Shrimadbhagavadgita Parayana - Dhyanashlokah

ॐ

શ્રીમદ્ભગવદ્ગીતા પારાયણ - ધ્યાનશ્લોકાઃ

Gita Vyasa Gujarati

ૐ શ્રી પરમાત્મને નમઃ

અથ ગીતા ધ્યાન શ્લોકાઃ

ૐ પાર્થાય પ્રતિબોધિતાં ભગવતા નારાયણેન સ્વયં

વ્યાસેન ગ્રથિતાં પુરાણમુનિના મધ્યે મહાભારતમ્ ।

અદ્વૈતામૃતવર્ષિણીં ભગવતીં અષ્ટાદશાધ્યાયિનીં

અમ્બ ત્વાં અનુસન્દધામિ ભગવદ્ગીતે ભવદ્વેષિણીમ્ ॥

નમોઽસ્તુતે વ્યાસ વિશાલબુદ્ધે ફુલ્લારવિન્દાયતપત્રનેત્ર ।

યેન ત્વયા ભારત તૈલપૂર્ણઃ પ્રજ્વાલિતો જ્ઞાનમયઃ પ્રદીપઃ॥

પ્રપન્નપારિજાતાય તોત્રવેત્રૈકપાણયે ।

જ્ઞાનમુદ્રાય કૃષ્ણાય ગીતામૃતદુહે નમઃ ॥

વસુદેવસુતં દેવં કંસચાણૂરમર્દનમ્ ।

દેવકીપરમાનન્દં કૃષ્ણં વન્દે જગદ્ગુરુમ્ ॥

ભીષ્મદ્રોણતટા જયદ્રથજલા ગાન્ધારનીલોત્પલા

શલ્યગ્રાહવતી કૃપેણ વહની કર્ણેન વેલાકુલા ।

અશ્વત્થામવિકર્ણઘોરમકરા દુર્યોધનાવર્તિની

સોત્તીર્ણા ખલુ પાણ્ડવૈ રણનદી કૈવર્તકઃ કેશવઃ ॥

પારાશર્યવચઃ સરોજમમલં ગીતાર્થગન્ધોત્કટં

નાનાખ્યાનકકેસરં હરિકથા સમ્બોધનાબોધિતમ્ ।

લોકે સજ્જનષટ્પદૈરહરહઃ પેપીયમાનં મુદા

ભૂયાદ્ભારતપઙ્કજં કલિમલં પ્રધ્વંસિનઃ શ્રેયસે ॥

મૂકં કરોતિ વાચાલં પઙ્ગું લઙ્ઘયતે ગિરિમ્ ।

યત્કૃપા તમહં વન્દે પરમાનન્દમાધવમ્ ॥

શાન્તાકારં ભુજગશયનં પદ્મનાભં સુરેશં

વિશ્વાધારં ગગનસદૃશં મેઘવર્ણં શુભાઙ્ગમ્ ।

લક્ષ્મીકાન્તં કમલનયનં યોગિહૃદ્ધ્યાનગમ્યં

વન્દે વિષ્ણું ભવભયહરં સર્વ લોકૈકનાથમ્ ॥

યં બ્રહ્માવરુણેન્દ્રરુદ્રમરુતઃ સ્તુન્વન્તિ દિવ્યૈઃ સ્તવૈઃ

વેદૈઃ સાઙ્ગપદક્રમોપનિષદૈઃ ગાયન્તિ યં સામગાઃ ।

ધ્યાનાવસ્થિત તદ્ગતેન મનસા પશ્યન્તિ યં યોગિનઃ

યસ્યાન્તં ન વિદુસ્સુરાસુરગણાઃ દેવાય તસ્મૈ નમઃ ॥

નારાયણં નમસ્કૃત્ય નરઞ્ચૈવ નરોત્તમમ્ ।

દેવીં સરસ્વતીં વ્યાસં તતો જયમુદીરયેત્ ॥

સચ્ચિદાનન્દરૂપાય કૃષ્ણાયાક્લિષ્ટકારિણે ।

નમો વેદાન્તવેદ્યાય ગુરવે બુદ્ધિસાક્ષિણે॥

સર્વોપનિષદો ગાવઃ દોગ્ધા ગોપાલનન્દનઃ ।

પાર્થો વત્સઃ સુધીર્ભોક્તા દુગ્ધં ગીતામૃતં મહત્ ॥

ગીતાશાસ્ત્રમિદં પુણ્યં યઃ પઠેત્ પ્રયતઃ પુમાન્ ।

વિષ્ણોઃ પદમવાપ્નોતિ ભયશોકાદિ વર્જિતઃ ॥

એકં શાસ્ત્રં દેવકીપુત્રગીતં એકો દેવો દેવકીપુત્ર એવ ।

એકો મન્ત્રસ્તસ્ય નામાનિ યાનિ કર્માપ્યેકં તસ્ય દેવસ્ય સેવા ॥

॥ ૐ શ્રી કૃષ્ણાય પરમાત્મને નમઃ ॥

Roman (IAST) Transliteration

oṃ śrī paramātmane namaḥ

atha gītā dhyāna ślokāḥ

