📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
અર્જુન કૃત શ્રી દુર્ગા સ્તોત્રમ્
Arjuna Krita Shri Durga Stotram
Durga Stotram Gujarati
અર્જુન ઉવાચ ।
નમસ્તે સિદ્ધસેનાનિ આર્યે મન્દરવાસિનિ ।
કુમારિ કાલિ કાપાલિ કપિલે કૃષ્ણપિઙ્ગલે ॥ 1 ॥
ભદ્રકાલિ નમસ્તુભ્યં મહાકાલિ નમોઽસ્તુ તે ।
ચણ્ડિ ચણ્ડે નમસ્તુભ્યં તારિણિ વરવર્ણિનિ ॥ 2 ॥
કાત્યાયનિ મહાભાગે કરાલિ વિજયે જયે ।
શિખિપિઞ્છધ્વજધરે નાનાભરણભૂષિતે ॥ 3 ॥
અટ્ટશૂલપ્રહરણે ખડ્ગખેટકધારિણિ ।
ગોપેન્દ્રસ્યાનુજે જ્યેષ્ઠે નન્દગોપકુલોદ્ભવે ॥ 4 ॥
મહિષાસૃક્પ્રિયે નિત્યં કૌશિકિ પીતવાસિનિ ।
અટ્ટહાસે કોકમુખે નમસ્તેઽસ્તુ રણપ્રિયે ॥ 5 ॥
ઉમે શાકમ્ભરિ શ્વેતે કૃષ્ણે કૈટભનાશિનિ ।
હિરણ્યાક્ષિ વિરૂપાક્ષિ સુધૂમ્રાક્ષિ નમોઽસ્તુ તે ॥ 6 ॥
વેદશ્રુતિમહાપુણ્યે બ્રહ્મણ્યે જાતવેદસિ ।
જમ્બૂકટકચૈત્યેષુ નિત્યં સન્નિહિતાલયે ॥ 7 ॥
ત્વં બ્રહ્મવિદ્યા વિદ્યાનાં મહાનિદ્રા ચ દેહિનામ્ ।
સ્કન્દમાતર્ભગવતિ દુર્ગે કાન્તારવાસિનિ ॥ 8 ॥
સ્વાહાકારઃ સ્વધા ચૈવ કલા કાષ્ઠા સરસ્વતી ।
સાવિત્રી વેદમાતા ચ તથા વેદાન્ત ઉચ્યતે ॥ 9 ॥
કાન્તારભયદુર્ગેષુ ભક્તાનાં ચાલયેષુ ચ ।
નિત્યં વસસિ પાતાલે યુદ્ધે જયસિ દાનવાન્ ॥ 10 ॥
ત્વં જમ્ભની મોહિની ચ માયા હ્રીઃ શ્રીસ્તથૈવ ચ ।
સન્ધ્યા પ્રભાવતી ચૈવ સાવિત્રી જનની તથા ॥ 11 ॥
તુષ્ટિઃ પુષ્ટિર્ધૃતિર્દીપ્તિશ્ચન્દ્રાદિત્યવિવર્ધિની ।
ભૂતિર્ભૂતિમતાં સઙ્ખ્યે વીક્ષ્યસે સિદ્ધચારણૈઃ ॥ 12 ॥
સ્તુતાસિ ત્વં મહાદેવિ વિશુદ્ધેનાન્તરાત્મના ।
જયો ભવતુ મે નિત્યં ત્વત્પ્રસાદાદ્રણાજિરે ॥ 13 ॥
ઇતિ શ્રીમન્મહાભારતે ભીષ્મપર્વણિ ત્રયોવિંશોઽધ્યાયે અર્જુન કૃત શ્રી દુર્ગા સ્તોત્રમ્ ।
Roman (IAST) Transliteration
arjuna uvāca |
namaste siddhasenāni ārye mandaravāsini |
kumāri kāli kāpāli kapile kṛṣṇapiṅgale || 1 ||
bhadrakāli namastubhyaṃ mahākāli namo'stu te |
caṇḍi caṇḍe namastubhyaṃ tāriṇi varavarṇini || 2 ||
kātyāyani mahābhāge karāli vijaye jaye |
śikhipiñchadhvajadhare nānābharaṇabhūṣite || 3 ||
aṭṭaśūlapraharaṇe khaḍgakheṭakadhāriṇi |
gopendrasyānuje jyeṣṭhe nandagopakulodbhave || 4 ||
mahiṣāsṛkpriye nityaṃ kauśiki pītavāsini |
aṭṭahāse kokamukhe namaste'stu raṇapriye || 5 ||
ume śākambhari śvete kṛṣṇe kaiṭabhanāśini |
hiraṇyākṣi virūpākṣi sudhūmrākṣi namo'stu te || 6 ||
vedaśrutimahāpuṇye brahmaṇye jātavedasi |
jambūkaṭakacaityeṣu nityaṃ sannihitālaye || 7 ||
tvaṃ brahmavidyā vidyānāṃ mahānidrā ca dehinām |
skandamātarbhagavati durge kāntāravāsini || 8 ||
svāhākāraḥ svadhā caiva kalā kāṣṭhā sarasvatī |
sāvitrī vedamātā ca tathā vedānta ucyate || 9 ||
kāntārabhayadurgeṣu bhaktānāṃ cālayeṣu ca |
nityaṃ vasasi pātāle yuddhe jayasi dānavān || 10 ||
tvaṃ jambhanī mohinī ca māyā hrīḥ śrīstathaiva ca |
sandhyā prabhāvatī caiva sāvitrī jananī tathā || 11 ||
tuṣṭiḥ puṣṭirdhṛtirdīptiścandrādityavivardhinī |
bhūtirbhūtimatāṃ saṅkhye vīkṣyase siddhacāraṇaiḥ || 12 ||
stutāsi tvaṃ mahādevi viśuddhenāntarātmanā |
jayo bhavatu me nityaṃ tvatprasādādraṇājire || 13 ||
iti śrīmanmahābhārate bhīṣmaparvaṇi trayoviṃśo'dhyāye arjuna kṛta śrī durgā stotram |
InfoLyter.in — Sacred Vedic Knowledge Portal · Free forever