📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ચન્દ્રશેખરાષ્ટકમ્
Chandrashekharashtakam
Chandra Ashtakam Gujarati
ચન્દ્રશેખર ચન્દ્રશેખર ચન્દ્રશેખર પાહિમામ્ ।
ચન્દ્રશેખર ચન્દ્રશેખર ચન્દ્રશેખર રક્ષમામ્ ॥ (2)
રત્નસાનુ શરાસનં રજતાદ્રિ શૃઙ્ગ નિકેતનં
શિઞ્જિનીકૃત પન્નગેશ્વર મચ્યુતાનલ સાયકમ્ ।
ક્ષિપ્રદગ્દ પુરત્રયં ત્રિદશાલયૈ-રભિવન્દિતં
ચન્દ્રશેખરમાશ્રયે મમ કિં કરિષ્યતિ વૈ યમઃ ॥ 1 ॥
પઞ્ચપાદપ પુષ્પગન્ધ પદામ્બુજ દ્વયશોભિતં
ફાલલોચન જાતપાવક દગ્ધ મન્મધ વિગ્રહમ્ ।
ભસ્મદિગ્ધ કલેબરં ભવનાશનં ભવ મવ્યયં
ચન્દ્રશેખર ચન્દ્રશેખર ચન્દ્રશેખર રક્ષમામ્ ॥ 2 ॥
મત્તવારણ મુખ્યચર્મ કૃતોત્તરીય મનોહરં
પઙ્કજાસન પદ્મલોચન પૂજિતાઙ્ઘ્રિ સરોરુહમ્ ।
દેવ સિન્ધુ તરઙ્ગ શ્રીકર સિક્ત શુભ્ર જટાધરં
ચન્દ્રશેખર ચન્દ્રશેખર ચન્દ્રશેખર પાહિમામ્ ॥ 3 ॥
યક્ષ રાજસખં ભગાક્ષ હરં ભુજઙ્ગ વિભૂષણમ્
શૈલરાજ સુતા પરિષ્કૃત ચારુવામ કલેબરમ્ ।
ક્ષેલ નીલગલં પરશ્વધ ધારિણં મૃગધારિણમ્
ચન્દ્રશેખર ચન્દ્રશેખર ચન્દ્રશેખર પાહિમામ્ ॥ 4 ॥
કુણ્ડલીકૃત કુણ્ડલીશ્વર કુણ્ડલં વૃષવાહનં
નારદાદિ મુનીશ્વર સ્તુતવૈભવં ભુવનેશ્વરમ્ ।
અન્ધકાન્તક માશ્રિતામર પાદપં શમનાન્તકં
ચન્દ્રશેખર ચન્દ્રશેખર ચન્દ્રશેખર રક્ષમામ્ ॥ 5 ॥
ભેષજં ભવરોગિણા મખિલાપદા મપહારિણં
દક્ષયજ્ઞ વિનાશનં ત્રિગુણાત્મકં ત્રિવિલોચનમ્ ।
ભક્તિ મુક્તિ ફલપ્રદં સકલાઘ સઙ્ઘ નિબર્હણં
ચન્દ્રશેખર ચન્દ્રશેખર ચન્દ્રશેખર રક્ષમામ્ ॥ 6 ॥
ભક્તવત્સલ-મર્ચિતં નિધિમક્ષયં હરિદમ્બરં
સર્વભૂત પતિં પરાત્પર-મપ્રમેય મનુત્તમમ્ ।
સોમવારિન ભૂહુતાશન સોમ પાદ્યખિલાકૃતિં
ચન્દ્રશેખર ચન્દ્રશેખર ચન્દ્રશેખર પાહિમામ્ ॥ 7 ॥
વિશ્વસૃષ્ટિ વિધાયકં પુનરેવપાલન તત્પરં
સંહરં તમપિ પ્રપઞ્ચ મશેષલોક નિવાસિનમ્ ।
ક્રીડયન્ત મહર્નિશં ગણનાથ યૂથ સમન્વિતં
ચન્દ્રશેખર ચન્દ્રશેખર ચન્દ્રશેખર રક્ષમામ્ ॥ 8 ॥
મૃત્યુભીત મૃકણ્ડુસૂનુકૃતસ્તવં શિવસન્નિધૌ
યત્ર કુત્ર ચ યઃ પઠેન્ન હિ તસ્ય મૃત્યુભયં ભવેત્ ।
પૂર્ણમાયુરરોગતામખિલાર્થસમ્પદમાદરં
ચન્દ્રશેખર એવ તસ્ય દદાતિ મુક્તિમયત્નતઃ ॥ 9 ॥
Roman (IAST) Transliteration
candraśekhara candraśekhara candraśekhara pāhimām |
candraśekhara candraśekhara candraśekhara rakṣamām || (2)
