Ashtavakra Gita Dashamo'dhyayah

ॐ

અષ્ટાવક્ર ગીતા દશમોઽધ્યાયઃ

Gita Gujarati

અષ્ટાવક્ર ઉવાચ ॥

વિહાય વૈરિણં કામમર્થં ચાનર્થસઙ્કુલમ્ ।

ધર્મમપ્યેતયોર્હેતું સર્વત્રાનાદરં કુરુ ॥ 10-1॥

સ્વપ્નેન્દ્રજાલવત્ પશ્ય દિનાનિ ત્રીણિ પઞ્ચ વા ।

મિત્રક્ષેત્રધનાગારદારદાયાદિસમ્પદઃ ॥ 10-2॥

યત્ર યત્ર ભવેત્તૃષ્ણા સંસારં વિદ્ધિ તત્ર વૈ ।

પ્રૌઢવૈરાગ્યમાશ્રિત્ય વીતતૃષ્ણઃ સુખી ભવ ॥ 10-3॥

તૃષ્ણામાત્રાત્મકો બન્ધસ્તન્નાશો મોક્ષ ઉચ્યતે ।

ભવાસંસક્તિમાત્રેણ પ્રાપ્તિતુષ્ટિર્મુહુર્મુહુઃ ॥ 10-4॥

ત્વમેકશ્ચેતનઃ શુદ્ધો જડં વિશ્વમસત્તથા ।

અવિદ્યાપિ ન કિઞ્ચિત્સા કા બુભુત્સા તથાપિ તે ॥ 10-5॥

રાજ્યં સુતાઃ કલત્રાણિ શરીરાણિ સુખાનિ ચ ।

સંસક્તસ્યાપિ નષ્ટાનિ તવ જન્મનિ જન્મનિ ॥ 10-6॥

અલમર્થેન કામેન સુકૃતેનાપિ કર્મણા ।

એભ્યઃ સંસારકાન્તારે ન વિશ્રાન્તમભૂન્ મનઃ ॥ 10-7॥

કૃતં ન કતિ જન્માનિ કાયેન મનસા ગિરા ।

દુઃખમાયાસદં કર્મ તદદ્યાપ્યુપરમ્યતામ્ ॥ 10-8॥

Roman (IAST) Transliteration

aṣṭāvakra uvāca ||

vihāya vairiṇaṃ kāmamarthaṃ cānarthasaṅkulam |

dharmamapyetayorhetuṃ sarvatrānādaraṃ kuru || 10-1||

svapnendrajālavat paśya dināni trīṇi pañca vā |

mitrakṣetradhanāgāradāradāyādisampadaḥ || 10-2||

yatra yatra bhavettṛṣṇā saṃsāraṃ viddhi tatra vai |

prauḍhavairāgyamāśritya vītatṛṣṇaḥ sukhī bhava || 10-3||

tṛṣṇāmātrātmako bandhastannāśo mokṣa ucyate |

bhavāsaṃsaktimātreṇa prāptituṣṭirmuhurmuhuḥ || 10-4||

tvamekaścetanaḥ śuddho jaḍaṃ viśvamasattathā |

avidyāpi na kiñcitsā kā bubhutsā tathāpi te || 10-5||

rājyaṃ sutāḥ kalatrāṇi śarīrāṇi sukhāni ca |

saṃsaktasyāpi naṣṭāni tava janmani janmani || 10-6||

alamarthena kāmena sukṛtenāpi karmaṇā |

ebhyaḥ saṃsārakāntāre na viśrāntamabhūn manaḥ || 10-7||

kṛtaṃ na kati janmāni kāyena manasā girā |

duḥkhamāyāsadaṃ karma tadadyāpyuparamyatām || 10-8||