Ashtavakra Gita Dvadasho'dhyayah

ॐ

અષ્ટાવક્ર ગીતા દ્વાદશોઽધ્યાયઃ

Gita Gujarati

જનક ઉવાચ ॥

કાયકૃત્યાસહઃ પૂર્વં તતો વાગ્વિસ્તરાસહઃ ।

અથ ચિન્તાસહસ્તસ્માદ્ એવમેવાહમાસ્થિતઃ ॥ 12-1॥

પ્રીત્યભાવેન શબ્દાદેરદૃશ્યત્વેન ચાત્મનઃ ।

વિક્ષેપૈકાગ્રહૃદય એવમેવાહમાસ્થિતઃ ॥ 12-2॥

સમાધ્યાસાદિવિક્ષિપ્તૌ વ્યવહારઃ સમાધયે ।

એવં વિલોક્ય નિયમમેવમેવાહમાસ્થિતઃ ॥ 12-3॥

હેયોપાદેયવિરહાદ્ એવં હર્ષવિષાદયોઃ ।

અભાવાદદ્ય હે બ્રહ્મન્ન્ એવમેવાહમાસ્થિતઃ ॥ 12-4॥

આશ્રમાનાશ્રમં ધ્યાનં ચિત્તસ્વીકૃતવર્જનમ્ ।

વિકલ્પં મમ વીક્ષ્યૈતૈરેવમેવાહમાસ્થિતઃ ॥ 12-5॥

કર્માનુષ્ઠાનમજ્ઞાનાદ્ યથૈવોપરમસ્તથા ।

બુધ્વા સમ્યગિદં તત્ત્વમેવમેવાહમાસ્થિતઃ ॥ 12-6॥

અચિન્ત્યં ચિન્ત્યમાનોઽપિ ચિન્તારૂપં ભજત્યસૌ ।

ત્યક્ત્વા તદ્ભાવનં તસ્માદ્ એવમેવાહમાસ્થિતઃ ॥ 12-7॥

એવમેવ કૃતં યેન સ કૃતાર્થો ભવેદસૌ ।

એવમેવ સ્વભાવો યઃ સ કૃતાર્થો ભવેદસૌ ॥ 12-8॥

Roman (IAST) Transliteration

janaka uvāca ||

kāyakṛtyāsahaḥ pūrvaṃ tato vāgvistarāsahaḥ |

atha cintāsahastasmād evamevāhamāsthitaḥ || 12-1||

prītyabhāvena śabdāderadṛśyatvena cātmanaḥ |

vikṣepaikāgrahṛdaya evamevāhamāsthitaḥ || 12-2||

samādhyāsādivikṣiptau vyavahāraḥ samādhaye |

evaṃ vilokya niyamamevamevāhamāsthitaḥ || 12-3||

heyopādeyavirahād evaṃ harṣaviṣādayoḥ |

abhāvādadya he brahmann evamevāhamāsthitaḥ || 12-4||

āśramānāśramaṃ dhyānaṃ cittasvīkṛtavarjanam |

vikalpaṃ mama vīkṣyaitairevamevāhamāsthitaḥ || 12-5||

karmānuṣṭhānamajñānād yathaivoparamastathā |

budhvā samyagidaṃ tattvamevamevāhamāsthitaḥ || 12-6||

acintyaṃ cintyamāno'pi cintārūpaṃ bhajatyasau |

tyaktvā tadbhāvanaṃ tasmād evamevāhamāsthitaḥ || 12-7||

evameva kṛtaṃ yena sa kṛtārtho bhavedasau |

evameva svabhāvo yaḥ sa kṛtārtho bhavedasau || 12-8||