ratnasānu śarāsanaṃ rajatādri śṛṅga niketanaṃ
śiñjinīkṛta pannageśvara macyutānala sāyakam |
kṣipradagda puratrayaṃ tridaśālayai-rabhivanditaṃ
candraśekharamāśraye mama kiṃ kariṣyati vai yamaḥ || 1 ||
pañcapādapa puṣpagandha padāmbuja dvayaśobhitaṃ
phālalocana jātapāvaka dagdha manmadha vigraham |
bhasmadigdha kalebaraṃ bhavanāśanaṃ bhava mavyayaṃ
candraśekhara candraśekhara candraśekhara rakṣamām || 2 ||
mattavāraṇa mukhyacarma kṛtottarīya manoharaṃ
paṅkajāsana padmalocana pūjitāṅghri saroruham |
deva sindhu taraṅga śrīkara sikta śubhra jaṭādharaṃ
candraśekhara candraśekhara candraśekhara pāhimām || 3 ||
yakṣa rājasakhaṃ bhagākṣa haraṃ bhujaṅga vibhūṣaṇam
śailarāja sutā pariṣkṛta cāruvāma kalebaram |
kṣela nīlagalaṃ paraśvadha dhāriṇaṃ mṛgadhāriṇam
candraśekhara candraśekhara candraśekhara pāhimām || 4 ||
kuṇḍalīkṛta kuṇḍalīśvara kuṇḍalaṃ vṛṣavāhanaṃ
nāradādi munīśvara stutavaibhavaṃ bhuvaneśvaram |
andhakāntaka māśritāmara pādapaṃ śamanāntakaṃ
candraśekhara candraśekhara candraśekhara rakṣamām || 5 ||
bheṣajaṃ bhavarogiṇā makhilāpadā mapahāriṇaṃ
dakṣayajña vināśanaṃ triguṇātmakaṃ trivilocanam |
bhakti mukti phalapradaṃ sakalāgha saṅgha nibarhaṇaṃ
candraśekhara candraśekhara candraśekhara rakṣamām || 6 ||
bhaktavatsala-marcitaṃ nidhimakṣayaṃ haridambaraṃ
sarvabhūta patiṃ parātpara-maprameya manuttamam |
somavārina bhūhutāśana soma pādyakhilākṛtiṃ
candraśekhara candraśekhara candraśekhara pāhimām || 7 ||
viśvasṛṣṭi vidhāyakaṃ punarevapālana tatparaṃ
saṃharaṃ tamapi prapañca maśeṣaloka nivāsinam |
krīḍayanta maharniśaṃ gaṇanātha yūtha samanvitaṃ
candraśekhara candraśekhara candraśekhara rakṣamām || 8 ||
mṛtyubhīta mṛkaṇḍusūnukṛtastavaṃ śivasannidhau
yatra kutra ca yaḥ paṭhenna hi tasya mṛtyubhayaṃ bhavet |
pūrṇamāyurarogatāmakhilārthasampadamādaraṃ
candraśekhara eva tasya dadāti muktimayatnataḥ || 9 ||
InfoLyter.in — Sacred Vedic Knowledge Portal · Free forever