Aparadha Kshamapana Stotram

ॐ

અપરાધ ક્ષમાપણ સ્તોત્રમ્

Radha Stotram Adi Shankaracharya Gujarati

અપરાધસહસ્રાણિ ક્રિયન્તેઽહર્નિશં મયા ।

દાસોઽયમિતિ માં મત્વા ક્ષમસ્વ પરમેશ્વરિ ॥ 1 ॥

આવાહનં ન જાનામિ ન જાનામિ વિસર્જનમ્ ।

પૂજાં ચૈવ ન જાનામિ ક્ષમ્યતાં પરમેશ્વરિ ॥ 2 ॥

મન્ત્રહીનં ક્રિયાહીનં ભક્તિહીનં સુરેશ્વરિ ।

યત્પૂજિતં મયા દેવિ પરિપૂર્ણં તદસ્તુ મે ॥ 3 ॥

અપરાધશતં કૃત્વા જગદમ્બેતિ ચોચ્ચરેત્ ।

યાં ગતિં સમવાપ્નોતિ ન તાં બ્રહ્માદયઃ સુરાઃ ॥ 4 ॥

સાપરાધોઽસ્મિ શરણં પ્રાપ્તસ્ત્વાં જગદમ્બિકે ।

ઇદાનીમનુકમ્પ્યોઽહં યથેચ્છસિ તથા કુરુ ॥ 5 ॥

અજ્ઞાનાદ્વિસ્મૃતેર્ભ્રાન્ત્યા યન્ન્યૂનમધિકં કૃતમ્ ।

વિપરીતં ચ તત્સર્વં ક્ષમસ્વ પરમેશ્વરિ ॥ 6 ॥

કામેશ્વરિ જગન્માતઃ સચ્ચિદાનન્દવિગ્રહે ।

ગૃહાણાર્ચામિમાં પ્રીત્યા પ્રસીદ પરમેશ્વરિ ॥ 7 ॥

યદક્ષરપદભ્રષ્ટં માત્રાહીનં ચ યદ્ભવેત્ ।

તત્સર્વં ક્ષમ્યતાં દેવિ પ્રસીદ પરમેશ્વરિ ॥ 8 ॥

ગુહ્યાતિગુહ્યગોપ્ત્રી ત્વં ગૃહાણાસ્મત્કૃતં જપમ્ ।

સિદ્ધિર્ભવતુ મે દેવિ ત્વત્પ્રસાદાન્મહેશ્વરિ ॥ 9 ॥

સર્વરૂપમયી દેવી સર્વં દેવીમયં જગત્ ।

અતોઽહં વિશ્વરૂપાં ત્વાં નમામિ પરમેશ્વરીમ્ ॥ 10 ॥

ઇતિ અપરાધક્ષમાપણસ્તોત્રં સમાપ્તમ્ ॥

Roman (IAST) Transliteration

aparādhasahasrāṇi kriyante'harniśaṃ mayā |

dāso'yamiti māṃ matvā kṣamasva parameśvari || 1 ||

āvāhanaṃ na jānāmi na jānāmi visarjanam |

pūjāṃ caiva na jānāmi kṣamyatāṃ parameśvari || 2 ||

mantrahīnaṃ kriyāhīnaṃ bhaktihīnaṃ sureśvari |

yatpūjitaṃ mayā devi paripūrṇaṃ tadastu me || 3 ||

aparādhaśataṃ kṛtvā jagadambeti coccaret |

yāṃ gatiṃ samavāpnoti na tāṃ brahmādayaḥ surāḥ || 4 ||

sāparādho'smi śaraṇaṃ prāptastvāṃ jagadambike |

idānīmanukampyo'haṃ yathecchasi tathā kuru || 5 ||

ajñānādvismṛterbhrāntyā yannyūnamadhikaṃ kṛtam |

viparītaṃ ca tatsarvaṃ kṣamasva parameśvari || 6 ||

kāmeśvari jaganmātaḥ saccidānandavigrahe |

gṛhāṇārcāmimāṃ prītyā prasīda parameśvari || 7 ||

yadakṣarapadabhraṣṭaṃ mātrāhīnaṃ ca yadbhavet |

tatsarvaṃ kṣamyatāṃ devi prasīda parameśvari || 8 ||

guhyātiguhyagoptrī tvaṃ gṛhāṇāsmatkṛtaṃ japam |

siddhirbhavatu me devi tvatprasādānmaheśvari || 9 ||

sarvarūpamayī devī sarvaṃ devīmayaṃ jagat |

ato'haṃ viśvarūpāṃ tvāṃ namāmi parameśvarīm || 10 ||

iti aparādhakṣamāpaṇastotraṃ samāptam ||