Ashtavakra Gita Saptamo'dhyayah

ॐ

અષ્ટાવક્ર ગીતા સપ્તમોઽધ્યાયઃ

Gita Gujarati

જનક ઉવાચ ॥

મય્યનન્તમહામ્ભોધૌ વિશ્વપોત ઇતસ્તતઃ ।

ભ્રમતિ સ્વાન્તવાતેન ન મમાસ્ત્યસહિષ્ણુતા ॥ 7-1॥

મય્યનન્તમહામ્ભોધૌ જગદ્વીચિઃ સ્વભાવતઃ ।

ઉદેતુ વાસ્તમાયાતુ ન મે વૃદ્ધિર્ન ચ ક્ષતિઃ ॥ 7-2॥

મય્યનન્તમહામ્ભોધૌ વિશ્વં નામ વિકલ્પના ।

અતિશાન્તો નિરાકાર એતદેવાહમાસ્થિતઃ ॥ 7-3॥

નાત્મા ભાવેષુ નો ભાવસ્તત્રાનન્તે નિરઞ્જને ।

ઇત્યસક્તોઽસ્પૃહઃ શાન્ત એતદેવાહમાસ્થિતઃ ॥ 7-4॥

અહો ચિન્માત્રમેવાહમિન્દ્રજાલોપમં જગત્ ।

ઇતિ મમ કથં કુત્ર હેયોપાદેયકલ્પના ॥ 7-5॥

Roman (IAST) Transliteration

janaka uvāca ||

mayyanantamahāmbhodhau viśvapota itastataḥ |

bhramati svāntavātena na mamāstyasahiṣṇutā || 7-1||

mayyanantamahāmbhodhau jagadvīciḥ svabhāvataḥ |

udetu vāstamāyātu na me vṛddhirna ca kṣatiḥ || 7-2||

mayyanantamahāmbhodhau viśvaṃ nāma vikalpanā |

atiśānto nirākāra etadevāhamāsthitaḥ || 7-3||

nātmā bhāveṣu no bhāvastatrānante nirañjane |

ityasakto'spṛhaḥ śānta etadevāhamāsthitaḥ || 7-4||

aho cinmātramevāhamindrajālopamaṃ jagat |

iti mama kathaṃ kutra heyopādeyakalpanā || 7-5||