Angaraka Kavacham (kuja Kavacham)

ॐ

અઙ્ગારક કવચમ્ (કુજ કવચમ્)

Angaraka Kavacham Gujarati

અસ્ય શ્રી અઙ્ગારક કવચસ્ય, કશ્યપ ઋષીઃ, અનુષ્ટુપ્ ચન્દઃ, અઙ્ગારકો દેવતા, ભૌમ પ્રીત્યર્થે જપે વિનિયોગઃ ॥

ધ્યાનમ્

રક્તામ્બરો રક્તવપુઃ કિરીટી ચતુર્ભુજો મેષગમો ગદાભૃત્ ।

ધરાસુતઃ શક્તિધરશ્ચ શૂલી સદા મમ સ્યાદ્વરદઃ પ્રશાન્તઃ ॥

અથ અઙ્ગારક કવચમ્

અઙ્ગારકઃ શિરો રક્ષેત્ મુખં વૈ ધરણીસુતઃ ।

શ્રવૌ રક્તમ્બરઃ પાતુ નેત્રે મે રક્તલોચનઃ ॥ 1 ॥

નાસાં શક્તિધરઃ પાતુ મુખં મે રક્તલોચનઃ ।

ભુજૌ મે રક્તમાલી ચ હસ્તૌ શક્તિધરસ્તથા ॥2 ॥

વક્ષઃ પાતુ વરાઙ્ગશ્ચ હૃદયં પાતુ રોહિતઃ ।

કટિં મે ગ્રહરાજશ્ચ મુખં ચૈવ ધરાસુતઃ ॥ 3 ॥

જાનુજઙ્ઘે કુજઃ પાતુ પાદૌ ભક્તપ્રિયઃ સદા ।

સર્વાણ્યન્યાનિ ચાઙ્ગાનિ રક્ષેન્મે મેષવાહનઃ ॥ 4 ॥

ફલશ્રુતિઃ

ય ઇદં કવચં દિવ્યં સર્વશત્રુનિવારણમ્ ।

ભૂતપ્રેતપિશાચાનાં નાશનં સર્વસિદ્ધિદમ્ ॥

સર્વરોગહરં ચૈવ સર્વસમ્પત્પ્રદં શુભમ્ ।

ભુક્તિમુક્તિપ્રદં નૄણાં સર્વસૌભાગ્યવર્ધનમ્ ॥

રોગબન્ધવિમોક્ષં ચ સત્યમેતન્ન સંશયઃ ॥

॥ ઇતિ શ્રી માર્કણ્ડેયપુરાણે અઙ્ગારક કવચં સમ્પૂર્ણમ્ ॥

Roman (IAST) Transliteration

asya śrī aṅgāraka kavacasya, kaśyapa ṛṣīḥ, anuṣṭup candaḥ, aṅgārako devatā, bhauma prītyarthe jape viniyogaḥ ||

dhyānam

raktāmbaro raktavapuḥ kirīṭī caturbhujo meṣagamo gadābhṛt |

dharāsutaḥ śaktidharaśca śūlī sadā mama syādvaradaḥ praśāntaḥ ||

atha aṅgāraka kavacam

aṅgārakaḥ śiro rakṣet mukhaṃ vai dharaṇīsutaḥ |

śravau raktambaraḥ pātu netre me raktalocanaḥ || 1 ||

nāsāṃ śaktidharaḥ pātu mukhaṃ me raktalocanaḥ |

bhujau me raktamālī ca hastau śaktidharastathā ||2 ||

vakṣaḥ pātu varāṅgaśca hṛdayaṃ pātu rohitaḥ |

kaṭiṃ me graharājaśca mukhaṃ caiva dharāsutaḥ || 3 ||

jānujaṅghe kujaḥ pātu pādau bhaktapriyaḥ sadā |

sarvāṇyanyāni cāṅgāni rakṣenme meṣavāhanaḥ || 4 ||

phalaśrutiḥ

ya idaṃ kavacaṃ divyaṃ sarvaśatrunivāraṇam |

bhūtapretapiśācānāṃ nāśanaṃ sarvasiddhidam ||

sarvarogaharaṃ caiva sarvasampatpradaṃ śubham |

bhuktimuktipradaṃ nṝṇāṃ sarvasaubhāgyavardhanam ||

rogabandhavimokṣaṃ ca satyametanna saṃśayaḥ ||

|| iti śrī mārkaṇḍeyapurāṇe aṅgāraka kavacaṃ sampūrṇam ||