrā'bhayam |

bibhrāṇaṃ karapaṅkajaiḥ madagaja skandhādhirūḍhaṃ vibhuṃ

śāstāraṃ śaraṇaṃ bhajāmi satataṃ trailokya sammohanam ||

mahāśāstā śiraḥ pātu phālaṃ hariharātmajaḥ |

kāmarūpī dṛśaṃ pātu sarvajño me śrutiṃ sadā || 1

ghrāṇaṃ pātu kṛpādhyakṣaḥ mukhaṃ gaurīpriyaḥ sadā |

vedādhyāyī ca me jihvāṃ pātu me cibukaṃ guruḥ || 2

kaṇṭhaṃ pātu viśuddhātmā skandhau pātu surārcitaḥ |

bāhū pātu virūpākṣaḥ karau tu kamalāpriyaḥ || 3

bhūtādhipo me hṛdayaṃ madhyaṃ pātu mahābalaḥ |

nābhiṃ pātu mahāvīraḥ kamalākṣo'vatu kaṭim || 4

sanīpaṃ pātu viśveśaḥ guhyaṃ guhyārthavitsadā |

ūrū pātu gajārūḍhaḥ vajradhārī ca jānunī || 5

jaṅghe pātvaṅkuśadharaḥ pādau pātu mahāmatiḥ |

sarvāṅgaṃ pātu me nityaṃ mahāmāyāviśāradaḥ || 6

itīdaṃ kavacaṃ puṇyaṃ sarvāghaughanikṛntanam |

mahāvyādhipraśamanaṃ mahāpātakanāśanam || 7

jñānavairāgyadaṃ divyamaṇimādivibhūṣitam |

āyurārogyajananaṃ mahāvaśyakaraṃ param || 8

yaṃ yaṃ kāmayate kāmaṃ taṃ tamāpnotyasaṃśayaḥ |

trisandhyaṃ yaḥ paṭhedvidvān sa yāti paramāṃ gatim ||

iti śrī mahāśāstā anugraha kavacam |