📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
શ્રી હનુમદષ્ટકમ્
Shri Hanumadashtakam
Hanuman Ashtakam Gujarati
શ્રીરઘુરાજપદાબ્જનિકેતન પઙ્કજલોચન મઙ્ગલરાશે
ચણ્ડમહાભુજદણ્ડ સુરારિવિખણ્ડનપણ્ડિત પાહિ દયાલો ।
પાતકિનં ચ સમુદ્ધર માં મહતાં હિ સતામપિ માનમુદારં
ત્વાં ભજતો મમ દેહિ દયાઘન હે હનુમન્ સ્વપદામ્બુજદાસ્યમ્ ॥ 1 ॥
સંસૃતિતાપમહાનલદગ્ધતનૂરુહમર્મતનોરતિવેલં
પુત્રધનસ્વજનાત્મગૃહાદિષુ સક્તમતેરતિકિલ્બિષમૂર્તેઃ ।
કેનચિદપ્યમલેન પુરાકૃતપુણ્યસુપુઞ્જલવેન વિભો વૈ
ત્વાં ભજતો મમ દેહિ દયાઘન હે હનુમન્ સ્વપદામ્બુજદાસ્યમ્ ॥ 2 ॥
સંસૃતિકૂપમનલ્પમઘોરનિદાઘનિદાનમજસ્રમશેષં
પ્રાપ્ય સુદુઃખસહસ્રભુજઙ્ગવિષૈકસમાકુલસર્વતનોર્મે ।
ઘોરમહાકૃપણાપદમેવ ગતસ્ય હરે પતિતસ્ય ભવાબ્ધૌ
ત્વાં ભજતો મમ દેહિ દયાઘન હે હનુમન્ સ્વપદામ્બુજદાસ્યમ્ ॥ 3 ॥
સંસૃતિસિન્ધુવિશાલકરાલમહાબલકાલઝષગ્રસનાર્તં
વ્યગ્રસમગ્રધિયં કૃપણં ચ મહામદનક્રસુચક્રહૃતાસુમ્ ।
કાલમહારસનોર્મિનિપીડિતમુદ્ધર દીનમનન્યગતિં માં
ત્વાં ભજતો મમ દેહિ દયાઘન હે હનુમન્ સ્વપદામ્બુજદાસ્યમ્ ॥ 4 ॥
સંસૃતિઘોરમહાગહને ચરતો મણિરઞ્જિતપુણ્યસુમૂર્તેઃ
મન્મથભીકરઘોરમહોગ્રમૃગપ્રવરાર્દિતગાત્રસુસન્ધેઃ ।
મત્સરતાપવિશેષનિપીડિતબાહ્યમતેશ્ચ કથં ચિદમેયં
ત્વાં ભજતો મમ દેહિ દયાઘન હે હનુમન્ સ્વપદામ્બુજદાસ્યમ્ ॥ 5 ॥
સંસૃતિવૃક્ષમનેકશતાઘનિદાનમનન્તવિકર્મસુશાખં
દુઃખફલં કરણાદિપલાશમનઙ્ગસુપુષ્પમચિન્ત્યસુમૂલમ્ ।
તં હ્યધિરુહ્ય હરે પતિતં શરણાગતમેવ વિમોચય મૂઢં
ત્વાં ભજતો મમ દેહિ દયાઘન હે હનુમન્ સ્વપદામ્બુજદાસ્યમ્ ॥ 6 ॥
સંસૃતિપન્નગવક્ત્રભયઙ્કરદંષ્ટ્રમહાવિષદગ્ધશરીરં
પ્રાણવિનિર્ગમભીતિસમાકુલમન્દમનાથમતીવ વિષણ્ણમ્ ।
મોહમહાકુહરે પતિતં દયયોદ્ધર મામજિતેન્દ્રિયકામં
ત્વાં ભજતો મમ દેહિ દયાઘન હે હનુમન્ સ્વપદામ્બુજદાસ્યમ્ ॥ 7 ॥
ઇન્દ્રિયનામકચોરગણૈર્હૃતતત્ત્વવિવેકમહાધનરાશિં
સંસૃતિજાલનિપાતિતમેવ મહાબલિભિશ્ચ વિખણ્ડિતકાયમ્ ।
ત્વત્પદપદ્મમનુત્તમમાશ્રિતમાશુ કપીશ્વર પાહિ કૃપાલો
ત્વાં ભજતો મમ દેહિ દયાઘન હે હનુમન્ સ્વપદામ્બુજદાસ્યમ્ ॥ 8 ॥
બ્રહ્મમરુદ્ગણરુદ્રમહેન્દ્રકિરીટસુકોટિલસત્પદપીઠં
દાશરથિં જપતિ ક્ષિતિમણ્ડલ એષ નિધાય સદૈવ હૃદબ્જે ।
તસ્ય હનૂમત એવ શિવઙ્કરમષ્ટકમેતદનિષ્ટહરં વૈ
યઃ સતતં હિ પઠેત્સ નરો લભતેઽચ્યુતરામપદાબ્જનિવાસમ્ ॥ 9 ॥
ઇતિ શ્રી મધુસૂદનાશ્રમ શિષ્યાઽચ્યુતવિરચિતં શ્રીમદ્દનુમદષ્ટકમ્ ।
Roman (IAST) Transliteration
śrīraghurājapadābjaniketana paṅkajalocana maṅgalarāśe
caṇḍamahābhujadaṇḍa surārivikhaṇḍanapaṇḍita pāhi dayālo |
pātakinaṃ ca samuddhara māṃ mahatāṃ hi satāmapi mānamudāraṃ