oṃ pārthāya pratibodhitāṃ bhagavatā nārāyaṇena svayaṃ

vyāsena grathitāṃ purāṇamuninā madhye mahābhāratam |

advaitāmṛtavarṣiṇīṃ bhagavatīṃ aṣṭādaśādhyāyinīṃ

amba tvāṃ anusandadhāmi bhagavadgīte bhavadveṣiṇīm ||

namo'stute vyāsa viśālabuddhe phullāravindāyatapatranetra |

yena tvayā bhārata tailapūrṇaḥ prajvālito jñānamayaḥ pradīpaḥ||

prapannapārijātāya totravetraikapāṇaye |

jñānamudrāya kṛṣṇāya gītāmṛtaduhe namaḥ ||

vasudevasutaṃ devaṃ kaṃsacāṇūramardanam |

devakīparamānandaṃ kṛṣṇaṃ vande jagadgurum ||

bhīṣmadroṇataṭā jayadrathajalā gāndhāranīlotpalā

śalyagrāhavatī kṛpeṇa vahanī karṇena velākulā |

aśvatthāmavikarṇaghoramakarā duryodhanāvartinī

sottīrṇā khalu pāṇḍavai raṇanadī kaivartakaḥ keśavaḥ ||

pārāśaryavacaḥ sarojamamalaṃ gītārthagandhotkaṭaṃ

nānākhyānakakesaraṃ harikathā sambodhanābodhitam |

loke sajjanaṣaṭpadairaharahaḥ pepīyamānaṃ mudā

bhūyādbhāratapaṅkajaṃ kalimalaṃ pradhvaṃsinaḥ śreyase ||

mūkaṃ karoti vācālaṃ paṅguṃ laṅghayate girim |

yatkṛpā tamahaṃ vande paramānandamādhavam ||

śāntākāraṃ bhujagaśayanaṃ padmanābhaṃ sureśaṃ

viśvādhāraṃ gaganasadṛśaṃ meghavarṇaṃ śubhāṅgam |

lakṣmīkāntaṃ kamalanayanaṃ yogihṛddhyānagamyaṃ

vande viṣṇuṃ bhavabhayaharaṃ sarva lokaikanātham ||

yaṃ brahmāvaruṇendrarudramarutaḥ stunvanti divyaiḥ stavaiḥ

vedaiḥ sāṅgapadakramopaniṣadaiḥ gāyanti yaṃ sāmagāḥ |

dhyānāvasthita tadgatena manasā paśyanti yaṃ yoginaḥ

yasyāntaṃ na vidussurāsuragaṇāḥ devāya tasmai namaḥ ||

nārāyaṇaṃ namaskṛtya narañcaiva narottamam |

devīṃ sarasvatīṃ vyāsaṃ tato jayamudīrayet ||

saccidānandarūpāya kṛṣṇāyākliṣṭakāriṇe |

namo vedāntavedyāya gurave buddhisākṣiṇe||

sarvopaniṣado gāvaḥ dogdhā gopālanandanaḥ |

pārtho vatsaḥ sudhīrbhoktā dugdhaṃ gītāmṛtaṃ mahat ||

gītāśāstramidaṃ puṇyaṃ yaḥ paṭhet prayataḥ pumān |

viṣṇoḥ padamavāpnoti bhayaśokādi varjitaḥ ||

ekaṃ śāstraṃ devakīputragītaṃ eko devo devakīputra eva |

eko mantrastasya nāmāni yāni karmāpyekaṃ tasya devasya sevā ||

|| oṃ śrī kṛṣṇāya paramātmane namaḥ ||