tvāṃ bhajato mama dehi dayāghana he hanuman svapadāmbujadāsyam || 1 ||
saṃsṛtitāpamahānaladagdhatanūruhamarmatanorativelaṃ
putradhanasvajanātmagṛhādiṣu saktamateratikilbiṣamūrteḥ |
kenacidapyamalena purākṛtapuṇyasupuñjalavena vibho vai
tvāṃ bhajato mama dehi dayāghana he hanuman svapadāmbujadāsyam || 2 ||
saṃsṛtikūpamanalpamaghoranidāghanidānamajasramaśeṣaṃ
prāpya suduḥkhasahasrabhujaṅgaviṣaikasamākulasarvatanorme |
ghoramahākṛpaṇāpadameva gatasya hare patitasya bhavābdhau
tvāṃ bhajato mama dehi dayāghana he hanuman svapadāmbujadāsyam || 3 ||
saṃsṛtisindhuviśālakarālamahābalakālajhaṣagrasanārtaṃ
vyagrasamagradhiyaṃ kṛpaṇaṃ ca mahāmadanakrasucakrahṛtāsum |
kālamahārasanorminipīḍitamuddhara dīnamananyagatiṃ māṃ
tvāṃ bhajato mama dehi dayāghana he hanuman svapadāmbujadāsyam || 4 ||
saṃsṛtighoramahāgahane carato maṇirañjitapuṇyasumūrteḥ
manmathabhīkaraghoramahogramṛgapravarārditagātrasusandheḥ |
matsaratāpaviśeṣanipīḍitabāhyamateśca kathaṃ cidameyaṃ
tvāṃ bhajato mama dehi dayāghana he hanuman svapadāmbujadāsyam || 5 ||
saṃsṛtivṛkṣamanekaśatāghanidānamanantavikarmasuśākhaṃ
duḥkhaphalaṃ karaṇādipalāśamanaṅgasupuṣpamacintyasumūlam |
taṃ hyadhiruhya hare patitaṃ śaraṇāgatameva vimocaya mūḍhaṃ
tvāṃ bhajato mama dehi dayāghana he hanuman svapadāmbujadāsyam || 6 ||
saṃsṛtipannagavaktrabhayaṅkaradaṃṣṭramahāviṣadagdhaśarīraṃ
prāṇavinirgamabhītisamākulamandamanāthamatīva viṣaṇṇam |
mohamahākuhare patitaṃ dayayoddhara māmajitendriyakāmaṃ
tvāṃ bhajato mama dehi dayāghana he hanuman svapadāmbujadāsyam || 7 ||
indriyanāmakacoragaṇairhṛtatattvavivekamahādhanarāśiṃ
saṃsṛtijālanipātitameva mahābalibhiśca vikhaṇḍitakāyam |
tvatpadapadmamanuttamamāśritamāśu kapīśvara pāhi kṛpālo
tvāṃ bhajato mama dehi dayāghana he hanuman svapadāmbujadāsyam || 8 ||
brahmamarudgaṇarudramahendrakirīṭasukoṭilasatpadapīṭhaṃ
dāśarathiṃ japati kṣitimaṇḍala eṣa nidhāya sadaiva hṛdabje |
tasya hanūmata eva śivaṅkaramaṣṭakametadaniṣṭaharaṃ vai
yaḥ satataṃ hi paṭhetsa naro labhate'cyutarāmapadābjanivāsam || 9 ||
iti śrī madhusūdanāśrama śiṣyā'cyutaviracitaṃ śrīmaddanumadaṣṭakam |
InfoLyter.in — Sacred Vedic Knowledge Portal · Free forever